Tajarib - بودكاست تجارب

نناقش بهذه الحلقة من بودكاست تجارب التحديات اللي يواجهها المدير بالقطاع الخاص ويا مروان أحمد، المهتم والمختص سابقًا بالموارد البشرية ومدير منتج @ticketzone.app حاليًا.مواضيع الحلقة:تأثير ثقافة "الحچي" على بيئات العمل وشلون ممكن تصير إنتاجية.الإرث العسكري بالعراق وتأثيره على أساليب الإدارة الحديثة.دور المنظمات الدولية في سوق العمل المحلي وتطوير الكوادر الشابة.قصص نجاح وفشل من الشركات العراقية والدروس المستفادة.نصائح عملية لدور الموظف في تحسين بيئة العمل بشكل ممنهج.مروان أحمد يشاركنا رؤيته وأفكاره حول التحديات والفرص لبناء قيادات متميزة بالشركات العراقية، والتغييرات المطلوبة لتحقيق بيئة عمل أفضل.شكر خاص لرعاة الحلقة:شركة كي: الرائدة في التكنولوجيا المالية والمدفوعات، بخدماتها لأكثر من 7 مليون زبون عراقي يوميًا.شركة شمس تيليكوم: المزود المتميز لخدمات الإنترنت والبنية التحتية للكابل الضوئي.تابعوا الحلقة الكاملة الآن!

نناقش بهذه الحلقة من بودكاست تجارب رحلة تطبيق أدوبا ويا د. آزاد حسن، مؤسس التطبيق التعليمي أدوبا. مواضيع الحلقة:

نناقش بهذه الحلقة من بودكاست تجارب تحديات التعليم في العراق ويا مصطفى سلام، مؤسس منصة التعليم الإلكتروني كورسي. مواضيع الحلقة: الأمية والتسرب المدرسي: شلون نقدر نواجه مشكلة التسرب مع نسبة أمية توصل لـ25% وتأثير الظروف الاجتماعية والاقتصادية؟ مستوى التعليم: ليش 90% من الطلاب تحت سن الـ15 ما يقدرون يفهمون اللي يقرونه؟ النظام التعليمي: هل تركيز المناهج على التلقين بدل التفكير النقدي هو السبب الأساسي لتدهور التعليم؟ دور القطاع الخاص: شلون القطاع الخاص يقدر يساعد بتحسين التعليم إلى جانب دور الحكومة؟ الحلول المبتكرة: شلون تسعى منصة كورسي تقدم تجربة تعليم تفاعلية تخلي التعلم ممتع ومفيد؟ مصطفى يشاركنا رؤيته وأفكاره حول إصلاح التعليم ودور التكنولوجيا والابتكار ببناء جيل واعي ومبدع.

ضيفنا لهذه الحلقة هو الدكتور ياسر صبري رؤوف، رئيس مجلس إدارة شركة الحمراء للتأمين وأكبر شركة تأمين اهلية بالعراق. نحجي وية ضيفنا عن قطاع التأمين في العراق، نركز على التطورات التاريخية، التحديات الحالية، وأهمية التوعية المجتمعية بهالقطاع الحيوي.

.ضيف حلقتنا هو الدكتور عامر العضاض، مستشار رئيس الوزراء للشؤون الاقتصادية، ورئيس اللجنة العليا للإصلاح ضمن رئاسة الوزراء.نبدي نقاشنا وية الضيف بتغطية السياسات الاقتصادية اللي طُبقت بالعراق على مر السنوات، واللي ممكن يكون ابرزها هو دعم سعر صرف الدولار، واللي شاركنا الضيف رأي مميز ومختلف حوله، وعن دوره السلبي ببعض الاحيان بزيادة الاسعار بدل من خفضها، قبل ما توسعنا بأمثلة اكثر عن سياسات اقتصادية ثانية عاكست نتائجها اهدافها تماما، وليش.انتقلنا بعدها الى الملفات المحورية لاقتصاد العراق ونموه اليوم، بدءاً من النظام المصرفي واصلاحه وتنظيمه، واللي يتضمن رفع التحديدات عن المصارف المعاقبة او المحظورة، اتمتة العمليات المصرفية وانشاء مصارف رقمية، بالاضافة الى العمل على تطوير منصة الدولار وايصالها لعدد اكبر من التجار.اخيرا، ناقشنا وية الضيف اداء الحكومة الاقتصادي، واراءه وتصوراته حول مستقبل المشاريع التنموية وعمليات الاصلاح، بالإضافة الى رؤيته العامة للمستقبل الاقتصادي للعراق للسنين مقبلة.

ضيف حلقتنا هو السيد عزيز الخضيري، العضو المؤسس لمجموعة الخضيري التجارية، واللي تتخصص بمجالات الصناعة، والسلع الاستهلاكية، والنفط والغاز.نادرا ما نلتقي بضيوف يمتد عملهم بالعراق الى قرن او اكثر، لذلك، نبدأ نقاشنا وية الضيف بمقارنة للوضع الاقتصادي لعموم الناس ولشركات القطاع الخاص بكل من الحقب اللي كدر ضيفنا يعاصرها، بدءأ من النظام الملكي للعراق، مرورا بالجمهوري والاشتراكي، ووصولا الى يومنا الحالي.نناقش بعدها وية ضيفنا رحلة تأسيسه للمجموعة، التحديات اللي مر بيها بالطريق، من مواجهة المنافسة العالمية بعدة قطاعات والتغلب عليها، الى التعامل مع المشرعين ومفاصل الدولة، وبالتاكيد العقبات المرتبطة بكل الانعطافات اللي مر بيها العراق عبر تاريخه، وشلون تمكن من تخطيها.بعدها، نحجي عن واحد من اكثر المواضيع الشائكة بادارة المشاريع العائلية الكبرى، وهي أولا ادارة الورث وطريقة تنظيمه بطريقة واضحة وسلسة لكل اعضاء العائلة، وثانيا ما يعرف بـ (ادارة التعاقب)، او بالاحرى تكوين البنية للجيل الجديد من اداريي الشركة، سواء كانوا من العائلة او خارجها.أخيراً، نسمع من ضيفنا اراءه عن مختلف الملفات الاقتصادية بالعراق اليوم، من مشاريع الدولة مثل طريق التنمية وخطط تطوير الموانئ، الى حال القطاع النفطي وتصوراته حول اسعار هالسلعة وتاثيرها بالسنين الجاية، وصولا الى القطاع الصناعي بالبلد وكيفية تنشيطه.

