Hnit - allir hafa sögu að segja

Staðarhnitið er 64 gráður og 14 mínútur norður, 21 gráða og 94 mínútur vestur. Viðmælandinn er Sigfús Ólafsson, ævintýramaður mikill sem fæddist með flugbransann í blóðinu. Hann segir okkur sögur frá ævintýrum sínum á Kúbu sem hljóma eins og efni í spennandi Hollywood-kvikmynd.

Staðarhnitið er 64 gráður og 13 mínútur norður, 21 gráða og 91 mínúta vestur. Þetta er í bakgarðinum hjá Gunnhildi Höllu Carr, ungum kennaranema og einstæðri móður tveggja stúlkna. Hún segir okkur frá leitinni að föðurnum sem hún hefur aldrei fengið að kynnast, þar sem við sögu kemur selló sem seinna skilaði Óskarsverðlaunum til Íslands.

Staðarhnitið að þessu sinni er 64 gráður og sex mínútur norður, 22 gráður og 2 mínútur vestur. Þar býr Jörundur Jökulsson. Hann reynist vera frá Vatni í Haukadal, hestamaður mikill og söngmaður sem kann ógrynni af vísum. Hann segir okkur óborganlega sögu um skíðaferð sem hlaut afar óvæntan endi.

Staðarhnitið í þessum fyrsta þætti er 64 gráður og tólf mínútur norður, 21 gráða og 73 mínútur vestur. Á þessu svæði býr ung kona að nafni Inga Hlín Pálsdóttir. Sagan hennar hverfist um lífsbreytandi andartak - tilviljanakenndan fund í flugvél sem opnaði henni nýja veröld.