Ernineq podcast

Marianne meerartaarniarnermini naartunerminilu meeqqap nappaammik kingornunneqarsinnaasumik peqarsinnaaneranut oqaluttuaa tusarnaarsinnaavat. Ajoraluartumik nappaat kingornuttagaq ilaqutariit nalaataanik nunatsinni atugaarpiannginnera peqqutaalluni pisortaqarfinniit ilisimaneqarnera killeqarpoq. Taamaalillunilu nunatsinni misissortinnissamut periarfissat killeqarlutik. Ilaqutariit periarfissakinnera pisortaqarfiullu systemia oqimaatsoq aqqusaarsimavaat tunniutiinnangalluinnarlutillu. Pillutik pillutik Danmarkimut Mariannep naarmiuminut misissortikkiartornissaanut iluatsitsipput nammineq akilikkaminnik. Ilaqutariit iluminni nappaateqartoqarnera qanoq tacklertarpaat? Misigissutsit suut atorneqartarpat? Oqaluttuaq pikkunartoq tusarnaaruk. 

I august 2021 slog Line dørene op for den første private jordemoderklinik i Nuuk. I episoden kan du lytte til hvorfor den seje anaana og jordemoder Line har valgt at åbne sin klinik privatjordemoder.gl og høre hvad det er hun tilbyder; alt fra akupunktur til billeder! Lille disclaimer: klinikken privatjordemoder.gl tilbyder noget som går udover de offentliges tilbud. Episoden er på dansk og bær ovee med mig hvis jeg (Vivi) snakker lidt gebrokken. ENJOY!

Meeqqamik annaasaqareernerup kingorna meerartaaqqinneq immiussinermi sammineqarpoq. "Regnbuebarn" imaluunniit meeraq neriusaatut inunngortoq tassaavoq angajoqqaat meeqqaminnik annaasaqareernerata kingorna meerartaavat. Aliasorujussuarneq, neriuutaaruttuusineq, annaasaqaqqinnissamut annilaanganeq, pillualeqqinnerlu eqqartorneqarput. Immiussami Malou misigisaminik oqaluttuartuuvoq.

Naartunermi misigisat allattorneqarsinnaappat? Naartunerma nalaani allattuiffigisartagassannik allattaaveeqqamik pisivunga. Maannakkut ukiut qulinngulersuni allattaaveeraq ammaqqaarmalli allattuiffigineqarlunilu quppeqarpara allattorsimasakkalu atuarlugit. Timimut allannguutit, misigisat, eqqarsaatit, sinnattut, naarmiuararlu pillugit siullermeertumik anaananngulersumiit allatat tusarnaakkit. 

Inorlutik inuusimasunut piffissaq siulleq inuunerat nalunartarpoq, naap iluani inerilluanngitsoorsimaneq peqqutaalluni. Aviamut misigisat pikkunanngitsoorsimanngillat, paneeqqanimi inorluni inunngoreersoq atortoqaqaluni kuvøsep iluaniittoq assaarai tigoriarlugit saallugu oqarfigisimavaa: “Nukissamik nassarlunga iserfigaakkit, illit pillutit assoroorsimaqaagut ilinnulli asanninnitta aniguisippaatigut, ullumikkut aamma taanna aqqut atorlugu ulloq ullumikkut naatigut, illittaaq aamma asanninneq atorlugu nukittugit” Kalaallit Nunaanni meeqqani inunngortuni 8-ssaat inorluni inuusarpoq. Nunarsuarmi kisitsisinut sanilliullugit akulikinnerulluni. Immiussami uani inortunik meeraqarnermi misigisat, aqqusaakkat, angusat neriuutillu killeqanngitsut tusarnaakkit