.

.

.

Today, we hear about world-renowned universities offering courses and complete programs in entrepreneurship and innovation. Many students are drawn to these fields, choosing them as their academic and later professional focus. However, a central question remains in the minds of many: Is it possible to teach entrepreneurship? If so, how? What are the challenges involved? Have we witnessed successful experiences, and what is their success rate? We aim to answer all these questions in our upcoming episode with Dr. Hemin Latif, Ph.D., Director of the Entrepreneurship and Innovation Center at the American University of Iraq, Sulaimani, which is the first center dedicated to entrepreneurship at an Iraqi university. Dr. Hemin brings over 18 years of academic experience. After earning his PhD from Nottingham Trent University in the UK, he began lecturing there before returning to Iraq to teach at AUIS as part of its founding team. He has also headed the Engineering and Information Technology departments at different times. In addition to his current role as center director, Dr. Hemin applies the academic principles and teachings he provides to students to his own company, Agora Vision ئاگۆرا ڤیژن. The company's mission is to promote Kurdish literature by offering the first comprehensive platform of its kind for Kurdish audiobooks, which he is actively growing to achieve commercial success. View all of our episodes here: linktr.ee/tajaribpodcast Send us your guest suggestions here: hello@tajarib.show

.

سولفنا وية ندى عن قصتها بصناعة المحتوى الترفيهي والمؤثر، والتسويق باستخدام المحتوى.حجينا عن تجربتها بتأسيس متجر الكتروني للملابس، من اختيار المنتجات الى التوصيل والتسويق وخدمة العملاء. ندى عدها هواية نصائح تخص التسويق لأصحاب المتاجر على منصات التواصل الاجتماعي.وأخير شي سولفنا عن الاعلان مع المؤثرين وشلون يسوق المؤثر عن منتج باستخدام المحتوى.

0:00 - تشويقية 1:12 - مقدمة 3:00 - بداية فكاهية 4:40 - شلون السفر عند العراقيين برمضان؟ 11:00 - شنو تعلمت من الشغل بوكالة السفر؟ 14:30 - شلون تشتغل وكالة السفر التقليدية؟ 19:00 - شلون تربح وكالات السفر؟ 26:00 - شنو الغلط بعمل بوكالات السفر؟ 31:00 - شلون تكسب ثقة زبون تعبان بفلوسه؟ 36:00 - شلون اطلقت التطبيق بسرعة؟ 41:00 - خدمة عملاء التطبيق مقارنة بالوكالات 52:00 - قضية سندباد مع الخطوط الجوية العراقية 1:07:00 - توفير الدولار على السعر الرسمي للمسافرين 1:11:00 - هل سندباد تبيع على السعر الرسمي اليوم؟ 1:17:00 - أثر عقوبات فلاي بغداد 1:22:00 - مجالات التوسع (فيزا، جولات، فنادق) 1:27:00 - الرأي بعقوبات فلاي بغداد 1:31:00 - شنو رأيك بمطارات العراق؟ 1:36:00 - ختامية

مجال العقار من أهم المجالات إن لم يكن الأهم لكثير من رجال الأعمال والمستثمرين العراقيين. لاحظنا تغييرات كبيرة بيه بالسنوات الأخيرة، سواء على صعيد ارتفاع الاسعار، ظهور ونشأة اسواق جديدة، أو البناء والتبنّي المتزايد للمجمعات السكنية والبناء العمودي بصورة عامة.أكيد، يرافق هذا التطور تغيير بتصرفات المستثمرين، من حيث اهداف استثمارهم، وطريقة بناءهم، وتعاملهم مع الزبائن من مشتريين ومؤجرين.راح نتطرق لكل هذا وية نواف، واللي يتمتع بخبرة عقد كامل تقريبا بالمجال، ويُعد من المؤثرين الأهم بيه على مواقع التواصل اليوم. راح نسولف ايضاً عن المشهد العمراني والانشائي لبغداد كمدينة، دور المجمعات السكنية بحل ازمات السير والبنى التحتية، ودور المدن الجديدة اللي دتطلقها الحكومة (مثل علي الوردي، الجواهري وغيرها) بتطوير هالمجال وأثرها عليه.وأخيراً، راح نحجي عن @foxmagazine.iq ، المنصة الإعلامية الاقتصادية والعقارية اللي يعمل نواف على تأسيسها اليوم، ومؤسسة المعمار لدعم السياسات والتشريعات بمجال العقار.

ضيفة حلقتنا هي عشتار العزاوي، لاعبة المنتخب العراقي للجوجيتسو، وبطلة العالم لسنة ٢٠١٩، ومؤسسة منظمة @forsah_iq للرياضة. راح نحجي وية عشتار عن بدايتها بمجال الفن القتالي، التحديات اللي واجهتها بالطريق، والنجاحات اللي كدرت تحققها بيه. راح نحجي همين عن أثر الرياضة على الناس (وبالأخص بالعراق)، إجتماعياً، وثقافياً، وأكيد صحياً، ونقارن هذا المجال بالعراق بنظيره بغير دول، والعوائق الرئيسية للناس اللي يخططون الدخول اله. أخيراً، راح نناقش عمل عشتار على خلق مجتمعات لمختلف الرياضات وصنع بيئة مناسبة الها، من فن القتال إلى التزلج (سكيتبوردنك)، وغيرها. حلقتنا هذه هي بالشراكة مع كي (@qicard)، شركة رائدة بمجال الدفع الالكتروني، توفّر بطاقات مثل الكي كارد والماستر كارد، وتقدّم مختلف الخدمات التكنولوجية والمالية لملايين من زبائنها العراقيين بشكل يومي.

www.tajarib.show

.

.

.

