Travel Codes

مروه و مصطفي حيحكولنا تايلاند ممكن تعمل فيها إيه كعيله و خصوصا أن مصطفي راحها و هو أعزب فبيدينا الخلاصه و الفرق ما بين الحالتين و المزارات المناسبه لكل حاله . تفاصيل الرحله من أماكن و أكلات و مواصلات و مشاهدات يوميه و شوية نصايح للي بيخطط الرحله دي أو اللي نفسه يسافر معاهم في الحكايات

نعي في البودكاست ده حتحكلنا عن كتابتها في أدب الرحلات و التاريخ و الحكايات اللي ورا كل كتاب و تاريخ أماكن أعتدناها و معمار فني و حكياته في مدن مختلفه في أوروبا و أمريكا و دول عربيه ، أسمع البودكاست ده حتطلع رحله ممتعه عن العشق و السفر

بودكاست النهارده مش عن رحله و لا فسحه ، النهارده معانا دكتور سويلم طبيب نفسي في مهام نقل لمرضى من بلد لبلد تبع هيئات دوليه .أسرار و قصص منعرفش عنها من التجهيزات الطبية في الطياره و لناس بتسافر معانا بظروف لا نتخيلها ، مواقف شيقه و غريبه و نصايح لينا من دكتور مسافر ، لو ليك شوق في شوية أثاره

المغرب وجهه سياحيه طالعه بسرعة الصاروخ عالميا ، يا تري العالم كله متجه ليها لية؟ محمود فخري أقوي مرشد و صاحب أكبر رحلات للمغرب حيحكلنا عن المغرب ، تقعد قد إيه و تروح فين و تدفع كام و كل سؤال جاه علي بالك علشان تسافر هناك حتسمع أجابته من محمود . أسمع

إيمان حتحكلنا في البودكاست ده إزاي قدرت تلاقي أكتر من فرصه تسافر و تتعلم تأمل مجانا في المغرب و تايلاند . شغفها في السفر داخلها في مناطق جديده أتعلمت فيها و أتعرفت علي نفسها بشكل أحسن . قدمت إزاي و عملوا إيه هناك و لو عايز توصل زيها تعمل إيه .. أسمع

سعيد الخولي لف كل صحاري مصر شبر شبر ، حيحكيلنا اللي مانعرفهوش ، الديناصورات اللي لقوها ، الكهوف ، الحيوانات المرعبه الموجوده في صحرا. و حواديت عن الطيور المهاجره و الصيد الشريف و الطبخ في الصحرا. أسمع البودكاست ده و حضر نفسك لقاعدة طويله بدون بربشه و فيه مفاجأة من ترافل كودز في أول البودكاست بلغونا رأيكم فيها علي الصفحه

حكاية عيلة لفيت في إيطاليا ، حتعرف عن البلد و جمالها في الطبيعه و المعمار و كل مدينه زرناها ، مواقف طريفه و صعبه ومغامرات . أكتر حاجه حتسمع عنها في البودكاست هي الأكل الإيطالي علشان تعمل حسابك مروه و مصطفي حيجوعوك

محمود مؤسس have a dream , الأكبر و الأقدم و يمكن الوحيده اللي بتقدم فرص سفر تطوعي منظم في مصر هو ضيفنا. حيحكلنا أزاي تقدر تسافر عن طريق التطوع، هو بدأ أزي و بيعملوا إيه في التطوع و بيروحو فين. قصص كتير حتفتحلك باب عالم جديد ، أسمع البودكاست و أعرف السكة لمتعة جديدة في الحياة السفر و التطوع و المساعده و ممارسة الإنسانية

شيرين حتفرجنا علي الهند في مغامرتها علي موتوسكل لوحدها مع مفارقات غريبه و ناس مختلفه ، وقوع و توهان و بيات في مزرعه و قري صغيره و حواديت كواتش سيرفنج من هنا لبكره و أكل مختلف. تعالوا نسمع و نتفرج معاها

جزر المالديف مبنعرفش عنها غير صورة الفيلا اللي وسط بحر حلو قوي و صينية الفطار في البيسن ، و في نفس الوقت بنلاقي أعلانات رحلات أسعرها معقولة مش لايقة علي الدلع ده ، و تفاصيل كتير في النص مش واضحة . في البودكاست ده مصطفي و مروة حبحكولنا حواديت مفصلة عن المالديف ، إية الجزر دي و أنقي مكان فيها أزاي و الفرق بين الجزر إية . بعد البودكاست ده حتعرف تخطط سفريتك للمالديف و تفهم تفاصيل أي أعلان حتشوفه و تتقي المناسب ليك

