Sis-Finnmárkku syndroma lea podkásta servodatáššiid ja eallima birra. Podkásttas gulat psykologa Anne Lene Turi Dimpasa ja giellabargi Ánne Márjá Guttorm Gravena. / Podkast på nordsamisk om samfunnet, livet og det som måtte falle oss inn.
Dán oasis gulat mo manai go Ánne Márjá lágidii Halloweendoaluid máná skuvlaluohkkái, maid ovddeš presideanta oaivvildii jearaldagain Jaskatvuohta Sámis/Tystnaden i Sápmi-pánelaságastallamis, ja NASÁG-kampánjja birra; leago dá buorre vuohki čalmmustit kulturerohusaid gaskal majoritehtaservodaga álbmoga ja sápmelaččaid?
Maŋŋágo hálaime Jaskatvuohta Sámis-filmma birra de letne dovdan man issoras sáhttá leat oaivvildit juoga Sámis. Anne Lene háliida maid hállat Girjjálašvuođabeaivvi birra, muhto ii Ánne Márjá leat nu hállái.
Makkár dovddu addá Outi Pieski, Anders Sunna, Máret Ánne Sara ja Pauliina Feodoroff dáidda? Ánne Márjá lea fitnan dáiddamátkis juoigamin ja čierrumin. Letne maid geahččan Jaskatvuohta Sámis ja digaštalle sihke filmma ja fáttá.
Ánne Márjá lea fitnan sihke dikkis ja čállinbájis, ja dalle heive hui bures ahte dát ságastallan almmuhuvvo Psyhkalaš dearvvašvuođa máilmmibeaivvi. Podkástaoasis leat Ánne Márjjá jurdagat ja su vásáhus diggeáššiin, earáin geat leat leamaš dikkiin ja diggevuogádagas leat sin iežaset jurdagat ja vásáhusat.
Dán oasis hálle guottuid birra mat leat rievdan, sohkabealneutrála dahje vuogas gávtti birra, ja NSR birra mas vissá leat ollu miellahtut gávpogiin ja unnán gilážiin.
Dán oasis hálle fáttá birra man birra ÁM lea fitnan Girjemeassus hállamin: seksuála- ja luonddu-sániid.
Girjjálašvuohta, meahcemáná mátki, giella, heajat, ja Vástádus Eana.
Ánne Márjá lea vuolgimin Tyrkiai, ja nu šaddá ságastallan earret eará balu, dálkkádaga ja turismma birra. SGP lávlagat ja luođit leat dál almmuhuvvon, Ánne Márjá lea lávlagiid guldalan.
Ellos Eatnu-teahterbihtá árvvoštallan, girji "Inne i speilsalen" ja Ukraina-soahti ja min oappát ja vieljat nuppi bealde rájá.
Ánne Márjá ii leat bállen hállat sámegiela iežas mánáiguin. Son maid gáhtá measta buot maid lea dadjan ovddit SisFiSy-osiin. Sus lea gielladilemma, ja lea maid duddjogoahtán eanet ja oaidnigoahtán dan árvvu. Anne Lene ges oaivvilda Ánne Márjá lea rámis, muhto nubbi ii mieđa dasa. Ja dál gal dárbbešetne veahki guldaleaddjis: Leatgo don rámis go leat sápmelaš? Mo áddet don dien dajaldaga «rámis sápmelaš/stolt same»?
Fáhkkestaga lei Ánne Márjá lestadiánálaš digaštallamis, Anne Lenes lea leamaš veahá covid-19, ja soai geahččaleaba vástidit guldaleaddji jearaldaga "mo bajidit nuppiid?"
Anne Lene lea fitnan stuorramáilmmis ja filosofisere mii basic bitch lea. Ánne Márjá lea ges sámi eadnerollas vaikke ii lean oba fuomášan ge dan ieš. Muđui leat veahá headjaságat ja nu ain.
Ođđa jahki, ođđa doaivva! Liggejetne poddenjiena ja digaštalle ođđajagisártniid norgga bealde.
Velkommen til Utmark-árvvoštallan. Leatgo mii vilgesolbmot? Ánne Márjá lea tiktokegoahtán vai gierdá heahpanit, go fargga lávke ođđa lávddi ala!
Guokte garra árvvostalli árvvoštallaba Sámi Grand Prix 2021, ja evttoheaba mo sáhttá sihke buoridit ja dekoloniseret lágideami.
Anne Lene smiehttá álbmotdearvvašvuođa birra, Ánne Márjá ges eanaš cizážid birra.