بدأ كرار مسيرته المهنية بعد التخرج بوظيفة حكومية، لكن تركها بعد فترة بسيطة وقرر الانضمام إلى شركة زين العراق والبدء كمهندس موقع ضمن القسم التقني، وصولاً بعد سلسلة من الترقيات إلى منصبه الأخير كمدير قسم المشاريع المؤسساتية داخل الشركة. تكونت الفكرة لـ (ليمونة) عند كرار ومجموعة من موظفي زين العراق، وبعد ما تواصلوا وية مستثمري الشركة وطرحوا الفكرة عليهم، قرروا الانطلاق بالنصف الأول من ٢٠٢٢. راح نحجي وية ضيفنا عن تجربته الشخصية بالعمل، بداية المشروع، حصولهم على الاستثمار، التحديات اللي واجهوها، النمو اللي مروا بيه (واللي وصلهم اليوم إلى كونهم أكبر تطبيق توصيل أغذية عراقي)، وتفاصيل الإستثمار اللي مقبلين عليه وديعملون بإتجاهه، بالإضافة إلى الفرص اللي يشوفها الضيف لحد الان موجودة بقطاع التوصيل، والمستقبل اللي للشركة والقطاع بشكل عام.هذه الحلقة هي أول مقابلة نجريها أمام جمهور وضمن جلسة حوارية من جلسات (أسبوع ريادة الأعمال العالمي) اللي يُنظّم بالتعاون مع مؤسسة المحطة لريادة الأعمال، واللي ميّزها هو استقبالنا للاسئلة من حضورنا والتفاعل المباشر بين الضيف والجمهور.حلقتنا هذه بالشراكة وية كي (@qicard)، أحد أهم الشركات بمجال الدفع الإلكتروني، تصدّر بطاقات مثل الـ (كي كارد) والـ (ماستر كارد)، وتوفّر مختلف الخدمات المالية والتكنولوجية. حلقتنا هي أيضاً بالشراكة وية بزنس أفنيو (@businessavenue.iq)، شركة رائدة بتوفير بتوفير مساحات العمل والمكاتب وغرف الإجتماعات الهادئة والبيئة المناسبة لروّاد الأعمال والشركات والأفراد، من خلال فروعهم ببغداد، الأنبار، والبصرة. حلقتنا هي برعاية جِنّي (@gini.iq)، ديجيتال زون (@digitalzone.app)، يونايتد سكشنز (@unitedsections)، ومسواگ (@miswag_iraq).تكدرون تشوفون كل حلقاتنا على منصتكم المفضلة عن طريق الرابط: linktr.ee/tajaribpodcast ارسلولنا اقتراحاتكم للضيوف عن طريق الايميل: hello@tajarib.show

.

تكدرون تشوفون كل حلقاتنا على منصتكم المفضلة عن طريق الرابط: linktr.ee/tajaribpodcast ارسلولنا اقتراحاتكم للضيوف عن طريق الايميل: hello@tajarib.show

ضيف حلقتنا الجاية هو محمّد الصوفي، المهندس المعماري، المؤلف لكتاب (بيت، شارع، مدينة: مقالات حول العمارة والعمران)، والحاصل على شهادة ماجستير العلوم في العمارة من جامعة البوليتكنيك في ميلان. راح نبدي حديثنا وية محمد عن تجربته بالدراسة بإيطاليا، ليش لحد الان يقضي هواية من الوقت بهذا البلد، وشنو اللي يلهمه بيه. راح ننتقل بعدها الى عمله كمهندس معماري، سواء بذكر تجارب سابقة اله او رأيه بالمشهد العمراني اليوم ببغداد والعراق بشكل عام. وأخيراً، راح نحجي عن تجربته بتأليف كتابه، واللي تعلمه منها، والأثر اللي احدثه إله هالشي على صعيد شخصي ومهني. انتظروا حلقتنا يوم الثلاثاء الجاي، 31 تشرين الأول، بالساعة ٩ مساءً. حلقتنا هي بالشراكة وية شركة أي كيو (@weare.iq)، المزود الرائد للالياف الضوئية بالعراق، واللي مكاتبهم موجودة ببغداد، السليمانية، ودبي. حلقتنا هي ايضاً بالشراكة وية شركة كي (@qicard)، واللي هي شركة رائدة بمجال الدفع الالكتروني بالعراق، واللي تصدر بطاقات مثل الـ كي كارد والـ ماستر كارد، وتوفّر مختلف الخدمات المالية والتكنولوجية. رعاة هذه الحلقة هم: - جِنّي (@gini.iq): منصة تسوّق الكتروني خاصة بالمستلزمات والأجهزة الطبيّة - ديجيتال زون (@digitalzone.app): منصة رقمية مبتكرة تعمل على تطوير بيع الخدمات والمنتجات الرقمية بالعراق - مسواگ (@miswag_iraq): أول موقع تسوّق الكتروني عراقي، يوفّر كل احتياجات الفرد من منتجات - المحطة (@thestationiq): مؤسسة عراقية لريادة الأعمال، تدعم وتأهّل الشباب بمختلف السبل

الهندسة، والبناء، والنفط والغاز، ثلاثة من أهم القطاعات بالعراق من حيث الأثر الإقتصادي، إذا ما چانت الأهم. ضيف حلقتنا هو المهندس ميثم الأسدي، الشريك المؤسس لمجموعة شركات الكوفان، واللي عملها يقع بنقطة تقاطع لكل هذه القطاعات. راح يشاركنا الضيف تجربته بكل من هذه القطاعات، من تكوين اهتمامه بيه، الى كسب الخبرة عن طريق عمله على مدى 8 سنين بشركة شلمبرجير (أكبر شركة بمجال حقول النفط بالعالم) خارج العراق، عودته الى العراق بعد الإحتلال وحصوله على أول عقد عمل، توسعة شركته الى مشاريع بمختلف القطاعات، التعاقد مع الحكومة، وتأسيسه لمشروع مدينة البصرة اللوجستية، أحد أبرز مشاريع المحافظة بقيمة ٢٤٥ مليون دولار، واللي هو لحد الان قيد الانشاء. حلقتنا هي بالشراكة وية شركة أي كيو (@weare.iq)، المزود الرائد للالياف الضوئية بالعراق، واللي مكاتبهم موجودة ببغداد، السليمانية، ودبي. حلقتنا هي ايضاً بالشراكة وية شركة كي (@qicard)، واللي هي شركة رائدة بمجال الدفع الالكتروني بالعراق، واللي تصدر بطاقات مثل الـ كي كارد والـ ماستر كارد، وتوفّر مختلف الخدمات المالية والتكنولوجية. رعاة هذه الحلقة هم: - جِنّي (@gini.iq): منصة تسوّق الكتروني خاصة بالمستلزمات والأجهزة الطبيّة - ديجيتال زون (@digitalzone.app): منصة رقمية مبتكرة تعمل على تطوير بيع الخدمات والمنتجات الرقمية بالعراق - مسواگ (@miswag_iraq): أول موقع تسوّق الكتروني عراقي، يوفّر كل احتياجات الفرد من منتجات - المحطة (@thestationiq): مؤسسة عراقية لريادة الأعمال، تدعم وتأهّل الشباب بمختلف السبل

تكدرون تشوفون كل حلقاتنا على منصتكم المفضلة عن طريق الرابط: linktr.ee/tajaribpodcast ارسلولنا اقتراحاتكم للضيوف عن طريق الايميل: hello@tajarib.show

تكدرون تشوفون كل حلقاتنا على منصتكم المفضلة عن طريق الرابط: linktr.ee/tajaribpodcast ارسلولنا اقتراحاتكم للضيوف عن طريق الايميل: hello@tajarib.show

.

