Podcasts about vot

བོད་ཀྱི་ཞོ་སྟོན་རྒྱས་པ་ཐེངས་ ༢༩ པ་ཨོ་ཌི་ཤ་ཕུན་ཚོགས་གླིང་བོད་མིའི་གཞིས་ཆགས་སུ་དབུ་འཛུགས། The post བོད་ཀྱི་ཞོ་སྟོན་རྒྱས་པ་ཐེངས་ ༢༩ པ་ཨོ་ཌི་ཤ་ཕུན་ཚོགས་གླིང་བོད་མིའི་གཞིས་ཆགས་སུ་དབུ་འཛུགས། appeared first on vot.

དེ་རིང་དབུས་འོས་བསྡུ་ལས་ཁང་ནས་སྐབས་ ༡༨ པའི་བོད་མི་མང་སྤྱི་འཐུས་ཀྱི་དངོས་གཞིའི་འོས་གཞི་ཁག་གསལ་བསྒྲགས་བསྐྱངས་བ་མ་ཟད། མཐོ་སློབ་ཏུ་བསྐྱོད་བཞིན་པའི་གཞོན་སྐྱེས་མང་དག་ཅིག་གིས་སྔོན་འགྲོའི་འོས་བསྡུའི་ནང་ཆ་ཤས་བཞེས་ཐུབ་མེད་པར་བློ་འཚབ་དང་བཅས། དངོས་གཞིའི་འོས་བསྡུའི་ནང་ངེས་པར་ཆ་ཤས་བཞེས་དགོས་པ་སོགས་ཀྱི་ལམ་སྟོན་ཁག་གཅིག་གནང་སོང་། རྩ་བའི་ཐེངས་འདིའི་སྲིད་སྤྱི་གཉིས་ཀྱི་སྔོན་འགྲོའི་འོས་བསྡུའི་ཁྲོད་ལས་ཐོག་སྲིད་སྐྱོང་སྤེན་པ་ཚེ་རིང་མཆོག་ལ་འོས་ཐོབ་བརྒྱ་ཆ་ ༦༡་༠༢༥ ཐོབ་པ་དང་འབྲེལ། འོས་བསྡུའི་སྒྲིག་གཞི་གཞིར་བཟུང་དངོས་གཞིའི་ལས་རིམ་འགྲོ་མི་དགོས་པར་སྲིད་སྐྱོང་དུ་འདེམས་ཐོན་བྱུང་ཟིན་པ་ལྟར། དབུས་འོས་བསྡུ་ལས་ཁང་གིས་དེ་རིང་སྐབས་ ༡༨ པའི་སྤྱི་འཐུས་ཀྱི་འོས་གཞིའི་ནང་ཁྱོན་འོས་མི་ ༩༣ གསལ་བསྒྲགས་གནང་བ་དང་། དེ་དག་ཁོངས་སུ་མདོ་སྟོད་ཆོལ་ཁ་དང་ཨ་རི་ཡུ་རོབ་བཅས་ནས་དྭང་བླངས་ཀྱི་འོས་མི་ ༣ འདུག་པ་མ་ཟད། ད་ལྟ་སྤྱི་འཐུས་གནང་བཞིན་པ་ ༣༢ དང་གསར་པ་བཞེངས་མཁན་ ༦༡ འདུག དེ་ཡང་དེ་རིང་སྔ་དྲོ་ཕྱག་ཚོད་ ༡༡ ཐོག་ཕྱི་དྲིལ་ལྷག་པ་ཚེ་རིང་དྲན་རྟེན་ཚོགས་ཁང་ནང་དུ། དབུས་འོས་བསྡུ་ལས་ཁང་གི་སྤྱི་ཁྱབ་འགན་འཛིན་བློ་བཟང་ཡེ་ཤེས་ལགས་དང་། འགན་འཛིན་ལས་འཕར་ཚེ་རིང་གཡུ་སྒྲོན་ལགས་དང་སྣང་ས་ཆོས་སྒྲོན་ལགས་གསུམ་ནས་གསར་འགོད་ལྷན་ཚོགས་ཞིག་སྐོང་འཚོགས་ཐོག སྐབས་ ༡༨ པའི་བོད་མི་མང་སྤྱི་འཐུས་ཀྱི་དངོས་གཞིའི་འོས་མི་གསལ་བསྒྲགས་བསྐྱངས་སོང་བའི་ནང་དུ། ཆོལ་ཁ་དང་ཆོས་བརྒྱུད་སོགས་ཐོབ་ཁུངས་སོ་སོའི་ཐོབ་བྱའི་གྲངས་ཚད་ཀྱི་ཉིས་ལྡབ་སྟེ་ཆོལ་ཁ་སོ་སོར་འོས་མི་ ༢༠ རེ་དང་། ཆོས་བརྒྱུད་ཁག་ལྔར་འོས་མི་བཞི་རེ། ཡུ་རོབ་དང་ཨ་ཕི་རི་ཀ་དང་ལྷོ་བྱང་ཨ་རི་སོ་སོར་འོས་མི་ ༤ རེ། དེ་བཞིན་རྒྱ་བལ་འབྲུག་གསུམ་ཕུད་པའི་ཨེ་ཤི་དང་ཨོ་སྟྲེ་ལི་ཡ་ཨེ་ཤི་ཡ་འོས་མི་ ༢ བཅས་ཆེད་བཏོན་གནང་བའི་ཐོག  དྭང་བླངས་འོས་མི་ ༣ གསལ་བསྒྲགས་གནང་བ་ནི་མདོ་སྟོད་ཆོལ་ཁའི་ཁོངས་ནས་ཚང་བྲག་བཀྲིས་ཕུན་ཚོགས་དང་། ལྷོ་བྱང་ཨ་རི་ཁོངས་སུ་ནུབ་པ་བསྟན་འཛིན་འཆི་མེད། དེ་བཞིན་ཡུ་རོབ་དང་ཨ་ཕི་རི་ཀའི་ཁོངས་སུ་ཀརྨ་ཆོས་སྐྱིད་བཅས་རེད་འདུག དབུས་འོས་བསྡུ་ལས་ཁང་གི་སྤྱི་ཁྱབ་འགན་འཛིན་བློ་བཟང་ཡེ་ཤེས་ལགས་ཀྱིས་གསར་འགོད་ལྷན་ཚོགས་ཐོག་དོན་ཚན་བཅུ་ཅན་གྱི་གསལ་བསྒྲགས་དང་ལམ་སྟོན་ཁག་གཅིག་གནང་བའི་ནང་དུ། དེ་རིང་ཕྱི་ཚེས་ ༡༨ ནས་དངོས་གཞིའི་འོས་བསྡུ་ཆེན་མོའི་ལས་རིམ་དབུ་འཛུགས་དང་འབྲེལ། དེ་རིང་ནས་འགོ་བཙུགས་ཏེ་ཕྱི་ཟླ་ ༤ པའི་ཚེས་ ༢༣ བར་དངོས་གཞིའི་འོས་བསྡུ་དང་འབྲེལ་བའི་ལུགས་མཐུན་དྲིལ་བསྒྲགས་གནང་ཆོག་པ་ཡིན་ཡང་། འོས་གཞིར་བཞེངས་མཁན་དང་རྒྱབ་སྐྱོར་བ་རྣམས་ནས་བཟང་སྤྱོད་མ་འགལ་བ་དང་འོས་བསྡུའི་རྩ་འཛིན་ལམ་སྟོན་སྒྲིག་གཞི་དང་མི་འགལ་བའི་ཐོག་ནས་གནང་དགོས་པ་གསུངས་སོང་ལ། སྔོན་འགྲོའི་འོས་བསྡུའི་ནང་མཐོ་སློབ་ཏུ་བསྐྱོད་བཞིན་པའི་གཞོན་སྐྱེས་མང་དག་ཅིག་གིས་ཆ་ཤས་བཞེས་ཐུབ་མེད་པ་ནི་བློ་འཚབ་ཀྱི་རང་བཞིན་ལ་སོང་། […] The post དབུས་འོས་བསྡུ་ལས་ཁང་ནས་སྐབས་ ༡༨ པའི་བོད་མི་མང་སྤྱི་འཐུས་ཀྱི་དངོས་གཞིའི་འོས་གཞི་གསལ་བསྒྲགས། appeared first on vot.

དེ་རིང་སྐབས་ ༡༧ པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་ ༡༡ པའི་ལས་ཉིན་གསུམ་པའི་ཐོག་བདེ་སྲུང་ལས་ཁུངས་ཀྱི་ལས་དོན་གནང་ཕྱོགས་དང་འབྲེལ་བའི་སྐོར་ལ་སྤྱི་འཐུས་རྣམ་པས་བགྲོ་གླེང་ཁྲོད། ༸རྒྱལ་བའི་སྐུ་ཕྱྭ་དང་མཚན་གནས་སྲུང་སྐྱོབ། སྤྱི་ཚོགས་ཁྲོད་དུ་བཀའ་ཡིག་དང་གཞུང་འབྲེལ་གསལ་བསྒྲགས་སོགས་རྫུན་བཟོ་བྱེད་པའི་གནད་དོན། ཨོ་གླིང་ནང་དུ་ཆབ་སྲིད་བཙོན་ཟུར་གཞིས་སྤོའི་ལས་གཞི་དང་ཁོང་རྣམ་པའི་ལོ་རྒྱུས་ཕྱོགས་སྒྲིག བཞུགས་སྒར་༸རྒྱལ་བའི་ཕོ་བྲང་གི་ཉེ་འདབས་གཞུང་ལམ་ཁག་གི་གནས་སྟངས་སོགས་དང་འབྲེལ་ནས་འདྲི་རྩད་ནན་པོ་གནང་སོང་། དེ་ཡང་ལས་ཁུངས་གོ་རིམ་བཞིན་སྔོན་རྩིས་ཐོག་སྤྱི་ཡོངས་བགྲོ་གླེང་དང་གཏན་འབེབས་ཀྱི་ལས་རིམ་ཁྲོད། དེ་རིང་བདེ་སྲུང་ལས་ཁུངས་ཀྱི་སྔོན་རྩིས་དང་འབྲེལ་ནས་ལས་དོན་བྱེད་ཕྱོགས་ཐད་ལ་སྤྱི་འཐུས་རྣམ་པས་འདྲི་རྩད་གནང་ཡོད་པ་དང་། སྐབས་དེར་སྤྱི་འཐུས་ཁག་གཅིག་གིས། ཉེ་སྔོན་རྒྱ་མི་ཞིག་བཞུགས་སྒར་ཁུལ་དུ་གསང་ཉུལ་བྱེད་བཞིན་པའི་གནད་དོན་དང་འབྲེལ་ནས་ཉེན་རྟོགས་པའི་འཛིན་བཟུང་བྱས་ཡོད་སྟབས། རྒྱ་མི་དེ་༸གོང་ས་༸སྐྱབས་མགོན་ཆེན་པོ་མཆོག་ལ་མཇལ་ཁ་ཞུས་ཡོད་མེད་དང་། གནད་དོན་དེར་རང་གཞུང་བདེ་སྲུང་ལས་ཁུངས་ནས་དེ་འབྲེལ་ཇི་གནང་སོགས་ཀྱི་གནད་དོན་ཐད་བཀའ་འདྲི་ཞུས་སོང་བ་མ་ཟད། ཁག་ཅིག་གིས་ཉེ་སྔོན་ཨ་རིའི་མི་སྒེར་ཞིག་དང་འབྲེལ་བའི་ཡིག་ཆའི་ནང་༸གོང་ས་མཆོག་གི་མཚན་འཁོད་ཡོད་པ་དང་འབྲེལ་ནས་མགོན་པོ་༸གང་ཉིད་མཆོག་གིས་མཚན་གནས་སྲུང་སྐྱོབ་ལ་གདོང་ལེན་གནང་ཕྱོགས་བཅས་དང་འབྲེལ་ནས་བཀའ་འདྲི་ཞུས་སོང་། གནད་དོན་དེར་བདེ་སྲུང་བཀའ་བློན་མཆོག་གིས། བཞུགས་སྒར་དུ་རྒྱ་མི་ཞིག་དང་འབྲེལ་བའི་གནད་དོན་དེ་ནི་ཚབས་ཆེན་པོ་ཞིག་ལ་ངོས་འཛིན་བྱེད་ཀྱི་ཡོད་ཅིང་། ཁོ་པ་གཙུག་ལག་ཁང་གི་ཡས་ཡོན་དུ་ཕྱིན་པའི་ཡོད་པ་ཤེས་རྟོགས་བྱུང་ཡོད་པ་དེ་ལྟར་ཡང་༸གོང་ས་༸སྐྱབས་མགོན་ཆེན་པོ་མཆོག་ལ་མཇལ་ཁ་ཞུས་མེད་པ་གསལ་བཤད་གནང་སོང་། མ་ཟད་གནད་དོན་དེར་ལྟར་ཆར་རྒྱ་གར་འབྲེལ་ཡོད་སྡེ་ཚན་ནས་ཞིབ་འཇུག་བྱེད་མུས་ཡིན་སྟབས་གནས་ཚུལ་གཞན་ཞུ་ཐུབ་པ་མི་འདུག་ཅེས་གསུངས་སོང་བ་དང་། ལྷག་པར་ཨ་རིའི་ནང་གི་མི་སྒེར་གྱི་ཡིག་ཆ་ཞིག་གི་ནང་དུ་མགོན་པོ་༸གང་ཉིད་མཆོག་གི་མཚན་གསལ་བའི་གནད་དོན་དེར་བོད་མིའི་སྒྲིག་འཛུགས་ཀྱི་འབྲེལ་ཡོད་སྡེ་ཚན་ནས་གནས་ཚུལ་སྤེལ་མཁན་གྱི་བརྒྱུད་ལམ་ཁག་ལ་ནོར་འཁྲུལ་ཡིན་པའི་གསལ་བཤད་ཙམ་མ་ཟད། འབྲེལ་ཡོད་དོན་གཅོད་དང་ས་གནས་ཁག་ལ་གསལ་བཤད་ལམ་སྟོན་གནང་ཡོད་པ། དེ་བཞིན་ཆེད་ལས་པའི་ངོ་བོའི་ཐོག་ནས་མ་འོངས་མཚན་གནས་སྲུང་སྐྱོབ་ཆེད་དུ་འབད་བརྩོན་ཞུ་མུས་ཡིན་པ་འགྲེལ་བརྗོད་གནང་སོང་། དེ་བཞིན་སྤྱི་འཐུས་ཁག་གཅིག་གིས་ཉེ་སྔོན་དགའ་ལྡན་ཕོ་བྲང་གི་བཀའ་ཡིག་དང་། གསུམ་བཅུའི་དུས་དྲན་མ་སླེབས་གོང་བཀའ་ཤག་གི་གཞུང་འབྲེལ་བཀའ་ཡིག དེ་བཞིན་འབྲས་སྤུངས་བློ་གསལ་གླིང་གི་གསལ་བསྒྲགས་རྫུན་བཟོ་བྱས་པ་རྣམས་སྤྱི་ཚོགས་དྲ་ལམ་ཁག་ཏུ་ཁྱབ་སྤེལ་ཕྱིན་པར་གདོང་ལེན་གནང་ཕྱོགས་དང་འབྲེལ་ནས་བཀའ་འདྲི་ཞུས་པ་ཁག་ལ། བདེ་སྲུང་བཀའ་བློན་མཆོག་གིས་སྐབས་དེར་འབྲེལ་ཡོད་བོད་མིའི་སྒྲིག་འཛུགས་ཀྱི་མགྲིན་ཚབ་པས་གསལ་བཤད་གནང་ཡོད་པ་མ་ཟད། རྫུན་བཟོ་བྱེད་མཁན་ཡོད་ཀྱང་སྤྱི་ཚོགས་དྲ་རྒྱའི་སྟེང་ལ་འགྲེམ་མཁན་དེ་བོད་མི་ཆགས་ཀྱི་ཡོད་པར་བརྟེན། སྤྱི་ཚོགས་དྲ་རྒྱའི་བེད་སྤྱོད་བྱེད་ཕྱོགས་ལ་མ་འོངས་ཡིད་གཟབ་དགོས་པའི་ནན་བརྗོད་གནང་སོང་། མ་ཟད་དྲ་རྒྱའི་བེད་སྤྱོད་བྱེད་ཕྱོགས་དང་འབྲེལ་ནས། བོད་ཀྱི་གཅིག་སྒྲིལ་ལ་གནོད་གཞི་དང་རྩ་དོན་ལ་འགོག་རྐྱེན། ༸གོང་ས་མཆོག་གིས་དབུས་པའི་བོད་མིའི་སྒྲིག་འཛུགས་ལ་གཞི་རྩ་མེད་པའི་ནག་ཉེས་གཡོག་མཁན་རྒྱ་ནག་གི་བེད་སྤྱོད་འོག་མ་ཚུད་པར་བྱ་དགོས་ཤིང་། དྲ་རྒྱ་བེད་སྤྱོད་བྱེད་མཁན་བོད་མི་ཚང་མས་ཡིད་གཟབ་གནང་དགོས་པའི་བརྡ་ལན་གནང་སོང་། བདེ་སྲུང་ལས་ཁུངས་ནས་གནས་ཚུལ་རྫུན་མ་ཡོང་ཁུངས་འཚོལ་ཞིབ་སོགས་ཀྱི་ལས་དོན་གཉེར་གྱི་ཡོད་ཅིང་། གནས་ཚུལ་ཁྱབ་སྤེལ་ཤུགས་ཆེ་མི་ཡོང་བའི་ཆེད་དུ་འབད་བརྩོན་དང་། ལས་དོན་མུ་མཐུད་ཇེ་ཤུགས་ཆེ་རུང་གཏང་རྒྱུ་ཡིན་པ་གསུངས་སོང་། ལྷག་པར་སྤྱི་འཐུས་ཁག་གཅིག་གིས་ཨོ་གླིང་ཁུལ་ཆབ་སྲིད་བཙོན་ཟུར་གཞིས་སྤོའི་ལས་གཞི་དང་འབྲེལ་བའི་སྒྲིག་གཞི་ཐད་གླེང་སློང་དང་། ཆབ་སྲིད་བཙོན་ཟུར་རྣམ་པའི་ལོ་རྒྱུས་བསྡུ་ལེན་གྱི་ལས་གཞི་དང་འབྲེལ་ནས་འདྲི་རྩད་གནང་སོང་བར། བདེ་སྲུང་བཀའ་བློན་མཆོག་གིས། ཨོ་གླིང་ནང་དུ་ཆབ་སྲིད་བཙོན་ཟུར་གཞིས་སྤོའི་ལས་གཞིའི་སྒྲིག་གཞི་དང་འབྲེལ་བའི་ཐད་འགྱུར་བ་ཆུང་ཙག་ཕྱིན་ཡོད་ཀྱང་། འབྲེལ་གཅིག་ནང་མི་ངོས་འཛིན་བྱེད་ཕྱོགས་དང་མཉམ་དུ་འཁྲིད་ཕྱོགས་ཀྱི་སྒྲིག་གཞི་ལ་བསྐྱར་བཅོས་ཕྱིན་མེད་པ་མ་ཟད། ལས་གཞི་དེ་མུ་མཐུད་འགྲོ་བཞིན་ཡོད་ཅེས་གསལ་བཤད་གནང་སོང་། དེ་བཞིན་ཆབ་སྲིད་བཙོན་ཟུར་གྱི་ལོ་རྒྱུས་བསྡུ་ལེན་གྱི་ལས་གཞི་ཐད་མ་འོངས་པར་རྒྱལ་ཚོགས་དང་རྒྱལ་སྤྱིའི་འགྲོ་བ་མིའི་ཐོབ་ཐང་གི་སྡིངས་ཆའི་སྟེང་། བོད་ཀྱི་གནད་དོན་ཐོག་བདེན་དཔང་བྱ་རྒྱུའི་དུས་ཚོད་ངེས་པར་དུ་འཆར་རྒྱུ་ཡིན་སྟབས། སྐབས་དེར་ཡིག་ཆ་དེ་དག་སྔོན་ཚུད་ནས་གྲ་སྒྲིག་དགོས་ཀྱི་ཡོད་པར་དྲི་བ་དེ་དག་ཀྱང་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་གི་འདྲི་རྩད་གཞིར་བཟུང་ཆད་འཛིན་བྱས་ཡོད་པ་སོགས་གསུངས་སོང་། དེ་རིང་སྤྱི་འཐུས་རྣམ་པས་གཞན་ཡང་ཉེ་ལམ་རྒྱ་གཞུང་གིས་ཤུགས་རྐྱེན་འོག་ནས་བོད་རིགས་སྤུན་ཟླའི་མཐུན་ཚོགས་ཀྱི་ཚོགས་འདུའི་གནད་དོན་དང་། རྒྱ་ནག་གཞུང་ཚབ་ཁང་གི་བོད་ཀྱི་ལོ་གསར་སྲུང་རྩིས་གོ་སྒྲིག་ཞུས་པར་བོད་མི་མི་ཉུང་བ་ཞིག་མཉམ་ཞུགས་བྱས་ཡོད་པའི་གནད་དོན། ལྷག་པར་ཆབ་སྲིད་བཙོན་ཟུར་རྣམས་ཨོ་གླིང་ཁུལ་དུ་གཏོང་ཕྱོགས། བལ་ཡུལ་ནང་གི་བོད་མི་རྣམས་ཀྱི་ཡིག་ཆའི་གནས་སྟངས། ༸གོང་ས་མཆོག་རྡ་ས་ནས་ས་གནས་གཞན་དུ་ཆིབས་བསྒྱུར་སྐབས་གནམ་གྲུའི་ནང་ཞུགས་གནས་ལེགས་པར་གོ་སྒྲིག་བྱ་དགོས་པའི་གནད་དོན་སོགས་དང་འབྲེལ་ནས་ཉིན་ཁྱོང་བགྲོ་གླེང་དང་འདྲི་རྩད་གནང་སོང་།   The post བདེ་སྲུང་ལས་ཁུངས་ཀྱི་ལས་དོན་གནང་ཕྱོགས་དང་འབྲེལ་བའི་འདྲི་རྩད། appeared first on vot.

བོད་ཀྱི་གྲངས་འཛིན་དཔེ་མཛོད་ཀྱི་མཉམ་འདུས་ཚོགས་སྡེའི་ཚོགས་ཆེན་ཐེངས་གསུམ་པ་མཇུག་སྒྲིལ། The post བོད་ཀྱི་གྲངས་འཛིན་དཔེ་མཛོད་ཀྱི་མཉམ་འདུས་ཚོགས་སྡེའི་ཚོགས་ཆེན་ཐེངས་གསུམ་པ་མཇུག་སྒྲིལ། appeared first on vot.

ཤུག་གསེབ་བཙུན་དགོན་གྱི་མཁན་མོ་རྣམས་ལ་མཇལ་ཁ་དང་། མིས་བཟོས་རིག་ནུས་སྐོར་བཀའ་སློབ་སྩལ་བ། The post ཤུག་གསེབ་བཙུན་དགོན་གྱི་མཁན་མོ་རྣམས་ལ་མཇལ་ཁ་དང་། མིས་བཟོས་རིག་ནུས་སྐོར་བཀའ་སློབ་སྩལ་བ།  appeared first on vot.

བཞུགས་སྒར་དུ་ཁ་སང་དང་དེ་རིང་བཅས་ཉིན་གྲངས་གཉིས་རིང་། རྒྱ་གར་རྒྱལ་ཡོངས་བོད་དོན་རྒྱབ་སྐྱོར་ཚོགས་པའི་ཚོགས་ཆེན་ཐེངས་ ༨ འཚོགས་ཡོད་པ་ལྟར། དེ་རིང་ཉིན་རྒྱབ་ཆུ་ཚོད་ ༢།༣༠ ཐོག་བོད་མིའི་སྒྲིག་འཛུགས་ཕྱི་དྲིལ་བཀའ་བློན་ནོར་འཛིན་སྒྲོལ་མ་མཆོག་དང་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་རྣམ་གཉིས་མཛད་སྒོའི་སྐུ་མགྲོན་གཙོ་བོར་ཆེད་ཕེབས་དང་སྦྲགས། ཉིན་གྲངས་གཉིས་རིང་འཚོགས་པའི་ཚོགས་འདུ་དེའི་ཐོག་ནས་དབུས་བོད་མིའི་སྒྲིག་འཛུགས་འདི་ཉིད་གཞིས་བྱེས་གཉིས་ཀྱི་བོད་མིའི་ཁྲིམས་མཐུན་ངོ་ཚབ་ལ་ངོས་འཛིན་གནང་སྐྱོང་ཡོང་བ་དང་། རྒྱ་གཞུང་གིས་༸སྐུའི་ཡང་སྲིད་ཀྱི་གནང་སྒོར་ཐེ་བྱུས་བྱེད་མི་ཆོག་པ་སོགས་ཀྱི་བསྒྲགས་གཏམ་སྤེལ་ཏེ་ཚོགས་ཆེན་མཇུག་སྒྲིལ་གནང་སོང་། དེ་ཡང་བསྒྲགས་གཏམ་དེའི་ནང་གཙོ་བོ་འཕགས་བོད་གཉིས་ཀྱི་རིག་གཞུང་དང་ཆོས་ཕྱོགས། སྤྱི་ཚོགས། དཔལ་འབྱོར་སོགས་དེ་བྱུང་གི་རང་བཞིན་ལྡན་པའི་འབྲེལ་བ་ཡོད་པ་དེ་དག་ངོས་འཛིན་པའི་ཐོག་ནས། རྒྱ་ནག་གཞུང་གིས་བོད་ནང་བོད་མིའི་ཆོས་དང་རིག་གཞུང་། སྐད་ཡིག མི་རིགས། དེ་བཞིན་ཁོར་ཡུག་བཅས་པ་རྩ་མེད་བཟོ་བཞིན་པའི་སྲིད་བྱུས་ཁག་ལ་མཐའ་གཅིག་ཏུ་ངོ་རྒོལ་དང་བློ་འཚབ་ཡོད་པ་གསུངས་ཏེ། རྒྱ་གར་གཞུང་མང་གི་ངོས་ནས་དབུས་བོད་མིའི་སྒྲིག་འཛུགས་འདི་ཉིད་གཞིས་བྱེས་གཉིས་ཀྱི་བོད་མིའི་ཁྲིམས་མཐུན་ངོ་ཚབ་ལ་ངོས་འཛིན་གནང་སྐྱོང་ཡོང་ཐབས་དང་། རྒྱ་ནག་མི་མང་སྤྱི་མཐུན་རྒྱལ་ཁབ་ལ་༸གོང་ས་མཆོག་གི་སྐུ་ཚབ་དང་མི་མང་གི་འོས་འདེམས་བྱས་པའི་བོད་པའི་འགོ་ཁྲིད་ཚོ་དང་ལྷན་དུ་དོན་དམ་གྱི་གྲོས་མོལ་གནང་སྟེ། བོད་རྒྱའི་དཀའ་རྙོག་སེལ་དགོས་པ། རྒྱ་གཞུང་གིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུའི་ཡང་སྲིད་ངོས་འཛིན་གྱི་བརྒྱུད་རིམ་ནང་དུ་ཆོས་ལུགས་དང་རིག་གཞུང་གི་སྲོལ་རྒྱུན་ལ་ཁས་ལེན་མི་བྱེད་པར་རང་ཉིད་ཀྱི་ཐབས་ལམ་བཙན་འགེལ་བྱེད་པའི་འབད་བརྩོན་ལ་སྐྱོན་བརྗོད་དང་སྦྲགས། ༸སྐུའི་ཡང་སྲིད་ཀྱི་གནང་སྒོར་ཐེ་བྱུས་བྱེད་མི་ཆོག་པ། བཅའ་སྡོད་སློབ་གྲྭ་སོགས་བོད་ནང་བོད་མིའི་ཆོས་དང་རིག་གཞུང་། སྐད་ཡིག་རྩ་མེད་ཀྱི་སྲིད་བྱུས་མཚམས་འཇོག་དགོས་པ། རྒྱ་གར་གྲོས་ཚོགས་གཙོས་པའི་གླེང་སྟེགས་ཚང་མའི་ཐོག་བོད་ཀྱི་གནད་དོན་གང་མང་གླེང་སློང་ཡོང་ཐབས་གཙོས་ལྷག་པར་དུ་རྒྱ་གར་གཞུང་ཕྱོགས་ནས་བོད་དོན་ཐོག་རྒྱབ་སྐྱོར་སྔར་ལྷག་ཡོང་ཐབས་འབད་བརྩོད་གནང་རྒྱུ་སོགས་བཀོད་འདུག མ་ཟད། དེའི་ནང་སྤྱི་ནོར་༸གོང་ས་༸སྐྱབས་མགོན་སྐུ་ཕྲེང་བཅུ་བཞི་པ་ཆེན་པོ་མཆོག་གིས་འཛམ་གླིང་ཞི་བདེ་དང་། སྤྱི་ཡོངས་ཀྱི་ཆོས་ལུགས་ཕན་ཚུན་བར་མཐུན་སྒྲིལ་བཅས་ཀྱི་ཐད་ལ་ཞབས་འདེགས་བླ་ན་མེད་པ་མཛད་ཡོད་པར་ངོས་འཛིན་གྱིས་བཀའ་དྲིན་རྗེས་དྲན་གཙོས་༸སྐུའི་འཁྲུངས་སྐར་ལ་འཚམས་འདྲི་ཞུས་པ་དང་མཉམ། ཉེ་ལམ་མགོན་པོ་༸གང་ཉིད་མཆོག་ལ་རྒྱལ་སྤྱིའི་སྙན་གྲགས་ཆེ་བའི་གྷེ་རེ་མི་རོལ་དབྱངས་གཟེངས་རྟགས་འབུལ་བཞེས་མཛད་པར་འཚམས་འདྲི་ཞུས་པའི་དོན་ཚན་བཅས་འཁོད་འདུག སྐབས་དེར་མཇུག་སྡོམ་མཛད་སྒོའི་སྐུ་མགྲོན་གཙོ་བོ་བོད་མིའི་སྒྲིག་འཛུགས་ཕྱི་དྲིལ་བཀའ་བློན་ནོར་འཛིན་སྒྲོལ་མ་མཆོག་དང་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་རྣམ་གཉིས་ཀྱིས། རྒྱ་གར་གཞུང་མང་གི་ངོས་ནས་བོད་མི་དང་བོད་དོན་ཐོག་ད་བར་རྒྱབ་སྐྱོར་གང་ཡོང་གནང་བར་ཐུགས་རྗེ་ཆེ་ཞུས་པ་མ་ཟད། མ་འོངས་པར་མུ་མཐུད་རྒྱབ་སྐྱོར་གནང་སྐྱོང་ཡོང་བའི་འབོད་སྐུལ་དང་། ལྷག་དོན་རྒྱ་ནག་གིས་བོད་དང་བོད་མིའི་ཐོག་འཛིན་པའི་སྲིད་བྱུས་ངན་པ་དེས་རྒྱ་ནག་ཁོ་ན་ཙམ་མིན་པར་འཛམ་གླིང་ཀུན་ལ་ཤུགས་རྐྱེན་ངན་པ་ཐེབས་ངེས་ཡིན་སྐོར་གསུངས་སོང་། འདི་གའི་གསར་འགོད་པས་ལྡི་ལིའི་བོད་ཀྱི་སྐུ་ཚབ་དོན་གཅོད་འཇིགས་མེད་འབྱུང་གནས་ལགས་སུ་ཐེངས་འདིའི་ཚོགས་འདུ་སྤྱི་ཡོངས་གཙོས་བྱེ་བྲག་ཏུ་ཚོགས་འདུའི་བསྒྲགས་གཏམ་དང་འབྲེལ་ནས་བཀའ་འདྲི་ཞུ་སྐབས་ཁོང་གིས། ཁ་ཉིན་ཕྱི་ཚེས་ ༡༡ ཉིན་རྒྱ་གར་བོད་དོན་རྒྱབ་སྐྱོར་ཚོགས་པ་ནང་མས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་བརྟན་བཞུགས་བསྟར་འབུལ་ཞུས་རྒྱུའི་གོ་སྐབས་བྱུང་ཡོད་པ་དང་། དེ་རྗེས་ཉིན་གྲངས་གཉིས་རིང་རྒྱ་གར་རྒྱལ་ཡོངས་བོད་དོན་རྒྱབ་སྐྱོར་ཚོགས་པའི་ཚོགས་ཆེན་ཐེངས་བརྒྱད་པ་འཚོགས་ཡོད་པ་ལྟར། ཚོགས་བཅར་བ་རྣམས་ནས་ཐེངས་འདིའི་ཚོགས་ཆེན་ཐོག་སྔར་དང་མི་འདྲ་བ་སེམས་ཤུགས་འཕར་མ་ཞིག་གི་ཐོག་ནས་མཉམ་ཞུགས་གནང་ཡོད་པ་དང་ཆབས་ཅིག  ཚོགས་ཆེན་གྱི་སྤྱི་བསྒྲགས་དེ་བཞིན་ཚོགས་བཅར་བར་སྙན་སྒྲོན་དང་སྦྲགས། ཚོགས་བཅར་བ་རྣམས་ཀྱིས་དེའི་ཐོག་དགོས་ངེས་ཀྱི་བཅོས་སྒྲིག་དང་ཁ་སྣོན་སོགས་གནང་སྟེ། རྒྱ་གར་རྒྱལ་ཡོངས་བོད་དོན་རྒྱབ་སྐྱོར་ཚོགས་པའི་ཚོགས་ཆེན་ཐེངས་ ༨ པའི་སྤྱི་བསྒྲགས་གཏན་འབེབས་གནང་ཡོད་པ་གསུངས་སོང་།  གཞི་རྩའི་ལོ་གསུམ་རེའི་ནང་དུ་ཐེངས་རེ་འཚོག་སྲོལ་ཡོད་པའི་རྒྱ་གར་རྒྱལ་ཡོངས་བོད་དོན་རྒྱབ་སྐྱོར་ཚོགས་པའི་ཚོགས་ཆེན་ཐེངས་བརྒྱད་པ་དེའི་ཐོག རྒྱ་གར་གྱི་བོད་དོན་རྒྱབ་སྐྱོར་ཚོགས་པ་ནང་མའི་རྒྱལ་ཡོངས་འབྲེལ་མཐུད་པ་སྐུ་ཞབས་ RK Khrimey ལགས་དང་ Pankaj Goyal ལགས་གཉིས་ཀྱི་གཙོས་པའི་རྒྱ་གར་མངའ་སྡེ་འདྲ་མིན་ནས་ཕེབས་པའི་བོད་དོན་རྒྱབ་སྐྱོར་ཚོགས་པའི་ཚོགས་མི་གྲངས་ ༢༣༠ ལྷག་ནས་མཉམ་ཞུགས་གནང་སོང་བ་དང་། འདི་གའི་གསར་འགོད་པས་ཚོགས་བཅར་བ་ཁག་གཅིག་ལ་ཐེངས་འདིའི་ཚོགས་འདུའི་ནང་མཉམ་ཞུགས་གནང་བའི་མྱོང་ཚོར་དང་། ཚོགས་འདུའི་ཐོག་གཙོ་བོ་གནད་དོན་གང་གི་ཐོག་གོ་བསྡུར་གནང་ཡོད་སྐོར་བཀའ་འདྲི་ཞུ་སྐབས། […] The post དབུས་བོད་མིའི་སྒྲིག་འཛུགས་འདི་ཉིད་གཞིས་བྱེས་གཉིས་ཀྱི་བོད་མིའི་ཁྲིམས་མཐུན་ངོ་ཚབ་ལ་ངོས་འཛིན་གནང་སྐྱོང་ཡོང་བའི་དགོས་འདུན་དང་སྦྲགས་རྒྱ་གར་རྒྱལ་ཡོངས་བོད་དོན་རྒྱབ་སྐྱོར་ཚོགས་པའི་ཚོགས་ཆེན་ཐེངས་ ༨ མཇུག་སྒྲིལ། appeared first on vot.