Birthennguaq juumuumut misissortikkiartornermini nammineq qoorisani juumuumit misissortittussaq takoreerlugu pasitsappoq ajortoqartoq. Misissortikkamilu paasitinneqarpoq aavata naqitsinera qaffasippallaartoq, ernisariaqalertorlu. Naartunermi toqunartoqalernerup (præ eklampsi) kingunerani piffissap sivikitsup iluani Birthennguaq oqimaallipallassimavoq, timip imertanerujussuarnerata kinguneranik. Ernereerami Birthennguup isigisai ajortikkaluttuinnarsimapput isigisaarukkallarnermik kinguneqarluni. Naartunermi toqunartoqalernermut pasitsaakkaanni juumooq saaffigineqassaaq. Ersiutit ukuusinnaapput: • qooq æggehvidestoffeqalernera (protein) • aap naqitsinera qaffassinnaavoq • timi imaruaqalissaaq (imertanilluni) • piffissap sivikitsup ingerlanerani annertuumik oqimaallineq • niaqorlulerneq • isigisat aalangusilersinnaaneri (najoqqutaq: graviditet og fødsel 2016) Eqqaamallugu juumuuliarnermi naartusup quua sukkumik proteinimillu misissortittuaannarmat

Immikkut ittumik immiussineq kingumut qivialaarnermik imaqarpoq: aallartisarneq, aporfiit, unittoorfiit, killissanik qaangiinerit, qaqeqqittarnerit misigisat puigunaatsut allallu eqqartorpakka. Suut uanga pissarsiaraakka? Suullu tusarnaartartut pissarsiarisarsimavai? Junip 16-iat 2021 tassaavoq Ernineq podcast saqqummersitseqqaarneraniit ukiup ataatsip qaangiunnera. 

Immiussami uani najugarisaq qimallugu erniartortarneq eqqartorneqarpoq. Naartusorpassuit angerlarsimaffitsik ilaquttatillu qimallugit erniartortariaqartarput. Anaanatut ataatalullui piffissaq siulleq meeqqamut angajoqqaanullu attaveqatigiinneq siulleq pingaaruteqarluinnartutut oqaatigineqartarpoq. Ajoraluartumilli erninermi erneqqammernermiluunniit qanigisanik (ataataasoq ilaquttallu allat) saninniittoqarsinnaaneq tamanut periarfissaanngilaq. Tamanna pillugu Unu aamma Julie Qeqertarsuatsiaaneersut oqaloqatigaakka. Nammineq najugarisartik qimallugu erniartorneq misigereernikuuaat. Erniartortunut atugassarititat, misigisat kissaatillu eqqartorneqarput.

Ataatas day special. Immiussami uani ataataanerup silarsuaa pulaffigilaarpaput. Immiussami oqaluuppara Qillaq, paninnut ataataasoq. Naartusoorluni qanoq ippa, qanoq ataatanngorluni piareersartoqarsinnaava, qanorlu issimava ataatanngulerluni nammineq ernisumik peqataalluni? Ataataanerup silarsuaa eqqartorparput, illartarlutalu utimut qivialaarpugut ullumi ataatanut ulloritinneqartumi. Tusarnaarluarisi!

Bonusimik immiussaq! Suunuku ernereernerup kingorna timikkut sunniutit eqqaaneqanngitsoortartut? Maajip 25-iani opslagiliorpunga ernereernerup kingorna (timikkut) sunniutit eqqaaneqarneq ajortut pillugit. Tassanilu ilisarnarsinnaasunik qulingiluanik assitalinnik saqqummiillunga. Malinnaasut aamma kommenteriipput nammineq eqqaasinnaasaminnik. Immiussami uani tusarnaarsinnaavarsi kommentarit atuarujoorneri aammattaaq uanga ilassuteqartarnera. Taamaalilluni bonus episodeq saqqummerpoq ;)

Ruusannguamut aqqut sorpassuartigut pikkunarsimaqaaq ilaatigullu aamma naartuleqqaarnermini aaqarujussuarnerata kingorna paasitinneqarluni katatsilluni. Sapaatit akunnerit pingasut qaangiuttut katatsisimasutut paasitinneqareerluni manngertitsisalersimavoq, pasitsappoq suli naarmioqarluni. Episodemi uani eqqartorneqarput marlulissanik naartuneq, ernineq, amaamatsitsineq vs. miluffittortitsineq, angajoqqaanngornermi akisussaaffiit, qanorlu nukinik allertarnissap pingaaruteqartiginera.

Nukap pingajussaa panissaalernermini sap. ak. 32-t naartoreerluni paasivaa aavata naqitsinera qaffasippallaartoq. Sanami misissortereernerup kingorna paasivaa tassanngaannaq pilatsittariaqalerluni. Pissanganeq, ernumanerlu uippallernaveersaarneq Nukap misigisimavai, tassami qaammatit marluk sioqqullugit ernisariaqalersimagami. Pilatsinnermi timimut sunniutit suusarpat? Misigissutsikkummi suut aqqusaarsimavai? Misigisat alianartut illarnartullumi eqqartorpagut.

