Hassan & Friends | أصدقاء حسَّان

#تكتصاد : الصين.. مبيعات الهواتف الذكية تقترب من أدنى مستوياتها في عقد أفاد تقرير تقني أخيراً، بأن مبيعات الهواتف الذكية في السوق الصيني تتراجع بشكل كبير، وتسير في اتجاه أدنى مستوياتها منذ 10 سنوات تقريباَ، بحسب ما نشره موقع "نيكاي آسيا". وأضاف التقرير أن التراجع جاء نتيجة تشبع السوق وتراجع الطلب، وكذلك زيادة عمر اعتماد المستخدم على الهاتف وتراجع استعداده لشراء هاتف جديد، إلى جانب خفض المواطن الصيني لنفقاته نحو الأجهزة الذكية. وشهد النصف الأول من العام الحالي، تراجعاً لمبيعات الهواتف داخل الصين بمعدل 21.7%، حيث بلغ إجمالي المبيعات 134 مليون وحدة، وفقاً لما جاء في تقرير أكاديمية الصين للاتصالات وتكنولوجيا المعلومات. كما أوضح تقرير نشرته مؤسسة "كاناليس" البحثية، أن مبيعات هواتف "أوبو" و"فيفو" و"شاومي" تراجعت بشكل واضح خلال الفترة الماضية، متوقعاً أن تتراجع إجمالي مبيعات السوق الصيني للهواتف الذكية إلى ما دون 300 مليون وحدة، وذلك يعد الأداء الأدنى للسوق منذ 2012. =-=-= أدوات، برامج و أجهزة إستخدمتها لتسجيل هذا البودكاست: ماك ستوديو الترا ستوديو مونيتور - نانو تكستشر مايكروفون شور اس ام سڤن بي رود كاستر برو الاصدارة الاولى إلجاتو ستريم دِيْك إكس إل آيفون ١٣ برو ماكس آيفون ١٣ برو جراج باند أوداسيتي أوبسيديان أبل نوتس زوتيرو --- Send in a voice message: https://anchor.fm/hassanalsheikh/message

#تكتصاد : لأول مرة من 4 سنوات.. تحديث جديد لمشغل الموسيقى Winamp حصلت خدمة "Winamp" الشهيرة لتشغيل الموسيقى على تحديث برمجي جديد يحمل رقم "5.9 RCI Build 9999"، وهو التحديث الأول الذي تحصل عليه الخدمة منذ 4 سنوات. وأفاد بيان للشركة المطورة بأن الخدمة ستشهد تطويراً كبيراً في الجانب البرمجي، ما سيوفر استقراراً أكبر في تقديم المزايا والتحديثات مستقبلاً. وقالت الشركة المطورة "Radionomy" والتي استحوذت على الخدمة في 2014 من "AOL"، إن التحديث الجديد لن يحتوي على مزايا جديدة، لكنه ينقل البنية التحتية للخدمة بشكل كامل إلى منصة برمجية أكثر تطوراً واستقراراً، ما يسمح بالتركيز على تطوير وتقديم مزايا تحسن من تجربة المستخدمين خلال الفترة المقبلة. ويتوافق التحديث الجديد مع أحدث أنظمة تشغيل "مايكروسوفت" وهو "ويندوز 11"، إلى جانب تحديث وترتيب قوائم المقاطع الموسيقية بامتداد "HTML"، فضلاً عن تقديم مكتبة حديثة من العروض المسموعة "بودكاست". وتعتبر خدمة "Winamp" أحد أهم العلامات في ذاكرة مستخدمي الحواسيب الشخصية منذ التسعينيات، إذ كان الخيار الأول المفضل لهم عند تشغيل المقاطع الموسيقية بامتدادات مختلفة، مثل "Mp3"، وكان يشتهر هذا المشغل بأنه يقدم إمكانيات فريدة لتغيير أشكال وألوان واجهة استخدامه، وكذلك استعراض المؤثرات البصرية التي تتغير بالتوافق مع إيقاع الموسيقى "Visualizers". وفي 2013 استسلمت شركة "AOL" أمام المنافسة الشرسة من خدمات بث الموسيقى على الإنترنت، مثل "سبوتيفاي"، وتحول تجربة الاستماع للموسيقى إلى تجربة رقمية مرتبطة بالإنترنت، وبالتالي لم تعد هناك حاجة لتحميل الأغاني على الحواسيب، خاصة مع انتشار الهواتف الذكية المرتبطة بالإنترنت، وفي العام التالي استحوذت عليها شركة "Radionomy". =-=-= أدوات، برامج و أجهزة إستخدمتها لتسجيل هذا البودكاست: ماك ستوديو الترا ستوديو مونيتور - نانو تكستشر مايكروفون شور اس ام سڤن بي رود كاستر برو الاصدارة الاولى إلجاتو ستريم دِيْك إكس إل آيفون ١٣ برو ماكس آيفون ١٣ برو جراج باند أوداسيتي أوبسيديان أبل نوتس زوتيرو --- Send in a voice message: https://anchor.fm/hassanalsheikh/message

#تكتصاد : "فيسبوك" يغلق خاصية ليركز على أخرى أعلن "فيسبوك" رسميا أنه سيغلق خاصية التسوق عبر البث المباشر بعد شهرين من الآن، في خطوة ستساعده في التركيز على الفيديوهات القصيرة، التقليعة الجديدة في عالم "السوشال ميديا". وكتب "فيسبوك" على صفحة الأعمال الخاصة به أن خاصية التسوق عبر البث المباشر ستتوقف اعتبارا من الأول من أكتوبر المقبل. =-=-= أدوات، برامج و أجهزة إستخدمتها لتسجيل هذا البودكاست: ماك ستوديو الترا ستوديو مونيتور - نانو تكستشر مايكروفون شور اس ام سڤن بي رود كاستر برو الاصدارة الاولى إلجاتو ستريم دِيْك إكس إل آيفون ١٣ برو ماكس آيفون ١٣ برو جراج باند أوداسيتي أوبسيديان أبل نوتس زوتيرو --- Send in a voice message: https://anchor.fm/hassanalsheikh/message

#تكتصاد : "بلو أوريجين" ترسل أول مصرية إلى الفضاء أرسلت شركة "بلو أوريجين" الفضائية التابعة لجيف بيزوس، أول مصرية وأول برتغالي إلى الفضاء، الخميس، خلال رحلة استغرقت نحو عشر دقائق على متن صاروخ يُطلق عليه اسم "نيو شيبارد". وضم الطاقم ستة سيّاح فضائيين، بعد أن دفعوا ثمناً لم يتم الإعلان عنه لخوض هذه التجربة. وأقلعت الكبسولة من غرب تكساس. ووصلت بمجرد دفعها بواسطة قاذفة، إلى ارتفاع يزيد عن 100 كيلومتر قبل أن تهبط نحو الأرض، وتم كبح سرعتها بواسطة مظلات لتهبط بهدوء في الصحراء. من فوق يمكن للركاب اختبار انعدام الجاذبية عبر فصل أنفسهم عن مقاعدهم لبضع لحظات، ورؤية انحناء الأرض من خلال نوافذ كبيرة. =-=-= أدوات، برامج و أجهزة إستخدمتها لتسجيل هذا البودكاست: ماك ستوديو الترا ستوديو مونيتور - نانو تكستشر مايكروفون شور اس ام سڤن بي رود كاستر برو الاصدارة الاولى إلجاتو ستريم دِيْك إكس إل آيفون ١٣ برو ماكس آيفون ١٣ برو جراج باند أوداسيتي أوبسيديان أبل نوتس زوتيرو --- Send in a voice message: https://anchor.fm/hassanalsheikh/message

