Akanjogh

Երբևէ մտածե՞լ եք, որ ուտեստը կարող է կանանց «ազատագրման» գործիք դառնալ: Խորհրդային Միությունում, որտեղ քաղաքականացված էին կյանքի բոլոր ոլորտները, բացառություն չէին նույնիսկ այնպիսի թվացյալ անմեղ կատեգորիաները, ինչպիսիք են ուտելիքն ու խոհանոցը: Այս էպիզոդում խոսում ենք կնոջ, ուտելիքի, խոհանոցի ու խորհրդային քաղաքականության կապի մասին։ Առանցքում սննդի մարդաբան Ռուզաննա Ծատուրյանի «Թո՛ղ խոհանոցը, հին տաշտակը և պատրաստվի՛ր դեպի դազգահ»․ Խոհանոցի փոփոխությունը՝ որպես կանանց ազատագրման միջոց» հոդվածն է։ Ռուզաննայի հոդվածն ու այս էպիզոդը ստեղծվել է Հայնրիխ Բյոլ հիմնադրամի երևանյան գրասենյակի աջակցությամբ։Շապիկի գրաֆիկական ձևավորումը՝ Նունե Խուդավերդյանի:

Ականջօղը այս անգամ անդրադառնում է Սեւ Բիբարի վերջին էպիզոդին։Սիրանուշը պատմում է վերջերս իր հետ տեղի ունեցած սեռական ոտնձգության դեպքի մասին։ Այն ցույց է տալիս, որ կանանց հանդեպ սեռական ոտնձգությունը հանրային վայրերում կրում է մասսայական բնույթ, իսկ պատժվում են քչերը։ Մեր իրավական համակարգը կանանց ձեռ գցելը չի համարում սեռական ոտնձգություն։ Ոստիկանությունը մերժել է Սիրանուշի բողոքը, համարելով, որ չկա հանցակազմ։ Սիրանուշի Ֆեյսբուքյան գրառումը այստեղ։

Երբեմն հումորը դառնում է փախուստի տեղ։ Այն, ինչը հնարավոր չի ուղիղ տեքստով ասել ու պատախանատվություն կրել դրա համար, դառնում է կատակ։ Այս էպիզոդում վերլուծում ենք ենք Women’s Club-ի կատակները, մտածելու ենք հումորի, դրա սահմանների ու տեսակների, ընդունելի ու անընդունելի լինելու, ինչպես նաև հումորի՝ հանրային գիտակցություն ձևավորելու ուժի մասին։Շապիկի գրաֆիկական ձևավորումը՝ Նունե Խուդավերդյանի:

Այս էպիզոդում շարունակում ենք խոսել հայաստանյան ֆեմինիստական երգերի մասին՝ փոփից մինչև էքսպերիմենտալ էլեկտրո, նյու վեյվից մինչև ժողովրդական։Զառա Կարմիր խնձորՇպռոտ - Ես ազատ եմSymptom - Sharkjrimurmurner - anharmara im mej (անհարմար ա իմ մեջ)Sevana - Apaga - Music Action Lab WomenՆաիրյան - Համարձակ եմMelineh - hystera/ հիստերա

Այս էպիզոդն այն մասին է, թե ինչպես են հայ կանայք իրենց հուսահատությունը, տխրությունը, բողոքը, ոգևորությունը, անհամաձայնությունը, վիրավորանքը, պայքարը, իրենց կյանքը, իրենց ապրած փորձը դարձնում երգ։ Ինչպես է հույզը ապրում երգում, շրջանառվում, ճամփորդում, լսարան ու խոսակցություն ձևավորում։Երգերից որոշները կարող եք լսել առցանց՝Ծոմակ, Շ․ Կուրղինյան - Երգել ուզեցիMelineh - Լավ աղջիկ (Love aghjik)Melineh - Ari Du (Արի Դու):ana - amabitchՇապիկի գրաֆիկական ձևավորումը՝ Նունե Խուդավերդյանի։

Այս էպիզոդում անդրադառնում ենք կորոնավիրուսին ֆեմինիստական անկյան տակ ու խոսում այն մասին, թե ինչպես է չարաբաստիկ վարակը փոխել կանանց կյանքը Հայաստանում ու ողջ աշխարհում։Շապիկի գրաֆիկական ձևավորումը՝ Նունե Խուդավերդյանի։Արունդատի Ռոյի հոդվածը ամբողջությամբ կարող եք կարդալ այստեղ։Էպիզոդում օգտագործել ենք ձայներ Factor.am-ից և Ազատություն ռադիոկայան-ից։

