Abbyr Shen Reesht - Say That Again

Ta meeryn ayns shoh ass 'Shiaght Laa' as ass 'Claare ny Gael' y cheayrt shoh.There are pieces here from 'Shiaght Laa' and from 'Claare ny Gael' on this occasion.

Shoh Maralyn Crellin as 'Shiaght Laa' as chyndaays 'sy Ghaelg jeh skeealyn ferrish ny Braaraghyn Grimm ass 'Claare ny Gael'. Here is Maralyn Crellin and 'Shiaght Laa' and a translation into Manx from the fairy tales of the brothers Grimm from 'Claare ny Gael'.

Ta Fiona McArdle chebbal 'Shiaght Laa' as ta chyndaays 'sy Ghaelg jeh obbyr ny braaraghyn Grimm ass 'Claare ny Gael'. Fiona McArdle presents 'Shiaght Laa' and there's a translation into Manx of the work of the brothers Grimm from 'Claare ny Gael'.

Cooishyn Daniel Quayle ass 'Kiaull as Cooish', as paart jeh skeeal ny Braaraghyn Grimm mychione Hansel as Grethel ass 'Claare ny Gael'. Daniel Quayle's chatty bits from 'Kiaull as Cooish', and part of the Brothers Grimm's tale of Hansel as Grethel from 'Claare ny Gael'.

Ta Daniel Quayle ry chlashtyn lesh ny cooishyn echey ass y chlaare echey, 'Kiaull as Cooish', as eisht ta paart jeh chyndaays 'sy Ghaelg jeh'n skeeal mychione Hansel as Grethel ass 'Claare ny Gael'. Daniel Quayle is to be heard with his chat from his programme, 'Kiaull as Cooish', and then there's part of a translation into Manx of the story about Hansel and Grethel.

Ta Daniel Quayle chebbal y chlaare echey, 'Kiaull as Cooish', as ta paart jeh obbyr Jacob as Wilhelm Grimm ayns chyndaays 'sy Ghaelg ass 'Claare ny Gael'. Daniel Quayle presents his programme, 'Kiaull as Cooish', and there's part of the work of Jacob and Wilhelm Grimm in translation into Manx from 'Claare ny Gael'.

Ta meeryn ass daa skeeal ny Braaraghyn Grimm ayns chyndaays 'sy Ghaelg ass 'Claare ny Gael' 'syn earroo shoh. There are extracts from two stories of the Brothers Grimm in a translation into Manx from 'Claare ny Gael' in this edition.

Gow my leshtal - yarrood mee eh! Cha nel agh paart jeh skeeal ass Claare ny Gael y cheayrt shoh. Apologies - I forgot it! There's just part of a story from Claare ny Gael this time.

Ayns Abbyr Shen Reesht y cheayrt shoh ta paart jeh skeeal ass chaglym ny Braaraghyn Grimm va ry chlashtyn ayns Claare ny Gael. In Abbyr Shen Reesht this time there's part of a story from the collection of the Brothers Grimm that was to be heard in Claare ny Gael.

Hoshiaght, ta Phil Gawne lhaih magh shenn raa creeney ayns 'Goll as Gaccan', as eisht ta chyndaays 'sy Ghaelg jeh skeeal ferrish ny Braaraghyn Grimm ass 'Claare ny Gael'.First, Phil Gawne reads out an old wise saying in 'Goll as Gaccan', and then there's a translation into Manx of a fairy story of the Brothers Grimm from 'Claare ny Gael'.

Shoh Daniel Quayle lesh 'Kiaull as Cooish'; va Ruth Keggin Gell ny goaldagh marish Phil Gawne ayns 'Goll as Gaccan'; as ta tooilley veih ny skeealyn ferrish Grimm ass 'Claare ny Gael'.Here's Daniel Quayle with 'Kiaull as Cooish'; Ruth Keggin Gell was the guest with Phil Gawne in 'Goll as Gaccan'; and there's more from the Grimms' fairy tales from 'Claare ny Gael'.

Caa dy chlashtyn reesht meeryn 'sy Ghaelg ass 'Shiaght Laa', cooishyn Daniel Quayle ass 'Kiaull as Cooish', as paart jeh skeeal ferrish ny Braaraghyn Grimm ass 'Claare ny Gael'.An opportunity to hear again pieces in Manx from 'Shiaght Laa', Daniel Quayle's cooishyn from 'Kiaull as Cooish', and part of a fairy tale of the Brothers Grimm from 'Claare ny Gael'.

Ta meeryn cheet er Oie Voaldyn as Laa Boaldyn as obbyr Treisht Bea-Feie Vannin ass 'Shiaght Laa', as ass 'Claare ny Gael' ta chyndaays 'sy Ghaelg veih ny Braaraghyn Grimm.There are pieces referring to May Eve and May Day and the work of the Manx Wildlife Trust from 'Shiaght Laa', and from 'Claare ny Gael' there's a translation into Manx from the Brothers Grimm.

Lurg meer ass 'Shiaght Laa', she Daniel Quayle t'ayn lesh 'Kiaull as Cooish'. Ta Phil Gawne aa-loayrt paart dy arrane ayns 'Goll as Gaccan' as ta chyndaays 'sy Ghaelg jeh Skeealyn Ferrish Grimm ayns 'Claare ny Gael'. After a piece from T'Shiaght Laa', it's Daniel Quayle with 'Kiaull as Cooish'.Phil Gawne recites some lyrics in 'Goll as Gaccan' and there's a Manx translation from Grimm's Fairy Tales in 'Claare ny Gael'.

Ta Maralyn Crellin chebbal 'Shiaght Laa' as ta shin clashtyn Daniel Quayle ayns 'Kiaull as Cooish'. Veih 'Goll as Gaccan' ta shin clashtyn y cor, Un Choraa, as ta skeeal ferrish Grimm ry chlashtyn veih 'Claare ny Gael'.Maralyn Crellin presents 'Shiaght Laa' and we hear Daniel Quayle in 'Kiaull as Cooish'. From 'Goll as Gaccan' we hear the choir, Un Choraa, and there's a Grimms' fairy tale to be heard from 'Claare ny Gael'.