ضيف حلقتنا هو ماريو مكاري، المدير الإقليمي لشركة @visa بالعراق والشام، واللي هي أكبر شكبة دفع إلكتروني بالعالم. راح نحجي وية ماريو عن تجربته وتجربة شركته بنشر الدفع الإلكتروني بالعراق، بدءاً من اجتماعاتهم مع دولة رئيس الوزراء السيد محمد شياع السوداني وعملهم مع مجلسه والبنك المركزي على مبادرات لدعم ونشر اجهزة وخدمات الدفع الإلكتروني، وصولاً إلى شراكاتهم وية شركات مثل @miswag_iraq و @totersiraq لتشجيع استخدام البطاقات الائتمانية.

نسمع هواية انه العراق مهد الحضارات، والحاضن لالاف الثقافات، والشعوب، والاديان، ونُذَكّر كل يوم بالتاريخ الغني اللي يمتلكه هالبلد، لكن صعب ما نلاحظ فجوة بين مكانته الثقافية هذه ومكانته سياحياً، فالعراق من أقل الدول جذباً للسيّاح بمنطقة الشرق الأوسط، لهواية من الأسباب. ضيفنا، علي المخزومي، يشوف هالشي بدأ يتغيّر، وديعمل حتى يكون بمقدّمة هذا التغيير، فـ قبل ما يأسس علي وكالته للسياحة (بالويكند) أو (بالعطلة)، واللي تنظّم رحلات لسوّاح عراقيين وأجانب الى مختلف معالم البلد الحضارية والطبيعية - من زقورة أور الى اثار الحضر - جان علي موظّف بوزارة الثقافة العراقية، واللي كدر بفترته بيها يكتشف مختلف تفاصيل السياحة بالعراق، من عوائق وصعوبات، الى حلول وفرص. راح نحجي بهالحلقة عن ولع علي بالثقافة وشلون تكوّن، ليش عمل بوزارة الثقافة بدل قبوله منحة دراسية للولايات المتحدة، الخبرات اللي اكتسبها من هالتجربة، وشلون أهلّته يطلق مشروعه للسياحة، وشلون وصلّه الى الربحية وكدر يكون رائد بتوفير هالخدمة بالعراق، بالإضافة الى حجينا عن رأيه بفتح الفيزا للأجانب، زيارة بابا الفاتيكان وتأثيرها، رأيه بمعالم العراق واقتراحاته بيها، وشلون يشوف القطاع الخاص راح يلعب دور مهم بتنشيط هالمجال. موقع شركة iQ وشرح عن مشروع طريق الحرير: https://iq.group/#/silk-route حلقتنا هي ايضاً بالشراكة وية كي، شركة رائدة بمجال الدفع الالكتروني بالعراق. كدرت كي انه تطوّر من السوق العراقي من خلال توفيرهم للخدمات البسيطة، السريعة، واللي بمتناول اليد لأغلب العراقيين، سواء عن طريق اصدارهم لبطاقات مثل الـ كي كارد والـ ماستر كارد، أو عن طريق مختلف المنتجات المالية والتكنولوجية اللي يقدموها لأكثر من سبعة مليون زبائن عراقيين بشكل يومي رعاة هذه الحلقة هم: - جِنّي (@gini.iq): منصة تسوّق الكتروني خاصة بالمستلزمات والأجهزة الطبيّة - ديجيتال زون (@digitalzone.app): منصة رقمية مبتكرة تعمل على تطوير بيع الخدمات والمنتجات الرقمية بالعراق - مسواگ (@miswag_iraq): أول موقع تسوّق الكتروني عراقي، يوفّر كل احتياجات الفرد من منتجات كذلك نشكر مؤسسة المحطة (@thestationiq) على توفيرهم للمكان للتصوير. تكدرون تشوفون كل حلقاتنا على منصتكم المفضلة عن طريق الرابط: linktr.ee/tajaribpodcast ارسلولنا اقتراحاتكم للضيوف عن طريق الايميل: hello@tajarib.show

منو منّا ما مجرب يلعب العاب الكترونية عالأقل لمرة؟ اليوم، تقريبا نص العالم يستخدم هالوسيلة للترفيه بشكل مستمر، ويوم على يوم ديكثر الحيّز اللي تاخذه هالالعاب من يومنا وحياتنا. لذلك راح نحجي بحلقتنا الجاية وية دانر كيفي، مطوّر العاب عراقي، ومدرّب تطوير ألعاب، ومقدّم لبودكاست (زنقة الألعاب).راح نحجي وية دانر عن تطوير الألعاب - شنو هو كمفهوم؟ ليش قرر انه يتخصص بيه كمهنة؟ شلون جانت تجربته بتطوير ونشر كذا لعبة بالعراق (منها اللي نجحت ومنها اللي فشلت، وليش)؟ إلى أي حد يشوف تطوير الألعاب ممكن يكون فرصة مجدية تجارياً للناس؟ إذا أي، شلون ممكن اللعبة تطلّع فلوس؟ وشنو احسن الطرق لهالشي بالعراق؟ هل الاستثمار بصناعة الالعاب شي منطقي؟راح نحجي همين عن مستقبل الالعاب - هل ديتجه للموبايل، لو للكونسل (بليستيشن وأكسبوكس)، لو للحاسبة؟ شنو الانواع الجديدة من الألعاب اللي راح نشوفها؟ شنو أهمية الالعاب بنقل ثقافة البلد، وهل ديتم استخدامها كأداة لنشر رسالة اجتماعية، ثقافية، أو سياسية؟ شنو رأيه بالالعاب اللي دتكون قصتها بالعراق، سواء بطابع ايجابي مثل (اساسنز كريد: ميراج) اللي نزلت مؤخراً، أو سلبي مثل (٦ ايام في الفلوجة)؟ شنو الخدع اللي يستعملوها المطورين حتى يخلونا نصرف وكت اكثر على العابهم؟ وأخيراً، فراح نسمع نصائحه للناس اللي يريدون يفوتون لهالمجال، ونحجي عن الالعاب اللي ديلعبها مؤخراً ويحبها.

