Podcasts about suid afrika

Die Grensbestuursowerheid sê nege Bangladesjiese burgers is by OR Tambo Internasionale Lughawe in Gauteng onderskep nadat hulle probeer het om Suid-Afrika met die gebruik van vervalste reisdokumente binne te kom. Die groep is gister tydens immigrasieverwerking met vals Suid-Afrikaanse visums en Indiese paspoorte gevind en is sedertdien teruggstuur na Bangladesj. Mmemme Mogotsi van die Owerheid sê ondersoeke is aan die gang om die bron van die vals visums en paspoorte op te spoor:

Bafana Bafana-afrigter, Hugo Broos, sê hulle het oor die algemeen goed gespeel in hul Wêreldbeker-openingswedstryd teen die mede-gasheerland, Mexiko, maar glo hulle aanvalle was nie dreigend genoeg nie. Julian Quinones en Raul Jimenez se doele het Mexiko se 2-0 oorwinning oor Suid-Afrika beklink in ʼn wedstryd waar drie rooi kaarte uitgedeel is. Bafana Bafana het die wedstryd met nege spelers klaargemaak nadat Sphephelo Sithole en Themba Zwane in die tweede helfte afgestuur is. Broos sê Zwane se rooi kaart was sag:

Adjunkpresident Paul Mashatile sê Suid-Afrika het vordering getoon in die stryd teen tuberkulose deur stelsels te versterk en innovasie en tegnologie toe te pas. Hy het die slotopmerkings gelewer by die Negende Suid-Afrikaanse TB-konferensie in Boksburg, Gauteng, in sy hoedanigheid as voorsitter van die Suid-Afrikaanse Nasionale VIGS-raad. Mashatile sê die land het sedert 2015 'n 61-persent-vermindering in TB-voorkoms behaal. Dit het die Wêreldgesondheidsorganisasie se 2025-mylpaal voortydig oortref:

Die minister van Toerisme, Patricia de Lille, sê die Wêreldbeker-sokkertoernooi bied 'n waardevolle geleentheid om Suid-Afrika as 'n toonaangewende toerismebestemming in Mexiko te bemark. Sy het voor vanaand se openingswedstryd tussen Suid-Afrika en die mede-gasheer aan SABC News gesê sy wil meer reise tussen die lande bevorder. De Lille sê die wêreldgeleentheid bied 'n platform om Suid-Afrika se uiteenlopende besienswaardighede bekend te stel aan internasionale gehore:

Die Departement van Binnelandse Sake sê nie een van die 268 Nigeriese burgers wat Woensdagaand uit die land gesit is, was wettig in Suid-Afrika nie. Sowat ʼn duisend Nigeriërs het geregistreer om voor teenmigrante-groepe se sperdatum van 30 Junie gerepatrieer te word, en 500 het goedkeuring gekry. Van die 500 was 268 ongedokumenteer. Die departement se hoof van Immigrasie en Wetstoepassing, Stephen van Neel, sê hulle het persoonlike onderhoude gevoer met die 268 Nigeriërs, wat volgens die Immigrasiewet as ongewens verklaar is.

Die minister van Internasionale Betrekkinge en Samewerking, Ronald Lamola, sê hy erken onlangse spanning oor buitelanders het Suid-Afrika se verhoudings in Afrika geraak, maar waarsku teen waninligting. Volgens berigte uit Ghana is twee Nigeriërs dood en 15 Ghanese in die hospitaal opgeneem nadat hulle tydens onlangse betogings teen buitelanders aangerand is. Lamola het aan ʼn Ghanese radiostasie gesê Suid-Afrika en Ghana het sterk geskiedkundige bande wat beskerm moet word:

Die Bouvertroueindeks van die FNB Buro vir Ekonomiese Navorsing, toon Suid-Afrika se konstruksiesektor was in die tweede kwartaal van 2026 meer pessimisties, en het van 42 in die vorige kwartaal tot 38 gedaal. Die FNB-ekonoom, Siphamandla Mkhwanazi, sê die afname hou verband met swakker bouaktiwiteit, laer winsgewendheid en stygende koste, deels gedryf deur wêreldwye onsekerheid as gevolg van die konflik in die Midde-Ooste:

11 Junie 2026: Die Menseregtekommissie beveel aan dat die Makana-plaaslike owerheid in Makhanda ontbind, omdat hulle nie die behoeftes van die kiesers dien nie. Sowat 80% van selfdoodgevalle in Suid-Afrika is mans. Sommige lede van die parlement se Polisiekomitee sê daar is 'n toesmeerdery van die diefstal op president Cyril Ramaphosa se Phala-Phala-plaas.

Jean-Louis gesels met die voormalige Brave Warriors-kaptein en -afrigter, Collin Benjamin, oor die internasionale sokkertoernooi wat vandag afskop. Met die eerste wedstryd tussen Meksiko en Suid-Afrika om 17:00, deel hy sy insigte oor die toernooi, die kanse van die spanne en wat ondersteuners in die komende weke kan verwag.

Hokkie: Suid-Afrika wil sy tuisveldvoordeel ten volle inspan in môre se FIH-Nasiesbeker-openingswedstryd teen Frankryk in Kaapstad. Suid-Afrika het vier jaar gelede die heel eerste toernooi gewen, maar Nieu-Seeland het daarna oorheers en opeenvolgende toernooie gewen. Nege spanne sal sake uitspook vir ʼn plek in die FIH-Pro-liga. Suid-Afrika se kaptein, Dayaan Cassiem, sê hulle benadering is om die toernooi wedstryd vir wedstryd aan te pak:

Die vakbond Solidariteit sê die jongste bruto binnelandse produksyfers is teleurstellend en dui aan Suid-Afrika se ekonomie groei steeds te stadig en nie genoeg word gedoen om werkloosheid en ekonomiese probleme aan te spreek nie. Die vakbond blameer hoë koste en regeringsbeleide vir beleggings wat terughou word en sleutelsektore soos vervaardiging benadeel. Theuns du Buisson van Solidariteit sê voortgesette lae groei benadeel belangrike sektore soos vervaardiging en ontmoedig beleggings:

President Cyril Ramaphosa het die sperdatum vir 'n verslag deur Eskom se herstrukturerings-taakspan tot einde Junie verleng. Die span moet kyk na die vestiging van Suid-Afrika se onafhanklike transmissie-stelseloperateur. Die werk fokus op die vestiging van 'n volledig onafhanklike, staatsbeheerde operateur wat transmissiebates besit en beheer. Ramaphosa se woordvoerder, Vincent Magwenya, sê die werk word in twee fases verdeel: die vestiging van die operateur en die ontwikkeling van 'n volledige inwerkingstellingsplan:

Suid-Afrika se ekonomie het volgens Statistiek Suid-Afrika in die eerste kwartaal met 0,5-persent gegroei, effens beter as wat verwag is. Hoofdirekteur Bokang Vumbukani-Lepolesa sê dis aangevuur deur die dienste- en basiese sektore, met finansies en landbou wat beduidend bygedra het. Vervaardiging het egter die algehele prestasie beïnvloed, met vyf van sy tien afdelings wat negatiewe groei aangeteken het. Vumbukani-Lepolesa waarsku ongelyke prestasie tussen sektore dui steeds op onderliggende strukturele uitdagings:

Sokker: Bafana Bafana se afrigter, Hugo Broos, hou vol sy span sal gereed wees om die medegasheer, Mexiko, Donderdag te pak in hul Wêreldbeker-openingswedstryd. Hy sê hulle het die regte wedstrydplan, en moet dit net uitvoer. Suid-Afrika het op 29 Mei gelykop gespeel teen Nicaragua in Johannesburg en die afgelope naweek ook teen Jamaika in Pachuca. Broos verwag ʼn intimiderende atmosfeer en beklemtoon dat Mexiko ʼn gevaarlike span is:

Namibië het 'n handelstekort van 4,4 miljard Namibiese dollar in April aangeteken, meer as dubbel die tekort wat gedurende dieselfde tydperk verlede jaar aangeteken is en ook hoër as Maart se 2,3 miljard dollar. Ten spyte van sterk uitvoere gedryf deur goud, uraan en diamante, het invoere ter waarde van 14,2 miljard dollar die uitvoerverdienste met 9,8 miljard dollar oorskry. Volgens Mirjam Shihepo, woordvoerder van die Namibiese Statistieke-agentskap, het Suid-Afrika die land se voorste handelsvennoot gebly.

9 Junie 2026: Suid-Afrika se ekonomie groei stadig in die eerste kwartaal van 2026. Nóg polisiebeamptes geskors in verband met die Medicare24 Tshwane-tender. 'n Ondersoekbeampte van OPOD getuig voor die Madlanga-kommissie oor die Aeroton-dwelmvonds.

President Cyril Ramaphosa het hervormings aangekondig om die integriteit, doeltreffendheid en sekuriteit van Suid-Afrika se immigrasiestelsel te verbeter. Dit volg nadat die Kabinet verlede week ʼn Omvattende Benadering vir Migrasiebestuur aanvaar het. Ramaphosa het die land gisteraand toegespreek en gesê die regering wil ʼn Suid-Afrika hê waar elke mens wat die land binnekom, dit wettig doen, waar immigrasiewette gerespekteer en nagekom word, en gemeenskappe veilig voel:

President Cyril Ramaphosa sê onwettige migrasie, indien dit nie beheer word nie, hou 'n risiko in vir Suid-Afrika se veiligheid, bestendigheid en ekonomiese vooruitgang. Hy het gister die nasie toegespreek oor die regering se benadering tot onwettige migrasie en die onlangse toename in protesoptogte teen buitelandse burgers. Ramaphosa sê die regering erken die uitdagings wat burgers in die gesig staar, insluitend hoë vlakke van werkloosheid, armoede en onvoldoende toegang tot geleenthede. Hy sê frustrasie kan maklik gerig word op diegene wat as mededingers vir werk en hulpbronne beskou word:

8 Junie 2026: Ons ontleed die president se plan oor die xenofobiese drukpot. Kommer oor die groot getal polisiewapens wat in misdadigers se hande beland. Fitch het Suid-Afrika opgradeer - 'n ekonoom verduidelik watter voordele dit vir die land inhou.

President Cyril Ramaphosa het die bekendstelling van Lenacapavir beskryf as 'n vername draaipunt in Suid-Afrika se stryd teen MIV/Vigs. Hy het tydens die geleentheid in Secunda, Mpumalanga, gesê die deurbraak verteenwoordig 'n oorwinning vir die wetenskap met hoop en vernuwing om lewens te red. Ramaphosa het die minister van gesondheid, Aaron Motsoaledi, geloof vir Suid-Afrika se lisensie-ooreenkoms. Hy glo die land beweeg nader aan die einde van die MIV/Vigs-pandemie:

Die kabinet het Suid-Afrika se belofte van ongeveer 95 miljoen rand goedgekeur om 'n reaksieplan dwarsoor die vasteland te ondersteun. Dit volg na die Ebola-uitbreking in dele van die DRK en Uganda. Die minister in die Presidensie, Khumbudzo Ntshavheni, het aan die media gesê die fondse sal bydra tot voorbereidings- en reaksiepogings regoor Afrika. Ntshavheni het Suid-Afrikaners gerusgestel daar is geen Ebola-risiko in Suid-Afrika nie:

5 Junie 2026: 'n Hooggeplaaste polisiebeampte, Richard Shibiri, val weens sy verbintenis met die misdaadbaas Vusimusi "Cat" Matlala, en kenners sê talle ander sal volg. 'n Voorkomende middel teen MIV word in Suid-Afrika bekendgestel. Inwoners van die Wes- en die Oos-Kaap tel die stukke op ná 'n tweede rondte oorstromings.

4 Junie 2026: Samewerking tussen Suid-Afrika en Mosambiek was die sleutel tot die inhegtenisneming van twee verdagtes vir die moord op 'n egpaar in die Krugerwildtuin. Uitleweringsprosedures begin nou sodat hulle hier tereg kan staan. Johannesburg se finansies word as 'n 'gruwelvertoning' beskryf. Ons hoor wat die jongste in die Kougastreek is waar sekere inwoners gevra is om te ontrium weens oorstromings. Die March and March-beweging wat teen ongedokumenteerde buitelanders betoog, se beweegredes word krities bekyk.

4 Junie 2026: Die ANC gee sy streekssekretarisse 30 dae om hulle poste in munisipaliteite te ontruim. Amerika beplan om nuwe invoertariewe op Suid-Afrika en ander lande te hef. 'n Skietstakingsooreenkoms is tussen Israel en Libanon bereik.

1 Junie 2026: Politieke partye in die parlement sê Suid-Afrika se immigrasiestelsel moet hersien word. 'n Raad van Linksgesinde Bewegings is amptelik gestig. Kiesers in Ethiopië trek hulle kruises te midde van voortslepende konflik.

26 Mei 2026: Honderde betogers plunder buitelanders se winkels in Rocklands buite Bloemfontein. 'n Oorwinning vir boere in die bek-en-klouseer-sage. Statistiek wys korrupsie in Suid-Afrika vier steeds hoogty.

22 Mei 2026: Suid-Afrika se nuwe ambassadeur in Washington, Roelf Meyer, is optimisties oor die taak wat vir hom voorlê. Die EFF sê Suid-Afrika se karige verdedigingsbegroting is 'n doelbewuste aftakeling van die land se verdedigingsvermoë. Motoriste staan voor 'n krisis met die papier vir motorlisensieskywe, wat skynbaar opgeraak het.

Botswana se president Duma Boko sê dis tydig en noodsaaklik dat sy land en Suid-Afrika voortgaan om samewerking in alle sektore te versterk. Hy het gisteraand ʼn staatsbanket aangebied ter ere van president Cyril Ramaphosa wat op ʼn tweedaagse staatsbesoek in Botswana is. Suid-Afrika is Botswana se grootste handelsvennoot en verantwoordelik vir meer as 50-persent van die land se invoere. Boko sê deur beter samewerking kan dié twee lande hulle posisioneer as enjins van streekshervorming en pilare van vooruitgang op die vasteland:

Nico van Wyk – bemarkingsbestuurder, Duferco Steel Processing & Neels van Niekerk – uitvoerende hoof, International Steel Fabricators of South Africa Volg RSG Geldsake op Twitter

21 Mei 2026: Johannesburg wil ontslae raak van nie-strategiese bates om skuld te delg. Action SA eis antwoorde nadat die polisiediens twee lede van die presidensiële beskermingseenheid in die Phala Phala-sage vrygespreek het. Die stygende brandstofprys lei tot hoër inflasie in April. Nog ‘n gouemedalje vir Suid-Afrika op internasionale vlak, maar dit het niks met sport uit te waai nie.

Terwyl net een uit elke 1 000 eksplorasieprojekte tot ‘n myn lei en uiters duur is, toon Namibië se mynbousektor 'n merkbare verlaging in prospekteeraktiwiteit. Nie-eksklusiewe prospekteerlisensies het skerp gedaal van 'n rekordpiek van 987 in 2023, na slegs 415 in 2025. Eksklusiewe prospekteerlisensies het eweneens gedaal, van 71 in 2024 na 56 in 2025. Teen hierdie agtergrond het Kosmos 94.1 Nuus dr. Roelof Botha, ekonomiese raadgewer van die Optimum-groep in Suid-Afrika, gepols oor hoe beleggers in die land behou kan word en watter stappe die regering kan neem om maatskappye aan te moedig om verder as blote eksplorasie te beweeg en sodoende groter waardetoevoeging tot die Namibiese ekonomie te lewer.

Dr Frikkie Maré – uitvoerende hoof, Rooivleisprodusente-organisasie (RPO) Volg RSG Geldsake op Twitter

Die DA sê die minister van landbou, John Steenhuisen, se begrotingsrede weerspieël sterk landbouwinste, onder meer dat Suid-Afrika die wêreld se voorste sitrusuitvoerder geword en Spanje verbygesteek het. DA-woordvoerder Beyers Smit sê uitvoere het 2,9 miljoen ton in 2025 bereik. Die sektor het ook 268,7 miljard Suid-Afrikaanse rand in uitvoerverdienste aangeteken en ondersteun byna 950 000 werksgeleenthede. Hy sê die regering het die invoer van bek-en-klouseer-entstof versnel en marktoegang uitgebrei, ook in China, wat uitvoere, belegging en landelike werksgeleenthede 'n hupstoot gegee het:

Gerhard Pepler van Suid-Afrika het 'n laaste ronde sewe onder-baansyfer van 65 aangeteken om die Sonskyntoer se Pro-Am-toernooi by die Irene Country Club in Gauteng te wen. Hy kon die sterk aanslag van sy landgenoot Graham van der Merwe weerstaan, wie se 61 hom tweede plek op 22 onder besorg het. Die Wallieser Jack Davidson het afgesluit met 66 om derde te eindig op 21 onder. Pepler, wie se enigste v

Die minister van Menslike Nedersettings, Thembi Simelane, sê Suid-Afrika het beduidende vordering gemaak met die bevordering van volhoubare verstedeliking wat in die hoofbepalings van die Grondwet en die Nasionale Ontwikkelingsplan geanker is. Die minister het 'n toespraak op die 13de Wêreldverstedelikingsforum in Baku, Azerbeidjan, gelewer. Simelane sê nieteenstaande die geleenthede wat verstedeliking bied, dra dit ook by tot volgehoue ruimtelike ongelykheid, uitdagings in basiese dienslewering, infrastruktuur-agterstand en oorlaaide munisipale regeringstelsels:

Die minister van Landbou, John Steenhuisen, sê Suid-Afrika se produksiegroei moet beloon word met groter diplomasie en infrastruktuur-ondersteuning. Dit volg nadat die land Spanje amptelik verbygesteek het as grootste sitrus-uitvoerder, met 2,9-miljoen ton in 2025. Dit word toegeskryf aan Spaanse boere wat toenemend probeer aanpas by ingewikkelde klimaatstoestande. Die departement se woordvoerder, Joylene van Wyk, sê Suid-Afrika en Spanje speel komplementerende rolle op die wêreldmark:

Die vakbond Solidariteit het 'n nuwe padkaart bekendgestel wat teen 2030 'n rasvrye Suid-Afrika bepleit. Hulle stel voor rasgebaseerde wetgewing moet geleidelik uitgefaseer word en vervang word met beleide wat fokus op armoede, jeugwerkloosheid, vaardigheidsontwikkeling en ekonomiese groei. Corne Mulder van Solidariteit sê die huidige rassewette kon nie werkloosheid en ongelykheid aanspreek nie. Mulder voer aan bemagtiging moet gegrond wees op sosio-ekonomiese behoefte eerder as op ras:

Hendri de Klerk – bestuurshoof, Ultima Financial Planners Volg RSG Geldsake op Twitter

Rugby: Wallis se afrigter, Steve Tandy, het ses nuwe spelers ingesluit in sy uitgebreide groep van 48 vir hul komende vier toetse. Hulle is Kane James, Harri Keddie, Ryan Woodman, Ben Warren, Rhys Barratt en Bryn Bradley. Wallis draf die 27ste Junie op Twickenham uit teen die Barbarians. Die groep sal dan verklein word vir Julie se Nasieskampioenskaps-wedstryde teen Fidji, Argentinië en Suid-Afrika. Tandy probeer sy groep se diepte versterk:

Kosmos 94.1 Nuus het reaksie gekry oor China se nul-tariefbehandeling wat op 1 Mei, uitgebrei is na 53 Afrika-lande. China meen die ooreenkoms gaan Namibië en Afrika baie baat. Dr. Kobus Laubscher, landbou ekonoom in Suid-Afrika verduidelik wat dit vir plaaslike boere kan beteken.

Die minister van Gesondheid, Aaron Motsoaledi, sê Suid-Afrika werk nou saam met die Wêreldgesondheids-organisasie om hantavirus-kontakte op te spoor. Die uitbreking op die passasierskip, MV Hondius, het drie lewens geëis. Twee plaaslike gevalle was 'n Nederlandse vrou wat gesterf het nadat sy op die OR Tambo-internasionale Lughawe geland het, en 'n Brit in 'n Johannesburgse hospitaal. Motsoaledi het aan die SABC gesê 97 kontakte is geïdentifiseer en 90 word gemonitor:

ANEW Hotels and Resorts sê die herstel van Suid-Afrika se toerisme gaan oor meer as slegs besoekersgetalle. Die groep het gedurende die Afrika-toerisme-indaba in Durban, KwaZulu-Natal, gesê die sektor het herstel tot meer as 95-persent van die vlakke vóór die pandemie, maar meen die fokus moet nou op wyer ekonomiese voordele wees. Corne Visser van die maatskappy sê toerisme in Suid-Afrika moet wyer as die groot bestemmings groei sodat meer provinsies en gemeenskappe daarby kan baat:

Die minister van Hoër Onderwys en Opleiding, Buti Manamela, sê vaardigheidsbeplanning in Suid‑Afrika ly al te lank onder 'n gebrek aan samehang, duplisering en swak samewerking. Woordvoerder Matshepo Seedat sê die land beskik oor Werkplekvaardigheidsplanne en Sektorvaardigheidsplanne wat in baie gevalle bloot oefeninge in verslagdoening geword het, eerder as instrumente vir besluitneming. Sy sê institusionele integrasie en 'n gedeelde nasionale vermoë vir vaardigheidsinligting is wat nodig is:

Die DA verwelkom die aankondiging van 'n nuwe leningsooreenkoms ter waarde van 5,8-miljard Suid-Afrikaanse rand tussen die Franse Ontwikkelingsagentskap en Transnet om die koolstofuitstralings van die spoor- en hawewerksaamhede te verminder. Andrew de Blocq van die party sê Frankryk is Suid-Afrika se grootste buitelandse belegger. Hy sê hierdie fondse sal gebruik word om oor te skakel na 'n lae-koolstof-bedryfsmodel en om operasionele doeltreffendheid vir die vragbedryf te verseker, wat op sy beurt die koolstofvoetspoor kleiner sal maak:

Yurav Premlall van Suid-Afrika het sy eerste DP World-toertitel verower nadat hy die Katalonië-kampioenskap in Barcelona met 14 houe gewen het . Hy is 598ste gekeur in die wêreld en het op 28 onder baansyfer geëindig en die grootste wenmarge vir 'n eerste DDP World-toertitel behaal. Sy landgenoot Shaun Norris was tweede. Nog 'n Suid-Afrikaner, JC Ritchie, het die derde plek gedeel met Spanje se Alejandro Del Rey en Frankryk se Oihan Guillamoundeguy. Premlall sê hy het hard gewerk vir die oorwinning:

Die landbou-organisasie TLU SA het steun uitgespreek vir die vakbond Solidariteit wat sektorkodes vir swart ekonomiese bemagtiging in die regsberoep in die Hooggeregshof in Pretoria betwis. Die organisasie waarsku soortgelyke reëls kan in landbou en ander nywerhede ekonomiese groei benadeel en onsekerheid skep. Bennie van Zyl van TLU SA sê Suid-Afrika het beleide nodig wat fokus op werkgeleenthede en belegging eerder as rasseklassifikasie:

Die verhoging in die brandstofprys is nie goeie nuus vir enigiemand in die land nie maar die skerp styging in diesel kan ‘n groter impak op almal hê -veral in landbou met insetkostes wat skerp sal styg en natuurlik vervoer. Namibië is uiters afhanklik van invoere van Suid-Afrika waar die prys nog hoër is. Leodolf Swanepoel, hoof uitvoerende beampte van FP du Toit Transport het met Kosmos 94.1 Nuus gepraat.

Suid-Afrika gaan 'n verslag aan die Afrika-Unie voorlê nadat Ghana versoek het dat anti-migrante-betogings tydens 'n komende vergadering bespreek moet word. Die minister in die Presidensie, Khumbudzo Ntshavheni, sê die regering ondersteun die eerste land-van-veiligheid-beginsel in migrasiesake. Ntshavheni het bygevoeg daar is nie 'n oorlog in die Suider-Afrikaanse Ontwikkelingsgemeenskap-streek om groot bewegings van mense na Suid-Afrika te regverdig nie:

Die minister van Internasionale Betrekkinge en Samewerking, Ronald Lamola, sê Suid-Afrika soek 'n meer gekoördineerde benadering tot migrasiebestuur regoor Afrika. Die afgelope tyd se teen-immigrante-betogings in die land het kommer oor hernude xenofobiese geweld laat opvlam. Nigerië, Ghana en Mosambiek het amptelik by die regering gekla oor die behandeling van hul burgers in die land. Lamola sê Suid-Afrika versterk sy immigrasiebeleid om nakoming van die land se immigrasiewette te verseker:

Callum, die kalm Britse reisiger, het Suid-Afrika besoek en 'n dokumentêr gemaak oor die ont-ontwikkelende land (of is dit dan net 'n wikkelende land?). Een van Podlitiek se aanbieders maak sy verskyning daarin.Intussen is die MK-party gepla deur die moontlikheid van selfbeskikking wat in die Suid-Afrikaanse grondwet vervat is.