Ta shin clashtyn 'Shiaght Laa' marish Fiona McArdle as ny cooishyn ass 'Kiaull as Cooish' marish Daniel Quayle, as ta shin clashtyn skeeal 'sy Ghaelg ass 'Claare ny Gael'.We hear 'Shiaght Laa' with Fiona McArdle and the conversational parts of 'Kiaull as Cooish' with Daniel Quayle, and we here a story in Manx from 'Claare ny Gael'.

Ta shin clashtyn Daniel Quayle ayns 'Kiaull as Cooish' as Phil Gawne ayns 'Goll as Gaccan', as ta meer elley ass skeeal ferrish ny Braaraghyn Grimm ayns 'Claare ny Gael'.We hear Daniel Quayle in 'Kiaull as Cooish' and Phil Gawne in 'Goll as Gaccan', and there's another excerpt from a fairy tale of the Brothers Grimm in 'Claare ny Gael.

Ta meeryn ayns shoh ass 'Goll as Gaccan' as paart jeh skeeal 'sy Ghaelg ass 'Claare ny Gael'.There are excerpts here from 'Goll as Gaccan' and part of a story in Manx from'Claare ny Gael'.

Ta Daniel Quayle ry chlashtyn lesh ny cooishyn echey ass 'Kiaull as Cooish', as ayns 'Claare ny Gael' ta chyndaays 'sy Ghaelg jeh skeealyn ferrish va clouit ec Jacob as Wilhelm Grimm.

Meeryn ass daa chlaare y cheayrt shoh, lesh ny va Daniel Quayle dy ghra ayns 'Kiaull as Cooish', as chyndaays 'sy Ghaelg jeh skeealyn ferrish ny Braaraghyn Grimm ayns 'Claare ny Gael'.Pieces out of two programmes this time, with whath Daniel Quayle had to say in 'Kiaull as Cooish', and a translation into Manx of the fairy tales of the Brothers Grimm in 'Claare ny Gael'.

Ta shin clashtyn meeryn ass 'Kiaull as Cooish' marish Daniel Quayle, bit beg liorish Phil Gawne ass 'Goll as Gaccan' as chyndaays 'sy Ghaelg jeh skeealyn ferrish ny Braaraghyn Grimm ass 'Claare ny Gael'.

Ta queig clareeyn Radio Vannin as meeryn 'sy Ghaelg ry chlashtyn ayndaue, agh cha nel agh kiare jeu goll kiart nish, as magh ass yn chiare jeu t'ayn ta shin clashtyn Daniel Quayle lesh cooishyn ass y chlaare echey, 'Kiaull as Cooish', as ta shin clashtyn meeryn jeh skeealyn ferrish ny Braaraghyn Grimm ayns chyndaays 'sy Ghaelg ass 'Claare ny Gael'.

Ta shin clashtyn Daniel Quayle 'sy chlaare echey, 'Kiaull as Cooish', as paart elley jeh skeeal ass 'Claare ny Gael'. We hear Daniel Quayle in his programme, 'Kiaull as Cooish', and another part of a story from 'Claare ny Gael'.

Podcast as meeryn 'sy Ghaelg ayn ass 'Kiaull as Cooish' as 'Claare ny Gael' y cheayrt shoh.A podcast with pieces in the Manx Gaelic from 'Kiaull as Cooish' and 'Claare ny Gael' this time.

Ta shin clashtyn paart dy raaghyn cochianglt rish yn earish ry heet, as faaishnys er shen veih'n earish er laghyn er-lheh cochianglt rish nooghyn, as ta shin clashtyn raaghyn elley jeh shenn chliaghtaghyn cochianglt rish yn eaillere neesht, as shen veih Phil Gawne ayns 'Goll as Gaccan'. Ayns 'Claare ny Gael' ta meer ass fer jeh ny skeealyn ferrish s'lhiurey ayns chaglym ny Braaraghyn Grimm mychione Y Chaillin Ghuoiee.We hear some saying associated with the weather to come, with a forecast about that from the weather on special days connected with saints, and we hear other sayings from old customs associated with the calenda as well, and that's from Phil Gawne in 'Goll as Gaccan'. In 'Claare ny Gael' there's an extract from one of the longer fairy stories in the collection of the Brothers Grimm about The Goose Girl.

Ta meeryn ass daa chlaare ry chlashtyn 'sy phodcast shoh y cheayrt shoh. Hoshiaght ta shin clashtyn Daniel Quayle as y chlaare echey, 'Kiaull as Cooish', as eisht ta shin clashtyn chyndaays 'sy Ghaelg jeh skeealyn ferrish ass chaglym ny Braaraghyn Grimm, as shinyn jeeaghyn er y lioar shen ayns 'Claare ny Gael'.There are pieces out of two programmes to be heard in this podcast this time. First we hear Daniel Quayle and his programme, 'Kiaull as Cooish', and then we hear a translation into Manx of fairy stories from the collection of the Brothers Grimm, and we're looking at that book in 'Claare ny Gael'.

'Sy phodcast shoh ta shin clashtyn meeryn 'sy Ghaelg ass shiartanse dy chlaareyn Radio Vannin, as y cheayrt shoh ta daa chlaare er-nyn-son. Hoshiaght ta shin clashtyn Daniel Quayle as ny cooishyn echey ayns 'Kiaull as Cooish', as eisht ta shin clashtyn 'Claare ny Gael', lesh meer elley jeh skeeal ayns chyndaays 'sy Ghaelg ass Skeealyn Ferrish ny Braaraghyn Grimm.In this podcast we hear pieces in the Manx Gaelic from certain Manx Radio programmes, and this time there are two programmes for us. First we hear Daniel Quayle and the bits of chat in 'Kiaull as Cooish', and then we hear 'Claare ny Gael', with another part of a story translated into the Manx from the Fairy Tales of the Brothers Grimm.

Ta shin clashtyn Daniel Quayle as ny cooishyn ren eh loayrt mychione ayns 'Kiaull as Cooish', agh gyn y chiaull 'sy chummey podcast shoh. Va Annie Kissack marish Phil Gawne son 'Goll as Gaccan' as ta shin clashtyn ny neesht jeu. Ren ny Braaraghyn Grimm chymsaghey ny va sleih gra roo skeealyn ferrish, agh t'ad quaagh dy liooar lesh mooarane raghlid as treihys ny keayrtyn - myr ta shin clashtyn ass 'Claare ny Gael'.We hear Daniel Quayle and the cooishyn he talked about in 'Kiaull as Cooish', though without the kiaull in this podcast format. Annie Kissack was with Phil Gawne for 'Goll as Gaccan' and we hear both of them. The Brothers Grimm collected what were called fairy stories, but they're strange enough with plenty of violence and misery at times - as we hear from 'Claare ny Gael'.

