Podcasts about saterdag

Ministens 71 Palestyne is Saterdag in Israeliese skermutselings in Gaza dood, insluitende 42 mense wat voedselhulp gesoek het. Gesondheidsowerhede in Gaza sê nóg mense het Saterdag van honger omgekom. Altesaam 127 mense, insluitende 85 kinders, is reeds van honger dood sedert die oorlog met Israel begin het. Israel het tot menslikheidspouses ingestem sodat hulp vandag in sekere dele van Gaza afgelewer kan word. Klein hoeveelhede voedsel word ook sedert Saterdag per valskerms gelewer. Kenners meen egter dit gaan min impak op die hongerkrisis in Gaza hê. Intussen het president Donald Trump van Amerika gesê Hamas stel nie in ‘n skietstilstand belang nie:

Landbou- en waterminister Inge Zaamwani sê sy gaan na die private sektor uitreik vir vennootskappe om die regering te help om die teikens van die Sesde Nasionale Ontwikkelingsprogram, NDP 6, te bereik. Zaamwani het Saterdag die Hope Farm-projek by Davib Wes naby Usakos van stapel gestuur, in samewerking met die Swakop Uranium-stigting. Die 30 begunstigdes van die projek het skape en bokke, in totaal 600 ooie en 30 ramme, ontvang. Zaamwani het ook goeie nuus oor boorgate gehad:

Namibiërs moet trots wees op hul identiteit en moet hul diversiteit vier, sê eerste minister Elijah Ngurare. Ngurare was Saterdag die hoofspreker by die Masubia-kultuurfees in die Zambezi-streek. Dit was die eerste keer in vier jaar dat dié jaarlikse fees weer gevier is, aangesien die groep leierloos was. Gilbert Muhongo Mutwa, Moraliswane III, is Saterdag ook as die nuwe hoof van die Masubia verwelkom. Ngurare het gesê kultuur en tradisie speel ‘n belangrike rol in die vorming van ‘n gemeenskap:

Rugby: Drie sleutelspelers, Will Skelton, Rob Valetini en Dave Porecki, is terug in die Wallabies se span vir Saterdag se tweede toets teen die Britse en Ierse Leeus in Melbourne. Australië hoop om hom self reg te ruk na verlede week se nederlaag van 24-19. Skelton vervang Jeremy Williams wat na die bank skuif, terwyl Valetini vir Nick Champion de Crespigny vervang. Porecki keer terug na harsingskudding om in Matt Faessler se plek te begin. Die afrigter Joe Schmidt sê selfvertroue is die sleutel:

Namibië se nasionale rugbyspan moet nog oor een hekkie kom om vir die 2027 Rugby Wêreldbeker in Australië te kwalifiseer. Die hekkie is in die vorm van Zimbabwe, in die eindstryd van die 2025 Rugby Afrikabeker-toernooi in Uganda. Afskop in die wenner-vat-alles stryd is Saterdag om 3-uur Namibiese tyd. Die direkteur van die Namibiese Rugby-unie en tans hoofafrigter, Jacques Burger, het meer.

Rugby: Die Engelse flank, Tom Curry, en die Skotse senter Sione Tuipulotu is ingesluit in die Britse en Ierse Leeus se span vir Saterdag se eerste toets teen Australië in Brisbane. Tuipulotu is verkies bo Bundee Aki, terwyl Curry spelers soos Jac Morgan, Josh van der Flier en Henry Pollock laat terugstaan het. Marcus Smith is op die bank gekies voor Fin Smith en Owen Farrell. Afrigter Andy Farrell sê hulle het die regte balans vir die wedstryd:

Dr. Laurie Marker van die Cheetah Conservation Fund het met Kosmos 94.1 Nuus gepraat oor Nabha, die agtjarige wyfiejagluiperd in Indië se Kuno Nasionale Park, wat Saterdag vrek is aan beserings wat sy na bewering 'n week gelede tydens 'n jagtog opgedoen het. Volgens owerhede was een van haar bene gebreek en was behandeling ondoeltreffend. Nabha was een van agt jagluiperds wat Namibië in 2022 na Indië gestuur het.

Namibië en Zimbabwe speel Saterdag in die eindstryd van die 2025 Rugby Afrikabeker nadat die twee spanne hul halfeindronde wedstryde teen onderskeidelik Algerië en Kenia in Kampala, Uganda, gewen het. Saterdag kan daar net een wees – die wenner kwalifiseer vir 'n plek by die Mansrugby Wêreldbeker in Australië in 2027. Namibië se onder-kaptein Danco Burger sê Namibiërs moet bankvas agter die span staan.

