Podcasts about johr

"Kuddelmuddel", dat weer düt Johr dat Thema vun "Vertell doch mal", den plattdüütschen Geschichtenwettbewarv vun'n NDR, Radio Bremen un dat Ohnsorg-Theater. Mehr as 500 Geschichten hebbt Plattsnackerinnen un Plattsnacker uns toschickt - un de söss Besten sünd an'n 14. Juni 2026 bi en grote Afsluss-Gala in't Ohnsorg-Theater in Hamborg uttekent worrn. Für de Musik an düssen Vörmiddag sorg de Hamborger Band "mahoin". Modereert hebbt de Gala Ilka Brüggemann un Yared Dibaba.

Dat gifft je Beschrievungen vun Produkte oder Reklame, de mit de Würklichkeit ni veel to dohn hett, ne. Bi Eeten un Drinken gifft dat dor je Bispeele noch un nöcher. Overs ook bi dat Geegendeel vun Eeten un Drinken speelt sick Wunnersomed af. Dor kann ick ut erste Hand vertelln. Bi uns to Huus in de Boodstuuv hangt nömli 'n ganz moderned Tolettenbecken. Dat dorste Dings is recht nied, so nied, wat dat sogor 'n echted „Design“ hett. „Diesein“ seggt man dorto. Dat is ganz wat Goodet, hett man uns vertellt. Na jo, erstmol kann man dor dat op moken, wat man op de Schiethuusbeckens vun vör hunnert Johr al kunn. Overs nu kümmt dat groote „Overs“: Dat dorste Diesein süht nömli so ut, wat dat Becken in‘ achteren Beriek no ünnen hen den Utgang hett, de is vun de böberste Kant bet to'n Woterspeegel tehmli genau 25 Zentimerters deep. Heff ick meeten! No vöör hen hett dat Becken overs – jo, wo schall ick seggen – so'n „anstiegended Gefälle“. Dat kann man sick vörstelln as so'n recht steile Woterrutsch die Bood'anstalt. Vun de Fuktschoon her is dat je ook ganz ähnli. So. Un ganz vöör is dat Becken vun de Kant‘ bet to'n Grund blots noch söben Zentimeters deep. An düsse Steed ward jeden dörsnittli ut'rüsten Mann verstohn, wat dat ni so scheun is. Richti: De lütte Fründ kriegt dor Grundkontakt. Dat föhlt sick ni no Diesein an sünnern mehr no „I“-sein, so as bi „i“-gitt. Un verköfft worrn is uns dat Utensil as „randlosed Tolettenbecken“. Dormols heff ick dor ni över nodacht, overs dat is natüürli glatt logen. Dat eenzige, wat keen Rand hett, is 'n Ball. Un op'n Ball wurr ick mi tatsächli noch weniger gern för de lütten un grooten Geschäfte setten, as op unsen randlosen Diesein-Lokus mit Rand. Na seeker hett dat Dings 'n Rand. Twee sogor. De Rand wo man op sitten deiht un de Rand, wonehm dat Spöölwoter rutkümmt. Un düsse Rand is so ing , dat man dor ganz slecht to'n Reinmoken rankümmt.

En Musical, en lustigen Krimi, wat to'n Nadenken, man vör allen: wat to'n Amüseern! Bi "Wi snackt Platt" vertellt wi Jo dütmal, wat dat in'e neegste Ohnsorg-Speeltiet vunaf den 30. August to beleven gifft. Wi snackt mit de Böversten vun't Huus, de sik de ne'e Speeltiet utdacht hebbt, man ok mit Intendant Michael Lang: över de aktuelle Situatschoon vun't Ohnsorg un ok över hoochdüütsche Andelen in de Stücken op de grote Bühn. Bavento sünd wi ok noch bi den "Frauenchor Frohsinn" op Finkwarder to Besöök - un wi vertellt Jo mehr över dat Plattdüütsch Woort vun't Johr 2026.

Toll stellt Rekordmengde an Kokain seker +++ Düütschland woll in UN-Sekerheitsrat wählt weern +++ Gewarkschopsbund verlangt högere Stüern för Superrieke +++ Jugendpries gegen Woot un Gewalt warrt vergeven +++ Geschäftsbaas´sche vun de Keks- un Waffelfabrik to regionalen Ünnernehmerin vun´t Johr wählt +++ Weer

Ohaueha. Trump, de Kaiser, ääh, de Präsident vun de USA hett sick nu ook noch mit'n Papst in de Flicken. Dorbi kümmt Papst Leo de Veerteihnste je sülms ut de USA. Ut Chicago kümmt he, dor wo ook Al Capone herkeem. Na jo, dor hett dat eene wohrschienli erstmol ni so veels mit dat annere to dohn. Overs een Gemeensomkeit gifft dat denn doch: Capone weer wiss keen Bangbüx un Leo is dat jüst so weni. He hett keen Angst vör de US-Regeerung, hett he seggt. Un he hett dat seggt, weil Trump sien geistlichen Landsmann dat Muul verbeeden wull. De Papst schall Trump ni kritiseern, weil so un so keeneen Trump kritiseern schall. Wat dat angeiht is Donald recht empfindli. Tscha, de Opgoov vun so'n Papst is dat je overs nu mol, dat to predigen, wat Jesus vör 2000 Johr al predigt hett. Un dat deiht he je ook. Wenn dat Larm un Gewalt un Unrecht in de Welt gifft, denn seggt he dor wat to un röppt to'n Freeden op. Un Leo hett al wat to Trump sien Migrantenpolitik seggt, to de Entföhrung vun den Präsident ut Venezuela un nu hett he seggt, dat Sluss ween mutt mit dat Ümbringen vun Unschullige Lüüd in un üm Iran. Dat weer to veel. Dor hett Trump sien Gesichsfarv vun onrangsch no düüsterraud wesselt. De Mann kunn ni mehr an sick holn un hett ruthaut, wat he vun Leo hölt. Nömli genau gor nix. De weer je ohne Trump so un so keen Papst worrn. So, un üm de Sook mit den leeven Gott ook glieks nochmol trech to rücken hett Donald sien KI ansmeeten un 'n Bild in't Internet stellt, dat em as Jesus oder Gott persönli wiest. Mit Soldoten as Engels, dorblang Odlers un Kampffleegers un ünnen allerhand Lüüd de em anhimmelt. Dor hett Trump sülms markt, dat he 'n beten wiet rutschwummen is. He hett dat Blid weller löscht, overs dor harr dat al de Runn mokt. Un he hett seggt, dat he dacht harr, wat dat Bild em as Arzt wiest, weil em dor je ook 'n Krankenswester anhimmelt hett. Hmm. Ick hol dat echt ni för 'n goode Idee, een to'n Chef vun't US-Militär to moken, de ni mol Jesus un 'n Dokter ut'neenholn kann… In düssen Sinn

In düsse Utgaav vun "Wi snackt Platt" wüllt wi an Peter NIssen torüchdenken. An'n Oostermaandag is de plattdüütsche Översetter, Autor, Journalist un Dramaturg veel to fröh in't Öller vun 68 Johr an en korte swore Krankheit storven. He weer en ganz wunnerbaren Mann, de in sien veel to kortet Leven ganz, ganz veel doon hett för uns Plattdüütsche Spraak: He hett för den NDR un dat Ohnsorg-Theater arbeidt, hett Böker un Theaterstücken in't Plattdüütsche bröcht - un vele vun Jo besinnt sik seker ok noch op de Asterix-Comics un de twee Harry-Potter-Böker, de he tohoop mit sien Kompagnon Hartmut-Cyriacks op Platt översett hett. Ok de Plattdüütschen Narichten vun NDR 90,3 hett he vör mehr as 30 Johrn mit in't Leven ropen. Wi wüllt bi "Wi snackt Platt" nochmal an em denken un ut sien Leven vertellen. Denn schall dat ok noch üm den Hamborger Plattdüütsch Dag an'n tokamen Sünnavend, den 18. April, gahn. Wi vertellt Jo en beten wat mehr över de Highlights, de dat an düssen Dag to beleven gifft. Un wi sünd bi de Hennebergbühn in Poppenbüddel to Besöök: An'n Freedagavend fiert dor de Kummedi “En snaakschet Poor” vun Neil Simon Premieer.Mehr över Plattdüütsch bi'n NDR finnt Ji ünner ndr.de/platt!