2019 թ․-ի օգոստոսին Անահիտը մեկնեց Ստամբուլ՝ գտնելու Թուրքիայի առաջին պրոֆեսիոնալ կին լուսանկարիչ Մարիամ Շահինյանի մասին հնարավոր ամեն բան։ Այս էպիզոդում խոսում ենք Անահիտի չորս ամիս տևած հետազոտական ճամփորդության, հուսահատության ու ոգևորության մասին։ Մարդիկ, լուսանկարներ, սահաֆներ, օրագրից հատվածներ, պատկերներով լի արկղեր․․․Սա Մարիամ Շահինյանի մասին մեր երկրորդ էպիզոդն է, այնպես որ պատմությանը ամբողջությամբ ծանոթանալու համար խորհուրդ ենք տալիս լսել մեր նախորդ՝ 11-րդ էպիզոդը։Էպիզոդում տեղ են գտել մինչև այժմ չհրապարակված նյութեր, որոնց օգտագործումը առանց տեղեկացնելու և հղում անելու, չի թույլատրվում։Օգտագործված երաժշտությունը՝ Philip Glass - Metamorphosis 1Շապիկի գրաֆիկական ձևավորումը՝ Նունե Խուդավերդյանի

Այս էպիզոդում խոսում ենք այն մասին, թե ինչպես է «Ականջօղի» համահեղինակ Անահիտը բացահայտել Թուրքիայի առաջին պրոֆեսիոնալ կին լուսանկարիչ Մարիամ Շահինյանին, հմայվել նրանով ու գնացել նրա պատմության ու լուսանկարների հետևից։Էպիզոդում ընթերցում ենք հատված «Պատկերների սառցարան․ Մարիամ Շահինյան» էսսեից:Օգտագործված երաժշտությունը՝ Arvo Pärt- Für Alina, Arvo Pärt- Spiegel im SpiegelՇապիկի գրաֆիկական ձևավորումը՝ Նունե Խուդավերդյանի

Կան կանայք, ովքեր չապրեցին մինչև մարտի ութը։Այս էպիզոդում խոսում ենք գյումրեցի 43-ամյա կնոջ սպանության և նրա դստեր հանդեպ իրականացված դաժան ծեծի, ինչպես նաև ընտանեկան բռնության մասին օրենքում առկա բացերի ու իրավական դաշտում կնոջ անպաշտպան լինելու մասին։Շապիկի գրաֆիկական ձևավորումը՝ Նունե Խուդավերդյանի։Էպիզոդում օգտագործել ենք ձայներ Ազատություն ռադիոկայանից, 1in TV-ից, և 24TV-ից։

Յուրաքանչյուր կին ինքն իր համար պիտի հասկանա ու որոշի՝ ուզում է երեխա ունենալ, թե ոչ։ Բայց ինչպե՞ս հասկանալ սեփական ցանկությունները, ինչպե՞ս հասնել ներսի ուզածին՝ շրջանցելով մշակութային ու հանրային պարտադրանքները։ Այս էպիզոդում փորձում ենք վերամտածել, վերասահմանել, թե ինչ է մայրությունը։Շապիկի գրաֆիկական ձևավորումը՝ Նունե Խուդավերդյանի։Երաժշտությունը՝ Unwoman - Breathe Out (Instrumental)

Մի հայտնի ֆեմինիստական երգի պատմությունը բացահայտելու համար զրուցում ենք Լուսինեի հետ, ով կյանքի մի կեսն ապրել է Իրանում, մյուս կեսը՝ Հայաստանում։ Խոսում ենք երգի հետ իր ծանոթության ու Իրանի վերջին տարիների ֆեմինիստական շարժումների մասին։Շապիկի գրաֆիկական ձևավորումը՝ Նունե Խուդավերդյանի։

Էս էպիզոդը նվիրված է Լոս-Անջելես քաղաքում տեղի ունեցած Werk It 2019 կանանց փոդքասթ փառատոնի մեր փորձառությանը կամ այլ կերպ ասած՝ փոքր փոդքասթը հրեշտակների քաղաքում։Շապիկի գրաֆիկական ձևավորումը՝ Նունե Խուդավերդյանի։Werk It 2019 ելույթները՝ https://www.werkitfestival.com/spreaker-audio-live-streamDessa - Fire Drills: https://www.youtube.com/watch?v=L-AWAhIedT8Para Qué Quieres Volver - Dayanna Garcia: https://www.youtube.com/watch?v=h5NMjZREtiMPower Not Pity Podcast: http://www.powernotpity.com/Lisa Hannawalt’s Website: http://www.lisahanawalt.com/tuca-bertieNicki Minaj - Bossing Up։ https://www.youtube.com/watch?v=PzGZamtlRP0

Վերջերս ֆեյսբուքյան «Վերաիմաստավորելով մարտի ութը» խմբում ծավալված բանավեճն առիթ հանդիսացավ խոսելու կանանց սոլիդարության մասին։ Ի՞նչ է այն նշանակում, ինչպե՞ս է դրսևորվում ու ի՞նչ կարևորություն ունի ֆեմինիզմ կառուցելու գործում։Վեցերորդ էպիզոդը անդրադառնում է կանանց սոլիդարությանը երկու կին հեղինակների տեքստերի միջոցով։ Առաջինը ամերիկացի սևամորթ գրող, ակտիվիստ Բելլ Հուքսի «Ֆեմինիստական տեսություն․ լուսանցքից կենտրոն» գրքի հետևյալ գլուխն է՝ «Քույրություն․ Կանանց միջև քաղաքական սոլիդարություն»։ Երկրորդը ամերիկացի գրող Ռոքսան Գեյի «Ինչպես ընկերություն անել մեկ այլ կնոջ հետ» էսսեն է։Երաժշտությունը՝ Հայկ Կարոյի ԿարապետյանիԷպիզոդի նկարի ձևավորումը՝ Telojantelo֊ի