Sluit aan by die stryd teen kanker by die Nasionale Kankerstaptog op Saterdag 26 Julie 2025, met trots aangebied deur PathCare Namibia. Hierdie 5 km-pretstaptog, wat in Windhoek, Rehoboth, Tsumeb, Otjiwarongo en Swakopmund plaasvind, bring gemeenskappe bymekaar vir 'n saak wat saak maak. Kosmos 94.1 Nuus het met Rolf Hansen, die uitvoerende hoof van die Kankervereniging van Namibië, gepraat.

In motornuus het die derde been van die Shell V Power-supertydren Saterdag op Tsumeb plaasgevind en vir harde wedren-aksie gesorg. Francois Lottering van Motor Media Namibia het die uitslae:

Iga Swiatek het Saterdag die eerste Pool geword om ‘n Wimbledon-enkelspeltitel te wen toe sy Amanda Anisimova van Amerika met 6-0, 6-0 in net 57 minute verslaan het. Dit is die eerste keer in meer as ‘n eeu dat ‘n speler ‘n Wimbledon-finaal in skoon stelle verloor. Saterdag se oorwinning beteken Swiatek het 100 wedstryde uit 120 by groot toernooie gewen. Dit is die vinnigste 100 sedert Serena Williams in 2004. Swiatek is ook die jongste speler sedert Williams in 2002 om Grand Slam-titels op gras-, klei- en asfaltbane te wen. Kort ná sy haar trofee ontvang het, het Swiatek met die media gepraat:

Rugby: Nieu-Seeland se afrigter, Scott Robertson, moes twee veranderinge maak aan sy opdrafspan vir Saterdag se tweede toets teen Frankryk in Wellington. Patrick Tuipulotu vervang kaptein Scott Barrett, wat op die kantlyn is weens ʼn geskeurde kuitspier, terwyl Caleb Clarke instaan vir Sevu Reece wat in die eerste toets harsingskudding opgedoen het. Die All Blacks het dié toets 31-27 gewen. Onderkaptein Ardie Savea sal die span lei. Robertson sê hy het baie respek vir die Franse afrigter, Fabien Galthié:

Die derde been van die 2025 Nasionale Tydren-kampioenskappe vind Saterdag op Tsumeb plaas. Inskrywings het Maandagaand gesluit en 12 spanne se name is op die lys. Francois Lottering van Motor Media Namibia het meer.

President Cyril Ramaphosa sê Amerika se hoër invoertariewe is onredelik. Honderde skole in Gauteng is sonder krag en water weens agterstallige munisipale rekeninge. Die ontslape voormalige adjunkpresident, David Mabuza, word Saterdag met 'n kategorie twee staatsbegrafnis vereer.

Op die ouderdom van 22 kon jy hom reeds 'n miljoenêr noem. Nie net is hy is 'n entrepreneur nie, maar ook 'n eiendomsbelegger, selfgemaakte miljoenêr, gekwalifiseerde industriële ingenieur en topverkoper-skrywer. Skakel op Saterdag 28 Junie op Kopskuif in en kom luister hoe Albert van Wyk mense regoor die land in staat stel om hul rykdom op te bou. Hy gesels oor sy passie om entrepreneurs en besigheidseienaars te motiveer om finansiële sukses te bereik. Hy bemagtig ook die jeug van Suid-Afrika en het hierdie jaar alreeds 82 skole besoek en meer as 92 000 leerders toegespreek met sy “Maak My 'n Miljoenêr” televisieprogram.

Rugby: Die Stad Kaapstad verwag 'n vol Kaapstad-stadion vir Saterdag se geskiedkundige kragmeting tussen die Springbokke en die Barbarians. Die wedstryd is die eerste ontmoeting tussen die twee spanne sedert 2016 en die eerste een op Suid-Afrikaanse bodem. Die burgemeesterskomiteelid vir Veiligheid en Sekerheid, JP Smith, sê meer as 40 000 toeskouers word verwag en dit sal die verkeer beïnvloed:

Maatskaplike welsyn-minister Emma Kantema het 'n video op sosiale media veroordeel waar 'n man gesien word hoe hy 'n jong meisie, vermoedelik sy dogtertjie, dwing om 'n hookah-pyp te rook. Die polisie ondersoek twee klagte, van oortreding van die Wet op Kindersorg en Beskerming, asook van die Wet op die Beheer van Tabakprodukte. Die voorval het na bewering op Saterdag, 14 Junie in 8ste Laan in Otjimuise plaasgevind. Kosmos 94.1 Nuus het reaksie ontvang van die woordvoerder van die LPM se jeugvleuel, William Minnie.