Lütt Matten de Hos‘ hett bald weller 'n Barg to dohn, ne. Un de Kinner ook – bi't Sööken vun de Ostereiers. An Leevsten hebbt se je de Eiers ut Schokolod. Dorbi mutt man so'n lütt beten oppassen: Ni alle Eiers, de vun Hosen leggt ward, sünd ut Schokolod. Overs dat is je 'n ganz anner Geschicht. Blangbi: Ostern fiert mann je ni överall so, as bi uns. In Schweden to'n Bispeel mööt de Lütten de Eiers un den annern Söötkrom ni sööken, se mööt sick de Naschis verdeen‘. Dorto treckt se vun Huus to Huus, un wenn ehr opmokt ward, denn tuuscht se sülmsgemolte Koarten gegen wat Seuted. Singen mööt se ni, glööv ick. Un „Seuted oder Suured“ seggt se ook ni. Un je scheuner se molt, je mehr Naschkrom künnt se dorgegen intuuschen – vun nix kümmt nix. In Norwegen ward to Ostern traditschonell spannende Krimis leest. Worüm weet ick ni. Overs ick mutt seggen, dat de Skandinaviers mi al ümmer sümpatisch weern. In Pol'n sprütt man sick an Ostermondag mit Woter natt, un in Australien sammelt man an Ostern Woter ut Flüsse un Bäche för de näste Hochtied de ansteiht, üm dat Bruutpoor dormit no de Truung to besprütten. Overs ook dor mutt man oppassen: Wenn de Hochtied to lang no Ostern is, hett sick dat Woter veellicht al in 'n Heuopguss verwannelt un de rüükt ni scheun. In Australien bringt ook ni de Hos‘ de Eiers, sünnern de Bilbys. Dat sünd sowat as lütte Karniggels mit 'n Büddel an, wo de Eiers bin sünd. Un de Bilbys sünd meist ganz un gor vun de Hosen verdrängt worrn, de de Europäers insleept hebbt. Also: Australiers sünd ni ganz so good op Meister Lampe to snacken. Overs nochmol no Huus: Dree Perzent vun de Düütschen mang 20 un 29 Johr glöövt, dat Jesus to Ostern heirot hett. Gratuleer ook. Ostern ward je ni as Wiehnachen op'n bestimmted Dotum sett, sünnern op 'n ersten Sünndag no'n ersten Vullmond in't Fröhjohr. Overs man schall de Feste fiern as se fallt. Un dormit wünsch ick Ju all 'n frohe Ostertied… In düssen Sinn

Dütmal fiert wi mit Jo Geboortsdag: 70 Johr oolt warrt uns plattdüütsche Radioreeg “Hör mal'n beten to” un wi vertellt jo en beten wat mehr doröver, woans dat domals allens so losgahn is. Denn weern wi verleden Maandag in't Ohnsorg-Theater mit dorbi: dor sünd Lüüd ehrt un uttekent worrn, de sik op ganz besünner Oort un Wies üm dat Theater verdeent maakt hebbt: Peter Nissen, Dr. h.c. Eggert Voscherau, Gerd Spiekermann und Dr. Christian Breitzke. Bavento sünd wi ok noch bi dat Theater 99 in'e Veerlannen to Besöök - dor warrt vunaf den 10. April de Kummedie "Kurschadden op Afweeg" speelt. Un wi vertellt Jo mehr över uns NDR 90,3-Optaktgala to'n 5. Hamborger Plattdüütsch Dag. An'n Freedag, den 17. April, is de to beleven. Avends Klock 19.30 geiht de los - un wenn Ji dorbi ween wüllt, denn köönt Ji dorför Korten winnen.De Leder in uns Sennen:Let`s wörk togesser - TorfrockDat wer Mai - Ina MüllerSett de Seils -Knipp GumboDeep in DIen Hart - JaninaWiet wech - Gerrit Hoss

An un för sick kann dat je gor ni angohn, overs dat is wohr: Chuck Norris is vörigen Dünnersdag in't Öller vun 86 Johr storven. Dorbi gifft dat je den Chuck-Norris-Witz: „De Sensemann hett Bammel vör den Dag, an den Chuck Norris bi em vör de Döör steiht.“ Dat is op't Letzt‘ anschiend doch anners ween. Schod is dat. Na jo, ick weer keen würkli grooten Fän vun sien Filme. He harr oftmols so'n Aha-ick-weet-genau-wat-de-Spitzboov-in-Sinn-hett-Blick. Jo, un denn hett dat in de Regel ni mehr lang duuert, un de Spitzbooven hebbt vun Chuck geheuri wat an de Ohrn kreegen. Gern ook mit sien „Roundhouse-Kick“, also zack, dat Been in de Luft un denn as so'n Brummkreisel dreihn, so dat glieks fief süss böse Lüüd wat an‘ Dassel kreegen hebbt. Oh jo, Herr Norris weer flink bi't Patten. Je öller sien Filme, je düller sünd de Fetzen flogen. Toerst sogor noch tosom mit Bruce Lee. Chuck sien Motto weer wohrschienli: Erst patten, denn frogen, prügeln för Recht un Ordnung. Bi Bud Spencer un Terrence Hill schull dat je lustig ween, overs Chuck Norris hett dat würkli ernst meent. Un op mi hett jüst dat jümers unfriewilli ulkig würkt. Na jo, is overs ook Geschmackssook. Liekers hett Norris dat trechkreegen, dat würkli jedeneen em kinnt. Un he kunn över sick sülms lachen. Un för beides hett he mien grooten Respekt. As dat mit all de Witze över em losgung, hett he de Witze sammelt un ehr noher sogor op sien Internet-Sied öffentli mokt. Hier so'n poor Scheune, dorvun: Chuck Norris hett bet unennli tellt. Tweemol! Oder: Chuck Norris kann Dreihdöörn dicht kloppen. Oder: Dat Universum dehnt sick ümmer wieder ut – dat is op de Flucht vör Chuck Norris. Oder: Chuck Norris kann de Luft anholn. De Ganze! Un mien leevsten Norris-Witz: Wenn Chuck Norris sien Auto keen Sprit mehr hett, fohrt dat liekers wieder. Ut Respekt! Oh, wat wurr ick dorvör geeven, dat Autos so veel Respekt vör mi harrn, as se för Chuck Norris hatt hebbt… In düssen Sinn

De Fritz-Reuter-Pries vun'e Carl-Toepfer-Stiften in Hamborg, de is sowat as de Nobel-Pries för Plattdüütsch. All twee Johr warrt de Pries utlöövt, un dütmal geiht he an den Hamborger Autor, Översetter, Dramaturg un Regisseur Frank Grupe. Wi stellt Jo den Priesdräger vun den mit 10.000 Euro doteerten Pries vör. Denn wi sünd ok noch bi dat Theater 47 in Jenfeld to Besöök: dor gifft dat vunaf den 10. April den Ohnsorg-Klassiker "Keen Utkamen mit't Inkamen" to beleven. Dorto maakt wi ok noch en lütten Utfloog hen na't Soltmuseum in Lümborg - un bavento vertellt Jo noch de Vörsitter vun'n Plattdüütsch Root för Hamborg Peer-Marten Scheller, wat dat allens bi'n Hamborger Plattdüütsch Dag an'n Sünnavend, den 18. April, to beleven gifft. Dat ganze Programm köönt Ji Jo nu ok online ankieken - un twors op de Internetsiet vun'n Plattdüütsch Root för Hamborg.

In der «Fiirabigmusig» am Dienstag tauchen wir musikalisch ein in die vielseitige Schweizer Volksmusik. Jede Region und jede Besetzung hat ihren ganz eigenen Klang. Heute präsentiert Volksmusikredaktor Ueli Stump zwei kürzlich erschienene neue Tonträger. Die «Örgeli-Chnächte Honeri» pflegen den urchigen Innerschwiizer-Stil und sind seit 2025 «20 Johr zäme onderwägs». Dieses wichtige Jubiläum feierte das aufgestellte Quartett mit einer abwechslungsreich zusammengestellten CD. Darauf zu hören sind nebst Stücken bekannter Volksmusikgrössen wie Josef Stump, Balz Schmidig oder Arthur Brügger auch fünf Eigenkompositionen. Ihrem unverwechselbaren Stil treu geblieben sind die «Hujässler». Auf ihrer neuesten Produktion «Naturtrüeb» präsentiert sich die Innerschweizer Kultformation mit 16 neuen Titeln aus der Feder von Dani Häusler, Markus Flückiger und Sepp Huber jun. Es ist dies bereits der dreizehnte Tonträger der vier innovativen Musiker seit der Gründung ihrer Kapelle im Jahr 1998.