Ta shin goaill toshiaght lesh ny cooishyn ass 'Kiaull as Cooish' marish Daniel Quayle, as eisht ta shin clashtyn meeryn ass 'Goll as Gaccan', as marish Phil Gawne y cheayrt shoh va Annie Kissack, as v'ad cheet er cliaghtaghyn yn imbagh.

Ta shin clashtyn Daniel Quayle ass yn chlaare echey, 'Kiaull as Cooish', as eisht ta skeeal ain ayns chyndaays 'sy Ghaelg ass chaglym ny Braaraghyn Grimm, as shoh ass 'Claare ny Gael'.We hear Daniel Quayle from his programme, 'Kiaull as Cooish', and then we have a story in a translation into Manx from the collection of the Brothers Grimm, and this is from 'Claare ny Gael'.

Gow shiu my leshtal - va mee smooinaghtyn dy row shoh jeant aym hannah, agh hooar mee magh nagh row! Agh fy yerrey, shoh caa diu clashtyn ooilley ny cooishyn ec Daniel Quayle 'sy chlaare echey, 'Kiaull as Cooish', as eisht ta shin clashtyn chyndaays 'sy Ghaelg jeh skeealyn ny Braaraghyn Grimm ass 'Claare ny Gael'.

Ta shin clashtyn Daniel Quayle as ny cooishyn ass 'Kiaull as Cooish', but not the kiaull. Ayns 'Goll as Gaccan' ta Phil Gawne aa-loayrt ny fockleyn jeh daa arrane as eisht bannag, daan vees cochianglt rish y Nollick as y Vlein Noa. Ta shin goll back gys seihll ny Braaraghyn Grimm ayns 'Claare ny Gael' ayns chyndaays 'sy Ghaelg jeh fer jeh ny skeealyn oc.We hear Daniel Quayle and the cooishyn from 'Kiaull as Cooish', but not the kiaull. In 'Goll as Gaccan' Phil Gawne recites the words of two songs and then a bannag, a rhyme associated with Christmas and the New Year. We return to the world of the Brothers Grimm in 'Claare ny Gael' in a translation into Manx of one of their tales.

She Maralyn Crellin vees chebbal y chlaare s'jerree 'sy strane dy chlaareyn enmyssit 'Shiaght Laa'. Ta shin clashtyn ny cooishyn ass 'Kiaull as Cooish' marish Daniel Quayle, as shen goaill stiagh faaishnys ny hemshyr. Va faaishnys ny hemshyr ry chlashtyn ayns 'Goll as Gaccan' neesht, agh gyn meer er-lheh elley 'sy Ghaelg, ga dy row kuse dy enmyn buill as fockle ny ghaa elley va Phil Gawne as David Kinley loayrt mychione. Lesh jerrey currit nish er Dracula liorish Bram Stoker 'sy chyndaays 'sy Ghaelg, ta mee er n'ghoaill toshiaght er lhaih skeealyn ferrish ny Braaraghyn Grimm. Skeealyn quaagh dy liooar myr t'ad dy mennick, ta shin clashtyn skeeal ghiare as eisht toshiaght skeeal elley.

Ass 'Shiaght Laa' ta shin clashtyn ny cooishyn v'ec Maralyn Crellin, as eisht ta shin clashtyn meeryn ass y chlaare vees enmyssit 'Kiaull as Cooish'. Reesht she ny cooishyn ta shin dy chlashtyn, agh gyn y chiaull ta Daniel Quayle loayrt mychione son y chooid smoo 'sy chlaare. Gyn meer er-lheh 'sy Ghaelg ass 'Goll as Gaccan', aynjee she David Kilgallon va goaldagh Phil Gawne y cheayrt shoh, ta shin goll dy jeeragh gys 'Claare ny Gael', as yn un veer ta er-mayrn ain jeh'n chyndaays 'sy Ghaelg ain jeh Dracula liorish Bram Stoker.

She Fiona McArdle ta chebbal 'Shiaght Laa' er-nyn-son, claare vees goll er skeayley-magh fastyr Jerdein, as eisht ta shin clashtyn cooishyn haink Daniel Quayle er 'sy chlaare echey, 'Kiaull as Cooish', fastyr Jeheiney - agh gyn kiaull erbee. Lurg shen ta shin lheimmey er nyn doshiaght gys fastyr Jedoonee as 'Goll as Gaccan' marish Phil Gawne, as aynjee ta shin clashtyn meeryn 'sy Ghaelg ass docmad politickagh. As myr shoh gys fastyr beg yn Doonee, as 'Claare ny Gael', lesh episode elley ass Dracula liorish Bram Stoker.

Rish tammylt va ny noteyn shoh liauyr dy liooar er yn oyr dy row transcript jannoo seose ayrn jeu, agh t'eh er jeet magh dy vel shen ro liauyr, myr shoh cha nel shoh agh dy insh diu dy vel shin clashtyn:-cooinaghtyn jeh laa dy row ayns Nerin ass y chlaare, 'Shiaght Laa';cooishyn Daniel Quayle (agh gyn kiaull) choud's t'eh chebbal 'Kiaull as Cooish;Phil Gawne as skeeal ghiare hooar eh veih Ian Cottier, as va ry chlashtyn ayns 'Goll as Gaccan';as episode elley ass chyndaays 'sy Ghaelg jeh Dracula liorish Bram Stoker, as meeryn ry chlashtyn ayns 'Claare ny Gael'.