.ضيف حلقتنا هو عبدالله حسام، مهندس برمجي بشركة @tiktok.بدأ عبدالله اهتمامه بالبرمجة كهواية، وكدر انه يطورها الى مهنة من خلال تعلمه بالانترنت، ومشاركته بالمعارض والمسابقات العالمية، والعمل مع مختلف الشركات داخل وخارج العراق اثناء دراسته كطالب بالجامعة التكنولوجية ببغداد. بعد تخرجه بسنة، قبل عبدالله عرض عمل بمكتب شركة تيكتوك بمدينة لندن كمهندس برمجي امني (security engineer)، واللي خلاه اليوم موظف بإحدى اكثر الشركات التكنولوجية صعوبةً من ناحية اختيار موظفيهم.راح نحجي وية عبدالله بهالحلقة عن تجربته بتعلم البرمجة، شلون طوّر من مهاراته بيها، وسوّة سيرته الذاتيه ومر بالمقابلات التقنية، وشلون حصّل كذا فرصة عمل خارج العراق قبل تخرجه. راح نحجي همين عن المهارات اللي يشوفها مهمة للمبرمجين اليوم، ورأيه بمدى فائدة الدراسة الجامعية بالعراق لتطوير هذه المهارات. راح نحجي همين عن تجربة عمله بتيكتوك وفرقها عن تجاربه السابقة بالعمل داخل العراق. وأخيراً، راح نسولف عن تيكتوك كمنتج ورأيه بيه والتأثير اللي يتركه على المجتمع، سواء سلبي ام ايجابي.

`محمد السامرائي هو الشريك المؤسس ومدير قسم الإبداع بوكالة Crazy Town الإبداعية، اللي تتخصص بصنع الإعلانات بكل انواعها. يحمل محمد اكثر من ١٢ سنة من الخبرة بالمجال الإبداعي عامةً والتصميم الكرافيكي خاصةً، وچان سابقاً جزء من فريق وكالة Leo Burnett العالمية بالعراق. راح نحجي بحلقتنا وية محمد عن الاشياء اللي تعلمها من العمل بوكالة عالمية، تجربة انشاء الوكالة الخاصة بيه، معنى “الابداع” بالنسبة اله وشلون ينصنع، شلون يتعامل وية العميل، طريقة ادارته لاعضاء الفريق، شنو يشوف يخلق الاعلان الناجح وشنو يخلق الاعلان الفاشل، وين يشوف مشهد الاعلانات عندنا مقارنة بغير دول، هل يشوف اقسام الإبداع الداخلية (in-house) احسن من الوكالات وبأي حالات، وأخيراً، نصائحه للي يريدون يبدون بهالمجال (سواء كموظفين أو مؤسسي وكالات). صفحة شركة iQ: https://www.facebook.com/weare.iq تكدرون تشوفون كل حلقاتنا على منصتكم المفضلة عن طريق الرابط: linktr.ee/tajaribpodcast ارسلولنا اقتراحاتكم للضيوف عن طريق الايميل: hello@tajarib.show

قبل ما يكون مُحب للسفر، يعرّف مصطفى نفسه كمبرمج، فهو بدأ مسيرته المهنية من عمر صغير ببرمجة المواقع، والتطبيقات، والمنتجات. قبل ما يبلغ الـ ١٨ سنة باع واحد من منتجاته لشركة زين كاش، وتوظّف بعدها بالشركة كمطوّر.خلال فترة عمله، كوّن مصطفى اهتمام جبير بالسفر والسياحة، خلته يتطلع على مختلف مفاصل السفر، بدءاً من عملية الحصول على التأشيرات (الفيزا)، إلى تأمين السفر، حجز تذاكر الطيران، اختيار السكن والفنادق، النقل، الأكل، وغيرها. تعمّق مصطفى بكل وحدة منها وكدر يتعلّم شلون يسوي الخيارات الصحيحة بيها، وبنفس الوقت يقلل من تكاليفه ويسافر بأقل ميزانية ممكنة. بعد ما جمّع معلومات كافية من مختلف تجاربه، قرر أن يأسس تطبيقه، كاونتر، حتى يسهّل للناس عملية الحصول على التأشيرات وشراء تأمين السفر.راح نسولف بهالحلقة عن ليش مصطفى يسافر، شلون يسافر، المعلومات المفيدة اللي اكتسبها اللي ساعدته انه يستمتع اكثر بسفره من جهة ويقلل من تكاليفه من جهة اخرى، شلون اسس تطبيق يساعد بعملية التأشيرات وتأمين السفر، وشلون هالتطبيق اغلب زبائنه اصلا مو عراقيين، وحسابه المصرفي وتسجيل شركته بأمريكا. وأخيراً، راح نحجي عن اراءه بالبرمجة، وشلون يشوف الواحد ممكن يطوّر منتج رقمي ناجح.للاطلاع على خدمات شركة iQ، تكدرون تزورون الرابط: https://www.facebook.com/weare.iq/تكدرون تشوفون كل حلقاتنا على منصتكم المفضلة عن طريق الرابط: linktr.ee/tajaribpodcastارسلولنا اقتراحاتكم للضيوف عن طريق الايميل: hello@tajarib.show

أحمد معن الطبقچلي هو باحث اقتصادي وخبير أسواق مالية. يعمل كرئيس الاستراتيجية لدى محفظة AFC Iraq الاستثمارية، ويحمل خبرة اكثر من ٢٥ سنة بأسواق بريطانيا، أمريكا، والشرق الأوسط. حصل على الماجستير من جامعة أوكسفورد عام ١٩٩١، وهو زميل زائر في كلية لندن للاقتصاد.اكثر حجينا بهالحلقة هو عن الاقتصاد العراقي - بنبذة عنه قبل وبعد ٢٠٠٣، وتوضيح من الضيف انه ليش يشوف اليوم فرصة اقتصادية تضاهي اللي صارت بدول نامية بوقتها مثل الصين. بنفس الوقت، راح نحجي عن التحديات اللي ممكن تعيقنا عن هالشي، مثل حالة عدم الاستقرار الأمني المستمرة، أو الانفاق الزائد على الدرجات الوظيفية، أو تذبذب اسعار النفط، أو الاقراض الداخلي، أو التضخم، وغيرها.بعد هذا، راح نحجي عن الحلول المقترحة والحلول الواقعية لهذه المشاكل، منها رأيه بقضية الدولار والتطوّرات اللي دتصير بخصوصها مؤخراً، والصعود بقيمة النفط ومدى استدامة هذا الشي على المدى البعيد. وأخيراً، السؤال الاكبر عن اتجاه الاقتصاد اليوم، وشلون المفروض يفكرون بيه الشباب، رواد الأعمال، واصحاب رؤوس الأموال من يصنعون قراراتهم.رابط شركة iQ: https://www.facebook.com/weare.iq/رابط بزنس اڤنيو: https://www.facebook.com/businessavenue.org/تكدرون تشوفون كل حلقاتنا على منصتكم المفضلة عن طريق الرابط: linktr.ee/tajaribpodcast ارسلولنا اقتراحاتكم للضيوف عن طريق الايميل: hello@tajarib.show