#تكتصاد : تختبر مايكروسوفت أداة Game Pass سهلة الاستخدام على نظام التشغيل ويندوز 11 من المفترض أن تسهل أداة ويندوز 11 الجديدة الأولى من مايكروسوفت من اكتشاف الألعاب القادمة إلى PC Game Pass. الأداة متاحة فقط لمختبري Windows Insider في الوقت الحالي ومن المفترض أن توفر “نافذة” في مكتبة ألعاب الخدمة، مما يتيح لك التحقق من الإضافات الأخيرة والألعاب التي ستنطلق قريبًا. لدى مايكروسوفت حاليًا مجموعة محدودة إلى حد ما من الأدوات في ويندوز 11، ولكن أداة Game Pass تشير إلى أن مايكروسوفت تحاول تجربة تطبيقات أخرى (ليست مملة مثل الطقس والتقويم والأخبار). ولكن إضافة Game Pass قد تكون طريقة جيدة لزعزعة لوحة الأدوات في الوقت الحالي وقد تساعد أيضًا في الترويج لخدمة الاشتراك. =-=-=-= أدوات، برامج و أجهزة إستخدمتها لتسجيل هذا البودكاست: ماك ستوديو الترا ستوديو مونيتور - نانو تكستشر مايكروفون شور اس ام سڤن بي رود كاستر برو الاصدارة الاولى إلجاتو ستريم دِيْك إكس إل آيفون ١٣ برو ماكس آيفون ١٣ برو جراج باند أوداسيتي أوبسيديان أبل نوتس زوتيرو --- Send in a voice message: https://anchor.fm/hassanalsheikh/message

#تكتصاد : الكشف عن هاتف وان بلس ‏‎10T‎‏ الأقوى بسرعة شحن 150 واط كشفت شركة وان بلس رسمياً عن أحدث وأقوى هواتفها الذكية حتى الآن، وهو هاتف وان بلس 10T الذي يأتي مع معالج كوالكوم سنابدراجون +8 الجيل الأول وقدرة شحن عالية تصل إلى 150 واط. الهاتف الجديد ينافس هاتف وان بلس 10 برو مع مجموعة من الميزات التي يتفوق فيها الهاتف الجديد على هاتف الشركة الأعلى. ونلاحظ تركيز الشركة على تطوير نظام تبريد قوي للهاتف الجديد، حيث يتمتع الهاتف بنظام تبريد ثلاثي جديد مع غرفة بخار أكبر من أي واحدة متوفرة في جهاز آخر من وان بلس. الأمر الآخر المميز في هاتف وان بلس الجديد هو البطارية التي تتمتع بسرعة شحن فائقة. يحصل الهاتف الجديد على بطارية 4800 ملي أمبير تدعم تقنية الشحن السريع SuperVOOC حتى 150 واط، ويأتي الهاتف بشاحن قوي بقدرة شحن تصل إلى 160 واط. وتقدم الشركة تقنية جديدة للحفاظ على عمر البطارية هي Battery Health Engine، والتي تقول الشركة انها تجعل البطارية قادرة على الحفاظ على 80% من سعتها بعد شحنها 1600 مرة. =-=-=-= أدوات، برامج و أجهزة إستخدمتها لتسجيل هذا البودكاست: ماك ستوديو الترا ستوديو مونيتور - نانو تكستشر مايكروفون شور اس ام سڤن بي رود كاستر برو الاصدارة الاولى إلجاتو ستريم دِيْك إكس إل آيفون ١٣ برو ماكس آيفون ١٣ برو جراج باند أوداسيتي أوبسيديان أبل نوتس زوتيرو --- Send in a voice message: https://anchor.fm/hassanalsheikh/message

تكتصاد واحد وعشرين سبعة ٢٠٢٢ #تكتصاد : تغيير تاريخي.. لعبة Diablo Immortal المجانية تجمع 50 مليون دولار بشهر #تكتصاد : تويتر يختبر ميزة غير مسبوقة في وسائل التواصل الاجتماعي #تكتصاد : تويتر يحذف أكثر من مليون حساب وهمي بشكل يومي #تكتصاد : يقال إن شركة نيكون ستتخلى عن سوق كاميرات SLR #تكتصاد : مايكروسوفت تقرر تسريح جزء من موظفيها لهذه الأسباب #تكتصاد : الكشف رسميا عن هاتف Nothing 1 وهذا موعد توافره في الدول العربية #تكتصاد : Chrome OS Flex: نظام جوجل الذكي للحواسب القديمة وأجهزة ماك #تكتصاد : واتساب يقدم تحديث جديد لمستخدمي أندرويد.. ميزة جديدة من خلال الصوت #تكتصاد : يراقبك لحظة بلحظة.. تحديث سناب شات يثير الجدل #تكتصاد : عاصفة تهدد "ميتا" وأخواتها.. أبل وتيك توك تسرقان 33% من كل دولار #تكتصاد : بعد توقفها لوقت طويل.. يمكنك قريباً تشغيل واتساب على هاتفين #تكتصاد : للبث المباشر من حاسوبك.. إنستغرام تختبر ميزة جديدة #تكتصاد : بالألوان.. ناسا تنشر صوراً للفضاء لم ترها البشرية من قبل #تكتصاد : روسيا تفرض غرامة على آبل لانتهاكها قانون تخزين البيانات #تكتصاد : تيك توك تطلق قريباً ميزة تقلل إتاحة المحتوى الخاص بالبالغين أمام الصغار #تكتصاد : ما تأثير الأجهزة الذكية على الصحة النفسية وسعادة الأطفال؟ #تكتصاد : الصين تغرم "علي بابا" و"تينسنت" لعدم إفصاحهما عن صفقات #تكتصاد : تقارير: "أوبر" استعانت بسياسيين وانتهكت قوانين للتوسع عالمياً #تكتصاد : تايلندا تخطط لبناء مدينة ذكية بقيمة 37 مليار دولار لدعم المنطقة الصناعية #تكتصاد : شركة عملاقة للتحويلات المالية في الهند تخطط لنظام يضاهي "سويفت" لخدمة المغتربين #تكتصاد : "مبادلة" الإماراتية تقود جولة تمويل لصالح "ويفوكس" الألمانية للتأمين بـ400 مليون دولار #تكتصاد : عملاقة البرمجيات "سيمفوني" تسعى للاستحواذ على "نيت ريفيل" لبرامج مكافحة الجرائم المالية #تكتصاد : مسؤول أميركي: استخدام أفراد الجيش لتطبيق "تيك توك" يهدد الأمن القومي للبلاد #تكتصاد : مراقب محتوى مفصول: "فيسبوك" تطَّلِع على بيانات المستخدمين بعد حذفها #تكتصاد : تقرير: قطع الإنترنت المتعمد تسبب في خسائر بـ 10 مليارات دولار في 2022 #تكتصاد : مشروع سيارة "آبل" ذاتية القيادة يترنح #تكتصاد : نتفليكس تختار مايكروسوفت لتدير الإعلانات على منصتها #تكتصاد : تيك توك وإنستجرام يهددان عرش جوجل #تكتصاد : BMW ستبدأ في طرح المقاعد المدفأة في مناطق محددة مقابل 18 دولار شهريًا #تكتصاد : سوني تطلق برنامج PlayStation Stars loyalty لاحقاً هذا العام #تكتصاد : تويتر ترفض مبررات ماسك لتأجيل محاكمته في دعوى شرائها #تكتصاد : إنستجرام تتيح شراء المنتجات والدفع داخل المحادثات المباشرة #تكتصاد : الجيش الأميركي يطلق برنامجاً لتحصين البرمجيات مفتوحة المصدر #تكتصاد : لأول مرة.. "سناب شات" يطلق خدماته عبر موقع للويب #تكتصاد : الإمارات تطلق "سرب" للأقمار الاصطناعية وصندوقاً للفضاء بـ820 مليون دولار #تكتصاد : إنفوغراف.. أكثر الدول استخداماً لتطبيق "تيك توك" #تكتصاد : سيصل دخل إعلانات تيك توك من الولايات المتحدة إلى 5.96 مليار دولار هذا العام #تكتصاد : آبل تعتزم إبطاء التوظيف والإنفاق بسبب الركود الإقتصادي والتضخم #تكتصاد : مشاكل وعيوب الصناعة تواجه مستخدمي هاتف Nothing 1 الجديد #تكتصاد : Instagram يقدم ميزة الإشتراكات الجديدة لدعم منشئ المحتوى في تحقيق الإيرادات #تكتصاد : "سوق المبدعين".. أداة جديدة من إنستغرام لتشجيع الإعلانات #تكتصاد : شركة TikTok تقوم بإلغاء الوظائف في جميع أنحاء العالم #تكتصاد : فيسبوك يختبر ميزة جديدة تسمح للمستخدم بإمتلاك 5 حسابات على المنصة --- Send in a voice message: https://anchor.fm/hassanalsheikh/message