Bi "Wi snackt Platt" geiht dat dütmal üm twee plattdüütsche Ledermaker, de in'e tokamen Week bi uns in Hamborg to beleven sünd: an'n 26. Februor, avends Klock 6, speelt de 30johrige Lennon von Seht en Kunzert in'n Lichtwarksaal vun'e Carl-Toepfer-Stiften. Un an'n Freedag, den 27. Februor, avends Klock 8, steiht en vun de gröttsten Platt-Poeten, de wi hebbt, op'e Bühn vun'e KunstKaat in Volksdörp: Helmut Debus. Wi hebbt mit Lennon vun Seht över sienen Optritt un siene Musik snackt - un wi maakt en lütte musikalsche Reis dör dat Leven vun Helmut Debus. 50 Johr is dat nu her, dat sien eerstet Album "Wo ik herkam" rutkamen is. Dorto geiht dat ok noch üm uns plattdüütsche Geschichten-Akschoon „Vertell doch mal“, üm Kuddelmuddel – un en plattdüütsche Geschicht hebbt wi ok noch för Jo.

Bi "Wi snackt Platt" geiht dat dütmal üm en grotet Grönkohleten in Japan. Eenmal in't Johr draapt sik in Tokio mehr as 100 Lüüd, üm dor op so richtig wat noordüütsche Aart un Wies to slemmen un to fiern. Wi hebbt mit de Sängerin, Entertainerin un Autorin Annie Heger snackt, de dor nu al dat veerte Mal för de richtige noordüütsche Stimmung in Saal soorgt hett. Denn weern wi ok noch bi de Premieer vun dat Theaterstück “Regen in'n Kopp” vun den Hamborger Ledermaker un Kinnerbookautor Ove Thomsen mit dorbi – un dat geiht üm märkenhaft Waterwesen, de in'e Elv in'n Hamborger Hoben leven doot – dorüm dreiht sik nämmich allens bi uns Plattdüütsch Höörspeel "Ölben siene Waterwesen", dat Ji an'n Middewekenavend vunaf fief na negen bi NDR 90,3 höörn köönt. Un ok ne'e plattdüütsche Musik ut Hamborg hebbt wi för Jo! An'n 21. Februor speelt de "Tüdelband" en Album-Release-Kunzert in'e Fischhall in Hamborg-Harborg. Avends, Klock 8 geiht dat los. As Vörgesmack gifft dat bi "Wi snackt Platt" al mal en Leed vun dat ne'e Album "Foffteihn" to hören!Un noch en Veranstaltens-Tipp: Ok an'n Sünnavend, den 21. Februor, avends Klock 6 speelt de Ledermaker Willie Stemwede ut Hamborg-Rahlsteed en Kunzert in't Schulungszentrum vun "Hamburg Wasser" in´n Wellingsbüttler Weg 25a. To hören gifft dat ünner annern Leder vun sien ne'estet Album "Seewievke". Korten gifft dat bi't Torhaus Wellingsbüddel.

Hen un Her bi SPD un Union wegen Reform vun Kranken- un Pleegversekerung +++ Wietere Runn in'n Tarifstrit bi de Düütschen Bahn +++ Landgericht Veern hett Moordfall vun vör 13 Johr op't Tapeet +++ Werser-Fährschipp Bremerhaben sett Bedriev in Schranken +++ Seattle Seahawks winnt Super Bowl +++ Dat Weer

In wiet mehr as 120 Rullen und Stücken weer de wunnerbare Schauspelersch Herma Koehn alleen an't Ohnsorg-Theater to beleven – man se hett ok noch an so vele anner Theaters speelt, weer in't Fernsehn to sehn un as Hörspeelsprekerin aktiv. Düssen Februor is dat 60 Johr her, dat de Bühnkarieer vun Herma Koehn losgüng: mit een Optritt bi dat Musical "Heimweh nach St. Pauli" in't Hamborger Operettenhuus - an'e Siet vun Freddy Quinn. Bi "Wi snackt Platt" vertellt wi Jo mehr över de grootardige Karrieer vun Herma Koehn.

Wat in Hamborg un ümto in de plattdüütsche Welt passeren deit un över wat in Kultur, Politik un Sport op Platt snackt warrt - dat kriegt Ji mit bi "Wi snackt Platt".Herma Koehn - 60 Johr op'e BühnIn wiet mehr as 120 Rullen und Stücken weer de wunnerbare Schauspelersch Herma Koehn alleen an't Ohnsorg-Theater to beleven – man se hett ok noch an so vele anner Theaters speelt, weer in't Fernsehn to sehn un as Hörspeelsprekerin aktiv. Düssen Februor is dat 60 Johr her, dat de Bühnkarieer vun Herma Koehn losgüng: mit een Optritt bi dat Musical "Heimweh nach St. Pauli" in't Hamborger Operettenhuus - an'e Siet vun Freddy Quinn. Bi "Wi snackt Platt" vertellt wi Jo mehr över de grootardige Karrieer vun Herma Koehn.Momsen - Tiere - SensationenEen kennt em vun'e Theaterbühn, vun "Hör mal'n beten to", man ok vun't Fernsehn: Klappmuulpopp Werner Momsen. Tohoop mit sien Achtermann Detlef Wutschik hett he nu en ne'et Book rutbröcht. "Momsen. Tiere. Sensationen" vertellt vun Deerten un jümehr verrückte Egenschoppen: vun Wombats, de mit eckige Köddels jümehr Reveer markeert, vun Sülverfisch, de de Wollmüüs vun'n Bodden opfreten un Grottenolmen, de sik in een Johr blots fief Meters wiet bewegen doot. "Wi snackt Platt"-Reportersch Benita Brunnert hett sik mit Werner Momsen un sien Achtermann Detlef Wutschik drapen un mit jüm över dat ne'e Book snackt.Mehr Plattdüütsch gifft dat op ndr.de/platt

Eine neue Ausgabe unseres Seniorenmagazins ist jetzt in der Audiothek zu hören. Wie immer mussten wir die Musikstücke aus rechtlichen Gründen klürzen. Nach zwei Jahren intensiver Vorbereitung und großem Engagement hat die Diakonie Altholstein den Bau des Maria&Martha-Hospizes in Neumünster-Einfeld offiziell gestartet. Vom feierlichen Spatenstich berichten Sabine und Manfred. Hier sollen künftig zwölf schwerstkranke Menschen in ihrer letzten Lebensphase einen Ort der Würde und der Geborgenheit erhalten. Die Fertigstellung des Hospizes ist für das Frühjahr 2027 vorgesehen. Es gibt auch wieder eine plattdeutsche Geschichte. Heides Thema ist: „Februar – de kötteste Monat int Johr“. Dortau givt dat passende Leeder to hören! Gerade diese dunkle Zeit ist bietet sich an, mal wieder miteinander zu spielen. Brigitte und Peter haben Reiner Knöbel zu Gast im Studio; einen ausgewiesenen Fachmann für Spiele und das Spielen. „Spiele spielen – auch im Alter“ ist das Thema. Wir werden in loser Folge im Seniorenmagazin gemeinsam spielen und Spiele vorstellen. Zum Abschluss gibt es eine kleine Blumengeschichte von Heide, diesmal auf Hochdeutsch und Heides Enkel Leve kommt zum bevorstehenden Valentinstag zu Wort.

