BELIEVER

كل عام وأنتم بِألف خير، ومرحبًا بكُم في حلقة جديدة وموسم جديد... حلقة اليوم بنهدرزوا فيها على البديات الجديدة وكيف تقدر تبدا من جديد وتستمر في مشوار انجازاتك بعد بريك أو بعد فترة خمول أو زي في حالة الفترة هذه بعد شهر رمضان المبارك يلي أعطانا قوة وطاقة ونشاط لازم نستغلوها بأفضل الطرق حتى نبدوا بداية صح وبداية جديدة، استمعوا واستمتعوا

في حلقة اليوم من بودكاست بلّيفر، تكلمت على عملية تعلم أي لغة جديدة، كيف تبدا وكيف تستمر وكيف تقسم تعلمك للّغة، وماهي العوامل والمهارات الأساسية يلي حتركز عليه + شوية تحفيزات تخليك تبدا مسيرتك للتعلم . Instagram: believer. Be Facebook: believer | FB group: believer --- Send in a voice message: https://anchor.fm/bebeliever/message

الأفكار هي أساس حياتنا، والأفكار انواع منها الإيجابي ومنها السلبي، ولو كثرت الأفكار بأنواعها داخل عقلنا وعطيناها تركيز كبير، حنكونوا في حالة تفكير مفرط، والحالة هذه ليها تأثير على حياتنا بشكل أو بـ أخر ، لأنها تخليك تعيش في عقلك أكثر من انك تعيش حياتك، لهذا حلقة اليوم من البودكاست باذن الله حنشرحوا فيها ماهية التفكير المفرط وشن التمارين والخطوات يلي ممكن نطبقوها يومياًّ بحيث نتخلصوا او نقللوا من حدة التفكير الزائد هذه ونردوا تفكيرنا للتوازن الصحيح، استمعوا واستمتعوا

" الروتين " ، في الغالب الكلمة تدُل على الملل وفعل نفس الشيء مراراً وتكراراً، ولكن نقدر نخلوا الروتين هذا شيء يعود لينا بالفائدة في يومنا وحياتنا، شن أهمية الروتين، وشن الحاجات يلي يزيدها الروتين لحياتي، شن حنستفيد لو درت روتين لنفسي، هل الروتين صباحي فقط او يومي كله عبارة عند روتينات متقسمة ؟.. هذا كله باذن الله حنحكي عليه في حلقة اليوم من البودكاست وحتكون تغيير لفكرة وكلمة الروتين بالكامل وحنشوفوه من جانب اجمل ونكونوا مستعدين نديروا روتين خاص بينا .. استمعوا واستمتعوا. --- Send in a voice message: https://anchor.fm/bebeliever/message

بين كل فترة وفترة محتاجين نوقفوا، نرتبوا انفسنا، اهدافنا، وحياتنا ومحلاها لما تكون الفترة هذه في البدايات، زي مثلا بداية الشهر، في الحلقة هذه حنراجعوا مع بعض الشهر يلي فات ونخططوا للشهر الجديد، الحلقة تفاعلية بحيث تقدروا توقفوا وتكتبوا مع كل سؤال ونقطة، استمعوا واستمتعوا. اشياء تم ذكرها في الحلقة : ( قناة اليوتيوبر اسمها : lavendaire ) ، تحدي الـ 21 يوم للتغيير على قناة بليفر على التلجرام ( https://t.me/joinchat/AAAAAFGnkbh56k4moAjhGg ). --- Send in a voice message: https://anchor.fm/bebeliever/message

من أساسيات التغيير هي اكتساب العادات الجيدة لجعلنا أشخاص بنسخ أفضل، ولكن الإلتزام بها هو المشكلة يلي تواجه معظمنا، وكيف نعرف العادة هذه أمتا نتيجتها تكون واضحة ، وكيف نبني التغيير والعادات على أساس صح ؟، كل هذا في حلقة اليوم، استمعوا واستمتعوا. --- Send in a voice message: https://anchor.fm/bebeliever/message