#تكتصاد : الشركة المطورة للعبة بوكيمون جو تواجه خسائر كبيرة #تكتصاد : إنستجرام يختبر ميزة تسمح بتقطيع الفيديوهات المنشورة إلى ريلز #تكتصاد : أبل كار بلاي سيتيح لك الدفع مقابل الوقود من مقعد السائق #تكتصاد : آبل تواجه دعوى قضائية بسبب عمولة متجرها الغير عادلة في المملكة المتحدة #تكتصاد : ميتا تخطط لإغلاق محفظتها الرقمية Novi بشكل نهائي بداية سبتمبر 2022 #تكتصاد : يوتيوب يطرح تحديثًا جديدًا من بينها حذف التعليقات المسيئة #تكتصاد : "روبوت" جديد خارق يتخذ قراراته بمفرده.. يعمل في شركة عملاقة #تكتصاد : مخترع أول هاتف محمول بالعالم: اتركوا أجهزتكم وعيشوا حياتكم #تكتصاد : مركبة صينية تحصل على صور لـ"الكوكب الأحمر" بأكمله #تكتصاد :ناسا تستعد لنشر "أعمق صورة للكون" #تكتصاد : ميزة جديدة لـ"إنستغرام".. سؤال يلزمك تقديم إجابة صادقة له #تكتصاد : تعاونية الاتحاد الإماراتية تعلن نيتها إدراج أسهمها في سوق دبي المالي #تكتصاد : الصينية تشتري ما يقرب من ٣٠٠ طائرة إيربس #تكتصاد : "أمازون" تعزز تغطية كرة القدم في بريطانيا بصفقة مع الـ"يوفا" #تكتصاد : قراصنة روس يستهدفون مواقع حكومية في النرويج #تكتصاد : "جوجل" تتفادى معارك قضائية مع مطوري التطبيقات مقابل 90 مليون دولار #تكتصاد : تعطل سيارات تاكسي ذاتية القيادة بشكل مفاجئ في سان فرانسيسكو #تكتصاد : جوجل تقرر حذف بيانات مرتبطة بزيارة عيادات الإجهاض #تكتصاد : "تيك توك" تقدم للكونجرس الأميركي ضمانات حول سلامة البيانات #تكتصاد : حاسوب يتوقع الجرائم قبل وقوعها في المدن الأميركية #تكتصاد : "أدفانسد إنفو" التايلندية تشتري شركة إنترنت بـ 900 مليون دولار لتوسيع خدماتها #تكتصاد : الترجمة السريعة.. "كروم" يخطط لاستنساخ ميزة من "إيدج" #تكتصاد : اليابان تعتذر عن خلل بشبكة اتصالات أثر على 40 مليوناً #تكتصاد : "واتساب" تزيد الوقت المتاح لحذف الرسائل #تكتصاد : شركة تطلق خدمات تأمين ضد اختراق حسابات "إنستجرام" #تكتصاد : بسبب خلل تقني.. ألمانيا تسحب طرازين من سيارات "تيسلا" #تكتصاد : مارك زوكربيرج يهدد موظفي "ميتا" بالإقالة #تكتصاد : شركة أمن معلوماتي تفصل موظفاً استغل تقارير الثغرات لابتزاز العملاء #تكتصاد : هاكر يسرق بيانات مليار صيني ويعرضها للبيع مقابل البيتكوين #تكتصاد : جوجل Hangouts بدأ في التوقف عن العمل لدى المستخدمين #تكتصاد : هواوي تكشف رسميًا عن نوفا 10 و10 برو.. #تكتصاد : مي باند 7 برو تجلب كل المميزات المفتقدة في مي 7 #تكتصاد : يمكن لسيارات تسلا الآن التعرف على الحفر وضبط تعليق السيارة لتجنب التلف #تكتصاد : Xiaomi 12S Ultra يصل رسميًا.. أكبر كاميرا هاتف في العالم #تكتصاد : باي بال تنهى ميزة المدفوعات المجانية للعائلات والأصدقاء #تكتصاد : ميزة حذف حساب انستاجرام تضاف أخيرا.. #تكتصاد : Bowers & Wilkins تطلق نسخة معاد تصميمها من سماعاتها Px7 #تكتصاد : أبل تتعرض لضربة قوية من الاتحاد الأوروبي بعد اعتماد قانون الأسواق الرقمية #تكتصاد : لن يحصل إكس بوكس 360 على المزيد من الألعاب المجانية #تكتصاد : فيفا ستتبع أجساد اللاعبين باستخدام الذكاء الاصطناعي للتأكد من حالات التسلل في كأس العالم 2022 #تكتصاد : الإعلان عن هاتفي أسوس روج 6 وروج 6 برو #تكتصاد : بيع 96 مليون هاتف ذكي على مستوى العالم في شهر مايو… وفقًا لـ Counterpoint #تكتصاد : Infinix تعلن عن أحدث شاحن Thunder بقدرة 180W #تكتصاد : هيونداي تستعرض سيارتها الكهربائية Ioniq 6 لأول مرة #تكتصاد : إطلاق راوتر Xiaomi Home WiFi ثلاثي الموجات في الصين مع نطاق يصل إلى 1500 متر مربع --- Send in a voice message: https://anchor.fm/hassanalsheikh/message

