أزمة ربع العمر مرحلة انتقالية يمر بها جزء كبير من الجيل بتاعنا الهو جيل الألفية. الفترة دي مليانة صراعات داخلية ما بين تأدية مسؤوليتنا تجاه التوقعات المحطوطة علينا وأهدافنا الشخصية. الصراعات دي بتأثر على كل ناحية من حياتنا و بالرغم من إن ده وقت تكويني مهم ولكن مفيش كلام كفاية عليه. احنا ٣ اصحاب بنمر بالفترة دي حاليا، وقررنا نعمل كلام بود عشان نناقش مواقف وصعوبات إتعرضنا لها وبيتعرض لها ناس كتير خلال أزمة ربع العمر. في كل حلقة هنتكلم عن موضوع جديد له تأثير بطريقة أو بأخرى على حياتنا في الوقت ده. هدفنا أن نقدم للمستمعين وجهات نظر جديدة وأن نؤكد لكم إن الصعوبات دي انتو مش بتمروا بها لوحدكم.
Yasmin Khalafallah, Amy Nabih and Mariam Okasha
اتخضينا لما اكتشفنا ان احنا التلاتة ساعات بنتصرف بطريقة سلبية عدوانية واحنا مش واخدين بالنا. تابعونا في الحلقة دي الي بنتكلم فيها عن التصرف السلبي العدواني وازاي احنا بنتعامل معاه
في أول حلقة من السيزون الثاني من كلام بود بنتكلم مع صديقنا علي عفيفي عن ازاي الصداقات بتتطور مع الوقت و ازاي ممكن أصحابنا يأثروا علينا بطريقة إيجابية أو سلبية خلال فترات معينة في حياتنا.
كلنا بنحط لنفسنا أهداف عايزين نحققها عند سن معين. ساعات بنوصل للاهداف ده وساعات بنلاقي الوقت جري واحنا لسة في مكاننا. في الحلقة ده بنتكلم عن توقعاتنا لنفسنا قبل سن الثلاثين وازاي بنتعامل مع الضغط اللى بييجي مع دخولنا في الثلاثينات.
الأخوات ممكن يأثروا على نواحي كتير من حياتنا وتكويننا الشخصي. في الحلقة دي بنتكلم على تأثير الأخوات بذات في مرحلة أزمة ربع العمر و خصوصا لو انت الأخ/الأخت الكبير/ة. تابعونا في الحلقة دي المهداه لكل الأخوات.
في الحلقة دي ضيفتنا فريدة بتحكي لنا عن هي ليه مش عايزة تتجوز وايه ردود افعال الناس الي بتجيلها على الموضوع دا. كمان بنتكلم عن ليه ناس كتير شايفة الجواز جزء أساسي من الحياة و بنتخيل الحياة كواحدة مش .متجوزة ممكن يكون شكلها ايه
الأهل لهم دور مهم في تكوين شخصية اولادهم. ده غير انهم جزء كبير من الضغط بتاع أزمة ربع العمر. في الحلقة ده بنتكلم عن تأثير اهلنا على تطورنا في السنين التكوينية و بعض الضغوط البنتعرض لها منهم. و طبعاً بنذكر تأثيرهم الإيجابي علينا لحد النهاردة.
مع ضغط إن نلاقي شريك الحياة المناسب بييجي ضغط اننا نعرف الشخص ده علي أصحابنا. وللأسف ساعات احنا كأصحاب مش بيعجبنا الظبوط بتاع أصحابنا. إسمعونا وإحنا بنناقش ازاى بنتعامل مع موقف زي ده و ازاي بنواجه أصحابنا لما بنشوف ان الشخص الي هما معاه مش مناسب ليهم.
لو انت من الناس الى مرتبها بيخلص اول ما ينزل بس نفسك تحوش يبقى الحلقة دي علشانك. فيها بنتكلم على تعاملنا مع الفلوس احنا بنصرف في ايه وازاي ممكن نحوش شويه بشويه.
من ضغوطات أزمة ربع العمر إن الواحد يلاقي الشخص المناسب ليه.في الحلقة ده بنتكلم عن أحدث طريقة بنتعرف بها على ناس و هي الاونلاين ديتنغ. بناقش مميزاته و عيوبه و بنتعلم من خبرة مريم في المجال ده.
كتير مننا في صراع مستمر مع شكلنا او وزننا. علطول في حاجة مش عاجبانا او بنحاول نغير في حاجة. في الحلقة دي بنتكلم اكتر عن علاقتنا بشكلنا وازاي دا بيأثر على احنا شايفين نفسنا ازاى . يا ترى عمرنا هنتقبل نفسنا زي ما احنا؟
تقريباً كل ست أو بنت في مصر اتعرضت للتحرش أو الاعتداء الجنسي، ودي حاجة بتأثر على حياة و نفسية البنت بأسلوب سلبي. مع ظهور قصص التحرش و الاغتصاب في مصر في الأسبوع الفات وما تبع من نقاش مستجد، قرننا نسجل الحلقة دي عشان نتكلم فيها عن العنف والاعتداء الجنسي البتتعرضله المرأة المصرية ونناقش إيه ممكن يكون مصدر عنف زي ده و إيه النحب نشوفه في المستقبل عشان نحل المشكلة دي.
النجاح في الشغل، الدراسة أو حتى الصداقات والعلاقات بيشكل ضغط من الضغوط التي تواجهنا في العشرينات وكتير بتؤدي لأزمة ربع العمر. في الحلقة دي بنتكلم عن هو ايه النجاح وايه الي شكل مفهومنا عنه. كمان بنشوف ازاي مفهومنا عن النجاح دلوقتي ممكن يكون مختلف عن مفهوم الأجيال الأكبر مننا.
احنا ٣ اصحاب بنمر في الوقت الحالي بأزمة ربع العمر، وقررنا نعمل كلام بود عشان نناقش بعض المواقف الصعبة الاتعرضنا لها و البتواجه شباب كتير خلال الفترة ده.
© 2020-2025 Ivy Podcast Discovery LLC