عايز تسمع بيبيعوا إيه في السوبرماركت في البلاد المختلفة غير اللي في بلدك و رأي دينا البنت المصرية الحريفة في السوبرماركت و مشهورة أنها الوحيدة اللي بتعمل تقييمات عن المنتجات علي السوشيال ميديا لما جربت منه حاجات كتيرة و غريبة و لذيذة، اسمع البودكاست ده حتتعرف على السوبرماركت و تجيب منه إيه في اليابان و أمريكا و هولاندا و الهند و اخرون

في البودكاست ده حتعرف إزاي تقدر تاخد أكتر من منحة، أمل حتحكي لنا عن منح و سفريات بدأت معاها من المراهقة و لحد ما خلصت الجامعة و إشتغلت. المنح كانت جوة مصر و في أمريكا و جنوب أفريقيا، كل المنح دي لسة موجودة و لما تعرف قصة أمل الملهمة حتعرف السكة و توصلهم إزاي. لو مهتم بمعلومات عن التعليم برة بدون مصروفات، البودكاست ده ليك، لو حابب تسمع قصة نجاح تحمسك تكمل أي مشوار، إسمع البودكاست ده

سفرية لكينيا بطفل ممكن تقلب بنكد إلا لو عملتها كينيا لايت فيرچين بأنشطة بسيطة تنفع لأسرة. في البودكاست ده مروة و مصطفى حيحكولنا زاروا إيه مع طفلهم في كينيا ومازاروش إيه، والحياة البرية مع الحيوانات هناك، غير المواقف الغريبة و المغامرات اللي قابلتهم هناك من أول ما ركبوا الطيارة من الفيز المستعصية و الشهادة الصفرا. إسمع البودكاست ده و سافر معاهم في رحلة إلي كينيا الفيرچين اللايت

في البودكاست ده علي حيحكلنا بالتفصيل إزاي طلع عمرة لوحده من غير شركة سياحة و وفر نص التكلفة من غير ما يكون معاه فيزا تانية تساعده و لا إقامة أجنبية. حتحتاج تركز في كل تفصيلة علشان تعمل زيه بالظبط

يعني إيه تعليم حر و أحسن من تعليم المدرسة، سارة مدربة تعليم حر و مصممة تجارب تعلم حر عن طريق السفر حتحكيلنا التفاصيل و عملت كده أزاي مع أبنها في رحلة أستمرت سنة و ربع. ده طلع فيه مجتمعات للتعليم الحر و مش ناس كتير تعرف عنها، هي حتعرفنا عليها، لو حابب تجربة مختلفة تعلم بيها ولادك أسمع البودكاست ده فيه كل المعلومات الأساسية و نتيجة عملية لناس طبقت الكلام ده.

في البودكاست ده حتعرف كل حاجة عن الدراسة في تركيا، التقديم، التكلفة، طريقة العيشة هناك كطالب. علشان لو بتفكر تقارن بين الدراسة في تركيا ولا في روسيا، إسمع البودكاست ده وإسمع البودكاست اللي فات عن الدراسة في روسيا

عمر بيدرس الجامعة في روسيا بقاله تلات سنين ، حكلنا بقى رحلته من مجموع الثانوية العامة اللي أضطره يسافر و إزاي و الورق المطلوب، لحد رحلة التكيف و الإستمتاع في العيشة في روسيا و عمل صداقات و مجتمع هناك. محتاج إيه و حيكلفك كام الدراسة و الإقامة و مين يقدر يساعدك في ده … تأثير الحرب علي الحياة حاليا في روسيا كل ده حتعرفه لما تسمع البودكاست ده و تتعرف علي روسيا أكتر

البودكاست ده عزيز على قلبي علشان بنحكي لكم فيه سفرية عيد ميلادي المفاجأة اللي مصطفى خططلها بعناية في السر