Shoh diu y podcast, Abbyr Shen Reesht, lesh meeryn 'sy Ghaelg ass kuse dy chlaareyn Radio Vannin er yn chiaghtin shoh chaie. Ta shin goaill toshiaght lesh 'Shiaght Laa', as she Fiona McArdle va chebbal y chlaare shen.SHIAGHT LAAFiona McArdle as 'Shiaght Laa', vees ry chlashtyn fastyr Jerdein ec 5.30pm.Ta 'Kiaull as Cooish' ny claare vees goll er jannoo eddyr yn BBC as Radio Vannin, as she Daniel Quayle ta dy chebbal. Shoh dooin Daniel as ny cooishyn v'echey 'sy chlaare, agh gyn kiaull erbee.KIAULL AS COOISH'Kiaull as Cooish' marish Daniel Quayle. Va David Kinley marish Phil Gawne ayns 'Goll as Gaccan' fastyr Jedoonee eddyr 4.00pm as 6.00pm, as ren ad jeeaghyn er kuse dy ockleyn 'sy Ghaelg as er shiartanse dy enmyn buill, agh cha row meer er-lheh 'sy Ghaelg son y phodcast shoh.Fastyr beg Jedoonee ec 6.00pm ta 'Claare ny Gael' goll er skeayley-magh, as va episode elley er-nyn-son ass Dracula liorish Bram Stoker. Choud's ta'n Chiarn Godalming as Jonathan Harker faagail y baatey liauyr oc dy varkiagh er-mooin cabbil, as choud's ta Quincey Morris as yn Fer-lhee John Seward er-mooin cabbil hannah, as ooilley jeu fo raad gys Cashtal Dracula, ta'n Olloo Van Helsing er n'aagail Mina Harker coadit ayns kiarkyl Casherick as t'eh goll ny lomarcan stiagh 'sy chashtal.CLAARE NY GAELMemorandum yn Er-lhee Van Helsing. 5 Mee Houney, fastyr.—Ec y chooid sloo ta mee er my cheeayll. Booise da Jee son y vyghin shen er chor erbee, ga dy row prowal shen er ve agglagh. Tra ren mee faagail y Ven-seyr Mina ny cadley çheusthie jeh'n chiarkyl Casherick, ren mee goll roym gys y chashtal. Va oard y ghaaue doo ren mee goaill 'sy charriads veih Veresti ymmydoil; ga dy row ny dorryssyn ooilley foshlit ren mee brishey ad veih ny jeushanyn mergagh, er aggle dy jinnagh drogh-chiarail ny drogh-haghyrt ennagh dooney ad, myr shoh lurg dou goll stiagh ayn foddee nagh beign abyl dy chosney magh ass. Va keeayll chionnit harroo Jonathan cooney lhiam ayns shoh. Lesh cooinaghtyn aym er y lioar-laa echey ren mee feddyn y raad aym gys y çhenn chabbal, er y fa va fys aym dy row ayns shoh va'n obbyr aym ny lhie. Trome-ghroamagh va'n aer; v'eh jeeaghyn dy row torcan sulphuragh ennagh ayn, va ny keayrtyn cur orrym ve thollaneagh. Edyr va buirrooghey ayns my chleayshyn ny ren mee clashtyn foddey voym y gull jeh moddee oaldey. Eisht ren mee smooinaghtyn er my Ven-seyr Mina veen, as va mee ayns cront agglagh. Va mee goit eddyr yn daa ghoilleeid. Ish, cha b'lhoys dou cur-lesh stiagh 'sy voayl shoh, agh daag mee ee sauçhey veih'n Sooder Folley 'sy chiarkyl Casherick shen; as ny yeih eer ayns shen veagh y moddey oaldey! Ta mee reaghey dy vel yn obbyr aym ny lhie ayns shoh, as bentyn da ny moddee oaldey shegin dooin injillaghey shin hene, my vees aigney Yee eh. Aghterbee cha row eh agh baase ny seyrsnys çheu-hoal jeh shen. Myr shen ren mee reih er-e-son. Dy beagh eh er ve agh er-my-hon ynrican veagh yn reih er ve ny sassey, va beeal y voddey oaldey ny share dy ve ny lhie ayn na oaie yn Sooder Folley! Myr shoh ren mee reih dy gholl er lesh my obbyr.... Va fys aym dy row three oaiaghyn ec y chooid sloo dy gheddyn—oaiaghyn as ta fir ayndaue; myr shoh ta mee ronsaghey, as ronsaghey, as ta mee geddyn fer jeu. V'ee ny lhie 'sy saveen eck jeh Sooder Folley, cha lane dy vioys as dy aalid miandagh dy vel mee er creau myr dy beign er jeet dy yannoo dunverys. Ah, cha nel mee dooyteil ayns ny shenn laghyn, tra va reddyn jeh'n lheid ayn, dy ren ymmodee deiney ren goll rhymboo dy chooilleeney lheid yn churrym as v'aym, feddyn magh fy yerrey dy row eh e chree failleil, as eisht y daanys echey. Myr shoh t'eh cumrail, as cur shaghey, as cur shaghey, as cur shaghey, derrey vees eer aalid as cleayn y Neu-varroo rouanagh er chur eh fo phishag; as t'eh tannaghtyn foast ayn as foast ayn, derrey ta'n lhie-ghreiney çheet, as ta saveen yn Sooder Folley ec kione. Eisht ta sooillyn...