Dán oasis čiekŋudetne fáddái deprešuvdna. Mii lea deprešuvdna, mo dan fuomáša, maid dahkat, makkár riskafáktorat leat jna jna.
Dán oasis gulat ođđasa. Ja oasi 51. oasis ođđasit: moai hálle das ahte ferte gierdat gullat ja ahte olmmoš ii oainne ovdal jáhkká. Fáddá: seksuálalaš illasteami. Sis-Finnmárkku syndromas ilbmet ođđa oasit 2021:s.
Ánne Márjá lea TikTokain suorganan ja Anne Lenes leat rávvagat nu mo álo.
Viimmat njunnálagaid, ja viimmat leaba bádden. Dán oasis hálle mánáhisvuođa, bearašeallima ja muđui eallinválljejumiid birra.
Joikabollegánda, leago seammago juhkan "sápmelaš" Napapiiris? Sáhttágo buohtastahttit dážaid ja sápmelaččaid moari? Ja leago konklušuvdna nu mo álo, ahte moai letne nu koloniserejuvvon ahte ean oainne dan iežage?
Konseartaárvvoštallan, sihke musihkka ja teknihkka árvvoštallo. Eará rávdnjenfálaldagat maiddá árvvoštallojuvvojit, nu mo Risten Anine juoiganbottut mánáide, ja Ánne Márjá ávžžuha golbma-njeallje girjji.
Dán áigge ii beasa das eret, fertiime dieđusge hállat min ođđa corona-árgabeaivvi birra.
Dán oasis gulat borranváttuid ja diktagirjji birra man namma lea Gárži.
Ánne Márjá áigu/ferte sárdnidit sámeálbmotbeaivvi ja moai digaštalle kommentára mii lea boahtán.
Anne Lene lea leamaš vihtan dološ dáruiduhttima háviide boradettiin juovlamállása. Ánne Márjjás leamaš nu garra oaivil juovlaskeaŋkkaid ektui, muhto dan oainnu gal fertii beare rievdadit. Ja de vel ságastalle Jikŋon 2 birra: giella, symbolihkka, árvvoštallamat, plot ja visot.
Plána lei ráhkadit diekkár váhnenpodkástta, muhto de gahčaime dáruiduhttinroggái vuot. Podkásta lea báddejuvvon 19.11.19.
Anne Lene lea iežas analyseren ovddit oasi maŋŋá, dás beasat gullat maid de gávnnahii. Ánne Márjá ges lea šaddan Dalai Laman, ja lea dearvvahan Majestehtalaš Gonagasa.
Álggahetne podkástta buriin movttain, dál lea giellavahkku ja ČSV-vuoigŋa. Ja de digaštallagohte NRK Sámi humora, mii lea somá, mii dohkke leaikan, leago nu ahte Preben Pulk-karaktera lea mielde dohkkehit veahkaválddálaškultuvrra Sámis? Na, munnos leat eanet jearaldagat go vástádusat, fáddá ánssáša servodatdigaštallama.
Dás gulat manne podkásta ii leat guhkes áigái gullon. Ánne Márjá lea geargan girječállioahpuin ja muitala mo lei divttaid jitnosit lohkat, ja son lea maid duostan juoigat. Guldal áinnas, ja jus liikot, skeŋke násttiid iTunesis dahje rábmo podkástta iežat fulkkiide ja skihpáriidda. Jus leat fáttát maid háliidat gullat, čális munno facebooksiidui, dahje njuolga munnuide, de moai digaštalle fáttáid.
Nu guhká go mis lea giella, lea mis riidu. Vai mo? Ante Lemet ja Ánne Márjá joatkiba ságastallama mii gullo miehtá norgga beale Sámi justa dál. Ja jus guldalat gitta lohppii de gulat maid gii lea sivalaš go Sápmelaččat dál leat háddjejuvvon.
Ánne Márjá lea ávvudan Norgga vuođđolágabeaivvi, Anne Lene lea dušše Remas fitnan. Ja Ánne Márjjás lea bargováttisvuohta man áiggošii čoavdit, muhto das ii šatta ii buoska ge.
Pizza lei ráhkaduvvon, guossi lei boahtán, ja rávdnjen ii doaibman - dán jagi SGP-feastta čoahkkáigeassu. Ánne Márjá oaivvilda Sápmi lea stuoris ja hállagoahtá beluga birra, ja Anne Lene heahpana go girdá ja čilge mii ruoná kolonialisma lea.