གོ་ལ་ཐ་ལའི་རུ་ཁག་ལ་ ༢༠༢༦ ལོའི་ནི་ཇ་ལིང་གྷ་པའི་དྲན་རྟེན་རྐང་སྤོལ་རྩེད་འགྲན་གྱི་མཐའ་མའི་རྒྱལ་ཁ་ཐོབ་འདུག The post གོ་ལ་ཐ་ལའི་རུ་ཁག་ལ་ ༢༠༢༦ ལོའི་ནི་ཇ་ལིང་གྷ་པའི་དྲན་རྟེན་རྐང་སྤོལ་རྩེད་འགྲན་གྱི་མཐའ་མའི་རྒྱལ་ཁ་ཐོབ་འདུག appeared first on vot.

དེ་རིང་བོད་མིའི་རང་དབང་སྒེར་ལངས་གསུམ་བཅུའི་དུས་དྲན་ཐེངས་ ༦༧ པ་དང་བསྟུན། བཙན་བྱོལ་བོད་མིའི་སྒྲིག་འཛུགས་ཀྱི་ལྟེ་གནས་བཞུགས་སྒར་རྡ་རམ་ས་ལ་དབུས་པའི་རྒྱལ་སྤྱིའི་ཡུལ་གྲུ་འདྲ་མིན་གང་སར་གནས་པའི་བོད་མི་དང་བོད་དོན་རྒྱབ་སྐྱོར་བ་རྣམས་ཀྱིས་རྔམ་སྟོན་ཁྲོམ་སྐོར་སོགས་ཀྱི་ལས་འགུལ་ཤུགས་ཆེ་བརྒྱུད་རྒྱ་ནག་གི་དབང་སྒྱུར་ལ་ངོ་རྒོལ་བྱས་དང་བྱེད་མུས་རེད་འདུག དེ་ཡང་བཞུགས་སྒར་དུ་མཚོན་ན་དེ་རིང་སྔ་དྲོ་གཞུང་འབྲེལ་གྱི་མཛད་སྒོ་གྲུབ་མཚམས། བོད་ཀྱི་གཞོན་ནུ་ལྷན་ཚོགས་དང་། བོད་ཀྱི་བུད་མེད་ལྷན་ཚོགས་སོགས་གཞུང་འབྲེལ་མ་ཡིན་པའི་ཚོགས་པ་ལྔའི་གོ་སྒྲིག་འོག ས་གནས་བོད་མི་གཙོས་པའི་གཞན་བོད་དོན་རྒྱབ་སྐྱོར་བ་རྣམས་ནས་ཞལ་རས་ལ་བོད་ཀྱི་རྒྱལ་དར་བྲིས་གནང་བ་དང་། ཕྱག་ལ་བོད་ཀྱི་རྒྱལ་དར་བསྣམས་ནས་ཀ་ཅ་རི་བར་སྐད་འབོད་ཀྱི་ལས་འགུལ་སྤེལ་ཏེ་གསུམ་བཅུའི་དུས་དྲན་ཐེངས་ ༦༧ པ་སྲུང་བརྩི་ཞུས་སོང་བ་དང་། གཞན་ཡང་རྒྱ་གར་རྒྱལ་ས་ལྡི་ལི་ལ་ཡང་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་མི་རྣམས་ནས་ཁུལ་དེར་རྟེན་གཞི་བྱས་པའི་རྒྱ་ནག་གི་གཞུང་ཚབ་ཁང་མདུན་དུ་རྒོལ་མཆོངས་ལས་འགུལ་སྤེལ་བའི་ཐོག་ནས་གསུམ་བཅུའི་དུས་དྲན་སྲུང་བརྩི་ཞུས་འདུག ཕྱོགས་མཚུངས་དེ་རིང་གི་ཉིན་མོ་དང་བསྟུན་རྒྱ་གར་བྱང་ཤར་ནུབ་སྦང་གྷལ་མངའ་སྡེའི་ས་ལུ་གྷ་ར་གྲོང་ཁྱེར་ནས་ཀ་རྡོར་སྒང་གསུམ་གྱི་བོད་མི་བརྒྱ་ཁྲག་འདུ་འཛོམས་ཀྱིས་རྔམ་སྟོན་ཁྲོམ་སྐོར་གནང་བ་མ་ཟད། རྡོ་རྗེ་གླིང་ཁུལ་ནས་བོད་མི་སྐྱེས་པ་ནོར་བུ་ལགས་དང་ཁོང་གིས་བཟའ་ཟླ་བདེ་སྐྱིད་དཔལ་འཛོམས་ལགས་གཉིས་དང་ལྷན་དུ་ཁུལ་དེའི་ས་གནས་ཡུལ་མི་གཅིག་ནས་མཉམ་ཞུགས་ཀྱིས། ཁོང་གསུམ་ནས་ས་ལུ་གྷ་ར་བར་རྒྱང་རྒྱུགས་གནང་འདུག་པ་མ་ཟད། བྱང་ཤར་ཀ་སྦུག་ནས་བོད་མི་བསྟན་འཛིན་དབང་འདུ་ལགས་ཀྱིས་ཀྱང་ས་ལུ་གྷ་ར་བར་གོམ་བགྲོད། དེ་བཞིན་བྱང་ཤར་ས་གནས་གཞོན་ནུའི་གོ་སྒྲིག་འོག་མི་རིགས་ Mirik ནས་ས་ལུ་གྷ་ར་ Salugara བར་ Freedom Ride ཞེས་རང་དབང་ཆེད་སྦག་སྦག་སྐོར་སྐྱོད་ལས་འགུལ་ཞིག་ཀྱང་གོ་སྒྲིག་གནང་འདུག་ཅིང་། ལས་འགུལ་དེར་སྦག་སྦག་ཁྱོན་ ༡༡༣ ཙམ་ལྷན་ཞུགས་ཀྱིས་སྤྱི་ལེ་ ༧༥ ཙམ་སྐོར་སྐྱོད་གནང་འདུག སྤྱིར་དེ་རིང་གི་ཉིན་མོ་འདིར་རྒྱ་གར་ཙམ་མིན་པར་རྒྱལ་སྤྱིའི་ཁྲོད་དུ་གནས་སྡོད་བོད་མི་རྣམས་ནས་རྣམ་པ་འདྲ་མིན་ཐོག་སྲུང་བརྩི་ཞུ་བཞིན་པར་ལྟར། དེ་རིང་སྔ་དྲོ་ཨོ་གླིང་རྒྱལ་ཡོངས་བོད་རིགས་ཚོགས་པ་དང་ཨོ་སི་ཊི་ལི་ཡ་བོད་དོན་ལྷན་ཁང་གཉིས་ཀྱིས་གོ་སྒྲིག་འོག ཨོ་གླིང་གི་རྒྱལས་ས་ཁེན་བྷེ་ར་ Canberra ནང་ལས་འགུལ་གོ་སྒྲིག་གནང་འདུག་པ་དང་། དེའི་ཐོག་སྐུ་མགྲོན་དུ་གཙོ་བོ་ཨོ་གླིང་བོད་ཀྱི་སྐུ་ཚབ་དོན་གཅོད་ཀརྨ་སེང་གེ་ལགས་དང་། གཞན་ཡང་ཡུལ་དེར་གནས་སྡོད་བོད་མི་རྣམས་ཀྱིས་ལྷན་ཞུགས་གནང་འདུག་པ་མ་ཟད། ལྷག་དོན་དུ་ལས་འགུལ་དེའི་ཐོག ཨོ་གླིང་གྲོས་ཚོགས་ནང་ནས་སྲིད་དོན་ཚོགས་པ་མི་འདྲ་བ་ཁ་ཤས་ཤིག་ནས་འཐུས་མི་ Steph Hodgins-May ལགས་དང་། འཐུས་མི་ David Shoebridge ལགས་ཀྱིས་གཙོས་འཐུས་མི་བདུན་གྱིས་བོད་དོན་རྒྱབ་སྐྱོར་ཆེད་ངོ་རྒོལ་སྐད་འབོད་ནང་མཉམ་ཞུགས་གནང་འདུག འདི་ག་རླུང་འཕྲིན་ཁང་གི་གནད་དོན་དེ་འབྲེལ་ཨོ་གླིང་རྒྱལ་ཡོངས་བོད་རིགས་ཚོགས་པ་དང་ཨོ་གླིང་ས་གནས་ནེའུ་ཁས་ཊེལ་གྱི་ཚོགས་གཙོ་ལུང་རྟོགས་ལགས་སུ་བཀའ་འདྲི་ཞུ་སྐབས་ཁོང་གིས། སྤྱིར་ཨོ་གླིང་བོད་རིགས་སྤྱི་མཐུན་ཚོགས་པ་དང་། ཨོ་གླིང་བོད་དོན་ལྷན་ཁང་གཉིས་ཀྱིས་འདི་ལོ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུའི་གོ་སྟོན་སྲུང་བརྩི་ལས་རིམ་ཁྲོད་ད་ལན་ས་གནས་ Canberra ནང་ལས་འགུལ་ཞིག་སྤེལ་ཐུབ་ན་ཡག་པོ་འདུག་ཅེས་གྲོས་མོལ་བྱུང་བཞིན། རྒྱལ་ས་ཁེན་བྷེ་ར་ཡི་གྲོས་ཚོགས་མདུན་ཐང་དུ་༸གོང་ས་མཆོག་དགུང་ལོ་དགུ་བཅུ་བདག་གིར་བཞེས་པ་ལྟར་རླུང་རྟ་ ༩༠ འགྲེངས་འཛུགས་གནང་ཡོད་པ་དང་། སྐབས་དེར་ཨ་གླིང་གྲོས་ཚོགས་འཐུས་མི་ ༧ […] The post རྒྱ་གར་གཙོས་རྒྱལ་སྤྱིའི་ཁྱོན་ཡོངས་སུ་བོད་མིའི་སྒེར་ལངས་གསུམ་བཅུའི་དུས་དྲན་ཐེངས་ ༦༧ པ་སྲུང་བརྩི། appeared first on vot.

བོད་མིའི་རང་དབང་སྒེར་ལངས་གསུམ་བཅུའི་དུས་དྲན་སླེབས་ལ་ཉེ་བའི་དེ་རིང་ཕྱི་ཚེས་ ༩ ཉིན་ཁ་མདོག་བོད་ཀྱི་སྒྱུ་སྩལ་ཚོགས་པ་དང་།  བོད་རང་བཙན་སློབ་ཕྲུག་ཚོགས་པ་གཉིས་ཀྱི་འགན་འཁུར་འོག་ལྡི་ལི་བོད་སྒར་བསམ་ཡས་གླིང་གི་བོད་ཁྱིམ་སློབ་གྲྭའི་རྒྱབ་ངོས་ཀྱི་རྩེག་སྡེབས་སུ་བོད་མིའི་རང་དབང་སྒེར་ལངས་དྲན་གསོའི་རི་མོའི་སྒྱུ་སྩལ་ཞིག་དབུ་འབྱེད་གནང་སོང་བ་དང་།   བོད་རང་བཙན་སློབ་ཕྲུག་ཚོགས་པའི་ལྡི་ལི་ས་གནས་ཀྱི་ཚོགས་གཙོ་བསོད་ནམས་ཚེ་དབང་ལགས་ཀྱིས་རི་མོ་འདི་བརྒྱུད་བོད་མི་ཚོར་གསུམ་བཅུའི་དུས་དྲན་དྲན་གསོ་ཐུབ་པ་དང་།  ལྷག་པར་དུ་བོད་སྒར་བསམ་ཡས་གླིང་ཁུལ་དུ་རྒྱ་གར་བ་ཕོན་ཆེན་ཞིག་ཡོང་གི་ཡོད་པ་དེ་དག་གིས་རི་མོ་དེ་དག་བརྒྱུད་བོད་མིའི་དཀའ་སྡུག་མྱོང་ཚོར་ཐུབ་པའི་རེ་བ་གནང་གི་འདུག རྩིག་སྡེབས་ཀྱི་རི་མོ་དེ་དག་ཁ་མདོག་བོད་ཀྱི་སྒྱུ་སྩལ་བའི་ཚོགས་མི་གསུམ་གྱིས་ཁ་ཉིན་ཕྱི་ཚེས་ ༡ ནས་བྲིས་འགོ་བཙུགས་པ་ཞིག་ཡིན་པ་དང་།   སྒྱུ་སྩལ་བ་བསྟན་འཛིན་འོད་ལྡན་དང་།   བློ་བཟང་བཟོད་པ། བསྟན་འཛིན་ཚེ་ལྷ་བཅས་ནས་རི་མོ་དེ་དག་བརྒྱུད་བོད་མིའི་རེ་བ་གསོན་པོར་གནས་པ་ཞིག་དང་། འཚེ་མེད་ཞི་བའི་འཐབ་རྩོད་ཀྱི་ཐོག་ནས་རང་དབང་སླར་གསོ་ཡོང་བའི་ཡིད་ཆེས་གནང་གི་འདུག།   The post བོད་མིའི་རང་དབང་སྒེར་ལངས་དྲན་གསོའི་རྩིག་སྡེབས་རི་མོ་ཞིག་དབུ་འབྱེད་གནང་སོང་། appeared first on vot.

བོད་ཀྱི་གསུམ་བཅུའི་དུས་དྲན་ཐེངས་ ༦༧ པ་སླེབས་ལ་ཉེ་བ་དང་བསྟུན། ཐེ་ཝན་དང་སུད་སི་གཙོས་པའི་རྒྱལ་ཁབ་འདྲ་མིན་ནང་ཞི་བའི་གོམ་བགྲོད་དང་། རྔམ་སྟོན་ཁྲོམ་སྐོར་སོགས་ཀྱི་ལས་འགུལ་སྤེལ་དང་སྤེལ་མུས་མ་ཟད། ཅེག་སྤྱི་མཐུན་རྒྱལ་ཁབ་ནང་ཡུལ་དེའི་གྲོས་ཚོགས་འཐུས་མི་ཁག་གཅིག་གིས་དབུས་པའི་རྒྱབ་སྐྱོར་བ་རྣམས་ཀྱིས་རེ་འཛེགས་བརྒྱུད་བོད་མིར་གདུང་སེམས་མཉམ་བསྐྱེད་ཞུས་འདུག དེའང་ཟླ་བ་འདིའི་ཚེས་ ༧ ཉིན། ཅེག་གྲོས་ཚོགས་གོང་མའི་འཐུས་མི་པེ་རེམ་སིལ་ར་བྷ་སི་ Přemysl Rabas ལགས་དང་། ཇི་རི་རུ་ཛི་ཀ་ Jiri Ruzicka ལགས་གཉིས་ཀྱིས་གཙོས་ཅེག་བོད་དོན་རྒྱབ་སྐྱོར་བ་ ༣༠ ལྷག་ནས་ Sněžka ཞེས་ཡུལ་དེའི་རི་བོ་མཐོ་ཤོས་སྟེང་འཛེགས་ཏེ་བོད་ཀྱི་རྒྱལ་དར་སྒྲེང་འཛུགས་བརྒྱུད་བོད་མིར་གདུང་སེམས་མཉམ་སྐྱེད་མཚོན་པའི་ལས་འགུལ་སྤེལ་ཡོད་ཅིང་། ལས་འགུལ་ནང་ཅེག་སྤྱི་མཐུན་རྒྱལ་ཁབ་ཀྱི་སྲིད་བློན་གཞོན་པ་ཟུར་པ་སྐུ་ཞབས་མར་ཊིན་བྷུར་སིག་ Martin Bursik མཆོག་དང་། སུད་སི་སྐུ་ཚབ་དོན་གཅོད་འཕྲིན་ལས་ཆོས་སྐྱིད་ལགས། བྷོལ་ཊོན་ Blatno གྲོང་སྡེ་སྤྱི་ཁྱབ་པ་ཨི་ཝ་ཏ་རོ་བྷ་སོ་ཊ་ཧོ་ཕོ་ཝ་ Iveta Rabasová Houfová ལགས། ཅེག་བོད་དོན་རྒྱབ་སྐྱོར་ཚོགས་པའི་ཚོགས་གཙོ་དང་ཅེཀ་གྲོས་ཚོགས་འཐུས་མི་བོད་དོན་རྒྱབ་སྐྱོར་ཚོགས་པའི་དྲུང་ཆེ་ཀེ་ཊི་རི་ན་བྷུར་སིག་ཇེག་ Katerina Bursik ལགས། སུད་སི་དོན་ཁང་གི་མཉམ་འབྲེལ་རྒྱལ་ཚོགས་སུ་བོད་དོན་ཞུ་གཏུག་ལས་བྱེད་ཕུན་ཚོགས་སྟོབས་རྒྱལ་ལགས་བཅས་མཉམ་ཞུགས་གནང་འདུག ལས་འགུལ་དེ་བཞིན་ཅེག་བོད་དོན་རྒྱབ་སྐྱོར་བ་རྣམས་ནས་ Sněžka ཞེས་པར་རི་འཛེགས་ཀྱིས་ཕྱི་ལོ་ ༡༩༥༩ ལོར་བྱུང་བའི་བོད་མིའི་རང་དབང་སྒེར་ལངས་རྗེས་དྲན་སྲུང་བརྩི་ཞུས་པ་ཐེངས་ ༨ པ་ཆགས་ཀྱི་ཡོད་པ་དང་། ལས་འགུལ་འདིའི་བརྒྱུད་ཅེག་བོད་དོན་རྒྱབ་སྐྱོར་བ་ཚོས་བོད་མིའི་རང་དབང་དང་འགྲོ་བ་མིའི་ཐོབ་ཐང་གི་འཐབ་རྩོད་ལ་རྒྱུན་མཐུད་རྒྱབ་སྐྱོར་ཡོད་པའི་རྣམ་པ་མཚོན་གྱི་ཡོད་པ་རེད་འདུག རིའི་འདབས་སུ་ཅེག་གྲོས་ཚོགས་གོང་མའི་འཐུས་མི་ར་བྷ་སི་ལགས་ཀྱིས་ལས་འགུལ་ཐོག་མཉམ་ཞུགས་གནང་མཁན་ཡོངས་ལ་ཐུགས་རྗེ་ཆེ་ཞུས་པ་དང་སྦྲགས། དེ་སྔོན་ཕྱི་ལོ་ ༢༠༢༥ ཟླ་བ་ ༡༢ ནང་དྷ་རམ་ས་ལར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་ནོ་ཝེལ་ཞི་བདེ་གཟེངས་རྟགས་འབུལ་བཞེས་ཀྱི་མཛད་སྒོར་ཅེག་གྲོས་ཚོགས་འཐུས་མིའི་སྐུ་ཚབ་ཚོགས་ཆུང་དང་ལྷན་ཆེད་ཕེབས་གནང་བའི་སྐོར་གསུངས་གྲུབ་རྗེས། ཅེག་སྤྱི་མཐུན་རྒྱལ་ཁབ་ཀྱི་སྲིད་བློན་གཞོན་པ་ཟུར་པ་སྐུ་ཞབས་མར་ཊིན་བྷུར་སིག་མཆོག་གིས་ལས་འགུལ་འདིའི་བརྒྱུད་བོད་ནང་འགྲོ་བ་མིའི་ཐོབ་ཐང་རྡོག་རོལ་གཏོང་བཞིན་པའི་གནས་སྟངས་རྣམས་གསལ་འདོན་ཐུབ་པའི་རེ་བ་ཡོད་ཅེས་གསུངས་བ་མ་ཟད། འཛམ་གླིང་ནང་མང་གཙོ་ལམ་ལུགས་ཡོད་ནའང་དཀའ་ངལ་མང་དག་ཅིག་འཕྲད་བཞིན་པ་དང་། འགྲོ་བ་མིའི་ཐོབ་ཐང་དང་བཙན་གནོན་འོག་ཡོད་པ་རྣམས་ལ་རྒྱབ་སྐྱོར་མུ་མཐུད་གནང་རྒྱུ་ཡིན་པ་གསུངས་འདུག […] The post རི་འཛེགས་དང་གོམ་བགྲོད། རྔམ་སྟོན་ཁྲོམ་སྐོར་ལམ་ནས་བོད་ཀྱི་གསུམ་བཅུའི་དུས་དྲན་སྲུང་བརྩི་ཞུས་པ། appeared first on vot.

དེ་རིང་ཕྱི་ཚེས་ ༦ ཉིན་གྱི་སྔ་དྲོ་ཕྱག་ཚོད་ ༡༡༌༣༠ ཐོག་རྡ་ས་ས་གནས་འགོ་འཛིན་གྱི་ཚོགས་ཁང་དུ་བོད་རིག་པའི་མཁས་དབང་དང་བོད་དོན་རྒྱབ་སྐྱོར་བ་གསར་འགོད་པ་གྲགས་ཅན་སྐུ་ཞབས་ Vijay Kranti ལགས་ཀྱིས་རྩོམ་སྒྲིག་གནང་བའི་ China's Colonial Games in Tibet ཞེས་པའི་དཔེ་དེབ་དེ་ཉིད་དབུ་འབྱེད་གནང་སོང་བ་དང་། སྐབས་དེར་ཁོང་ནས་བོད་ཀྱི་དངོས་ཡོད་གནས་སྟངས་ཤེས་རྟོགས་བྱེད་པར་ཕན་ཐོགས་ཡོང་བའི་གཞི་འཛིན་དཔེ་དེབ་གཅིག་བརྩམས་ཡོད་པར་དགའ་སྤོབས་ཆེན་པོ་བྱུང་ཞེས་དང་། དཔེ་དེབ་འདི་ནི་བོད་ལ་གོ་རྟོགས་སྤེལ་བའི་བརྒྱུད་རིམ་ལ་ངའི་ལེགས་སྐྱེས་ཤིག་ཡིན་པ་གསུངས་སོང་། ཕྱག་དེབ་དབུ་འབྱེད་ཀྱི་མཛད་སྒོ་གྲུབ་མཚམས་འདི་ག་རླུང་འཕྲིན་ཁང་གིས་སྐུ་ཞབས་ Vijay Kranti ལགས་སུ་དཔེ་དེབ་དེ་ཉིད་ཀྱི་རྒྱབ་ལྗོོངས་དང་ནང་དོན་སོགས་དང་འབྲེལ་བཀའ་འདྲི་ཞུ་སྐབས་ཁོང་གིས། ཁོང་ནས་བོད་དོན་དང་འབྲེལ་བ་བཞག་ནས་ད་ལྟ་ལོ་ ༥༤ འགྲོ་ཡི་ཡོད་པ་དང་། གསར་འགོད་པ་ཞིག་དང་བོད་ལ་ཐུགས་སྣང་ཡོད་མཁན་གྱི་མི་ཞིག་ཡིན་པའི་ཆ་ནས་རྒྱ་གཞུང་འོག་བོད་ནང་གི་གནས་སྟངས་དངོས་དང་། ལྷག་པར་རྒྱ་ནག་གིས་བོད་ནང་མི་སེར་སྤེལ་བའི་སྲིད་བྱུས་ཇི་ལྟར་སྤེལ་བའི་སྐོར་གྱི་གནས་ཚུལ་ཡོངས་རྫོགས་གཅིག་ཏུ་བསྡུས་པའི་དཔེ་དེབ་ཅིག་བྲི་རྒྱུའི་བསམ་བློ་རྒྱུན་དུ་ཡོད་པ་ལྟར། ཏོག་དབྱིབས་ནད་ཡམས་ཀྱི་དུས་སྐབས་སུ་ཁོང་ནས་བོད་ཀྱི་གཞོན་ནུ་ལྷན་ཚོགས་དང་མཉམ་འབྲེལ་གྱིས་ཨ་རི་དང་། ཡུ་རོབ། ཨོ་སི་ཏྲེ་ལི་ཡ། ཉི་ཧོང་། ཐེ་ཝན་སོགས་ནས་ཆེད་མཁས་པ་གསུམ་རེ་གདན་འདྲེན་ཞུས་པའི་ཐོག་རྒྱ་གཞུང་གིས་བོད་ནང་དྲག་གནོན་ཇི་ལྟར་བྱེད་བཞིན་པའི་སྐོར་དྲྭ་ལམ་བགྲོ་གླེང་ཐེངས་ ༣༠ ལྷག་གོ་སྒྲིག་གནང་ཡོད་པ་དང་། དེ་ལྟར་འཛམ་གླིང་གི་ཆེད་མཁས་པ་གྲགས་ཅན་ཚང་མའི་གསུང་བཤད་རྣམས་ཡིག་ཐོག་ཏུ་ཕབ་ཏེ་ཕྱོགས་སྒྲིག་གིས་དེབ་གཟུགས་ཀྱི་ངོ་བོ་བསྒྱུར་ཡོད་པ་གསུངས་སོང་། མ་ཟད་ཤོག་ངོས་ ༥༠༠ ཙམ་ཡོད་པའི་དཔེ་དེབ་དེའི་ནང་གཙོ་བོ་རྒྱ་གཞུང་གིས་བོད་བཙན་བཟུང་བྱས་པ་ནས་བཟུང་བོད་མིའི་འགྲོ་བ་མིའི་ཐོབ་ཐང་རྡོག་རོལ་དང་བོད་ཀྱི་ཐུན་མོང་མ་ཡིན་པའི་ཆོས་རིག་དང་སྐད་ཡིག ཁོར་ཡུག་བཅས་པར་དྲག་གནོན་དང་། གནད་དོན་དེ་དག་རྐྱེན་པས་བོད་ནང་དུ་ཞི་རྒོལ་རིམ་པ་བྱུང་བ། ད་བར་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དང་བཙན་བྱོལ་བོད་མིའི་སྒྲིག་འཛུགས་ཀྱི་ངོས་ནས་རྒྱ་ནག་ལྷན་དུ་གྲོས་མོལ་གྱི་ལམ་ནས་བོད་རྒྱའི་དཀའ་རྙོག་སེལ་རྒྱུའི་ཐབས་ཤེས་རིམ་པ་གནང་ཡོད་ཀྱང་། རྒྱ་ནག་གཞུང་ཕྱོགས་ནས་དེ་འབྲེལ་འགན་རྩ་བ་ནས་བཞེས་ཀྱི་མེད་པ། དེ་བཞིན་རྒྱ་གཞུང་གིས་༸སྐུའི་ཡང་སྲིད་ཐོག་བདག་དབང་ཤུགས་ཆེ་རྩོད་བཞིན་པ་སོགས་ཁྱོན་ལེའུ་ ༡༢ ཡོད་པ་དང་། མཁས་དབང་ ༣༩ ནས་བོད་ཀྱི་དངོས་ཡོད་གནས་སྟངས་གསལ་བའི་དཔྱད་རྩོམ་ ༦༠ ཡོད་པ་གསུངས་སོང་། དེ་བཞིན་ཁོང་ནས་བོད་ཀྱི་ཆེད་མཁས་པ་དང་། ཉམས་ཞིབ་པ། གསར་འགོད་པ། བོད་ལ་རྒྱབ་སྐྱོར་གནང་མཁན་ཚོར་བོད་ཀྱི་དངོས་ཡོད་གནས་སྟངས་ཤེས་རྟོགས་བྱེད་པར་ཕན་ཐོགས་ཡོང་བའི་གཞི་འཛིན་དཔེ་དེབ་གཅིག་བརྩམས་ཡོད་པར་དགའ་སྤོབས་ཆེན་པོ་བྱུང་ཞེས་གསུངས་པ་དང་ཆབས་ཅིག་དཔེ་དེབ་འདི་ནི་བོད་ལ་གོ་རྟོགས་སྤེལ་བའི་བརྒྱུད་རིམ་ལ་ངའི་ལེགས་སྐྱེས་ཤིག་ཡིན་པ་གསུངས་སོང་། ད་དུང་ཁོང་གིས་དཔེ་དེབ་འདི་ཉིད་པར་སྐྲུན་བྱེད་པའི་དམིགས་ཡུལ་གཙོ་བོ་ནི། ལོ་མང་རིང་རྒྱ་ནག་གིས་བོད་ནང་འགྲོ་བ་མིའི་ཐོབ་ཐང་ལ་རྡོག་རོལ་གཏོང་བཞིན་ཡོད་ནའང་། རྒྱ་ནག་གི་དཔལ་འབྱོར་གྱི་སྟོབས་ཤུགས་དང་། […] The post བོད་རིག་པའི་མཁས་པ་ཝི་ཇེ་ཀ་རན་ཏི་ལགས་ཀྱིས་རྩོམ་སྒྲིག་གནང་བའི་ China's Colonial Games in Tibet ཞེས་པའི་དཔེ་དེབ་དབུ་འབྱེད། appeared first on vot.