#تكتصاد : ثندربيرد ١٠٢ و ايقونات جديدة #تكتصاد : نتفلكس تتخلص من حوالي 300 موظف بسبب خسارة المشتركين #تكتصاد : تويتر يقدم المزيد من بيانات المستخدمين إلى إيلون ماسك لهذه الأسباب! #تكتصاد: مميزات جديدة للجوجل كروم على آيفون و آيباد #تكتصاد : مرسيدس تتفوق على تسلا وتبتكر تكنولوجيا متقدمة في سيارة VISION EQXX #تكتصاد : إير بي ان بي تحظر إقامة حفلات في المساكن المستأجرة #تكتصاد : بايجوز تعرض الاستحواذ على 2 يو الأميركية بأكثر من مليار دولار #تكتصاد : أزمة برمجية تضرب الصناعة الروسية مع انسحاب عمالقة التكنولوجيا #تكتصاد : دراسة تحذر من ترك هاتفك صامتًا وضرره على الصحة #تكتصاد : سناب شات بلس المدفوع يصل رسميًا #تكتصاد : الحكومة الأمريكية تطالب أبل وجوجل بحذف تطبيق تيك توك! #تكتصاد : فيسبوك وانستاجرام يحذفون المنشورات التي تعرض حبوب الإجهاض! #تكتصاد : سوني تخطط لإطلاق علامة تجارية خاصة بالمعدات الداخلية مع سماعات وشاشات خاصة بالالعاب --- Send in a voice message: https://anchor.fm/hassanalsheikh/message

إنتل للكونغرس: إما تمرير قانون تنشيط صناعة الرقائق أو خفض الاستثمارات قراصنة يسرقون 100 مليون دولار باستغلال ضعف جسر العملة المشفرة أفندي السعودية للتمويل الإسلامي الإلكتروني تخطط لأولى جولاتها التمويلية سوف يتم بيع هاتف Nothing 1 عبر نظام الدعوة حيلة بسيطة تمكنك من رؤية الرسائل المحذوفة على واتساب YouTube Music يحصل على تصميم جديد لواجهة المستخدم للأجهزة اللوحية روبوتات شبيهة بالأسماك لجمع دقائق البلاستيك في المحيطات أي الشركات حققت أكبر إيرادات من الألعاب الإلكترونية؟ مبيعات الأجانب تهوي بسهم "فوري" المصرية 10% لأدنى مستوى في عامين Nintendo تخطط لإيقاف دعم تطبيق Switch على أجهزة الآيباد وهواتف الأيفون القديمة جهاز MacBook Pro الجديد بحجم 13 إنش ورقاقة M2 يتوفر الآن في متجر ابل ابل تستحوذ على الحصة الأكبر في سوق الهواتف الذكية المميزة في العالم شركة LG تشق طريقها إلى أعمال شحن السيارات الكهربائية هاتف Huawei P50 Pocket يحصل على لونين إضافيين… وتم فتح الطلب المسبق في جوجل تطلق الإصدار الثالث من Android Beta 13 Beta 3 لتقديم المزيد من الإصلاحات سيتم إغلاق جوجل Hangouts في نوفمبر فالورانت ستبدأ مراقبة محادثاتك الصوتية داخل اللعبة بدءًا من هذا التاريخ --- Send in a voice message: https://anchor.fm/hassanalsheikh/message

إطلاق ساعة Realme TechLife Watch R100 في الهند بدعم الاتصال وعمر البطارية يدوم لمدة 7 أيام شركة Micron تكشف عن بطاقة microSD بسعة تخزين 1.5 تيرابايت أعلن مارك زوكربيرج يوم الأربعاء أن خدمة Facebook Pay أصبحت رسميًا Meta Pay، لكن منشوره يركز بشكل أساسي على ما تأمل الشركة في بنائه في المستقبل؛ “محفظة لـ Meta Pay”. مجموعة شركات تكنولوجية تتكتل لوضع معايير "ميتافيرس" "ميتا" تطلق متجراً للملابس في الميتافيرس هواوي تستعد لتقديم وظيفة تتبع نسبة السكر في الدم والرئة على ساعاتها الذكية قريبًا تم إدراج هاتف Nothing Phone (1) ضمن موقع Geekbench المعياري، والذي يكشف أنه سيتم تشغيل الهاتف الذكي بواسطة معالج Snapdragon 778+ مع ذاكرة عشوائية (RAM) بسعة 8 جيجابايت. تحديث iOS 16 سيتيح لك الإبلاغ عن رسائل SMS غير المرغوب فيها لإصدار التجريبي الثاني من iOS 16 يدعم إعادة إرسال الرسائل بعد التحرير لمستخدمي الإصدارات السابقة من نظام iOS BOE تعود لإنتاج شاشات OLED لهواتف iPhone 13 لتنضم قريباً لسلاسل توريد iPhone 14 أطلق تيم كوك، المدير التنفيذي لشركة "أبل"، تصريحات بشأن قدوم منتج جديد متعلق بسوق الواقع المعزز "AR"، وذلك في إشارة واضحة إلى اقتراب دخول الشركة بشكل رسمي إلى السوق الواعدة. وفي تصريحاته لموقع "China Daily"، أكد كوك أنه متحمس للغاية لتقنيات الواقع المعزز، وذلك رغم أن هذه السوق في بداياتها ولم تنضج بالشكل الكامل بعد. بعد توقف دام سبع سنوات، تستضيف شركة تويتر مرة أخرى مؤتمرًا للمطورين، إذ ستعيد الشركة مؤتمر Chirp والذي سيقام في سان فرانسيسكو في 16 نوفمبر. "نوتس".. ميزة جديدة من "تويتر" لمحبي كتابة المقالات إدارة تويتر تنصح المستثمرين بالموافقة على عرض إيلون ماسك إيلون ماسك: مسائل عالقة تؤخر صفقة "تويتر" ماسك: سنطبق نموذج أعمال "تسلا" في إدارة "تويتر" يختبر واتساب بعض الرموز التعبيرية العملاقة للقلب وبشكل متحرك تحديث أمني من مايكروسوفت يحمي جهازك من ثغرات خطيرة قال مسؤول تنفيذي في مجلس التنمية الاقتصادي في البحرين، إن بلاده تجري محادثات متقدمة بشأن صفقات استثمار في مجال الحوسبة السحابية مع شركات أميركية وصينية وإماراتية، في إطار سعيها لتنويع أنشطة اقتصادها المعتمد على النفط. بدأت شركة "بايت دانس" في تخزين بيانات المستخدمين الأميركيين ل "تيك توك" على خوادم شركة أوراكل، إلى جانب استخدام البنية التحتية لأوراكل Oracle Cloud Infrastructure لتمرير بيانات استخدامهم للخدمة. شركة جي 5 إنترتينمينت شركة ألعاب سويدية ضرَّتها الحرب تفتتح مقرات جديدة في أوروبا كانت منقسمة بين روسيا وأوكرانيا في أعمالها وقررت افتتاح فروع في جورجيا وتركيا طور مهندسان مغربيان يدا صناعية يمكن للأشخاص مبتوري الأطراف استعمالها، وذلك عن طريق الطباعة ثلاثية الأبعاد. تعاونت الشبكة الاجتماعية التابعة لمجموعة "ميتا"، الشركة الأم لفيسبوك وواتساب وماسنجر، مع شركة "يوتي" البريطانية الناشئة التي تعمل على تطوير خوارزمية للتعرف على ملامح الوجه، وفق ما أفادت فرانس برس. خياراً آخر يقوم على الطلب من ثلاثة من جهات الاتصال الخاصة بالمستخدم (وجميعهم يجب أن يكونوا بالغين)، التصديق على العمر المشار إليه في التطبيق. --- Send in a voice message: https://anchor.fm/hassanalsheikh/message

