2Kriol na Hollywood

Epizodie de aoje e sobre Tenet (2020, um filme e k ti bem txob konfuzu, ma e provavel k bo te bem goxta des konfuzão. Mauro y Ailton te fala de sej xperiensia te oia es filme de ação tipo James Bond, ma kun tok de ficção sientifik, onde k bo tem jente te ba pa frent na tempo te enkontra ma jent te ba pa trax na tempo...enfim, realizador Christopher Nolan supera se pessoa des vez y até ainda noj kabesa te li ta due

MULHER MARAVILHA 1984 foi de kej filme maj antesipod de 2020 y uniku filme de super heroi e k sei na kel on. Komo sempre Gal Gadot torna enkaixa na personajen Diana na perfeição, ma filme te xei de problema, xpesialmente na roteiro e k txa kritikus y publik dividid. Klika y bo fka te sabe tud sobre es filme y tamben u ki k no otxa del. Bom sessão! Produção y Edição: XTORIA XTORIA PODCAST Y MULTIMIDIA

Ailton y Mauro ta komesa 2021 ta fala de animação SOUL (2020). E un de kej obra e k ta gara na bo y ta pob k un surizu na kara y na alma de inisie ate fin. Es e mexmu xpesial, ben sabe purke! Muzka: Epidemic Sound Edição y Produção: Xtoria Xtoria Podcast y Multimidia Sigi pajina de 2Kriol Na Hollywood na Facebook: https://www.facebook.com/2kriolnahollywood Y na Instagram: https://www.instagram.com/2kriolnahollywood

Aoje e dia de Halloween, dia de sinti med , dia k bruxa te sei te vua! Y pa selebra es dia, Mauro y Ailton exkui kada um se filme de med resent favorito pa bem fala li na programa! Um dex e "Hereditário" (2018), un filme sobre um familia disfuncional e xei de misterie te tenta lida k luto y ao mesmo temp te tenta ka vra doid. "A Bruxa" (2015) tamben e sobre um familia, ma des vex de sekulu XVII, e k te decidi izula na mei de floresta y vive ej so, de forma a vive sem pekod. Ej filmes e konplexos na sej forma de lida k familia y na lida k koizas kej k te pode xplika. Ej e sem duvida unj obra de arte não so de sej jeneru ma de cinema em geral. Uvi epizodie y bo fka te sabe purke kej e tão bom

Ate onde k bo era kapaz de bai por kauza de fé, por causa de religião? E manera k bo tava sinti komo irm@ de famoso detetive Sherlock Holmes? Na episodio de aoje no te bem fala de doj film; O Diabo de cada Dia e Enola Holmes. No tem “Enola Homes”, ke irmã de Sherlock interpretod pa um jovem atriz em ascensão Milly B. Brown. E no tem “O Diabo de cada Dia” eh k tem komo ator principal jovem Tom Holland maj kunxid pa Homem Aranha. Filme Enola eh sobre um mnininha bastante corajosa e inteligente eh k te sei te expia se mãe eh k desaparece, e na procura pa se mãe el te kaba pa passa pa txeu koza e “encontra” se pessoa ness processo. O Diabo de cada dia eh um filme complexo, cheio de personagens interessantes eh k te gira a volta de noj jovem protagonista, e onde k linha pa separa amor, fé, e paranoia, eh quase inexistente. Tude ej 2 film eh de época, cheios de drama e um bokedin de mistério. No tem um elenco de atores supertalentosos, e Netflix te mostra maj um vez kel k te na brincadeira k sej produções. Ej filme te vale a pena, por iss ba oiaj e depois bo bem uvi ess episodio. Bom sessão!

Disney e um nome e k ta faze noj viaja na tempo y intxi kurasaun de emosaun. Na epizodie de aoje no traze um filme e k ta faze parte des mund fantaxtik de Disney y se nome e Mulan. Mulan ta konta xtoria dun mnininha e k ta ba pa ezersito chines na lugar de se pai, ta finji ser um om, y essim salva vida de se pai k ja e um pessoa de idade y k ka tava te ba konsegui sobrevive na guerra. Es filme fka txeu diferente de kel animasaun de Mulan de 1998, onde k diretores tra txeu de kel komedia y personajens de kel animasaun pa dal um roupagem maj seria. Es opsaun li dividi txeu pessoas, alguns te otxa ke el fka um excelente filme, otxe te otxa ke el foi um grande decepsaun. Independente de kual for bo opiniaun sobre es filme, no ka pode nega ke mensagem na essensia des filme e bnit, nesesarie, y bem poderozo. Bem pa konversa ma noj!

Koizas te um bokedin difisil pa tud jent, y pa salas de sinema na mund inter ene diferente. Txeu koza muda nej tempos li y is txa noj k alguns perguntas. Sera k kel xperiensia de ba pa sinema ti te bem kaba? Industria de sinema ti te bem faze menos filmes y ken sabe ate para de fazej totalmente? Na meio de tud es inserteza Netflix tma konta y jal ti te fornece noj dunj temp pre li txeu produt de kualidade moda "Bird Box", "O Irlandês" ou ess on li k filmes moda "Resgate". Nes epizodie Mauro y Ailton te fala um bokedin de Netflix y de estado de sinema no jeral . Tamben no te fala um bokedin de "Resgate", "The Old Guard", y "Project Power", e k te faze parte de xtratejia maj recente de Netflix ke e faze filmes k xtorias fasil de intende, k txeu ação, y k alguns cara konxid de Hollywood .