Immiussami uani tusarnaarsinnaavat perngaamik Ernineq podcast maajip 5-ni Killut-mi livermat immiussaq. Immiussinermi eqqartorpagut badekarimi erneriasaarneq, ernereernerup kingunerani timip allannguutai, nammineq perorsagaanerup ullumikkullu perorsaanerup assigiinngissutai, tassanilu oqaluttuartuuvoq Pilu Noahsen. Unillatsiareernerup kingorna Inaluk meerartaareernerup kingorna aappariinnerup 'anersaava' attatiinnarnissaanut qanoq pingaaruteqartiginera eqqartorpaa. Malugiuk immiussap nipaa allanngorarsinnaammat. Tusarnaarluarisi!

Immiussami uani meeqqamik tunniussineq eqqartorneqarpoq, oqaluttuartuullunilu Rebekka. Meerarisaminik tunniussineq qanoruna pisimasoq Rebakkamut ilaqutaasunullu sunniuteqarsimava? Ukiut arlalinngoreerput aaliangiummassuk meeraq tunniutissallugu, tamanna ullumikkut qanoq inuunerannut sunniuteqarsimava? Oqaluttuaq pikkunartoq tusarnaaruk.

Holistisk coach, Yoga, meditation mindfulnessilu suuppat sumullu iluaqutaasinnaappat? Immiussami uani Lea Holm nuumminngaanneersuuvoq, Seqineq-mi ingerlatsisuuvoq massakkut New Zealandimi najugalik. Lea Himalayami Indiap avannaani ilitsersuisutut ilinniarnikuuvoq, massakkullu neqeroorutigalugu itnuttut ineriartornissamut pikkorissaanerit assigiinngitsut. Leap inuunermini aqqutissatut aaliangiussineranut tunngavileeqataasut ilarivaat ukiut qulit qaangiummata anaanani tassanngaannartumik annaasimanera. Ukiullu sisamat qaangiummata aapparisimasani toqukkut qimaguteriasaarnera. Leap paasivaa inuunermini anniaatit annertuut toqqortertarsimasani qaffakaattoorneri tamannalu kingunerivaa inuunermini naqqarmissimaneq. Leap oqaatigaa: ”Ajornanngitsorujussuuvoq naqqa qinissallugu. Kisianni akilersinnaaqaaq imminut piumaffigaluni, imminut ajunnginnerpaamik inuuneqarusulluni qinissallugu akilersinnaaqaaq, sakkortusinnaavoq kisianni akilernera ingasannerpaavoq”. Tusarnaarluarisi

2019-imi politikeriniit aaliangiunneqarpoq naartunissaminnik ajornartorsiuteqartut naartulernissaanut ikiorsiisarneq unitsinneqassasoq. Tamanna isumaqarpoq Kalaallit Nunatsinni naartulernissamut ikiorserneqarsinnaanngitsut Danmarkimut ikiorserneqarnissaanut Nunatta Peqqinnissaqarfianiit akilerneqartarunnaarnera. Ivalo uinilu naartulernissaminnut Danmarkimut ikiorserneqartut kingulliit ilarivaat. Aqqutaali oqitsuinnaasimanngilaq. Ullumikkut nunatsinni naartulernissamut ajornartorsiutillit ikiorserneqarnissaannut killeqarpoq. Nammineerluni naartusinnaannginnermi aliasunneq pisuutitsineq ernumaneq neriuuteqarneq, misigissutsit allat aqqusaagassallu Ivalop eqqartugai tusarnaakkit.

Paasinnittaaseq Tunngaviit 3-nik (pingasunik) taaguutilik sunaava? Immiussami uani Ivalo pulaartoraara, nassuiarpaalu qanoq eqqarsartartuunerput massakkumiit massakkumut atorneqartarnersut. Ivalo tunngaviit pingasut pillugit ilitsersuisarpoq pikkorissaasarlunilu, suliarisartagaasa ilai immiussami uani eqqartorpagut.

