Rapport Regstreeks

Rapport — Rapport vra in sy hoofartikel, wat gepubliseer word op bl. 2 van die koerant van 26 April onder "Rapport Sê", waarom Suid-Afrika se inperking so streng is. Die konsensus oor inperking wêreldwyd is besig om ineen te stort. Lees Rapport aanlyn

Rapport — Russell Lamberti, analis en ekonoom, verduidelik aan Waldimar Pelser waarom hy sê die regering se hantering van die Covid-krisis is vanaf dag een al 'n groot fout, en waarom die inperking dadelik beduidend verslap moet word, anders stuur ons af op 'n maatskaplike en ekonomiese ramp.

Rapport — Waldimar Pelser gesels met John Steenhuisen, tussentydse leier van die DA, oor die regering se besluit om die inperking weens Covid-19 te verleng tot 30 April.

Rapport — Waldimar Pelser gesels met Dawie Roodt van die Efficient-groep, wat verwag dat Suid-Afrika se ekonomie weens inperkings rondom die Covid-19-pandemie met tussen 10% en 15% kan krimp. Daar is egter ook koopgeleenthede as jy weet waar om te belê. Roodt sê die regering van pres. Cyril Ramaphosa moes kies “tussen die ekonomie en menselewens” en dat die inperking van drie weke wat pas begin het “waarskynlik nie genoeg gaan wees nie”. **** Hoe affekteer inperking jou? Stuur vir Rapport 'n stemnota op WhatsApp by 0726156868.

Rapport — Waldimar Pelser gesels met Geordin Hill-Lewis, die Demokratiese Alliansie se skaduminister van finansies, oor wat gedoen kan word om die pyn te verlig van die maande lange ekonomiese krisis wat vir ons land voorlê.

Rapport — Waldimar Pelser in gesprek met Helen Zille by die Toyota Woordfees op Stellenbosch.

Rapport — Waldimar Pelser gesels met Dawie Jacobs oor wat hy hoop om te bereik met sy verklaring dat apartheid 'n misdaad teen die mensdom was. Lees die verklaring oor apartheid hier

Rapport — Waldimar Pelser gesels met Theo Venter, prof. Raymond Parsons en Ebrahim Fakir oor Tito Mboweni se planne vir pensioenfondse, die land se ekonomiese krisis, en of hulle hoop het vir die toekoms.

Rapport — In die tweede aflewering oor die dreigende skeuring van die NG Kerk praat Weekliks se redakteur, Pieter Malan, met dr. Frits Gaum, een van die leidende liberale stemme in die kerk oor die toekoms van die kerk te midde van die reuse onenigheid oor die legitimering van gay-verbintenisse. Gaum glo dat die kerk uiteindelik selfs sterker anderkant sal uitkom mits daar 'n strukture geskep word waar beide liberale en behoudende lidmate en gemeentes kan welkom voel.

Rapport — Pieter Malan gesels met ds. Theo Danzfuss, een van die leidende figure onder behoudende NG Kerk-lidmate. Ds. Danzfuss gee toe dat versoening tussen die liberale en behoudende kampe in die kerk nie moontlik lyk nie, maar meen dat dit nie beteken dat die NG Kerk noodwendig hoef te skeur nie.

Rapport — Waldimar Pelser gesels met News24 se Pieter du Toit en Rapport se Dawie Boonzaaier oor Ramaphosa se planne vir Eskom, Malema se oordeelsfout, en almal wat laer trek rondom FW de Klerk... Pieter du Toit analiseer Sona2020

Rapport — Waldimar Pelser gesels met Hermann Pretorius van die Instituut vir Rasseverhoudinge oor of banke jou gaan help as die staat jou eiendom sonder vergoeding sou onteien. Die IRV het 'n veldtog geloods om banke te vra wat hul posisie oor onteiening sonder vergoeding is.

Rapport — Op Vrydag 31 Januarie het die Akademie vir Wetenskap en Kuns 'n geskiedenissimposium aangebied met die onderwerp: "Die Afrikaner onder druk". Waldimar Pelser was een van die sprekers. Hier is sy toespraak. Die Afrikaner is onder druk, maar wie is nie?

Rapport — Pieter Malan gesels met die DA-LP dr. Annelie Lotriet, 'n lid van die parlementêre komitee wat opdrag gegee is om die Grondwet se eiendomsklousule te wysig.

Rapport — Waldimar Pelser vra vir Arlene Prinsloo, Media24 se kenner van die Britse koningshuis, hoe die spieël gebreek het tussen Harry, Meghan en 'n publiek wat eens gaande oor die tweetjies was.

Rapport — Pieter Malan gesels met Rapport se Anoinette Slabbert en Jan de Lange oor pogings om beheer oor Eskom weg te neem van Pravin Gordhan.

Rapport — Waldimar Pelser gesels met die spotprenttekenaar Jeremy Nell (Jerm) nadat Facebook hom verban het.

Rapport — Waldimar Pelser, Jan-Jan Joubert en Dawie Boonzaaier praat oor die vyf grootste politieke stories van die jaar.

Rapport — Pieter Malan, redakteur van Rapport Weekliks, gesels met die rugbyskrywer Leighton Koopman oor die Bokke se kanse teen die Rooi Drake tydens Sondag se halfeindstryd in Japan.

Rapport — Pieter Malan en Dawie Boonzaaier gesels met Rapport se man in Japan, Hendrik Cronjé, oor die kwarteindstryd tussen die Springbokke en Japan. Ons het Vrydagaand (Japannese-tyd) met Hendrik gesels.

Rapport — Wie kan die DA red? Waldimar Pelser en Dawie Boonzaaier praat oor die DA se federale raadsvergadering waartydens 'n nuwe voorsitter gekies word — en Mmusi Maimane se speel van die rassekaart.

Rapport — Rapport se rugbyskrywer Leighton Koopman en Pieter Malan gee 'n voorskou van al vier die kwarteindstryde Saterdag en Sondag in Japan.

Rapport — Elke week gesels Rapport se joernaliste en redakteurs oor die groot stories van die week.