منظمة الصحة العالمية تُطلق تطبيقاً للحماية من سرطان الجلد تطبيق SunSmart Global UV الذي أطلقته منظمة الصحة العالمية لتوفير معلومات محلية عن مستويات الأشعة فوق البنفسجية ويوفر التطبيق المسمى SunSmart Global UV والمتوفر على متاجر التطبيقات بشكل مجاني، تنبؤات بالأشعة فوق البنفسجية والطقس لمدة خمسة أيام. شاركت في تصميمه المنظمة العالمية للأرصاد الجوية وبرنامج الأمم المتحد للبيئة ومنظمة العمل الدولية، و بيخبرك عن الفترات الزمنية التي لازم ما تتعرض لأشعة الشمس فيها؛ و كمان معرفة ايمتى تستخدم الحماية من أشعة الشمس. من 1 (أو منخفض) إلى 11 وما فوق (أو شديد). وكلما زادت قيمة المؤشر، زادت احتمالية حدوث ضرر للبشرة والعين. ويكون الحد الأقصى لمؤشر الأشعة فوق البنفسجية وقت الظهيرة الشمسية عندما تكون الشمس في أعلى درجاتها في السماء. ويوصى باستخدام الحماية من أشعة الشمس عندما يكون مؤشر الأشعة فوق البنفسجية 3 أو أعلى. الضرر الناتج عن الأشعة فوق البنفسجية تراكمي، طلعة وحدة تحت الشمس ما رح تعمل شي. ولكن طلعات تحت الشمس ممكن تعمل شي، حتى عند المستويات المنخفضة. والتطبيق متوفر حالياً بعدد من اللغات، هي الصينية والإنجليزية والفرنسية والروسية والهولندية والإسبانية، و العربية ……مش موجودة. مافي. بح.. صراحة ماني عرفان اذا هالتطبيق المستقل هو حل او بيساهم في التوعية. ليش محتاج تطبيق مستقل ليخبرني عن حالة او درجة الاشعة فوق البنفسجية و عندي تطبيق الطقس ليخبرني عن كل شي طقس و بالتفاصيل كمان ؟ يعني معقولة السلوك. سلوك المستخدم يكون فتاح تطبيق الحرارة لتشوف الحرارة. و بعدين تطبيق الرياح لتشوف الرياح و بعدين تطبيق الاشعة فوق البنفسجية لنحط واقي شمسي او نلبس نظارات شمسية و هكذا؟ مش فاهم صراحة هالميزانية الي انصرفت من منظمة الصحة العالمية غلطت معهم بشو. دايقتكم بشو؟ طيب عطيني تطبيق تفاعلي ؟ تطبيق مجتمعي اجتماعي. العاب. تشات. دردشة. عطيني تكامل او دمج مع برامج مشهورة. مثل بوت على تليجرام او مرحلة شمسية بلعبة متل امونچ اس ولا بيجي. أو يا سيدي عطيني دمج / انتجراشن لمؤشر الاشعة فوق البنفسجية في الهيدر او ترويسة التيكتوك او الشورتس او الريلز فوق. لعبة منظمة الصحة العالمية لمعرفة الاشعة فوق البنفسجية يوميًا و الجوائز ستيكرز و رانكنچ او ترتيب عالمي لمقياس اللعيبة. ليدربورد لوحة المتصدرين. ما بعرف. برأيك تطبيق متل هيك رح يوقف و ينجح لحاله و يحقق المرجو منه ؟ ولا شايفينه فيتشر او جزء من برنامج أشمل و أعم؟ خبروني بالتعليقات. تمام؟ و لليوم سلام. --- Send in a voice message: https://anchor.fm/hassanalsheikh/message

حبيبي تيليجرام بديل واتساب المفضل لسبعمية مليون مستخدم نشيط من حول العالم صار مدفوع.... و فرحان اوي ياخويا.... هههههه لاه يا حبيب خالتك سعاد.... عطيني فرصة اعبر بطريقة افضل... اضاف العديد من المزايا الحصرية الجديدة مقابل اشتراك شهري بين الخمس و الست دولارات. يعني التيليجرام المجاني رح يسكر او يصير فيه شي؟ نوب... اكيد لا... بالعكس ... رح يضيفوا شغلات... أول شي للتليجرام بريميوم ... يعني ابو مصاري: صار الموجود دبل... يعني الابلود / تحميل الملفات صارت بدل ٢ جيجا ٤ هاي حلوة شو يعني… يعني فيديو ابو اربع ساعات على فل اتش دي او مقطع صوتي لحوالي ال١٨ يوم بجودة عالية جد مش مزح هالكلام…. و لدعم هالشغلات اشتغلنا على سرعة التحميل و التنزيل و صارت جميلة و سريعة... القديم كان على مهلو و النسخة المجانية بعدها عالقديم. يا حيا الله بايرت باي… الدبلات التانية غريبة نوعاً ما…. بس اعتقد الي عندو ٧٠٠ مليون مستخدم نشيط شهرياً بيكون عنده معرفه بما يطلبه المستخدمون لا…؟ ولا كيف استمر لكل هذه السنوات بدون طن من الاعلانات ولا بيع البيانات؟ سجل عندك…. صار فيك تشترك بالف قناة و جروب عالمدفوع بدل خمسمية على المجاني. زعلت حماتك فيك تثبت عشرة محادثات بدل خمسة….حلوة بس الشاشة ما بتساع عندي.. الروابط الخارجية للمجموعات و القنوات و الجروبات و البروفايلات الشخصية… صار فيك تحجز عشرة…. ارقام سيارات دبي لانو…. الجفز. ٤٠٠ بدل ٢٠٠…. اول مرة اعرف انو فيك تخزن جفز.. ستيكرز مفضلة عشرة بدل من خمسة. البايو… الملخص عنك كان ٧٠ حرف هلا صار ١٤٠… ايه شو هو… هاد الي ثلاث ارباع الناس عندهم ياه “مرحباً انا استخدم واتساب” بس على تليجرام… و بس تترك هي و صاحبها وما تعمله بلوك بيصير منصة للردح العام بيناتهم….”انا ملكة و لن انزل لمستوى الكلا…” و هو بيرد… “حفلة مبارح نار…شكراً صبايا” و هيك… ايه … هلا صار فيكن تكتبوا اكتر…. --- Send in a voice message: https://anchor.fm/hassanalsheikh/message

ماك ستوديو ألترا - بعد استخدام شهرين بتعرفو شو. رح اتفلسف فلسفة بهاد الفيديو الها أول ما إلها آخر. لأنو الموضوع بصراحة خرج من دائرة التكنولوجيا إلى دائرة إنت شو بدك. الجهاز من ناحية العتاد / الهاردوير متقدم جدًا جدًا جدًا. متقدم بدرجة أكبر من استخداماته الحالية. كيف يعني؟ الستوديو الالترا لما طلع من إيد المهندسين في أبل، الي شكلهم كتير بيحبوا شغلهم و الابتكار و طوروا الافضل في عالم المدخلات و المخرجات "حالياً" و ركزلي على حالياً الله يسعدك، و صار بيد المستخدم النهائي الي رح يكون نقطة البداية لإنتاج محتوى لليوم و بكرى صار وحيد. و ناطر. الافضل في العالم.. لقب محته من قلبي لانو المنافسة نكته. يقارنوه بأجهزة قد الخزانة و بيقلك هاااااا شايف كيف فيني فصل جهاز أسرع و أقوى و أرخص من قطع مجمعة في صندوق قد الخزانة. بحب قلك خير الاجهزة ما قل حجمه و شل فعله. سرعة تجاوب الجهاز مع كل شي أنا رميته عليه من وظائف تيشتغلها خرافية و بيقلك "هل من مزيد"… و هون النقطة الي لازم ينحكى فيها. المزيد. شو بعد. وات إز نيكست. --- Send in a voice message: https://anchor.fm/hassanalsheikh/message