Immiussami uani pulaartoraara Hulda. Hulda oqaluttuarnermini eqqartorpaa naartuniarnerup ajornanngitsuinnaannginnera. Ukiut arlallit naartulernissamut misiliisaraluarluni neriuuteqarnaveersaartarneq, naartulersimanermi ilaquttanut tusarliineq nuannersoq, taavalu naartunerup malittaanik inuunermi allannguuteerarpassuit. Kingornalu ernisartittariaqalerneq, piaartumillu pilatsittariaqalerneq, nikingasunillu meeraqarneq. Immiussami tapersersuisuuvoq Babysam

Ukiut 15-nit matuma siorna Pia qilanaareqisaminik tusarlerneqarpoq, tassa kissaatigeqisaminik naartulersimalluni. Dronning Ingridip napparsimaviani erniartorluni ernisunnermini tusaasinnaavaa meeqqap suli Piap naavata iluaniittup uummateeraa nipaaruttartoq. Tassanngaanniit suna tamarmi sukkasoorujussuarmik ingerlasimavoq. Ernera anillammat anersaartunngilaq, pisullu sukkangaarmata Piamut uppernaassimavoq. Inuusuttuaraateqarluni qanormita Piamut ippa? Inuusuttuaraateqarluni anaanatullu misigisassat assiginngitsut perorsaaniarnerlu pikkunarsinnaasoq qanoq periuseqarfigisarnerai tusarnaaruk. 

Immiussani marluusuni immikkoortortat aappaat. Imigassartorunnnaarnerup kingorna inuuneq oqiliva? Paninnguup oqaluttuarnermini immikkoortortap aappaani ilaatigut kinguaariinni trauma ingerlaartut perorsaanermilu meeqqamut peqqinnanngitsut kipiniarneri eqqartorpai, taamatuttaarlu aamma marlunnik meeraqarfeqarneq qimareernerullu kingorna meeraq qitiutillugu ilaqutariittut attaveqaqatigiinneq oqitsuinnaanngitsoq iluatsissinnaasorlu eqqartorlugu. Ernisimanermini misigisimasaminik eqqartuivoq, meeqqaminillu misigisimasani assigiinngilluinnartut eqqartorlugit.

Immiussaq una marlunnik avinneqapoq. Paninnguaq Heilmann 19-iinnarnik ukioqarluni imigassamut katsorsartissimavoq, immiussami uani ilaatigut oqaatigaa "Inuit imerajuttut sisamat ilagigukkit tallimarissavaatsit, inuillu anguniagallit ingerlalluartut sisamat ilagigukkit tallimarissavaatsit". Ullumikkut inuunera allaaneroqaaq, taamaattuaannarsimanngilarli. Paninnguup katsorsartinnissaminut aliangiinermini peqqutaasut eqqartorpagut, inoorusukkunnaartarsimaneri kingornalu inuunermini mumisitsisimanerminut nukissat sumiingaanneerneri sakkussallu suut atortarnerai tusarnaakkit.

Immiussami immikkoortortani marluusuni ernisussiortunik pulaartoqarpugut. Immiussineq sioqqullugu facebookikkut nittarsaassinermi tusarnaartartut pulaartutsinnut apeqquteqarsinnaanerat periarfissinneqarmat apeqqutit tulleriiaarpagut. Ernisussiortut oqaluttuarnerat imm. 2-ni apeqqut kingulleq katatsisimanermi napparsimaveqarfimmiit ingerlaqqinnissamut arlaatigut neqerooruteqartoqartarnersoq, kingornalu sinerissamiit nuummut erniartorneq eqqartorneqarluni. Corona eqqaaneqanngitsuunngilaq, ernisussiortuullunimita corona peqqutaalluni suut allanngorpat? Tusarnaarluarisi!

Immiussami immikkoortortani marluusuni ernisussiortunik pulaartoqarpugut. Immiussineq sioqqullugu facebookikkut nittarsaassinermi tusarnaartartut pulaartutsinnut apeqquteqarsinnaanerat periarfissinneqarmat apeqqutit tulleriiaarpagut. Imm. siullermi ernisussiortutta ernisuttut nipaqanngitsut/maalaanngitsut imal. anniartarneri qanoq igisarneraat tusarnaarsinnaavarsi, ernisussiortutut misigisat puigunaannerpaat quianarnerpaallu eqqartorneqarlutittaaq. Nanginnera Ernisussiortut oqaluttuarput imm. aappaanni tusarnaarsinnaavarsi. Tusarnaarluarisi!