Banyana Banyana se afrigter, Desiree Ellis, het 'n finale span van 26 spelers aangekondig vir die Afrikabekertoernooi vir vroue wat volgende Saterdag in Marokko begin. Slegs 14 was in die span wat die toernooi drie jaar gelede gewen het. Die 17-jarige Casey Gordon en Bonolo Mokoma van die JVW-klub in Bedfordview is die jongste spelers in die groep. Suid-Afrika speel in Groep C teen Ghana, Mali en Tanzanië. Ellis sê dit was 'n uitdaging om die finale span te kies:

Rugby: Die Springbokke se hulpafrigter, Tony Brown, sê Saterdag se wedstryd teen die Barbarians is 'n ideale toets vir die span wat die toon sal aangee vir die komende seisoen. Die wedstryd op die Kaapstad-stadion is die eerste ontmoeting tussen die Bokke en die BaaBaas sedert 2016. Brown sê aspekte van Suid-Afrika se speelstyl sal deur die seisoen ontwikkel terwyl hulle daarop fokus om aanhoudend te verbeter:

Namibië se Welwitschias het Saterdag ‘n naelskraapse oorwinning teen Uganda op Naartjiepark op Walvisbaai behaal. Die eindtelling in dié vriendskaplike wedstryd was 22-19. Die wedstryd was deel van Namibië se voorbereiding vir die Afrika-nasiebeker en die Rugbywêreldbeker. Jacques Burger, die rugbydirekteur van die Namibiese Rugby-unie, het ná afloop van die wedstryd só reageer:

President Donald Trump se langverwagte militêre parade is Saterdag in die strate van die middestad van Washington gehou. Dit was ook Trump se 79ste verjaardag. Die viering van die Amerikaanse leër se 250ste herdenking is egter gekenmerk deur 'n dag van geweld en onenigheid. In die ure voor die parade begin het, het honderdduisende Amerikaners die strate in van New York tot Chicago en tot Los Angeles ingevaar en teen Trump se presidentskap betoog. Waarnemers sê dit is die grootste betoging sedert sy bewindsoorname in Januarie.

Rugby: Die Bulle se hoofafrigter, Jake White, is vol lof vir Leinster voor Saterdag se Verenigde Rugbykampioenskaps-eindstryd in Dublin. Hy sê die Ierse span is strate voor enige ander span. Nie een van die twee kon nog die kompetisie wen nie, en die Bulle is die derde keer in 'n eindstryd na vier pogings. White sê Leinster se model is bewonderenswaardig:

Rugby: Die Springbok-vroue se veelsydige voorspeler, Lerato Makua, sê sy is vasbeslote om 'n impak te maak in die Afrika-vrouebeker in Madagaskar wat Saterdag begin. Suid-Afrika wil hulle titel teen Uganda, Kenia en die gasvroue Madagaskar by die Stade Makis in Antananarivo verdedig. Makua, wat na 'n kniebesering terugkeer, sê dit is 'n geleentheid vir haar om te wys dat sy fiks en gereed is om later vanjaar in die Wêreldbeker te speel:

Die Gauteng-polisie sê hulle soek drie verdagtes in verband met die moord op die adjunkhoofsweep van die IVP, Khethamabala Petros Sithole. Hy is Saterdag in 'n skietery by die Buyafuthi-hostel in Katlehong aan die Oos-Rand dood. Sy party het die moord as 'n sluipmoord bestempel. Die provinsiale polisiewoordvoerder, Brenda Muridili, sê 'n groep mans was besig met 'n vergadering by die hostel toe drie onbekende mans op die groep losgebrand het en een persoon doodgeskiet en twee gewond het:

Die president van die Maldives, Mohamed Muizzu, het Saterdag die Wêreldgesondheidsorganisasie se spesiale erkenning vir Wêreld Geen Tabak-dag ontvang vir sy leierskap in tabakbeheer. Die direkteur-generaal van die WGO, Tedros Ghebreyesus, het Muizzu se toewyding aan openbare gesondheid geprys. Die Maldive-eilande het onder sy leierskap e-sigarette verbied, die ouderdom vir die gebruik van tabakprodukte tot 21 verhoog en rookvrye gebiede uitgebrei. Ghebreyesus het ook die Maldives se gratis ophou-rook-programme deur verhoogde tabakbelasting verwelkom om toegang tot tabak te beperk en lewens te red:

