Tal9inha Tesre7 - طلقينها تسرح

.هاد لحلقة من بودكاست غادة تكون مع واحد ساط شبعان خبرة سميتو، عندو قناة ف يوتيوب كلوح فيديو ف شهرين، طلقناها تسرح ديال بصح، من أكتر حلقات لضحكت فيهم بزاف channel Name: Storkk Papi . 

حلقة مع صاحبي اوسامة، كيقرا ماستر في فرانسا، طلقناها تسرح على بزاف مواضيع منها، مشكل العنصرية في فرانسا و ميريكان، و دوينا على مواقف شخصية طراو لينا.

حلقة عشرة على هاد الأحداث لي طاريا في ميريكان و على البوليس كيمارس العنف في التعامل مع متظاهرين.

في هاد لحلقة رقم 9, غادي اكون معنا ياسين، كنعرفو من بودكاست ديالو هو او صاحب سعيد ()، كانوا كتناقشو فيه بزاف ديال مواضيع لزوينة بزاف، فهد لحلقة تناقشنا فسياسة ديال يوتيوب او كيفاش  سليكون فالي  كحاولو افرضو واحد ايدولوجية معينة، دوينا فمواضيع أخرى بحال دروبشيبنغ و قانون جدب و لعيبات اخرين، حلقة دازت واعرة مع ياسين.  

فهاد لحلقة القصيرة مكينش ضيف، قررت ندوي على كتب لعجبوني و بدلو طريقة ل كنشوف بها أمور، نتمنى لحلقة تعجبكم بيس.

في هاد الحلقة السادسة من طالقينها تسرح، كان معانا حمزة، دري زوين و عندو مايقول، كان كيقرا في فرنسا و دابا خدام تما. فهاد الحلقة غادي اقول لينا كيفاش دار ليها، و شارك التجربة ديالو لي خلاتو اوصل لداكشي لي بغا، بلانات لي دار مهيمين بزاف للناس لي باغين امشيو برا و ابقاو في الخارج، كنتمنى الحلقة تعجبكم.

 في هاد الحلقة الخامسة من بودكاست، غادي اكون معنا صاحبي علي الطويل، طالب ديال دكتوراة، تناقشنا في مواضيع زوينة بحال الدكاء الإصطناعي والتعديل الجني، جبدنا حتى فالحجر الصحي والوضعية الراهنة. كنتمنى الحلقة تعجبكم، تهلاو.

 في هاد الحلقة رابعة من بودكاست، غادي اكون معنا صاحبي سفيان، لي خدام مهندس معلوميات وبرمجة، شد معنا ستون ف هاد حلقة ودوينا كيفاش أتر علينا هاد الحجر الصحي، و على الإقتصاد و العادات الاجتماعية ديالنا. كنتمنى الحلقة تعجبكم ومتنساوش تشاركها مع ناس لكتعرفو.  

أيوب كدير فديوهات ف يوتيوب كشرح فيهم لعيبات دايرين به بطريقتو، تعمقنا ف مواضيع فلسفية بحال الأنانية و السعادة و واش نجاح هو نهاية رحلة.

في هاد الحلقة الثانية، شدينا ستون مع يوسف الغريني، طلقناها تسرح. حلقة دازت نقية و عامرة. دوينا على الموضوع ديال فيروس كورونا و كيفاش ممكن نديرو تسطيح المنحنى ، كوميدي ستاندب و ستونات اخرى

هادي هي أول حلقة من بودكاست ديالي، غادي ندويو مع اسامة ف بزف ديال مواضيع من فيروس كورونا، الإقتصاد او حياة في فرنسا، هدرنا ف بزف ديال لعيبات، شكراً على استماعكم