Podcasts about saterdag

Die Khomanin tradisionele owerheid het Saterdag 'n stem-vergadering onder die gemeenskap in Windhoek gehou oor die voorgestelde verwydering van die huidige Khomanin leier en hoof, Julienne Gawanas. Daar word gekla dat sy gemeenskapsgrond aan welgestelde nie-gemeenskapslede verkoop en ook donasies aan die gemeenskap vir haarself hou. Volgens die voorlopige uitslae was daar 634 stemme vir Gawanas se verwydering en 69 daarteen, met vier bedorwe stembriewe. Nog stemmings sal gehou word. Kosmos 94.1 Nuus het met die Khomanin bestuurskomiteelid Shaun Gariseb gepraat, wat verduidelik wat vorentoe sal gebeur.

Die gesogte Hartebeestloop Bonsmara-veiling vind komende Saterdag plaas. Dit sal vanaf half-twaalf die oggend by die top-Bonsmara-teler dr. Joggie Briedenhann se Hartebeestloop-plaas in die Stampriet-distrik en aanlyn via SwiftVee aangebied word. Briedenhann het met Kosmos 941.1 Nuus gepraat.

Die voormalige Britse gesondheidsminister Wes Streeting het bevestig dat hy aan enige leierskapswedloop van die Arbeidersparty sal deelneem om Keir Starmer te vervang. Streeting het Donderdag die eerste senior minister geword wat bedank het, in wat algemeen beskou word as die begin van 'n uitdaging teen Starmer se leierskap. Hy het gesê hy het vertroue in die eerste minister verloor en glo Starmer behoort nie sy termyn in die amp uit te dien nie. Tydens 'n geleentheid Saterdag het Streeting ook Brexit as 'n “katastrofiese fout” beskryf.

Rugby: Die Bulle se afrigter, Johan Ackermann, sê hulle sal moet verbeter voor volgende Saterdag se Verenigde Rugbykampioenskaps-kwarteindstryd teen die Ierse span, Munster, op Loftus Versfeld. Die Bulle het die Italiaanse span Benetton 45-19 afgeransel vir ʼn tuis-kwarteindstryd. Dit was hul sesde agtereenvolgende sege, wat die vierde plek op die punteleer verseker het. Munster het die Leeus 24-17 geklop en vyfde geëindig. Ackermann sê hulle aanvalstegnieke is een van die fokuspunte:

Eskom berei voor vir die geleidelike oorgang van steenkoolkragstasies, met besluite oor die sluiting en hergebruik van ouer aanlegte wat tussen Julie en September 2026 verwag word. Daarbenewens sê Eskom dat meer as 500 000 huishoudings voordeel trek uit sy lasverminderingsprogram, met die Noord-Kaap en Wes-Kaap wat lasvermindering ten volle uitgeskakel het. Eskom het Saterdag vir die eerste keer sedert 2018, 365 agtereenvolgende dae sonder beurtkrag gevier. Woordvoerder Daphne Mokoena het meer:

Orlando Pirates het Saterdag 'n terugslag in die Premierliga-titelstryd beleef ná 'n doellose gelykopuitslag teen Durban City. Pirates het balbesit oorheers en verskeie kanse geskep, maar is herhaaldelik deur die Durban City-verdediging en doelwagter Fredrick Asare gekeer. Die uitslag laat hulle twee punte agter die voorlopers, Mamelodi Sundowns. Afrigter Abdeslam Ouaddou sê sy span moet hul laaste wedstryd teen Orbit College FC wen om hul titelhoop lewend te hou.

Motorsport-entoesiaste regoor Namibië maak gereed vir 'n lekker naweek met die Swakop-tydren, die eerste been van die Namibiese Nasionale Tydrenkampioenskappe, wat Saterdag op die kusdorp plaasvind. Francois Lottering het meer.

Die Bloedoortappingsdiens doen 'n dringende beroep op alle Namibiërs om vandag se Rooi Saterdag-bloedskenkingsklinieke te ondersteun, aangesien nasionale bloedvoorraadvlakke steeds daal. Gesonde burgers tussen die ouderdomme van 16 en 70, wat minstens 50-kilogram weeg en aan die skenkingsvereistes voldoen, word aangemoedig om by klinieke in Windhoek, Oshakati en Walvisbaai te skenk. Die diens se onderwysbeampte Frieda Vatileni-Asino is aan die woord:

Die Intelligence Support against Poaching, of ISAP, se Junior Ranger-kursus wat Saterdag begin het en tot 10 Mei duur, is in volle swang. Die kamp, wat kinders van 13 tot 18 jaar onder meer leer spoorsny, toerus met basiese oorlewingsvaardighede en ‘n magdom kennis van die natuur, kweek ook respek en dissipline onder tieners. Fritz Kaufmann, die stigter van ISAP, vertel meer van die naweek se bedrywighede:

Jean-Louis gesels met KJ van JSB Sports Betting oor hoe die KosMOS Fees en JSB Sports Betting vir jou die kans gee om 'n onvergeetlike reis vir twee na Suid-Afrika te wen. Vind uit hoe om deel te neem en hoekom jy beslis by KosMOS Fees moet wees. Wat jy kan wen: -Retourvlugte vir twee na Suid-Afrika -2 nagte se verblyf -Kaartjies om die Springbokke teen Engeland te sien speel by Ellis Park op 4 Julie. Totale waarde van N$30 000! Skryf nou in: bit.ly/JSB-Giveaway Hoe om in te skryf: Koop jou KosMOS Fees-kaartjie Voltooi die inskrywingsvorm Hê 'n geldige JSB Sports Betting-rekening Wees by KosMOS Fees op Saterdag, 25 April vir die regstreekse aankondiging Geen her-trekkings nie - jy moet daar wees om jou prys te eis B's en V's geld. Geen onder 18's

Send us Fan MailLukas 23:55-56 Die vroue wat saam met Jesus van Galilea af gekom het, het saamgeloop en die graf gesien en gekyk hoe sy liggaam neergelê word. Daarna het hulle huis toe gegaan en reukolie en salf reggemaak. Op die sabbatdag het hulle gerus, soos die gebod bepaal. Saterdag, ná Goeie Vrydag is tradisioneel 'n redelik stil dag van rus. Goeie Vrydag was ‘n belangrike dag en Sondag, die dag waarop Jesus opgestaan het, is eers die volgende dag. Jesus se liggaam was daardie Saterdag nog in 'n verseëlde graf en daar was niks vir die dissipels om te doen nie, want alles was tog finaal verby...Was dit?Jy kan jou die gebeure voorstel, nè? Na die vorige dag se trauma van Jesus se wrede dood, die voorhangsel van die tempel wat geskeur het en grafte wat oopgegaan het, het die dissipels in vrees vir hul eie lewens, die gebeure probeer verwerk. Wat kon hulle doen? Hy was dood en begrawe, en dit was immers die sabbat.Lukas 23:55-56 Die vroue wat saam met Jesus van Galilea af gekom het, het saamgeloop en die graf gesien en gekyk hoe sy liggaam neergelê word. Daarna het hulle huis toe gegaan en reukolie en salf reggemaak. Op die sabbatdag het hulle gerus, soos die gebod bepaal.Daar was niks anders om te doen as om te treur, te rus en voor te berei om Jesus se liggaam te balsem nie. Gelukkig hoef ons nie saam met hulle te treur nie, want ons weet wat kom ... Jy weet dat die misdadiger, Barabbas, op die skare se aandrang vrygelaat is. Jy weet dat Jesus jou kom red het. Jy weet dat Hy vir jou gesterf het ... in jou plek gesterf het. En jy ken hierdie tydlose waarheid:Johannes 3:15-16 sodat elkeen wat in Hom glo, nie verlore mag gaan nie, maar die ewige lewe kan hê. Want so lief het God die wêreld gehad, dat Hy sy eniggebore Seun gegee het, sodat elkeen wat in Hom glo, nie verlore mag gaan nie, maar die ewige lewe kan hê.Genade het Jesus sy lewe gekos - sodat ons nie vir ewig moet betaal vir ons sondes nie. Jy, ek en Barabbas is almal seuns of dogters van die Vader. Almal is skuldig. Almal is ongelooflik geliefd. Almal word uitgenooi om te glo.Moet jouself dus nie diskwalifiseer deur skuldgevoelens nie. Genade gaan nie daaroor om goed genoeg te wees nie. Dit gaan oor 'n God wat jou so liefgehad het dat Hy jou plek ingeneem het.Dis die onreg en die skandaal… en die skoonheid en die wonder… van die Evangelie.En dis God se Woord. Vars… vir jou… vandag. Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Israel se eerste minister, Benjamin Netanyahu, sê Iran het weereens bewys hy is die beskawing se vyand en ʼn gevaar vir die vrye wêreld, want hy gebruik terreurmissiele om kinders, gesinne en bejaardes te teiken. Netanyahu het die terrein van Saterdag se missielaanval in die suidelike stad Arad besoek waar 115 mense gewond is. Hy sê Iran teiken burgerlike gebiede want hulle doel is om burgerlikes te vermoor. Hy sê hulle sal voortgaan om die Iranse regime te beveg:

Puma Energy Namibia sal vir die tweede agtereenvolgende jaar brandstof borg om die Namibia Endurance Championships te fasiliteer, wat vandag tot Saterdag by Hentiesbaai plaasvind. Vanjaar se geleentheid het 'n rekordinskrywing van 105 perde en hul ruiters van 11 klubs gelok, wat aandui dat die sport groei en al hoe gewilder word. Marna Oosthuizen, woordvoerder van die Namibia Endurance Championships, het met Kosmos 94.1 Nuus gepraat.

Die Auas Hills Aftreeoord hou Saterdag hul jaarlikse markdag. Die aftreeoord bied ook versoringsdienste vir verswakte bejaardes. Rita van Vuuren van die beplanningskomitee nooi die publiek uit om die markdag by te woon wat ook versorging van pasiënte sal ondersteun. Van Vuuren het met Kosmos 94.1 Nuus gepraat.

Amerika se minister van Verdediging, Pete Hegseth, sê die oorlog met Iran kan tot agt weke duur, wat langer is as wat president Donald Trump se administrasie aanvanklik gesê het. Ses Amerikaanse weermaglede is dood sedert die konflik verlede Saterdag begin het. Volgens menseregtemonitors is meer as 'n duisend burgerlikes, insluitend 180 kinders, in Iran dood. Hegseth gee toe dat Iran steeds missielaanvalle kan uitvoer, maar beklemtoon dat Teheran nie Amerikaanse militêre mag kan oorleef nie:

Kanada se eerste minister, Mark Carney, sê die Amerikaans-Israelse oorlog teen Iran is nog 'n voorbeeld van die internasionale orde se mislukking. Amerika sê hy het meer as 1 700 teikens in Iran getref sedert hy Saterdag met militêre optrede begin het. Teheran het geregeer met 'n vlaag aanvalle in die Midde-Ooste. Carney sê al beskou Kanada Iran se kernprogram as 'n ernstige globale bedreiging, vra hulle dat vyandelikhede vinnig afgeskaal word:

President Donald Trump sê daar sal waarskynlik nog Amerikaanse ongevalle wees as deel van Operasie Epic Fury in Iran. Drie Amerikaanse soldate is tydens die operasie dood en vyf ander is ernstig gewond. Iran se opperleier Ali Khamenei is Saterdag in gesamentlike aanvalle deur Amerika en Israel dood. Iran het gereageer met aanvalle op Amerikaanse weermagbasisse in die Midde-Ooste. Trump sê die operasie sal met volle mag voortgaan tot al hul doelwitte bereik is:

Die Britse eerste minister, Keir Starmer, sê sy land het 'n versoek van Amerika goedgekeur om Britse Weermagbasisse te gebruik vir verdedigende aanvalle teen Iran. Die Lugmagbasisse is Fairford in Gloucestershire en die hoogs omstrede Diego Garcia op die Chagos-eilande. Starmer het herhaal dat Brittanje nie betrokke was in Saterdag se Amerikaans-Israelse lugaanvalle op Iran waarin die land se opperleier, Ali Khamenei, dood is nie:

Die Amerikaanse president, Donald Trump, sê 'n Iranse regime gewapen met langafstandmissiele en kernwapens hou 'n ernstige bedreiging vir alle Amerikaners in. Dit volg terwyl Iran se vergelding toeneem nadat die land se opperleier, ajatolla Ali Khamenei, Saterdag dood is in Amerikaans-Israelse aanvalle. Drie Amerikaanse Weermaglede is ook dood tydens Operasie Epic Fury, en vyf ernstig gewond. Trump sê Iran verwerp all geleenthede om sy kerndoelwitte te laat vaar:

Die sekretaris-generaal van die Verenigde Nasies, António Guterres, het Israel en Amerika se aanval Saterdag op Iran veroordeel. Tydens ‘n noodvergadering van die VN se Veiligheidsraad in New York, het Guterres ook Iran se teenreaksie veroordeel, veral die skending van die territoriale soewereniteit van Bahrein, Irak, Jordanië, Koeweit, Katar, Saoedi-Arabië en die Verenigde Arabiese Emirate. Guterres sê die oorlog bedreig internasionale vrede en stabiliteit en die belangrikheid van die onmiddellike hervatting van diplomatieke onderhandelings beklemtoon.

Die Tuinroete-distriksmunisipaliteit in die Wes-Kaap sê bek-en-klouseer is bevestig op 'n vers-plaas naby Mosselbaai, 21-kilometer noord van die oorsprong-plaas. ʼn Woordvoerder, Herman Pieters, sê kalwers van die oorspronklike plaas is Saterdag na hierdie eiendom verskuif. Hy sê alle vee op die betrokke plaas, asook ʼn buurplaas, is intussen ingeënt:

Die goudprys het Vrydag in New York tot 5 106 Amerikaanse dollar per fynons geklim na president Donald Trump se aankondiging dat hy sy tariewe wat deur die hooggeregshof omvergewerp is, met 10-persent tariewe teen alle lande gaan vervang. Saterdag het hy aangekondig hy gaan dit na 15-persent verhoog. Die prys van Brent ru-olie het ook Vrydag gestyg tot bo 71 dollar per vat te midde van spanning tussen Amerika en Iran. Kosmos 94.1 Nuus het met die Suid Afrikaanse ekonoom, Dawie Klopper gepraat oor wat met die olieprys en die Amerikaanse dollar kan gebeur.

Frankryk het in die Stade Pierre-Mauroy in Lille ʼn 33-8-bonuspuntoorwinning oor Italië behaal en is ʼn stap nader aan ʼn Sesnasies Grand Slam en agtereenvolgende titels. Les Bleus het vyf drieë gedruk teenoor die een van Italië. Frankryk reis na Edinburgh om Saterdag, 7 Maart, teen Skotland kragte te meet. ʼn Bonuspunt-oorwinning op Murrayfield sal die titel vir Fabien Galthie se span beklink. Frankryk se verdedigingsafrigter, Shaun Edwards, sê dit was ʼn taai wedstryd:

Die minister van buitelandse sake, Marco Rubio, het Saterdag in 'n boodskap oor eenheid, na Amerika verwys as die "kind van Europa". Rubio het by die jaarlikse Veiligheidskonferensie in München gepraat, waar Europese nasies hul eie onafhanklikheid wil bevorder maar 'n vennootskap met Amerika probeer handhaaf. Die president van die Europese Kommissie, Ursula von der Leyen, en die Duitse minister van Buitelandse Sake, Johann Wadephul, was ná die toespraak optimisties. Litaue se oudminister van Buitelandse Sake, Gabrielius Landsbergis, meen egter die toespraak het nie van bestaande Amerikaanse standpunte afgewyk nie, maar is bloot meer beleefd aangebied.

Hierdie naweek stap Namibiërs uit solidariteit met kinders wat teen kanker veg en einde-van-lewe behandeling nodig het. Terwyl die wêreld Sondag Wêreldkankerbewustheidsdag vir Kinders vier, doen die Kankervereniging van Namibië, saam met die Lions-klub en wêreldwye pediatriese onkologie-vennote, 'n beroep op gesinne landwyd om hierdie Saterdag vir hoop te stap. Deelnamegeld vir studente is 20 Namibiese dollar en 50 dollar vir volwassenes. Geleenthede word in Windhoek, Rehoboth, Swakopmund en Walvisbaai beplan om broodnodige fondse in te samel. Kosmos 94.1 Nuus het met die Kankervereniging se uitvoerende hoof, Rolf Hansen gepraat.

Hollie Davidson van Skotland sê dis 'n reuse-eer om wedstryde in die Sesnasies-reeks te hanteer. Die 33-jarige word Saterdag die eerste vroue-skeidsregter van 'n manswedstryd in die Sesnasies wanneer Ierland Italië in Dublin ontvang. Sy het tot dusver geblaas in 47 toetse - 34 vroue- en 13 mans-wedstryde - in die Olimpiese en die Statebondspele, asook twee vroue-Wêreldbekertoernooie. Davidson hoop om jong meisies en seuns te inspireer:

As deel van sy voortgesette pogings om bloedskenking te bevorder, het die Bloedoortappingsdiens van Namibië die "Skenk op 'n Afspraak"-veldtog vandag geloods en dit sal tot Valentynsdag op Saterdag, 14 Februarie duur. Die veldtog moedig beide huidige en voornemende skenkers aan om bloed in pare te skenk as 'n simbool van liefde en toewyding aan pasiënte in nood. Skenkers word genooi om deel te neem as paartjies, ouers en kinders, vriende, kollegas, broers en susters, of selfs as twee vreemdelinge. Die Bloedoortappingsdiens se opvoedkundige beampte, Frieda Vatileni-Asino, het met Kosmos 94.1 Nuus gepraat:

Die polisie in Gauteng soek steeds na ‘n groep gewapende transitorowers ná Saterdag se geweldadige tonele in Thokoza. Klopjagte in die Wes-Kaap lei tot die inhegtenisneming van minstens drie verdagtes in verband met bendegeweld op die Kaapse Vlakte. Rusland loods 'n rits nuwe aanvalle op Oekraïne se hoofstad kort voor gesprekke tussen die Amerikaanse president en die president van Oekraïne.

Namibië se vrouehokkiespan bly onoorwonne by die Nkosi-binneshuise toernooi in Kaapstad ná hulle Nieu-Seeland Saterdagoggend met 7-3 geklop het. In hul eerste wedstryd Vrydag, het die span Zimbabwe ook met 7-3 verslaan. Die vroue durf Australië vanmiddag om drie-uur aan. Afrigter Shayne Cormack het Saterdag se kragmeting só opgesom:

Die LUR vir samewerkende regering en tradisionele sake in KwaZulu-Natal, Thulasizwe Buthelezi, sê alles moontlik word gedoen om oorlewendes na die Verulam-tempel se ineenstorting te red. Reddingspanne in Durban het 'n vyfde liggaam uit die puin herwin, ná vier liggame van mans Saterdag gevind is. Verskeie mense is volgens berigte moontlik steeds vasgekeer. Spanne gebruik hand- en elektriese gereedskap om deur dik beton te breek. Owerhede sê herwinningsoperasies sal voortduur ondanks moeilike weersomstandighede, met soek- en reddingspogings wat die primêre fokus bly.

Liverpool se bestuurder, Arne Slot, ontken dat die situasie met voorspeler Mohamed Salah sy gesag ondermyn. Die Egiptenaar het Saterdag in ʼn skokkende onderhoud beweer die klub het hom in die steek gelaat en sy verhouding met Slot het skade gely. Die bestuurder het Salah vir Liverpool se laaste drie wedstryde op die bank gelaat, en hy is nie ingesluit by die groep wat vandag in die Kampioeneliga teen Inter Milan uitdraf nie. Slot sê hy is verras deur Salah se opmerkings:

Net 36,3 persent van mense wat geregistreer het om in die afgelope plaaslike owerheidsverkiesing te stem, het hul kruisies Woensdag gaan trek, toon amptelike uitslae wat Saterdag deur die Verkiesingskommissie van Namibië, die ECN, vrygestel is. Swapo het 52,4 persent van alle stemme in die plaaslike owerheidsverkiesing gewen, gevolg deur die Independent Patriots for Change met 15,01 persent en die Landless People's Movement met 5,85 persent. Die voorsitter van die ECN, Elsie Nghikembua, het tydens die bekendmaking van die finale uitslae ‘n beroep op Namibiërs gedoen om die uitslae te aanvaar:

Namibië se Capricorn Eagles het teruggebons en hul tweede wedstryd by die IKR Vroue Ontluikende Nasies Trofee-toernooi in Bangkok, Thailand gewen. Die Eagles het Uganda met 12 lopies geklop nadat hulle eerste gekolf en 83 vir 8 in hul 20 kolfbeurte aangeteken het. Hulle het daarna Uganda beperk tot 71 vir 7 in 20 boulbeurte. Namibië se bouler Leigh-Marie Visser is as die speler van die wedstryd aangewys na sy drie paaltjies laat kantel het vir net 10 lopies in 4 boulbeurte. Die Eagles se volgende wedstryd is Saterdag teen Thailand.

Rugby: Die Springbok-vleuel Cheslin Kolbe sê hulle sal Saterdag in Dublin ten volle gebruik moet maak van geleenthede om punte aan te teken teen Ierland. Suid-Afrika het Ierland laas in 2012 op die Aviva-stadion geklop en Saterdag se kragmeting bied ʼn kans om na 13 jaar weer sukses te behaal in die Ierse hoofstad. Kolbe verwag ʼn fisiese wedstryd en beklemtoon hulle sal moet aanpas by die scenario's wat op die veld uitspeel:

Die Springbok-hulpafrigter Tony Brown sê hulle neem Italië nie ligtelik op nie, omdat hulle 'n gevaarlike span is. Albei spanne is vol selfvertroue vir Saterdag se botsing in Turyn, met Suid-Afrika wat Frankryk met 32-17 geklop het, terwyl Italië 'n oorwinning van 26-19 oor Australië behaal het. Brown sê die Italianers is 'n groot bedreiging by die afbreekpunte, en ook baie gevaarlik wanneer hulle ruimte en geleenthede kry:

Sokker: Bafana Bafana se afrigter, Hugo Broos, sê hy hoop op ʼn oortuigende oorwinning teen Zambië omdat hy hul plek op die FIFA-ranglys wil verbeter. Saterdag se internasionale vriendskaplike wedstryd in die Baai is deel van Suid-Afrika se voorbereiding vir die Afrikanasiesbeker wat volgende maand in Marokko begin. Bafana Bafana is in Groep B met die sewemalige wenners en rekordhouer Egipte, Angola en Zimbabwe. Broos sê sy spelers moet dieselfde fokus en mentaliteit hê wat hulle in die Wêreldbeker-kwalifiseerwedstryde gehad het:

Die Britse polisie sê daar is niks wat daarop dui dat die messteek-aanval aan boord van 'n Doncaster-Londen-trein Saterdag 'n terroriste-voorval was nie. Vier van die nege mense wat aanvanklik vermoed is, ernstig beseer is, is uit die hospitaal ontslaan, terwyl twee se toestand steeds ernstig is. Die eerste minister Keir Starmer het die aanval as afgryslik en diep kommerwekkend beskryf. Die Britse vervoerpolisie-superintendent John Loveless sê twee mense is in hegtenis geneem:

Die Springbok-stut Ox Nché is ná ʼn besering vir res van die jaareindtoer na Europa op die kantlyn, terwyl Asenathi Ntlabakanye hom vervang. Nché het Saterdag sy been seergemaak tydens Suid-Afrika se skitterende 61-7-sege oor Japan op die Wembley-stadion in Londen. Ntlabakanye het in Julie die eerste keer vir die Bokke uitgedraf in hul toets teen Italië. Springbok-afrigter Rassie Erasmus sê Ntlabakanye was op die toer se bystandlys, en is bekend met die span se strukture en stelsels:

President Netumbo Nandi-Ndaitwah gaan drie taakspanne aanwys om die land se ekonomiese-, behuisings- en gesondheidsuitdagings te takel, het sy Saterdag tydens die opening van die sake-ekspo op Helao Nafidi in Ohangwena gesê. Die regering en die private sektor moet die kwessies saam aanpak, sê sy.

President Netumbo Nandi-Ndaitwah sê toenemende konflik tussen plaaslike owerhede en inwoners is kommerwekkend en belemmer dienslewering. Tydens haar toespraak Saterdag by die opening van die sake-ekspo op Helao Nafidi in Ohangwena, het die president ‘n beroep op samewerking tussen al die belangehebbers gedoen.

Rugby: Springbok-afrigter Rassie Erasmus sê hy het volle vertroue in die stut Zachary Porthen. Die 21-jarige is gereed om Saterdag die eerste keer vir Suid-Afrika uit te draf in die toets teen Japan op Wembley in Londen. Die voormalige SA Onder-20-kaptein het slegs in vyf senior wedstryde vir die Stormers gespeel - vier vanaf die bank en een in die opdrafspan. Erasmus sê Porthen gaan senuagtig wees, maar hy sal fisies gereed wees:

Die Namibiese rugbyspan sal Saterdag teen Suid-Afrika se Sanlam Boland Kavaliers in Malmesbury in die Wes-Kaap in ‘n finale wedstryd speel, voor die span na Dubai vertrek in sy laaste poging om vir die 2027 Wêreldbeker te kwalifiseer. Die toernooi in Dubai vind plaas van 8 tot 18 November by die Sevens-stadion. Die span het elke jaar sedert 1999 gekwalifiseer. Jacques Burger, direkteur van rugby, het meer.

Rugby: Die Springbok-hulpafrigter, Jerry Flannery, sê hulle jaareindtoer gaan ʼn groot en uitdagende toets vir die span wees. Suid-Afrika draf in November uit teen Japan, Frankryk, Italië, Ierland en Wallis. Die Bokke skop hul vyf-toets toer Saterdag af met ʼn kragmeting teen Japan op die Wembley-stadion in Londen. Flannery gee toe dat vyf toetse binne vyf weke die wêreldkampioen fisies en geestelik gaan uitdaag, maar glo dis presies die soort toets wat die groep nodig het:

Die minister van Vervoer, Barbara Creecy, het die herverkiesing van Suid-Afrika tot die Internasionale Burgerlugvaartorganisasie se Bestuursraad verwelkom tydens die 42ste Algemene Vergadering wat tans in Montreal, Kanada, plaasvind. Die departement se woordvoerder, Collen Msibi, sê die verkiesingstemming het Saterdag plaasgevind, en Suid-Afrika is herkies in Deel II van die Algemene Raad, 'n kategorie waar lidstate hoër verteenwoordiging ontvang by globale forums wat handel oor burgerlike lugvaart:

‘n Standbeeld van die ontslape Namibiese vryheidsvegter en een van Swapo se stigterslede, Andimba Toivo ya Toivo, is Saterdag op Robbeneiland naby Kaapstad onthul. Toivo ya Toivo was 16 jaar ‘n gevangene op Robbeneiland, onder andere saam met Nelson Mandela. ‘n Muur van herinnering met die name van 5 000 voormalige gevangenes is ook tydens Saterdag se geleentheid onthul. Onderwys- en kultuurminister Sanet Steenkamp het dit bygewoon:

Die weermag ontplooi vandag nóg 500 soldate in die Etosha Nasionale Park om veldbrande te help bestry. Bykans 800 000 hektaar, of 34 persent van Etosha, het is reeds vernietig, het omgewingsminster Indileni Daniel Saterdag bevestig. Meer as twintig naburige boere help sedert Vrydag amptenare van die ministerie en reeds ontplooide weermaglede om die brand op verskeie fronte te probeer blus. Kabinetsekretaris Emilia Mkusa het Saterdag ‘n noodvergadering belê om bykomende maatreëls in te stel. Die woordvoerder van die Kantoor van die Eerste Minister, Maxmus Halwoodi, het meer:

Rugby: Die Springbokafrigter Rassie Erasmus sê hulle sal nie die gevaarlike Argentyne in Saterdag se Rugbykampioenskap-botsing in Durban onderskat nie. Die Bokke het tien van hul laaste 12 wedstryde sedert 2018 teen die Pumas gewen met hul enigste twee nederlae teen Argentinië die afgelope seisoen en in 2018. Erasmus sê die Los Pumas hou oral gevaar in, veral met sterk voorspelers en uiters talentvolle agterspelers:

Rugby: Die afrigter van Nieu-Seeland, Scott Robertson het vier veranderinge aan die span gemaak wat 'n geskiedkundige nederlaag teen die Springbokke gely het, vir hulle wedstryd teen Australië. Die wedstryd, as deel van die Rugbykampioenskap, vind Saterdag op Eden Park plaas. Fabian Holland is in die span in die plek van kaptein Scott Barrett wat beseer is, terwyl Codie Taylor van sy besering herstel het. Die skrumskakel, Cam Roigard, en vleuel Caleb Clarke is ook terug in opdrafspan as die enigste ander veranderings. Robertson sê hy het vertroue in sy spelers:

Rugby: Die Australiese stut Allan Alaalatoa met sy terugkeer na die Wallabies, sê sy span sien Edenpark as net nog 'n ander rugbyveld. Hulle hoop om Saterdag Nieu-Seeland se 31 jaar onoorwonne rekord op die ikoniese Auckland-stadion te beeïndig. Die All Blacks het in 1994 laas op Edenpark verloor, maar het Saterdag 'n groot taak om daardie rekord te verdedig teen Australië as die Rugbykampioenskap-voorlopers. Nieu-Seeland is in hulle laaste wedstryd in Wellington, in 'n rekord-nederlaag van 43-10 deur die Springbokke verslaan. Alaalatoa sê hulle fokus op hulleself:

Die regering het 21 boorgate in Kavango-Oos laat sink om die voortdurende watertekorte in Rundu en omliggende gebiede te takel. Eerste minister Elijah Ngurare het Saterdag tydens ‘n besoek aan die streek gesê installering van die nodige infrastruktuur sal binne twee weke deur die landbouministerie afgehandel wees.