البودكاست ده مختلف جدا لأني بتكلم فيه مع مصطفى من بودكاست أفر جرين اللي دايما بيتكلم عن البساطة و المحافظة على البيئة، بس النهاردة الكلام كله عن السفر و إزاي كل واحد فينا بيحاول يشيل أقل شنط سفر و حنطلعلكم كل أسرارنا

في الميني بودكاست ده حنقول كل التركات و الأفكار اللي حتحمينا من الكوارث و الفضايح في السفر مع الأطفال، من أول تحضير الشنطة و رحلة الطيارة لخطة الخروجات و الفسح. إسمع البودكاست ده و شاركه مع الأهالي الحيرانة

لو من أحلامك تلف أوروبا بميزانية محدودة و في نفس الوقت تكون مرتاح، المعادلة الصعبة دي محمود حققها مع زوجته و أولاده. أسس كرافان بنفسه في وقت الكورونا الثقيل لما كنا قاعدين مش عارفين نسافر، و أنطلق أول ما الدول بدأت تفتح من ألمانيا يستكشف الدول الأوروبية. إزاي بنا الكرافان؟ بيعيشوا فيه إزاي؟ خطوط السير؟ و التحديات كلها في داخل البودكاست

أزاي أسافر و أوفر تمن الطياره، Voyship أبليكاشن بتساعد أي مسافر يكسب مبلغ و هو مسافر عن طريق توصيله بناس عايزه تنقل حاجه من وجهة سفره بطريقه أمان أسمع

خالد بيعرفنا على كل واحات مصر بعيونه، بحرية، خارجة، داخلة و غيرهم، حيحكي لنا قصص و حكايات و مغامرات عاشها في رحلاته المتعدد لكل واحة على موتسكله في سفر بطئ ممتع. ناس قبلها و مخاطر عدى بها، لحد أخر حكاية في البودكاست حتفضل مترقب و بتفكر هو عدى بكل ده إزاي

أول ميني بودكاست عن كبسولة حجز الطيران، حيوضحلك كل الخبايا و النقط اللي محتاج تركز عليها علشان تحجز أحسن تذكرة طيران بأحسن سعر. بحذركم ان المعلومات كتيرة و دسمة يعني ممكن تحتاج تسمعها أكتر من مرة أو تكتب منها كمان المعلومات الجديده عليك

رحلة لكل مدينة تتزار في سيريلانكا، دليلك في عشر أيام ازاي توصل لكل مدينة و تعمل فيها ايه و حتكلفك كام بالطريقة المناسبة لك حسب ميزانيتك. مي مصيلحي راحت سيريلنكا كتير و بتطلع ناس هناك تفسحهم و تدلعهم حتحكي لنا كل ده بالتفاصيل حتدينا الزيتونة بقى من الأخر خصوصا أن سيريلانكا مليانة حاجات مختلفة قوي من معابد لطبيعة لبحر فتظبيط السفرية محتاج كياسة

في البودكاست ده الفنانة التشكيلية مي السيد حتعرفنا بُعد جديد في التطوع و السفر، كلام أول مرة حتعرف أنه موجود في مصر، تطوع فني كيوت جدا في مشروعات صعبة جدا مع السفارات و الهيئات الأجنبية في مصر. تجارب مختلفة في جنوب مصر ومع أطفال الشوارع و رياضيين كلها فيها مساعدة للمجتمع و سفر أو أستقبلها لمسافرين لو أنت بتحب مساعدة المجتمع، أو بتحب السفر أو بتحب تسافر بدون تكلفة مادية كبيرة، اسمع

أول حلقه في الموسم الخامس من ترافل كودز بما أنها أول حلقه في السنه فقولنا نشارك معاكم سفريات ٢٠٢١ بذكرياتها الحلوه و العوده للمطار الدولي بقي مع حواديت أماكن السفر الداخلي و مخبناش عليكم مصايب السفر اللي أصابتنا أول مره من السفر لبعض الأماكن الصحراويه النائيه و تشريف حشرة غريبه في بيتنا و السفر بالجبس . لما تسمع الحلقه للأخر حتلاقي شوية تفائل في تخطيط سفريات ٢٠٢٢