Immiussami uani oqaluttuartuuvoq Selma. Malugiuk immiussap imarisaa tusarnaartunut sakkortusinnaammat. Selmap naarmiuminik annaasaqarsimanini oqaluttuaraa. Tassami qaammatini arfinilinni marlulissanik naartoreersimalluni paasivaa naarmiumi aappaa annaasimallugu. Qamuuna ilungersorneq nukittuniarneq akerlianillu nukarliup peqqilluni uumaneranut qujamasunneq atorlugu. Misigisaq Selmamut ilaqutaanullu imaannaasimanngeqaaq. Oqaloqatiginnittarnermigulli qaangiiartorpoq, ullummi tamaasa meeqqani qiimmassaasut nukittoqqutigigamigit.

"Angutimmi misigissusaat eqqartorneqarunik qanoq issava?" Taamatut oqarpoq Ernineq podcastimi pulaartoq Hans Jukku Noahsen. Immiussaq una immikkuullarissuuvoq. Tassami siullerpaamik Ernineq Podcastimi angummik oqaluttuartoqarpugut. Angajoqqaanngorneq angutit isaanniit misigisat qanormita ippat? Ilaatigut ataatatut "manngertumik" periuseqarneq eqqartorneqarpoq, kisiannilu aamma asanninneq annertooq nalissaqanngitsoq eqqartorneqarluni. HJ-p eqqartorpaa aamma angutitut misigissusilerinikkut tunuarsinaakkajunneq: "Amerlagatta suli qangatoortutut pissusillit. Matoqqavallaarpugut". Eqqaanngitsuunngilarput aamma nipilersortartuuneq suullu sunnitaasarnersuti. HJ-p oqariartuutigaa qanoq nipilersornerup silarsuaata inuiaqatigiinnut tunniussinnaasaa annertutiginersoq; anersaakkut, periutsitigut eqqarsartaatsikkullu. Ilumoorsaarniarlutalu illarnertalilaarparpummiaasiit aamma. Tusarnaarluarisi!

Episodemi uani ilaatigut tusarnaarsinnaavarsi nunatta oqaluttuarisaanerani siullerpaajullutik aappariit suiaaqatigiillutik meeravissiartaarnerata oqaluttuassaartaa. Meerartaarniarneq sorpassuartigut ajornaatsuinnaasimanngilaq, Najap aappanilu meeravissiartaarniarnerminni aqqusaarsimasatik oqaluttuarai. Ilaatigut ernerat pilersaarutaanngitsumik sioqqutsilluni inunngulernera eqqartopaa, qaammatinilu siullerni misigissutsit assigiinngitsorpassuit eqqusaarsimasani eqqartorpai, soorlu pilluaammerujussuarneq, angajoqqaanngornermi illersuerusussuseq sakkortuup takkunneran, kisiannilu aamma ernertaartik aaneqariasaarsinnaanerannut ernumaneq. Inuit suiaaqatigiit marluk aappariinnerat pissutigalugu meerartaarniarnermi atugassarititat ulloq manna tikillugu imaannaanngitsut aamma eqqartorpavut. Tamakkuli meerartaarniarnermut aporfittut Najap isiginngilai.

Episodemi uani tusarnaarsinnaavarsi Pipaluup anaananngorsimanermini oqaluttuaa. Pipaluk 15-inik ukioqarluni nakorsamiit paasivaa naartulluni . Pipaluk aappanilu tupaallaatigeqisaminik paasivaat naartunermini qaammatit tallimat sinnerlugit angoreersimagai. Nakorsaqarfimminngaanniit ilaatigut periarfissinneqarput meeraq inunngorpat allamut tunniunneqarsinnaanissaa. Qaammatit arfineq marluk angoqqammeraalu naartunermini ernisulersimavoq, sanamilu unitsitaalluni. Ullut pingasut ernisoreerluni nukappiaraq inunngorpoq. Immiussinermi Pipaluup nukaa peqataallatsiarpoq, nammineq ajanngorsimanermini qataanngutigiinnermullu sunniutinik eqqartueqatigiilaarlutik. Pipalummut ataatanngortumullu angajoqqaanngorneq allatulli oqitsuinnaasimanngilaq. Ernerat inorluni inuusimanera ilaatigut isumaqarpoq sanap intensivafdelingiani qaammat uninnganerat, qaammatillu marluk k3-mi. Episode 12-imi Pipaluup naartnermini, erninermini erninermilu kingorna misigisaanik tusarnaarit.