སྨན་པ་རྡོ་རྗེ་དགྲ་འདུལ་ལགས་སུ་གསོ་བ་རིག་པའི་གཡུ་ཐོག་གཟེངས་རྟགས་འབུལ་བཞེས་གནང་སོང་། The post སྨན་པ་རྡོ་རྗེ་དགྲ་འདུལ་ལགས་སུ་གསོ་བ་རིག་པའི་གཡུ་ཐོག་གཟེངས་རྟགས་འབུལ་བཞེས་གནང་སོང་། appeared first on vot.

དབྱིན་ཡུལ་བོད་ཀྱི་སྐུ་ཚབ་དོན་གཅོད་ཚེ་རིང་དབྱངས་སྐྱིད་ལགས་ནས་ཁ་སང་ཡུ་རོབ་རྒྱལ་ཁབ་སི་ཁོ་ཊི་ལེན་ཌི་གྲོས་ཚོགས་ནང་ཇི་ལྟར་མགྲོན་འབོད་ཞུས་པ་ལྟར།  དོན་དམ་པའི་སྙིང་རྗེ་དང་ཞི་བདེའི་སྐོར་གསུང་བཤད་གནང་བ་དང་འབྲེལ། འཛམ་གླིང་དབུ་ཁྲིད་གཙོས་པའི་མང་ཚོགས་ཚང་མས་ཕྱིའི་དངོས་པོ་ཡར་རྒྱས་གཏོང་རྒྱུ་ལས་ནང་སེམས་ཀྱི་རིན་ཐང་གོང་འཕེལ་ལ་འབད་དགོས་གལ་ཡིན་པ་གསུངས་འདུག་པ་དང་།  དེ་ནི་དེ་སྔ་ཕྱི་ལོ་ ༢༠༠༤ ལོར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ནས་ཡུལ་དེར་ཆིབས་བསྒྱུར་དང་འབྲེལ་གྲོས་ཚོགས་དེའི་ནང་གསུང་བཤད་སྩལ་རྗེས་ཀྱི་བོད་མི་མགྲོན་འབོད་གནང་སྟེ་གསུང་བཤད་གནང་བ་ཆེས་ཐོག་མ་དེ་ཆགས་ཀྱི་ཡོད་པ་གསུངས་སོང་།     དེ་ཡང་སི་ཁོ་ཊི་ཤིའི་གྲོས་ཚོགས་ནང་དབྱིན་ཡུལ་བོད་ཀྱི་སྐུ་ཚབ་དོན་གཅོད་ཀྱི་གསུང་བཤད་ལས་རིམ་དེ་བཞིན་ Scottish གྲོས་ཚོགས་འཐུས་མི་བོད་དོན་རྒྱབ་སྐྱོར་ཚོགས་པའི་ཚོགས་གཙོ་སྐུ་ཞབས་ Rose Greer ལགས་ནས།  ཡུལ་དེའི་གྲོས་ཚོགས་ཀྱི་ལས་རིམ་མ་འཚོག་གོང་དུ་ Time for Reflection ཞེས་རྒྱལ་ཁབ་དང་ཆོས་ལུགས་རྒྱབ་ལྗོངས་འདྲ་མིན་གྱི་གནད་ཡོད་མི་སྣས་བཟང་སྤྱོད་དང་ཆོས་ཕྱོགས། སྤྱི་ཚོགས་ཀྱི་གནད་དོན་ཐོག་སྐར་མ་ ༤ ཡི་གཏམ་བཤད་ཀྱི་དུས་ཚོད་ཟུར་དུ་ཡོད་པ་དེའི་ཐོག་འོས་གཞིར་བཏོན་ཏེ་བགྲོན་འབོད་གནང་བ་ཞིག་རེད་འདུག གསུང་བཤད་ཀྱི་ལས་རིམ་ཐོག་དབྱིན་ཡུལ་བོད་ཀྱི་སྐུ་ཚབ་དོན་གཅོད་ཚེ་རིང་དབྱངས་སྐྱིད་ལགས་ནས། དམངས་གཙོའི་ཀ་བ་གྲོས་ཚོགས་འདི་ལྟ་བུའི་ནང་བཀའ་མོལ་གནང་རྒྱུའི་གོ་སྐབས་བྱུང་བར་ཧ་ཅང་དགའ་པོ་བྱུང་ཅེས།  ཁོང་སྐུ་ཉིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་དད་གུས་རྩེ་གཅིག་ཏུ་ཡོད་མཁན་ཞིག་ཡིན་པའི་ཆ་ནས།  སྙིང་རྗེ་ནི་གང་ཟག་སྒེར་གྱི་བདེ་སྐྱིད་སྐྲུན་ཆེད་ཙམ་མིན་པར།  གོ་ལ་སྤྱི་ཡོངས་སུ་ཞི་བདེ་ལྷིང་འཇགས་ཡོང་བར་གནད་འགག་ཆེན་པོ་ཡིན་པ་སོགས་མགོན་པོ་༸གང་ཉིད་མཆོག་གི་དེ་འབྲེལ་བཀའ་སློབ་ཁག་གཅིག་ལུང་འདྲེན་གྱིས།   སྙིང་རྗེའི་བསམ་བློའི་གལ་གནད་དང་ཕན་ཡོན་སྐོར་འགྲེལ་བརྗོད་དང་འབྲེལ།  འཚེ་བ་ནི་སྡུག་བསྔལ་གྱི་རྒྱུ་ཡིན་པ་དང་། དམག་འཁྲུག་ཁྲོད་དུས་ནམ་ཡང་སུ་ལའང་རྒྱལ་ཁ་ཐོབ་ཀྱི་མེད་པ།  དེ་བཞིན་ཁ་ནང་དུ་ཕྱོགས་པའི་རྣམ་དཔྱོད་ཐོག་ནས་ང་ཚོས་འདས་པའི་ཉམས་མྱོང་ལས་སློབ་སྦྱོང་ལེན་ཏེ་ལོ་རྒྱུས་ཀྱི་ནོར་འཁྲུལ་བསྐྱར་ཟློས་ལ་འཛེམས་ཐུབ་དགོས་པ་བཅས།  འཛམ་གླིང་དབུ་ཁྲིད་གཙོས་པའི་ང་ཚོ་ཚང་མས་ཕྱིའི་དངོས་པོ་ཡར་རྒྱས་གཏོང་རྒྱུ་ལས་ནང་སེམས་ཀྱི་རིན་ཐང་གོང་འཕེལ་ལ་འབད་དགོས་གལ་དང་། བྱམས་སྙིང་རྗེ་དང་གཞན་ཕན་གྱི་བསམ་ཤེས་ཁོ་ན་ལས་ང་ཚོའི་འགྲོ་བ་མི་རིགས་ཀྱི་མ་འོངས་མདུན་ལམ་བཟང་པོ་ཞིག་བསྐྲུན་ཐུབ་ངེས་ཡིན་པ་གསུངས་འདུག རྩ་བའི་སི་ཁོ་ཊི་ཤིའི་གྲོས་ཚོགས་ནང་ Time for Reflection ཞེས་པའི་གསུང་བཤད་ཀྱི་ལས་རིམ་དེ་ཉིད་རེས་གཟའ་མིག་དམར་དང་ལྷག་པ་ཕུར་བུ་བཅས་སུ་འཆར་ཅན་གྲོས་ཚོགས་མ་འཚོག་གོང་དུ་འཚོག་གི་ཡོད་པ་གང་ལྟར་ཡང་།  དེ་ནི་ཆབ་སྲིད་ཀྱི་བགྲོ་གླེང་ལྟ་བུ་ཞིག་མ་ཡིན་པར།  སི་ཁོ་ཊི་ལེན་ཌིའི་རྒྱལ་ཁབ་ནང་དུ་ཆོས་དང་རིག་གཞུང་སྣ་མང་ཡོད་པ་དེར་ཆེ་མཐོང་མཚོན་བྱེད་ཅིག་ཡིན་པ་རེད།  འདི་ག་རླུང་འཕྲིན་ཁང་ནས་དབྱིན་ཡུལ་བོད་ཀྱི་སྐུ་ཚབ་དོན་གཅོད་ལས་ཁུངས་ཀྱི་དྲུང་ཆེ་བསྟན་འཛིན་ཀུན་དགའ་ལགས་སུ།  སི་ཁོ་ཊི་ཤིའི་གྲོས་ཚོགས་ནང་བོད་ཀྱི་སྐུ་ཚབ་དོན་གཅོད་གཅིག་ནས་གསུང་བཤད་གནང་བ་དེའི་གནད་འགག་དང་མཚོན་དོན་སྐོར་བཀའ་འདྲི་ཞུ་སྐབས་ཁོང་གིས།  དེ་ནི་དེ་སྔ་ཕྱི་ལོ་ ༢༠༠༤ ལོར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ནས་ཡུལ་དེར་ཆིབས་བསྒྱུར་དང་འབྲེལ་གྲོས་ཚོགས་དེའི་ནང་གསུང་བཤད་སྩལ་རྗེས་ཀྱི་བོད་མི་མགྲོན་འབོད་གནང་སྟེ་གསུང་བཤད་གནང་བ་ཆེས་ཐོག་མ་དེ་ཆགས་ཀྱི་ཡོད་པ་མ་ཟད།  དབྱིན་ཡུལ་བོད་ཀྱི་སྐུ་ཚབ་དོན་གཅོད་ཚེ་རིང་དབྱངས་སྐྱིད་ལགས་ནས་སྡིངས་ཆ་གལ་ཆེན་འདི་ལྟ་བུའི་ཐོག་བོད་ཀྱི་ཆོས་དང་རིག་གཞུང་མཚོན་པའི་བྱམས་སྙིང་རྗེ་དང་ཞི་བདེའི་སྐོར་གསུང་བཤད་གནང་བ་དེ་ཧ་ཅང་གི་གཟི་བརྗིད་ཆེན་པོ་ཡིན་པ་གསུངས་སོང་།  The post དབྱིན་ཡུལ་བོད་ཀྱི་སྐུ་ཚབ་དོན་གཅོད་ནས་ Scottish སི་ཁོ་ཊི་ཤིའི་གྲོས་ཚོགས་ནང་གསུང་བཤད་གནང་འདུག appeared first on vot.

ཡོང་རྒྱུའི་ཕྱི་ལོ་ ༢༠༢༦ ཟླ་ ༣ ཚེས་ ༣ ཉིན་འདི་ལོའི་ཆོ་འཕྲུལ་དུས་ཆེན་འཁེལ་ཡོད་པ་དང་བསྟུན།  བཞུགས་སྒར་གཙོས་པའི་བོད་ཕྱི་ནང་གཉིས་སུ་ལྷ་ལྡན་ཆོ་འཕྲུལ་སྨོན་ཆེན་མོ་འཚོག་བཞིན་ཡོད་པ་དང་།  བྱེས་ཀྱི་གདན་ས་དགའ་ལྡན་དུ་མཚོན་ན་ཟླ་འདིའི་ཕྱི་ཚེས་ ༢༣ ནས་དབུ་འཛུགས་གནང་ཟིན་པའི་འདི་ལོའི་ཆོ་འཕྲུལ་སྨོན་ལམ་ཐོག་སེ་འབྲས་དགའ་གསུམ་དང་། བཀྲ་ཤིས་ལྷུན་པོ། ར་སྟོད་བཅས་ནས་དགེ་བཤེས་ལྷ་རམས་པ་གྲྭ་སྐོར་དམ་འཇོག་གནང་མཁན་ ༢༡༥ སྟེ།  པཎ་ཆེན་བློ་བཟང་ཆོས་རྒྱན་གྱིས་ལྷ་ལྡན་ཆོ་འཕྲུལ་སྨོན་ལམ་ཆེན་མོར་དགའ་ལྡན་ཁྲི་ཚབ་གནང་ཐོག་སྨོན་ལམ་སྐབས་དགེ་བཤེས་ལྷ་རམས་པའི་དམ་འཇོག་གནང་རྒྱུའི་སྲོལ་བཙུགས་པ་ནས་བཟུང་ད་བར་ལོ་ངོ་ ༤༠༠ ལྷག་ཙམ་གྱི་ལོ་རྒྱུས་ནང་དགེ་བཤེས་ལྷ་རམས་པ་ཐོན་མཁན་གྲངས་འབོར་མང་ཤོས་དེ་ཆགས་འདུག   དེ་ཡང་ཆོ་འཕྲུལ་དུས་ཆེན་སྔ་རོལ་དུ་བོད་ཕྱི་ནང་གཉིས་སུ་གྲ་སྒྲིག་གཟབ་རྒྱས་ཐོག་འཚོགས་སྲོལ་ཡོད་པའི་ལྷ་ལྡན་ཆོ་འཕྲུལ་སྨོན་ལམ་ཆེན་མོ་དེ་བཞིན་སྤྱིར་བཏང་བོད་ལུགས་ཀྱི་ཟླ་བ་དང་པོའི་ནང་འཚོག་གི་ཡོད་པ་གང་ཞིག་ལ།  ཡུལ་དང་ས་གནས་སོ་སོར་རྒྱུ་མཚན་རེ་ཞིག་རྐྱེན་པས་སྨོན་ལམ་དབུ་འཛུགས་ཀྱི་ཉིན་མོ་ཚེས་གྲངས་དང་ཉིན་བཞག་མང་ཉུང་ལ་ཁྱད་པར་ཕྲན་བུ་ཡོད་པ་རེད་འདུག བཞུགས་སྒར་དུ་མཚོན་ན།  ཐེག་ཆེན་ཆོས་གླིང་གཙུག་ལགས་ཁང་དུ་ལོ་ལྟར་བོད་ཟླ་ ༡ ཚེས་པ་ ༡༡ ནས་ ༡༦ བར་ཉིན་གྲངས་ལྔའི་རིང་ཆོ་འཕྲུལ་སྨོན་ལམ་ཆེན་མོ་འཚོག་སྲོལ་ཡོད་པ་ལྟར།  དེ་རིང་ཕྱི་ཟླ་ ༢ ཚེས་ ༢༧ ཉིན་སྐུ་བཅར་རྣམ་རྒྱལ་གྲྭ་ཚང་གི་མཁན་རིན་པོ་མཆོག་དང་། དཔལ་ལྡན་སྟོད་རྒྱུད་གྲྭ་ཚང་གི་མཁན་པོ་རིན་པོ་ཆེ་རྣམ་གཉིས་ནས་རེས་མོས་ཚོགས་མགོན་དུ་དབུ་བཞུགས་ཀྱིས་སེར་སྐྱ་མང་ཚོགས་འདུ་འཛོམས་ཐོག་འདི་ལོའི་ཆོ་འཕྲུལ་སྨོན་ལམ་ཆེན་མོ་འཚོགས་དང་འཚོགས་བཞིན་ཡོད་པ་རེད།  འདི་ག་རླུང་འཕྲིན་ཁང་ནས་བཞུགས་སྒར་རྣམ་གྲྭ་ཕན་བདེ་ལེགས་བཤད་གླིང་གི་དཔེ་ཁྲིད་སློབ་དཔོན་དགེ་བཤེས་བློ་བཟང་གྲགས་པ་ལགས་སུ་ཐེངས་འདིའི་ཆོ་འཕྲུལ་སྨོན་ལམ་སྐོར་བཀའ་འདྲི་ཞུས་ཡོད།  དེ་བཞིན་རྒྱ་གར་ལྷོ་ཕྱོགས་བྱེས་ཀྱི་གདན་ས་དགའ་ལྡན་དུ་མཚོན་ན།  གཟའ་འཁོར་འདིའི་རེས་གཟའ་ཟླ་བ་ཕྱི་ཚེས་ ༢༣ བོད་ཚེས་ ༦ ནས་དབུ་འཛུགས་ཀྱིས་དངོས་གཞི་བོད་ཚེས་ ༨ ཉིན་ནས་འཚོག་བཞིན་ཡོད་པར་ཕྱི་ཚེས་ ༡༥ བར་འཚོག་གནང་རྒྱུ་དང་། དེ་ནས་ཕྱི་ཚེས་ ༡༦ དང་ ༡༧ བཅས་རིམ་པས་གཏོར་རྒྱག་དང་། ༸རྒྱལ་བ་བྱམས་པ་གདན་འདྲེན་ཞུ་རྒྱུ་ཙམ་མ་ཟད།  སྨོན་ལམ་སྐབས་སྔ་ཉིན་དགོང་གསུམ་དུ་མང་ཇ་དང་། དགེ་བཤེས་རྣམས་ཀྱི་བཤད་ཆེན་དང་། བཤད་ཆུང་། […] The post འདི་ལོའི་ཆོ་འཕྲུལ་སྨོན་ལམ་ཆེན་མོའི་ཐོག་དགེ་བཤེས་ལྷ་རམས་པ་གྲྭ་སྐོར་དམ་འཇོག་གནང་མཁན་ད་བར་ལོ་ངོ་ ༤༠༠ ཡི་ནང་མང་ཤོས་ཆགས་འདུག appeared first on vot.

བོད་ཀྱི་ཆབ་སྲིད་བཙོན་ཟུར་རྣམས་ཀྱིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུ་བཅར་སྲི་ཞུ་ལས་བྱེད་པ་རྣམས་ལ་བཀའ་དྲིན་རྗེས་དྲན་གྱི་གཟེངས་རྟགས་འབུལ་བཞེས་གནང་བ་དང་འབྲེལ། མཛད་སྒོའི་ཐོག་བོད་མི་རྣམས་ཀྱིས་རང་གི་སྐད་ཡིག་ཐོག་སྔར་ལྷག་ཤུགས་སྣོན་རྒྱག་དགོས་གལ་གྱིས་གླེང་སློང་ཤུགས་ཆེ་གནང་སོང་། དེ་ཡང་རྒྱལ་སྤྱིའི་བོད་ཀྱི་ཆབ་སྲིད་བཙོན་ཟུར་རྣམས་ཀྱིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་བརྟན་བཞུགས་བསྟར་འབུལ་གྱི་ལས་རིམ་ཆ་ཚང་ལེགས་པར་མཇུག་སྒྲིལ་དང་བསྟུན། བརྟན་བཞུགས་གོ་སྒྲིག་ཚོགས་ཆུང་ནས་ཁ་སང་བོད་གཞུང་ཟློས་གར་ཚོགས་པའི་ཚོགས་ཁང་དུ་བཀའ་དྲིན་རྗེས་དྲན་དང་ཐུགས་རྗེ་ཆེ་ཞུའི་གོ་སྟོན་བཀྲ་ཤིས་བསྟོད་དབྱངས་མཛད་སྒོ་ཞིག་འཚོགས་ཡོད་པ་དང་། མཛད་སྒོའི་ཐོག་སྐུ་མགྲོན་གཙོ་བོ་བཀའ་བློན་ཁྲི་ཟུར་༸སྐྱབས་རྗེ་ཟམ་གདོང་རིན་པོ་ཆེ་མཆོག་གིས་དབུས། ཀེའུ་ཚང་རིན་པོ་ཆེ་མཆོག བོད་མིའི་སྒྲིག་འཛུགས་ཀྱི་སྲིད་སྐྱོང་གཙོས་པའི་མཛད་གཙོ་དང་། དེ་བཞིན་གཞུང་འབྲེལ་མ་ཡིན་པའི་ཚོགས་པ་ཁག་གི་སྐུ་ཚབ་རྣམས་དང་བརྟན་བཞུགས་ཆེད་དུ་ཕེབས་པའི་བོད་ཀྱི་ཆབ་སྲིད་བཙོན་ཟུར་བརྒྱ་ཁྲག་ཁ་ཤས་མཉམ་བཞུགས་གནང་སོང་། སྐུ་མགྲོན་གཙོ་བོ་བཀའ་བློན་ཁྲི་ཟུར་༸སྐྱབས་རྗེ་ཟམ་གདོང་རིན་པོ་ཆེ་མཆོག་གིས་སྐབས་དེར། ད་ལྟའི་ཆར་སེམས་ཁྲལ་ཆེ་ཤོས་བྱེད་དགོས་པ་ཞིག་ནི་བོད་ནང་གི་ན་གཞོན་རྣམས་རང་གི་སྐད་ཡིག་སློབ་གཉེར་བྱེད་རྒྱུ་མེད་པ་དེ་ཡིན་པ་དང་འབྲེལ། རྒྱ་ཁབ་གཅིག་གི་རྒྱལ་ཁབ་གཞན་ལ་གཉའ་གནོན་བཤུ་གཞོག་བྱེད་སྐབས་རྒྱལ་ཁབ་གཞན་གྱི་སྐད་ཡིག་རྩ་མེད་གཏོང་ཐབས་བྱས་ཡོད་པ་དེ་ནི་གནའ་སྔ་མོ་ནས་འབྱུང་བཞིན་པའི་གནས་ཚུལ་ཞིག་ཡིན་པ་དང་སྦྲགས། གཞིས་བཞུགས་བོད་མི་རྣམས་ཀྱི་རང་རང་སོ་སོའི་ཁྱིམ་ཚང་ནང་དུ་བོད་སྐད་བཀོལ་སྤྱོད་བྱེད་རྒྱུ་ནི་གལ་ཆེ་བ་ཡིན་སྐོར་དང་། བྱེས་སུ་བཞུགས་པའི་བོད་མི་རྣམས་ཀྱིས་ཀྱང་དེ་ལྟར་རང་གི་བུ་ཕྲུག་ཚོར་བོད་ཀྱི་སྐད་ཡིག་སློབ་ཁྲིད་བྱེད་རྒྱུའི་ཐད་ཤུགས་སྣོན་རྒྱག་དགོས་པ་གསུངས་གནང་སོང་། ཕྱོགས་མཚུངས་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་གིས་ད་བར་བོད་ཀྱི་ཆབ་སྲིད་བཙོན་ཟུར་རྣམས་ཀྱིས་རང་ནུས་གང་ལྕོགས་ཀྱིས་བོད་ཀྱི་རྩ་དོན་ཐོག་ཕྱག་ལས་གནང་ཡོད་པ་དང་། མ་འོངས་པའང་མུ་མཐུད་ནས་འབད་བརྩོན་གནང་རྒྱུ་ནི་ཤིན་ཏུ་གལ་ཆེ་ཡིན་སྐོར་གསུངས་གནང་སོང་བ་མ་ཟད། བཀའ་ཤག་ངོས་ནས་ཀྱང་བོད་མི་ཚང་མ་མཉམ་རུབ་ཀྱིས་ཕྱག་ལས་མདུན་བསྐྱོད་གནང་ཕྱོགས་ཐོག་ལ་འབད་བརྩོན་མུ་མཐུད་ནས་བྱེད་རྒྱུ་དང་། སྤྱི་སྙོམས་དྲང་བདེན་དང་ནུས་པ་མཉམ་སྤུངས་ཀྱི་ཐོག་ནས་བོད་ཀྱི་རྩ་དོན་ཐོག་ཕྱག་ལས་གནང་རྒྱུ་ཆོད་སེམས་བརྟན་པོ་ཡོད་ཅེས་གསུངས་གནང་སོང་། དེ་བཞིན་བཀའ་ཟུར་འབྲོང་ཆུང་དངོས་གྲུབ་མཆོག་གིས། དེ་སྔ་ཨ་རི་ནང་བོད་མི་ ༡༠༠༠ བཏང་བའི་རྗེས་སུ་བོད་མི་གཞོན་སྐྱེས་ཁག་གཅིག་བོད་སྐད་ཚད་ལྡན་བཤད་མི་ཐུབ་པའི་གནས་སྟངས་བྱུང་ཡོད་པ་དང་། ད་ཆ་ཆབ་སྲིད་བཙོན་ཟུར་རྣམས་རྒྱལ་ཁབ་ ༢༦ ནང་གནས་བཞུགས་གནང་གི་ཡོད་པ་དང་འབྲེལ། ཁྱིམ་ཚང་མི་རེ་ངོ་རེའི་འགན་བཞེས་ཏེ་བོད་སྐད་དང་བོད་ཡིག་བཀོལ་སྤྱོད་གང་མང་གནང་རྒྱུ་གལ་ཆེ་ཡིན་སྐོར་གསུངས་གནང་སོང་། གཞི་རྩའི་ཟླ་འདིའི་ཚེས་ ༢༣ ཉིན་རྒྱལ་སྤྱིའི་བོད་ཀྱི་ཆབ་སྲིད་བཙོན་ཟུར་རྣམས་དང་། སུད་སི་ལྷ་ས་བུའི་ཚོགས་པ་ཐུན་མོང་ནས་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་སྐུ་ཚེ་མི་འཇིག་རྡོ་རྗེ་འཆང་གི་ངོ་བོར་བརྟན་ཕྱིར་སྒྲོལ་དཀར་ཡིད་བཞིན་འཁོར་ལོའི་ཆོ་གའི་སྒོ་ནས་བརྟན་བཞུགས་བསྟར་འབུལ་ཞུས་གནང་ཡོད་པ་མ་ཟད།  ༸རྒྱལ་དབང་ཉིད་ཀྱི་བཀའ་དྲིན་རྗེས་སུ་དྲན་པའི་ཐོག་ནས་ཐུགས་བསྐྱེད་དམ་བཅའ་བཞི་དང་འབྲེལ་བའི་མངའ་གསོལ་གྱི་གཟེངས་རྟགས་ཤིག་ཀྱང་འབུལ་བཞེས་མཛད་པ་དང་། བརྟན་བཞུགས་ཐོག་རྒྱལ་ཁབ་འདྲ་མིན་བཅོ་ལྔ་ཙམ་ནས་བོད་ཀྱི་ཆབ་སྲིད་བཙོན་ཟུར་དང་དེ་དག་གི་འབྲེལ་ཡོད་འབྲེལ་ཆགས་ ༣༠༠ ཙམ་ཆེད་བཅར་ཞུས་ཡོད་པ་རེད། ཁ་སང་ཕྱི་དྲོའི་བཀའ་དྲིན་རྗེས་དྲན་དང་ཐུགས་རྗེ་ཆེ་ཞུའི་གོ་སྟོན་བཀྲ་ཤིས་བསྟོད་དབྱངས་མཛད་སྒོའི་ཐོག བོད་ཀྱི་ཆབ་སྲིད་བཙོན་ཟུར་རྣམས་ཀྱིས་༸སྐུའི་བླ་སྨན་པ་ཚེ་དབང་རྟ་མགྲིན་ལགས་དང་ས་འདུ་ཚང་ཚེ་བརྟན་རྡོ་རྗེ་ལགས་ཀྱི་གཙོས་གཞན་སྨན་པ་ཁག་གཅིག་ཙམ་མ་ཟད། སྐུ་བཅར་སྲི་ཞུ་ལས་བྱེད་པ་མང་དག་ཅིག་ལ་གཟེངས་རྟགས་འབུལ་བཞེས་གནང་བ་དང་། ཉེ་ལམ་༸སྐུའི་གཅུང་པོ་མངའ་རིས་རིན་པོ་ཆེ་མཆོག་དགོངས་པ་ཆོས་དབྱིངས་སུ་ཐིམ་པ་ལྟར་མཛད་སྒོའི་ཐོག་གཞས་སྣ་འཁྲབ་སྟོན་སོགས་ཀྱི་ལས་རིམ་ཡོད་པ་ཆ་ཚང་ཕྱིར་འཐེན་གནང་ཡོད་པ་རེད། སྤྱིར་ཐེངས་འདིའི་བརྟན་བཞུགས་ཐོག་རྒྱལ་སྤྱིའི་རྒྱལ་ཁབ་འདྲ་མིན་བཅོ་ལྔ་ཙམ་ནས་བོད་ཀྱི་ཆབ་སྲིད་བཙོན་ཟུར་དང་དེ་དག་གི་འབྲེལ་ཡོད་འབྲེལ་ཆགས་ ༣༠༠ ཙམ་ཆེད་བཅར་ཞུས་ཡོད་པ་དང་། དེ་རིང་སྔ་དྲོ་༸གོང་ས་༸སྐྱབས་མགོན་ཆེན་པོ་མཆོག་གི་བཞུགས་སྒར་རྒྱལ་བའི་ཕོ་བྲང་དུ་ཆབ་སྲིད་བཙོན་ཟུར་རྣམས་ལ་མཇལ་ཁ་སྩལ་གནང་མཛད་ཡོད་པ་རེད། The post བོད་ཀྱི་སྐད་ཡིག་ཐོག་སྔར་ལྷག་ཤུགས་སྣོན་རྒྱག་དགོས་གལ་གྱི་ཞུ་སྐུལ། appeared first on vot.