Ta meeryn ass three claare er-nyn-son ayns Abbyr Shen Reesht, lesh yn chied chlaare 'sy strane noa jeh shen ta shin gra ree 'Shiaght Laa', fastyr Jerdein ec 5.30. Myr shoh, lhig dooin goaill toshiaght lesh shen.SHIAGHT LAA'Shiaght Laa', ren goaill toshiaght reesht Jerdein yn 24 Jerrey Fouyir.As nish gys fastyr Jeheiney eddyr 5.00pm as 6.00pm er Radio Vannin AM1368, as claare vees goll er jannoo eddyr yn BBC as Radio Vannin. Shen 'Kiaull as Cooish' marish Daniel Quayle, as veih'n chlaare shen ta shin clashtyn ny vees Daniel dy ghra mychione y chiaull, nagh vel shin clashtyn ayns shoh.KIAULL AS COOISHDaniel Quayle as cur magh elley jeh 'Kiaull as Cooish'. Ga dy row fockleyn as enmyn buill 'sy Ghaelg ry chlashtyn ayns 'Goll as Gaccan' fastyr Jedoonee eddyr 4.00pm as 6.00pm, cha row drane ny skeeal ny red erbee jeh'n lheid shen er-nyn-son, myr shoh ta shin goll er nyn doshiaght gys fastyr beg Jedoonee ec 6.00pm, as shen yn traa ta 'Claare ny Gael' goaill toshiaght, as meer ass yn chyndaays ain 'sy Ghaelg jeh Dracula liorish Bram Stoker. Ta'n Olloo Van Helsing er choadey Mina Harker as eh hene cheusthie jeh kiarkyl casherickit lesh meeryn jeh'n Oalan t'eh er chur-lesh. Ta ny cabbil goaill aggle roish red ennagh, as t'eh er yn Olloo goll dy chiunaghey ad reesht as reesht. Shoh ass Memorandum ta'n Olloo er naarlaghey son yn Er-lhee John Seward, dy insh yn skeeal er aggle nagh jean eshyn as Mina cheet bio veih. T'eh er jeet nish gys oor s'feayr ny hoie.CLAARE NY GAELMemorandum liorish Abraham Van Helsing da'n Er-lhee John Seward 'Syn oor feayr ren yn aile goaill toshiaght er mooghey, as va mee goll roym dy chur fuygh er, son nish ren y sniaghtey çheet ayns skeabyn etlagh as lesh kay feayr. Eer 'sy dorraghys va soilshey jeh sorçh ennagh, myr vees rieau ayn harrish sniaghtey; as v'eh jeeaghyn myr dy beagh ny cassaghyn sniaghtee as ny slonganyn dy chay goaill orroo cummaghyn jeh mraane lesh eaddeeyn farbylagh. Va ooilley ayns tostid marroo groamagh er-lhimmey jeh ny cabbil va shutternee as creutçhal, myr dy beagh ad goaill aggle jeh'n sorçh smessey. Ren mee goaill toshiaght er goaill aggle—aggleyn graney; agh eisht ren çheet dou keeayll sauçhys 'sy chiarkyl shen ayn va mee my hassoo. Ren mee goaill toshiaght, neesht, er smooinaghtyn dy row ny sheiltynyssyn aym jeh'n oie, as jeh'n vurgeeaght, as jeh'n neu-aash va mee er hurral, as ooilley yn imnea atçhimagh. V'eh myr dy beagh my chooinaghtyn jeh slane keeayll chionnit ghraynoil Jonathan jannoo faghid jeem; son ren ny floagyn sniaghtee as y chay goaill toshiaght er cassey as goll mygeayrt ayns kiarkil, derrey dod mee cur shilley scadooagh myr dy beagh eh er ny mraane shoh va geearree cur paag da. Ash eisht ren ny cabbil creutçhal ny sinshley as ny sinshley, as ren ad soghal slane agglit ass myr ta deiney jannoo ayns pian. Cha row eer yn keoid dy aggle oc, dy vod ad roie er çhea. Va aggle aym ass-lieh my Ven-seyr Mina veen tra ren ny cummaghyn joarree shoh çheet faare as ren ad cruinnaghey mygeayrt-y-moee. Ren mee jeeaghyn urree, agh v'ee ny soie dy kiune, as ren ee mongey orrym; tra v'eh foym goaill kesmad gys yn aile dy chur fuygh er, ren ee goaill greim jeem as ren ee cummal mee veih, as ren ee sansheraght, gollrish coraa ta ry chlashtyn ayns ashlish, cho injil myr v'ee:— "Ny jean! Ny jean! Ny jean goll magh. Ayns shoh t'ou uss sauçhey!" Ren mee çhyndaa huick, as choud's va mee jeeaghyn stiagh ayns ny sooillyn eck, ren mee gra:— "Agh uss? T'eh er-dty-hon ta mee goaill aggle!" jeh shen ren ee gearey—gearey, injil neu-rieugh, as ren ee gra:— "Goaill aggle er-my-hon's! Cre'n fa goaill aggle er-my-hon's? Cha nel peiagh erbee ny sauçhey 'sy clane theihll voue na ta mish," as choud's va mee gindys er bun ny fockleyn eck, ren readan cur er y lossag lheimmey neese, as ta mee fakin y cron jiarg er e baaish. Eisht, atreih! va fys aym er. Mannagh row,...