Viimmat lea Game of Thrones fas ruovttoluotta, nu mo olusat de lea Anne Lene čohkkán ja vuordán guokte jagi dán beaivái! Ánne Márjjás eai leat dattege nu liegga dovddut dasa go Anne Lenes. Ja Anne Lene-riehpu leamaš riskkuid láhppán, ja lea rivgoláhkái šaddan mannat konfirmašuvdnii ja gáktebaluin leamaš girkus. Ánne Márjá ges lea árvvoštallan olles sohkagotti, gávnnahan dihte geat ristváhnemin dohkkejit.
Guldaleaddji jearrá maid galgá dahkat go lea nuppi olbmuin hálešteamen ja son čuoggugoahtá telefovnna, Ánne Márjá ii dieđe dasa vástádusa, go son lea ieš dakkár! Dál lea giđđa ja sáidebivdu. Ja Ánne Márjá lea čurggodan.
Ánne Márjá jáhkká son rahčá eadnerollain ja Anne Lene leamaš SápmiToos.
Ánne Márjá lea lohkan girjji “Den mørke hemmeligheten i Tysfjord”, ja lea árvvoštallan man olu olmmoš ferte gierdat lohkat/oaidnit/gullat. Seamma guoská leaikkastallamii, gokko manná rádjá? Lea go juohke leaika sápmelaččaid birra rasisma?
Ánne Márjá lea ožžon cummá, ja Anne Lene diehtá manne eiseválddit eai beroš vuotna riebus. Ja goappašagat leaba guldalan Tore Sagen podkástta mas digaštallo manne nieiddat birgejit buoret go gánddat skuvllas.
Kommentára ovddit oasi Nissondeaivvadeami ságaid birra, Sámeálbmotbeaivi, dekoloniserejuvvon vai globaliserejuvvon, ja giellakonferánsa.
Nissondeaivvadeapmi ja snoallanteoriija, seksualitehta, ráját ja návddašeapmi.
Baikačivga, poesiija ja NathanPhillips. Podkásta lea báddejuvvon 20.01.19.
Anne Lene ballá ja google. Ja norgalaččaid kultuvra lea buoremus, vai leigo Sámi kultuvra mii lei buoremus, vai mo diet lei? (Ánne Márjjá báddemis ii leat heajos jietna, lea su jietna mii lea láhppon čottabakčasa geažil.)
Sylvi Listhaug ii bállehan Ánne Márjjá bargat, Anne Lene oaidná álo čuovgga seavdnjadis, Mihá-konseartta mearkkašupmi ja sosiála goziheapmi/kontrolla.
Fárren lea sihke somá ja váivi, ja nu lea maid lohppi. Gihttelis lea GOT-jiekŋahotealla, don leat bovdejuvvon dohko mielde! Pessimisttaguovttis geahččaleaba leat positiiva ges. Ja Ánne Márjjás leat lojalitehtaváttisvuođat.
Stressa, ođđa guoibmi ja SápMeToo! (Šallošan jietnadási... Dál lean mearridan oastit ođđa báddenrusttegiid. Dát ii váldde šat lági.)
Anne Lene lea oaidnán Studio Sámi ja gohčoda Ánne Márjjá giellabolesin, Ánne Márjá II liiko dasa. Romssas lea sámegielas buoret dilli go Kárášjogas!? // Ánne Márjá lea álgán girječálliohppui, ja de heahpana. // Dán oasis beasat maid gullat manne olbmot bálkot nu ollu borramuša! Dahje, ovtta teoriija dan birra. Na, ja čuovu Snaepmie snapchatas, de oaččut veahá sámegiela njuolga njeazzái juohke beaivvi.
Anne Lene doallá máilmmi buorre ođđajagisártni. Várut várut: Dán podcastaoasis leat ollu dovddut. Moai giite buohkaid geat guldalit munno podcástta, ja sávve ahte dii joatkibehtet guldalit dan. Buorre ođđajahki!
Anne Lene T. D. lea luomus, muhto ii leat heahtti go Emma-Margret Skåden lea sadjásažžan. Dán oasis gulat gokte son hoallagođii heanup ja heanup sámegiela ja gokte Ánne Márjá G. G. ja Emma leaba molsun giela gaskaneaset.
Sápmi riikamedias, Divttasvuona-ášši ja agálaš rabasvuohta.
Anne Lene, psykologa, máhttá čilget mii dáhpáhuvvá go omd vásihat seksuálalaš illásteami, ja Ánne Márjá lea lohkan girjji En sånn jente.
© 2020-2025 Ivy Podcast Discovery LLC
