AWR- Voice wen dey ginger Hope

Anoda work wen God give man for family bi say make e get beta life dey do watin good wen go bi beta exampo for hin pikin. Today message of Hope say beta kristian na pesin wen believe and e dey do all de tin wen God tork for de Bybbo.

Today praya na for evrytin wen konsign elekshun wen dey come make God for give us beta leda for hawa kontree. De message of Hope say beta kristian go get de kain karacta wen Jesus get bikos na so pipo take know kristian dem for Bybbo.

Today fess song say de place wen you no go stand by yor sef and de sekond song say make we trust God. De message of Hope say wen like dey show us and we for just like to commot mind for evrytin, make we rememba say God dey.

Make we train hawa man pikin make e sabi make beta moni and make e know how to save and use moni make e for get beta life tomoro. Today message of Hope say wen we fall, and we beg God, God go forgive us and give us pawa to take get up.

Enitime wen husband or wife no dey stay house tork and play with odar pipo for de house na sign say vexnation dey belle and trobo don enta house. De message of Hope say wen sikness enta bodi, God get pawa wen e go take commot de sikness from hawa bodi.

De kain tin wen drunka man go do wen e go take commot for hinside botto naim bi today mata. Today message of Hope dey tell us say life na fite and na only wen Jesus dey hawa korna naim we go fit win de fite

De tin dem wen hawa pikin dem go do wen go make dem fit do de work wen dem don selet say dem go do naim bi today mata. Today message of Hope dey tell us say wen we no get hawa own pawa, God pawa dey wen go epp us for eni kondishion wen we dey

Na husband sorpose train hin wife and hin pikin dem how dem go waka wen life go take bei beta life for de family Today message of Hope say no mata de trob wen we enta, God pawa go fit commot us from de trobo wen we do watin God tork

Today praya na make God for epp us manage de rain wen dey fall now make e no con be rain wen go scata farm and pipo house. De message of hope dey tell us say wen devo take temtahion take stone us, God go give us pawa wen we go take jump am pass.

Today fess song dey tell us say na evrytin we dey take serve God and de sekond song say make we serve only God. De message of Hope tell us say e no mata who we bi and de kain work we dey do for church, if we no waka as God tork, we no go go heaven

Man wen sabi kontrol hinsef and wen know as e sorpose waka na man wen go bi beta man and beta husband tomoro. De message of Hope say make we no let pipo desive us go do watin God say make we no do bikos wen wahala come na dos same pipo go laugh us.

Wife wen no dey forlow hin husband tork na one sign say trobo don enta de house and husband sorpose setto de mata. De message of Hope say wen God tork sometin, de tin must happun as God tork am so make we no dey take God work play.

De kain sikness wen worri fit put for hawa bodi and how we go take commot worri for hawa life naim bi today mata. Today message of Hope say make we shine hawa eye so dat wayo wayo pipo no go desive us con do watin God say make we no do.

De tin hawa pikin dem go do for skool wen dem go take fit pass and do de kain work wen dey deir mind naim bi today tork. Today message of Hope say wen we no do watin God tell us dem enitin wen we see for de mata, we go manage am.

One big work wen God give man na say make go dey provide de tin wen hin family sorpose get and chop. De message of Hope say wen we hear God word, make we do de tin wen God say make we do. Na dat one bi watin God want

Today praya na for Benue state pipo for de family wen dem kill deir pipo and bon dier propati. De message of Hope say God de tell hin pipo de tin wen e dey do and wen God tell pesin watin e go do, e go good make de pesin do am.

Today fess song na "Heaven come down" and de sekond song na "Obey" and tru-tru God want make we do watin hin tork. De message of Hope say de tins we dey do bi like seed wen we dey plant, e go grow and e go bring harvess so make we mind watin we dey do

De tin we go tell boy pikin wen go make am hold bodi and no sleep with eni girl bifor e marray naim bi today mata. Today message of Hope na warning make pipo no dey swim for hinside sin bikos God no dey forgive pipo wen like sin and wen no want commot.

De way we go take manage kworel for family and how we no go dey use bad bad word so dat marrage no go scatar naim bi today mata. Today message of Hope say God want give us hin Spirit so make we commot bodi for sin and forlow God like beta pikin

Fruit and vegetable like orange and ugu wen pesin go chop for evening naim bi lite food wen good for bodi. Today message of Hope say wen we dey choose friend make we wise choose de friend wen go make hawa life beta

De tin wen dey make pipo dey choose de kain wok wen dem choose say dem go do for deir life tomoro naim bi today mata Today message of Hope say make we no forlow bad pipo bi friend bikos pipo go know who you bi from de kain friend you day forlow

God want make de man bi de pastor for hin house make e tish hin wife and hin pikin dem how dem go take forlow God waka. Today message of Hope say beta pikin na pikin wen dey do watin hin papa and mama tork and wen no go take sin play

Today praya na for evrybodi wen dey sik so dat God go heal dem and commot sikness for deir bodi. De message of Hope dey tish us de lesin dem wen we fit learn from King Solomon life and today lesin say make we get sense.