„Man kriegt je ni mol mehr'n Platz bi'n Tähnarzt“, hett Frie'ch Merz in September 2023 noch seggt, weil dor to veel Asylbewerbers rümsitten doht, de op Stootskosten 'n niedet Gebiss kriegt. Na jo, so as dat utsüht, entspannt sick dat bald weller mit de Tähnarzt-Termine. Tominst, wenn de Vörsläge vun‘ CDU-Wirtschopsrot ümsett ward. Dorno schüllt Behannlung‘ bi'n Tähnarzt ni mehr vun de Krankenkassen betohlt warrn. Dor schall man sick sülms üm kümmern, privot 'n Tosatzverseekerung‘ afslüten oder den Kusenknacker veellicht direkt in bor betohln. Dat lött sick mit de Gehälter, de man kriegt, wenn man in Wirtschopsrot sitt, wiss licht moken. Jo, wenn een sülms wat ni swor fallt, denn mööt de annern dat doch ook köön‘, ne. Un wenn dat so kümmt, denn kann man bald ook weller an't Lächeln afleesen, wat de Lüüd verdeent. „Mut zur Lücke“, heet dat denn. Overs dat hett ook Vördeele: Wenn man Piep schmöökt, kann man de Piep scheun in so'n Tähnlücke klemm‘. Denn fallt se ni rünner un dat Brandrisiko geiht dohl. Jo, un to Wiehnachen kann sick de ganze Famielje 'n Teelicht in't Muul stelln, dat smitt dör de Tähnlücken denn schmucke Musters an de Wand. Dor kümmt de Spoß för Jung un Old ganz vun alleent. Mol sehn, wo kann man den Raudstift noch ansetten? Och jo, bi Organtransplantatschoon veellicht. Wenn man to'n Bispeel 'n frische Niere bruukt, denn mutt man de Oparatschoon tokünfti sülms betohn. De niede Niere mutt man natüüli ook sülms mit no't Krankenhuus bringen. Dat spoort 'n Barg Stüüern. Un dor finnd sick wiss noch veel mehr, wo man den Stoot op Kosten vun de lütten Stootsbörgers düchti entlasten kann. Wo scheun weer dat doch, 'n Land to regeern, wenn de Börgers ni dor weern, ne. Overs op een't köönt wi uns verloten: Op de Erhöhung vun de Diäten ward man in't Parlament ook düt Johr wiss ni verzichen. Dor sünd sick all vun blau bet swatt denn mitmol weller greun. Kiek, Eenigkeit is doch so eenfach, wenn man blots över't richtige Thema snackt… In düssen Sinn

Us Wettstriet "Vertell doch mal" ünner dat Motto "Kuddelmuddel" löppt noch bet to'n iersten Marzmaand. Un hier köönt Ji noch mal toluustern, wat för en Veelfalt vun Geschichten annerlest Johr rutkamen weer ünner dat Motto "Mit'nanner". Mit Ilka Brüggemann

Dütmal vertellt uns Timsen vun'e Band Santiano wat doröver, wat för em wohre Frünschop is. Dorto geiht ok noch üm Howard Carpendale siene eersten Schreed as Musiker in "Metas Musikschuppen" in Oostfreesland, un wi sünd bi de Hittfelder Speeldeel to Besöök, de tokamen Wekenenn mit dat Theaterstück “Blots keen Püttjerkraam” Premieer fiert. "FRÜNN" - ne'et Leed vun TimsenVerleden Johr, dor hett Timsen vun'e Band Santiano en helet Solo-Album mit plattdüütsche Leder rutbröcht - un nu, nu leggt he nochmal en Single na. "Frünn", so heet dat ne'e Leed un dat is en wohret Leevsbekenntnis an echte Frünschop. Bi "Wi snackt Platt" vertellt Timsen, wat "wohre Frünnen" för em sünd - un, kloor: dat gifft ok dat ne'e Leed to hören."Blots keen Püttjerkraam" bi de Hittfelder SpeeldeelVunaf Sünndag, den 1. Februar, gifft dat bi de Hittfelder Speeldeel dat Stück "Blots keen Püttjerkraam" to beleven. Benita Brunnert hett de Lüüd vun't Theater bi en Proov besöcht.De oostfreeschen Wuddeln vun Howard CarpendaleHoward Carpendale is een vun de ganz groten Schlagerstars hier bi uns in Düütschland. Jüst annerletzt is he 80 Johr oolt worrn. Aver weet Ji egens woans dat allens mit de Karieer vun Howard Carpendale losgahn is? Ilka Brüggemann vertellt Jo mehr över Howard Carpendale siene eersten Schreed as Musiker in "Metas Musikschuppen" in Oostfreesland.Neewahlen bi'n Plattdüütsch Root un Vörberden op den Plattdüütsch DagAn'n Middeken, den 21.2.2026, stunnen bi'n Plattdüütsch Root för Hamborg Neewahlen op'n Plaan. Wat dorbi rutsuert is: Peer-Marten Scheller is as Spreker un Vörsitter vun'n Plattdüütsch Root wedderwählt worrn. Sien Stellvertreder warrt in'e Tokunft Uwe Michelsen ween. Tohoop mit Olaf Duge warrt Uwe Michelsen ok de Hamborger Plattsnackerinnen un Plattsnackers in'n Bunnsraat för Nedderdüütsch vertreden. Peer-Marten freit sik to de Wedderwahl - un op den Plattdüütsch Dag in Hamborg an'n 18. April. "Dat sünd bet nu al över 40 Veranstaltens, de mellt sünd!", so Scheller. Geern köönt sik ok wiederhen Lüüd mellen, de wat to'n Hamborger Plattdüütsch Dag bidregen wüllt: dat kann en Kunzert ween, en Lesen, en Informatschoons-Drapen vun en Plattkrink, en Föhren dör en Kark - oder wat ok jümmers. Bet to'n 10. Februar mutt de Plattdüütsch Root Bescheed weten.

Na, freut Ju sick ook al so dull as ick? Also op den nieden digital'n Föhrerschien meen ick. De digitale Föhrerschien schall je „unsen Alldag erleichtern“, as man heuert. Jo, denn man nix as her dormit. Wat kann de Digi-Schien denn allns? Rosen meihn, Wäsche tosomleggen, Koken backen, de Stüüer moken un veellicht för mi to Arbeid gohn? Oh, wat freu ick mi. Ick krieg mi meist gor ni mehr in. Wi schulln je jüst erst all unse Föhrerschiene in den nieden EU-Koartenföhrerschien ümtuuschen. Bi Androhung vun 'n Ordnungsgeld. Overs lot‘ mi mol överleggen, wo dull hett dat Föhrerschien-Dokument, sick betlang överhaupt op mien Alldag utwürkt? Hmm… Ick heff erst den rosarauden Schien hatt. Denn keem de Scheckkoart. Dor harrn öllere Semesters jümmers noch den grau'n „Lappen“, op denn man oftmols al gor nix mehr leesen kunn. Vun de Koartenschiene heff ick nu al mien drütten, weil dor jedet Mol mehr opstunn as vörher. Also: Veer Föhrerschiene, heet, dreemol 'n Stünn bi'n Kreis tööven, bet ick oproopen wurr. Den ersten, rauden Schien heff ick direkt no de Pröövungsfohrt kreegen. Denn heff ick mien Föhrerschien in all de Johrn dreemol de Polizei bi Kontrulln wiesen musst. Mokt tosom, wenn't hoch kümmt, 30 Minuten. So. Dree'nhalf Stünnen in 30 Johr, dat hett an un för sick nix mit mien Alldag to kriegen, mutt ick seggen. Wo schall uns de niede Digi-Schien denn nu hölpen? Dat ward sick wohrschienli noch rutstelln. Kann man den Koartenschien, denn wechsmieten, wenn man 'n Digi-Schien hett? Nnnnä…, weil den digital'n Schien kann man blots anständi vörwiesen, wenn man 'n goode Mobilfunk-Afdeekung hett. Dat is je so'n Sook bi uns op't Land. Un denn gült de digitale Schien ook fröhestens af 2030 in't EU-Utland. Wenn man wieder wechfohrn will, kannst dat Dings so un so vergeeten. Dat mit 'n Alldag erleichtern ward also erstmol nix. Schodt. Un unsen oln Föhrerschien ward denn Sowat as unsen Reisepass to'n Autofohrn. Tscha, mitünner freut man sick eenfach 'n beten to fröh… In düssen Sinn

