Blóði drifin byggingarlist

Follow Blóði drifin byggingarlist
Share on
Copy link to clipboard

Í þáttunum skoðar umsjónarmaður eyðingu mannvirkja og umhverfis í átökum ólíkra hópa, á ólíkum tímum í sögunni. Við kynnumst byggingarlistinni sem táknmynd menningar og skotmarki menningarhreinsana. Við könnum hlutskipti hennar í hryðjuverkum, byltingum, landvinningastríðum og við aðskilnað samfélag…

RÚV

  • Jun 15, 2019 LATEST EPISODE
  • infrequent NEW EPISODES
  • 8 EPISODES


Search for episodes from Blóði drifin byggingarlist with a specific topic:

Latest episodes from Blóði drifin byggingarlist

Auk þess legg ég til að Karþagó verði lögð í eyði

Play Episode Listen Later Jun 15, 2019


Í þessum þætti Blóði höldum við til Miðjarðarhafs fornaldar. Þar kynnum við okkur menningu og sögu Fönikíumanna í borginni Karþagó á norðurströnd Afríku. Borgin þróaðist frá 9. öld fyrir Krist og var ein mikilvægasta borg Miðjarðarhafsins þar til Rómverjar náðu tökum á svæðinu en það voru einmitt þeir sem lögðu borgina í rúst árið 146 fyrir Krist. Karþagó hefur síðan verið mörgum hugleikin og markað djúp spor menningarsögu Vesturlanda allt fram á okkar daga. Umsjón: Hilmar Hildar Magnúsarson. Lesarar í þættinum ásamt Hilmari: Júlía Margrét Einarsdóttir, Kristófer Kvaran og Sigríður Birna Valsdóttir. Tæknistjórn/samsetning: Lydía Grétarsdóttir.

Leyndardómar gullborganna og fall Mexíkó

Play Episode Listen Later Jun 8, 2019


Í þessum þætti höldum við til nýja heimsins, Ameríku. Þar fjöllum við um leyndardóma gullborganna og skoðum menningu og byggingararfleifð Astekanna í Mexíkó. Kynnum okkur hvernig evrópskir landvinningamenn 16. aldar réðust inn í Ameríku í ofsafenginni leit sinni að gulli og grænum skógum og hvaða áhrif sú innrás hafði á líf og menningu innfæddra. Umsjón: Hilmar Hildar Magnúsarson. Lesarar í þættinum ásamt Hilmari: Júlía Margrét Einarsdóttir, Kristófer Kvaran og Sigríður Birna Valsdóttir. Tæknistjórn/samsetning: Lydía Grétarsdóttir.

Voru svona margir vasar í Írak?

Play Episode Listen Later Jun 1, 2019


Í sjötta þætti höldum við til landsins milli fljótanna, Mesópótamíu, og lítum á hvernig hin svokallaða vagga siðmenningar hefur verið vanvirt í gegnum tíðina. Ekki síst af stórveldum veraldarsögunnar. Við skoðum fornleifauppgröft og fjársjóðsleitir og spáum í hvernig menningararfurinn hefur verið notaður við byggingu ríkisvalds og sjálfsmyndar. Við skoðum innrás Bandaríkjamanna í Írak árið 2003, ringulreiðina sem hún olli og upprisu öfgaafla í kjölfarið. Afla sem hafa haldið svæðinu í helgreipum undanfarin ár. Drepið fólk. Lagt menningararfinn í rúst. Og óspart nýtt sér netið og samfélagsmiðla til að vekja ótta og hrylling, breiða út hugmyndafræðina og afla nýrra fylgismanna. Umsjón: Hilmar Hildar Magnúsarson. Lesarar í þættinum ásamt Hilmari: Kristófer Kvaran og Sigríður Birna Valsdóttir. Tæknistjórn/samsetning: Lydía Grétarsdóttir.

Tíbet, Tíbet

Play Episode Listen Later May 25, 2019


Í fimmta þætti liggur leið okkar til Tíbet. Við fjöllum um hernám Kínverja sem staðið hefur síðan 1950 og kynnumst menningararfi landsins, ekki síst höllunum og hofunum í höfuðborginni Lhasa. Við skoðum líka kerfisbundna eyðingu þessara minja og veltum fyrir okkur hvaða þýðingu hún hefur fyrir menningu og samfélag Tíbeta. Umsjón: Hilmar Hildar Magnúsarson. Lesarar í þættinum ásamt Hilmari: Júlía Margrét Einarsdóttir, Kristófer Kvaran og Sigríður Birna Valsdóttir. Tæknistjórn/samsetning: Lydía Grétarsdóttir.