FNB Kudus en FNB Wanderers het Saterdag op die Hage Geingob-stadion in Windhoek deurgedring na die eindstryd van die Namibiese Rugbypremierliga. FNB Kudus het FNB Grootfontein met 42-37 geklop, terwyl FNB Wanderers Trustco United met 39-14 verslaan. PJ Walters, die kaptein van FNB Kudus, het só na hul stryd teen FNB Grootfontein reageer:

Hoewel die Haaie die Europese Uitdaagbeker gewen het, het hulle nie veel welslae behaal in die Verenigde Rugbykampioenskap nie. Hulle het verlede seisoen in die 14de plek op die punteleer afgesluit. Die Durbanse span berei voor vir Saterdag se kwarteindstryd teen die Ierse span Munster op Kingspark in Durban. Die Haaie se kaptein, die Springbok-ster Eben Etzebeth, sê hulle verwag 'n moeilike wedstryd ondanks hulle tuisveld-voordeel:

Die Namibiese Bloedoortappingsdiens het die naweek ‘n tweede Red Saturday-geleentheid. Windhoek, Oshakati en Walvisbaai kom aan die beurt om meer as 250 eenhede bloed in te samel voor die openbare vakansiedae op 26, 28 en 29 Mei. Bloedskenkings in Windhoek kan van nege tot twee by Grove Mall en Wernhil gedoen word. Kosmos 94.1 Nuus het met die diens se senior bemarkingsbeampte, Michael Sheyavali gepraat.

Die Namibia Stud Game Breeders-veiling vind plaas op Saterdag, 10 Mei om 18:00 by die Nedbank Sky Garden in Windhoek. 'n Wye verskeidenheid wild sal aangebied word, insluitend teel- en jagbulle, verse en koeie van spesies soos swartwitpens, goue wildebeeste, swart en witflank springbokke, rooibokke, roan, lechwe, nyala, kameelperde, elande, rooihartbeeste, blesbokke, en zebrafamilies. Hoogtepunte sluit in 'n renosterkoei met kalf, 'n 51' swartwitpensbul en 'n 50'+ koedoe-bul. Kosmos 94.1 Nuus het gesels met Paul Klein van Agra Auctions, wat ons meer vertel.

Die Cannabis and Hemp Association of Namibia reël ‘n vreedsame betoging vir die komende Saterdag waartydens hulle ‘n petisie aan die Verenigde Nasies gaan oorhandig vir die wettiging van die gebruik van dagga. Die betoging begin om tienuur in Mahatma Ghandi-straat agter die sentrale gevangenis en sal dan deur Onafhanklikheidslaan beweeg. Kosmos 94.1 Nuus het met Borro Ndungula, sekretaris-generaal van die Ganja Users of Namibia, gepraat:

Okahandja se burgemeester, Beatrice Katungondo, het vir die ontplooiing van die weermag in die dorp gevra om die gemeenskap te beveilig ná twee jong dogtertjies binne in maand op dié dorp vermoor is. In die jongste voorval is die liggaam van die sesjarige Roslin Fabian Vrydag in Veddersdal gevind. Katungondo het Saterdag tydens ‘n nuuskonferensie ook vir die groter teenwoordigheid van die polisie gevra. Intussen het die polisie Saterdag ook die naakte liggaam van ‘n vrou in haar vroeë dertigs in Vyfrandkamp gevind.

Die sooispitseremonie vir ‘n skool wat voorsiening maak vir kinders met ‘n verskeidenheid van gestremdhede, het Saterdag op Kamanjab plaasgevind. Konstruksie aan dié skool van 34 miljoen Namibiese dollar, sal vanjaar begin. Dit sal 500 kinders kan huisves en sal klaskamers en ‘n koshuis insluit. Onderwysminister Sanet Steenkamp het tydens die seremonie gesê die waardigheid van alle kinders moet beskerm word:

‘n Massabetoging teen onlangse kindermoorde op Okahandja word môreoggend op die dorp beplan. Die burgemeester van die dorp, Beatrice Kotungondo, het Saterdag teruggekrabbel oor ‘n protesaksie wat sy aanvanklik weens die toerisme- en handelsekspo op Okahandja afgekeur het en gesê dit was ‘n misverstand. Die gemeenskap eis nou dat die ekspo volgende week afgestel word. Kotungondo het ‘n beroep op die gemeenskap gedoen om aan die betoging deel te neem:

Die eerste minister van Israel Benjamin Netanyahu het die land se weermag beopdrag om druk op Hamas te verskerp nadat die Palestynse militante groep 'n tydelike wapenstilstandsvoorstel verwerp het. In ‘n televisie-uitsending Saterdag het Netanyahu gesê dat hoewel oorlog 'n duur prys meegebring het, Israel geen ander keuse het as om aan te hou veg vir sy bestaan nie. Hamas het Donderdag 'n Israeliese voorstel vir 'n tydelike skietstilstand verwerp. Hamas hou tans 59 gyselaars aan, met 24 van hulle wat glo lewend is.

Kaptein Nolusindiso Booi maak Saterdag geskiedenis wanneer sy die eerste Springbok-vrouespeler word wat in 50 toetse uitgedraf het. Suid-Afrika speel teen Spanje in Elche in hul eerste toets van die seisoen. Booi, wat reeds die vrouespeler is wat die meeste toetse vir Suid-Afrika gespeel het, behaal dié prestasie nadat sy 15 jaar gelede, in 2010, haar buiging gemaak het. Prestasie-afrigter Swys de Bruin sê Booi is ʼn goeie voorbeeld vir almal wat by vrouerugby betrokke is:

Die polisie op Usakos het ‘n 17-jarige seun van moord aangekla na die grumoorde Saterdag in die Hakhaseb-informele nedersetting op die dorp. Die verdagte het na bewering in die vroeë oggendure van Saterdag ses mense met ‘n byl en knopkierie geslaan en hul liggame daarna aan die brand gesteek. Die oorledenes is ‘n 90-jarige vrou, vier van haar kleinkinders tussen drie en ses jaar oud, en haar 18-jarige kleindogter. Kosmos 94.1 Nuus het reaksie van die aktivis Ethne Mudge gekry oor wat moontlik tot die aanval aanleiding kon gee:

Die leier van die Landless People's Movement, Bernadus Swartbooi, het Saterdag tydens die party se vierde nasionale konvensie in Windhoek sy teleurstelling met die nuwe begroting uitspreek. Hy is veral bekommerd oor die lae ontwikkelingsbegroting, wat die drywer van werkskepping behoort te wees. Swartbooi het ook ‘n beroep op opposisiepartye gedoen om saam te werk:

President Donald Trump het algemene tariewe van tien-persent aangekondig op alle invoere na Amerika, en dit word Saterdag van krag. Sekere lande sal hoër tariewe moet betaal wat op Amerikaanse handelstekorte gebaseer is. Suid-Afrikaanse uitvoere is onder dié wat die ergste geraak word, met tariewe van 30-persent. Trump het Suid-Afrika uitgesonder in sy aankondiging.

Amerikaanse president Donald Trump het universele tariewe van 10 persent op alle invoer na die VSA aangekondig, wat op Saterdag, 5 April in werking sal tree. Ekonome en politieke kommentators beskryf dit as 'n waterskeidingsmoment vir wêreldwye handel. Trump het in sy toespraak in die Withuis se Roostuin dit bevrydingsdag genoem en sê dit sal 'n 'goue era' vir Amerika begin.

Padwedlope: Die Stad Kaapstad sê meer as 30 000 atlete sal die naweek aan die 54ste Twee Oseane-marathon deelneem. Saterdag se ultra-marathon strek oor 56 kilometer van Nuweland tot by die Universiteit van Kaapstad aan die voet van Tafelberg. Die half-marathon van 21,1 kilometer vind Sondag plaas. Die burgemeesterskomiteelid vir Veiligheid en Sekuriteit, JP Smith, sê 89 lande sal verteenwoordig word.

Dié Saterdag gaan die Tony Rust-renbaan behoorlik kook met die eerste been van die Nasionale Langbaan Kampioenskap wat Saterdag plaasvind. Francois Lottering van Motor Media Namibia het meer.

Die enjins gaan brul by die eerste been van die Namibië nasionale motocross-kampioenskap Saterdag by Gallina Motocross Park. Die hekke maak ses-uur die oggend oop en die eerste wedren begin om 11-uur. Verversings is beskikbaar. Toegangsgeld is 20 Namibiese dollar voor vier-uur en 40 dollar na vier, en kleuters kom gratis in. Moenie 'n epiese dag vol spoed, opwinding en pret vir die hele familie misloop nie! Kosmos 94.1 Nuus het gesels met Anthea Mans van SMAC Namibia, wat meer inligting gee.

