Mä Marret & Hauke üüb't suufa [archiwiaret]

Wi haa üs troch't pandemii snaaket an widjert at pandemii noch loong ei föörbi as, gungt at wel nooch mä deheer podcast suutjis tu aanj.

Haa jam at puan? San jam stresat? Wi haa diar wel nooch nian terapii of patentresepten, man dach hög tips, am en betj rau tu fun. An wan jam nian rau brük, haa'f uk noch fein musiiktips, auer wi suutjis began üüb musiikalisk highlights faan 2020 tu lukin.

Hög nei tips tu ual teemen: online exit games of escape games keen dönen, wat üs föl tuharke. Wi haa diar oober noch neis am tu fertelen an hög tips diarbi.

Wi san föl onerwais tesken onerskiaselk tv-seerien, musiik ütj a seerien an musiik wat tu't apredin paaset. Oober huarför brük wi en revival faan country musiik?

Grat jubilääum, oober huar wurt heer am snaaket? A harewst. An widjert a miast lidj bedrüüwet san, det a somer föörbi gungt, frööget Marret ham üüs wan't niks feineres jeew.

At jaft nü sant temelk genau seeks muun restriksjuunen heer uun Tjiisklun, am tu ferhanrin, det at corona-pandemii widjer briad maaget. Wi luke üüb en temelk nüürig tidj turag an fu diarbi uk mä, hü wi salew för hög muuner noch komplet ölers toocht haa.

Das feer tatsechelk goor ei imer so lacht an lastig, auer uk en mase luas wiar. Spiitigerwiis uk föl mä nazis. Üüb det gud sidj haa wi oober uk fein musiiktips, at iarst konsert uun't pandemii belewet an en betj sport maaget.

Suutjis wurt at kuuler bütjen, man gans so hiat wiar't heer noch ei, wan ham ens üüb öler steeden üüb a wäält luket. Tu'n bispal üüb berger, wat för jo hen braan an det sööwentig meter grat puurt tu a heel.

Wi san turag faan üüs enkelt urlaubsreisen an wel noch ens turagluke, wat mä blak üüb't coronapandemii üüb a reisen gud gingen as, huar wi üs seeker fääld haa – an huar ei.

Uf an tu ens as det heer uun't program al troch kimen, det Hauke radsport hal liis mei. An uk uun detheer dissipliin as das juar ales ölers. Am likes en betj am a renen tu teenken, paake wi ianfach ual fertelingen ütj, tu'n bispal det am't suart trikot bi de Giro d'Italia. An diartu komt föl musiik iin uun üüs playlist, wat uk irgenthü mä det klöör suart tu dun hee.

Wi snaake das weg am plooner för urlaub an hü det mä urlaub uun corona tidjen auerhood gungt. An wi haa en letj spal, huar Hauke faan toocht, det at gans lastig wees küd. Oober at aanj wiar hi dediar, huar auer laachet wurd.

Hauke gans alianing mä hög tips för jau playlisten – an muar staken uun't suufa playlist!

Das weg bluat kurt hög tips för fein musiik.

Wi san wörelk nian profis för't hüshual, man wi haa ja wilems doch de ian of öler gud tip. Fööraal, wan wat rings malööret as. Oober uk, wan wi faan en seeker perspektiiw ütj öler lidj, wat ei diarefter fraaget haa, tips du kön, "suufaplaining" so tu saien.

At wurt tidj, ens dön aanj priwilegien tu reflektiaren, man uk a kiming tu widjin. Gans onerskiaselk teemen haa wi das feer weler diarbi.

Wan wi am politseigewalt, rasismus an diskriminiaring snaake, klamere wi bialen diarbi dönen ütj, wat tatsechelk bedraapt san – auer wi bialen üüb arke faal priwiligiaret san. Diarauer wel'f üs das weg fööraal solidarisiare an diarüüb luke, wat för soli-aksjuunen at uun a uugenblak so jaft.

Am't wechdun faan saagen, wat ham mei, oober eentelk goorei brükt, huar ham aran as an een aran fäält an wat lidj diar am schong.

Marret paaket sin kroom iin, a ARD paaket de ESC noch ens weler ütj an föör a aalern wurd present iinpaaket

San lidj tatsechelk so ianfach, det's imer tu't salew juarstidj mänöler iin uun't baad gung?

Uun episood #007 haa'f al ens am maskin snaaket, daaling gungt at widjer, auer nü was miast arken diartu wenet as, en maske tu brüken. An wan ham een diar iarst tu wenet hee, as't ferlicht uk goor ei so ring.

"Spelplaatsen ütj üüs jongenstidj" küd en tiitel för't autobiografii wees, oober wi men det gans wurdelk: wi wel detheer weg en betj turagluke üüb a spelplaatsen ütj üüs jongenstidj.

Letst weg toocht wi noch, det puask eentelk uk ei ölers wurt üüs a öler daar, wat uun a uugenblak föörbi tji. Man do haa wi doch noch wat belewet.

Das weg snaake wi noch en betj widjer am det, huar wi letst weg mä begand haa – uk am ens tu lukin, of wi uk ales skaafe, wat wi üs förnimen haa. An gans wichtig: tji'm jam en maske üüb, wan jam efter bütjen gung!

Marret hee al ööwet, Hauke skaafet knaap 10 sekunden, at Hula-Hoop boowen tu leeten. Huaram wi det auerhood ferschük? Na, irgenthü skal'm jo uun beweeging bliiw, wan ham al at hiale tidj aran as.

Neemen witj, hü lung wi ale nü aran bliiw skel, am en corona-epidemii iintugrensin. Wat ham uun detdiar tidj du kön, besnaake wi das weg.

Uunsteed faan snaak üüb't suufa jaft at das weg trii postkoorden för Marret, wat onerwais as.

Das weg gungt't ei bluat am musiik-tips, wi snaake uk am beschüken bi dochtern, wat för't aanj gud nuadig san, an am musiik jin krich an nazis.

Wi nem jam das weg uk weler mä üüb üüs suufa. Diar gungt at am föl saagen, wat eentelk goorei so gemüütelk an fein san üüs wi heer sat. Tu'n lok haa'f oober uk rocht so gud keeken an istee diarbi.

Wi haa üs wat neis auerlaanjen: nü san wi (Marret an Hauke) bluat noch arke öler weg tu hiaren, diarför oober uun en aanj formaat: Mä "Marret & Hauke üüb't suufa".