Þáttur 4 af 8

Play Episode Listen Later May 18, 2019


Staðreyndir á jörðu niðri í Palestínu og Ísrael Í þessum fjórða þætti Blóði drifinnar byggingarlistar dveljum við fyrir botni Miðjarðarhafs, í Palestínu og Ísrael. Við kynnumst jarðýtustjórnmálum og skoðum átökin á svæðinu í samhengi alþjóðastjórnmála. Við lítum á niðurrif á palestínskum menningararfi og heimilum. Við skoðum afleiðingar þessa niðurrifs og veltum fyrir okkur hvernig ísraelsk stjórnvöld réttlæta það og hvernig þau beita arkitektúr, byggingarreglugerðum og skipulagsáætlunum til að búa til svokallaðar ,,staðreyndir á jörðu niðri“ í þágu eigin málstaðar. Við förum víða um svæðið en stöldrum einkum við í hinni fornu borg Nablus þar sem við lendum m.a. í útistöðum við landtökufólk.

Kristalsnóttin, sýnagógurnar og gettóin

Play Episode Listen Later May 11, 2019


Í þriðja þætti liggur leið okkar til Þýskalands Nazismans. Við kynnumst menningu gyðinga í Evrópu sem hefur um aldir mátt sæta ofsóknum en menningararfinum var, eins og þjóðinni sjálfri, nær útrýmt í Helför seinni heimsstyrjaldarinnar. Við skoðum Kristalsnóttina 1938 sem olli gríðarlegri eyðileggingu á byggingararfleifð gyðinga og telja má að marki upphafið af stigvaxandi skipulögðum ofsóknum á hendur þeim í Þriðja ríki Hitlers. Sumar byggingar hafa síðar verið endureistar og endurgerðar en hinu litla sem eftir stendur er enn búin hætta sökum uppgangs þjóðernishyggju, rasisma og gyðingahaturs í Evrópu síðustu ár. Umsjón: Hilmar Hildar Magnúsarson. Lesarar í þættinum ásamt Hilmari: Júlía Margrét Einarsdóttir, Kristófer Rúnar Kvaran og Sigríður Birna Valsdóttir. Tæknistjórn/samsetning: Lydía Grétarsdóttir.

Gamla brú í Mostar

Play Episode Listen Later May 4, 2019


Í öðrum þætti Blóði drifinnar byggingarlistar liggur leið okkar til borgarinnar Mostar í Bosníu og Herzegóvínu. Þar kynnumst við Stari Most eða Gömlu brú sem teygði sig tígullega á milli bakka árinnar Neretvu frá 16. öld - og allt til þriðjudagsins 9. nóvember 1993, þegar króatíski hershöfðinginn Slobodan Praljak ákvað að sprengja sig inn á spjöld sögunnar. Umsjón: Hilmar Hildar Magnúsarson. Lesarar í þættinum ásamt Hilmari: Júlía Margrét Einarsdóttir og Sigríður Birna Valsdóttir. Tæknistjórn/samsetning: Lydía Grétarsdóttir.

Sagan af Mosku Babúrs keisara

Play Episode Listen Later Apr 26, 2019


Í þessum fyrsta þætti Blóði drifinnar byggingarlistar höldum við til Indlands og lítum á hvernig aldalangar erjur hafa mótað þetta gríðarstóra og flókna samfélag fram á okkar daga. Við skoðum landvinninga íslamskra höfðingja, þjóðernishyggju hjá hindúum og nýlendustefnu breska heimsveldisins. En við dveljum einkum við hryggilega sögu einnar tiltekinnar byggingar, Mosku Babúrs keisara, og reynum að lesa í áhrif hennar á Indland og alþjóðasamfélagið. Umsjón: Hilmar Hildar Magnúsarson. Lesari í þættinum: Lesari í þættinum með Hilmari er Sigríður Birna Valsdóttir. Tæknistjórn/samsetning: Lydía Grétarsdóttir.

Claim Blóði drifin byggingarlist

In order to claim this podcast we'll send an email to with a verification link. Simply click the link and you will be able to edit tags, request a refresh, and other features to take control of your podcast page!

Claim Cancel