البودكاست ده لمروة و مصطفى ثنائي السفر بس مفاجأة المرة دي مصطفى هو المذيع

جيرو أصلا كانت في سفرية من السفر التطوعي اللذيذ أبو تلات شهور في مدرسة صغيرة في قرية في مكان متطرف في تايلاند على الحدود مع لاوس، و مع كل صدمات الحضارية و العادات المختلفة اللي كانت بتقابلها و حتحكي لنا عليها كانت راكنة على أنها قاعدة تلات شهور و يعدوا، البلوف كله حصل لما الكورونا قفلت عليها لمده ١٥ شهر هناك و هنا بدأ التعايش مع الظروف و الحشرات و الحيوانات الخطيرة و الوحدة و الأكل العجيب و حاجز اللغة، حواديت ملهاش سقف

تعرف إيه عن باكستان السياحية، قليل جدا لو عارف. شريف بتاع أكشن ضيفنا بقي حيحكي لنا عن القبض عليه على حدود أفغانستان، حيحكي لنا عن تحديه لأقوى رجل في العالم في باكستان ، حيحكي لنا على أخطر جسر شافه هناك و حيحكي لنا على أحلى منظر طبيعي ممكن نشوفه في حياتك، فيما يخص السايح العادي مش مستوى السوبر بندق

في السفر تجارب فريده تستحق نعيشها و نفكر فيها و معانا منها واحدة النهاردة، الحدوتة تبتدي لما أربع رجالة أصدقاء يأجروا شقة و هما مسافرين براغ، مساحتها صغيرة شويتين تلاتة

تجربة بتيجي على بالنا كتير لما نسافر بلد تعجبنا، ليه مقعدش هنا و أستقر، بتعدي خاطر سريع أو طويل على معظمنا بس ناس قليله بتاخد الخطوه و تجرب. محمود شد الرحال أول ما أتجوز هو و عروسته على جورجيا و حكلنا في البودكاست ده كل التفاصيل و أزاي الأحداث مشيت غير ما كان مخططلها خالص. أسمع البودكاست

رمضان كريم، حنحكلكم في البودكاست ده عن تحدي رمضان تلاتين نصيحة سفر أزاي بدأ و المشاركين و شوية نصايح حلوه من اللي ظهرت لحد دالواقتي، أسمع البودكاست و تابع التحدي

أيوه فيه ناس بتسافر ببلاش و مش بتجيب سيره أزاي

شيماء مغرمه بالسينما

لو بتحب المغامره تعملها أو تسمعها بودكاست النهارده ليك ممكن تكون مش بتحب الألعاب الخطيره برضه بس تحب تعرف الناس بتحبها ليه و بيحسوا بأيه أمل لخصتلنا كل المغامرات الخطيره في جنوب أفريقيا و رتبتلها أزاي هي و أصدقائها أسمع البودكاست ده علشان تعرف كل تفاصيل المغامره

و من نوادر السفر في سنة اللا سفر قدر الرحاله و أديب الرحلات بدر الوهيبي يسافر ١٣ دوله و يستمتع. أسمع البودكاست علشان تعرف حكاية مغامرة كل سفريه و تمت أزاي... من السفريات اللي حكلنا عنها بالتفصيل زيارته لأيران في زياره استثنائيه. و لما توصل لآخر البودكاست حتلاقي كبسوله عن المناطق السياحيه في سلطنة عمان و جمالها و تقدر تعمل فيها ايه

الهند بلد سياحيه مختلف عليها، ناس بتعقشها و ناس ترجع منها متضايقه، يمكن علشان هي كبيره جدا و فيها تنوع رهيب فالتخطيط لسفريه حلوه هناك مهمه صعبه. الرحاله نهله عوض من النوع الأول جدا. لما تسمع البودكاست بحكايتها و مغامرتها هناك حتشوف الهند الجميله ، احتفالات في الشوارع، طبيعه رائعه، شعب لذيذ و مضياف. البودكاست ده حيختصرلك الطريق لو بتفكر تسافر الهند حتعرف تروح فين بالظبط ، و لو مش ناوي تروح ممكن تغيير رأيك

ضيفنا الرحاله نمره ١ في السفر بموتسكل في العالم العربي لف العالم و أول رحاله عربي يلف افريقيا على موتسكل. قصص لا نهائيه من رحلاته في أفريقيا و أوروبا و أمريكا الجنوبيه، أحداث كتيره سعيده و مرعبه و نجاه من موت و مقابلة عصابات... شخصيات عامه قابلهم في الطريق زي عيله أوباما، و ممثلين عالميين و ... مش ححرقلكم البودكاست، اسمعوه أحسن

