Spilverk þjóðanna

Hlynur Einarsson og Tryggvi Dór Gíslason fara yfir sögu Spilverks þjóðanna ásamt Agli Ólafssyni, Diddú, Sigurði Bjólu og Valgeiri Guðjónssyni. Lög af öllum hljómplötum Spilverksins fá að hljóma og meðlimirnir segja sögu sveitarinnar. Í þessum þætti eru leikin tvö nýleg lög sem ekki hafa komið út á hljómplötu.

Spilverk Þjóðanna hefur yfir sér goðsagnakenndan blæ í íslensku tónlistarlífi. Hlynur Einarsson og Tryggvi Dór Gíslason fara yfir feril þessarar merku sveitar með dyggri aðstoð meðlima hennar, þeirra Egils Ólafssonar, Sigrúnar Hjálmtýrsdóttur (Diddúar), Sigurðar Bjólu Garðarssonar og Valgeirs Guðjónssonar. Spilverk Þjóðanna var stofnuð í Menntaskólanum við Hamrahlíð í upphafi 8. áratugarins og gaf út fjölda hljómplatna sem margar hverjar þykja einhverjar þær bestu sem gefnar hafa verið út á Íslandi. Tónlistin er fjölbreytt og hæfileikar hljómsveitarmeðlima skína í gegn í laga og textasmíðum þeirra og söngurinn er engu líkur. Í þáttunum eru spiluð lög af öllum plötum Spilverksins, hljómsveitarmeðlimir segja sögur og í lok seinni þáttarins fá tvö ný lög að hljóma sem ekki hafa komið áður fyrir eyru almennings.