Piera Cadruvi

A kliini Aleitig für a erfüllts Läba: 1.: sich selber gära ha und voll&ganz akzeptiara. 2.: Menscha um sich uma ha, wo eim huarra gära händ und voll&ganz akzeptiarend. Und mit dena ma huarra schöni Moment teila kann. D Grundlag bisch aber du. Du muasch di selber huarra gära ha - denn könnds au anderi. Drum hets miar gholfa, für mi Wert z definiara, Wert und Thema, wo miar wichtig sind.

I singa für mi und stossa so uf mini Selbständigkeit ah. Diar verzelli was in dem Johr alles ganga isch. Achtung, as git akli viel Lebensweisheita in dära Folg, as Gähna, viel Emotiona, vielvielviel Freud & Dankbarkeit. Und ab und zua ghörsch mini Bettdecki im Hintergrund raschla.

Also öpadia hani eifach kei Bock uf Mänscha. Und denn sägi ihna das. Und öpa hani eifach Bock, zum bim schönschta Wetter dinnahocka und Film luaga. Das nenn i mini Intuition. Miar selber vertraua, dass i weiss was miar in dem Moment guattuat. Und drum kanni jetzt viel besser uf mis Buchgfühl losa - willis zualohn.

Wia fescht kennsch du di & weisch, wer oder was diar guattuat? Überlegg diar selber immer, wia fescht du di selber inara Situation, Bezüchig oder Fründschaft liabsch. Und gohn dem no. Find di selber und verliab di in di. Dasmol gohts um Selbstliabi, Selbstfindig & Bezüchiga.

Nei, d Welt brucht nid nomol an Podcast. Aber ii. I reda über mini Selbständigkeit & über alles, wo mi gad beschäftigt. Hüt: über mi als Emanza, Ökotussi und Spiritussi.