Shoh diu y podcast, Abbyr Shen Reesht, as y cheayrt shoh ta meeryn ass three claare er-nyn-son, as 'syn aght cadjin ain ta shin goaill toshiaght lesh cooishyn Daniel Quayle ass y chlaare echey, 'Kiaull as Cooish', ga nagh vel caa dooin clashtyn y kiaull ass yn chlaare shen, vees goll er jannoo eddyr yn BBC as Radio Vannin as ta ry chlashtyn fastyr Jeheiney eddyr 5.00pm as 6.00pm er Radio Vannin AM1368.KIAULL AS COOISH'Kiaull as Cooish' marish Daniel Quayle. Va'n Greinneyder, Ruth Keggin Gell, 'sy teyrlann marish Phil Gawne son 'Goll as Gaccan', lesh fys mychione y Chooish, vees jannoo ard-eailley jeh'n Ghaelg, as nee shen goll er cummal mleeaney veih'n 6oo gys yn 10oo Mee Houney. Ren Robert cur daue chaghteraght, shirrey chyndaays jeh raa giare, as ta shin clashtyn Phil gra shen; agh eisht v'ad smooinaghtyn mychione jannoo cass-ockle jeh, as myr shoh ta shin clashtyn Ruth gra y cass-ockle shen roish my vees Phil gra eh. As er yn oyr dy row shoh giare dy liooar, ren mee coip jeh ny vees Phil dy ghra, dy vel shin clashtyn eh daa cheayrt, as ren mee shen lesh dagh raa; as eer lurg shen v'eh foast giare dy liooar, myr shoh ta shin clashtyn y clane job lot daa cheayrt ayns shoh. GOLL AS GACCANPhil Gawne as Ruth Keggin Gell ayns 'Goll as Gaccan', as chyndaays as cass-ockle er-nyn-son.As myr shoh gys episode elley ass yn chyndaays 'sy Ghaelg jeh Dracula liorish Bram Stoker, ta ry chlastyn shiaghtin er shiaghtin ayns 'Claare ny Gael', as dy jarroo ta shin cheet gys jerrey y lioar shen nish. Ta'n Olloo Van Helsing cheet dy ve boirit mychione stayd Mina Harker choud's t'ad tayrn er-gerrey da Cashtal Dracula. T'ee ny cadley as ny cadley as cha nod eh doostey ee, myr shoh t'eh smooinaghtyn dy beagh eie mie eh, eshyn tannaghtyn dooisht – agh she raad liauyr dy liooar t'ad dy gholl.CLAARE NY GAELMemorandum liorish Abraham Van Helsing da'n Er-lhee John Seward Ta mee smooinaghtyn dy vel mee hene ceau saveen, son doaltattymagh ta mee gennaghtyn kyndid, myr dy beagh red ennagh er ve jeant aym; ta mee gennaghtyn mee hene soie seose dy jeeragh, lesh ny streeanyn ayns my laue, as ny cabbil vie dridal, dridal rhymboo, kiart myr v'ad rieau. Ta mee jeeaghyn neose as ta mee feddyn y Ven-seyr Mina foast ny cadley. Cha nee foddey eh nish veih traa yn lhie-ghreiney, as harrish y niaghtey ta soilshey ny greiney roie gollrish thooilley mooar buigh, dy vel shin ceau scadoo mooar liauyr er y voayl ta'n slieau troggal seose cho eaynagh. Son ta shin goll seose, as seose; as ta ooilley oh! cho feie as creggagh, myr dy beagh eh jerrey yn theihll. Eisht ta mee doostey y Ven-seyr Mina. Y cheayrt shoh t'ee doostey gyn monney doilleeid, as eisht ta mee cur eab er cur saveen urree fo hypnosis. Agh cha nel ee goaill saveen, myr nagh beign ayn. Foast ta mee geabey as geabey, derrey doaltattymagh ta mee feddyn ish as mee hene ayns dorraghys; myr shoh ta mee jeeaghyn mygeayrt, as feddyn magh dy vel y ghrian er n'gholl sheese. Ta'n Ven-seyr Mina garaghtee, as ta mee çhyndaa as jeeaghyn urree. T'ee lane-ghooisht nish, as t'ee jeeaghyn cho mie as nagh ren mee fakin ee rieau neayr's yn oie shen ayns Carfax tra hoshiaght ta shin goll stiagh ayns thie y Chount. Ta yindys orrym, as ta mee gyn aash eisht; agh t'ee cho gennal as meiygh as smooinaghtagh ass-my-lieh dy vel mee jarrood dy chooilley aggle. Ta mee foaddey aile, er y fa ta shin er chur-lesh bart dy fuygh marin, as t'ee gaarlaghey bee choud's ta mish lhiggey seyr ny cabbil as cur ad, kianglt fo fastee, dy assaghey. Eisht tra ta mee çheet back gys yn aile ta'n shibber aym aarloo eck. Ta mee goll dy chooney lhee; agh t'ee mongey, as ginsh dou dy vel ee er n'ee hannah—dy row ee cho accryssagh nagh dod ee fuirraghtyn. Cha mie lhiam eh, as ta ouryssyn tromey aym; agh ta mee goaill aggle roish agglaghey ee, as myr shoh ta mee gyn fockle jeh. T'ee cooney lhiam as ta mee gee my lomarcan; as eisht ta shin filley...

Lhig dooin goaill toshiaght eisht er y phodcast shoh, Abbyr Shen Reesht, aynsyn ta shin clashtyn meeryn 'sy Ghaelg va ry chlashtyn ayns claareyn Radio Vannin er yn chiaghtin shoh chaie, as fastyr Jeheiney eddyr 5.00 pm as 6.00 pm ta shin clashtyn Daniel Quayle as y chlaare echey, 'Kiaull as Cooish', as j'eeish ta shin clashtyn ny va Daniel dy ghra, son y chooid smoo mychione y chiaull 'sy chlaare, agh cha nel shin clashtyn y kiaull hene ayns shoh.KIAULL AS COOISHEr AM1368 fastyr Jeheiney, claare vees goll er jannoo eddyr yn BBC as Radio Vannin, va shen Kiaull as Cooish marish Daniel Quayle. Ga dy row 'Goll as Gaccan' feer anaasagh fastyr Jedoonee eddyr 4.00pm as 6.00pm, as Annie Kissack 'sy teyrlann marish Phil Gawne, cha row meer er-lheh 'sy Ghaelg, as myr shoh ta shin goll roin dy jeeragh gys 'Claare ny Gael''Sy veer shoh jeh chyndaays 'sy Ghaelg jeh Dracula liorish Bram Stoker, ta shin clashtyn hoshiaght veih lioar-laa Mina Harker mychione y turrys oc ayns carriads gys y Varney Vorgo as eisht gys Cashtal Dracula. Choud's t'ad goll stiagh ayns gowaltys dy chionnaghey cabbil noa oor dy hayrn y charriads, ta ben thie er n'ghoaill tastey jeh cron jiarg er baaish Vina as er chur croshag urree hene as er heeyney magh daa vair dy choadey noi'n drogh-hooill.CLAARE NY GAELLioar-laa Mina Harker. Ta mee credjal dy ren ad boirey ad hene dy chur towse elley dy gharleid 'sy vee ain; as cha noddym jannoo rish garleid. Dy kinjagh neayr's shen ta mee er n'ghoaill kiarail nagh vel mee cur jeem my edd ny my vreid, as myr shoh ta mee er haghney ny ouryssyn oc. Ta shin troailt dy bieau, as er yn oyr nagh vel immanagh marin dy hutleragh, ta shin goll roish scammylt; agh s'loys dou gra dy jean aggle roish y drogh hooill eiyrt dy çhionn çheu-chooylloo jin y clane raad. Ta'n Olloo jeeaghyn dy ve gyn skeeys; feiy'n clane laa cha ren eh goaill fea erbee, ga dy dug eh orrym's cadley rish tammylt liauyr. Ec traa yn lhie-ghreiney hug eh mee fo hypnosis, as t'eh gra dy ren mee freggyrt myr va mee cliaghtey "dorraghys, ushtey lhiantyn as fuygh jeestyrnee"; myr shoh ta'n noid ain foast er yn awin. Ta mee goaill aggle roish smooinaghtyn er Jonathan, agh ayns aght ennagh cha nel aggle aym er-e-hon, ny er-my-hon's. Ta mee screeu shoh choud's ta shin fieau ayns thie eirinagh er ny cabbil dy ve jeant aarloo. Ta'n Fer-lhee Van Helsing ny chadley. Y voght veen, t'eh jeeaghyn dy ve feer skee as shenn as lheeah, agh ta'n beeal echey soit cho çhionn as shen ec fer barriaghtagh; eer ny chadley t'eh lane dy chiarail. Tra ta shin er n'ghoaill toshiaght dy kiart shegin dou cur ersyn goaill fea choud's ta mish gimman. Nee'm insh da dy vel laghyn roin, as nagh nhegin dooin brishey sheese tra ny smoo na ooilley bee feme ain er e niart.... Ta dy chooilley red aarloo; hem mayd roin dy leah. 2 Mee Houney, moghrey.—Haink eh lhiam, as va shin gimman rere shayll fud ny hoie; nish ta'n laa er jeet orrin, gial agh feayr. Ta trimmid quaagh 'syn aer—ta mee gra trimmid gyn fockle share aym; ta'n bun jeh dy vel eh tranlaase er ny neesht jin. T'eh feer feayr, as cha nee agh yn eaddagh fynnagh ain ta freayll shin souyr. Ec y vadran hug Van Helsing mee fo hypnosis; t'eh gra dy ren mee freggyrt "dorraghys, fuygh jeestyrnee as ushtey buirrooghey," myr shoh ta'n awin caghlaa choud's t'ad goll seose. Ta mee treishteil dy feer nagh jean my vyrneen goll ayns gaue erbee—ny smoo na vees feme er; agh ta shin ayns laueyn Yee. 2 Mee Houney, oie.—Feiy'n clane laa gimman. Ta'n çheer çheet dy ve smoo feie choud's ta shin goll, as ta dreeyminyn mooarey ny Carpathee, ayns Veresti va jeeaghyn dy ve choud voin as cho injil er oirr ny cruinney, nish jeeaghyn dy chruinnaghey mygeayrt-y-mooin as dy hassoo myr tooryn roin. T'eh jeeaghyn dy vel ny neesht jin ayns gien mie; er-lhiam dy vel shin jannoo eab dy gherjaghey y cheilley; ayns jannoo shen ta shin gerjaghey shin hene. Ta'n...