Wenn man sick de Natuur bekieken deiht, denn kann man je ganz scheun in't Staun‘ kom‘, ne. All de Planten, all de Tiern, de so rümschnurrt – wo kümmt dat blots allns her? Mennige Forschers seggt je, wat dat Leven huckepack mit Kometen op de Eer kom‘ is. Blots, wenn dat so weer: Wie is dat entstohn, bevör dat op de Kometen krabbelt is? Froogen över Froogen, wat Genaued weet man ni. Un wat deiht de Minsch, wenn he wat ni weet? He glöövt. Dat's je ook in Ordnung. Dat gifft Lüüd, de glöövt, dat de Eer 6000 Johr old is, un dat allns mitmol dor weer. Fix un ferti. Dor kann man erstmol ook nix gegenan seggen. Ick tominst weer vör 6000 Johr noch ni op de Welt. Dat is je dat je mit dat Glööven. Man kann dat Gegendeel ni mol even bewiesen. Mutt man je ook ni. Vun mi ut kann jedeneen glööven, wat he oder se will. Liekers dink ick bilütten över den „leeven“ Gott no. Wenn de Gott allmächti is, wenn he de Eer mit allns drüm an dran würkli ut nix in söben Doog trechzaubert hett, denn is dat je würkli allerhand. Blots mit de Minschen hett he sick anschiend so'n lütt beten verhext. De sünd em ni so recht glückt. Dorüm hett he ehr je ook al mol mit de Sintfloot wechspöölt. Un in Sodom un Gomorrha hett he ehr mit Füüer dat Licht utknipst. Dorno hett he dat overs noloten. Veellicht hett Gott sick dacht: „Och, goh mi af mit de dammeligen Minschen. Harr ick ehr blots ni mokt. Ick kümmer mi dor ni mehr üm, lot se doch moken, wat se wüllt.“ So hebbt de Minschen mokt, wat se even mokt. Un se hebbt sick alle Nees lang gegensiedig dat Fell över de Ohrn trocken. Dorför hebbt se jümmers al 'n Grund funnen. Overs wat schall dat? Wi künnt doch ook anners. Veellicht „is“ Gott je gor ni leev – oder dat gifft em gor ni. Veellicht harr overs ook de Moler van Gogh Recht hat, as he mol seggt hett, dat man Gott ni no de Welt beurdeeln schall. Se weer blots 'n Versöch un de is em ni gelungen. Overs dat mutt 'n Meister ween, de so'n Schnitzers mokt. Jo, mi dücht, van Gogh weer 'n tehmli kloogen Kopp. Liekers hett he sick dat Ohr ansneeden… In düssen Sinn

Düt mol geiht dat üm Vörhaben för dat niege Johr, üm Glücksbringer, de Last mit dat Wesseln bi Strom, Water un annerswat un üm 50 Johr Ollenborger Landschaft.

"Vertell doch mal" wedder los un dat gifft ornlich wat to winnen! De NDR söcht tohoop mit Radio Bremen un dat Ohnsorg-Theater de beste Kortgeschicht op Platt to't Thema Kuddelmuddel. Wat nee is düt Johr: erstmalig köönt Kinner- un junge Lüüd bet 18 Johr ok mit lütte Videos, Podcasts, Comics un anner Saken an'n Wettbewarv deelnehmen - un dat alleen oder as Grupp. Bottschopperin vun uns plattdüütschen Geschichtenwettbewarv is de Sängerin, Schauspelerin und Autorin Annie Heger. Bi "Wi snackt Platt" snackt wi mit Annie över den Wettbewarv, över ehr Leevde to de plattdüütsche Spraak un över Tipps un Tricks bi't Vertellen vun Geschichten.

Prost Niejohr, leeve Lüüd. Un zack, hebbt wi 2026. Dösig, ne. In mien Schooltied in de 1980er Johrn, wurr noch doröver phantaseert, wat dat in't Johr 2000 allns geeven wurr. Sogor Damp an de Ostsee hett sick dormols Damp 2000 nöömt. Jo, dat Johr 2000 stunn för de Tokunft, so, as se in de Seins-Fiktschn beschreeven wurr. Fleegende Autos weern dor noch de Ünnerkant. Sülms in de 1990er Johrn hett man je noch an sowat glöövt, as dat 2000 jedeneen in't Weltall fleegen un Urlaub op'n Mond oder op'n Mars moken kunn. Wenn dormols över dat Johr 2000 snackt wurr, denn weer glieks so'n besünnere Opbruchs-Stimmung dor. Tscha, un nu is dat Johr 2000 al mehr as 'n Viddeljohrhunnert her. Overs de Autos flücht jümmers noch ni. In't Weltall reist ook blots wenige Privotlüüd, un würkli kommodig sünd de dorsten Reisen wiss ni. Op'n Mond is siet 1972 keen Minschn mehr ween un op'n Mars – na jo, lot‘ wi dat. Dorför kiekt de mehrsten Lüüd duuernd op ehrn Smartfoon-Minikompjuter. De Dingers weern 1990 würkli noch ünner Seins-Fiktschn wechgohn. Un wat de Medizin hüüt allns kann, dat harr sick vör 40 Johr ni mol 'n Arzt vörstelln kunnt. Allgemein is dat Leven bi uns recht komfortabel worrn. Liekers ward de Kluft mang Arm un Riek ümmer grötter un deeper. De Minschen sünd sick ünnernanner ni mehr so greun. Jo, man kann meist seggen, dat de ganze Welt 'n Fall för 'n Psüchater worrn is. Ich weet ook ni, wat ick dorvun holn schall. Jedenfalls heff ick mi den ganzen Krom no dat Johr 2000 'n beten anners vörstellt. Mien Tipp: De mächtigsten 20 Lüüd op de Welt schulln tosom för fief Weeken bi so'n Anti-Aggresschoons-Träining mitmoken, un dat Internet schull för 'n halved Johr afstellt warrn. Eenfach mol 'n beten Tempo rutnehm‘. Ick glööv, denn weern wi al 'n ganzed Enn wieder. Man dörft je nochmol dröömen, denn de Gedanken sünd ook in't Johr 2026 noch frie. Un veellicht kriegt uns je doch nochmol de Opbruch-Stimmung bi'n Mors. Ick wünsch Ju jedenfalls vör düt Johr alles Goode… In düssen Sinn

Wi kiekt torüch op dat Johr 2025 - wat weer los un wat weer besünners op Platt? De schönste Koh hebbt wi kürt, hebbt Wohlddeerten op Platt kennenliernt, weeren an'n Strand un in Grönland un en Masse mehr. Veel Pläseer!

För de letzte "Wi snackt Platt"-Utgaav för düt Johr hebbt wi Jo vergnöögliche Geschichten vun Gerd Spiekermann rutsöcht. Düssen Dezember, dor hett sik de wunnerbare Schrieversmann un Verteller vun plattdüütsche Geschichten ut sundheitlichen Grünnen vun'e Bühn verafscheed. Freit Jo noch eenmal op en poor vun siene schönsten un lustigsten Geschichten: op "Oma ehr Schötteldook", op "De swatte Placken" un op de Geschicht, wo dat üm Gerd sien Familiennaam "Spiekermann" geiht - denn op Finkwarder, dor gifft dat ok Lüüd, de Spiekermann heten doot. Is he mit jüm verwandt!? Dat vertellt he Jo bi "Wi snackt Platt".

Bald is dat sowiet. Hüüt Obend geiht dat an't Geschinke utpacken. Dor ward de een oder anner wiss al so'n lütt beten opgereegt ween. Dat heuert dor je overs ook to. Buten kann man in Düstern 'n Barg Hüüs bewunnern, de vun Duusende Lichters erstrohlt. Bi mennige Hüüs kann man würkli Kunst to dat seggen, wat dor ut all de lütten Lampen entstohn is. Na jo, mitünner is dat sogor abstrakte Kunst. Dor bruukt man denn 'n beten, üm to begriepen wat dat schall. Mokt overs nix. De Kinner hebbt nu al 'n poor Doog Ferien un freut sick doröver. Ick dink rund üm Wiehnachen overs gern mol an mien Grundschooltied trüch. Toerst weer ick in Bookholt, in de ole School an‘ Sportplatz, denn keem ick in Borg no de Grundschool weil wi ümtrocken sünd. Dor weer Fruu Dohrn mien Klassenlehrerin. Un Fruu Dohrn hett uns för de Ferien wiehnachtliche Geschichen vörleest. Dor weer overs noch wat Besünnered bi: Wi Kinner hebbt all vun to Huus 'n Tallilicht un Rietsteeken mitbringen dörfst, dormit vör jedet Kind 'n Licht brennt hett, wiel wi de Geschicht toheuert hebbt. Buten weer't in de erste Schoolstünn je noch düster. Un wenn ick dor in mien Licht keeken heff, wurr de Geschicht noch veel lebenniger. Dat weer veellicht scheun. Ick glööv, hüüt is dat gor ni mehr dinkbor: Kinner, de Kerzen un Rietsteeken mit no School bringt. Dor keem wohrschienli glieks de Polizei, de Füüerwehr un dat Ordnungsamt. Dat is dormols overs allns good gohn. Dat Schoolgebüüd in de Bookholter Stroot steiht hüüt noch – ook wenn dor keen Schoolünnericht mehr in stattfinnen deiht. Un mi ward nu noch ganz warm üm't Hart, wenn ick an de scheun‘ Geschichen bi den Schien vun de Tallilichter trüchdink. Dorüm wünsch ick nu all de Kinner, wat se ni blots Geschinke to'n Utpacken kriegt, sünnern, dat se ook mol wat beleevt, bi dat ehr de Harten warm ward, wenn se in övers veerdig Johr doran trüchdinkt. Un all tosom wünsch ick nu 'n scheuned un besinnliched Wiehnachsfest un 'n gooden Rutsch in't niede Johr… In düssen Sinn