Episode 11 handler om Nana. Da Nana blev gravid med sin datter havde hun 5 måneder forinden fået en abort, da hun og hendes tidligere samlever havde en dysfunktionel parforhold med vold og alkoholmisbrug. Nana vidste på det tidspunkt så de to streger i graviditetstesten at hun ikke kunne leve på den måde som hun gjorde, da hun blev gravid for anden gang. I denne episode snakker hun om det at være ung og alene med en graviditet og med støtte fra familien gik hun til psykolog hvor hun fik talt om sine tanker og fik redskaber til at komme bedst ud af de mén fra hendes tidligere livsstil samt at gennemgå en graviditet uden en partner. Sent i graviditeten fik hun konstateret svangerskabsforgiftning, hvor hun blev indlagt for at blive observeret og senere få sat en fødsel i gang. I hele forløbet er hun taknemmelig overfor sin familie der støttede hende i den sværeste rejse hun skulle gennemgå. Hun siger også at hendes liv er blevet reddet pga. sin datter. Lyt med i denne fantastiske historie om Nana og hendes vej mod den seje kvinde og mor hun er blevet!

Arnánguaĸ tallimanik meeraqarpoq, ernisunnerit sisamat, erninernilu taakkunani pilatsinnerit marluk. Qanoq tassa paasissavarput meeqqat tallimat ernisunnerillu sisamat? Episodemi uani Arnánguup ernisunnini sisamat eqqartorpai qanorlu immikkuullaritsigalutillu assigiinngitsigineri. Aappassaani naartugami marlulissanik naartusimavoq, pingasunik meeraaraateqarneq aqqusaarsimavaa, nangeqartartuuteqarneq, milutsitsinermi nalorninerit annikilliortarnerit, efternøleriliorneq, perorsaaniarneq, tamakku tamaasa aqqusaarsimasani aamma eqqartorpai.

I denne episode af Ernineq Podcast har vi besøg af Jordemoder Vibse, Vibse vil bl.a fortælle om hendes vej til livet som jordermoder, jordemoderuddannelsen, den grønlandske fødekultur og smertetærskel. Hun vil også fortælle lidt om hvad en typisk arbejdsdag på fødegangen i Nuuk indeholder.

Ukiut marlunngulerput Sara ernisulluni sanamut misissortikkiartorami. Ernisussiortup Sara illissap qungasiusaa ammariartulersimanersoq ilusirlugu misissormagu paasivaat 8 cm-imik ammareersimasoq. Tassanngaanniillu toqqaannaq ernisarfiliarsimallutik. Ullut marluk sioqqullugu Sara quaalluni isikkami inuaarasa ilai napisimavai, qujanartumillu naarmiuni ajoqusernagu. Erninermini isikkami inuaaraasa ilai napeqqammata illuinnakkut træskoqarluni ernisimavoq. Sara imminut "dogmom"-itut taasimavoq, meerartaannginnerminiilli qimmiutini Teddy & Bear peqqutigalugit. Ernereernermi kingorna paninilu angerlaramik qimmiutini inuluugeqqaarsimavai, meeqqani illersungaaramiuk. Imminulli oqarfigisimavoq "ajunngilaq, misigissutsit taakku inissaqartinniarlakka" kingorna ataatsimuulersimapput ilaqutariittut qimilittut. Tamanna qanoq eqqartorneripput episode 8-mi tusarnaarsiuk. 

Dina havde havde ventet så mange år på at få et barn. Det var ren lykke for hende se de to streger i graviditeten, hun kunne ikke tro at hun var blevet gravid efter så kort tid med at forsøge. Hun glædede sig til at se det lille menneske som voksede i maven. Da tiden kom at for at møde den lille, var Dina hjemme da vandet gik og lige pludselig fik hun presseveer. Da de var kommet til hospitalet skulle det vise sig at babyen sad fast i bækkenet, og Dina skulle presse i 4 timer. Hun fik angst lige efter fødslen som hun ikke havde forudset, hvilket gjorde at hun ikke turde at komme ud hjemmefra. Lyt med i episode 7: angst efter fødslen.

