Svindlist er alíslenskt sannglæpahlaðvarp sem keppist um að fóðra almúgann um svik og pretti sem framin hafa verið víðsvegar um heiminn. Hafið varann á, það eru fleiri að reyna að svindla á þér en þú heldur.Nýr þáttur á hverjum föstudegi.
Árið 2001 tók maður að nafni Charles Ingram þátt í bresku útgáfu þáttarins “viltu vinna milljón”. Honum tókst að svara öllum spurningunum rétt, og þar af leiðandi vinna eina milljón punda. En voru brögð í tafli?
Eitt skipulagðasta rán sem framið hefur verið. Brotist var inn í hvelfingu í Antwerp Diamond Center og stolið demöntum og gersemum fyrir líklega hátt í 100 miljónir bandaríkjadala.
Miðvikudaginn 24. nóvember árið 1971 keypti maður að nafni Dan Cooper flugmiða með Northwestern airlines. Hann gekk um borð í flugvélina með svarta skjalatösku sem innihélt sprengju. Hvert var ætlunarverk þessa manns? Var Dan Cooper hans rétta nafn?
Brautriðjandi ættleiðinga í bandaríkjunum. Kona að nafni Georgia Tann sem kom af stað ættleiðingum á sérkennilegan og glæpsamlegan hátt.
Tölvuvírusar hafa þekkst síðan maðurinn fann upp tölvuna. En hver stendur á bak við slíka? Inna lenti í heldur betur leiðinlegu atviki með tölvuna sína og er ekki sú eina í heiminum sem hefur lent í hröppunum á óprúttnum aðilum hinum megin við tölvuskjáinn.
Bill Mason var einn færasti þjófur sem uppi hefur verið. Hann komst upp með hvert ránið á fætur öðru og hagnaðist gríðarlega. Bill rændi aðeins þá ríku, þar sem hann ólst upp við fátækt og vissi hvernig var að vera í þeirri stöðu.
Einkaflugvélar í röðum, 5 stjörnu hótel, einkakokkar og framhjáhald einkennir næsta viðfangsefni þáttarins. Allen Stanford sveik miljarða dollara út úr ríku fólki sem trúði og treysti á hann.
Miðaldra kona, blekkt af manni sem hún verður ástfangin af í gegn um netið. Hann biður hana svo um að fljúga með tösku í hans eigu frá Shanghai til Ástralíu, millilendir í Malasíu og tekin.
Lufthansa ránið eða “The Lufthansa Heist” var rán sem framið var á John F Kennedy alþjóðaflugvellinum í New York fylki í Bandaríkjunum þann 11. desember 1978. Talið er að ræningjarnir hafi náð að ræna tæplega 6 milljónum dala (jafnvirði 22,6 milljóna dala árið 2018), þar af 5 milljónum dala í reiðufé og 875.000 dali í skartgripum sem gerir það að stærsta ráni sem framið hafði verið í bandaríkjunum á þeim tíma.
Frank W. Abagnale Jr. er einn alræmdasti svindlari nútímans þar sem hann blekkti flugfélög, læknastofnanir og háskóla með sjarma sínum sem ungur maður. Í dag er hann sjálfstætt starfandi ráðgjafi sem sérhæfir sig í öryggi gegn slíkum svindlum.
© 2020-2025 Ivy Podcast Discovery LLC
