Réttur er settur
Í dag tekur Dómsdagur lífið fyrir í heild sinni. Eða svona næstum. Fullt af tilfinningum. Gleðilegan Dómsdag!
Það færist hiti í þátt dagsins þar sem Dómsdagsfólk tekur fyrir margvísleg málefni. Gleðilegan Dómsdag!
Góðkunningi Dómsdags mætir aftur í stúdíóið. Málefni dagsins spanna svo sannarlega allt blæbrigðarófið og þátturinn er smekkfullur af tilfinningum. Gleðilegan Dómsdag!
Eftir stutta pásu hefur Dómsdagur enn eitt árið af samfélagsrýni. Engin afsökunarbeiðni er í boði fyrir þáttaleysi síðustu vikna en óljós útskýring er gefin. Gleðilegan nýjan Dómsdag!
Seint koma sumir en koma þó. Dómsdagur er mættur, þrútinn af lífshamingju og allskonar. Í þætti dagsins fá liðsmenn Dómsdags liðsauka, en það er enginn annar en gullfallegi ljóti hálfvitinn Ármann Guðmundsson. Við þökkum honum kærlega fyrir að færa okkur jólaandann í bland við raunsæi og mannhatur. Gleðileg jól!
Agnes og Birna fá gamlan mann í heimsókn og spjalla um málefni líðandi stundar.
Söguleg stund! Karlpungum hefur verið úthýst um stundarsakir og kvenleggur Dómsdags leikur lausum hala á meðan, sennilega með rósavín í glösum. Og hver veit nema Sigga Kling mæti á svæðið. Við vitum það ekki, því við eigum eftir að hlusta á þáttinn, en gerum bara ráð fyrir því.
Það hrikti í stoðum feðraveldisins þegar Dómsdagur vikunnar var hljóðritaður, enda var kynjahlutfallið jafnt í fyrsta sinn frá upphafi. Agnes, Baldur, Birna og Haukur ræddu mikilvægu málin og komust alls ekki að neinni niðurstöðu.
Agnes, Baldur og Eggert settust niður og ræddu stóru málin.
Gamli skólinn er mættur — Baddi, Eddi og Hauddi. Hrútalykt. Neðanbeltishjal. Brothætt karlmennska.
Agnes, Baldur og Haukur dæma alls konar helvítis drasl sem enginn bað um að yrði dæmt. Eða jú, reyndar í lokin. En annars ekki.
Hún hefur verið kölluð „útlagi íslenskra hlaðvarpa“ og í Dómsdegi vikunnar fáum við að kynnast konunni undir hattinum.
Haukur mætir næpuhvítur úr Spánarfríinu og rekst á ókunnugan þáttastjórnanda í sæti Birnu. Að stuttri vígsluathöfn lokinni hefst Dómsdagur. Valdatíð Agnesar er hafin!
Aðra vikuna í röð skítur helmingur Dómsdags harkalega í sig, og svo mætir hinn helmingurinn ekki í tökur. En það er engu að kvíða, hún Agnes Grímsdóttir mætir aðra vikuna í röð og bjargar deginum. Gleðilegan Dómsdag!
Mætingin í þennan Dómsdag var ansi dræm, einungis 50%. En örvæntið ekki, liðsstyrkur mætti í hljóðverið og ekki nóg með það, Sekkurinn er kominn í leitirnar.
Sekkur enn týndur. Haukur enn á klukkunni. Baldur án málefnis. Já, það er allt í volli hjá Dómsdegi, en okkur tókst allavega að vera á réttum tíma núna.
Sumarfríi Dómsdags er formlega lokið. Grámi haustsins vofir yfir. Lauf visna og fjúka á vit eilífðarinnar. Það eru myrkir tímar framundan. Iðrist.
Það var enginn stemmari fyrir því að fá gamla þætti inn á meðan Dómsdagur er í fríi. En við deyjum ekki ráðalaus, hér fáið þið einn aukaþátt sem inniheldur alla þættina hingað til í einu. Góða skemmtun og heyrumst eftir frí.
Dómsdagur vikunnar er sá síðasti í bili. Heyrumst aftur eftir sirka mánuð.