'Sy phodcast shoh, Abbyr Shen Reesht, nee shiu clashtyn meeryn 'sy Ghaelg va goll er skeayley-magh hoshiaght ayns shiartanse dy chlaareyn Radio Vannin er yn chiaghtin.Ta shin goaill toshiaght lesh ny cooishyn as 'Kiaull as Cooish', claare vees goll er jannoo eddyr yn BBC as Radio Vannin as vees ry chlashtyn eddyr 5.00pm as 6.00pm fastyr Jeheiney er Radio Vannin AM1368. Shoh dooin Daniel Quayle – myr va mee gra, lesh ny cooishyn, agh gyn y chiaull.KIAULL AS COOISHDaniel Quayle as 'Kiaull as Cooish'. Va David Kinley 'sy teyrlann marish Phil Gawne 'sy teyrlann son 'Goll as Gaccan' fastyr Jedoonee eddyr 4pm as 6pm, as v'ad goaill soylley jeh soo va jeant oc as v'ad loayrt mychione enmyn buill. Haink chaghteraght stiagh choud's va'n chlaare goll veih fer eaishtagh enmyssit Robert, as s'cosoylagh eh dy row Robert jeeaghyn er ynnyd eggey Radio Vannin, as ayns shen ta caa da sleih fakin yn peiagh ta chebbal y chlaare, lesh shamraigyn ayns shoh 'sy teyrlann. T'eh jeeaghyn dy ren Robert fakin dy row y chlaare goll yn chiaghtin shoh chaie, ny yeih nagh row peiagh erbee ry. Va'n chaghteraght echey beggan mitchooragh, shirrey er Phillie dy chur yn Ghaelg er raa er-e-hon, as shoh diu yn raa shen v'eh geearree.GOLL AS GACCANPhil Gawne, jannoo chyndaays myr va fer eaishtagh, Robert, shirrey ersyn ayns 'Goll as Gaccan'. Myr va Phil gra, s'anvennick eh dy vel eh assaaragh, agh t'eh jeeaghyn dy ren Robert goaill tastey jeh fer jeh ny keayrtyn shen va recortys jeant ec Phillie rolaue.Ayns 'Claare ny Gael' ta shin cheet faggys da jerrey yn lioar Dracula liorish Bram Stoker, ayns chyndaays 'sy Ghaelg, agh er yn oyr dy vel shin clashtyn ee ayns episodeyn giarey shiaghtin er shiaghtin 'sy chlaare, yiarrin nagh jean mayd cur kione er y skeeal derrey lieh-raad trooid chied vee ny bleeaney shoh cheet, Jerrey Geuree 2025.'Syn ayrn shoh jeh'n skeeal, ta Jonathan Harker marish yn Chiarn Godalming ayns baatey-liauyr bree, goll er yn awin Sereth as stiagh 'sy Vistritza. Ec y traa cheddin ta Quincey Morris as yn Fer-lhee John Seward er mooin cabbil, goll lesh broogh ny hawiney, as t'eh fo'n Olloo Van Helsing kionnaghey carriads as cabbil dy gholl y raad marish Mina Harker gys Cashtal Dracula. Ta shin goaill toshiaght er yn awin.CLAARE NY GAELLioar-laa Jonathan Harker. Ta shin nish er n'gholl stiagh 'sy Vistritza; as my va shin neu-chiart 'sy smooinaghtyn ain ta'n caa ain ersooyl. Ta shin er verraghtyn er dagh ooilley vaatey, mooar as beg. Dy moghey moghrey jiu, ren un skimmee sheiltyn dy row shin baatey y Reiltys, as ren ad cur-rish shin rere shen. Honnick shin ayns shoh aght dy yannoo rea cooishyn, myr shoh ayns Fundu, boayl ta'n Vistritza roie stiagh 'sy Sereth, hooar shin brattagh y Roumania as nish ta shin bennalt shen dy baghtal. Lesh dy chooilley vaatey ta shin er verraghtyn er neayr's shen t'eh er jeet lesh y chluig shoh; ta dy chooilley ammys er ve currit dooin, as cha nee eer un cheayrt va plaiynt erbee da cre erbee ren shin reih dy vriaght jeu ny dy yannoo. Ta paart jeh ny Slovakee ginsh dooin dy jagh baatey mooar shagh'oc, as eh goll ec ny smoo na'n bieauid cadjin er yn oyr dy row skimmee dooble er boayrd. Va shoh roish my daink ad gys Fundu, myr shoh cha dod ad insh dooin ren y baatey çhyndaa stiagh 'sy Vistritza ny freayll rish goll seose yn Sereth. Ayns Fundu cha dod shin clashtyn veg mychione lheid y vaatey, myr shoh gyn ourys hie eh shaghey 'syn oie. Ta mee gennaghtyn saveenagh; foddee dy vel y feayrid goaill toshiaght er jannoo orrym, as shegin da'n dooghys goaill fea traa ennagh. Ta Godalming shassoo er dy jean eshyn freayll yn chied arrey. Dy bannee Jee eh son ooilley e vieys da Mina voght veen as dooys. 2 Mee Houney, moghrey.—She laa gial t'ayn. Cha row y dooinney mie shen gearree doostey mee. T'eh gra dy beagh loght er ve jeant liorish, er-son va mee cadley cho sheeoil as va jarrood my voirey. T'eh...