Patschenten verkehrt behannelt- dordör hoge Kosten +++ Goode Bilanz na Ukraine-Verhanneln +++ Bunnskriminalamt tellt mehr as 1.000 Drohnenfloog in dütt Johr +++ Bremer Ruumfohrtkonzern OHB will in´t kamen Johr wieter wassen +++ Groten Insatz op Ollenborger Lambertimarkt +++ Dat Weer

Dütmal hebbt wi bi "Wi snackt Platt" plattdüütsche Last-Minute Geschenk-Tipps för Jo: plattdüütsche Böker sünd uns Thema! Denn stellt wi Jo ok noch dat ne'e lütte Album vun de oostfreesche Sängersch Sabine Herrmann vör, mit Gerrit Hoss sünd wi op'n Wiehnachtsmarkt ünnerwegens un wi vertellt Jo, wann un woneem düt Johr in Hamborg plattdüütsche Wiehnachtsgottsdeensten fiert warrt. Wiehnachtsgottsdeensten in Hamborg In uns Sennen wiest wi hen op düsse Gottsdeensten: 24.12.25, 15 Uhr: Seemannswiehnacht op de Flussschipperkark, Hohe Brücke 2 in Hamborg 25.12.25, 9.30 Uhr: Frohbotschaftskark, Straßburger Platz 6a in Hamborg-Dulsbarg 26.12.25, 10 Uhr: Groot Flottbeker Kark - mit Pastersch Carina Lohse, den Chor "De olen Jungs", Ellen Pfohl un Bolko Bullerdiek (u.a.) 26.12.25, 18 Uhr: Krüüzkark in Wandsbeek, Kedenburgstraße 10, Gottsdeenst mit Texten op Plattdüütsch Böker-Tipps Dat sünd de Böker, vun de wi in de Sennen snacken doot: Charms, Daniil: Von Fall tau Fall. Auf Plattdeutsch. Übersetzt von Susanne Bliemel. Lümborg: Plaggenhauer Verlag 2025. 72 Seiten. ISBN 978-3-937949-34-5. Preis: 16,50 Euro. Barber, Ines: Boorn, wo de Wind weiht. Op Platt un op Hoochdüütsch. Tredition Verlag 2025. Softcover, 140 Seiten. ISBN 978-3-384-64223-3. Preis: 10,50 Euro. Momsen, Werner: Momsen, Tiere, Sensationen. Hoch- und plattdeutsche Geschichten über die Evolution. Hamburg: Quickborn-Verlag 2025. 95 Seiten. ISBN 978-3-87651-520-5. Preis: 8,80 Euro. Stührwoldt, Matthias: Gah mi af mit witte Wiehnacht. Winter- un Wiehnachtsgeschichten. Quickborn Verlag 2025. Softcover, 88 Seiten. ISBN 978-3-87651-521-2. Bestellnummer BO QUB 5048. Preis: 10,80 Euro. Kahrs, Hans-Hinrich: De Wiehnachtsmann as Ballonfohrer. Dör de Adventstiet vun Lappland bet na Noorddüütschland. Niederdeutsch / Hochdeutsch. Illustrationen von Sonja Jannichsen. Lümborg: Plaggenhauer Verlag 2025. Festeinband, Fadenheftung mit Leseband. 47 Seiten. ISBN 978-3-937949-35-2. Bestellnummer BO PLA 5029. Preis: 16,80 Euro.

Advent, Advent, Advent un noch mol Advent. Övermorn hebbt wi all de Lichter op'n Kranz togang. Jo. Overs wo kümmt de Traditschoon mit den Adventskranz eegentli her? Dat wull ick mol weeten. Also heff ick noforscht un sogor wat rutfunnen. Op de Idee is de Hambörger Theologe Johann Hinrich Wichern in't Johr 1839 kom‘. Jo, genau de, no den dat Huus blang den Meldörper Dom an No'ermart nöömt is. Dat is keen Tofall, denn Wichern hett de Diakonie op'n Weg bröcht. Dat weer overs lang ni allns. De patente Mann weer ook noch Sozialpädagoge, un he hett dorför sorgt, wat dat „preußische Gefängniswesen“ reformeert wurr. De Knastbröder schulln ni mehr in Eenzelhaft sitten, dormit se ni verrückt in Kopp wurrn. As denn twee un mehr Spitzbooven tosom brummt hebbt, kunnen se sick al mol överleggen, wat se utfreeten wulln, wenn se weller frieloten wurrn. Tscha, allns hett twee Sieden, ne. Un denn weer Wichern ook noch de drievende Kraft bi de Grünnung vun't Ruuge Huus in Hamborg-Horn. Dat weer 'n Reddungshuus för arme Kinner. Un dat weer jümmers noch ni allns, wat he mokt hett. Jo, Wichern weer würkli 'n fixen Dutt. Overs bi de Kinner sünd wi al op de richtige Spoor, wat den Adventskranz angeiht. Wichern wull de Kinner nömli dat Tööven op Wiehnachen lichter moken. Ick weet gor ni, wat de Kinner Jehann oder Hinne to em seggt hebbt. Jedenfalls hett he 'n Kutschrad nohm un dor veer groote Talliglichter op fastmokt – een't för jeden Adventssünndag – un veele lütte – jümmers een't för de Doog dormang. Un wenn all de Lichter brennt hebbt, denn weer Wiehnachen un dat Tööven weer vörbi. Vun de veeln Lichter sünd noher blots noch de veer Grooten överbleeven, overs op de veer Lichter wüllt all, de Wiehnachen fiert, ni mehr verzichen. Körter ward de Adventstied dör den Kranz twor ni, overs schmücker. Un näste Week hett de Kranz sien Deenst för düt Johr weller dohn. Dat is meist so as mit mien Deenst, denn an Heiligobend ick meld mi an düsse Steed to'n letzten Mol in düssed Johr. Un bet dorhen wünsch ick Ju 'n scheunde Tied… In düssen Sinn

Es isch vollbracht, 2025 isch bald i de Büecher. Mer schwafflet i de letschte Folg vo im Bild Podcast nomol rechtig über die Erfahrige vom letschte Johr und lueged au nochli vorus. Und nei kei Angst, es isch eifach die letschti Folg vom 2025! Ned die letschti aller Folgen, nei, mer mached nämli witer und hend scho einiges vor nächscht Johr! Meh dezue i dere Folg. Ah ja apropo, mer mached ja kei halbi Sache und entwicklet eus ja emmer witer, und da mer ja no en Videospezialischt jetzte im Team hend hemer die Folg au weder uf Video ufgnoh! Und damal rechtig, so wies sech för eus khört! Kei halbi Sache.... de Seich isch dasmer das jetzte so witermache müend, jano, danke Robin! ;) Euch ganz en tolle Jahresabschluss und mer ghöret (und gsend) eus im nächste Johr!PS: Youtube Kanal folge!