من جان محمد طالب مرحلة ثانية بالكلية بدى مشروعه @transpi.iq ، ويلي هو تطبيق لتنظيم شبكة نقل طلاب الكليات. واجه محمد صعوبات وتحديات مختلفة برحلته، منها بسبب الوضع السياسي للبلد وجائحة كورونا، ومنها بسبب المشروع نفسه، خصوصا من الجانب اللوجستي للمشروع، ويلي خلة محمد يتخذ خطوات جريئة خلال رحلته ببناء هذا المشروع آخرها جان قراره بالتوقف عن العمل على هاي الفكرة.راح نسولف بهاي الحلقة ويا محمد عن شلون اجته فكرة المشروع وشلون بدة يشتغل عليها، بالإضافة الى التحديات يلي واجهها وشلون هل شي جان سبب بفشل مشروعه، بالإضافة الى القرارات الخاطئة يلي اخذها خلال بناءه للمشروع وشلون جان ممكن يتجنب هاي الأخطاء، وراح نحجي هم عن السبب يلي خلة محمد يتوقف عن العمل على هذا المشروع رغم فكرته يلي قد تبدو حلوة ودتحل مشكلة حقيقية.رابط iQ Group: https://iq.group/تكدرون تشوفون كل حلقاتنا على منصتكم المفضلة عن طريق الرابط: linktr.ee/tajaribpodcast ارسلولنا اقتراحاتكم للضيوف عن طريق الايميل: hello@tajarib.show

بدت رحلة كرستين بالعراق قبل ١٤ سنة بالجامعة الأمريكية بالعراق، السليمانية، عملت خلال فترتها بالجامعة على مشاريع مختلفة أبرزها @irismideast وهي منظمة مختصة بالأبحاث السياسية، وكذلك جانت المسؤولة عن تنظيم ملتقى السليمانية وهو ملتقى شبه سنوي يجمع شخصيات وباحثين بالشأن السياسي والإقتصادي العراقي، بعدها اتجهت كرستين الى بغداد وبدت BBS وهو برنامج تدريبي هدفه تمكين الشباب بمهارات اللازمة للدخول بالقطاع الخاص.راح نسولف بهاي الحلقة عن تجارب كراستين ب @auisofficial والمشاريع يلي عملت عليها، خصوصا IRIS و ملتقى السليمانية، وراها راح نحجي عن الفرص المتوفرة للشباب بالقطاع الخاص وشنو يلي ينقصهم علمود يستفادون منها، بالإضافة الى تجربتها بتأسيس BBS ويلي يعتبر برنامج فريد من نوعه بالعراق وابرز القصص والتحديات يلي واجهتها ببداية هذا البرنامج.

خلال ال٣٠ سنة الماضية عمل شوان بالقطاع المالي والإستثمار، أدار خلالها محافظ استثمارية أمريكية مختلفة بمنطقة الشرق الأوسط وشمال أفريقيا، قبل ميرجع للعراق ويرأس شركة الربيع للوساطة المالية، وانضم كذلك لشبكة من المستثمرين العراقيين للإستثمار بالمشاريع العراقية الناشئة.راح نسولف بهاي الحلقة عن بداية شوان بالقطاع المالي والاستثمار، وتجاربه بإدارة المحافظ الإستثمارية بفرانك تمبلتون، وحدة من المحافظ الإستثمارية الرائدة، وعمله مع جورج سورس أحد أهم المستثمرين، قبل ميرجع للعراق ويترأس شركة الربيع ويكون المسؤول عن إدارة إدراج إثنين من أكبر الشركات بالعراق بسوق الأوراق المالية، ويلي ساهم بدخول الإستثمار الأجنبي للعراق بشكل أكبر، وراح نحجي هم عن سبب هذا الإهتمام الأجنبي بالسوق العراقي وأهمية وجوده للاقتصاد المحلي وشلون يشوف شوان مستقبل الإقتصاد العراقي.

بعد إكماله الماجستير بمجال التسويق عمل رواء بشركات عالمية متعددة وشغل مناصب متنوعة بمجال التسويق قبل ليقرر يبدي شركته الخاصة sagerlabsيلي هي شركة مختصة بالتسويق عن طريق المؤثرين من خلال الربط بين الشركات والمؤثرين على السوشل ميديا.راح يسولفنا رواء عن بدايته بمجال التسويق ويشاركنا بعض خبراته من المناصب يلي شغلها خلال عمله بشركات عدة، قبل ميبدي شركته الخاصة. راح نسولف عن التسويق عن طريق المؤثرين بشكل عام مقارنة بالطرق الثانية، بالإضافة الى طبيعة المؤثرين العراقيين وشلون ممكن الشركة تختار المؤثر المناسب لأهدافها، راح يشارك ويانا هم بعض التحديات والمواقف يلي واجهها خلال عمله ب sagerlabs واستراتيجية بناء فريقه بالإضافة إلى نظرته لأهمية وجود المؤثرين وتطور هل سوق بالعراق.