موسم جديد، وحلقة جديدة من بودكاست بليفر.. موضوع الحلقة يتكلم على قاعدة سهلة وبسيطة في مضمونها ولكن نوعا ما محتاجة جهد وطاقة منّا، هي صح تعد من الخمسة للواحد وتنطلق، لكن شن مفهومها؟، وشن الفائدة منها ؟، وكيف حتساعدنا ان حنا فعلا نديروا انجاز؟.. استمعوا واستمتعوا. --- Send in a voice message: https://anchor.fm/bebeliever/message

سلسلة بلّيفريَّات | عبارة عن حلقات خلال العشر اواخر من رمضان ان شاء الله.. تفيدك بمواضيع مختلفة ومفيدة باذن الله .. واليوم حندوروا السعادة ونشوفوا وين ممكن نلقوها !.. استمعوا واستمتعوا ... --- Send in a voice message: https://anchor.fm/bebeliever/message

الحلقة هذه كانت بالمشاركة مع قروب libyan podcasts على الفيس بوك .. وقدمت الحلقة الاولى فيها .. بعنوان " ماهي البودكاست .. وكيف تصنع محتوى صوتي ويكون ليك بودكاست خاصة بيك .. نشكر القروب على تقديمي معاهم وشوفوهم على الفيس بوك حيفيدكم هلبة القنوات يلي تقدم فيه من محتويات مفيدة ..استمع واستمتع .. بليفر على الانستاقرام : https://www.instagram.com/believer.be/?hl=en --- Send in a voice message: https://anchor.fm/bebeliever/message

كلنا سمعنا بكلمة السلام الداخلي .. هل هو شعور .. فكرة .. او هو عادة ؟ ... اليوم حنحكوا على كل شي يخص السلام الداخلي هذا .. وكيف نقدروا نتبنوه في اسلوب حياتنا .. وشن مفروض نحسوا لما نكونوا في سلام داخلي .. وكيف نوصل للحالة هذه ؟ .... استمعوا واستمتعوا ... الكتب المذكورة في الحلقة : the power of now - قوة الان . The untethered soul --- Send in a voice message: https://anchor.fm/bebeliever/message

لأن الحياة دروس.. ولأن مع كل مشوار في حياتنا ومع كل تجربة نتعلموا درس جديد.. ولأن حنا في تجربة من أكبر التجارب يلي صارت في العالم أجمع.. في الأكيد تعلمنا دروس لحد الأن.. لهذا حنشارك معاكم عشرة دروس تعلمتها .. وبإذن الله حتستفيدوا منها حتى انتم . --- Send in a voice message: https://anchor.fm/bebeliever/message

في زمن الوباء العالمي أو مايسمى بالكورونا!... محتاجين نشوفوا الجانب الإيجابي أكثر منه السلبي...محتاجين نطبقوا أفكار تبعدنا عن السلبيات... ومحتاجين نعبوا وقت فراغنا بما يفيدنا ويخلينا نسخ أفضل نطلعوا بيها بعد إنتهاء الأزمة... لهذا الحلقة هذه حيكون فيها كل هذا وأكثر... استمعوا واستمتعوا. --- Send in a voice message: https://anchor.fm/bebeliever/message

كلنا نبو نتغيرو، وللأفضل، كلنا بدون مبالغة حاولنا في يوم من الايام ان نتغيرو ونكونو افضل نسخة من أنفسنا، لكن غالبيتنا ماقدرش يكمل، ماقدرش يوصل وماقدرش يحقق التغيير يلي يتمناه يصير في حياته ، الحلقة حتحكيلكم على التغيير، مفهومه، وشن الأفكار الخاطئة يلي نعرفوها عليه، وأكيدة كيف نقدرو نطبقوا خطوات فعلية لتغيير أفضل ودائم . --- Send in a voice message: https://anchor.fm/bebeliever/message