In unserer letzte Folge für diesjohr blicke mir nomol wie gewohnt uff Themen vom regionale und internationale Fuessball und löhn s Johr 2025 nomol Revue passiere. Zudem kühre mir de Trainer und die Mannschaft des Jahres und blicke schomol uff Fuessballereignisse, welche 2026 scho fix astöhn!https://www.stiefvater24.de

Advent, Advent, Advent – Sünndag brennt al dat drütte Talliglicht op'n Kranz. Duuert also ni mehr lang, bet de Wiehnachsman kümmt. Un de Wiehnachsmann, as he bi uns bekannt is, de kümmt ut de USA. Vun dor keem in Westdüütschland je veel no'n Tweeten Weltkrieg. Cola, Zigaretten, un noch so veel mehr. Dormols sünd de Amerikoners bi uns as de Retters fiert worrn. Dor hett sick so'n lütt beten wat an ännert, dücht mi. Dor bringt in Oogenblick 'n oln witten Mann mit 'n orangschen Kopp tehmli veel dör'nanner. Donald Trump. In Osten vun Düütschland, dor, wonehm 40 Johr lang de DDR ween is, harr Russland dat seggen. Genauer geseggt, de Sowjetunjon. Un jüst düsse Sowjetunion wünscht sick de ole witte Mann trüch, de dor dat seggen hett un de noch mehr dör'nanner bringt. Wladimir Putin. Noch leever weer he wohrschienli de Zar vun Russland un op't Letzt‘ vun ganz Eurasien. Un dorto, de Kaiser vun‘ amerikanischen Kontinent to ween, wurr Trump ook ni nä seggen. Egol. In Russland kümmt ni de Wiehnachsmann. Dor kümmt in de Niejohrsnacht „Väterchen Frost“. Jo, un bi dat wat nu in Kreml vör sick geiht, löppt een dat ook würkli kold un frosti den Rüüch hendohl. Na jo, de Wiehnachsmann, also de ut de USA, hett sick in Russland siet de 90er Johrn ook mehr un mehr dörsett. Dormit hett Putin vöriged Johr sluss mokt. He hett 'n Werbefilm dreihn loten, in den Väterchen Frost mit'n Panzer ünnerwegens is un den Santa Klooß mit all sien Rentiern un sien Sledden, mit 'n Raket meern bi't Fleegen in de Luft jogt. Dor fallt di echt nix mehr to in. Overs dat harr ook vun Trump kom‘ kunnt. Twee vun de mächtigsten Lüüd vun de Welt föhrt sick mitünner op as twee opfällige Göörn ut de Regenbogengrupp‘ in Kinnergoorn. Blots de Folgen sünd veel slimmer wenn Wladimir un Donald ehr drullige fief Minuten hebbt. Dor ward di Angst un Bang bi. Dorüm wurr dat ook düssed Johr ni so dull mit Geschinke för de beiden utsehn. För ehr harr de Wiehnachsmann jüst so wenig in Büddel as Väterchen Frost… In düssen Sinn

Selenskyj bringt Böversten vun EU un NATO op Stand +++ 67 Journalisten in een Johr to Dode kamen +++ Binnensenator vun Bremen Mäurer bekrittelt de SPD +++ Bostkreft- Schandaal ward Thema in de Börgerschaft +++ Autofohrer hett bi Unfall böös wat afkregen +++ Dat Weer

He is en echten plattdüütschen Entertainer: Gerd Spiekermann! Siet 47 Johr is he nu al as Verteller mit siene wunnerbaren Geschichten op de Bühnen in Noorddüütschland to beleven – man nu schall dormit Sluss ween. An'n sövten Dezember, dor steiht he dat letzte Mal in Hamborg op'e Bühn: bi de Komödie Winterhuder Fährhuus mit sien Programm "Wiehnachten - Dat hool ik nich ut!". Woso sik Gerd Spiekermann nu na all de Johrn vun'e Bühn un vun sien Publikum verafscheden deit, dat vertellt he bi "Wi snackt Platt" - un he vertellt ok, woans dat domals vör 47 Johr allens losgahn is mit dat Vertellen vun plattdüütsche Geschichten. "Schenk Dien Tiet" - Ehrenamtliche Vörleserinnen un Vörlesers söcht! “Schenk Dien Tiet – Lees vör op Platt”, so heet en ne'e Akschoon, de vun de Hamborger Health Care-Agentur kwhc in Kooperatschoon mit den Quickborn-Verlag in't Leven ropen worrn is. Söcht warrt ehrenamtliche Vörleserinnen un Vörlesers, de Lust hebbt, in Hamborger Senioreninrichtens plattdüütsche Texten vörtodregen. Op en Internetsiet köönt Senioreninrichtens, de plattdüütsche Vörlesens anbeden wüllt, ehr Interesse signaliseern. Wi weern bi de Optaktveranstalten vun "Schenk Dien Tiet - Lees vör op Platt" in'e Seniorenresidenz "Augustinum" in Oevelgönn mit dorbi un hebbt mit allerhand Lüüd snackt: mit de Geschäftsföhrersch vun de HealthCare-Agentur kwhc Dr. Melanie Howe, mit Peer-Marten Scheller vun'n Quickborn-Verlag, aver ok mit Carina Dawert, Benita Brunnert un Yared Dibaba, de de prominenten Vörlesers bi de Optakt-Veranstalten vun de ne'e Hamborger Akschoon weern.

Vörige Week bün ick mol no'n Dokter ween. Ick wull mi dörkieken loten. Bloot afnehm‘ un all sowat. As ick dor ankeem seeten dor overs al'n Barg Lüüd to tööven. Dat harr ick mi anners vörstellt: Rin no'n Arzt, mi mit de Sprütt pieken un op de Kneen kloppen loten, de Tung rutsteeken, „Aaaa“ seggen, Blootdruck meten, Luft holn, weller utpusten, afhorchen loten un fuurts weller no Huus. Tscha, so gau gung dat overs ni. Vör mi keem een no'n annern vun de Patschenten an de Reeg, de al vör mi dor weern. Annere hebbt sick per Telefoon anmelld‘. Dat harr ick man ook dohn schullt. De erste Stünn tööven gung je noch, de tweete weer al recht tooch. As ick 'n Kolleg vun mi vertellt heff, dat ick över twee Stünnen bi'n Arzt töövt heff, hett de mi froogt: „Bi wat för 'n Dokter hest Du den töövt? Bi 'n Fruunarzt?“ Ha ha. Op 'n Arm nehm‘ kann ick mi sülms. Annerlei. Jedenfalls keem no anderthalf Stünnen tööven 'n Ehepoor rin, dor weern ook noch twee Plätze frie overs ni tosom. „Sett Du di man hier hen“, säh de Mann to sien Fruu. Un jüst, dat he rövergohn wull, stunn blang sien Fruu een op, üm sick op de anner Sied hentosetten. „Hier, ick goh röver, denn köönt se blang ehr Fruu sitten.“ „Och“, meen‘ de Gatte, „ick sitt nu al siet meist 65 Johr blang mien Fruu, dor hol ick dat ook twindig Minuten alleent ut.“ Dor kreegen de beiden natüürli anerkinn'de Blicke, un de een‘ oder anner‘ hett sowat seggt as: „Jungedi, 65 Johr. Respekt!“ „Jo“, meen‘ de Mann denn un keek weller sien Fruu an, „wi fiert neust unse Iesern‘ Hochtied.“ „Na“, heff ick dor seggt, „passt man op. Wenn dat so tooch wiedergeiht mit dat Tööven, denn köönt Ju de Iesern Hochtied hier fiern.“ „Dat mokt nix.“, säh de Jubilar, „Denn löppst Du gau röver no'n Supermart un holst uns 'n Kist Beer un 'n Buddel Sekt.“ Jo, Ideen mutt man hebben. No bummeli twee'nhalf Stünnen wurr ick denn ennli oproopen. Overs to'n Bloot afnehm un för de Ünnersööken mutt ick nochmol extra hen. Un ick bün nu al gespannt, wat för 'n Hochtied wi bi mien nästen Arztbesöch fiern köönt… In düssen Sinn

Dütmal geiht dat bi "Wi snackt Platt" üm den unvergeten Finkwarder Autor, Dichtersmann un Verteller Rudl Kinau. Düsse Daag is dat 50 Johr her, dat he storven is. Wi besinnt uns op em un wi snackt mit den Kinau-Experten Reinhard Goltz över sien Wark un ok de Schaddensieden vun sien Leven. Dorto geiht dat ok noch üm en ne'en plattdüütschen Pries för Hamborg: den mit 5000 Euro doteerten Hartmut-Cyriacks-Pries! De Stadt Hamborg söcht de beste Översetten in't Plattdüütsche för Kinner un junge Lüüd. Insennensluss is de 31. Januar 2026. Moderation: Jan Wulf