خلال ال٨ سنوات الماضية عمل منتظر بمجال الذكاء الاصطناعي، طوّر خلالها برامج متعددة ودرّب بمكانات مختلفة، كل هذا خلاه يكون خبرة مميزة بمجال الذكاء الاصطناعي وتطبيقاته.راح يسولفنا منتظر شنو هو الذكاء الاصطناعي وأقسامه وطريقة عمله، بالإضافة الى تطبيقاته وشلون ممكن الشركات والأفراد يستفادون من الذكاء الاصطناعي لتطوير عملهم، وموقف الشركات والمشاريع العراقية مقارنة بالعالمية بتطبيق الذكاء الاصطناعي بأنظمتهم، وراح نسولف هم عن مستقبل الذكاء الاصطناعي ووين متجه وشنو الحد يلي ممكن يوكف يمه، وهل فعلاً ممكن يجي اليوم يلي ياخذ الذكاء الاصطناعي مكان البشر؟

جانت بداية أحمد بالقطاع الخاص بتأسس وكالة ويا أصدقائه للحلول البرمجية والإبداعية، بعدها عمل كمدير عمليات بأحد محلات الأثاث قبل ليبدي مشروعه الخاص ariika يلي توفر منتجات أثاث عصرية ومريحة. خلال هل فترة عمل ويا تطبيق طلب التكسي كريم واستمر بهل شركة لمدة ٣ سنوات شغل بيها مناصب متعددة. وحاليا هو يشغل منصب المدير الإقليمي ل northladder وهي منصة مختصة بتجارة الأجهزة الإلكترونية المستعملة.راح يسولفنا أحمد عن تجربته بالعمل كموظف وصاحب مشروع بوقت واحد، وشلون كدر يبدي ariika ويبني العلامة التجارية ويثقف الناس بمنتجاتها. كذلك راح نسولف شلون عمله كموظف بكريم ساعده وطوّر مهاراته علمود يدير مشروعه وشنو التجارب المميزة يلي مر بيها خلال عمله. وراها راح نسولف عن دخول northladder للعراق وعمله بالإضافة إلى السوق المحلي للأجهزة الإلكترونية المستعملة.

ضيفة حلقتنا الجاية هي باسمة عبدالرحمن، مؤسسة KSK لحلول الطاقة النظيفة.بعد إكمالها الماجستير بالولايات المتحدة الأمريكية باختصاص الهندسة المدنية، رجعت باسمة للعراق وعملت مع مؤسسات دولية مختلفة قبل لتبدي شركتها الخاصة لتقديم الخدمات الاستشارية لحلول الطاقة النظيفة، يلي بعدين تطورت الى خدمات أخرى لتقديم حلول ومنتجات طاقة صديقة للبيئة.الطاقة الشمسية من القطاعات الناشئة بالعراق، وباسمة من أفضل الأشخاص يلي ممكن يسولفون عنه بسبب تجربتها المميزة بتأسيسKESK. راح نحجي بهاي الحلقة عن بداية باسمة بهذا القطاع بعد ما اخذت قرار ترك الوظيفة الحكومية، بالإضافة الى التحديات يلي واجهتها ببداية مشروعها سواء بتوفر الموارد البشرية او بحصولها على عملاء. راح نسولف هم عن أهمية الطاقة النظيفة وشلون ممكن الأفراد والمؤسسات يستفادون من عدها بالعراق وتكاليفها مقارنة بالخيارات الأخرى. بالأخير راح نحجي هم عن رؤيتها الخاصة للشركة والمجالات الثانية يلي دتشتغل بيها مثل التكنلوجيا الخضراء.

ضيف حلقتنا هو حيدر الشاكري، باحث بشؤون الشرق الأوسط وشمال أفريقيا بتشاتام هاوس. بعد تخرجه من الجامعة الأمريكية ببيروت باخصتاص الإدارة العامة، وانخراطه بالعمل مع المنظمات الدولية، كوّن حيدر إهتمام بالبحث بالشأن السياسي ونشر عدة بحوث ومقالات عن العلاقة بين السياسة والاقتصاد .نحجي بهاي الحلقة عن دور الإرادة السياسية بتطوير الإقتصاد، بالإضافة الى دور منظمات التنمية الدولية بتطوير الإقتصاد المحلي، راح نسولف هم عن دور مراكز الفكر والبحوث وعملهم بالإضافة الى رؤيته للواقع الإقتصادي المحلي.

بعد تخرجه من كلية التربية الرياضية وعمله كمدرب بدني، قرر يفتح قاعته الرياضية الخاصة يلي بعدين توسعت الى سلسلة من القاعات في مختلف مناطق بغداد. نحجي بهاي الحلقة عن بداياته لغيث وتطوره بالمجال، بالإضافة الى تحديات وفرص مجال القاعات الرياضية بالعراق وإدارته لسلسلة القاعات يلي يملكها. راح نسولف هم عن أهمية اللياقة البدنية والرياضة للفرد مهما كان اختصاصه أو عمله.

بعد حصولها على شهادة البكلوريوس بهندسة البرامجيات، بدت عملها بسوق الأوراق المالية وشغلت مناصب عدة بشركة الربيع للوساطة آخرها هو منصب رئيسة المتداولين بالشركة قبل انتقالها للعمل بكابيتا كمسؤولة استثمار. نحجي بهاي الحلقة عن سوق الأوراق المالية والأسهم بالعراق، كذلك عن وضع سوق الفوركس بالعراق وعدم ترخيصه من البنك المركزي. راح نسولف هم عن إدراج الشركات بسوق الأسهم، بالإضافة لبعض النصائح للأفراد لدخولهم سوق الاستثمار بالشركات العراقية وأنواعه.

بعد ما كان يعمل وليد بمجال تكنولوجيا المعلومات والشبكات، قرر يستغل شغفه ومعرفته بالسيارات ويبدي قناته reviewtube لمراجعة السيارات، وخلال سنين عمله بهل قناة كوّن خبرة مميزة بسوق السيارات العراقي.نحجي بهاي الحلقة عن سوق السيارات بالعراق وموقف شركات السيارات وتعاملها مع سوقنا، كذلك عن دخول الشركات الصينية للسوق بقوة بالآونة الأخيرة، بالإضافة إلى وجهة نظر المستهلك العراقي وتفضيلاته. راح نسولف هم عن شلون ممكن الفرد يختار السيارة المناسبة لاحتياجاته، وعن عن تجربة وليد كصانع محتوى بهل مجال وتعامله ويا الوكالات والمعارض.

بعد تخرجه من كلية الهندسة، عمل علي بالقطاع المصرفي وشغل عدة مناصب بمؤسسات مختلفة بهذا القطاع، هل شي زوده بالخبرة بالقطاع المصرفي العراقي وأهله انه يكون المدير التنفيذي لرابطة المصارف العراقية. نحجي بهاي الحلقة عن القطاع المصرفي بالعراق وعمل رابطة المصارف ودورها، ونناقش كذلك نظام القروض الحالي للشركات الناشئة والأفراد وفرص وتحديات القطاع المصرفي بالعراق وشلون ممكن الفرد يختار المصرف المناسب إله، وكذلك دور الحكومة والمؤسسات بزيادة الوعي المصرفي.