Այս էպիզոդը սեռական համաձայնության մասին է։ Ո՞նց ենք ընկալում սեռական համաձայնությունը մի մշակույթում, որտեղ աղջիկը «հա» ասել չի կարող ու «չէ» ասելը երբեմն սիրային խաղի կարևոր մաս է։Առաջին անգամ պաշտոնական սեռական համաձայնության տարիքը` 12, հաստատվել է Անգլիայում 1275 թ.-ին՝ որպես բռնաբարության օրենքի մաս: Աշխարհի տարբեր երկրներում սեռական համաձայնության տարիքը տարբեր է, տատանվում է 14-18-ը: Հայաստանի քրեական օրենսգրքում բացակայում է սեռական համաձայնություն եզրույթը։ Էպիզոդի հյուրերն են Սեռական բռնության ճգնաժամային կենտրոնի հոգեբան Սիրանուշ Դավթյանը և գրող, կինոռեժիսոր Հովհաննես Իշխանյանը։Սեռական բռնության ճգնաժամային կենտրոնի կայքըՀամաձայնությունը և տոլմանՍուտմեռուկ պարկամուկըSufjan Stevens - Mystery of Love (From "Call Me By Your Name" Soundtrack)

Սեւ Բիբար փոդքասթը վարող մեր ընկերները իրենց երեկվա էպիզոդում անդրադարձել են #Բռնության_ձայնը շարժմանն ու դրա արձագանքին: Այսօր ուզում ենք ձեզ ներկայացնել էպիզոդն ամբողջությամբ: Սեւ Բիբարը քննախոսական հարթակ է, որը ձախական դիրքերից քննարկում է Հայաստանում ու աշխարհում ընթացող քաղաքական, տնտեսական ու հասարակական երևույթները։Սեռական բռնության ճգնաժամային կենտրոնը տրամադրում է անվճար ծառայություններ սեռական բռնության ենթարկված անձանց ՀՀ ամբողջ տարածաշրջանով մեկ: Թեժ գիծ` 0 800 01 280; 077 99 12 80

Զրուցելով մի խումբ տղաների հետ՝ փորձել ենք հասկանալ, թե իրենք ինչ խնդիրներ ունեն Հայաստանում։ Որո՞նք են սոցիալական այն դերերը, որ հասարակությունը պարտադրում է տղամարդկանց, ի՞նչ կապ ունի շատ սեքս անելը տղամարդ լինելու հետ ու ի վերջո՝ ո՞րն է տղամարդու սահմանումը։Երաժշտությունը՝ Philipp Pettauer-ի:Chimamanda Ngozi AdichieWe Believe: The Best Men Can Be | Gillette (Short Film)The Mask You Live In

Մինչ մենք կտրտում-մոնտաժում ենք ութից ավել տղայի հետ արված մեր երկա՜ր-բարա՜կ զրույցները, զբաղեցրեք ձեզ այս փոքրիկ հատվածը լսելով․ տղաներն ու տղամարդկանց վնասող կարծրատիպերը։

Թեժ զրույց վուլկանացման կետից, խոսակցություն գովազդում կանանց կերպարի շուրջ, gg տաքսու օրինակը, կանանց մարմնի ապրանքայնացման վտանգներն ու Ռուպի Կաուրը։«Կնոջ կերպարը Հայաստանյան գովազդում» հետազոտությունն ամբողջությամբ հասանելի է՝ այստեղ, Ջին Քիլբուրնի գործունեությանը ծանոթանալու համար այցելեք իր կայքը, իսկ Ռուպի Կաուրի բանաստեղծություններն օրիգինալ անգլերենով կարող եք գտնել հենց իր Ինստագրամում։

Ինչո՞ւ են մարդիկ խուսափում ասել, որ ֆեմինիստ են։ Ֆեմինիզմի ի՞նչ թյուրըմբռնումներ կան Հայաստանում։Ի վերջո ո՞րն է ֆեմինիզմի սահմանումը և ինչպես է սեքսիստական մտածողությունը ձևավորում մեր պատկերացումները կանանց և տղամարդկանց մասին։ Ինտերսեքցիոնալ ֆեմինիզմ, Բել Հուքս, Ռոքսան Գեյ, Գոհար, Անահիտ, մի խոսքով՝ ջղային, շատ ջղային կանանց խոսակցություն։Էպիզոդը ենթագրերը հասանելի են այստեղ: