INFO7 - Gureaz Blai | naiz.eus

Hiru gauza eskatu dizkio aurki hasiko den 2018. urteari Karmelo Ayestak: batetik, euskaldunok ez ahaztea gure ametsak, eta egunero gogoratzea libre garela erabakitzeko eta etorkizun hobea hautatzeko.

Joan den larunbatean, 'Bide eman euskarari' lelopean, Iruñean egindako manifestazioari begira jarri da euskararen gizarte erakundeen Kontseiluko Paul Bilbao. Kezkagarria deritzo, oraindik ere, hizkuntza berdintasuna aldarrikatzen ibili beharrari.

2017a amaitzear den honetan, Euskal Herriko administrazio eremu bakoitzean egindako urratsei erreparatu die EHE Euskal Herrian Euskarazeko Koldo Zaratek. Lapurdi, Nafarroa Beherea eta Zuberoa barne hartzen dituen Euskal Elkargoak eremu horretako euskalduntzean eragin positiboa izan dezakeelakoan dago.

'Ondarebideak' proiektuari buruzkoak ekarri ditu Saroi Jauregi Aiestaran, Elhuyarreko Hizkuntza eta Teknologia unitateko komunikazio-arduradunak gurera. Ondare digitala atzitu erabili eta interpretatzeko modu berri gisa definitzen duten egitasmoari dagokionez, zehaztu du Euskal Herriko zenbait museo, liburutegi eta artxibotako ondare digitala biltzen duela.

Batzar nagusia egin zuen UEMA Udalerri Euskaldunen Mankomunitateak, larunbatean, Ikaztegietan. UEMAko kide diren udaletatik heldutako dozenaka eta dozenaka alkate eta zinegotzi elkartu ziren, eta udal berri bat ere onartu zutenUEMAko kide gisa: Orozko. Josu Labaka lehendakariak ongietorririk beroena egiteko baliatu du gurean. Horrez gain, 2017an egindakoak gogoratu, eta 2018an landuko dituzten ildoak ere onartu zituzten, beti ere udalerri euskaldunen funtzioari eta ardurari helduta.

Euskararen erabilera arlo informalean indartzea gakoa iruditzen zaio Estiñe Astorkiari, kirol arloa nabarmendu du, besteak beste. Gernika-Lumoko Udalak bidea urratu omen du kirolean euskara sustatzeko, kirol arloa erreferentea delako herri horretan. Astorkiari iruditzen zaio, gainera, euskarak eta kirolak, biek loturak sortzeko balio dutela.

Aurtengo Durangoko Azoka amaitu bada ere, Puntu EUS fundazioko Josu Waliñoren ustez, euskaldunontzako peregrinazio zita da.

Abenduren 1ean, 'Ez dok hiru' ikustera joateko aukera izan zuen Leire Narbaizak euskaltegiko ikasleekin. Funtzioa hasi aurretik, Mikel Martinez aktoreak antzezlana Mikel Laboa zenari eskainiko ziotela iragartzean, ikasle batek Laboa nor zen galdetu zuen.

Euskalgintzaren bidea luzea izan da, eta izango da, eta Manex Agirreren ustez, egoeraren komenientziaren arabera jarri ahal zaizkio bide luze horri nahi diren adjektiboak: nekagarria, gogorra, etsipen-sorrarazlea, ilusioz beterikoa, ederra eta alaia...

Azkue fundazioko Iurdana Acasusok nabarmendu duenez, aurtengo Durangoko Azokak tokitxo bat egin dio euskarazko Wikipediari.

Maputxeen mapuzugun hizkuntza biziberritzeko ahaleginaz aritu da Garabideko Marisa Barrena gurean.

Abenduan sartuta, 2018rako desioak ekarri ditu AEK-ko Mertxe Mugikak gurera. Izan ere, abendua euskararentzako egun bereziz josita dagoela argi du, hala ere, egunotako ospakizunek hausnartzera eraman dute. Iazko abenduko berrikuntzek zer pentsatua eman zion, eta orduko nahia betetze bidean dagoela uste du.

Administrazioan Euskaraz Taldeko Joseba Otanoren ustez, bi urteotan argi gelditu da Nafarroako herritarrek euskarazko haur eskolak nahi dituztela auzo guztietan, eta eskaintza dagoenean bete egiten dela.

Ipar Euskal Herrian jasaten duten hizkuntza diskriminazioa hartu du hizpide Hizkuntza Eskubideen Behatokiko Haizpea Abrisketak. Haurra zela, Lapurditik Gipuzkoara joatean, euskaraz egiteko zuen aukeragatik etxean sentitzen zela oroitzen du, eta Hego Euskal Herrian egoera hobea zela uste zuen.

OEE Osasungoa Euskalduntzeko Erakundeko Iñaki Peña gaur abiatuko den Durangoko Azokari begira jarri da.

Euskaltzaleon Topaguneak eta Lakuako Gobernuak elkarlanean ondu duten Euskaraldiari begira jarri da Iker Martinez de Lagos. Haren ustez, egitasmo baten bueltako eragileen arteko elkarlan praktikoa abian jarri dute Euskaraldiarekin, euskararen erabileran eragiteko faktore zehatzak kontuan hartuta.

Sarri aipatzen badu ere, berriz ekarri du Hego Euskal Herriko herritarrek Ipar Euskal Herriarekiko duten errespetu faltaren salaketa Alex Artzelusek. Behin eta berriz horren adibideak ikusten baititu inguruan, eta hori arrazoitzeko pasadizo zenbait ere azaldu ditu.

Abenduaren 3a, Euskararen Nazioarteko Eguna, ate joka izanda, euskalgintzak eta erakunde publikoek elkarlanean sustatutako Euskaraldiari begira jarri da Eneritz Albizu ere.

Joan den astean aurkeztutako Euskaraldia dinamikaz hitz egin du Bai Euskarariko Rober Gutierrezek gurean.

Argentinan izan da Ainara Maya, han ospatzen den euskal astea aitzakia hartuta.

Azaroaren 30etik abenduaren 3ra, derioztar euskaldunak aktibatu eta euskaraz egiteko aukerak biderkatu nahi dituztela azaldu du Txerra Rodriguezek gurean.

Euskararen Nazioarteko Eguna gertu denean, Gasteizen antolatutako ekintzen berri ekarri du Ane Pedruzok gurera. Bihar eta ostegunean, adibidez, musika izango dute protagonista: bihar goizean ETS talde arabarrak AmETSetan lan berria aurkeztuko duOihanederren eta arratsaldean Parral tabernak Joseba Tapia eta Besamotzak-en kontzertua hartuko du.

Azken urteotako euskalgintzaren bidegurutzearen ideia ekarri du Karmelo Ayestak gogora.

Euskararen normalizazioa erdiesteko jauzia egiteko aukera badagoela iruditzen zaio euskararen gizarte erakundeen Kontseiluko Paul Bilbaori.

Euskal Herriko egungo zikloa aldaketa politiko eta juridiko sakonak ekar ditzakeena dela uste du EHE Euskal Herrian Euskarazeko Koldo Zaratek. Hiru eremu administratiboetan aldaketa horietarako borondatea erakutsi dutelako zenbait indar politikok. Horrek, euskaldunon eskubideei ere eragingo diela uste du Zaratek, eta euskararen estatusean onerako aldaketak bermatzea komeni dela.

Firefox nabigatzailerako Euskalbar gehigarri berrituaz hitz egin du Saroi Jauregi Aiestaranek, Elhuyarreko Hizkuntza eta Teknologia unitateko komunikazio-arduradunak. Hitzen esanahiak, sinonimoak edota itzulpenak bilatzeko hiztegi eta baliabideak biltzen ditu Euskalbarrek.

Aste garrantzitsua izango omen da abian dena UEMA Udalerri Euskaldunen Mankomunitatearentzat. Izan ere, jardunaldiak antolatu dituzte Soziolinguistika Klusterrarekin batera: IX. Euskal Soziolinguistika Jardunaldia 2017. ‘Arnasguneak eta udalerri euskaldunak: gaurko eta biharko erronkak’. Azaroaren 22an izango da hori, EHUk Donostian duen Carlos Santamaria zentroan.

Euskal Herriko edozein kioskotan topa daitezkeen 'Berria', 'Deia', 'El Correo' eta 'Gara' egunkariei erreparatu die Estiñe Astorkiak gaurkoan. Bakoitzak euskarari edo euskal kulturari buruz emandako albiste zerrenda aipatu du, baita bakoitzak gai horri buruzko artikuluei zenbateraino lekua egiten dien. Egun bateko aleei erreparatu badie ere, hilabeteko datu bilketak antzerako datu desorekatuak emango lituela iruditzen zaio.

Hainbat politikariren iritziz, Quebeceko erdua da Euskal Herriak jarraitu beharrekoa, Kataluniakoaren ordez. Horri tiraka, PuntuEUS Fundazioko Josu Waliñok esan du eurek Kataluniari erreparatu ziotela .eus domeinua sortzerako orduan, haiek .cat domeinua martxan zutelako ordurako.

Erresuma Batuko hizkuntza eskakizunek zer pentsatua eman diote Leire Narbaizari. Izan ere, han lanean aritu behar duten atzerriko erizainek C2 ingeles maila izan behar dute. Hori alderatu du euskara eskakizunekin eta EGAtik gorako maila dela eskatzen dena nabarmendu du, hemen, langile espezializatuei soilik eskatzen zaiena.