Du leeve Tied. Nu is dat je al weller sowiet: In jeden Supermart stopelt sick al de Wiehnachs-Schokolod, de Lichterkeeden, Dannboomkugeln un de veeln Adventskalenners. Wenn ick all dat bunte Brimborium seh‘, denn is dat mitmol dor: Dat fürchterliche Hartkloppen, dat ick bet ganz boben in‘ Hals föhln kann. Jümmers, wenn mi dat wiehnachtliche Naschwark un all de Deko-Snurrkrom anfunkelt, krieg ick nömli 'n slecht‘ Geweeten. Denn wenn ick so vör de Stellogen stoh, ward mi klor, dat ick je noch 'n Schwung Geschinke för all de Lüüd, de ick leev heff, besorgen mutt. Overs wenn ick denn doröver nodink, fallt mi eenfach nix Anstänniged in. Un dat is jedet Johr datsülbige. Dorbi verspreek ick mi sülms jümmers in de Vörwiehnachstied, wat dat nästed Mol beter ward. Wo oft in't Johr heuer ick vun de een oder den annern vun mien Lüüd: „Oh, sowat harr ick ook mol gern.“ ‚Jawoll‘, dink ick denn, ‚dat schallst Du to Wiehnachen vun mi kriegen.‘ Un wat bün ick denn stolt, dat ick al so'n scheune Geschikidee heff. Overs froogt man mi nästen Dag no de scheune Idee, denn heff ick ehr al weller vergeeten. Dorbi wull ick mi ehr doch opschrieven. Jedet Mol datsülbige Drama. Un denn, jedet Johr in November heuer ick wülk seggen: „Ick heff al all de Geschinke för mien Lüüd tosom!“ Jo. Schier. Freut mi. Overs de dorsten Kloogschieters hebbt gor keen Vörstellung dorvun, wo dull se mi mol mit ehr Sülmstofreedenheit an Mors kleihn köönt. Un wenn denn een‘ vun mien Lüüd to mi seggt: „Oh, ick heff so'n scheuned Wiehnachsgeschink för Di, ick kann al meist gor ni mehr bet Wiehnachen Obend tööven, üm Dien Gesicht to sehn, wenn Du dat utpackst!“ Un ick dink denn: ‚Jo, un ick will mi dien Gesicht gor ni utmoln, wenn ick nix för Di heff, dat Du utpacken kannst.‘ To'n Glück heff ick mien Madam, de jümmers noch 'n goode Idee in petto hett. Overs för mien Seute bruuk ick je ook noch wat. Oh nä, wat is dat fürchterli. Overs ick verspreek mi dat nu sülms: Nästed Johr ward dat ganz anners… In düssen Sinn

Unglück mit Stadtseilbahn in Lissabon +++ Noch mehr Millionen för PKW-Maut +++ Düütschlandtrend: Mehr Stüern för Grootverdeners +++ Mord an en Jung vun söven Johr in Bremen: Perzess noch mal vun vörn +++ Börkum: Ne'e Protesten gegen dat Bohren na Gas +++ Dat Weer

De Minnstlohn kladder tokamen Johr op … +++ USA maakt nee´e Vorslääg to den Tollstriet +++ Bremer Schöler schüllt eerste Hölp lehren +++ Nee Landschaftsschuulrebeet rund umto den Unisee +++ Autounfäll achterna Starkregen mit twee dooden in dat Ammerland +++ Dat Weer

Dat Museumsfüerschipp "Elbe 1" is nu in Cuxhoben anleggt, dor kiekt wi hen. Un wi weern op Besöök bi den Knobelstammdisch Marienhaaf bi Auerk - den gifft dat tomindst siet 75 Johr.

Selenskyj besöcht Berlin +++ US-Regerung: Kene Visa-Andrääg mehr för Studenten vun buten +++ Perzess geiht wieder gegen Fro, de woll bi de RAF mitmaakt hett +++ Spoorkass Bremen tekent Unnernehmerin vun't Johr ut +++ Werder: Wokeen na Ole Werner Trainer warrt, steiht woll al fast +++ Dat Weer

Dat NDR-1-Studio in Ollenborg gifft dat nu siet 75 Johr. Dat ward düchtig fiert. Un Frank Jakobs hett nochmal torüchkeken op düsse Tiet, hett ehemalig Mitarbeiters interviewt un in't Archiv stöbert.

PKK künnigt Oplösen an +++ China un USA senkt gegensiedig Tölle +++ Dütschland un Israel fiert 60 Johr diplomatisch Kontakte +++ Polizei ermiddelt wegen Füerpüsteree in Ollenborg +++ Alkoholverbott in'n Bremer Hauptbahnhoff +++ Dat Weer

De Nedderdüütsch Bühn in Nörden fiert Jubiläum: Siet 100 Johren gifft dat düsse Theatergrupp. Frank Jakobs kiekt torüch op düsse Tiet un hett ok mit anner Theaterlüüd schnackt. Un wiest, wo wichtig dat Theater för de plattdüütsche Spraak is.

De Schrievwettstriet "Vertell doch mal" is in vullen Gang, dat Motto düt Johr is "Mit'nanner". Ilka Brüggemann hett sotoseggen as Reklaam de besten Geschichten vun Vertell 2024 ut dat Ohnsorg-Theater nochmal tosamenstellt.

Parteien stellt Wahlprogramme vör +++ Düütschland-Ticket: Geld för 2025 is dor +++ Wisconsin: Schooldeern schütt twee Minschen doot +++ Bremer Behörden: Mehr un mehr Wirtschaps-Kriminalität +++ Bremerhaven: Düt Johr hunnert mal Karkenasyl +++ Dat Weer

Hoi zäme und willkomme zum Podcast vo Swiss German Online vom 10. Dezämber 2024! ​Ich bi d Kathrin Erni und hüt rede-mer über es ganz schpeziells Thema: Chnöiprothese. Genau, es goht um de Ersatz vo einzelne Körperteil – und d Frog, was das mit üs und üsem Läbe macht. Denn, wänn s um Prothese oder Organtransplantation goht, het das nid nume mit Medizin z tue, sondern au mit ethische Froge. Mir bringed das natürlich alles uf e lockeri Art und mit emene Augezwinkere i dem mir über d Frogeschtellige reded, wo scho de Stanislaw Lem i einere vo sine Science-Fiction Churzgschichte im “Buech vo de Roboter” thematisiert.   Als erschts möcht-i öich d Gschicht vo miim Mami verzelle, wo sälber sit 4 Johr es künschtlichs Chnöiglänk het: Mini Mueter het mit em Alter einigi Glänkbeschwärde gha, am schlimmschte isch es aber mit de Chnöi gsi. Si het verschideni Therapie wie Physiotherapii oder Oschteopatii probiert und au immer wider Schmärztherapie gha. Si het nid z früeh wölle es künschtlichs Chnöi übercho, wil jo das denn bis am Schluss vo irem Läbe sött hebe. Aber d Verschleiss-Schpure sind scho erheblich gsi und vor vier Johre het si sich entschide, ändlich under s Mässer z goh und de Schritt z woge, wil ires alte Chnöi würklich nümm het funktioniert, und s'Laufe zur Tortur worde isch. Aber si het e super Arzt gha – e richtigi Koriphäe uf siim Gebiet mit mega vil Erfahrig – und d Operation isch e volle Erfolg gsi. Hüt seit si mängisch: "Mis Chnüü isch wider wie nöi!" Si merkt fasch kei Unterschied zwüschem künschtliche und em eigete Chnöi. S einzige, wo si hi-und-da schtört, isch, dass es ab und zue quietscht, aber do cha-mer nid vil degäge mache. S Wichtigste isch: Si het praktisch kei Schmärze meh und isch immer no ganz dynamisch und voller Tatedrang. Was aber, wenn mer sine Körper eifach wott "öpgreide", also besseri Fähigkeite möcht erlange mit Hilf vo de hütige Technik? ...   Contact me to see the whole script https://www.swiss-german-online.com/contact-us.html   VIP Swiss German course https://www.swiss-german-online.com/app.html   Standard German course https://app.german.dog/subscriptions  

Recht to Sülvstbestimmen gellt af hüüt +++ Oprümen na Unweer in Spanien geiht wieter +++ Gebühren för Auto afstellen in Ollenborg willt se to´t nee´e Johr nich ropsetten +++ Füerwehr kriegt Füer bi Spezialist för Schiller Maahrens doot +++ Krimi-Museum för Oostfreesland +++ Dat Weer