Scots Language Radio

Nae matter fit s happenin aroon us the season dinna hud back. It s affa nearly time tae cast oor cloots faan the Mayfloor comes oot bit dinna be oor quick. In this episode we bring a breath of spring air an dedicate the programme tae the bonnie trees an plants unfurlin their leaves an colours. Rhona Alcorn fae the Scots Dictionaries tells us aboot some o her favourite Scots names for plants Horticulturist David Mitchell leads us intae the landscape wi trees and musician Hamish Napier taks us on a magical journey through the forest, an introduces us tae the tree characters and his special music for The Woods.

An aye wir nae seener sittin oot o the sun wi oor ice-cream cuppies , than wir rinnin oot o the thunner-plumps. It keeps us swak bit fit a summer wiv hid. Wiv hid athin fae scorchin sun tae monsoon tae frost in the morning aa in ae month. Hope yiv enjoyed a wee break somewye. Bit we re back in the room again, wi twa guests. Alistair Heather jines us again tae tell us aboot plans for a Scots Language Board and musician, composer an Trad Awards Maestro, Simon Thoumire is wi us tae spik aboot the Scots Language Awards. We dinna hing aboot.

We are delighted an privileged to dedicate oor 60th Scots Radio programme to Professor Gary West s new book an play Jocks Jocks . The content is based on stories collected bi traditional singer an collector, Jock Duncan, fae 1st World War Veterans. Gary jines us in the studio tae taak us on this very special journey. Dinna hing aboot jist come wi us.

Wi hae passed the Spring Equinox - so it must be Spring. An in this April edition o the programme wi jine the gaitherin at the James Hutton Institute in Aiberdeen tae enjoy the Young Biodiversity Awards . We re wi the Irish an Scots Poets as part o Neu Reekie at the Poetry Library in Edinburgh, an we experience the spectacular production o Nordics In Exile at St Nicholas Kirk in Aiberdeen. Aa this an enjoying the company o oor Studio Guest, folklorist and musician, Steve Byrne spikkin aboot a new CD o Ballads fae Sir Walter Scott s Minstrelsy o the Scottish Borders. Jine us.

Scots Radio Episode 53 jist disna hing aboot. Wir at the Dundee Rep for the first performance o The Yellow on the Broom fae the novel by Betsy Whyte. We hear fit the new Scots Scriever, Dr Michael Dempster his planned for the future. Storyteller Jackie Ross tells us aboot her new project for bairns and we re up at Banff Academy hearing aboot the new Bairns Charter . An wiv got bonnie music as weel a throw the programme bonnie fowk tae present it is harder tae get. Bit we try. Enjoy the journey.

It s jist fan ye think it s nae afore time ye find ye canna pit aff time. That jist sums up this last few wiks wiv been flat oot. An it gies us great pleasure tae tak ye aff tae the Tartan Heart Festival at Belladrum tae spik tae the past Scots Screiver, an the Edinburgh Festival and Fringe wi Aye, Elvis an Joyce Falcoer, an a preview o the Findhorn Bay Festival wi Kresanna Aigner. Bit enjoy yirsel fan ye can ye hiv tae knuckle doon an read the Draft Cultural Strategy Document fae the Scottish Government. Dinna worry, Donald Smith taaks us through the pages. Jine us in Episode 52 o Scots Radio. Dinna pit aff time.