ཁ་སང་སྲིད་སྐྱོང་སྤེན་པ་ཚེ་རིང་མཆོག་གིས་བརྙན་ཐུང་ཞིག་འདོན་སྤེལ་གནང་བའི་ནང་དུ། ཐེངས་འདིའི་འོས་བསྡུའི་ནང་ཁོང་ལ་མང་ཚོགས་ཀྱི་མང་མོས་རྒྱབ་སྐྱོར་ཐོག་དངོས་གཞིའི་འོས་བསྡུའི་བརྒྱུད་རིམ་འགྲོ་མི་དགོས་པ་གནང་བར་ཐུགས་རྗེ་ཆེ་ཞུ་དང་སྦྲགས། ཁོང་གི་ངོས་ནས་འདས་པའི་ལོ་ལྔའི་རིང་འབད་བརྩོན་གནང་བ་བཞིན། མ་འོངས་པར་ཡང་༸རྒྱལ་བའི་དགོངས་པ་སྒྲུབ་རྒྱུ་དང་བོད་ཀྱི་རྩ་དོན་སླད་ཕྱག་ལས་གནང་རྒྱུ། དེ་བཞིན་བོད་མིའི་སྒྲིག་འཛུགས་སྲ་བརྟན་ཡོང་ཐབས་བཅས་ཀྱི་སླད་དུ་འབད་བརྩོན་མུ་མཐུད་གནང་རྒྱུ་ཡིན་པ་གསུངས་འདུག དེ་ཡང་ཁ་སང་ཕྱི་ཟླ་ ༢ པའི་ཚེས་ ༢༤ ཉིན་བོད་མིའི་སྒྲིག་འཛུགས་ཀྱི་སྒྲ་བརྙན་ཚན་པའི་དྲྭ་གནས་ཐོག སྲིད་སྐྱོང་སྤེན་པ་ཚེ་རིང་མཆོག་གིས་བོད་རྒྱ་ཆེ་མང་ཚོགས་ལ་ལོ་གསར་གྱི་འཚམས་འདྲི་དང་སྦྲགས་བརྙན་ཐུང་ཞིག་འདོན་སྤེལ་གནང་བའི་ནང་དུ། ཉེ་ཆར་ཕྱི་ལོ་ ༢༠༢༦ ལོའི་སྲིད་སྤྱི་གཉིས་ཀྱི་སྔོན་འགྲོའི་འོས་བསྡུའི་ནང་སྲིད་སྐྱོང་མཆོག་ལ་འོས་ཤོག་བརྒྱ་ཆ་ ༦༠ ལྷག་ཐོབ་པ་དང་འབྲེལ་ནས་དངོས་གཞིའི་འོས་བསྡུའི་ལས་རིམ་འགྲོ་མི་དགོས་པའི་ཐོག་སྔོན་འགྲོ་རང་ནས་མ་འོངས་ལོ་ལྔའི་རིང་སྲིད་སྐྱོང་གི་འགན་ཁུར་བཞེས་རྒྱུའི་གོ་སྐབས་གནང་བར་ཐུགས་རྗེ་ཆེ་ཞུ་དང་འབྲེལ། ཁོང་དང་ཁོང་གི་སྣེ་ཁྲིད་པའི་བཀའ་ཤག་གི་ངོས་ནས་གང་ཐུབ་སྤྱི་ཐུབ་ཀྱི་འབད་བརྩོན་གནང་བ་བཞིན་མང་ཚོགས་ཀྱི་ངོས་ནས་ཀྱང་བཟང་ཕྱོགས་ཀྱི་རྣམ་འགྱུར་མང་པོ་གཅིག་བསྟན་ཡོད་པ་ལྟར། ཁོང་དེ་སྔོན་ཕྱི་ལོ་ ༢༠༢༡ ལོར་སྲིད་སྐྱོང་གི་འོས་མིར་བཞེངས་པའི་སྐབས་སུ་སྤྱི་སྙོམས་དྲང་བདེན་དང་ནུས་པ་མཉམ་སྤུངས་། རྩ་དོན་བརྟན་པོ་བཅས་བསྒྲགས་ཚིག་གསུམ་གྱི་ཐོག་ནས་ཕྱག་ལས་གནང་རྒྱུའི་དམ་བཅའ་བཞེས་པ་བཞིན་འདས་པའི་ལོ་ལྔ་མིན་ཙམ་རིང་ཞབས་ཞུ་སྒྲུབ་པར་མང་ཚོགས་ཀྱི་ངོས་འཛིན་གནང་བར་ཐུགས་རྗེ་ཆེ་ཞུ་དང་འབྲེལ། ཐེངས་འདིའི་འོས་བསྡུའི་བརྒྱུད་རིམ་གྱི་ནང་དུའང་ཁོང་ནས་སྤྱི་ཚོགས་དུམ་བུ་འགྲོ་ཡག་གི་རྒྱུ་རྩ་བ་ནས་བསྐྲུན་མེད་པ་དེ་དགའ་སྤོབས་ངང་གསུངས་ཐུབ་རྒྱུ་ཡོད་པ་གསུངས་འདུག དེ་བཞིན་སྲིད་སྐྱོང་མཆོག་གིས་འདས་པའི་ལོ་ལྔ་མིན་ཙམ་གྱི་ལས་ཡུན་འདིའི་ནང་། བོད་རྒྱའི་དཀའ་རྙོག་སེལ་ཐབས་དང་འབྲེལ་བའི་ཨ་རིའི་ཁྲིམས་ཡིག་གཏན་འབེབས་གནང་ཐུབ་པ་བྱུང་བ་དང་། ཉེ་བའི་ཆར་ཨ་རིའི་སྔོན་རྩིས་གཏོང་ལེན་ཁྲིམས་ཡིག་ནང་དུ་བོད་མིའི་སྒྲིག་འཛུགས་དེ་བཞིན་བཙན་བྱོལ་བོད་གཞུང་ཞེས་ཚིག་བརྗོད་བཀོད་ཐུབ་པ། ཨ་རིའི་བོད་དོན་དམིགས་བསལ་འབྲེལ་མཐུད་པ་བསྐོ་བཞག་བྱུང་བ། དེ་བཞིན་༸རྒྱལ་བའི་ཡང་སྲིད་ཀྱི་གནད་དོན་དང་འབྲེལ་ནས་རྒྱལ་སྤྱིའི་སྡིངས་ཆའི་ཐོག་༸གོང་ས་མཆོག་དང་བོད་མི་མང་ཚོགས་ཀྱི་དགོངས་པ་བརྒྱུད་བསྒྲགས་གནང་ཐུབ་པ། ལྷག་པར་དུ་སྔ་ལོ་རྒྱལ་སྤྱི་ཁྱོན་ལ་ཨ་རིའི་རོགས་དངུལ་ཆད་པའི་གནས་སྟངས་ཁྲོད་ནས་༸གོང་ས་མཆོག་གི་ཐུགས་རྗེའི་བྱིན་རླབས་འོག་བོད་མིའི་སྒྲིག་འཛུགས་ཀྱི་རོགས་དངུལ་ཕྱེད་ཀ་ཙམ་རག་ཐུབ་པ་དང་། ལོ་རྗེས་མའི་སྔོན་རྩིས་ནང་དུའང་རོགས་དངུལ་ཆ་ཚང་བསྐྱར་གསོ་གནང་ཐུབ་པ། དེ་བཞིན་ཨ་རི་རླུང་འཕྲིན་ཁང་དང་ཨེ་ཤི་ཡ་རང་དབང་རླུང་འཕྲིན་ཁང་གི་ལས་དོན་རེ་ཞིག་བསྐྱར་གསོ་ཐུབ་པ་སོགས་བཟང་ཕྱོགས་ཀྱི་འགྱུར་བར་ངོས་འཛིན་གནང་གི་ཡོད་པ་གསུངས་འདུག ལྷག་པར་ད་ལྟ་༸གོང་ས་༸སྐྱབས་མགོན་ཆེན་པོ་མཆོག་ཞལ་བཞུགས་པའི་སྐབས་སུ་ཁོང་གི་ཐུགས་རྗེ་བཀའ་དྲིན་ཉག་ཅིག་ལ་བརྟེན་ནས་བོད་མིའི་སྒྲིག་འཛུགས་དང་། རྒྱལ་ཁབ་དང་སྒྲིག་འཛུགས་གཞན་གྱི་ལྷན་དུ་འབྲེལ་བ་ཡག་པོ་ཡོད་པ་དང་། བོད་མི་རྣམས་ལ་ཆེ་མཐོང་ཆེན་པོ་ཐོབ་ཀྱི་ཡོད་པ་བཞིན་མ་འོངས་པར་འབྲེལ་བ་དེ་དག་ཤུགས་ཆེ་རུ་གཏོང་རྒྱུ་དང་། དེ་དག་སྒྲིག་འཛུགས་དང་ལྡན་པའི་ཐོག་ནས་མ་འོངས་པར་༸གོང་ས་མཆོག་ཞལ་མ་བཞུགས་པ་སོགས་ཀྱི་གནས་སྟངས་ཇི་ལྟར་ཆགས་མིན་ལ་མ་ལྟོས་པར་སྐབས་དེ་དུས་ཀྱི་སྲིད་སྐྱོང་རྣམས་ལ་ད་ལྟ་བཞིན་ཆེ་མཐོང་རག་ཐུབ་ཡག་དང་། དུས་དེ་འདྲའི་སྐབས་སུ་ཡིན་ནའང་༸གོང་ས་མཆོག་གིས་གསོལ་རས་གནང་བའི་དམངས་གཙོ་ཡང་དག་པ་རྒྱུན་སྐྱོང་གནང་རྒྱུའི་ལམ་ཐོག་བསྐྱོད་རྒྱུ། ལྷག་པར་དུ་ཆབ་སྲིད་ཀྱི་ཐོག་ནས་བཤད་ན་བོད་རྒྱའི་དཀའ་རྙོག་སེལ་དགོས་ན་ཐབས་ལམ་དེ་རྒྱ་ནག་རང་ནས་ཡོང་དགོས་པ་ལྟར། རྒྱ་ནག་གི་ཕྱི་ནང་གི་གནས་སྟངས་དང་འགྱུར་བ། གོ་སྐབས་བཅས་ལ་དོ་སྣང་གནང་རྒྱུ། བོད་མིའི་སྒྲིག་འཛུགས་སྲ་བརྟན་ཡོང་ཐབས། མང་ཚོགས་དང་སྒྲིག་འཛུགས་དབར་འབྲེལ་བ་མཐུད་ཡག་སླད་མུ་མཐུད་བོད་མི་འདུ་སྡོད་ཁག་ལ་སྐོར་སྐྱོད་སོགས་གནང་རྒྱུ་ཡིན་པ་དང་། ལས་དོན་དེ་དག་སྐོར་རིང་མིན་བཀའ་ཤག་གི་མ་འོངས་བོད་ཀྱི་འགན་སྲུང་གི་ཡིག་ཆའི་ནང་དུ་ཁ་སྣོན་རྒྱག་རྒྱུ་ཡིན་པ་གསུངས་འདུག སྲིད་སྐྱོང་མཆོག་གིས་ལྷག་པར་དུ་ད་བར་གྱི་ལོ་ལྔ་མིན་ཙམ་གྱི་ལས་ཡུན་ནང་དུ། དབྱེ་འབྱེད་དང་ཕྱོགས་ཞེན་རིགས་མེད་པའི་ཐོག་ནས་མཐུན་སྒྲིལ་གོང་འཕེལ་ཐོག་ཕྱག་ལས་གནང་ཡོད་པར་དགའ་སྤོབས་སྐྱེ་བཞིན་ཡོད་སྐོར་དང་འབྲེལ། བོད་མི་རྣམས་ནས་ཀྱང་༸རྒྱལ་བའི་དགོངས་པ་སྒྲུབ་རྒྱུ་དང་སྒྲིག་འཛུགས་སྲ་བརྟན། སྤྱི་ཚོགས་འཆམ་མཐུན་ཡོང་རྒྱུའི་ཐོག་མཉམ་རུབ་གནང་དགོས་གལ་ཡིན་པ་དང་། བོད་ཀྱི་གནད་དོན་དང་བོད་ཀྱི་ལོ་རྒྱུས་བཅས་ལ་ཐུགས་སྣང་གནང་དགོས་པའི་སྐུལ་འདེབས་གནང་འདུག གཞི་རྩའི་འདི་ལོའི་ཕྱི་ཟླ་ ༢ པའི་ཚེས་ ༡ ཉིན་གནང་བའི་ཕྱི་ལོ་ ༢༠༢༦ ལོའི་སྲིད་སྤྱི་གཉིས་ཀྱི་སྔོན་འགྲོའི་འོས་བསྡུའི་ནང་དུ། ལས་ཐོག་སྲིད་སྐྱོང་སྤེན་པ་ཚེ་རིང་མཆོག་ལ་འོས་གྲངས་ ༣༡༣༢༥ […] The post ༸རྒྱལ་བའི་དགོངས་པ་སྒྲུབ་རྒྱུ་དང་བོད་དོན་བདེན་མཐའ་གསལ་ཐབས་བཅས་ཀྱི་སླད་དུ་མུ་མཐུད་འབད་བརྩོན་གནང་རྒྱུ་ཡིན་པ་གསུངས་འདུག appeared first on vot.

La senadora Carolina Moisés afirmó: “Si yo como senadora de la nación no tengo que poner por encima la realidad económica y las expectativas de mi sociedad, donde el 68 % de la sociedad jujeña está a favor de la minería. Después voté todo en contra. Voté a favor de las universidades, voté a favor del Garrahan. Defendimos todo lo que creíamos que, eh, era el avasallamiento del gobierno de Milei sobre la, digamos, sobre la calidad de vida de la sociedad argentina. Y ahora me volvieron a condenar y me echaron del Partido Justicialista porque voté el presupuesto”.Patricia Bullrich señaló: “El kirchnerismo, antes de leer cualquier proyecto, ya sale a decir que vota en contra, la ley laboral van a ser dos paros. Entonces, bueno, eh, ellos no, no tienen ninguna contemplación, no le dan ninguna gobernabilidad al gobierno. El año pasado, eh, el senado funcionó a su ritmo y ahora el senado funciona, eh, a ritmo del gobierno para darle al gobierno las herramientas y al pueblo argentino las herramientas que se necesitan para tener, mantener esta estabilidad, mantener nuestra, nuestro plan económico, mantener nuestras políticas de seguridad”.El senador José Mayans sostuvo: “El lema es: "Tengo número y hago lo que quiero. No respeto el reglamento, no respeto la representación de veintiún senadores. Más que lo único que me importa es cómo llevo adelante este atropello". Obviamente que, teniendo en cuenta los antecedentes de la, de la presidenta del interbloque, una persona que atropella sin ningún problema, eh, está acostumbrada a no respetar la ley, está acostumbrada a no respetar el reglamento, y, este, la verdad que esto no lleva a nada bueno. Bueno, como... De acuerdo a lo que dijo el presidente, ella era una persona que destrozaba cosas, él está haciendo en este momento eso, con una falta de respeto total".Luis Juez, senador, aseguró: “Hemos decidido acompañar en el bloque cómo expresamos la alianza que tenemos en Córdoba con la Libertad Avanza parlamentariamente. Y trabajando en el bloque juntos. No, no, no hay, no, no, no es que me he cambiado la camiseta ni me he nacionalizado y estoy jugando para otra selección. O sea... Puntualmente, la actividad parlamentaria se desarrolla por bloques. Nosotros teníamos un monobloque del Frente Cívico en alianza electoral y de trabajo parlamentario en el Senado. Me plantearon la posibilidad de que integráramos el bloque para expresarlo con mayor contundencia hoy antes que empezara la, la sesión, eh, preparatoria. La verdad que me parece bien”.El gobernador de La Rioja, Ricardo Quintela, dijo:  “Obviamente, que el peronismo, digamos, una fuerza política que tiene, que dejó jirones en el camino, pero, pero tenemos que asumir esa responsabilidad histórica, porque este gobierno no puede llega hasta el 10 de diciembre del 2027”.Noticias del miércoles 25 de febrero por el equipo de De Acá en Más por Urbana Play 104.3 FMSeguí a De Acá en Más en Instagram y XUrbana Play 104.3 FM. Somos la radio que ves.Suscribite a #Youtube. Seguí a la radio en Instagram y en XMandanos un whatsapp ➯ Acá¡Descargá nuestra #APP oficial! ➯  https://scnv.io/m8Gr 

Ep. 501 | Hoy quiero partir de algo muy concreto. Hace unos días vi una encuesta en LinkedIn. La pregunta era sencilla:¿Qué pesa más en social media?– La creatividad– El pensamiento analítico– Pensar a largo plazo– La escucha activaGanó la creatividad. Y no me sorprendió… pero yo voté otra cosa. Voté pensamiento analítico.Y no porque la creatividad no sea importante —lo es—, sino porque creo que sin pensamiento analítico, todo lo demás se queda en intuición, suerte o fuegos artificiales.En los próximos minutos te voy a explicar por qué el pensamiento analítico engloba a todas las demás y por qué, si quieres posicionarte bien, deberías entrenarlo más de lo que crees._____

„Spojené státy neustále ustupují Rusku, původní pozice byla úplně jiná – Donald Trump sliboval dodat Ukrajině takové zbraně, aby Vladimir Putin rád souhlasil s mírem,” připomíná čtyři roky po začátku ruské agrese bývalý generální konzul v Petrohradě Vladimír Votápek. Rusové si podle něj vodí Donalda Trumpa jako kašpárka na provázku. „A Putin určitě nemá žádné velké morální výčitky, že zničil velkou část Ukrajiny a bombarduje Kyjev, matku ruských měst,“ soudí v Osobnosti Plus.

རྒྱལ་སྤྱིིའི་བོད་ཀྱི་ཆབ་སྲིད་བཙོན་ཟུར་རྣམས་ཀྱིས་གསོལ་འདེབས་ཞུས་དོན་ལྟར་དེ་རིང་ཕྱི་ལོ་ ༢༠༢༦ ཟླ་ ༢ ཚེས་ ༢༤ ཉིན་གྱི་སྔ་དྲོ་ བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དབུ་བཞུགས་ཐོག་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་བོད་བསྟན་སྲིད་མི་རིགས་ཀྱི་དོན་དུ་ལུས་སྲོག་ལོངས་སྤྱོད་བློས་གཏོང་གནང་མཁན་འདས་གསོན་གཉིས་ཀའི་ཆེད་དུ་མཆོད་འབུལ་སྨོན་ལམ་ཞིག་འཚོགས་སོང་། དེ་ཡང་ཁ་སང་ཕྱི་ཚེས་ ༢༣  ཉིན་རྒྱལ་སྤྱིའི་བོད་ཀྱི་ཆབ་སྲིད་བཙོན་ཟུར་རྣམས་དང་སུད་སི་ལྷ་ས་བུའི་ཚོགས་པ་ཐུན་མོང་ནས་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་སྐུ་ཚེ་མི་འཇིག་རྡོ་རྗེ་འཆང་གི་ངོ་བོར་བརྟན་ཕྱིར་སྒྲོལ་དཀར་ཡིད་བཞིན་འཁོར་ལོའི་ཆོ་གའི་སྒོ་ནས་བརྟན་བཞུགས་བསྟར་འབུལ་ཞུས་ཡོད་པ་མ་ཟད།  ༸གོང་ས་མཆོག་དགུང་གྲངས་ ༡༣༥ ལྷག་སྐུ་འཚོ་བཞུགས་མཛད་དགོས་པའི་གསོལ་བ་ཕུར་ཚུགས་སུ་འདེབས་པ་དང་ཆབས་ཅིག ༸རྒྱལ་བའི་བཀའ་དྲིན་རྗེས་དྲན་གྱི་གཟེངས་རྟགས་ཤིག་འབུལ་བཞེས་མཛད་ཡོད་པ་དང་།  ལྷག་པར་སྐབས་དེར་བོད་ནང་གི་གཞིས་ལུས་སྐྱེ་བོའི་གདུང་འབོད་སྙིང་གི་ཞུ་འཕྲིན་དང་བོད་ནང་གི་གནས་སྟངས་མདོར་བསྡུས་ཤིག་སྒྲོང་སྦྲངས་གནང་བའི་བརྒྱུད། ཕྱི་ནང་གཉིས་ཀ་ནས་ནུས་ཤུགས་གང་ཡོད་བཏོན་ཏེ་བདེན་མཐའ་གསལ་བ་ཞིག་དང་༸གོང་ས་མཆོག་གང་མྱུར་བོད་དུ་ཕེབས་རྒྱུར་རང་རང་གི་ནུས་པ་སྟོན་དགོས་པའི་དྲན་སྐུལ་ཞུས་ཡོད་པ་རེད།  ཐེངས་འདིའི་བརྟན་བཞུགས་བསྟར་འབུལ་སླད་རྒྱལ་སྤྱིའི་རྒྱལ་ཁབ་འདྲ་མིན་བཅོ་ལྔ་ཙམ་ནས་བོད་ཀྱི་ཆབ་སྲིད་བཙོན་ཟུར་དང་དེ་དག་གི་འབྲེལ་ཡོད་འབྲེལ་ཆགས་ ༣༠༠ ཙམ་འདུ་འཛོམས་གནང་ཡོད་པ་དང་བསྟུན།  ཆབ་སྲིད་བཙོན་ཟུར་རྣམས་ཀྱིས་གསོལ་འདེབས་ཞུས་དོན་ལྟར་དེ་རིང་ཕྱི་ལོ་ ༢༠༢༦ ཟླ་ ༢ ཚེས་ ༢༤ ཉིན་གྱི་སྔ་དྲོ་༸གོང་ས་སྐྱབས་མགོན་ཆེན་པོ་མཆོག་སླར་ཡང་ཐེག་ཆེན་ཆོས་གླིང་གཙུག་ལག་ཁག་དུ་ཆིབས་བསྒྱུར་གྱིས།  བོད་བསྟན་སྲིད་མི་རིགས་ཀྱི་དོན་དུ་ལུས་སྲོག་ལོངས་སྤྱོད་བློས་གཏོང་གནང་མཁན་འདས་གསོན་གཉིས་ཀའི་ཆེད་དུ་མཆོད་འབུལ་སྨོན་ལམ་ཞིག་འཚོགས་ཡོད་པ་རེད། འདི་གའི་གསར་འགོད་པས་རྒྱལ་སྤྱིའི་ཆབ་སྲིད་བཙོན་ཟུར་བརྟན་བཞུགས་གོ་སྒྲིག་ཚོགས་ཆུང་གི་དྲུང་ཆེ་རྣམ་གྲྭ་ཕན་བདེ་ལེགས་བཤད་གླིང་གི་སློབ་སྤྱི་ཐུབ་བསྟན་ཡར་འཕེལ་ལགས་སུ་དེ་རིང་གི་མཆོད་འབུལ་སྨོན་ལམ་སྐོར་བཀའ་འདྲི་ཞུས་ཡོད།   དེ་བཞིན་མཆོད་འབུལ་སྨོན་ལམ་འདིའི་ཐོག་ཕེབས་པའི་བོད་ཀྱི་ཆབ་སྲིད་བཙོན་ཟུར་ཁག་གཅིག་གིས་འདི་གའི་གསར་འགོད་པའི་བཅར་འདྲི་བརྒྱུད།  བོད་མི་རྣམས་ནས་རང་མི་རིགས་ཀྱི་ཆོས་དང་རིག་གཞུང་སྐད་ཡིག་དང་ངོ་བོ་སྲུང་སྐྱོབ་གནང་དགོས་གལ་དང་།  ༸རྒྱལ་བ་རིན་པོ་ཆེའི་བཀའ་གསུང་ཅི་སྒྲུབ།  དེ་བཞིན་འདས་པའི་ལོ་རྒྱུས་དང་གནས་ཚུལ་མི་རབས་གཞོན་པར་བརྒྱུད་སྤྲོད་ཙམ་མ་ཟད།  བོད་ཀྱི་འཐབ་རྩོད་མཇུག་སྐྱོང་དགོས་པ།  ལྷག་པར་དུ་༸གོང་ས་སྐྱབས་མགོན་ཆེན་པོ་མཆོག་བོད་གངས་ཅན་ལྗོངས་སུ་ཞབས་སོར་འཁོད་ནས་གཞིས་བྱེས་མཉམ་འཛོམས་ཡོང་བར་ཚང་མས་རྡོག་རྩ་གཅིག་སྒྲིལ་གྱིས་འབད་བརྩོན་གནང་དགོས་གལ་ཡིན་པ་གསུངས་སོང་།  The post བོད་བསྟན་སྲིད་མི་རིགས་ཀྱི་དོན་དུ་ལུས་སྲོག་ལོངས་སྤྱོད་བློས་གཏོང་གནང་མཁན་འདས་གསོན་གཉིས་ཀའི་ཆེད་དུ་མཆོད་འབུལ་སྨོན་ལམ། appeared first on vot.

„Spojené státy neustále ustupují Rusku, původní pozice byla úplně jiná – Donald Trump sliboval dodat Ukrajině takové zbraně, aby Vladimir Putin rád souhlasil s mírem,” připomíná čtyři roky po začátku ruské agrese bývalý generální konzul v Petrohradě Vladimír Votápek. Rusové si podle něj vodí Donalda Trumpa jako kašpárka na provázku. „A Putin určitě nemá žádné velké morální výčitky, že zničil velkou část Ukrajiny a bombarduje Kyjev, matku ruských měst,“ soudí v Osobnosti Plus.Všechny díly podcastu Osobnost Plus můžete pohodlně poslouchat v mobilní aplikaci mujRozhlas pro Android a iOS nebo na webu mujRozhlas.cz.

དེ་རིང་ཕྱི་ལོ་ ༢༠༢༦ ཕྱི་ཟླ་ ༢ ཚེས་ ༢༣  ཉིན་རྒྱལ་སྤྱིའི་བོད་ཀྱི་ཆབ་སྲིད་བཙོན་ཟུར་རྣམས་དང་སུད་སི་ལྷ་ས་བུའི་ཚོགས་པ་ཐུན་མོང་ནས་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་སྐུ་ཚེ་མི་འཇིག་རྡོ་རྗེ་འཆང་གི་ངོ་བོར་བརྟན་ཕྱིར་སྒྲོལ་དཀར་ཡིད་བཞིན་འཁོར་ལོའི་ཆོ་གའི་སྒོ་ནས་བརྟན་བཞུགས་བསྟར་འབུལ་ཞུས་པ་དང་འབྲེལ། ༸གོང་ས་མཆོག་དགུང་གྲངས་ ༡༣༥ ལྷག་སྐུ་འཚོ་བཞུགས་མཛད་དགོས་པའི་གསོལ་བ་ཕུར་ཚུགས་སུ་འདེབས་པ་དང་ཆབས་ཅིག ༸རྒྱལ་བའི་བཀའ་དྲིན་རྗེས་དྲན་གྱི་གཟེངས་རྟགས་ཤིག་འབུལ་བཞེས་མཛད་སོང་། དེ་ཡང་དེ་རིང་སྔ་ཐོག་བརྟན་བཞུགས་ཀྱི་རྡོ་རྗེ་སློབ་དཔོན་༸སྐྱབས་རྗེ་ཀུན་བདེ་གླིང་རྟ་ཚག་རྗེ་དྲུང་དཔལ་བཟང་པོ་མཆོག་དབུ་བཞུགས་ཀྱིས་༸སྐུའི་ཚེ་སྒྲུབ་ཀྱི་གནང་སྒོ་ཁག་གནང་གྲུབ་སྟེ་སྔ་དྲོ་ཕྱག་ཚོད་ ༨.༣༠ ཡོལ་ཙམ་ལ་༸གོང་ས་སྐྱབས་མགོན་ཆེན་པོ་མཆོག་༸བཞུགས་སྒར་༸རྒྱལ་བའི་ཕོ་བྲང་ནས་འབྲེལ་ཡོད་བརྟན་བཞུགས་ཀྱི་སྦྱིན་བདག་རྣམ་པས་སྤོས་སྣེ་སྤྱན་འདྲེན་དང་ཕྱི་ནང་གི་དད་ལྡན་སེར་སྐྱ་སྟོང་ཕྲག་བརྒལ་བས་ཕེབས་བསུ་གཟབ་རྒྱས་དང་བཅས་ཐེག་ཆེན་ཆོས་གླིང་གཙུག་ལག་ཁང་གི་༸བཞུགས་ཁྲིར་༸ཞབས་སོར་འཁོད་མཚམས་བརྟན་བཞུགས་ཀྱི་ཆོ་ག་དངོས་གཞི་དབུ་འཛུགས་དང་སྦྲགས། རྡོ་རྗེ་སློབ་དཔོན་མཆོག་གིས་དབུས་པའི་འབྲེལ་ཡོད་རྣམས་ནས་མཎྜལ་ལྗགས་བཤད་གནང་ཐོག་སྐུ་གསུང་ཐུགས་རྟེན་མཚོན་པའི་འབུལ་རྫས་འདེགས་འབུལ་ཞུས་པ་མ་ཟད། རྒྱལ་སྤྱིའི་བོད་ཀྱི་ཆབ་སྲིད་བཙོན་ཟུར་རྣམས་ཀྱིས་༸རྒྱལ་དབང་ཉིད་ཀྱི་བཀའ་དྲིན་རྗེས་སུ་དྲན་པའི་ཐོག་ནས་ཐུགས་བསྐྱེད་དམ་བཅའ་བཞི་དང་འབྲེལ་བའི་མངའ་གསོལ་གྱི་གཟེངས་རྟགས་ཤིག་འབུལ་བཞེས་མཛད་སོང་། ཐེངས་འདིའི་བརྟན་བཞུགས་ཐོག་རྒྱལ་ཁབ་འདྲ་མིན་བཅོ་ལྔ་ཙམ་ནས་བོད་ཀྱི་ཆབ་སྲིད་བཙོན་ཟུར་དང་དེ་དག་གི་འབྲེལ་ཡོད་འབྲེལ་ཆགས་ ༣༠༠ ཙམ་དེ་བཞིན་དུ་སུད་སི་ལྷ་ས་བུའི་མཐུན་གྲོགས་ཚོགས་པའི་ཚོགས་མི་ ༢༧ དང་གཞོན་སྐྱེས་བཅས་ཆེད་བཅར་ཞུས་ཡོད་འདུག དེ་རིང་གི་བརྟན་བཞུགས་སྐབས་དགུང་ལོ་ ༡༣ ནས་རྒྱ་གཞུང་གི་བཙོན་འཇུག་དོ་དམ་འོག་བཞུགས་མྱོང་ཡོད་པ་མ་ཟད་དེ་རྗེས་སུ་ལོ་ངོ་ ༢༠ ལྷག་རིང་རྒྱའི་བཙོན་འཇུག་འོག་སྡུག་སྦྱོང་མནར་གཅོད་མྱངས་མྱོང་མཁན་ཆབ་སྲིད་བཙོན་ཟུར་གྲགས་ཅན་ངག་དབང་སངས་སྒྲོལ་ལགས་ཀྱིས། བོད་ནང་གི་གཞིས་ལུས་སྐྱེ་བོའི་གདུང་འབོད་སྙིང་གི་ཞུ་འཕྲིན་དང་བོད་ནང་གི་གནས་སྟངས་མདོར་བསྡུས་ཤིག་སྒྲོང་སྦྲངས་གནང་བའི་བརྒྱུད། བོད་ནང་གི་གཞིས་ལུས་བོད་མི་རྣམས་རྒྱ་ནག་གི་མཁྲེགས་འཛིན་སྲིད་བྱུས་འོག་དུས་དང་རྣམ་པ་ཀུན་ཏུ་འཇིགས་སྣང་ངང་འཚོ་དགོས་ཤིང་། ལྷག་པར་དུ་མང་ཚོགས་དད་མོས་དང་མཐའ་ན་དྲ་རྒྱ་བེད་སྤྱོད། སྨྲ་བརྗོད། ་བསམ་གཞིག་སོགས་མདོར་ན་ཕྱོགས་ཡོངས་ནས་བསུན་གཙེར་བརྡབ་གསིག་བཟོད་སྲན་དཀའ་བ་བྱེད་དང་བྱེད་མུས་ཡིན་པས། ཉམ་ཐག་པའི་གནས་སྐབས་ཀུན་བརྗོད་ནས་བརྗོད་མི་ཚར་བ་ཡོད་ལ་བརྗོད་ནས་ཚར་རྒྱུའང་མེད། དེ་འབྲེལ་དཀའ་སྡུག་ཞུས་པ་ནི་སྡུག་སྐད་བསྐྱོན་པ་ཙམ་མིན་པར་ཕྱི་ནང་གཉིས་ཀ་ནས་ནུས་ཤུགས་གང་ཡོད་བཏོན་ཏེ་བདེན་མཐའ་གསལ་བ་ཞིག་དང་༸གོང་ས་མཆོག་གང་མྱུར་བོད་དུ་ཕེབས་རྒྱུར་རང་རང་གི་ནུས་པ་སྟོན་དགོས་པའི་དྲན་སྐུལ་ཞུས་སོང་། རྩ་བའི་སང་ཉིན་རྒྱལ་སྤྱིིའི་བོད་ཀྱི་ཆབ་སྲིད་བཙོན་ཟུར་རྣམས་ཀྱིས་གསོལ་འདེབས་ཞུས་དོན་ལྟར་༸གོང་ས་སྐྱབས་མགོན་ཆེན་པོ་མཆོག་དབུ་བཞུགས་ཐོག་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་བོད་སྤྱི་པའི་དོན་དུ་སྐུ་ལས་བསྐྱོན་མཁན་འདས་གསོན་ཡོངས་ཀྱི་སླད་མཆོད་འབུལ་སྨོན་ལམ་ཞིག་གནང་གཏན་ཁེལ་འདུག   The post ༸གོང་ས་མཆོག་ལ་རྒྱལ་སྤྱིའི་བོད་ཀྱི་ཆབ་སྲིད་བཙོན་ཟུར་དང་སུད་སི་ལྷ་ས་བུའི་མཐུན་གྲོགས་ཚོགས་པ་གཉིས་ནས་བརྟན་བཞུགས་བསྟར་འབུལ། appeared first on vot.

སྔ་འགྱུར་མཐོ་སློབ་བཙུན་དགོན་ཤུག་གསེབ་ཨོ་རྒྱན་རྫོང་གི་སྐབས་དང་པོའི་མཁན་མོ་བཅུ་དགུའི་ཁྲི་འདོན། The post སྔ་འགྱུར་མཐོ་སློབ་བཙུན་དགོན་ཤུག་གསེབ་ཨོ་རྒྱན་རྫོང་གི་སྐབས་དང་པོའི་མཁན་མོ་བཅུ་དགུའི་ཁྲི་འདོན། appeared first on vot.

སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཕོ་བྲང་པོ་ཏ་ལར་གསེར་ཁྲི་མངའ་གསོལ་ཞུས་ཏེ་ལོ་ངོ་ ༨༦ འཁོར་བའི་དུས་དྲན་སྲུང་བརྩི། The post སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཕོ་བྲང་པོ་ཏ་ལར་གསེར་ཁྲི་མངའ་གསོལ་ཞུས་ཏེ་ལོ་ངོ་ ༨༦ འཁོར་བའི་དུས་དྲན་སྲུང་བརྩི། appeared first on vot.