في أول بودكاست الموسم الرابع، موضوعنا بين توقعات و تخطيط سفريات ٢٠٢٠ و شقلبت الموازين باجتياح فيروس الكورونا... حواديت كتير و تغير أحداث و محاولات مستميته للسفر و الانبساط مع العزل المصري و الدولي. مصطفي و مروه حيحكولنا عن سفريتهم في وقت الكورونا و خططهم البديله للشحن و الأستكشاف في السنه الأستثنائيه دي أسمع الحلقه دي و سافر معاهم في مغامرتهم

كلنا بنسافر علشان اسباب مصدقنها و حبنها، و أحلي اسباب هي الأنسانيه الخالصه. دكتور فارس دكتور بيطري مش بس شاطر لكن كمان بره الصندوق، بيحب شغله جدا و السفر جدا جدا فبقي بيسافر يساعد في المنظمات العالميه لإنقاذ الحيوان.. المعرضين للتعنيف او الانقراض او عمل حملات توعيه للناس. حكايات سفريات مثيره مع حيوانات مانعرفش عنها حاجه و تعامل الشعوب المختلفه معهم حيشركنا بيها في البودكاست ده.

أحنا المصريين يا تري بنشوفكم ازاي لما بتقابل أجانب من ثقافات مختلفه دايما بتحاول تبني أنطباع عام علشان تسهل على نفسك التعامل معاهم في المستقبل و طبعا بنبقي داخلين على كل شعب عندنا شوية اسطمبات معروفه، الانجليزي غلس و الفرنساوي رفيع و الافريقي فقير و...... حاجات كتير قوي لما بتنزل لأرض الواقع بتكتشف انه أوشعات

بيلا بنت مصريه كان حلمها تلف الدنيا و قررت اول سفريه تكون حول أفريقيا كلها برى!!

حقيقه الأقامه في ألمانيا و فرق الثقافات بين الشعب الألماني و المصري من أصغر الحاجات للنظام و الأحتفلات و الاكلات و العلاقات الأنسانيه، أماكن الفسح اللي السياح مايعرفوهاشكل كل ده و أكتر دكتوره نهال حتكهولنا في بودكاست عن حياة المغترب في ألمانيا. فلو بتفكر تسافر شغل،فسحه، هجره لألمانيا البودكاست ده مايفوتكش

النهارده حنسافر في البودكاست الي فيتنام رحله من شرقها لغربها بكل تفاصيلها حنعيشها مع المغامر علي طارق. قضي ٤ شهور هناك كمرشد سياحي يعني عنده الزيتونه

ليه مش بنسافر و نحلها ازاي معظم الناس مش بتقوم تسافر علشان مجموعة اسباب مشتركه، زي الفلوس و العيال و الوقت و الشغل و حاجات تانيه، حنحكلكم أحنا حلناها أزاي و حنستغل وجود دكتور نفسي و رحاله معانا علشان نفتح الأبواب المقفوله في عقولنا على أفكار موقفنا عن السفر و الأستمتاع بالحياه

Record for the live interview with the egyptian traveler based in Turkey Mohamed El samman. He gave us new places, ideas and hidden gems in Turkey as u have never heard before

المره دي مش حنتكلم عن سفر الفسح،البودكاست النهرده عن سفر الشغل و المؤتمرات كرائد أعمال، حنعرف من شيرين فرص سفر أي رائد أعمال، حتعرفنا سافرت أزاي أمريكا و دبي و الهند بدعوات لحضور مؤتمرات عالميه لريادة الأعمال مدعومه بحكومات الدول دي. حنعرف أتعلمت ايه و شافت ايه و خطوات الوصول للسفريات دي.

Meet Asmaa the Morrocan traveler based ion Brazil. In this live she is telling us all about Brazil the new Corona highest country now, and how they are dealing with it. Also she tells us about whats to visit in Brazil as one of the best touristic destination

live chat with Ibti living in Canada telling us all about canada at corona time , also the touristic Canada that we don't know much about

A record for live chat with the Tunisian media presenter lovely Amira Def allah, chatting with us about hoe Tunisia reached zero cases and how they r resuming tourism activities. also had provided quick tips and tricks for any one visiting Tunisia