President Netumbo Nandi-Ndaitwah het Namibië se kabinet vir die volgende vyf jaar drasties verklein. Daar is nou net 14 ministers en 7 adjunkministers, vergeleke met 21 ministers en 21 adjunkministers in die vorige bedeling. Lucia Witbooi is as die nuwe visepresident aangewys, terwyl Elijah Ngurare die nuwe eerste minister is. Ericah Shafudah is die nuwe finansminister, Albert Hengari is landbouminister en Sanet Steenkamp is die nuwe minister van onderwys. Nandi-Ndaitwah het Saterdag by Staatshuis gesê die kleiner kabinet is onder meer om koste te bespaar:

Namibië se gesondheidstelsel, dokters en verpleegsters is oorweldig en digitale gesondheidsorg gaan ingespan word om dié las te verlig, sê die nuwe minister van gesondheid, dr. Esperance Luvindao. Luvindao word internasionaal hoog aangeskryf vir haar werk in gesondheid en was onder meer op Forbes se toonaangewende 30 Under 30-lys. Net ná haar inhuldiging Saterdag by Staatshuis, het sy die volgende gesê:

Die Omaruru-rivier het Saterdag in volle vloed afgekom. Sosiale media gons met video's van huise en gastehuise wat oorstroom is en inwoners wat sê hulle kan nie onthou wanneer laas hulle dié rivier so magtig gesien het nie. Dirkie Baard, die eienaar van Untamed Africa Tours, en ‘n groep motorfietsryers was by Omaruru Game Lodge en beskryf die situasie só:

ʼn Amerikaanse federale regter eis ʼn verduideliking van president Donald Trump se administrasie omdat hy na bewering ʼn bevel oor die deportasie van vermeende Venezolaanse bendelede geïgnoreer het. Die administrasie het die Wet op Buitelandse Vyande gebruik om Saterdag meer as 238 meestal Venezolaanse vermeende bendelede na ʼn tronk in El Salvador te stuur. Dit ten spyte van regter James Boasberg se bevel dat die vliegtuie omdraai. Die Withuis se perssekretaris, Karoline Leavitt, sê hulle het nie Boasberg se opdrag oortree nie:

Die Ietermagô Bewaring- en Navorsingstigting vier Wêreld-ietermagôdag hierdie Saterdag met verskeie pret-aktiwiteite by Eagle's by die Avisdam in Windhoek. Stroping van dié seldsame dier bly ‘n probleem in Namibië met 570 ietermagô's wat sedert 2018 gestroop is. Kosmos 94.1 met die stigter, Kelsey Prediger, gepraat:

Die stigterspresident Sam Nujoma kom rondom half-agt vanoggend op Hosea Kutako Internasionale Lughawe aan waarna ‘n straatprosessie in die hoofstad gehou sal word. Sy gedenkdiens vind môre plaas en Saterdag word hy ter ruste gelê by Heldeakker. Intussen het die Namibiese Hoë Kommissariaat en UNISA Nujoma as 'n revolusionêre ikoon vereer. By 'n gesamentlike gedenkdiens in Pretoria, het die visekanselier van UNISA Puleng LenkaBula gesê Nujoma was 'n sleutelfiguur met Namibië se onafhanklikheid, Suid-Afrika se bevryding van apartheid en Afrika-eenheid:

Die Amerikaanse president Donald Trump het voorgestel die skietstilstand tussen Israel en Hamas word gekanselleer as al die gyselaars in Gaza nie teen Saterdag vrygelaat word nie. Dit volg nadat Hamas gesê het die volgende vrylating van gyselaars word uitgestel en Israel beskuldig het dat hy die skietstilstand-ooreenkoms verbreek. Sedert die skietstilstand op 19 Januarie begin het, is 16 Israelse en vyf Thaise gyselaars vrygelaat in ruil vir 566 Palestynse gevangenes. Trump het ook sy twyfel uitgespreek of baie gyselaars lank genoeg sal bly leef om vrygelaat te word:

Namibië treur oor die afsterwe van sy stigterspresident, Sam Nujoma, wat Saterdag 8 Februarie net voor middernag in die ouderdom van 95 oorlede is. Nujoma was instrumenteel om Namibië tot onafhanklikheid van Suid-Afrika in 1990 te lei en het 15 jaar lank as die land se eerste president gedien. Namibiërs van alle vlakke van die samelewing het hul medelye uitgespreek en oor sy nalatenskap besin.