རྒྱ་གར་ཆོས་མཇལ་བ་ཚོར་རིན་མེད་ཟས་སྦྱིན་དང་བོད་དོན་རྒྱབ་སྐྱོར་ཡོད་པའི་མཚན་རྟགས་བསྡུ་རུབ་ཀྱི་ལས་གཞི་སྤེལ་བ། The post རྒྱ་གར་ཆོས་མཇལ་བ་ཚོར་རིན་མེད་ཟས་སྦྱིན་དང་བོད་དོན་རྒྱབ་སྐྱོར་ཡོད་པའི་མཚན་རྟགས་བསྡུ་རུབ་ཀྱི་ལས་གཞི་སྤེལ་བ། appeared first on vot.

བཞུགས་སྒར་དུ་བོད་དངུལ་ངོ་སྤྲོད་བརྒྱུད་བོད་རང་བཙན་ཉིན་མོ་སྲུང་བརྩི་ཞུས་པ། The post བཞུགས་སྒར་དུ་བོད་དངུལ་ངོ་སྤྲོད་བརྒྱུད་བོད་རང་བཙན་ཉིན་མོ་སྲུང་བརྩི་ཞུས་པ། appeared first on vot.

ལས་ཐོག་སྲིད་སྐྱོང་སྤེན་པ་ཚེ་རིང་མཆོག་དངོས་གཞིའི་འོས་བསྡུ་མི་དགོས་པར་་སྲིད་སྐྱོང་གི་རྒྱལ་ཁ་ཐོབ་འདུག The post ལས་ཐོག་སྲིད་སྐྱོང་སྤེན་པ་ཚེ་རིང་མཆོག་དངོས་གཞིའི་འོས་བསྡུ་མི་དགོས་པར་་སྲིད་སྐྱོང་གི་རྒྱལ་ཁ་ཐོབ་འདུག appeared first on vot.

ཟླ་བ་འདིའི་ཚེས་ ༡༠ ཉིན་བོད་མིའི་སྒྲིག་འཛུགས་ཀྱི་ཤེས་རིགས་ལས་ཁུངས་ཚོགས་ཁང་དུ། བཙན་བྱོལ་བོད་མིའི་ཤེས་ཡོན་ལྷན་ཚོགས་དང་། ཤེས་ཡོན་སློབ་སྟོན་ཚོགས་ཆུང་གཅིག་ལྕོགས་ཀྱི་ལྷན་ཚོགས་ཐེངས་ ༡༣ པ་བསྐོང་ཚོགས་གནང་འདུག་པ་དང་། སྐབས་དེར་ཤེས་ཡོན་སློབ་སྟོན་ཚོགས་ཆུང་གིས་ཚོགས་གཙོས་སློབ་མ་རྣམས་ལ་འཕྲོད་བསྟེན་གྱི་གོ་རྟོགས་དང་། བཟང་སྤྱོད་ཀྱི་སློབ་གསོ་སྤྲོད་དགོས་པའི་གལ་གནད་སྐོར་ངོ་སྤྲོད་གནང་འདུག  མ་ཟད་ཁ་པར་དང་སྤྱི་ཚོགས་དྲ་རྒྱ་བདེ་སྤྱོད་བྱེད་རྐྱེན་སློབ་གྲྭ་དང་དགོན་སྡེ་ཁག་ནང་གི་སློབ་མའི་སློབ་སྦྱོང་ལ་ཤུགས་རྐྱེན་ངན་པ་ཐེབས་ཚད་ཆེ་རུ་འགྲོ་བཞིན་པའི་ཐད་སེམས་འཚབ་གསལ་སྟོན་གནང་འདུག དེ་ཡང་ལྷན་ཚོགས་དེའི་ཐོག་བཙན་བྱོལ་བོད་མིའི་ཤེས་ཡོན་ལྷན་ཚོགས་དང་། ཤེས་ཡོན་སློབ་སྟོན་ཚོགས་ཆུང་གི་ཚོགས་གཙོ་དགེ་བཤེས་མཁན་ཟུར་བཀྲ་ཤིས་ཚེ་རིང་ལགས་དང་། ཤེས་རིག་ལས་ཁུངས་ཀྱི་དྲུང་ཆེ་འཇིགས་མེད་རྣམ་རྒྱལ་ལགས། ཤེས་ལྷན་འགན་འཛིན་དྲུང་འཕར་བསྟན་འཛིན་པདྨ་ལགས། ཤེས་རིག་ཤེས་ཡོན་ཚན་པའི་འགན་འཛིན་དྲུང་འཕར་བསྟན་འཛིན་རྡོ་རྗེ་ལགས། དྷ་ས་བོད་ཁྱིམ་གྱི་སྤྱི་ཁྱབ་ཤེས་ཡོན་ངེས་སྟོན་པ་ངག་དབང་ལྷ་མོ་ལགས་སོགས་མི་གྲངས་ ༡༢ ལྷན་ཞུགས་གནང་འདུག སྐབས་དེར་ཚོགས་གཙོ་དགེ་བཤེས་མཁན་ཟུར་བཀྲ་ཤིས་ཚེ་རིང་ལགས་ཀྱིས། བོད་པའི་རིག་གཞུང་དང་ངོ་བོ་སྲུང་སྐྱོབ་བྱེད་པར་གཙོ་བོ་བོད་པའི་སྐད་ཡིག་གི་སློབ་ཁྲིད་ཀྱི་ནུས་པ་གང་ལེགས་གཏོང་དགོས་པའི་གལ་གནད་སྐོར་ནན་བརྗོད་གནང་བ་དང་། བཙན་བྱོལ་དུ་གནས་པའི་བོད་པའི་སློབ་ཕྲུག་ཚོའི་ཤེས་ཡོན་གྱི་ཆུ་ཚད་ཡར་རྒྱས་གཏོང་རྒྱུ་ནི་གལ་གནད་ཆེ་ཤོས་སུ་འཛིན་དགོས་པའི་སྐོར་གསུངས་འདུག མ་ཟད་ཁོང་གིས་ཤེས་ཡོན་ནི་འབྲི་ཀློག་ཁོ་ན་མིན་པར་སློབ་མ་རྣམས་ལ་འཕྲོད་བསྟེན་གྱི་གོ་རྟོགས་དང་། བཟང་སྤྱོད་ཀྱི་སློབ་གསོ་སྤྲོད་དགོས་པའི་གལ་གནད་སྐོར།  དེ་བཞིན་ཁ་པར་དང་སྤྱི་ཚོགས་དྲ་རྒྱ་བདེ་སྤྱོད་བྱེད་རྐྱེན་སློབ་གྲྭ་དང་དགོན་སྡེ་ཁག་ནང་གི་སློབ་མའི་སློབ་སྦྱོང་ལ་ཤུགས་རྐྱེན་ངན་པ་ཐེབས་ཚད་ཆེ་རུ་འགྲོ་བཞིན་པར་སེམས་འཚབ་ཙམ་མ་ཟད།  དེ་སྔོན་བསྐོང་ཚོགས་གནང་བའི་ལྷན་ཚོགས་ཀྱི་གྲོས་ཆོད་ལ་བསྐྱར་ཞིབ་སྐབས། བོད་པའི་སློབ་གྲྭ་ཁག་གི་ནང་སློབ་ཕྲུག་སློབ་འཇུག་བྱེད་མཁན་ཉུང་དུ་འགྲོ་བཞིན་པས་སློབ་གྲྭའི་འཛིན་སྐྱོང་གི་འགྲོ་ལུགས་དང་། ཤེས་ཡོན་གྱི་ཐབས་ལམ་ལ་བསྐྱར་ཞིབ་གནང་དགོས་པའི་སྐོར། ཕྱོགས་མཚུངས་དགོན་སྡེ་ཁག་གི་ནང་དུའང་བོད་པའི་དགེ་འདུན་པ་འཛུལ་ཞུགས་བྱེད་མཁན་ཉུང་དུ་འགྲོ་བཞིན་པ་སོགས་འགྲེལ་བརྗོད་གནང་ཡོད་པ་རེད་འདུག དེ་བཞིན་ཤེས་རིག་དྲུང་ཆེ་འཇིགས་མེད་རྣམ་རྒྱལ་ལགས་ཀྱིས། ཤེས་ཡོན་ལྷན་ཚོགས་འདི་ཉིད་རང་དབང་ཅན་གྱི་སྡེ་ཚན་ཞིག་ཏུ་བཟོ་རྒྱུའི་འབད་བརྩོན་རིམ་པ་གནང་བའི་སྐོར་གསུངས་པ་འབྲེལ། བོད་པའི་སློབ་ཕྲུག་རྣམས་ཀྱི་ཤེས་ཡོན་ཆུ་ཚད་ཡར་རྒྱས་གཏོང་ཐབས་སླད་འགུལ་རིས་བརྒྱུད་སློབ་འཁྲིད་གནང་བ་དང་། རྩོམ་དེབ་གྲངས་ ༢༠ པར་སྐྲུན་གནང་བ། བྱིས་པ་རྣམས་ཀྱི་ཆེད་དུ་དཔེ་དབེ་བསྐྱར་དུ་པར་སྐྲུན་གནང་བ། དེ་བཞིན་གཞི་རིམ་འོག་མའི་སློབ་མའི་ཆེད་ཤེས་ཡོན་སློབ་ཚན་ཁག་བོད་ཡིག་ཐོག་བཟོས་ཡོད་པ་སོགས་ཚུད་པའི་ཐབས་ལམ་སྣ་མང་ལག་བསྟར་གནང་བཞིན་པ་དང་། ཁོང་གིས་སློབ་མ་རྣམས་ལ་གཞི་རིམ་འོག་མ་ནས་བཟུང་བོད་ཀྱི་སྐད་ཡིག་གནས་ཚད་དང་བརྡ་སྤྲོད་ཀྱི་ནུས་པ་སྲ་བརྟན་གཏོང་དགོས་པ་ནི་གལ་འགངས་ཆེན་པོ་ཡིན་པའི་སྐོར་ནན་བརྗོད་གནང་བ་མ་ཟད། སྤྱི་ཡོངས་ཀྱི་བོད་ཡིག་གི་གནས་ཚད་མཐོ་རུ་གཏོང་སླད་རྒྱུན་མཐུད་འབད་བརྩོན་གནང་དགོས་པའི་འབོད་སྐུལ་ཞུས་འདུག འདི་ག་རླུང་འཕྲིན་ཁང་གིས་ཤེས་ལྷན་འགན་འཛིན་དྲུང་འཕར་བསྟན་འཛིན་པདྨ་ལགས་སུ་ཚོགས་འདུ་དེའི་སྐོར་བཀའ་འདྲི་ཞུས་སྐབས་ཁོང་གིས། རྩ་བའི་སྒྲིག་གཞི་གོང་དོན་ཞི་བཟུང་ལོ་གཅིག་ནང་ཐེངས་གཅིག་ངེས་པར་དུ་བསྐོང་ཚོགས་ཞུ་དགོས་པ་བཞིན་ལོ་ལྟར་ཚོགས་འདུ་དེ་ལྟར་བསྐོང་ཚོགས་གནང་གི་ཡོད་སྐོར་གསལ་སྟོན་དང་སྦྲགས།  ད་ཐེངས་ཀྱི་ལྷན་ཚོགས་དེའི་ཐོག་ཚོགས་གཙོ་དགེ་བཤེས་མཁན་ཟུར་བཀྲ་ཤིས་ཚེ་རིང་ལགས་ཀྱང་ཐེངས་མ་དང་པོ་ལྷན་ཞུགས་གནང་ཡོད་པ་དང་། ཐེངས་འདིའི་ལྷན་ཚོགས་དེའི་ཐོག་གྲོས་གཞི་བརྒྱད་ཡོད་པ་ནས་གྲོས་ཆོད་ཁྱོན་ ༤༡ གཏན་འབེབས་གནང་ཡོད་པ་འགྲེལ་བརྗོད་གནང་སོང་། The post སློབ་མ་རྣམས་ལ་འཕྲོད་བསྟེན་གྱི་གོ་རྟོགས་དང་བཟང་སྤྱོད་ཀྱི་སློབ་གསོ་སྤྲོད་དགོས་གལ་ཡིན་པ་གསུངས་འདུག appeared first on vot.

འཛམ་གླིང་ཞི་བདིའི་སླད་ཨ་རིའི་ནང་གོམ་བགྲོད་གནང་མཁན་གནས་བརྟན་སྡེ་པའི་དགེ་སློང་རྣམས་ཀྱིས་ཁ་སང་ཚེས་ ༡༡ ཉིན། ཨ་རིའི་རྒྱལ་ས་ Washington DC ཝ་ཤིང་ཊོན་ཌི་སི་ནང་རྟེན་གཞི་བྱས་པའི་ Lincoln ལེན་ཁོན་དྲན་རྟེན་གྱི་མདུན་དུ་མཛད་སྒོ་ཞིག་གི་ཐོག་ནས་ཉིན་ ༡༠༨ ཀྱི་ཞི་བའི་གོམ་བགྲོས་མཇུག་བསྒྲིལ་གནང་བ་དང་འབྲེལ། བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དགེ་སློང་རྣམས་ལ་གདུང་སེམས་མཉམ་བསྐྱེད་མཛད་པ་དང་ཆབས་གཅིག གོམ་བགྲོས་ཀྱི་ལས་འགུལ་དེའི་བརྒྱུད་ཆོས་ཉམས་ལེན་པ་རྣམས་ཀྱིས་སྤྱི་ཚོགས་ཀྱི་མཐུན་སྒྲིལ་དང་མང་ཚོགས་ཀྱི་བགྲོ་གླེང་ནང་ཕན་ཐོགས་དང་ལག་ལེན་དངོས་ཀྱི་ཐོག་ནས་མཉམ་ཞུགས་བྱེད་ཐུབ་པ་གསལ་འདོན་གནང་གི་ཡོད་ཅེས་བཀའ་བསྩལ་འདུག དེའང་ཨ་རིའི་ Texas ཀྲེཀ་སིས་མངའ་སྡེའི་ Fort Worth ཁུལ་དུ་རྟེན་གཞི་བྱས་པའི་ Huong Dao Vipassana Bhavana Center ཞེས་ Vietnam ཝེཊ་ནམ་གྱི་གནས་བརྟན་སྡེ་པའི་ཆོས་ཚོགས་ཀྱི་དགེ་སློང་ Bhikkhu Pannakara པཱ་ནྣཱ་ཀཱ་རཱ་ལགས་ཀྱིས་སྣེ་ཁྲིད་གནང་པའི་ཞི་བའི་གོམ་བགྲོས་དེ་ནི་སྔ་ལོའི་ཕྱི་ཟླ་ ༡༠ ཚེས་ ༢༦ ཉིན་ Fort Worth ནས་འགོ་འཛུགས་ཀྱིས། ད་བར་ཉིན་ ༡༠༨ གྱི་དུས་ཡུན་ཁྲོད་དགེ་སློང་རྣམས་ཀྱིས་ཨ་རིའི་མངའ་སྡེ་ཆེ་ཁག་ Louisiana དང་ Mississippi, Alabama, Georgia, Carolina, Virginia བཅས་སུ་ཁྱོན་སྤྱི་ལེ་ ༣༧༠༠ ལྷག་ཙམ་་གོམ་བགྲོད་གནང་རྗེས་ཁ་སང་ཨ་རིའི་རྒྱལ་སའི་ནང་ལས་འགུལ་མཇུག་སྒྲིལ་གནང་འདུག Lincoln ལེན་ཁོན་དྲན་རྟེན་གྱི་མདུན་དུ་གོ་སྒྲིག་གནང་བའི་མཇུག་བསྡོམས་མཛད་སྒོའི་ཐོག་མང་ཚོགས་སྟོང་ཕྲག་འདུ་འཛོམས་ཀྱིས་དགེ་སློང་རྣམས་ཀྱི་ལྷག་བསམ་དང་སྙིང་སྟོབས་ལ་རྗེས་སུ་ཡི་རང་ཞུས་པ་མ་ཟད། ཁ་སང་གོམ་བགྲོད་ཀྱི་མཐའ་མར་ཨ་རིའི་རྒྱལ་སའི་ནང་གི་ Potomac པོ་ཊོ་མེཁ་ཆུ་རྒྱུན་སྟེངས་ཀྱི་ […] The post ༸གོང་ས་མཆོག་གིས་ནང་པའི་དགེ་སློང་རྣམ་པའི་ཞི་བའི་གོམ་བགྲོད་མཇུག་སྒྲིལ་ཐོག་གསུང་འཕྲིན་སྩལ་བ། appeared first on vot.

བཞུགས་སྒར་རྡ་རམ་ས་ལའི་བོད་ཀྱི་དཔེ་མཛོད་ཁང་གི་ངེས་སྟོན་པ་དགེ་བཤེས་ལྷག་རྡོར་ལགས་ཀྱིས། འདི་ཚེས་ ༡༠ ཉིན་རྒྱ་གར་གྱི་རྒྱལ་ས་ལྡི་ལིར་གསུང་བཤད་གནང་སྐབས།  Universal Ethics འམ་ཀུན་ཁྱབ་བཟང་སྤྱོད་ནི་འགྲོ་བ་མིའི་འཚོ་གནས་ཀྱི་ཆུ་དང་ཁ་རླུང་ལྟ་བུ་ཞིག་རེད་ཅེས་གསུངས་སོང་། དེ་ཡང་འདི་ལོའི་༸རྒྱལ་བའི་གོ་སྟོན་དང་འབྲེལ་ལོ་འཁོར་མོའི་རིང་བྱམས་བརྩེའི་ལོ་སྲུང་བརྩི་ཞུ་བཞིན་ཡོད་པ་ལྟར།  ལྡི་ལི་ས་གནས་ཀྱི་གོ་སྟོན་གོ་སྒྲིག་ཚོགས་ཆུང་དང་། ལྡི་ལི་གཙུག་ལག་སློབ་གྲྭ་ཆེན་མོ་ཐུན་མོང་ནས་གཙུག་ལག་སློབ་གྲྭ་དེ་གའི་ལྷོ་ཕྱོགས་ཁྱབ་ཁོངས་ཀྱི་  Sri Venkateswar མཐོ་རིམ་སློབ་གྲྭར། ༸གོང་ས་༸སྐྱབས་མགོན་ཆེན་པོ་མཆོག་གི་ཐུགས་བསྐྱེད་དམ་བཅའ་བཞིའི་སྐོར་མཁས་པའི་གཏམ་བཤད་ཀྱི་ལས་རིམ་ཞིག་གོ་སྒྲིག་ཞུས་སོང་།   སྐབས་དེར་གཏམ་བཤད་གནང་མཁན་གཙོ་བོ་བོད་ཀྱི་དཔེ་མཛོད་ཁང་གི་ངེས་སྟོན་པ་དགེ་བཤེས་ལྷག་རྡོར་ལགས་ཀྱིས།    ང་ཚོས་༸རྒྱལ་བའི་གོ་སྟོན་དང་འབྲེལ་ལོ་འཁོར་མོའི་རིང་བྱམས་བརྩེའི་ལོ་སྲུང་བརྩི་ཞུ་བཞིན་ཡོད་པ་དེ་ནི།   མི་གཞན་ནས་རེ་བ་དང་ཆ་རྐྱེན་གང་ཡང་མེད་པའི་བྱམས་བརྩེའི་སྐོར་བཤད་ཀྱི་ཡོད་ཅིང་།   ༸གོང་ས་༸སྐྱབས་མགོན་ཆེན་པོ་མཆོག་ནས་འགྲོ་བ་མིའི་རིགས་ཚང་མ་བདེ་སྐྱིད་འདོད་པ་དང་སྡུག་བསྔལ་མི་འདོད་པ་གཅིག་མཚུངས་ཡིན་པ་མ་ཟད།   ང་ཚོར་མ་རིག་པའི་དབང་གིས་དཀའ་ངལ་མང་པོ་ཞིག་འཕྲད་བཞིན་པ་དེ་ལ་གཟིགས་ཏེ་ཐུགས་བསྐྱེད་དམ་བཅའ་བཞི་བཀའ་གནང་ཡོད་པ་སོགས་འགྲེལ་བརྗོད་གནང་ཡོད། ཁ་སང་གི་གཏམ་བཤད་ལས་རིམ་དེའི་ཐོག མཐོ་རིམ་སློབ་གྲྭ་དེ་ཉིད་ཀྱི་དགེ་རྒན་དང་སློབ་ཕྲུག་ཙམ་མ་ཟད།  གཞན་ཡང་ལྡི་ལི་གཙུག་ལག་སློབ་གྲྭའི་ཕྱི་རྒྱལ་སློབ་ཕྲུག་ཁག་གཅིག་བཅས་མི་གྲངས་བརྒྱ་སྐོར་ཞིག་འདུ་འཛོམས་གནང་སོང་།  སྐབས་དེར་དགེ་བཤེས་ལྷག་རྡོར་ལགས་ཀྱི་ད་དུང་།        ༸གོང་ས་༸སྐྱབས་མགོན་ཆེན་པོ་མཆོག་ནས་བཟང་སྤྱོད་ཀྱི་རིན་ཐང་སྐོར་བཀའ་གནང་སྐབས།   ཆོས་ལུགས་བྱེ་བྲག་པ་ཞིག་གི་བཟང་སྤྱོད་སྐོར་བཀའ་གནང་གི་མེད་པར།   སྤྱི་ལ་ཁྱབ་པའི་བཟང་སྤྱོད་སྐོར་ལམ་སྟོན་གནང་གི་ཡོད་པ་དང་།   དེ་ཡང་ཆོས་ཁས་ལེན་མཁན་ནམ་མི་ལེན་མཁན་ཚང་མར་དགོས་ངེས་ཤིག་ཡིན་པ་གསུངས་ཏེ།   བཟང་སྤྱོད་ནི་ཆུ་དང་ཁ་རླུང་ལྟ་བུ་འགྲོ་བ་མའི་རིགས་ཀྱི་འཚོ་གནས་མེད་དུ་མི་རུང་བའི་ཞིག་རེད་ཅེས་འགྲེལ་བརྗོད་གནང་སོང་།    མ་ཟད་༸གོང་ས་༸སྐྱབས་མགོན་ཆེན་པོ་མཆོག་གི་ཐུགས་བསྐྱེད་དམ་བཅའ་དེ་དག་གཙོ་བོ་སེམས་དང་གཏན་ཚིག་རིག་པར་གཞི་བཞག་སྟེ་ལམ་སྟོན་སྩལ་གནང་གི་ཡོད་པ་དང་།  དེ་ཡང་རིག་གནས་དེ་དག་རྒྱ་གར་གྱི་གནའ་བོའི་རིག་གནས་ཤིག་ཡིན་སྟབས།   རྒྱ་གར་བ་ཚོས་ཀྱང་སོ་སོའི་རྩ་ཆེའི་རིག་གནས་དེ་དག་ལ་དོ་སྣང་ཆེ་ཙམ་གནང་སྟེ།  མི་རིགས་གཞན་ལ་ཡང་ཞབས་འདེགས་འགྲུབ་ཐབས་བྱ་དགོས་པའི་སྐུལ་མ་བཅས་ཀྱང་གནང་ཡོད། གཞི་རྩའི་ལས་རིམ་དེའི་སྐབས།   ལྡི་ལི་གཙུག་ལག་སློབ་གྲྭ་ཆེན་མོའི་ལོ་རྒྱུས་སློབ་དཔོན་ Professor Amar Jiva Lochan  མཆོག་དང་།  ལྡི་ལི་གཙུག་ལག་སློབ་གྲྭའི་འཛིན་སྐྱོང་སྡེ་ཚན་གྱི་སློབ་དཔོན་དང་དོ་དམ་པ་ Professor A Venkat Raman   དེ་བཞིན་ Sri Venkateswar མཐོ་རིམ་སློབ་གྲྭའི་སློབ་སྤྱི་ Professor Vajala Ravi བཅས་ནས་ཀྱང་༸གོང་ས་༸སྐྱབས་མགོན་ཆེན་པོའི་ཐུགས་བསྐྱེད་དམ་བཅའ་བཞི་དང་འབྲེལ་བའི་གསུངས་བཤད་གནང་སོང་།    The post ཀུན་ཁྱབ་བཟང་སྤྱོད་ནི་འགྲོ་བ་མིའི་འཚོ་གནས་ལྟ་བུ་ཡིན་པ་གསུངས་སོང་། appeared first on vot.

ཨ་རུ་ན་ཅལ་མངའ་སྡེའི་སྤྱི་ཁྱབ་བློན་ཆེན་པདྨ་མཁའ་འགྲོ་མཆོག་གིས་གསར་དུ་བཞེངས་པའི་ཚ་རི་སྟག་སེང་དགའ་བྱང་བཤད་སྒྲུབ་དར་རྒྱས་གླིང་དགོན་པ་དབུ་འབྱེད་གནང་འདུག དེ་ཡང་ཁ་སང་རྒྱ་གར་ཨ་རུ་ན་ཅལ་མངའ་སྡེའི་རྡ་སྟེང་དུ། བྷན་སི་རི་རྫོང་ཁོངས་ཀྱི་ཚ་རི་སྟག་སེང་ས་གནས་སུ་སྟག་སེང་དགའ་བྱང་བཤད་སྒྲུབ་དར་རྒྱས་གླིང་དགོན་པ་གསར་བཞེངས་ལེགས་པར་གྲུབ་པ་དང་བསྟུན། དབུ་འབྱེད་ཀྱི་མཛད་སྒོ་ཞིག་འཚོགས་གནང་འདུག་པ་དང་། སྐབས་དེར་མཛད་སྒོའི་ཐོག་ཨ་རུ་ན་ཅལ་མངའ་སྡེའི་སྤྱི་ཁྱབ་བློན་ཆེན་པདྨ་མཁའ་འགྲོ་མཆོག་གཙོས་པའི་དགའ་ལྡན་བྱང་རྩེའི་མཁན་རིན་པོ་ཆེ་འཇིགས་མེད་ལམ་བཟང་མཆོག་དང་། དགོན་པ་འདི་གའི་མཁན་པོ་གསར་པ་དགའ་ལྡན་བྱང་རྩེ་ཐོས་བསམ་ནོར་གླིང་གྲྭ་ཚང་གི་གོ་བོ་ཨ་ཀ་སྤྲུལ་སྐུ་ཚེ་རིང་ཆེ་རྒྱས་མཆོག གཞན་སྐུ་མགྲོན་ཁག་ཅིག དེ་བཞིན་དགེ་འདུན་པ་དང་ས་གནས་མི་མང་བཅས་མཉམ་ཞུགས་གནང་འདུག མཛད་སྒོ་གྲུབ་མཚམས་སུ་ཨ་རུ་ན་ཅལ་མངའ་སྡེའི་སྤྱི་ཁྱབ་བློན་ཆེན་པདྨ་མཁའ་འགྲོ་མཆོག་གིས། ད་ལན་ཨ་རུ་ན་ཅལ་མངའ་སྡེའི་ནང་སྟག་སེང་དགོན་པ་གསར་དུ་བཞེངས་གྲུབ་པས་སེམས་ལ་དགའ་ཚོར་ཆེན་པོ་བྱུང་ཞེས་དང་། ས་གནས་ཀྱི་མི་མང་རྣམས་ནང་པའི་ཆོས་ལ་ཉམས་སུ་ལེན་མཁན་ཤ་སྟག་ཡིན་ཡང་། ལོ་མང་རིང་ཁོང་རྣམས་ལ་ཚད་ལྡན་གྱི་དགོན་པ་ཞིག་མེད་པ་མ་ཟད། ད་ལན་དགོན་པ་ཞིག་གསར་དུ་བཞེངས་ཐུབ་པ་དེས་ས་གནས་ཀྱི་ཆོས་དང་རིག་གཞུང་སོགས་དར་སྤེལ་ཡོང་སླད་ཕན་ཐོགས་ཆེན་པོ་བྱུང་གི་རེད་ཅེས་གསུངས་འདུག མ་ཟད་སྤྱི་ཁྱབ་བློན་ཆེན་པདྨ་མཁའ་འགྲོ་མཆོག་གིས་སྤྱི་ཚོགས་དྲྭ་ལམ་བརྒྱུད་དགོན་པ་གསར་བཞེངས་ཆེད་དུ་ཞལ་འདེབས་ཕུལ་མཁན་རྣམས་དང་། ཐུགས་སྨོན་གནང་མཁན། དེ་བཞིན་དགོན་པ་གསར་བཞེངས་ཀྱི་ཐོག་ལ་དངོས་ཤུགས་བརྒྱུད་གསུམ་ནས་ཕྱག་ལས་དང་རོགས་རམ་གནང་མཁན་ཡོངས་ལ་ཐུགས་རྗེ་ཆེ་ཞུ་གནང་བ་མ་ཟད། སྟག་སེང་དགའ་བྱང་བཤད་སྒྲུབ་དར་རྒྱས་གླིང་དགོན་པ་དེས་ས་གནས་ཀྱི་ཡུལ་སྐོར་སྤྲོ་འཆམ་གྱི་གནས་བབ་ལ་ཡར་རྒྱས་ཡོང་རྒྱུ་ཙམ་མ་ཟད། ཆོས་དང་རིག་གཞུང་དར་སྤེལ་ཡོང་སླད་དོན་སྙིང་ལྡན་པའི་ལམ་ཁ་ཞིག་བསྐྲུན་ཐུབ་ཀྱི་རེད་ཅེས་བརྗོད་འདུག རྩ་བའི་སྟག་སེང་དགའ་བྱང་བཤད་སྒྲུབ་དར་རྒྱས་གླིང་དགོན་པ་དེ་ཉིད་རྒྱ་གར་ལྷོ་ཕྱོགས་སུ་རྟེན་གཞི་བྱས་པའི་དགའ་ལྡན་རྣམ་པར་རྒྱལ་བའི་གླིང་གི་ཡན་ལག་གི་དགོན་པ་ཞིག་ཆགས་ཀྱི་ཡོད་པ་དང་འབྲེལ། ཟླ་སྔོན་མའི་ཚེས་ ༢༨ ཉིན་དགའ་ལྡན་རྣམ་པར་རྒྱལ་བའི་གླིང་གྲྭ་ཚང་གི་གོ་བོ་ཨ་ཀ་སྤྲུལ་སྐུ་ཚེ་རིང་ཆེ་རྒྱས་མཆོག་ལ་གསར་དུ་བཞེངས་གྲུབ་པའི་དགོན་པ་དེ་ཉིད་ཀྱི་སྐྱབས་གནས་མཁན་རིན་པོ་མཆོག་གི་ཕྱག་རྟགས་མཛད་གནང་ཡོད་པ་རེད། The post ཨ་རུ་ན་ཅལ་མངའ་སྡེའི་སྤྱི་ཁྱབ་བློན་ཆེན་པདྨ་མཁའ་འགྲོ་མཆོག་གིས་སྟག་སེང་དགའ་བྱང་བཤད་སྒྲུབ་དར་རྒྱས་གླིང་དགོན་པ་དབུ་འབྱེད་གནང་བ། appeared first on vot.