شاشة ستديو ديسبلاي بعد استخدام شهرين بعد شهر من الاستخدام اليومي لساعات و ساعات و ساعات من مختلف انواع الاعمال من مونتاج فيديوهات على فاينل كت برو. شوية بودكاست و تسجيلات على جاراج باند. مليون فيديو يوتيوب و 4K و كورسات من كورسيرا. ساعات مملة من اجتماعات زووم و تيمز. و تصفية مكتبة موسيقية من عشرات الالف المقطوعات الجميلة ما بين الجاز و الفيوجن و مليون شغلة تانية مش ذاكرها هلا بحب قلكن انو هالشاشة كفو. كفو بشكل مخيف و غير ملحوظ الا عند الاستخدام لفترات طويلة. اول شي ما بتذكر اني وصلت ولا مرة بصوت السماعات للنص. نقاوة الصوت مخيفة و قوتها رائعة لإعطائك تجربة صوتية محيطية بتخلي دقات قلبك تنتظم مع الموسيقى (ههههه طول عمري كان على بالي قول هالجملة. و أخيرًا) ايه بنكمل…. و البودكاست. و المقابلات. و الزوم و الاجتماعات. برافو. و بعدين المايك الموجود في الشاشة شال شغل كتير حلو في كل اجتماعاتي. مرات كتير بكون مستعجل و داخل اجتماع متأخر و ما بلحق شغل الرودكاستر و المايك الخارجي و ما بيضل حدا ما بيقول حسان الصوت من عندك أحسن صوت. و على سيرة متأخر و ما بلحق. أعتقد إني طفيت الجهاز مرة أو مرتين خلال الشهر الماضي و بالغلط كمان. هالشاشة بتصحى من النوم بثانية. أسرع شاشة في العالم بتلبيك. أن طبيعابول. ما شاء الله هلا نضربها بعين. الهب الموجود في خلف الشاشة لذيذ و سريع جدا لتوصيل أي شي بدك ياه. اي شي يو اس بي سي ايه... و السرعة بتعتمد على الجهاز الي وصلته. إذا الاجهزة الموصولة سريعة نقل البيانات بيكون سريع. العلاقة الطبيعية. نقاوة ووضوح الحروف و الصور على الشاشة جميلة جدا جدا جدا. القراءة ممتعة و مش متعبة للعين أبدًا حتى من النانو تكستشر الي عندي ياها. لانو البعض بيقلك انو النانو بقلل من الوضوح نتفة. اذا هيك الوضوح قليل معناتو المش نانو تيكستشر كيف. الشاشة بشكل عام مش بوشك. مش صارخة. كتير "سَتِلْ" *فيديو للبحث عن معنى ستل* *فيديو عم يسأل الجمهور في الشارع - بالي تستلك ستل* زوم ان على نينا زوم اوت برجع بشوفكم بعد ستة أشهر و لو اني ما اظن انو الكلام رح يتغيير كتير. تمام؟ و لليوم سلام. --- Send in a voice message: https://anchor.fm/hassanalsheikh/message

إنتاج المحتوى - الخطة المتكاملة لصناعة و إنتاج المحتوى الملخص. استفاد من المحتوى المنتج في أقصى عدد من الاماكن. قبيلة. كيف الحال؟ انت بتزور مواقع التواصل الاجتماعي عشان تتسلى و/او تستفاد من محتوى مطروح في المجال الي انت بدك اياه. و اذا الموقع مافيه محتوى انت ليش هناك اصلا. اهاااااا يعني المواقع عرفانة ان المحتوى هو الشي الاساسي الي لازم يهتمو فيه عشان الزوار يضلو يجوا و "يعيشو" على الموقع و ما يطلعو براته ابدا او قدر المستطاع. عشان هيك عطي كل موقع الي بدو ياه بالطريقة الي بدو ياها فيها. بحبوك. اكتب موضوعك بعد البحث و التدقيق و صورو فيديو و طلع من الفيديو صوت للبودكاست و حط المواضيع المكتوبة على بلوغ و بعدها جمع كل المواضيع المتماثلة و انتج كتاب و الكتاب يصيروا تنين و أخيرًا صير متحدث على منصات العالم في الموضوع أو المجال الي تخصصت فيه و قضيت السنوات الماضية تبحث و تتطور فيه و تشارك الكوكب برحلتك حتى صرت المرجع لشريحة كبيرة من الباحثين عن ما تعرف. بس اخلص في عملك و في أبحاثك. تمام؟ و لليوم سلام. --- Send in a voice message: https://anchor.fm/hassanalsheikh/message

المؤتمر السنوي للمطورين من ابل انطلق بستة ستة و عادة بيتم التركيز فيه على تطورات انظمة ابل البرمجية من الماك او اس للواتش او اس و كل العائلة. و مرات بنطرح منتجات. هالسنة طرحنا ماك بوك اير جديد و ماجبنا سيرة الماك برو. عشان كذا وين؟ ماندري. آي او اس ١٦: أهم أبديت في عالم الابديتس هو انو صار فيك تعمل اديت/تحرير/تعديل للرسايل على أي مسج بعد ما تبعتها. ياااهوووو. ربحنا على المدقق الاملائي تبع بدو يغير الكلمة غصب عنك لشو ما بدو. و كمان فيك تعمل ان سند. يعني تتراجع عن الرسالة من بعد ما بعتتها. يعني ابعت و غير رايك و ارجع ما تبعت. ولا كأنو صار شي. واحد من اكتر الخصائص طلباً في عالم المراسلات. ايه كمان جماعة مابدي رد هلا خليني رد بعدين و بعدين بتنسى. هلا فيك تعمل بعض المراسلات "غير مقروءة" لترجعلها بعدين. التركيز الاكبر على شاشة القفل و كيفية هممم تخصيصها لتكون بتشبه المستخدم شاشة القفل القديمة كانت ساعة كبيرة و تنبيهات كثيرة. هلا الموضوع رح يكون جمالي حبتين. و هيك بيعطي شاشة القفل شخصية مستقلة. خاصة مع نقل التنبيهات لتحت و قابلية إضافة الويدجيتس. هلا مافي شي ابل الا ما بيكون بصمة ابل عليه يعني بقفل الشاشة رح يكون فيك تخصص صفحات القفل على كيفك و تغيرهم ايمتى ما بدك. و تربط التغيير بوضعيات التركيز كمان. صور خلفية و ودجيتس أنواع خط و ألوان. شو بيبان و شو بيتخبى. جميل جميل. بالزمانات أبل نزلوا تحديد النصوص في الصور. جميل. هلا صار في تحديد النصوص داخل الفيديو. واو. لا و كمان تحديد بعض الاجسام من الصور و الذكاء الاصطناعي بياخد الجسم و بيفصله عن الخلفية و فيك تستخدم الجسم "بدون الخلفية" باي مكان بدك ياه. عندك الاملاء الصوتي. مع كيبورد بتسهل الحياة جداً. أنا بستخدمها دائماً و‏ ‏رفقاتي دايما بقولولي حسان كيف فيك تطبع بهذه السرعة. هلا الاملاء و لوحة المفاتيح يظهروا ‏مع بعض مافي داعي للتبديل. تطبيق الهوم تبع التحكم بالاجهزة المنزلية الذكية ترتيبه صار اسلس. خرايط ابل اذا بتستخدمها صار فيك تنظم فيها رحلة ب ١٥ محطة وقوف. جميل. أبل باي صار عنده أبل باي ليتر أو أبل سجل عالحساب و برجعلك ياهم بعدين. أربع دفعات على ست اسابيع بالتحديد و بدون رسوم. و كمان عندك قبول الدفعات من جهاز لجهاز بدون جهاز دفع. يعني لو عندك محل مافي داعي تستخدم ماكينة الدفع. بس خلى جهاز ايفون عالكاشير. المفاتيح الالكترونية بمحفظة ابل الالكترونية صار فيك تشاركها مع مين ما بدك عالأي مسج و الواتساب و الميل. --- Send in a voice message: https://anchor.fm/hassanalsheikh/message