التحفيز هو شعور داخلي يخلينا نديرو الشي يلي نطمحو ليه وننجزوه بكل نشاط وطموح به الشعور هذا يجينا مرات ومرات لا هل حنقعدو ديمة نستنوا ان الشعور هذا يجي بروحه ؟! هل حنقعدو مقعمزين وقت يجي الشعور هذا تمام ووقت مايجيش هاه نستنوا ؟! اكيد الجواب لا ، ولهذا حلقة اليوم من البودكاست حتعطيكم الجواب الصح والطرق الصح بإذن الله . --- Send in a voice message: https://anchor.fm/bebeliever/message

تمر برحلة صعبة، صدمة، خذلان، ..؟ حاس ان الوقت قاعد يمشي بطيييء وان الحياة مش عادلة معاك، حاس ان المرحلة هذه مستحيل حتمر وانت داخلها تشوف انها نهاية كل شي او لو كنت متفائل شوية حتقول مش حنقدر نطلع منها فيسع، وهلبة مشاعر مع افكار تسبب في ان حنا كل يوم نحسو نفسنا للأسوأ، حلقة اليوم حتكون باذن الله المساعد ليكم ولمروركم خلال المرحلة هذه باقل اضرار ممكنة وبمفهوم افضل واعمق 3> --- Send in a voice message: https://anchor.fm/bebeliever/message

كلنا نكتبو في اهداف نبو نوصلوها، وعادات نبو نبنوها، واسلوب حياة نبو نتبنوه، لكن اغلبنا مايشوفش للصورة الكبيرة( للسبب الاساسي لهذا كله ) ، لما نبني عادة شن السبب يلي يخليني نبنيها شن الهدف يلي اكبر من العادة هذه نفسها يلي نبي نوصله. كيف نعرف هدفي وسببي في الحياة هذه، كيف نعرف شن نبي ولي وين نبي نوصل ، كيف نعرف مساري وناخد التحفيز ديمة حتى نكمل المسار هذا. استمعو لموضوع اليوم وباذن الله حيكون كله واضح عندكم ^^ --- Send in a voice message: https://anchor.fm/bebeliever/message

نقررو ناخدو بريك ونقررو نعطو نفسنا فترة نرتاحو فيها وفترة نقاهة حلوة سواء الفترة هذه سفر او مناسبة او فترة قررت انك تاخدها او عيد او اي شي ، المهم انك خديت بريك وقدره وقررنا بعده نرجعو لحياتنا الطبيعية ! ولاهدافنا وعاداتنا وكل شي نبو نوصلوه، لكن نكتشفو ان معاش عندنا تحفيز للشي هذا وكل يوم نأجلو في العودة الى مالا نهاية. حلقة اليوم حتكون كلها على كيف نبنو تحفيز ونخلو نفسيتنا مهيئة ومستعدة انها ترجع للمسار وترجع للروتين المفروض، وفوق من هذا كله كيف نديرو الفعل والخطوة فعليا اتجاه التحفيز هذا . --- Send in a voice message: https://anchor.fm/bebeliever/message

" لو كنت تبي توصل لشيء ماعمرك وصلته, دير شي ماعمرك درته " منطقة الراحة مصطلح يطلق عالمكان يلي نكونو مرتاحين فيه يعني مكان مانبذلوش في اي مجهود او نحاولو نوصلو لاي شي, هو صح الراحة والكسل حلو لكن طالما حنا قاعدين داخل المنطقة هذه مستحيل حنوصلو لاهدافنا او اي افكار نبو نفذوها في حياتنا, الراحة داخل المنطقة هذه مؤقتة وبعد يمشي الوقت علينا حتنقلب الراحة الى ندم . فيعني بش نحسو بالراحة النفسية داخلنا ونحققو كل شي نبوه لازم نطلعو منها وهذا علاش حلقة اليوم حتساعدكم باذن الله على انكم تفتحو المجال لأنفسكم وتكونوا خارج الدائرة هذه.  --- Send in a voice message: https://anchor.fm/bebeliever/message

Test --- Send in a voice message: https://anchor.fm/bebeliever/message