༸གོང་ས་༸སྐྱབས་མགོན་ཆེན་པོ་མཆོག་གི་གཅེན་པོ་དམ་པ་བཀའ་བློན་ཁྲི་ཟུར་རྒྱལ་ལོ་དོན་གྲུབ་མཆོག་སྐུ་གཤེགས་ནས་ལོ་གཅིག་འཁོར་བ་དང་བསྟུན། ཁ་སང་བཞུགས་སྒར་ཁུལ་དུ་མཆོད་འབུལ་སྨོན་ལམ་དང་། དཔེ་དེབ་དབུ་འབྱེད། དེ་བཞིན་མཁས་པའི་བགྲོ་གླེང་བཅས་ཀྱི་ཐོག་ནས་དུས་དྲན་སྲུང་བརྩི་ཞུས་སོང་། དེ་ཡང་ཁ་སང་ཚེས་ ༨ ཉིན་གྱི་སྔ་དྲོ་ཆུ་ཚོད་ ༩ ཐོག་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་ཆོལ་ཁ་གསུམ་གྱི་དབུས་སྤྱི་ཁྱབ་རྒྱུན་ལས་ཁང་སོགས་རྡ་རམ་ས་ལར་རྟེན་གཞི་བྱས་པའི་གཞུང་འབྲེལ་མ་ཡིན་པའི་ཚོགས་པ་དྲུག་གི་གོ་སྒྲིག་འོག བོད་བསྟན་སྲིད་མི་རིགས་ཆེད་བཀྲིན་ཅན་གྱི་༸སྐུའི་གཅེན་པོ་རྒྱལ་ལོ་དོན་གྲུབ་མཆོག་གི་དགོངས་རྫོགས་མཆོད་འབུལ་སྨོན་ལམ་དང་། གསུངས་ཚོགས་བཅས་ཚོགས་ཡོད་པ་དང་འབྲེལ། སྐབས་དེར་གམ་བཅར་རྣམ་གྲྭ་ཕན་བདེ་ལེགས་བཤད་གླིང་གི་དགེ་འདུན་རྣམ་པ་དང་། ས་གནས་ཀྱི་མི་མང་སོགས་མཉམ་ཞུགས་གནང་སོང་། དེ་བཞིན་སྔ་དྲོ་ཆུ་ཚོད་ ༡༠ ཐོག་༸སྐུའི་གཅེན་པོ་དམ་པ་རྒྱལ་ལོ་དོན་གྲུབ་མཆོག་གི་རྗེས་དྲན་གོ་སྒྲིག་ཚོགས་ཆུང་ནས། གངས་ཅན་སྐྱིད་གཤོངས་ཀྱི་སྤྱི་ཐབ་ཚོགས་ཁང་དུ། སྐུ་མགྲོན་གཙོ་བོ་བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་གིས་དབུས་པའི་ཚོགས་གཞོན་སྒྲོལ་མ་ཚེ་རིང་མཆོག བདེ་སྲུང་བཀའ་བློན་རྒྱ་རི་སྒྲོལ་མ་མཆོག དགའ་ལྡན་ཕོ་བྲང་གི་༸སྐུའི་གསུང་འབུམ་ཞུ་སྒྲིག་པ་དགེ་བཤེས་རོང་པོ་བློ་བཟང་སྙན་གྲགས་ལགས། དེ་བཞིན་ཁྲིམས་ཞིབ་པ་གཞན་གཉིས། སྐུ་མགྲོན་གཞན་དང་མང་ཚོགས་བཅས་ལྷན་ཞུགས་ཐོག་སྒང་པ་བོད་ཀྱི་རྒྱལ་གཅེས་དཔའ་བོ་ཆེན་པོ་ལྷ་སྲས་རྒྱལ་ལོ་དོན་གྲུབ་ཅེས་པའི་དཔེ་དེབ་དབུ་འབྱེད་གནང་སོང་། སྐབས་དེར་བོད་མིའི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་གིས། ༸སྐུའི་གཅེན་པ་རྒྱལ་ལོ་དོན་གྲུབ་མཆོག་གིས་བོད་ས་མ་ཤོར་བའི་གོང་ར་སྒྲེང་རིན་པོ་ཆེ་དང་། སྟག་བྲག་རིན་པོ་ཆེ་གཉིས་ཀྱི་རྩོད་རྙོག་སྡུག་རུ་མ་འགྲོ་བའི་ཆེད་དུ་ཕྱག་ལས་ཡག་པོ་གནང་ཡོད་པ་མ་ཟད། ཕྱིས་སུ་བཙན་བྱོལ་དུ་བོད་མིའི་སྒྲིག་འཛུགས་གཙོས་པའི་ཕྱི་འབྲེལ་གྱི་ལས་དོན་སོགས་ལ་བྱས་རྗེས་ལྡན་པའི་ཕྱག་ལས་གནང་ཡོད་པ་རེད་ཅེས་སོགས་གསུངས་སོང་། གནད་དོན་དེ་འབྲེལ་འདི་ག་རླུང་འཕྲིན་ཁང་གིས་སྒང་པ་བོད་ཀྱི་རྒྱལ་གཅེས་དཔའ་བོ་ཆེན་པ་ལྷ་སྲས་རྒྱལ་ལོ་དོན་གྲུབ་ཅེས་པའི་དཔེ་དེབ་ཀྱི་རྩོམ་སྒྲིག་འགན་འཁུར་བ་རྩོམ་པ་པོ་ཤེས་རབ་དར་རྒྱས་ལགས་སུ་བཀའ་འདྲི་ཞུས་པར་ཁོང་གིས། ད་ལན་གྱི་དཔེ་དེབ་འདི་གཙོ་བོ་༸སྐུའི་གཅེན་པོ་དམ་པ་རྒྱལ་ལོ་དོན་གྲུབ་མཆོག་སྐུ་གཤེགས་ནས་ལོ་ངོ་ཧྲིལ་པོ་གཅིག་འཁོར་བའི་རྗེས་དྲན་གྱི་ཆེད་དུ་པར་སྐྲུན་གནང་བ་ཞིག་ཡིན་པ་མ་ཟད། དུས་རྒྱུན་གྱི་དཔེ་དེབ་དང་མི་འདྲ་བར་རྩོམ་པ་པོ་དང་ཉམས་ཞིབ་པ་ཁག་ཅིག་གིས་མཉམ་རུབ་ཐོག་ནས་བརྩམས་པ་ཞིག་རེད་ཅེས་གསུངས་སོང་། དེ་བཞིན་ཉིན་རྒྱབ་ཕྱག་ཚོད་ ༢ པའི་ཐོག་༸སྐུའི་གཅེན་པོ་དམ་པ་རྒྱལ་ལོ་དོན་གྲུབ་མཆོག་དང་འབྲེལ་བའི་མཁས་པའི་བགྲོ་གླེང་ཞིག་བསྐོང་ཚོགས་གནང་སོང་བ་དང་སྦྲགས། སྐབས་དེར་ཝཱ་ཎ་དབུས་བོད་ཀྱི་ཆེས་མཐོའི་གཙུག་ལག་སློབ་གཉེར་ཁང་གི་ལོ་རྒྱུས་སློབ་དཔོན་ཆེན་མོ་བྱམས་པ་བསམ་གཏན་ལགས་དང་། བོད་ཀྱི་སྲིད་བྱུས་ཉམས་ཞིབ་ཁང་གི་འགན་འཛིན་ཟུར་པ་ཟླ་བ་ཚེ་རིང་ལགས་གཉིས་གཙོས་པའི་དོན་གཉེར་ཅན་རྣམས་ནས་མཉམ་ཞུགས་གནང་ཡོད་པ་རེད། སྐབས་དེར་ཟླ་བ་ཚེ་རིང་ལགས་ཀྱིས་བོད་ས་ཤོར་བའི་རྗེས་སུ་རྒྱ་གར་ནང་བོད་ཀྱི་སྐུ་དྲག་དང་འབྱོར་ལྡན་པ་མང་པོ་ཡོད་ཀྱང་། བོད་ཀྱི་ཆེད་དུ་ཡར་རྒྱུགས་མར་རྒྱུགས་གནང་མཁན་ནི་༸སྐུའི་གཅེན་པོ་རྒྱལ་ལོ་དོན་གྲུབ་ཁོ་ན་རེད་ཅེས་གསུངས་སོང་། རྩ་བའི་ཕྱི་ལོ་ ༢༠༢༥ ཟླ་ ༢ ཚེས་ ༨ ཉིན་༸སྐུའི་གཅེན་པོ་རྒྱལ་ལོ་དོན་གྲུབ་མཆོག་ཀ་ལིམ་པོང་དུ་ཡོད་པའི་རང་ཤག་སྟག་འཚེར་ཁྱིམ་ཚང་དུ་སྐུ་གཤེགས་པ་དང་འབྲེལ། ཁ་ཉིན་ཚེས་ ༧ ཉིན་༸སྐུའི་གཅེན་པོ་རྒྱལ་ལོ་དོན་གྲུབ་མཆོག་སྐུ་གཤེགས་ནས་ལོ་ངོ་ཧྲིལ་པོ་གཅིག་འཁོར་བའི་ཉིན་མོ་དང་བསྟུན། ཉིན་གྲངས་གསུམ་རིང་འབྲས་སྤུངས་བཀྲ་ཤིས་སྒོ་མང་གྲྭ་ཚང་གི་འདུ་ཁང་འོག་དུ་ཡོད་པའི་ཆོས་གྲྭར་༸སྐུ་མདུན་གྱི་མཛད་པ་བརྗོད་པའི་སྐུ་པར་འགྲེམས་སྟོན་ཆེན་མོ་ཞིག་གནང་ཡོད་པ་རེད། The post ༸སྐུའི་གཅེན་པོ་དམ་པ་རྒྱལ་ལོ་དོན་གྲུབ་མཆོག་སྐུ་གཤེགས་ནས་ལོ་ངོ་གཅིག་འཁོར་བའི་དུས་དྲན་སྲུང་བརྩི། appeared first on vot.

བོད་ཀྱི་གསུམ་བཅུའི་དུས་དྲན་ཐེངས་ ༦༧ སླེབས་ལ་ཉེ་བ་དང་བསྟུན། དེ་རིང་ཕྱི་ཚེས་ ༤ ཉིན་ཐའེ་ཝན་ནང་བོད་རང་དབང་རྐང་འཁོར་སྐོར་སྐྱོད་ཞེས་པའི་ལས་འགུལ་དབུ་འཛུགས་གནང་འདུག དེ་ཡང་དེ་རིང་བོད་དང་ཐའེ་ཝན་འགྲོ་བ་མིའི་ཐོབ་ཐང་གིས་གོ་སྒྲིག་འོག  ཐའེ་ཝན་གྲོས་ཚོགས་ལྷན་ཁང་མདུན་དུ།  Cycling  for a Free Tibet འམ་བོད་རང་དབང་ཆེད་དུ་རྐང་འཁོར་སྐོར་སྐྱོད་ཀྱི་ལས་འགུལ་འགོ་འཛུགས་གནང་བ་དང་།  སྐབས་དེར་ཐའེ་ཝན་གྲོས་ཚོགས་འཐུས་མི་ CHEN Pei-yu ལགས་དང་། ཐའེ་ཝན་ Keelung  ས་གནས་གྲོས་ཚོགས་འཐུས་མི་ CHANG Chih-hao ལགས། དེ་བཞིན་ཐའེ་ཝན་སྐུ་ཚབ་དོན་གཅོད་འབའ་བ་སྐལ་བཟང་རྒྱལ་མཚན་ལགས། གཞན་ཡང་  Taiwan Association for Human Rights འམ་ཐའེ་ཝན་འགྲོ་བ་མིའི་ཐོབ་ཐང་ཚོགས་པ་སོགས་ཀྱི་གཞུང་འབྲེལ་མ་ཡིན་པའི་ཚོགས་པའི་སྐུ་ཚབ་ཁག་གཅིག་ལྷན་ཞུགས་གནང་འདུག རྩ་བའི་ཐའེ་ཝན་ནང་ཕྱི་ལོ་  ༢༠༡༡ ནས་བཟུང་ལོ་ལྟར་བོད་མིའི་རང་དབང་སྒེར་ལངས་གསུམ་བཅུའི་དུས་དྲན་སྲུང་བརྩི་ཞུ་ཉེའི་ཟླ་བ་གཅིག་གི་སྔོན་ཚུད་ནས་རེས་གཟའ་ལྷག་པ་ནམ་ཡིན་ལ་བོད་དོན་དྲིལ་བསྒྲགས་རྐང་འཁོར་སྐོར་སྐྱོད་ཀྱི་ལས་འགུལ་སྤེལ་སྲོལ་ཡོད་པ་དང་། ལས་འགུལ་དེའི་ཐོག་མའི་དམིགས་ཡུལ་ནི། ཐའེ་ཝན་ནང་གི་རྒྱ་རིགས་ཡུལ་སྐོར་སྤྲོ་འཆམ་པ་དང་སློབ་མ་སོགས་ལ་རྒྱ་ནག་གི་གདུག་རྩུབ་འོག་གཞིས་ལུས་རྒྱ་ཆེ་མི་མང་ལ་རང་དབང་མེད་པ་དང་བོད་ནང་གི་ཛ་དྲག་གནས་སྟངས་ངོ་སྤྲོད་དང་འབྲེལ། བོད་མིའི་སྒྲིག་འཛུགས་ཀྱི་སྲིད་བྱུས་སོགས་མདོར་ན་བོད་དོན་དྲིལ་བསྒྲགས་ཀྱི་ལས་འགུལ་ཞིག་ཆགས་ཀྱི་ཡོད་པ་རེད།   བོད་དང་ཐའེ་ཝན་འགྲོ་བ་མིའི་ཐོབ་ཐང་གསར་འཛུགས་གནང་མཁན་དང་ཚོགས་པའི་དྲུང་ཆེ་བཀྲ་ཤིས་ཚེ་རིང་ལགས་ཀྱིས་འདི་ག་རླུང་འཕྲིན་ཁང་ལ་འགྲེལ་བརྗོད་གནང་དོན་དུ།  སྤྱིར་མང་ཚོགས་ནས་ལོ་ལྟར་སྤེལ་བཞིན་པའི་ལས་འགུལ་དེར་དོ་སྣང་ཆེན་པོ་གནང་བཞིན་ཡོད་པ་དང་། མ་ཟད་འདི་ལོ་དམིགས་བསལ་གྱི་གཞོན་སྐྱེས་མང་པོས་ལས་འགུལ་དེའི་ཐོག་མཉམ་ཞུགས་གནང་ཡོད་སྐོར་འགྲེལ་བརྗོད་དང་། ཐའེ་ཝན་ནང་ལས་འགུལ་གང་འདྲ་ཞིག་སྤེལ་ཀྱང་རྒྱ་ཡིག་དང་རྒྱ་སྐད་བཀོལ་སྤྱོད་བྱེད་དགོས་ཀྱི་ཡོད་སྟབས། ད་བར་སྤེལ་བའི་ལས་འགུལ་རྣམས་ལམ་ལྷོང་ཡག་པོ་བྱུང་ཡོད་པ་དང་མ་འོངས་མུ་མཐུད་དེ་ལྟར་ལས་འགུལ་སྤེལ་ངེས་ཡིན་སྐོར་འགྲེལ་བརྗོད་གནང་བྱུང་། མ་ཟད་ཁོང་གིས་ཕྱིའི་རྒྱལ་ཁབ་ཁག་ཏུ་གནས་བཞུགས་བོད་མི་ཡོངས་ལ་བོད་མིའི་རང་དབང་སྒེར་ལངས་གསུམ་བཅུའི་དུས་དྲན་སླེབས་ལ་ཉེ་སྟབས། ད་ལྟའི་ཆར་རྒྱལ་སྤྱིའི་སྡིངས་ཆའི་སྟེང་བོད་པའི་འཐབ་རྩོད་ནུས་པ་དེ་གོང་འཕེལ་གཏང་དགོས་ན་བོད་མི་མི་རེ་ངོ་རེ་ནས་དེའི་ཐོག་ཤུགས་སྣོན་རྒྱག་རྒྱུ་གལ་ཆེན་ཡིན་ཞེས་གསུངས་སོང་། The post ཐའེ་ཝན་ནང་བོད་དོན་དྲིལ་བསྒྲགས་ཀྱི་རྐང་འཁོར་སྐོར་སྐྱོད་ལས་འགུལ་དབུ་འཛུགས། appeared first on vot.

ཟླ་བ་འདིའི་ཚེས་ ༡ ཉིན་རྒྱལ་སྤྱིའི་ཡུལ་གྲུ་འདྲ་མིན་ ༢༧ ནང་གི་བཙན་བྱོལ་བོད་མི་རྣམས་ཀྱིས་ ༢༠༢༦ ལོའི་སྲིད་སྤྱི་གཉིས་ཀྱི་སྔོན་འགྲོའི་འོས་བསྡུའི་ནང་ཆ་ཤས་བླངས་ཡོད་པ་དང་། དེ་རིང་ནས་ས་གནས་འོས་བསྡུ་ལས་ཁང་སོ་སོས་འོས་བསྡུའི་གྲངས་བཤེར་ཕྱོགས་བསྡོམས་གནང་འགོ་ཚུགས་ཀྱི་ཡོད་པ་རེད། འདི་ག་རླུང་འཕྲིན་ཁང་གི་གསར་འགོད་པ་རྣམ་པས་སྔོན་འགྲོའི་འོས་བསྡུའི་ཉིན་འོས་འཕེན་པ་མང་དག་ཅིག་ལ་བཅར་འདྲི་ཞུ་སྐབས། དཀའ་ངལ་མང་དག་ཅིག་གླེང་མཁན་བྱུང་བའི་ཁོངས་ནས་མང་ཆེ་བས་སྤྱི་འཐུས་ཀྱི་འགེངས་ཤོག་ནང་སྤྱི་འཐུས་བཅུ་མ་ཟད། དེ་དག་གི་སྡོད་གནས་དང་ལས་གནས་སོགས་ཞིབ་ཕྲ་མང་དག་ཅིག་དགང་དགོས་པ་དེ་དཀའ་ངལ་ཆེན་པོ་ཞིག་ལ་ངོས་འཛིན་དང་བཅས་མ་འོངས་འགེངས་ཤོག་སྟབས་བདེ་པོ་བཟོ་དགོས་པ་གསུང་མཁན་བྱུང་ཡོད། དེའི་ཁྲོད་ད་ཆ་རྒྱ་གར་ལྷོ་ཕྱོགས་ནང་སྐུ་བཞུགས་གནང་བཞིན་པ་དང་། དེ་སྔ་ལོ་མང་རིང་གཞུང་ཞབས་དང་གསར་འགོད་པ་བཅས་གནང་སྟེ་རྒས་ཡོལ་ལ་ཕེབས་པའི་གཡུ་རྒྱལ་ལགས་ཀྱིས་སེམས་འཚབ་དང་བཅས། དེ་རིང་ཆེད་དུ་མངགས་ནས་འདི་ག་གསར་འགོད་པར་འབྲེལ་བ་གནང་སྟེ་དཀའ་ངལ་དེ་དག་གླེང་གནང་བ་མ་ཟད། འོས་འཕེན་པའི་གྲངས་འབོར་མང་བའི་རྒྱ་གར་ལྷོ་ཕྱོགས་ལྟ་བུར་མཚོན་ན།  སྤྱི་འཐུས་ཀྱི་འགེངས་ཤོག་ནང་མི་བཅུ་པོའི་མིང་ཙམ་མ་ཟད། དོན་ཚན་གཞན་མང་དག་ཅིག་དགང་དགོས་པ་དེ་དཀའ་ངལ་ཆེན་པོར་གྱུར་སྟེ་འོས་འཕེན་པ་ཁག་གཅིག་གིས་རང་ཉིད་ལ་འོས་གཞི་བཅུ་ཡོད་ཀྱང་ཉུང་ཤས་ལས་བཀང་མ་ཐུབ་པ་དང་། དེ་ལྟ་བུའི་དཀའ་ངལ་འཕྲོད་བྲིས་བསུབ་དེ་འདྲ་ཡོང་སྲིད་ཀྱང་འོས་བསྡུའི་སྒྲིག་གཞིའི་ནང་བྲིས་བསུབ་བཏང་ན་རྩིས་མེད་གཏོང་རྒྱུ་ཞེས་པ་ནི་དཀའ་ངལ་ཆེན་པོ་ཡིན་པ་གསུངས་སོང་། དེ་འབྲེལ་ཁོང་གིས་མ་འོངས་པར་སྔོན་འགྲོའི་འོས་བསྡུ་ཆེན་མོའི་སྐབས་འོས་གཞིར་བཞེངས་མཁན་རྣམས་ཀྱིས་སྔོན་ཚུད་ནས་དབུས་འོས་བསྡུ་ལས་ཁང་ལ་དེབ་སྐྱེལ་གནང་བ་དང་འབྲེལ་འོས་བསྡུ་ལས་ཁང་ནས་དོ་དག་སོ་སོར་ཨང་གྲངས་བགོས་ཐུབ་པ་ཡིན་ན། འོས་ཤོག་སྟབས་བདེ་རུ་འགྲོ་རྒྱུ་དང་། སྤྱི་འཐུས་ཀྱི་མིང་འབྲི་སྐབས་བྲིས་བསུབ་བྱུང་ན་འབྲེལ་ཡོད་འོས་གཞི་གཅིག་མ་གཏོགས་འོས་ཤོག་ཡོངས་རྫོགས་རྩིས་མེད་གཏང་རྒྱུ་མེད་པའི་འབོད་སྐུལ་གནང་གི་འདུག རྩ་བའི་རླུང་འཕྲིན་ཁང་གིས་ཐེངས་འདིའི་སྔོན་འགྲོའི་འོས་བསྡུ་ཆེན་མོ་དང་འབྲེལ་ནས་གནས་ཚུལ་རྒྱུས་ལོན་བྱེད་སྐབས། ཁག་ཅིག་གིས་སྲིད་སྐྱོང་དང་དབུས་གཙང་ཆོལ་ཁའི་འགེངས་ཤོག་གི་ཚོན་གཅིག་པར་སོང་འོས་སྒམ་ནང་བླུགས་སྐབས་འཁྲུག་ཉེན་ཆེ་བས་མ་འོངས་པར་ཚོན་མི་འདྲ་བ་དགོས་པ་དང་། དེ་བཞིན་འོས་ཤོག་ནང་དགང་དགོས་པའི་དོན་ཚན་བཞི་པོ་རྣམས་སྟབས་བདེ་པོ་བཟོ་དགོས་པ།  ཡིག་རྨོངས་དང་དམིགས་བསལ་དགོས་མཁོ་ཅན། དེ་བཞིན་ལོ་ན་བགྲེས་པ་རྣམས་ཀྱིས་འོས་འཕེན་སྐབས་སྡོད་གཅིག་ནང་མི་དང་ཡང་ན་ཡིད་ཆེས་བྱེད་སའི་མི་གཅིག་གི་རོགས་རམ་ལེན་ཆོག་གི་ཡོད་པ་ཁོ་ན་མ་ཡིན་པར་དོ་བདག་དཀའ་ངལ་ཡོད་རིགས་ལ་འོས་བསྡུ་ལས་ཁང་ནས་ཟུར་དུ་ཕྱག་རོགས་གནང་མཁན་ཞིག་དགོས་ངེས་ཡིན་པའི་གཞེན་སྐུལ་གནང་མཁན་བྱུང་སོང་བ་མ་ཟད། འོས་བསྡུའི་ས་ཚིགས་གཅིག་གི་ནང་མི་སྐྱ་ཞིག་གིས་རང་ཉིད་སྔགས་པ་ཡིན་སྐོར་བརྗོད་དེ་ཆོས་ལུགས་སྤྱི་འཐུས་ཀྱི་འགེངས་ཤོག་དགོས་པ་བཤད་སྟབས་དེ་འབྲེལ་དཀའ་ངལ་འཕྲད་པའང་བྱུང་ཡོད། The post སྔོན་འགྲོའི་འོས་བསྡུའི་གོང་ནས་འོས་གཞིར་བཞེངས་མཁན་རྣམས་དེབ་འགོད་ཀྱིས་ཨང་གྲངས་སྤྲོད་དགོས་པའི་ཞུ་འབོད། appeared first on vot.

ཁ་སང་དབུས་བོད་ཀྱི་གཞོན་ནུ་ལྷན་ཚོགས་ཀྱི་གོ་སྒྲིག་འོག་རྡ་ས་ས་གནས་འགོ་འཛིན་ཚོགས་ཁང་དུ། ༸པཎ་ཆེན་སྐུ་ཕྲེང་བཅུ་པ་ཆེན་པོ་མཆོག་དགོངས་པ་ཆོས་དབྱིངས་སུ་ཐིམས་ནས་ལོ་ངོ་ ༣༧ འཁོར་བའི་ཉིན་མོ་དང་བསྟུན། ༸པཎ་ཆེན་སྐུ་ཕྲེང་བཅུ་པ་ཆེན་པོ་མཆོག་ལ་བཀའ་དྲིན་རྗེས་དྲན་དང་བོད་ཀྱི་སྐད་ཡིག་ཉིན་མོ་སྲུང་བརྩིའི་མཛད་སྒོ་ཞིག་སྐོང་འཚོགས་གནང་སོང་། སྐབས་དེར་དབུས་བོད་ཀྱི་གཞོན་ནུ་ལྷན་ཚོགས་ཀྱི་སྤྱི་ཁྱབ་དྲུང་ཆེ་བསྟན་འཛིན་བློ་བཟང་ལགས་ཀྱི་གཙོ་སྐྱོང་འོག་སཱ་ར་བོད་ཀྱི་མཐོ་རིམ་སློབ་གཉེར་ཁང་གི་ལོ་རྒྱུས་སློབ་དཔོན་འབུམ་རམས་པ་གཙང་ཕྲུག་སྟོབས་ལགས་དང་། དགའ་ལྡན་ཕོ་བྲང་གི་ལས་བྱེད་འབུམ་རམས་པ་རོང་བོ་བློ་བཟང་སྙན་གྲགས་ལགས། བོད་ཀྱི་ཤེས་ཡོན་སློབ་གསོའི་སློབ་སྟོན་པ་དང་བོད་དོན་འཐབ་རྩོད་པ་འབུམ་རམས་པ་རྒྱལ་ལོ་ལགས། བོད་ཀྱི་དགུ་བཅུ་གསུམ་ལས་འགུལ་ཚོགས་པའི་ཚོགས་གཞོན་ངག་དབང་འོད་འབར་ལགས་ཀྱིས་བཅས་ཀྱིས་༸ཀུན་གཟིགས་༸པཎ་ཆེན་སྐུ་ཕྲེང་བཅུ་པ་ཆེན་པོ་མཆོག་གི་བོད་ཀྱི་ཆོས་དང་ཆབ་སྲིད། རིག་གནས་གསུམ་གྱི་ཐོག་མཛད་རྗེས་ཇི་ལྟར་བཞག་པའི་ཐོག་གསུང་བཤད་གནང་སོང་། དེའང་གཏམ་བཤད་པ་རྣམས་ཀྱིས་༸པཎ་ཆེན་རིན་པོ་ཆེ་སྐུ་ཕྲེང་བཅུ་པ་ཆེན་པོ་མཆོག་ནི་བོད་ལ་བཀའ་དྲིན་ཤིན་ཏུ་ཆེ་བའི་སྐྱེས་ཆེན་དམ་པ་ཞིག་ཡིན་པ་མ་ཟད། བོད་ཀྱི་སྐད་ཡིག་དང་ཆོས། རིག་གཞུང་། འཐབ་རྩོད། ཆབ་སྲིད་སོགས་ཀྱི་ཐོག་ལ་ཤིན་ཏུ་བཀའ་དྲིན་ཆེ་བའི་མི་སྣ་ཞིག་ཡིན་པ་ནན་བཤད་གནང་བ་མ་ཟད། རིན་པོ་ཆེ་དམ་པ་དེ་ཉིད་རྒྱ་ནག་གི་ཇི་ལྟར་བཀྲོངས་ཚུལ་བཅས་མངོན་གསལ་གནང་སོང་། མ་ཟད་སྐབས་དེར་སཱ་ར་བོད་ཀྱི་མཐོ་རིམ་སློབ་གཉེར་ཁང་གི་ལོ་རྒྱུས་སློབ་དཔོན་འབུམ་རམས་པ་གཙང་ཕྲུག་སྟོབས་ལགས་ཀྱིས། ཕྱི་ལོ་ ༡༩༨༩ ལོར་༸ཀུན་གཟིགས༸པཎ་ཆེན་རིན་པོ་ཆེ་མཆོག་གིས་བོད་ཡིག་སྦྱོང་རྒྱུ་ནི་རང་གི་མི་རིགས་ཀྱི་འོས་འགན་ཞིག་ཡིན་པས། ཕན་ཐོགས་རུང་མ་ཐོགས་རུང་ཅི་ནས་ཀྱང་བོད་ཡིག་སྦྱོང་དགོས། བོད་རིགས་ས་ཁུལ་དུ་བོད་སྐད་མི་ཤོད་པ་དང་བོད་ཡིག་མ་བཀོལ་ན། ས་འདི་ནས་བོད་རིགས་ཞེས་པའི་མི་རིགས་འདི་རང་ཤུགས་སུ་རྩ་མེད་འགྲོ་ངེས་ཡིན། དེར་བརྟེན་ཁྱོད་ཚོས་རང་མི་རིགས་གི་སྐད་ཡིག་དང་རིག་གནས་རྒྱུན་འཛིན་གོང་འཕེལ་གཏོང་རྒྱུ་དེ་བྱ་བ་གལ་ཆེན་ཞིག་ཏུ་བརྩི་དགོས་ཞེས་བཀའ་གནང་བ་ལུང་འདྲེན་དང་སྦྲགས། ༸པཎ་ཆེན་སྐུ་ཕྲེང་བཅུ་པ་ཆེན་པོའི་མཆོག་གིས་སྐུ་ཚེ་ཡོངས་རྫོགས་བོད་ཀྱི་ཆེད་དུ་གཏོང་བ་རེད་ཅེས་གསུངས་སོང་། མཛད་སྒོ་གྲུབ་མཚམས་སུ་འདི་ག་རླུང་འཕྲིན་ཁང་གིས་དབུས་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོ་ཚེ་རིང་ཆོས་འཕེལ་ལགས་སུ་བཅར་འདྲི་ཞུས་པར་ཁོང་གིས། བོད་ཀྱི་སྐད་ཡིག་ནི་བོད་མི་རིགས་ལ་གལ་འགངས་ཆེ་ཤོས་ཤིག་ཡིན་པ་མ་ཟད། བོད་ནང་གི་བོད་མི་ཚོར་རྒྱ་ནག་གཞུང་གིས་བཙན་དབང་གིས་རང་ཉིད་ཀྱི་སྐད་ཡིག་ལ་སློབ་སྦྱོང་གནང་རྒྱུའི་གོ་སྐབས་མེད་པ་བཟོ་བཞིན་པའི་གནས་སྟངས་ཤིག་ཡིན་སྟབས། བཙན་བྱོལ་ནང་དུ་བཞུགས་པའི་བོད་མི་རྣམས་ཀྱི་བོད་ཀྱི་སྐད་ཡིག་སོགས་ལ་བདག་ཉར་བྱེད་རྒྱུ་གལ་ཆེ་ཡིན་པ་གསུངས་གནང་སོང་། རྩ་བའི་༸པཎ་ཆེན་སྐུ་ཕྲེང་བཅུ་པ་ཆེན་པོ་མཆོག་ཕྱི་ལོ་ ༡༩༨༩ ཟླ་ ༡ ཚེས་ ༢༨ ཉིན་བོད་གཙང་བཀྲིས་ལྷུན་པོའི་གདན་ས་རུ་དགོངས་པ་ཆོས་དབྱིངས་སུ་ཐིམ་ཚུལ་བསྟན་པའི་གནས་སྟངས་བྱུང་ཡོད་པ་མ་ཟད། ༸པཎ་ཆེན་རིན་པོ་ཆེ་མཆོག་གི་སྐུ་ཚེ་ཡོངས་རྫོགས་བོད་ཀྱི་ཆོས་དང་རིག་གཞུང་། སྐད་ཡིག་སོགས་ཀྱི་ཆེད་དུ་གཏོང་བར་བརྟེན། དབུས་བོད་ཀྱི་གཞོན་ནུ་ལྷན་ཚོགས་ཀྱི་འགན་འཛིན་ལྷན་ཚོགས་ཐེངས་ ༤༨ པའི་གྲོས་གཞི་དོན་ཚན་ ༤ པ་ག་པའི་གྲོས་ཆོད་དང་པོའི་ནང་བོད་ཕྱི་ནང་གི་རྒྱལ་སྤྱི་དཔའ་བོ་དཔའ་མོ་ཚོའི་མངོན་འདོད་གྲུབ་ཆེད་དུ་གཞོན་ནུ་དབུས་སྤྱི་ཁྱབ་རྒྱུན་ལས་ཁང་ནས། ཉམས་ཞིབ་ཚོགས་ཆུང་ཞིག་ཆེད་འཛུགས་ཀྱིས། བོད་རྒྱལ་ཁབ་དང་མི་རིགས་ཀྱི་བླ་སྲོག་ཏུ་གྲུབ་པའི་བོད་ཀྱི་སྐད་ཡིག་ཉིན་མོ་ཞིག་གཏན་འབེབས་དང་། འདི་ཉིན་ས་གནས་གཞོན་ནུ་ཁག་ནས་བོད་ཀྱི་སྐད་ཡིག་མི་ཉམས་རྒྱུན་འཛིན་དང་ཉམས་པ་སླར་གསོའི་ཆེད་དུ་ལས་འགུལ་སྤེལ་ཏེ། ཡོངས་ཁྱབ་སྲུང་བརྩི་བྱ་རྒྱུ་ཞེས་ཡོངས་ཁྱབ་གཏན་འབེབས་བྱུང་དོན་ལྟར། ཕྱི་ལོ་ ༢༠༡༨ ལོའི་འགན་འཛིན་ལྷན་ཚོགས་ཐེངས་ ༤༩ པས་༸ཀུན་གཟིགས་༸པཎ་ཆེན་སྐུ་ཕྲེང་བཅུ་པ་རིན་པོ་ཆེ་མཆོག་གིས་བོད་ཀྱི་སྐད་ཡིག་དང་རིག་གཞུང་ཆགས་འཇིག་དང་གཉན་ཕྲང་གི་དུས་སྐབས་དེར་བོད་ཀྱི་སྐད་ཡིག་སྦྱོང་སྤྱོད་སྤེལ་གསུམ་ལ་རླབས་ཆེན་གྱི་མཛད་རྗེས་འཇོག་གནང་མཛད་མཁན་གྱི་སྐྱེས་བུ་དམ་པ་ཞིག་ཡིན་པར་བརྟེན། ལོ་ལྟར་ཟླ་ ༡ ཚེས་ […] The post ༸པཎ་ཆེན་སྐུ་ཕྲེང་བཅུ་པ་ཆེན་པོ་མཆོག་གི་བཀའ་དྲིན་རྗེས་དྲན་དང་བོད་ཀྱི་སྐད་ཡིག་ཉིན་མོ་སྲུང་བརྩི། appeared first on vot.