الملخص… كل ما كان المحتوى تبعك و متابعين المحتوى تبعك بيجذبوا المعلنين من ناحية القيمة كل ما حبتك المنصة الي انت عليها. بهاي الحلقة ممكن عم اكون عم اكشف اسرار بعض المنصات و من الممكن انو يا تنلغي الحلقة او تنحظر او ما تنشرها المنصات. ممكن كتير ما يجيك اشعار انها نزلت أصلًا لأني ذاكر أسماء كتير منصات عم تنافس بعضها. التيكتوك ما بحبك احكي عن انستاغرام و هكذا. بس الشي الوحيد إلي أكيد مافيه يمنعوك منو هو إنك تعمل شير. شارك هالحلقة مع الي باعتقادك بيهمه يكسب ماديًا من المحتوى. الانفلاونسرز الجداد. قبيلة… كيف الحال؟ الحلقة رح تكون طويلة حبتين و فيها كتير جوانب.جيب ايسكريم تشوكلت متل ما بتحب نينا و خنبلش. هل تعلم ان المنصات من مثل يوتيوب و انستاغرام و تيكتوك هدفها الربح…. لا يا شيخ قول و بدل… ايه صدقني في ناس مصدقة ان المنصات فاتحة هيئة اعمال خيرية و هدفها نشر المحبة و السلام في كوكب زمردة… اكيد زمردة لان هذا الكلام لا ينطبق على كوكب الارض. و المصاري… يعني الارباح تأتي من بيع الاعلانات او البيانات او كلاهما… وفي الغالب نحن منحب نزيد الارباح و فهمكم كفاية. هناك بعض المنصات، لمنافسة الكبار… بتسوق لفكرة انو منصتهم خالية من الاعلانات… طيب و المصروف الفلكي للتكنولوجيا الي عم تستخدموها من وين عم تجيبوا فلوس لتغطوه… اكيد ما رح يقلك عمك ابو محمود تركها على الله… و الله بيدبر … و مستورة و لله الحمد.. تأكد اذا المنصة ما باعتك منتج فانت المنتج بياناتك المنتج.. خصوصيتك… اذا مش اليوم بكرا. الا من رحم ربي. المهم عمقنا كتير فنرجع… المحتوى تبعي لازم يساعد المنصة على توفير بيئة مناسبة للاعلانات المتخصصة عشان زيادة الربح… مش معقدة ركز معي ثلاث ثواني وشوف… اذا محتواك مقالب … مين برأيك المعلن المناسب للمقالب… هذا المقلب برعاية…؟ هموم. اذا محتواك طبخ… هذا المطبخ برعاية…؟ واو.. الف حدا.. اذا محتواك تربية اطفال…؟ موسيقى؟ امور مالية؟ بنوك. شركات تأمين و استثمارات. سيارات… تكنولوجيا.. مليون نوع محتوى بمليون نوع معلنين. --- Send in a voice message: https://anchor.fm/hassanalsheikh/message

الملخص. شو رأيك بقناة سياسة بتعمل مراجعة لاخر الاغاني و الفيديو كليب. أو تروح على قناة تحليل كرة قدم و تلاقي كيف تطبخ المسخن الفلسطيني على الاصول!!! و رونالدو يا حج. شو خص المسخن بباريس سان جرمان؟ قبيلة. كيف الحال؟ حسان أنا بحب كتير شغلات بالحياة و عبالي أحكي عنهم كلهم. سوسن. بعرف إنك أشطر وحدة بالعالم بستين شغلك بس عالقناة اهتمي بشغلك. مافيكي تروحي عصيدلية تشتري ربطة خبز أو مشروبات غازية. لا يجوز. هلا بيجوز صاحب الصيدلية يفتح جنب صيدليته سوبرماركت و يبيع مشروبات غازية. السكر عاليمين و علاجه عاليسار. بس التنين بمكان واحد خبصة شوي. و أشهر مثال في هذا المجال هو المغنين و المطربين و الفنانين. بتغني تش تيكي تم تم و جمهورها تش تيكي تم تم و بس يصير قضية سياسة بتبلش تحلل سياسة. و الرد رقم واحد من الكوكب دائمًا بيكون خليكي بالتش تيكي تم تم. و هديك الي بتغني بس أغاني وطنية و ثورة و حرية بتنسى الباسوورد تبع كل منصاتها لما يجد الجد و جمهورها الي تعود على هيك محتوى ناطر تعليق. بس لانو الجماعة المتخانقين ضد جماعتها و الربحانين ما بتحبهم و يلاااااا. المهم. نركز على المحتوى في بداية قناتنا و مثلًا إذا اردنا التفرع يكون تفرعات تتناسب مع الموضوع الرئيسي. مثال فندق خمس نجوم بده يبدأ في انتاج المحتوى. التركيز الرئيسي لازم يكون على "الفندق" و من خلاله أو للوصول إليه فينا نعمل تفرع مطاعم و طبخ فندقي مع حلويات فينا نعمل سبا ومساج و تعليم المشاهد فنون الاسترخاء. فينا نعمل تفرع اله علاقة بترتيب الغرف بالطريقة الفندقية مناشف شراشف خزائن. بدك تروح بمجال مختلف تحت نفس المظلة. روح بودكاست ڤودكاست فنون الادارة الفندقية. أو قصص غريبة من نزلاء أغرب. جرائم فندقية. أسرار الحجوزات. علم الناس كيف يفتحو فندق. ايه ايه جد. هون الناس بيصير عندها اهتمام و فضول و حب لزيارة هذا القسم الي حكيتو عنو. بيصير عند المتابع قوة المعرفة عن كيفية الامور بتمشي و بيجي لعندك على وجه الخصوص بشخصية أقوى. لأنو…. صاحب المحل. المحل محلنا. في قناة على تيك توك لشاب و أبوه عندهم خلطة شطة حارة. عاملين قناة عم يعلمو الناس كيف بتنعمل. و كيف بتنطبخ. و كيف بتنصب بالقناني. و بتتغلف و بتنشحن. ولك حتى ممكن الناس يكتب كومنت/تعليق يقول فيها اشحنلي علبتين شطة و فرجيني. و بيصور فيديو و هو عم يعبيلو العلبتين و يحطها بصندوق الشحن. ملايييييييين. لازم نخرج من الصندوق. و نحكي لغة اليوم. جماعة أسرار المهنة. نعيمًا. صدقني من الملايين تنين رح يغلبو حالهم و يطبخو الشطة بالبيت. و خلي المنافس يسرق. ما انا صار عندي براند. و الناس جاي عشان التجربة أكثر من الشطة يا سبايسي انت. أبو شطة ممكن يكون من اهتماماته الجيمينچ. بس الها قناة تانية. مارح يخلص بوب جي بالفلفل ايه. و هون لازم نطرح نقطة مهمة و الي هي المعرفة. قناة متل پيديا لرنا فرحات تتحدث عن ‏تدريب الأهل بتربية الاطفال و كل ما يتعلق بالموضوع. انا كمتابع للقناة بتوقع من رنا تعرف كل ما يجب معرفته عن الموضوع أو …. ركز بهاي النقطة كتير منيح…. معرفة المصادر الموثوقة للحصول على معلومات أكثر عن سؤال جديد في نفس الموضوع. أكيد ماحد في الكون بيعرف كل شي بكل الأوقات. و الرجوع الى المصادر و الكتب شيء ممتاز. رنا بتحكي عن الافلام. و تأثيرها على التربية. رنا بتحكي عن الطبخ. و تأثيره على التربية و العلاقات الاسرية. رنا بتحكي عن ألعاب الفيديو. و تأثيرهم على عقل الطفل و علاقة الطفل مع الاهل. و هكذا. شايفين عدة مواضيع تصب في إطار واحد. ما رح تفتح قناة رنا و تشوف تحليلها لكولكشن المكياج الجديدة لخريف و شتاء الربيع الصيفي. تمام؟ و لليوم سلام. --- Send in a voice message: https://anchor.fm/hassanalsheikh/message