Today fess song na "Heavenly Sunlight" and de Sekond song say make yor lite shine for yor korna De message of Hope say make we do watin Jesus do wen e dey here so dat pipo go see Jesus for hawa life as hin lite dey shine come out for hawa life.

God plan say de man naim go bi pastor for hin house so make papa and mama train de boy pikin make e know God well well. Today message of Hope say bikos Jesus win devo, we too as God pikin don win sin and evry yama-yama wen devo dey do

Today lesin na say Kata-kata wen enta marrage na norma tin e no mean say de love for de marrage don finish. De message of Hope say de waka wen we dey forlow God waka bi like pipo wen dey run so make we run well so we go win prize.

De kain food wen pipo sorpose dey chop wen deir bodi go take balance and sikness no go enta naim bi today mata Today message of Hope say to be kristian mean say you dey forlow Jesus waka and you dey waka as Jesus waka.

De kain wok wen pikin go plan wen e go do for hin life we e big and watin e sorpose know bifor e go choose dat wok naim bi today mata Today message of Hope say God dey give evry pesin wen give Jesus in life new dress wen go make de pesin resembo Jesus

De wok wen God give man as e take make de man put am for dis world naim bi watin we dey put mout today. Today message of Hope say beta kristian na pesin wen go grow come resembo Jesus for evrytin wen e dey do

Today praya na for all hawa pikin dem wen dey rite exam, make God epp dem make dem pass beta pass De message of Hope say pesin wen wan bi beta kristian must give Jesus hin life and let de Holy Spirit bon am so e go bi new pesin

Hawa fess song na de hymn "Christ Arose" and de sekond song na "Celebrate Jesus" De message of Hope say make we dey praise bikos de get up wen Jesus get up naim bi hawa hope for new life for heaven

Make papa and mama train deir boy pikin make e know say na hi God take do kartaka so make e do well make God fit tell am weldon. De message of Hope say make we serve God like Mary wen come bi de fess pesin wen see Jesus wen Jesus get up from grave.

De tin dem wen husband and wife go fit do to take make trust enta deir marrage again naim bi today advise. Today message of Hope say make we bi like Mary wen forlow Jesus waka go de cross and hin grave, e no run commot like Jesus discipo dem.

De way wen pesin go take manage stress dat wahala wen fit carri odar sikness come your bodi naim bi today tork. Today message of Hope say make we bi like Mary wen save plenti mony take buy pafum tay rob Jesus bodi and Jesus praise am for watin e do

De tin dem wen hawa pikin dem go fit do to take get sef kontro for deir life naim bi today mata. Today message of Hope say as Jesus dey bring Lazarus wen don die come life na so e fit bring enitin wen don die for hawa life come back to life

Small small tin dem wen husband and wife go do togeda wen deir marrage go take go front and sweet naim bi today mata. De message of Hope say make we bi like Mary wen dey siddon dey put ear for de tin wen Jesus dey tork.

Today praya na make God for epp all family dem make marrage for no scatar and make God kiore man dem wen dey marray man. De message of Hope say Jesus no dey kondem sinna but e dey give dem sekond chance to change and forlow God.

Today fess song na praya say make Jesus hold hawa hand and de sekond song say make we no de fite but make we dey togeda. De message of Hope say make we get strong fait make we no let enitin commot hawa eye from God bikos God dey hawa side

Anoda kain work wen papa and mama go epp deir pikin learn na work wen dem dey take brain and sense take do. Today message of Hope say pesin wen bi beta kristian musto sabi tell odar pipo abat Jesus bikos dat na sometin wen God say make we do

De way wen husband and wife go take trust demsef and forgive itsh odar even wen one pesin make mistake forlow anoda man or woman. Today message of Hope say beta kristian na pesin wen give Jesus hin life and e dey go shursh with odar pipo wen bi God pikin

De way wen de wahala wen dey bring odar sikness come bodi take dey do small pikin dem and how papa and mama go take know naim bi today mata. Today message of Hope say beta kristian musto bi pesin wen dey pray as Jesus pray.

Pikin wen sabi kontro hinsef na pesin wen go fit commot hin hand from eni bad tin and hin life go bi beta life. Today message of Hope say as pipo wen don bon again we go dey forlow Jesus and de do watin Jesus say make we do bikos we bi disiapo