དེ་རིང་དབུས་འོས་བསྡུ་ལས་ཁང་ནས་ཕྱི་ལོ་ ༢༠༢༥།༢༦ ལོའི་སྲིད་སྤྱི་གཉིས་ཀྱི་འོས་བསྡུ་ཆེན་མོའི་ལས་དོན་དང་འབྲེལ་བའི་གསར་འགོད་ལྷན་ཚོགས་ཐེངས་གསུམ་པ་སྐོང་འཚོགས་གནང་སྟེ་སྦེལ་ཀོབ་ལུགས་བསམ་གཞིས་མི་ངག་དབང་བློ་གྲོས་སམ་སྨན་པ་རྟ་རར་གཞུང་འབྲེལ་གདམ་བྱ་འདེམ་བྱེད་ཀྱི་ཐོབ་ཐང་ཕྲོག་པ་དང་། གཞན་ཡང་གནས་ཆུང་སྐུ་ཞབས་རྡོ་རྗེ་ལགས་དང་སྲིད་སྐྱོང་འོས་མི་དབུ་དཀར་ཚང་སྐལ་བཟང་རྡོ་རྗེ་ལགས་གཉིས་སུ་ཉེན་བརྡ་བཏང་ཡོད་པའི་གསལ་བསྒྲགས་སྤེལ་སོང་། དེ་ཡང་དེ་རིང་སྔ་དྲོ་ཆུ་ཚོད་ ༡༡ ཐོག་ཕྱི་དྲིལ་ལྷག་པ་ཚེ་རིང་དྲན་རྟེན་ཚོགས་ཁང་ནང་དུ། དབུས་འོས་བསྡུའི་སྤྱི་ཁྱབ་འགན་འཛིན་བློ་བཟང་ཡེ་ཤེས་ལགས་དང་འགན་འཛིན་ལས་འཕར་སྤྱི་ཟུར་ཚེ་རིང་གཡུ་སྒྲོན་ལགས།  དེ་བཞིན་དྲུང་ཆེ་ཟུར་པ་སྣང་ས་ཆོས་སྒྲོན་ལགས་བཅས་དབུ་བཞུགས་ཐོག་གསར་འགོད་ལྷན་ཚོགས་ཤིག་སྐོང་འཚོགས་དང་འབྲེལ། ད་ལན་སྲིད་སྤྱི་གཉིས་ཀྱི་འོས་བསྡུ་ཆེན་མོ་འདི་བཞིན་རྒྱལ་ཁབ་ ༢༧ ནང་ས་གནས་འོས་བསྡུ་ལས་ཁང་ ༨༧ འོག་འོས་བསྡུ་བྱ་ཡུལ་གྱི་སྡེ་ཚན་གྲངས་ ༣༠༩ ཚོགས་ཆུང་དང་། ལས་བྱེད་ཁྱོན་གྲངས་ ༡༧༣༧ སུད་ཚོང་ཁག་གྲངས་ ༣༡ བཅས་སུ་སྔོན་འགྲོའི་འོས་བསྡུ་ལག་བསྟར་ཞུ་རྒྱུ་ཡིན་པ་གསུངས་སོང་། མ་ཟད་དེ་རིང་གི་གསར་འགོད་ལྷན་ཚོགས་ཐོག་དབུས་འོས་བསྡུ་འགན་འཛིན་དང་འགན་འཛིན་ལས་འཕར་རྣམ་པས་ཉེ་སྔོན་གདན་ས་ཆེན་པོ་དཔལ་ལྡན་འབྲས་དཀར་སྤུངས་པའི་བླ་སྤྱི་ནས་གཞུང་བསྟེན་དགྲ་ལྷ་གནས་ཆུང་ཆོས་རྒྱལ་ཆེན་པོའི་སྤྱན་འདྲེན་ཞུས་སྐབས་ཀྱི་བཀའ་ལུང་དང་འབྲེལ། སྐུ་ཞབས་རྡོ་རྗེ་ལགས་ཀྱིས་སྲིད་སྤྱི་གཉིས་ཀྱི་འོས་བསྡུའི་ལས་རིམ་འགྲོ་བཞིན་པའི་སྐབས་སུ་འཕྲོས་བཤད་ཀྱིས་ཆབ་སྲིད་དང་འབྲེལ་བའི་བཀའ་མོལ་མང་དག་གནང་རྐྱེན་བཙན་བྱོལ་བོད་མིའི་འོས་བསྡུའི་སྒྲིག་གཞི་དང་རྩ་འཛིན་ལམ་སྟོན་བཅས་འགལ་འཛོལ་བྱུང་བས་ཁོང་ལ་ཉེན་བརྡ་བཏང་ཡོད་པ་བཅས་ཀྱི་གསལ་བཤད་གནང་སོང་བ་དང་ཆབས་ཅིག དེ་བཞིན་སྦེལ་ཀོབ་ལུགས་བསམ་གཞིས་མི་ངག་དབང་བློ་གྲོས་སམ་སྨན་པ་རྟ་ར་ལགས་ཀྱིས་རང་གི་སྤྱི་ཚོགས་དྲ་རྒྱའི་ཐོག་སྐབས་ ༡༧ པའི་སྤྱི་འཐུས་ལྷ་རྒྱ་རྒྱ་རི་རྣམ་རྒྱལ་སྒྲོལ་དཀར་ལགས་སུ་སྒྲོ་བཏགས་དང་གཞི་མེད་སྐྱོན་འཛུགས་བྱེད་པར་འོས་བསྡུའི་སྒྲིག་གཞིར་འགལ་འཛོལ་བྱུང་བའི་ར་སྤྲོད་ཀྱིས་ལོ་བརྒྱད་རིང་གཞུང་འབྲེལ་གདམ་བྱ་འདེམས་བྱེད་ཀྱི་ཐོབ་ཐང་འཕྲོག་རྒྱུའི་ཐག་གཅོད་གནང་ཡོད་པ་གསུངས་སོང་། དེ་བཞིན་སྲིད་སྐྱོང་འོས་མི་ཨ་རི་སྐུ་ཚབ་དོན་གཅོད་ཟུར་པ་དབུ་དཀར་ཚང་སྐལ་བཟང་རྡོ་རྗེ་ལགས་ཀྱིས་སྲིད་སྐྱོང་གི་འོས་མིར་བཞེངས་རྒྱུའི་གསལ་བསྒྲགས་ཤིག་སྤེལ་སྐབས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དང་འབྲེལ་བའི་བཀའ་མོལ་གནང་ཕྱོགས་ཞིག་བཅའ་སྒྲིག་དགོངས་དོན་དང་འགལ་འཛོལ་གྱུར་ཉེན་ཡོད་པར་སླད་ཕྱིན་འདི་རིགས་མི་ཡོང་བའི་ཐུགས་གཟབ་གནང་དགོས་པའི་ཉེན་བརྡ་བཏང་ཡོད་པ་གསུངས་སོང་། དབུས་འོས་བསྡུ་ལས་ཁང་ངོས་ནས་ད་དུང་། སྔོན་འགྲོའི་འོས་བསྡུ་འདི་བཞིན་སླེབས་ལ་ཉེ་སྟབས་ས་གནས་འོས་བསྡུའི་ལས་ཁང་དང་སྲི་ཞུའི་ལས་བྱེད་རྣམ་པ། འོས་མི་རྣམ་པ་དང་གསར་འགྱུར་བརྒྱུད་ལམ་ཁག དེ་བཞིན་གཞུང་འབྲེལ་མ་ཡིན་པའི་ཚོགས་སྡེ་ཁག མང་ཚོགས་བཅས་ལ་འོས་བསྡུའི་སྐབས་བྱེད་སྒོ་ལམ་སྟོན་ཁག་ཅིག་བསྐྱར་ནན་དང་དེ་བཞིན་དབུས་འོས་བསྡུ་ལས་ཁང་ནས་རང་དབང་ལྡན་པའི་ཐོག་ལས་དོན་གྲུབ་ཀྱི་ཡོད་པ་མང་ཚོགས་ཀྱི་མཁྱེན་རྟོགས་སླད། དོན་ཚན་བདུན་ཅན་གྱི་གསལ་བཤད་ཅིག་གནང་སོང་བའི་ནང་དུ་། བོད་མིའི་སྒྲིག་འཛུགས་བདེ་སྲུང་ལས་ཁུངས་ཀྱི་གོ་སྒྲིག་འོག་རིང་མིན་ཕྱི་ཟླ་ ༢ ནང་བོད་རང་དབང་འཐབ་རྩོད་པའི་ལྷན་ཚོགས་ཞེས་པའི་བརྗོད་གཞིའི་ཐོག་གི་ཚོགས་འདུ་རྒྱས་འཛོམས་ཤིག་ཚོགས་གཏན་འཁེལ་ཡོད་པ་དེ་འོས་བསྡུའི་ལས་རིམ་འགྲོ་བཞིན་པའི་སྐབས་གནང་འོས་མ་མཆིས་པས་དངོས་གཞིའི་འོས་བསྡུ་མ་གྲུབ་བར་ཕར་འགྱངས་གནང་བ་བྱུང་ཡོད་ཅེས་སྙན་སེང་ཞུས་སོང་བ་མ་ཟད།  ད་ལྟའི་སྲིད་སྐྱོང་ལས་ཐོག་མཆོག་ནས་གཏན་འབེབས་ཟིན་པའི་འོས་བསྡུའི་ལས་རིམ་དེ་བཞིན་སྔ་སྣུར་ཡོང་བའི་དགོངས་འཆར་གནང་ཡོད་ཀྱང་དབུས་འོས་བསྡུ་ལས་ཁང་ནས་དེར་དང་ལེན་ཞུས་མེད་ཅིང་། ད་དུང་སྲིད་སྐྱོང་མཆོག་ལ་དེ་རིང་གི་གསར་འགོད་ལྷན་ཚོགས་དེའི་ཐོག་ནས་ལྡོག་ཏུ་མེད་པའི་ལས་དོན་ཁག་ཕུད་གཞུང་དོན་ཕྱོགས་བསྐྱོད་དང་རྒྱུན་ལྡན་མིན་པའི་གཞུང་འབྲེལ་མཛད་སྒོ་ཁག་དངོས་གཞིའི་འོས་བསྡུ་མ་གྲུབ་པའི་བར་ཕྱིར་འགྱངས་གནང་སྐྱོང་ཡོང་བའི་སྐུལ་འདེབས་ཞུ་རྒྱུ་ཡིན་པ་གསུངས་སོང་། The post སྦེལ་ཀོབ་ལུགས་བསམ་གཞིས་མི་གཅིག་ལ་གདམ་བྱ་འདེམ་བྱེད་ཀྱི་ཐོབ་ཐང་ཕྲོག་པ་དང་གཞན་ཞིག་ལ་ཉེན་བརྡ་བཏང་བ། appeared first on vot.

དེ་རིང་ཕྱི་ཟླ་ ༡ པོའི་ཚེས་ ༢༣ ཉིན་རྒྱ་གར་ལྷོ་ཕྱོགས་སྦེལ་ཀོབ་ཏུ་བཀའ་ཤག་སྐབས་ ༡༦ པའི་གཏན་འཇགས་འཐབ་བྱུས་འཆར་འགོད་ཚོགས་ཆུང་གི་ཚོགས་འདུ་ཐེངས་ ༨ འགོ་འཛུགས་གནང་འདུག དེ་ཡང་དེ་རིང་བོད་མིའི་སྒྲིག་འཛུགས་ཀྱི་དྲ་གནས་ཐོག་གནས་ཚུལ་སྤེལ་བར་གཞིགས་ན། ཐེངས་འདིའི་གཏན་འཇགས་འཐབ་བྱུས་འཆར་འགོད་ཚོགས་ཆུང་གི་ཚོགས་འདུ་འདི་བཞིན། དེ་རིང་ནས་འགོ་འཛུགས་ཀྱི་གནངས་ཚེས་ ༢༥ བར་ཉིན་གྲངས་ ༣ རིང་འཚོགས་རྒྱུ་ཡིན་པ་དང་། ཚོགས་འདུའི་ཐོག་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་གིས་དབུས་པའི་བདེ་སྲུང་བཀའ་བློན་རྒྱ་རི་སྒྲོལ་མ་མཆོག ཕྱི་དྲིལ་བཀའ་བློན་ནོར་འཛིན་སྒྲོལ་མ་མཆོག ཚོགས་ཆུང་གི་སློབ་སྟོན་པ་བཀའ་ཟུར་བསྟན་པ་ཚེ་རིང་ལགས། ༸གོང་ས་མཆོག་གི་དམིགས་བསལ་སྐུ་ཚབ་ཟུར་པ་སྐལ་བཟང་རྒྱལ་མཚན་ལགས། དམིགས་བསལ་གདན་ཞུས་དགའ་ལྡན་ཕོ་བྲང་གི་དྲུང་ཆེ་རྔ་བ་ཚེ་རྒྱམ་ལགས། དེ་བཞིན་བཀའ་ཤག་གི་ཆབ་སྲིད་དྲུང་ཆེ་བཀྲ་ཤིས་རྒྱ་མཚོ་ལགས། བདེ་སྲུང་དྲུང་ཆེ་ཀརྨ་རིན་ཆེན་ལགས། ཕྱི་དྲིལ་དྲུང་ཆེ་ཀརྨ་ཆོས་དབྱིངས་ལགས། བོད་ཀྱི་སྲིད་བྱུས་ཉམས་ཞིབ་ཁང་གི་འགན་འཛིན་ཟུར་པ་ཟླ་བ་ཚེ་རིང་ལགས་བཅས་གཏན་འཇགས་འཐབ་བྱུས་ཚོགས་ཆུང་གི་ཚོགས་མི་རྣམས་ལྷན་ཞུགས་གནང་འདུག གནད་དོན་དེའི་སྐོར་ཕྱི་དྲིལ་དྲུང་ཆེ་ཀརྨ་ཆོས་དབྱིངས་ལགས་སུ་བཀའ་འདྲི་ཞུས་ཡོད་པས་གོང་གི་སྒྲ་སྒམ་ནས་གསན་ཐུབ། The post གཏན་འཇགས་འཐབ་བྱུས་འཆར་འགོད་ཚོགས་ཆུང་གི་ཚོགས་འདུ་ཐེངས་ ༨ པ་སྦེལ་ཀོབ་ཏུ་དབུ་འཛུགས། appeared first on vot.

དབུས་བོད་ཀྱི་བུད་མེད་ལྷན་ཚོགས་ཀྱི་ངོས་ནས་རྒྱ་གར་གྱི་རྒྱལ་ས་ལྡི་ལིའི་ Press Club of India ཞེས་པར་གསར་འགོད་ལྷན་ཚོགས་ཤིག་བསྐྱངས་ཏེ།    ཁོང་ཚོའི་ངོས་ནས་རྒྱ་གར་གྱི་སྲིད་བློན་ མོ་ཌི་མཆོག་གི་དབུས་པའི་རྒྱལ་ས་ལྡི་ལིའི་ནང་རྟེན་གཞི་བྱས་པའི་ཕྱི་རྒྱལ་གཞུང་ཚབ་ཁག་སུམ་ཅུ་ཙམ་ལ་བོད་ནང་གི་ཛ་དྲག་ཁོར་ཡུག་གནས་སྟངས་དང་།   རྒྱ་གར་གཞུང་གི་ངོས་ནས་༸གོང་ས་༸སྐྱབས་མགོན་ཆེན་པོ་མཆོག་ལ་ཆེ་བསྟོད་ཀྱི་ Bharat Ratna འབུལ་བཞེས་གནང་དགོས་པ།   བོད་ནང་གི་འགྲོ་བ་མིའི་ཐོབ་ཐང་དང་ཆོས་དད་རང་དབང་སྲུང་སྐྱོབ་ཐུབ་ཐབས།  ཉེས་མེད་བོད་མིའི་ཆབ་སྲིད་བཙོན་པ་རྣམས་གློད་བཀྲོལ་ཡོང་ཐབས་དང་།  དབུ་མའི་ལམ་གི་ཐོག་ནས་བོད་དོན་བདེན་མཐའ་སེལ་བའི་ཐབས་ལམ་བསྐྲུན་ཐབས་ཡོང་བ་བཅས་ཀྱིས་དོན་ཚན་ལྔ་ཡོད་པའི་ཞུ་སྐུལ་གནང་འདུག གསར་འགོད་ལྷན་ཚོགས་དེའི་ཐོག་དབུས་བོད་ཀྱི་བུད་མེད་ལྷན་ཚོགས་ཀྱི་ཚོགས་གཙོ་ཚེ་རིང་སྒྲོལ་མ་ལགས་ཀྱི་དབྱིན་སྐད་དང་།    ཟུང་འབྲེལ་དྲུང་ཆེ་ཆོས་དབྱིངས་སྒྲོལ་མ་ལགས་ནས་ཧིན་རྡི་སྐད་ཡིག་སོ་སོར་འབོད་སྐུལ་དགོས་འདུན་དེ་དག་གསར་འགོད་པ་ཚོར་སྙན་སྒྲོན་དང་སྦྲགས།   རྒྱལ་སྤྱིའི་སྤྱི་ཚོགས་ཀྱི་ངོས་ནས་ཀྱང་ཛ་དྲག་གི་གནད་དོན་དེ་དག་ཐོག་རྒྱབ་སྐྱོར་གནང་དགོས་པའི་སྐུལ་མ་ཞུས་པ་མ་ཟད།   སྐབས་དེའི་གསར་འགོད་ལྷན་ཚོགས་ཐོག་ད་དུང་  Bharat Tibbat Samanvay Sangh ཞེས་བོད་དོན་རྒྱབ་སྐྱོར་ཚོགས་པའི་ཚོགས་གཙོ་ལྕམ་སྐུ་ Sandhya མཆོག་ནས་ཀྱང་རྒྱ་ནག་གཞུང་གི་ངོས་ནས་བོད་ནང་གི་བཅའ་སྡོད་སློབ་གྲྭའི་སྲིད་བྱུས་འོག་བོད་པའི་ངོ་བོ་རྩ་མེད་གཏོང་བའི་ཛ་དྲག་གི་སྲིད་བྱུས་དང་།  རྒྱ་གར་གཞུང་མང་གཉིས་ཀྱི་ངོས་ནས་༸གོང་ས་༸སྐྱབས་མགོན་ཆེན་པོ་མཆོག་ལ་ཆེ་བསྟོད་ཀྱི་གཟེངས་རྟགས་ཕུལ་དགོས་པ་སོགས་ཀྱི་གནད་དོན་ཡང་གླེང་སློང་གནང་སོང་། The post བུད་མེད་ལྷན་ཚོགས་ཀྱིས་རྒྱ་གར་སྲིད་བློན་དང་ཕྱི་རྒྱལ་གཞུང་ཚབ་སུམ་ཅུ་ཙམ་ལ་བོད་དོན་ཞུ་སྐུལ་གནང་འདུག appeared first on vot.

ཁ་སང་ཕྱི་ཟླ་ ༡ ཚེས་ ༢༡ ༸རྒྱལ་བའི་སྐུའི་བླ་གཟའ་དང་བསྟུན། ཁྲིག་སེ་ཤེས་རབ་སྐྱེད་ཚལ་གླིང་དཔེ་མཛོད་ཁང་དང་། ཤེས་ཡོན་བསྟི་གནས་ཁང་གི་གོ་སྒྲིག་འོག བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པ་མཆོག་དགུང་ལོ་དགུ་བཅུར་ཕེབས་པའི་བྱམས་བརྩེའི་ལོ་སྲུང་བརྩི་ཞུས་ཏེ། སློབ་ཕྲུག་ནང་ཁུལ་གཏམ་བཤད་དང་རི་མོའི་འགྲན་བསྡུར་གྱི་ལས་འགུལ་ཞིག་སྤེལ་སོང་།  རྩ་བའི་༸གོང་ས་མཆོག་གིས་དེ་སྔོན་ས་གནས་ཡུལ་མི་རྣམས་ནས་སོ་སོའི་དགོན་པར་ཞབས་འདེགས་གང་ཐུབ་ཞུས་ཡོད་པར། ད་ཆ་ཡུལ་མི་རྣམས་ཀྱི་བདེ་སྡུག་དང་ཤེས་ཡོན་སློབ་སྦྱོང་སོགས་ལ་དགོན་པའི་ངོས་ནས་ཞབས་འདེགས་ཞུ་དགོས་ཞེས་བཀའ་སློབ་ལམ་སྟོན་ཕེབས་པ་བཞིན། ༸སྐྱབས་རྗེ་ཁྲིག་སེ་རིན་པོ་ཆེས་གཙོས་པའི་ཁྲིག་སེ་ཤེས་རབ་སྐྱེད་ཚལ་གླིང་དཔེ་མཛོད་ཁང་དང་། ཤེས་ཡོན་བསྟི་གནས་ཁང་གི་ཚོགས་སྡེ་གཉིས་ནས། ས་ཁུལ་ ༡༢༠ ཙམ་ནས་སློབ་ཕྲུག་ ༣༥༠ ཙམ་ལ་དགུན་ཁའི་གུང་སེང་དང་བསྟུན།  རིན་མེད་ཐོག་ཟུར་ཁྲིད་ཉིན་ ༤༥ རིང་འཚོགས་བཞིན་ཡོད་ཅིང་། དེའི་ཁྲོད་ཉིན་དགུང་གི་ཞལ་ལག་དང་། སློབ་ཕྲུག་ཚོ་རང་ཁྱིམ་དུ་སྐྱེལ་རྒྱུ་སོགས་ཀྱི་མཐུན་རྐྱེན་སྦྱོར་གྱི་ཡོད་པ་མ་ཟད། ད་རེས་དགུན་ཁའི་ཟུར་ཁྲིད་དེ་ཐེངས་བདུན་པ་ཆགས་ཀྱི་འདུག ཁྲིག་སེ་ཤེས་རབ་སྐྱེད་ཚལ་གླིང་དཔེ་མཛོད་ཁང་དང་། ཤེས་ཡོན་བསྟི་གནས་ཁང་གི་དབུ་འཛིན་དགེ་བཤེས་བྱམས་པ་བཀྲ་ཤིས་ལགས་སུ་མཛད་རིམ་དེ་དང་འབྲེལ་ནས་བཅར་འདྲི་ཞུས་པར་ཁོང་གི་གསུང་དོན་དུ།  དགུན་ཁའི་ཟུར་ཁྲིད་དེའི་ནང་ལ་དྭགས་བྱང་ཐང་དང་། ལྡུམ་ར། ཟངས་དཀར། གཤམ་སྟོད་བར་གསུམ། ཆོས་ལུགས་དང་མི་རིགས་དབྱེ་བ་མེད་པའི་སྒོ་ནས་སློབ་ཕྲུག་རྣམས་ལ་སློབ་སྦྱོང་གནང་བཞིན་ཡོད་པར་མི་མང་ཚོས་ཀྱང་དགའ་མོས་ཆེན་པོ་གནང་གི་འདུག་ཅེས་གསུངས་སོང་། གཞན་ཡང་དགུན་ཁའི་ཟུར་ཁྲིད་གནང་བའི་ཁྲོད་༸གོང་ས་མཆོག་གིས་ཆོས་ལུགས་དང་མ་འབྲེལ་བའི་བཟང་སྤྱོད་འམ་ SEE Learning ཡང་སློབ་ཁྲིད་གནང་གི་ཡོད་པ་རེད། གཞན་སློབ་ཕྲུག་བར་གྱི་གཏམ་བཤད་འགྲན་བསྡུར་གྱི་བརྗོད་གཞི་ནི། ༸གོང་ས་མཆོག་གི་ཐུགས་བསྐྱེད་དམ་བཅའ་བཞི་དང་། ཁོང་གི་འཛམ་གླིང་ཡོངས་ལ་བྱམས་དང་སྙིང་རྗེས་སྐྱོང་བཞིན་ཡོད་པའི་སྐོར་ཡིན་པ་དང་། མཉམ་ཞུགས་ཁྲོད་སློབ་མ་ཉི་ཤུ་ཙམ་གྱི་དབྱིན་སྐད་དང་། བོད་ཡིག ཨུར་དུ། ཧིན་དྷི་བཅས་སྐད་ཡིག་བཞིའི་ལམ་ནས་གཏམ་བཤད་གནང་བ་དང་། སློབ་མ་མང་དག་ཅིག་ནས་རི་མོའི་འགྲན་བསྡུར་ནང་མཉམ་ཞུགས་གནང་སོང་། ཕྱོགས་མཚུངས་ཁ་སང་ལ་དྭགས་བསོད་ནམས་གླིང་བོད་མིའི་གཞིས་ཆགས་ཀྱི་གོ་སྒྲིག་ཚོགས་ཆུང་ནས་ས་གནས་མང་ཚོགས་ཀྱི་རྒྱབ་སྐྱོར་འོག་རྒྱལ་ས་གླེ་ཁུལ་དུ་དུད་འགྲོ་སེམས་ཅན་རྣམས་ལ་ཟས་རིགས་སྦྱིན་གཏོང་གི་དགེ་བའི་ལས་འགུལ་སྤེལ་བའི་བརྒྱུད་ནས་བྱམས་བརྩེའི་ལོ་སྲུང་བརྩི་གནང་འདུག དེའང་ལས་འགུལ་བ་རྣམས་ནས་ས་ཁུལ་གཙོ་བོ་བཞི་སྟེ། ཕོ་བྲང་དགའ་འཕེལ་གླིང་དུ་ར་ལུག་དང་། བྱམས་པ་དུད་འགྲོ་ཉམ་ཐག་སྐྱོབ་གསོ་ཁང་དུ་ཁྱི་འཁྱམས། དེ་བཞིན་ Live to Rescue ཞེས་པའི་སེམས་ཅན་སྨན་བཅོས་དང་སྐྱོབ་གསོ་ཁང་། ཨོ་རྒྱན་རིན་པོ་ཆེ་དགོན་པར་རི་བོང་དང་བྱ་རིགས་བཅས་ལ་བཟའ་བཅའ་འབུལ་ཡོད་འདུག ལས་འགུལ་དེའི་དམིགས་ཡུལ་གཙོ་བོ་ནི། ༸གོང་ས་མཆོག་གི་བྱམས་བརྩེའི་བཀའ་སློབ་ལམ་སྟོན་ཁྱབ་སྤེལ་དང་། […] The post ལ་དྭགས་ཁྲིག་སེ་དགོན་པར་ཤེས་ཡོན་དང་སྦྱིན་གཏོང་བཅས་ཀྱི་ལས་འགུལ་ཐོག་ནས་བྱམས་བརྩེའི་ལོ་སྲུང་བརྩི། appeared first on vot.

རྒྱ་གར་བ་སྐུ་ཞབས་  Sandesh Meshram ལགས་ཀྱིས་ཟླ་བ་སྔོན་མའི་ཚེས་ ༩ ཉིན་འཕགས་བོད་ས་མཚམས་འབུམ་ལ་ནས་འགོ་འཛུགས་གནང་བའི་བོད་དོན་ཆེད་རྐང་འཁོར་སྐོར་སྐྱོད་དེ་བཞིན་ཁ་ཉིན་ Meghalaya མངའ་སྡེའི་རྒྱལ་ས་ཤི་ལོང་ནང་མཇུག་སྒྲིལ་གནང་འདུག དེའང་བོད་ཀྱི་གྲོགས་པོ་དང་རྒྱ་གར་བོད་དོན་རྒྱབ་སྐྱོར་ཚོགས་པའི་ས་གནས་འབྲེལ་མཐུད་པ་ Sandesh Meshram སཱན་ཌེ་ཤ་མཱེ་ཤེ་རམ་མམ་བསམ་གཏན་ཡེ་ཤེས་ལགས་ཀྱིས། འདི་ལོ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུའི་གོ་སྟོན་དང་བསྟུན་བྱམས་བརྩའི་ལོ་སྲུང་བརྩའི་ཆ་ཤས་སུ། སྔ་ལོའི་ཕྱི་ཟླ་ ༡༢ པའི་ཚེས་ ༩ ཉིན་རྒྱ་གར་བྱང་ཤར་ཨ་རུ་ན་ཅལ་མངའ་སྡེའི་ནང་ཆགས་པའི་འཕགས་བོད་ས་མཚམས་འབུམ་ལ་ནས་འགོ་འཛུགས་ཀྱིས་བོད་དོན་དྲིལ་བསྒྲགས་སླད་རྐང་འཁོར་སྐོར་སྐྱོད་ཀྱི་ལས་འགུལ་ཞིག་དབུ་འཛུགས་གནང་ཡོད་པ་ལྟར། རྒྱང་ཐག་སྤྱི་ལེ་ ༢༦༠༤ ཙམ་གྱི་སྐོར་སྐྱོད་དེ་ཉིད་འདི་ཚེས་ ༡༩ ཉིན་ Meghalaya མངའ་སྡེའི་རྒྱལ་ས་ཤི་ལོང་ནང་མཇུག་སྒྲིལ་གནང་འདུག ཐེངས་འདིའི་རྐང་འཁོར་སྐོར་སྐྱོད་དེ་བཞིན་སྐུ་ཞབས་ Mesharam ལགས་ཀྱིས་ད་བར་བོད་དོན་སླད་རྐང་འཁོར་སྐོར་སྐྱོད་གནང་བའི་ལས་འགུལ་ཐེངས་ ༦ པ་དེ་ཆགས་ཀྱི་ཡོད་པ་དང་། ད་ཐེངས་ཀྱི་ལས་འགུལ་དེའི་དམིགས་ཡུལ་གཙོ་བོ་ནི་རྒྱ་གར་མི་མང་ལ་བོད་དོན་གོ་རྟོགས་དང་། དམིགས་བསལ་བོད་ནང་འགྲོ་བ་མིའི་ཐོབ་ཐང་གི་གནས་སྟངས་ཇེ་ཞན་ཇེ་སྡུག་ཏུ་འགྲོ་བཞིན་པ་མ་ཟད། ལྷག་དོན་དུ་ཉེ་སྔོན་ཨ་རུ་ན་ཅལ་བུད་མེད་ཅིག་ཧྲང་ཧེ་གནམ་ཐང་བརྒྱུད་ཉི་འོང་དུ་བསྐྱོད་སྐབས། ཧྲང་ཧེ་གནམ་ཐང་དུ་ཁོ་མོར་གནམ་ཐང་གིས་ལས་བྱེད་ཚོས་ཆུ་ཚོད་ ༡༨ ཙམ་བཀག་འགོག་བྱས་ཏེ།  ཁོ་མོའི་རྒྱ་གར་གྱི་ཕྱི་བསྐྱོད་ལག་འཁྱེར་དེ་འགྲིག་མེད་སྐོར་དང་། ཨ་རུ་ན་ཅལ་དེ་ཉིད་རྒྱ་ནག་གི་ས་ཁོངས་ཡིན་ཚུལ་བཤད་པ་དེ། བདེན་དཔང་མིན་པ་དྲིལ་བསྒྲགས་ཆེད་ཡིན་པ་རེད་འདུག བསམ་གཏན་ཡེ་ཤེས་ལགས་ཀྱིས་ཐེངས་འདིའི་ལས་འགུལ་ཁྲོད་ཨ་རུ་ན་ཅལ་མངའ་སྡེའི་བསྟན་འཛིན་སྒང་དང་། མེའོ་ཆོས་འཕེལ་གླིང་སོགས་ཀྱི་བོད་མིའི་གཞིས་ཆགས་ཁག་ལྔ་ཙམ་ནང་དུ་སྐོར་སྐྱོད་གནང་འདུག  ཁོང་གིས་འདི་ག་རླུང་འཕྲིན་ཁང་གི་བཅར་འདྲིའི་སྐབས་བོད་མི་རྣམས་ཀྱིས་ཁོང་ལ་རྒྱབ་སྐྱོར་ཧ་ཅང་ཡག་པོ་གནང་བ་དང་། རྒྱ་གར་བའི་ཡུལ་མི་རྣམས་ནས་ཀྱང་དོ་སྣང་ཆེན་པོ་གནང་ཡོད་སྐོར་གསུངས་བྱུང་བ་མ་ཟད། ཁོང་གིས་སླར་ཡང་འདི་ལོའི་ཕྱི་ཟླ་ ༡༠ ཙམ་ནས་བོད་དོན་དྲིལ་བསྒྲགས་ཆེད་སྐོར་སྐྱོད་གནང་འཆར་ཡོད་པ་དང་། བྱུང་ན་ད་ལྟའི་ལས་འགུལ་མཇུག་སྒྲིལ་སའི་ཤི་ལོང་ནས་འགོ་འཛུགས་འཆར་ཡོད་སྐོར་འགྲེལ་བརྗོད་གནང་སོང་། དེ་བཞིན་བསམ་གཏན་ཡེ་ཤེས་ལགས་ཀྱི་རང་གི་ངོ་དེབ་ཐོག་དེ་འབྲེལ་གནས་ཚུལ་སྤེལ་བར་ལྟར་ན། ཕྱི་ཚེས་ ༡༩ ཉིན་ནས་ཁོང་གི་རྐང་འཁོར་སྐོར་སྐྱོད་ཀྱི་ལས་འགུལ་དེ་བཞིན་མཇུག་སྒྲིལ་གནང་རྗེས། འདི་ཚེས་ ༢༠ ཉིན་ཤི་ལོང་དུ་གསར་འགོད་ལྷན་ཚོགས་ཤིག་འཚོགས་ཡོད་ཅིང་། དེར་ཤི་ལོང་ས་གནས་འགོ་འཛིན་ལས་ཁུངས་དང་། […] The post བསམ་གཏན་ཡེ་ཤེས་ལགས་ཀྱི་བོད་དོན་རྐང་འཁོར་སྐོར་སྐྱོད་ལས་འགུལ་ཐེངས་དྲུག་པ་མཇུག་སྒྲིལ། appeared first on vot.