Na "Filme d'Nha Vida" d'aoje no te fala ma artista Batchart sobre filme e k markal maj txeu na se vida. Nome de filme kel exkui e Jhon Q (2002), um drama protagonizod pa Denzel Whashington e k te retrata dezesper dun kazal pa konsegui tratamento hospitalar pa sej fidje. Ess filme marka Batchart de dôj manera, primer por kauza de relação ma se pai e depois por kauza de relação dêl ma se fidje. Klika y bo uvi ess konversa agradável y tenta analiza dilema dess filme y manera kel podia fazeb sinti sel tava kontse ma bo. Ate onde k bo te disposto a bai pa salva ken bo te ama?

Na epizodie de aoje noj kunvdod Hilár ta fala de filme de se vida ke "Green Book". Sera k Hilár tamben tava larga konforto de se kaza y zona, moda personajen des filme, y sei te anda pa lugar kel ene ben vinde y ta korre rixk de vida? Entra na konversa tamben y bo faze es viajen de korr na Merka de dekada de 60 ma noj.

Aoje no te faze um viajen de Hollywood d pa Vietname ma filme Da 5 Bloods ou Irmon d’Sangue. No te fala des xselente filme de sineaxta Spike Lee onde k "heróis" e soldade merkon pret, koza k na Sétima Arte kuaze nunka ta kontse. Na dias de aoje, onde k no te na meio dum pekena revolusaun rasial na Merka, e bom oia xperiensia de pret na guerra bem representod. No te akonpanha viajen de 4 veteron de guerra pret e k te fka te po nox na pasod y presente de sej vida, onde k no pode akonpanha sej vitoria, sej sofriment, y tamben arrependiment k guerra kauzaj y k ate dia de aoje ej te luta pa liberta. Faze ess viajem ma nox purke te vale a pena.

Max un vej no te faze um epizodie onde k no ta fala ma sineastas de Kab Verde. Agora no t fala ma Pedro Soulé(produtor) y Nuno Miranda (Realizador) sobre filme kej faze de nome KmeDeus. KmeDeus foi um figura na ilha de Soncent e k tava vive na limite entre "loukura y jenialidade" y na es filme dansarine Tony ta konsegi representa tud is de forma brilhante atravej de movimente de se korp . Ma es filme e maj du ki fala apenas sobre KmeDeus porque el e tamben un homenajen y un karta de amor pa tud Soncent y tud ken te vive na el . Uvi es epizodie y bo te oia ke cinema kabverdian te na excelentes mon.

Epizodie de aoje e xpesial. Xpecial purke Mauro y Ailton te ba mexe na "bau" de sej memoria de infansia y fala sobre amor kej tinha pa filmes de acção de dekada de 80 y 90. Filmes de acção de kel epoka la era kuaze tud igual, ou seja, alguem forton kun pistola na mon ta da tir k nunka ta kaba, ou unton alguem bom na luta e k tava lomba tud jente. Mesmo essim, ej e filmes e k fka na sej memoria y na epizodie de aoje bo te sabe purke!

Na epizodie de aoje no te fala de Uncut Gems (Joias Brutas) onde ke Adam Sandler te faze papel de se vida kom Howard. El ta faze de un joalheiro e k te gosta de faze apostas, batota, y k te fka te deve txeu gente denher y te mete na enrajkada um traj de ot. Joias Brutas e un filme e k te pob na un estado de ansiedade konstante, nun ritmo sempre olt, k ka ta dob tempo pa respira e kun final no minimo surprendente.

Na epizodie de aoje no te fala de filme kabverdiane SUKURU. Y esse epizodie e xpesial purke no konsegui traze Samira Vera-Cruz, ke cineasta pa tras dess filme inkrivel, pa fala noj tud sobre el. SUKURU ta sigui vida de Jiló, um jovem e k ta sofre k droga e problemas mentais, onde k realidade y fantasia e difisil de separa. Y na final dess epizodie, Mauro y Ailton sinti um bokedin moda Jiló, purke u ki k ej pensa era real afinal e ne tao real essim. "Katen Jiló sem Bia, y katen Bia sem Jiló". Link pa oia film SUKURU: https://youtu.be/LQgRlBxVIGA

Ness epizodio no ta fala de filme de vida de Mauro Dos Reis: Em Busca da Felicidade. Um filme e k ta konta xtoria real de Chris Gardner na se jornada pa establece el mens kom pai y profisional.

Ness epizodio no ta fala de filme de vida de Ailton Dos Santos: TITANIC. Um filme e k muda rum de cinema mundial y k apresenta um de kej kazal mas ikoniku na mundo de cinema, Jack ma Rose.

Nes Podcast: Mauro y Ailton ta faze un rezume de vensedor de algunj kategoria de Oscars. Pa es primer epizodie de Podcast 2Kriol na Hollywood foku fka na filme Parasita e k ganha Oscar de mdjor filme du ano. ARTWORK: Mauro Dos Reis EMAILS: manda boj kritikaj, elojius y sujestao pa 2kriolnahollywood@gmail.com EDIÇÃO: Mauro Dos Reis PRODUÇÃO: Mauro Dos Reis y Ailton Dos Santos

2 amig, kriol, ta fala de filmes e k marka mund de cinema! Na kriol pa kriol!