Shoh diu y podcast, Abbyr Shen Reesht, lesh meeryn 'sy Ghaelg ass shiartanse dy chlaareyn Radio Vannin er yn chiaghtin.Fastyr Jeheiney eddyr 5.00pm as 6.00pm va Daniel Quayle chebbal Kiaull as Cooish, as veih'n chlaare shen ta shin clashtyn ny va Daniel dy ghra, son y chooid smoo mychione y chiaull v'ayns y chlaare, ny yeih nagh vel shin clashtyn shen ayns shoh.KIAULL AS COOISHKiaull as Cooish marish Daniel Quayle, vees goll er jannoo eddyr yn BBC as Radio Vannin er y voggyl AM 1368. Ayns 'Goll as Gaccan' fastyr Jedoonee eddyr 4pm as 6pm, va Phil Gawne jannoo ymmyd jeh coloayrtys recortit liorish Ruth Keggin Gell mychione yn Eailley Ghaelgagh va currit er bun liorish Phil 'sy vlein 1996, as neayr's shen haink yn ennym j'ee dy ve yn Chooish. Va shen feer anaasagh, agh cha row meer er-lheh 'sy Ghaelg hene 'sy chlaare y cheayrt shoh. As myr shoh, gys Claare ny Gael. Ta mee gooley dy bee mayd cheet gys jerrey yn lioar, Dracula liorish Bram Stoker mysh queig shiaghtin jeig veih shoh, er yn oyr nagh vel monney j'ee er mayrn ain choud's ta shin lhaih ee ayns chyndaays 'sy Ghaelg. Ec y traa t'ayn ta'n Olloo Van Helsing er n'ghra dy jean eh cur-lesh Mina Harker gys Cashtal Dracula. Ta Jonathan Harker currit ass dy mooar, er yn oyr dy vel Mina hannah doghanit ec yn Chount Dracula as ta'n annym eck ayns gaue hannah. Ta shin clashtyn veih Lioar-laa Mina Harker : CLAARE NY GAEL Ren coraa yn Olloo, choud's loayr eh ayns sheeanyn cleeir millish, va jeeaghyn dy aa-woalley 'syn aer, kiunaghey shin ooilley:— "Oh, my charrey, t'eh er yn oyr dy baillym sauail y Ven-seyr Mina veih'n voayl atçhimagh shen dy vel mee son goll. Nar lhig eh Jee dy baillin cur-lesh ee gys y voayl shen. Ta obbyr—obbyr keoie—dy ve jeant ayns shen, nagh vel son ny sooillyn eck. Ta shinyn ny deiney ayns shoh, ooilley er-lhimmey jeh Jonathan, er nakin lesh ny sooillyn oc hene ny vees dy ve jeant roish my vod y boayl shen ve jeant glen. Cooinee er dy vel shin ayns çhennid debejagh. My vees yn Count scapail voin y cheayrt shoh—as lajer, aghtal, croutagh eh—foddee dy jean eh reih dy chadley rish cheead blein, as eisht ayns traa yinnagh y fer ain cho veen"—ghow eh my laue—"çheet dy reayll sheshaght rish, as veagh ee gollroosyn elley ren uss, Jonathan, fakin. T'ou uss er ninsh dooin jeh ny meillyn froaishagh oc; ren oo clashtyn y gearey awane oc choud's ren ad greimmey y poagey va brebbal ren yn Count ceau daue. T'ou bibbernee; as kiart dy vel eh myr shen. Jean leih dou eh dy vel mee cur wheesh pian ort, agh t'eh femoil. My charrey, nagh vel shoh feme doogh as er-e-hon ta mee cur, foddee, my vioys? My haghyrys eh dy jinnagh feallee erbee goll stiagh 'sy voayl shen dy hannaghtyn ayn, orrympene's veagh eh dy gholl dy reayll sheshaght maroo. " "Jean myr ta'n aigney ayd," dooyrt Jonathan, lesh sogh hug eh dy slane er creau, "ta shin ayns laueyn Yee!" Ny s'anmee.—Oh, hug eh foays dou fakin yn aght ren ny deiney dunnal shoh gobbraghey. Cre'n niart t'ec mraane agh dy cur graih da deiney tra t'ad cho jeean, as cho firrinagh, as cho dunnal! As, neesht, hug eh orrym smooinaghtyn er niart yindyssagh yn argid! Cre nagh jig lesh tra ta ymmyd jeant jeh dy kiart; as cre hig lesh my vees drogh ymmyd jeant jeh? Dennee mee cho booisal dy vel yn Çhiarn Godalming cho berçhagh, as dy vel eshyn chammah's Mnr. Morris, as palçhey argid echeysyn neesht, arryltagh dy cheau eh cho seyr. Er-son mannagh ren ad, cha vod yn turrys beg ain eer goaill toshiaght, edyr cho leah as lesh cullee cho mie, myr bee eh çheusthie jeh oor elley. Cha nel three ooryn ersooyl neayr's v'eh reaghit ny veagh yn paart ec cagh jin dy yannoo; as nish ta baatey-liauyr bree aalin ec yn Çhiarn Godalming as Jonathan, lesh bree jeant aarloo dy ghoaill toshiaght er grig. Ta lieh-ghussan dy chabbil mie ec yn Er-lhee Seward as Mnr. Morris, as stoamey ad. Ta ooilley ny caslyssyn çheerey as cullee jeh caghlaaghyn keint vees ry gheddyn ain....