གནས་མཆོག་རྡོ་རྗེ་གདན་དུ་འདི་ཚེས་ ༡༩ ནས་དབུ་འཛུགས་ཀྱིས་ཉིན་གྲངས་བཅུའི་རིང་དཔལ་གསང་ཆེན་སྔ་འགྱུར་རྙིང་མའི་འཛམ་གླིང་ཞི་བདེའི་སྨོན་ལམ་ཆེན་མོ་ཐེངས་ ༣༧ པ་དེ་འཚོག་བཞིན་འདུག གཞི་རྩའི་དཔལ་གསང་ཆེན་སྔ་འགྱུར་རྙིང་མའི་འཛམ་གླིང་ཞི་བདེའི་སྨོན་ལམ་ཆེན་མོ་དེ་ཐོག་མར་ཕྱི་ལོ་ ༡༩༨༩ ལོར་དབུ་འཛུགས་གནང་ཡོད་པ་དང་། སྐབས་དེར་སྨོན་ལམ་ཆེན་མོ་དེ་ཉིད་ལོ་གསུམ་རིང་མ་གཏོགས་ཚོགས་འཆར་མེད་པ་དེ་ལྟར་ཡང་ཕྱིས་སུ་སྔ་འགྱུར་རྙིང་མའི་བླ་སྤྲུལ་མཁན་པོ་བར་གྲོས་བསྡུར་རིམ་པ་བྱུང་རྗེས་སྔ་འགྱུར་རྙིང་མའི་སྨོན་ལམ་ཆེན་མོ་དེ་མུ་མཐུད་ལོ་ལྟར་འཚོག་དགོས་པའི་ཐག་གཅོད་བྱུང་འདུག །ཕྱི་ལོ་ ༡༩༩༣ ལོར་༸སྐྱབས་རྗེ་གྲུབ་དབང་པདྨ་ནོར་བུ་རིན་པོ་ཆེ་མཆོག་གིས་ཐུགས་འགན་བཞེས་ཏེ། རྒྱ་གར་ལྷོ་ཕྱོགས་སུ་ Nyingma Monlam Chenmo International Foundation ཞེས་རྒྱལ་སྤྱིའི་རྙིང་མའི་སྨོན་ལམ་ཆེན་མོའི་ཚོགས་པ་ཞིག་གསར་འཛུགས་ཀྱིས་གཞུང་འབྲེལ་དེབ་སྐྱེལ་གནང་སྟེ། དེ་ནས་བཟུང་དཔལ་གསང་ཆེན་སྔ་འགྱུར་རྙིང་མའི་འཛམ་གླིང་ཞི་བདེའི་སྨོན་ལམ་ཆེན་མོ་དེ་ཉིད་ལོ་ལྟར་ཚོགས་ཀྱི་ཡོད་པ་རེད་འདུག དེ་ཡང་ཐེངས་འདིའི་རྒྱལ་ཡོངས་སྔ་འགྱུར་རྙིང་མའི་སྨོན་ལམ་ཆེན་མོ་སྐབས་ ༣༧ པ་དེ་བཞིན་གནས་མཆོག་རྡོ་རྗེ་གདན་གྱི་བྱང་ཆུབ་མཆོད་རྟེན་ཆེན་མོའི་རྭ་བའི་ནང་ཕྱི་ལོ་ ༢༠༢༦ ཟླ་ ༡ ཚེས་ ༡༩ ནས་ ༢༨ བར་ཉིན་གྲངས་བཅུའི་རིང་འཚོགས་ཀྱི་ཡོད་པ་དང་། སྨོན་ལམ་ཆེན་མོར་༸སྐྱབས་རྗེ་ཞེ་ཆེན་རབ་འབྱམས་རིན་པོ་ཆེ་མཆོག་དང་། ༸སྐྱབས་རྗེ་སྨིན་གླིང་མཁན་ཆེན་རིན་པོ་ཆེ་མཆོག ༸སྐྱབས་རྗེ་གདུང་འཛིན་དགའ་རབ་རིན་པོ་ཆེ་མཆོག ༸སྐྱབས་རྗེ་སྨིན་གླིང་པད་རྣམ་རིན་པོ་ཆེ་མཆོག ༸སྐྱབས་རྗེ་རྨུགས་སངས་སྐུ་ཆེན་རིན་པོ་ཆེ་མཆོག ༸སྐྱབས་རྗེ་དགྱེས་སྤྲུལ་འཇིགས་མེད་རྣམ་རྒྱལ་རིན་པོ་ཆེ་མཆོག ༸སྐྱབས་རྗེ་སྒོ་ཆེན་སྤྲུལ་སྐུ་གསང་སྔགས་རིན་པོ་ཆེ་མཆོག་བཅས་གདན་ཞུས་ཀྱིས། ཐོ་འགོད་གནང་བའི་ནང་དགོན་སྡེ་ཁག་  ༢༡༨ དང་དགེ་འདུན་པ་ ༥༡༤༦ བཙུན་མ་ ༧༠༠ དེ་བཞིན་མཁན་སྤྲུལ་ ༡༨༨ བཅས་ཁྱོན་ཚོགས་བཅར་བ་ ༨༠༠༠ ཙམ་ནས་མཉམ་བཞུགས་གནང་འདུག །དགོན་སྡེ་ཁག་སོ་སོའི་བླ་སྤྲུལ་གཙོས་སྔགས་པ་དང་དགེ་འདུན་པ། བཙུན་མ་སོ་སོ་ནས་རྒྱུན་ལྡན་ལྟར་སྔ་དྲོའི་ཆ་ལ་ཟབ་ཏིག་སྒྲོལ་མའི་ཆོ་ག་དང་། དེའི་མཚམས་སུ་རྒྱུད་ཐམས་ཅད་ཀྱི་རྒྱལ་པོ་འཇམ་དཔལ་མཚན་བརྗོད། སྨོན་ལམ་ཐམས་ཅད་ཀྱི་རྒྱལ་པོ་བཟང་པོ་སྤྱོད་པའི་སྨོན་གཉིས་ལ་རྩལ་འདོན་གནང་ཞིང་མཐར་བསྟན་རྒྱས་སྨོན་ལམ་སོགས་ཀྱི་མཐའ་རྒྱན་ནས་སྨོན་ལམ་གསུང་འདོན་གནང་བཞིན་ཡོད་པ་རེད་འདུག འདི་ག་རླུང་འཕྲིན་ཁང་ནས་སྔ་འགྱུར་རྙིང་མའི་སྨོན་ལམ་ཆེན་མོའི་ཚོགས་པའི་དྲུང་ཆེ་མཁན་པོ་འགྱུར་མེད་ཚུལ་ཁྲིམས་ལགས་སུ་ཐེངས་འདིའི་སྔ་འགྱུར་རྙིང་མའི་སྨོན་ལམ་ཆེན་མོ་ཐེངས་ ༣༧ […] The post དཔལ་གསང་ཆེན་སྔ་འགྱུར་རྙིང་མའི་འཛམ་གླིང་ཞི་བདེའི་སྨོན་ལམ་ཆེན་མོ་ཐེངས་ ༣༧ པ་འཚོག་བཞིན་འདུག appeared first on vot.

རྒྱ་གར་ལྷོ་ཕྱོགས་མོན་གྷོ་དགའ་ལྡན་ཤར་རྩེའི་ཆོས་རྭ་ལེགས་བཤད་ཀུན་སྒྲོག་གླིང་དུ་བོད་ཀྱི་མཐོ་རིམ་སློབ་མའི་ཚོགས་ཆེན་ཐེངས་ ༡༨ པ་འགོ་འཛུགས་གནང་སོང་བ་དང་འབྲེལ། རང་དབང་ལུང་པའི་ནང་ཡོད་པའི་བོད་པའི་གཞོན་སྐྱེས་ཚོས་བོད་ཀྱི་སྐད་ཡིག་མི་ཉམས་རྒྱུན་འཛིན་གནང་དགོས་གལ་ཡིན་པ་ནན་བརྗོད་གནང་སོང་། དེ་ཡང་རྒྱ་གར་ལྷོ་ཕྱོགས་དགའ་ལྡན་ཤར་རྩེ་གྲྭ་ཚང་གི་གོ་སྒྲིག་འོག་བོད་ཀྱི་མཐོ་རིམ་སློབ་མའི་ཚོགས་ཆེན་ཐེངས་ ༡༨ པ་འདི་བཞིན། དེ་རིང་ཕྱི་ཟླ་ ༡ ཚེས་ ༢༡ ཉིན་རྒྱབ་ཕྱག་ཚོད་ ༢ ནས་འགོ་འཛུགས་ཀྱིས་ཚེས་ ༢༦ བར་ཉིན་གྲངས་དྲུག་རིང་འཚོགས་བཞིན་ཡོད་པ་དང་། དབུ་འབྱེད་མཛད་སྒོའི་ཐོག་སྐུ་མགྲོན་གཙོ་བོར་ཞྭ་སེར་བསྟན་པའི་གསལ་བྱེད་མཚུངས་མེད་ཤར་པ་ཆོས་རྗེ་༸རྗེ་བཙུན་ངག་དབང་འབྱོར་ལྡན་མཆོག་གིས་དབུས་པའི་དམིགས་བསལ་སྐུ་མགྲོན་དགའ་ལྡན་ཤར་རྩེ་མཁན་རིན་པོ་ཆེ་བྱང་ཆུབ་སངས་རྒྱས་མཆོག དགའ་ལྡན་ཕོ་བྲང་གི་དྲུང་ཆེ་བློ་བཟང་སྦྱིན་པ་མཆོག མོན་གྷོ་འདོད་རྒུ་གླིང་གི་ས་གནས་འགོ་འཛིན་རིན་ཆེན་དབང་མོ་ལགས། སྐུ་མགྲོན་གཞན། མཐོ་རིམ་སློབ་མའི་ཚོགས་ཆེན་སྐབས་ ༡༨ པའི་ཚོགས་གཙོ་དང་རྒྱུན་ལས། དེ་བཞིན་མཐོ་སློབ་དང་དགོན་སྡེ་ཁག་ ༣༠ ལྷག་ནས་ཚོགས་བཅར་བ་དང་ཧྥ་རན་སི་དང་སུད་སི་སོགས་ཕྱི་རྒྱལ་ཡུལ་གྲུ་ཁག་གི་སློབ་མ་བཅས་ཁྱོན་མི་གྲངས་ ༨༠ ཙམ་ནས་ལྷན་ཞུགས་གནང་འདུག སྐབས་དེར་སྐུ་མགྲོན་གཙོ་བོ་མཆོག་གིས། ད་བར་བོད་ཀྱི་མཐོ་རིམ་སློབ་མའི་ཚོགས་ཆེན་ཐེངས་ ༡༨ ཚོགས་ཐུབ་ཡོད་པར་ཧ་ཅང་ཡག་པོ་རེད་ཅེས་བསྔགས་བརྗོད་དང་འབྲེལ། འཛམ་གླིང་འདིའི་ནང་ཤེས་ཡོན་ཡོད་པའི་ཐོག་ནས་སྤྱི་ཚོགས་ཞབས་ཞུ་རྒྱ་ཆེ་སྒྲུབ་བཞིན་ཡོད་པའི་སྐྱེ་བུ་དེ་དག་ལ་ཁ་མིག་ཡར་ལྟ་བྱས་ནས། སོ་སོ་རང་ཉིད་ཀྱང་དེ་མཚུངས་ཀྱི་དམིགས་ཡུལ་རྒྱ་ཆེར་འཛིན་ན། མ་འོངས་པར་དེ་ལྟར་བསྒྲུབ་རྒྱུ་ངེས་པ་ཡིན་སྟབས་པར་དེའང་གཞན་ལ་ཕན་ཐོགས་དགོས་རྒྱུ་གལ་ཆེན་པོ་ཡིན་མ་ཟད། བོད་ཀྱི་སྐད་དང་ཡི་གེ་ལ་གཅེས་འཛིན་དང་། དེང་དུས་ཀྱི་སློབ་སྦྱོང་ཡོད་པའི་ཐོག་ནས་ཡ་རབས་བཟང་སྤྱོད་ལྡན་པའི་མི་ཞིག་བྱ་དགོས་གལ་སོགས་ཀྱི་ལམ་སྟོན་གནང་སོང་། དམིགས་བསལ་སྐུ་མགྲོན་དགའ་ལྡན་ཤར་རྩེ་མཁན་རིན་པོ་ཆེ་མཆོག་གིས། སྔ་ལོའི་ཚོགས་ཆེན་ཐོག་སྐབས་ ༡༨ འདི་བཞིན་དགའ་ལྡན་ཤར་རྩེར་འཚོགས་རྒྱུ་སྤྱི་མོས་ཀྱིས་གཏན་འབེབས་བྱུང་སྟེ་ལན་གསལ་འབྱོར་བར་ཧ་ཅང་དགའ་ཚོར་ཆེན་པོ་བྱུང་ཞེས་གསུངས་བ་དང་འབྲེལ། འབྲེལ་ཡོད་གྲྭ་ཚང་གི་སྡེ་ཁག་ནས་མཐུན་འགྱུར་ཞུས་ཡོད་པ་མ་ཟད། ད་རེས་ཚོགས་ཆེན་དེའི་བརྒྱུད་ནས་བློ་སྐྱེད་ཡོང་རྒྱུར་འབད་བརྩོན་གནང་གལ་དང་། དུས་ཚོད་ཆུ་ཟོས་སུ་མ་ཡོང་བ་བྱ་དགོས་ཤིང་། མ་འོངས་བོད་ཀྱི་ཆབ་སྲིད་དང་དགོན་སྡེ་ཁག་གི་འཛིན་སྐྱོང་སྤེལ་གསུམ་དེ་དག་མི་རབས་གསར་པར་ཐུག་ཡོད་སྟབས། དེའི་ཐོག་གོ་རྟོགས་དང་ཤེས་ཡོན་ཡག་པོ་ཤིག་དགོས་རྒྱུ་གལ་ཆེན་པོ་ཡིན་པའི་ལམ་སྟོན་སོགས་གནང་སོང་། དམིགས་བསལ་སྐུ་མགྲོན་དགའ་ལྡན་ཕོ་བྲང་གི་དྲུང་ཆེ་བློ་བཟང་སྦྱིན་པ་མཆོག་གིས། རྩ་ཆེ་བའི་བཀའ་འགྱུར་དང་བསྟན་འགྱུར་དེ་དག་བོད་ཡིག་ནང་བཞུགས་ཡོད་ཅིང་། དེ་དང་འབྲེལ་ནས་རིག་གཞུང་རྒྱུན་འཛིན་གནང་དགོས་གལ་ཡིན་པ། ཆོལ་གསུམ་གཅིག་སྒྲིལ་ནི་སྐད་ཡིག་གི་མཚོན་ཐུབ་ཀྱི་ཡོད་པ། མ་ཟད་སྤྱི་ནོར་༸གོང་ས་༸སྐྱབས་ཆེན་པོ་མཆོག་གིས་བཙན་བྱོལ་དུ་ཕེབས་མ་ཐག་བོད་པའི་སློབ་གྲྭ་ཟུར་འཛུགས་ཀྱིས་ད་བར་བོད་མི་རིགས་ཀྱི་ངོ་བོ་རྒྱུན་མཐུད་ནས་འཛིན་ཡོད་པར། མ་འོངས་པ་ལའང་གཞོན་སྐྱེས་ཚོས་དེ་བཞིན་རྒྱུན་འཛིན་གནང་དགོས་གལ་ཡིན་པའི་དྲན་སྐུལ་གནང་སོང་། ལྷག་པར་ད་ལྟའི་ཆར་རྒྱ་ནག་གི་སྲིད་བྱུས་འོག་བོད་ཀྱི་སྐད་ཡིག་ལ་དམ་བསྒྲགས་ཆེན་པོ་བྱེད་བཞིན་ཡོད་པར་བརྟེན། བཙན་བྱོལ་རང་དབང་ལུང་པར་ཡོད་པའི་བོད་མི་ནས་སྐད་ཡིག་སྲུང་སྐྱོབ་བྱ་དགོས་གལ་ཡིན་པ་བརྡ་ལན་གནང་སོང་། རྩ་བའི་བོད་ཀྱི་མཐོ་རིམ་སློབ་མའི་ཚོགས་ཆེན་འདི་བཞིན་ཕྱི་ལོ་ […] The post བོད་ཀྱི་མཐོ་རིམ་སློབ་མའི་ཚོགས་ཆེན་ཐེངས་ ༡༨ པ་འགོ་འཛུགས་དང་འབྲེལ་གཞོན་སྐྱེས་ཚོས་བོད་ཀྱི་སྐད་ཡིག་རྒྱུན་འཛིན་དགོས་པ་ནན་བརྗོད། appeared first on vot.

༸གོང་ས་མཆོག་ནས་མང་མཇལ་ཁྲོད་བོད་ལ་ཏན་ཏན་སླེབས་ཀྱི་རེད་ཅེས་བཀའ་སྩལ་འདུག The post ༸གོང་ས་མཆོག་ནས་མང་མཇལ་ཁྲོད་བོད་ལ་ཏན་ཏན་སླེབས་ཀྱི་རེད་ཅེས་བཀའ་སྩལ་འདུག appeared first on vot.

གནས་ཆེན་ Udaygiri རུ་གུ་རུ་རིན་པོ་ཆེའི་སྨོན་ལམ་ཆེན་མོ་དང་རྒྱལ་སྤྱིའི་བགྲོ་གླེང་ཚོགས་འདུ་ཐེངས་ ༢ པ་འཚོག་བཞིན་པ། The post གནས་ཆེན་ Udaygiri རུ་གུ་རུ་རིན་པོ་ཆེའི་སྨོན་ལམ་ཆེན་མོ་དང་རྒྱལ་སྤྱིའི་བགྲོ་གླེང་ཚོགས་འདུ་ཐེངས་ ༢ པ་འཚོག་བཞིན་པ། appeared first on vot.

ཀོལ་ཀ་ཏའི་བོད་མིའི་ཁྲོམ་ས་ ༡༡ ལ་མེ་སྐྱོན་གྱིས་གོད་ཆགས། The post ཀོལ་ཀ་ཏའི་བོད་མིའི་ཁྲོམ་ས་ ༡༡ ལ་མེ་སྐྱོན་གྱིས་གོད་ཆགས། appeared first on vot.

ས་སྐྱའི་མཁན་རིན་པོ་ཆེ་བསོད་ནམས་རྒྱ་མཚོ་མཆོག་དགོངས་པ་ཆོས་དབྱིངས་སུ་ཐིམ་འདུག The post ས་སྐྱའི་མཁན་རིན་པོ་ཆེ་བསོད་ནམས་རྒྱ་མཚོ་མཆོག་དགོངས་པ་ཆོས་དབྱིངས་སུ་ཐིམ་འདུག appeared first on vot.

དེ་རིང་ཕྱི་ཚེས་ ༥ ཉིན་གྱི་སྔ་དྲོར་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་རྒྱལ་སྤྱིའི་པཱ་ལི་དང་ལེགས་སྦྱར་བའི་དགེ་འདུན་དབར་ཤེས་ཡོན་བརྗེ་ལེན་གྱི་ལས་གཞི་ཐེངས་བཞི་པའི་ཚོགས་བཅར་དང་དགོན་སྡེ་ཁག་གི་མཁན་རིན་པོ་ཆེ་བཅས་ལ་མཇལ་ཁ་བཀའ་དྲིན་སྩལ་ཡོད་པ་དང་སྦྲགས། ལྷག་པར་རྒྱལ་སྤྱིའི་དགེ་ལྡན་ལྷན་ཚོགས་ཀྱི་གོ་སྒྲིག་འོག་ནང་པའི་སློབ་གཉེར་ཁང་གསར་འཛུགས་ཀྱི་ལས་གཞིར་ཐུགས་འགན་བཞེས་མཁན་གདན་ས་ཁག་གི་མཁན་རིན་པོ་ཆེ་དང་སློབ་སྟོན་པ་ University Grants Commission (UGC) རྒྱ་གར་གཙུག་ལག་སློབ་གཉེར་ཁང་རོགས་དངུལ་ལྷན་ཁང་གི་དྲུང་ཆེ་གཞོན་པ་ Dr. Vinod Singh Yadav ཝེ་ནོད་སིང་ཡཱ་ཌེབ་བཅས་ལ་མཇལ་ཁ་བཀའ་དྲིན་སྩལ་འདུག དེ་ཡང་དེ་རིང་གི་མཇལ་ཁའི་སྐབས། བོད་བརྒྱུད་ནང་བསྟན་ནི་དཔལ་ན་ལེནྜའི་ཆོས་བརྒྱུད་དྲི་མ་མེད་པ་ཡིན་པ་དང་། ཕྱི་འདུལ་བ། ནང་བྱང་སེམས། གསང་བ་གསང་སྔགས་དང་བཅས་པའི་ཆོས་ཧ་ཅང་གི་སྤུས་དག་པོ་ཡོད་སྟབས། ལོ་བརྒྱ་ཕྲག་དང་སྟོང་ཕྲག་གནས་པའི་དོན་དུ་མུ་མཐུད་རྒྱུན་འཛིན་བྱ་དགོས་གལ་ཙམ་མ་ཟད། རྒྱ་ནག་སོགས་འཛམ་གླིང་ཡུལ་གྲུ་གང་སར་ནང་ཆོས་ལ་དོ་སྣང་ཆེན་པོ་བྱེད་ཀྱི་ཡོད་པར་སྤུས་དག་པོ་ཞིག་དར་ཁྱབ་ཡོང་རྒྱུའི་ཐད་འགན་འཁུར་དང་དགོངས་བཞེས་དགོས་གལ་སོགས་ཀྱི་བཀའ་སློབ་བཀའ་དྲིན་ཆེ་བ་སྩལ་འདུག མཇལ་ཁ་གྲུབ་མཚམས་འདི་ག་གསར་འགོད་པས་རྒྱལ་སྤྱིའི་དགེ་ལྡན་ལྷན་ཚོགས་ཀྱི་དྲུང་ཆེ། དགའ་ལྡན་ཤར་རྩེ་མཁན་རིན་པོ་ཆེ་བྱང་ཆུབ་སངས་རྒྱས་ལགས་སུ་བཀའ་འདྲི་ཞུས་སྐབས། ཁོང་གིས་རྒྱལ་སྤྱིའི་པཱ་ལི་དང་ལེགས་སྦྱར་བའི་ཆོས་བརྒྱུད་ཀྱི་དགེ་འདུན་དབར་ཤེས་ཡོན་བརྗེ་ལེན་གྱི་ལས་གཞི་འགྲོ་བཞིན་ཡོད་ཅིང་། ད་རེས་ཐེངས་ ༤ པ་ཆགས་ཀྱི་ཡོད་པ་དང་། ད་ལོའི་ལས་གཞི་དེ་ཐོག་མ་གནས་མཆོག་རྡོ་རྗེ་གདན་དུ་དབུ་འཛུགས་གནང་། དེའི་རྗེས་གནས་མཆོག་ཝཱ་རཱ་ན་སཱིར་རྟེན་གཞི་བྱས་པའི་ཝཱ་ཎ་དབུས་བོད་ཀྱི་གཙུག་ལག་སློབ་གཉེར་ཁང་དུ་ཚོགས་པ་དེའི་སྐོར་མགོན་པོ་༸གང་ཉིད་མཆོག་ལ་སྙན་སེང་དང་། ཆོས་བརྒྱུད་གཉིས་ནས་སྨོན་ལམ་གསུང་འདོན་ཞུས་ཡོད་སྐོར་འགྲེལ་བརྗོད་གནང་སོང་། རྩ་བའི་ད་རེས་ལས་གཞི་དེའི་ནང་པཱ་ལིའི་ཆོས་བརྒྱུད་འཛིན་པའི་ཁོངས་ནས་ཐའེ་ལེནྜ་དང་ལ་འོ་སི། ཀོམ་བྷོ་ཌི་ཡ། བྷར་མ། ཤྲི་ལངྐ་བཅས་དང་། ལེགས་སྦྱར་ཆོས་བརྒྱུད་ཁོངས་ནས་གདན་ས་གསུམ་གྱི་གྲྭ་ཚང་དྲུག བཀྲ་ཤིས་ལྷུན་པོ། ར་སྟོད། རྒྱུད་གྲྭ་རྣམ་གཉིས། རྣམ་རྒྱལ་གྲྭ་ཚང་། ཇོ་ནང་། དཔལ་ས་སྐྱ་སོགས་དགོན་སྡེ་ཁག་མང་པོ་ཞིག་ནས་མཉམ་ཞུགས་གནང་ཡོད་པ་མ་ཟད། ལས་གཞི་དེའི་ཐོག་ནས་ཆོས་བརྒྱུད་གཉིས་ཕན་ཚུན་བར་འདུལ་བའི་ཉམས་བཞེས་དང་གཞི་གསུམ་གྱི་ཆོ་ག སྒོམ་སྒྲུབ་ཉམས་བཞེས། སློབ་གཉེར། འཚོ་བའི་གནས་སྟངས། སྒྲིག་འཛུགས་ཀྱི་གནས་སྟངས་སོགས་གནད་དོན་མང་པོའི་ཐོག་གོ་བསྡུར་དང་ཤེས་ཡོན་བརྗེ་ལེན་གནང་གི་ཡོད་རེད། ལྷག་པར་དགེ་འདུན་པའི་བར་ཐུགས་མཐུན་ཁྲིམས་གཙང་ཡོང་རྒྱུར་ཕན་ཐོགས་ཡོང་གི་ཡོད་པ་རེད་འདུག ལས་གཞི་དེ་ནི་རྒྱལ་སྤྱིའི་དགེ་ལྡན་ལྷན་ཚོགས་དང་དགའ་ལྡན་ཕོ་བྲང་ལྷོ་ཤར་ཨེ་ཤི་ཡའི་འབྲེལ་མཐུད་པའི་གོ་སྒྲིག་འོག་བསྐོང་ཚོགས་གནང་གི་ཡོད་ཅིང་། ད་བར་གདས་ས་ཆེན་པོ་འབྲས་སྤུངས་དང་སེར་ར། དགའ་ལྡན་བཅས་སུ་རིམ་པ་ཚོགས་ཡོད། མ་ཟད་དེ་རིང་༸གོང་ས་མཆོག་གིས་རྒྱལ་སྤྱིའི་དགེ་ལྡན་ལྷན་ཚོགས་ཀྱི་གོ་སྒྲིག་འོག་ནང་པའི་སློབ་གཉེར་ཁང་གསར་འཛུགས་ལས་གཞིའི་སློབ་སྟོན་པ་རྒྱ་གར་གཙུག་ལག་སློབ་གཉེར་ཁང་རོགས་དངུལ་ལྷན་ཁང་ University Grants Commission (UGC) […] The post རྒྱལ་སྤྱིའི་པཱ་ལི་དང་ལེགས་སྦྱར་བའི་དགེ་འདུན་དབར་ཤེས་ཡོན་བརྗེ་ལེན་ཚོགས་བཅར་བ་དང་། UGC དྲུང་ཆེ་གཞོན་པར་མཇལ་ཁ། appeared first on vot.

སྐྱབས་མགོན་༸རྒྱལ་བའི་རྒྱལ་ཚབ་དྲུང་གོོ་ཤྲི་རིན་པོ་ཆེ་མཆོག་དབུ་བཞུགས་ཐོག་བཀའ་བརྒྱུད་སྨོན་ལམ་ཆེན་མོ་ཐེངས་བཞི་བཅུ་པ་སྐོང་འཚོགས། The post སྐྱབས་མགོན་༸རྒྱལ་བའི་རྒྱལ་ཚབ་དྲུང་གོོ་ཤྲི་རིན་པོ་ཆེ་མཆོག་དབུ་བཞུགས་ཐོག་བཀའ་བརྒྱུད་སྨོན་ལམ་ཆེན་མོ་ཐེངས་བཞི་བཅུ་པ་སྐོང་འཚོགས། appeared first on vot.

དྲ་རྒྱའི་ངན་བྱུས་འཇབ་རྐུས་འོག་བོད་མི་ཞིག་གི་ཧིན་སྒོར་བྱེ་བ་ ༡།༦༡ འཕྲོག་བཅོམ་བྱས་འདུག The post དྲྭ་རྒྱའི་ངན་བྱུས་འཇབ་རྐུས་འོག་བོད་མི་ཞིག་གི་ཧིན་སྒོར་བྱེ་བ་ ༡།༦༡ འཕྲོག་བཅོམ་བྱས་འདུག appeared first on vot.

Acknowledge and VOT highlights