Allir elska pandabirni ... eða svo héldum við. Í Dómsdegi vikunnar kemur reyndar í ljós að einn meðlimur Dómsdags HATAR pandabirni. Sem er furðulegt, en við dæmum ekki. Eða jú, reyndar. Við dæmum fullt.
Eftir misjafnar viðtökur við Ræfildómi síðustu viku snýr hefðbundinn Dómsdagur aftur. Hér kemur ekkert á óvart. Þið þurfið ekki einu sinni að hlusta.
Jæja. Þáttur vikunnar er spes. Almennur aumingjaskapur varð þess valdandi að við gátum ekki hist til að taka upp þátt, en þá kom nýmóðins tækni að góðum notum.
Við hefðum getað létt ykkur lundina í veðurofsanum, en nei ... Dómsdagur vikunnar er alvörugefnari en endurskoðandi á dánarbeðinu.
Umræður vikunnar byrja vel, en fara hressilega út af sporinu strax í öðru málefni. Mikil vanþekking. Bara allt eins og það á að vera.
Ferill Birnu sem Hæstaréttardómari er formlega hafinn. Gleðilegan Dómsdag!
Njótið frídagsins sem Jesú Kristur, frelsari vor, færði okkur öllum. Það er kominn Dómsdagur!
Það er ekki mikið bitastætt eftir af ónotuðum sekks-orðaleikjum. En Dómsdagur vikunnar er semsagt Sekksþáttur.
Það sauð hressilega upp úr í Dómsdegi vikunnar. Á köflum var þetta eins og Silfrið í aðdraganda kosninga, nema meira óþolandi. Góður þáttur samt. Mælum með honum.
Það er maí. Bongó er orðið æ algengara — a.m.k. gluggabongó. En Dómsdagur vikunnar drepur sumarstemmarann á núll einni. Dragið fyrir gluggana og njótið.
Sígó, sjampó og fleiri hlutir sem enda þó ekki á ó. Aftur er smá suð á Baldri. Kemur ekki fyrir aftur. Gleðilegan Dómsdag!
Enn ein helgin að baki og grimmur hversdagsleikinn tekur við. Dómsdagur gerir hann aðeins skárri. Hljómgæði eru þó eilítið skert, sökum bilaðrar hljóðnemasnúru. Pirrandi, en ekkert gríðarlega.
Annar í páskum. Brotinn fótur af páskaeggi. Vinna á morgun. Brakandi ferskur Dómsdagur.
Dómsdagur ræðir mál málanna — og önnur mál líka. Gleðilegan mánudag!
Málefnin eru misgóð þessa vikuna. Best að segja sem minnst.
Birna fjarstýrir þættinum frá Akureyri. Baldur, Eddi og Haukur hlýða.
Funheitur Dómsdagur er kominn í loftið, næstum því á rauntíma.
Dómsdagsdrengjunum er stjórnað af norðlensku yfirvaldi í þætti vikunnar. Já, málefnin koma beina leið frá Akureyri — nánar tiltekið frá skepnunni henni Birnu.
Hvað gerist þegar sjónvarpskokkurinn fær Covid og missir bragð- og lyktarskynið í kjölfarið? Svarið finnur þú í Svuntuhundinum. Frumsýnd haustið 2021.
Jákvæðnin svífur yfir vötnum í Dómsdegi vikunnar, þar sem Baldur, Eddi og Haukur fara yfir bestu hluti gervallrar mannkynssögunnar.
Þrír. Aftur. Birna og nýmóðins tækni eiga ekki samleið. En Dómsdagsdrengirnir reyndu að gera gott úr þessu.
Baldur, Eddi og Haukur tækla stóru málin. Sekkurinn markar tímamót að þessu sinni.
Birnulausir Dómsdagsdelarnir keppast um að ná sem fæstum stjörnum.
Fyrsti Dómsdagur ársins 2021 er kominn í loftið. Tilvalinn í eyrun á meðan þú veður vatnsósa tertugumsið upp að ökklum á leið í vinnuna. Gleðilegan janúar!
© 2020-2025 Ivy Podcast Discovery LLC