من عمر صغير، كوّن محمد اهتمام بالبرمجة وعلوم الحاسبات، وقرّر بعد هجرة عائلته لأمريكا انه يتخصص بدراستها، وبعد عمله بمختلف المؤسسات كمبرمج، قرر انه يستكشف مجال التكنولوجيا الصحيّة والاحيائية واللي شارك بتأسيس كذا شركة بيها (Cancer IQ, medCPU) حصدت تمويل يصل الى ٧٠ مليون دولار، شغل بيها منصب الـ CTO أو رئيس قسم التكنولوجيا.بعد فترة من العمل بالقطاع الخاص خارج العراق، قرر محمد انه يستكشف فرص للابتكار داخل العراق، بدت بدورات للمبرمجين العراقيين بأمريكا، ووصلت الى انشاء منصة للتسوّق الالكتروني توصّل للعراق منتجات من أمريكا وغيرها من الدول، واللي تسميّت @pureplatform.راح نحجي بهذه الحلقة عن تجارب محمد بدراسة البرمجة (ولاحقاً تدريسها)، التكنولوجيا الاحيائية، عمله بإكتشاف وتعديل الجينات، الكشف عن السرطان، والشركات اللي ساعد بتأسيسها باستخدام هذه المفاهيم.راح نسولف عن تأسيسه لبيور بلاتفورم، بداياته، التحديات، النمو، نظرته لقطاع اللوجستيات والتوصيل بالعراق والمنطقة، والمستقبل اللي يشوفه اله.وأخيراً راح نحجي عن كذا مفهوم تكنولوجي محمد يشوفهم راح يلعبون دور أكبر وأكبر بحياتنا بمرور الزمن، منها الذكاء الاصطناعي، الواقع الافتراضي، وأخيراً البلوكجين (blockchain) والتكنولوجيا اللامركزية، واللي شغلت جزء جبير من محادثتنا بشرحها، الكلام عن تأثيرها، وتطبيقاتها بأمور غير العملات الرقمية مثل البيتكوين.ترقبوا حلقتنا الـ ١٨ من بودكاست تجارب وية محمد الخفاجي، يوم السبت القادم، الساعة التاسعة مساءً.حلقتنا هي بدعم من برنامج زين للشباب (@zainiraq)، وبرعاية من شركة المرشد الاستشارية (@morshed.bdc)، وسجّلت بمساحات مؤسسة المحطة لريادة الأعمال (@thestationiq).

بعد الإنخراط بالقطاع الخاص والعمل بمختلف المؤسسات، قررت رسل انه تفتح مشروعها الصغير لبيع الرموش والعدسات يلي بعدها تحول إلى علامة تجارية سمتها تركواز يلي اليوم تقدم مختلف المنتجات المختصة بالعناية بالبشرة والتجميل.نحجي بهاي الحلقة عن قصة تأسيس مشروع تركواز والتحديات يلي تعرضتلها والمستقبل يلي تشوفه لمشروعها بشكل خاص وقطاع الجمال بالعراق بشكل عام، بالإضافة الى تجربتها المميزة كمرأة، زوجة، وأم، وموازنة هذه الحياة الأسرية مع تأسيس مشروع الها.وغيرها من تجارب رسل بالحلقة #١٧ من تجاربالسبت، ساعة ٩ مساءً، الثامن عشر من شباط.تكدرون تشوفون الحلقة كاملة على منصاتكم المفضلة عن طريق الرابط بالبايو.حلقتنا هي بدعم من برنامج زين للشباب (@zainiraq)، وبرعاية من شركة المرشد الاستشارية (@morshed.bdc)، وسجّلت بمساحات بزنس افنيو (@businessavenue.iq).نشكر كل منهم على دعمهم لعملنا بالبودكاست :)#ZYouthGotThis #ZYouthTakeOver

تكدرون تشوفون كل حلقاتنا على منصتكم المفضلة عن طريق الرابط: linktr.ee/tajaribpodcast ارسلولنا اقتراحاتكم للضيوف عن طريق الايميل: hello@tajarib.show

بعد حصوله على ماجستير بتكنولوجيا المعلومات والانخراط بالاكاديميا، قرر عمار أمين (الشريك المؤسس والرئيس التنفيذي لـ @miswag_iraq، تطبيق التجارة الالكتروني) مع زوجته وشريكه انه يأسسون مشروعهم الخاص، مر خلاله بهواية من تجارب النجاح والفشل تُوّجت السنة الماضية بحصول مسواگ على استثمار ١.٦ مليون دولار بجولة تمويلهم الاخيرة.راح نحجي وية عمار عن تأسيسه للشركة، تنميتها، مواكبة التغييرات عن طريق تغيير المنتج، اللوجستيات، او حتى طريقة إدارة الموارد البشرية وثقافة الشركة. راح نحجي همين عن تجربة عمار بالحصول على الاستثمار السابق وسعيه الحالي للحصول على التمويل الجاي ببيئة استثمارية صعبة محلياً وعالميا، ادارة منصة وسيطة وايجاد التوازن بين العرض والطلب، التسويق الصحيح للمنتج، واراء عمار كمؤسس مشروع تكنولوجي عن طبيعة العمل بالعراق ببيئته الاقتصادية والسياسية والتعامل معها.هذا واكثر بحلقتنا الـ ١٥ وية عمار أمين.تابعوا الحلقة يوم الاثنين، الساعة ٩ مساءً على منصتكم المفضلة من خلال الرابط بالبايو.حلقتنا هي بدعم من برنامج زين للشباب (@zainiraq)، وبرعاية من شركة المرشد الاستشارية (@morshed.bdc)، وسجّلت بمؤسسة المحطة لريادة الأعمال (@thestationiq).نشكر كل منهم على دعمهم لعملنا بالبودكاست :)#ZYouthGotThis #ZYouthTakeOver

حسين بدأ من عمر صغير اهتمامه بالتصميم. من كونه خطاط بالمنتديات الاونلاين الى تحويل اهتمامه الى مهنة والعمل على مختلف المشاريع التصميمية والعلامات التجارية، والهويات البصرية. سواء اثناء عمله بإحدى الوكالات الابداعية العالمية، أو الشركة الخاصة الي اسسها اللي تقدم هالخدمات، او @zuqaq13 ، براند عراقي يوفّر ملابس مستوحاة من الثقافة والتراث العراقي.