Berglind Guðmundsdóttir, hjúkrunarfræðingur og eigandi vefsíðunnar GulurRauðurGrænn&salt, fjallar um allt það sem kemur okkur nær því markmiði að vera sátt í eigin skinni og láta drauma okkar rætast."Mig langar að búa til öflugt samfélag kvenna þar sem við styrkjumst og þar af leiðandi styrkjum hvor aðra, gerum hluti sem okkur hafði ekki dreymt um að gera, eða okkur hafði dreymt um að gera en hefðu ekki orðið að veruleika. "
Í þættinum fjalla ég um hina ríku þörf fyrir að hafa rétt fyrir sér og stundum sama hvað það kostar. Við endurtökum það sem við kunnum nú þegar í stað þess að hlusta og eiga möguleika á því að læra eitthvað nýtt. Í þættinum kem ég með nokkrar æfingar sem við getum nýtt okkur til að læra að hafa rangt fyrir okkur - já þú last rétt. Því það er svo margt fallegt sem við förum að upplifa þegar við sleppum þörfinni að hafa rétt fyrir okkur.
Hefur þú velt því fyrir þér hvar þín mörk liggja i rómantiskum samböndum, i samskiptum við fjölskyldu, vini eða vinnustaðinn.Î þessum þætti fjalla ég um mikilvægi þess að setja heilbrigð mörk ❤️
Í þætti dagsins fjalla ég um töfrana sem felast í því að segja já við lífinu. Jafnvel þó að við séum með önnur plön og þetta sé þvert á allt sem við höfðum séð fyrir okkur.
Við erum mörg hver sérfræðingar í að vita hvað við viljum ekki, á meðan við hugsum svo sjaldan um hvað það er sem við virkilega viljum. Niðurstaðan er oft sú að við fáum það sem við viljum ekki - því það er í raun eina planið sem við höfum.
Heimurinn er í raun okkar og við getum farið hvert sem er. En það er nú samt þannig að ef við vinnum ekki í okkur, skiljum okkur og umhverfi okkar þá erum við bara að skipta um stað, en fá það sama. Breytingin verður að gerast innra með okkur ef eitthvað á að breytast í okkar ytra umhverfi.
Til að skilja hluti er ekki nóg að vera á yfirborðinu heldur þurfum við alltaf að fara í kjarna málsins. Það er einmitt það sem ég ætla að gera í dag, fara í kjarna ástarinnar. Það er hægt að nálgast þetta viðfangsefni á marga vegu en hér fjalla ég um það um það hvernig tilfinningaleg tenging okkar við foreldra okkar getur fylgt okkur inn í sambönd á fullorðinsárunum. Af hverju endum við stundum á að velja það sem við vorum að flýja?
Draumar eru okkar áttaviti í lífinu og eru jafnvel einn af lyklum lifshamingjunnar. En hvað verður til þess að við lifum lífi þvert á það sem okkur dreymir um. Í þættinum í dag fjalla ég um þetta og margskonar hliðar á því að láta drauminn rætast.-Rétt upp hönd ef þú vilt eiga heimaÍ heimi þar sem er í lag' að dreymaRétt upp hönd ef þú trúir því að draumar geti ræst.Jón Jónsson
Eru konur sérfræðingar í að brjóta sig niður í stað þess að byggja sig upp. Er kominn tími til að kveðja óheilbrigð bjargráð. Hvað getum við gert til að auka sjálfstraust og breyta neikvæðum hugsunum okkur í hag.
© 2020-2025 Ivy Podcast Discovery LLC