Episode 6-imi pulaarpara Pipaluk Olsen. Pipaluk 28-nik ukioqarpoq pingasunillu meeraqarluni.  Ukiut sisamat Aarhusimi nanjuagaqarsimapput aapparisaata ilinniarnerani. Pipaluk Danmarkimi naartunini eqqartorpai, taamatuttaarlu erneqqaarnini siulleq panimminut nuannersumik misigisaqarfigisimasani. Ukiut marluk affarlu qaangiummata qilanaareqisaminnik ernertaarput. Ernineralu ajornanngitsuinnaasimanngilaq. Tassami ernerat stjernekiggeriulluni inunngorpoq kingornalu Pipaluk aakkunnaarneq sapilernerani tassanngaannartumik eqqumatilluni suliaritittariaqalersimanini oqaluttuaralugu. Qujanartumik ikiorserneqarluarsimavoq, tamannalumi takussutissaavoq pingajussaanik meerartaarnerannut. Angajoqqaanngornermi nakkarfeqartarnerit, nalorsakujunnerit qianerpassuit eqqartorpai, qanorli nukissanik aallertarnini aamma eqqaalugit. Immiussinermi akulliutaa nukarleerarlu peqataalaarput. 

Episode 5-nni Arnarulunnguaq oqaluttuartuuvoq. Pingasunik meeraqarpoq, naartoqqaaramili oqitsuinnaasimanngilaq naarmiunimi katappaa. Ukiut arlaqanngitsut iluanni meeqqiulerpoq, meeraallu imminut maliinnangajapput. Tamannali Arnarulunnguamut pikkunarsimaqaaq, nammilerli oqaatigaa "soorluli oqilissanngitsoq" - qujanartumik qungujulalluni oqaatigaa, paasiinnarparpulli tulleriinnik meeqqiorneq pikkunartui qaangiuttarmata. Episodemi uani Arnarulunnguup naartunini eqqartorpaa, angajoqqaanngorluni eqqarsaaterpassuit takkuttut, inuit siunnersuutitut apuussarpassui, ilaqutariittut aappariittullu aqqusaakkat, inunnullu qanigisanut killiliisinnaalerneq.  

Pilu Inalullu ikinngutigiinnerpaallutik naartunertik erninertillu eqqartoraat tusarnaarsinnaavarsi. Pilu 30-nik ukioqarluni Meerartaarniarnani aaliangerpoq. Ukioq ataatsip iluani naartulerami meerartaarnianiki qularisimanngilaa. Pilu ataatsimik meeraqarpoq Inalunnguaq pingasunik meeraqarpoq. aappassaani naartugami ikinngutini Pilu naartoqatigaa. Ataaseq uffarferujussuarmi ernisimavoq ataaseq seeqqummeqqalluni ernisimalluni.

Episode 3 handler om Esthers vej mod 'anaanahood', hvor hun bl.a. gennemgik en inseminationsbehandling, fordi hun havde fået spontan abort tre gange inden. I episoden snakker vi om en ferie til Thailand der blev ødelagt pga. graviditetsgener der føltes som tømmermænd, en bowlingkugle hun følte at hun skulle presse ud af underlivet da hun var igang med at føde, men vigtigst af alt hendes ønske om at få et barn blev opfyldt! Episoden er på dansk

Episodemi uani pulaartoraarput Cecilie. Cecilie aappassaani naartuvoq erningajalerlunilu. Siullermi ernigami uge 37- imi ernivoq. Naartuneq ernineq angajoqqaanngornerlu eqqartorpaa.

Ernineq podcast suut siunertarai? Qanorlu pinngorpa? uVivi aamma Inaluk immiussisuupput. Siullerpaamillu naartunitik erninitillu eqqartorpaat. Inaluk asannissuaarpoq naartunermini ernivoq nukissaqarluarluarluni, allaallu ernereerami aqaguani katilluni. Vivi pikkunanaarsivoq, allaalli ernisaammik ikiorserneqarluni ernilluni.