إنتاج المحتوى - إركب الترند الملخص. مبلش جديد. انت الخبير بالموضوع الي بدك تحكي فيه؟ معناته بتعرف شو الضارب هلا من مواضيع. و مين ضارب هلا من أشخاص. قبيلة. كيف الحل ؟ حسان بدك ياني أحكي عن الناس و أنم؟ و الله انا كنت ناطرة اللحظة الي حدا يجي و يقدر مواهبي و….. لا يا سعاد. انت فهمتي الموضوع غلط. هون بنحكي عن وجهة نظر مخالفة أو تكمل النقاط الي تحدث عنها فلان او فلانه في المجال تبعكم. ها. كيف يعني. ؟ يعني. خلينا نقول مثلًا انك بدك تفتحي قناة ميك اب مثل هدى قطان بس مش متل هدى قطان. سيم سيم بت ديفيرنت. هون ما منهاجم هدى و مردح لا بالعكس. منعمل فيديو يمدح بدون تملق أو يخالف بدون تجريح وجهة نظر هدى على آخر فيديو عملته مثلًا و منقول بعد مراجعة ملخص شو قالت هدى بالفيديو : بس كنت بتمنى لو هدى تطرقت الى الجانب البيئي في صناعة هذا المنتج. و بتعطيني هون وجه نظرك المكملة أو المناقضة بإحترام للقصة الي بدأتها هدى. بعض فانز هدى الي هم الجمهور الي انت بدك اياه الي هم المهتمين بعالم منتجات التجميل رح يحضروا الفيديو. منهم من سيقول انك عم تركبي على ظهر الملكة و لولا هدى ما عرفناكي و بعضهم رح يقول واو. كلامك سليم و النقطة او النقاط الي طرحتيها كنت عم افكر فيها او يا ريت فكرت فيها. و اسلوبك مرة جميل و قريب من القلب و تحليلك عميق و و و الموضوع ممكن يوصل لهدى و بما انها انسان بيحب انو يدعم الناس المنيحة رح تساعد في نشرك. تخيلي لو كنت ردحتيلها وين كنا وصلنا. أكيد الكل مش داعم. و أكيد العديد من المشاهير عندهم خوف من زوال النعمة. و لا تسرقلي جمهوري و حاطة عينك على فانزاتي و كلام الاول ابتدائي. كأن الي بيسمع أحلام حرام يسمع بلقيس. في جملة جميلة جدًا جدًا جدًا على بساطتها. من النجاح ان تقلد النجاح بنجاح. يعنى حتى لو أنا طلعت بالفكرة الأصلية و جابت ألف مشاهدة. و إنت قلدتيها و جابت مليون. صحتين على قلبك. ترا المصنع ما سكر. إلا إذا كانت ضربة حظ و هون بحب اقلك لو تمسك فيها بايديك و سنانك و هي مش مكتوبالك لن تدووووووم. طيب. غطينا جانب الفيديو عن مشاهير المجال الي بدي أحكي فيه. شو مشان المواضيع. الركوب على ترند المواضيع بسيط و يقسم الي قسمين. المواضيع الي ضاربة ترند حاليًا في المجال الي انت متخصص فيه و فاتح قناة على شانه و اذا قلتلي شو بيعرفني شو الي ضارب برجع بقلك راجع الموضوع الرئيسي الي انت عم تقدم نفسك العالم الرقمي كمهتم فيه عندك كمان المواضيع الخالدة. ترندها مبارح و اليوم و بكرا. ترندها تبع كل يوم. شي متل كيف تطلع لبسات مختلفة من تيشيرتين و بنطلون جينز. أدوات لازم كل بيت تكون عنده. إعدادات أساسية لمكتبك للعمل من المنزل. شايف كيف هدول ما الهم وقت و الناس بدها أفكار مختلفة. شايفين كيف التركيز الابدي على اضافة القيمة؟ عطيني قيمة بعطيك اهتمام. و المصاري لاحقة. تمام؟ و لليوم سلام. --- Send in a voice message: https://anchor.fm/hassanalsheikh/message

إنتاج المحتوى - رأيك صح ولا غلط؟ الملخص: بدك تكون صح. انت صح. بدك تبني جمهور و انتشار رأيك ممكن يكون صح. و اذا الفرق مش واضح ما بعرف اذا لازم تكمل هذا الفيديو. هذا رأيي. قبيلة. كيف الحال؟ إنتاج المحتوى تحت مظلة أنا صح و كل شيء بقوله صح ولا يحتمل الخطأ هو الخطأ بعينه. فأنت مخلوق و لست الخالق. هذا و الله أعلم يعني. تقديم الحقائق العلمية بكون عن طريق قصة علمية تجربة أو مجموعة تجارب بتوصلك لهذه "الحقيقة" العلمية. هيك أعتقد. و لا شو رأيك ؟ قرأت كتاب و تحمست لفكرة معينة (أو فكر معين) و صدقتها و آمنت بها هذا لا يعني إنك ما رح تلاقي فكرة تانية بطريقة طرح ثانية باسلوب او قصة ثانية بتوصل لنتيجة مختلفة و مخالفة. كون مرن في التعلم. كون "أمرن" ههههه "أمرن" قصدي أكثر مرونة في الطرح. هي وجهة نظري هون. أنت شو وجهة نظرك؟ حاول ما تعطي رأيك إذا لم يطلب. هدول نصائح إتكيت حياتية عادية يتم استخدامها أونلاين و ببيت عمتك سماهر. بوجهة نظر أخوكم المتواضعة إنت ممكن تكون حماسي حبتين بطريقة طرحك للمعلومة و الناس تبلش تحكم على كل شي عندك أو فيك الا المحتوى و تفكرك مغرور متكبر شايف حالك مفكر حالك صح و هدول الشغلات الي ما الها علاقة بالمحتوى فيديوهات المراجعات للمنتجات. للمباريات. للاحداث شو ما كانت فيها تكون لصالحك و صالح جمهورك أكثر إذا كانت حيادية أكثر منها تجارية مالية إشتري إدفع حب إكره إلحقني بمشاعري أو خلافي مع العلامة التجارية المعينة. مشاكل شخصية المفروض ما يكون إلها علاقة مع محتوى برنامجك. يعني مدين رونالدو مصاري من قبل الشهرة و بطل يتعرف عليك اليوم المفروض ما يؤثر على تحليلك لمباريات اليوم. تخانقت مع موظفة بسامسونج بالزمنات هالشي ما تجيبه على تحليلك ليش الإس ٢٢ مش خيار كويس للشراء السنة هاي و نفس الماركة السنة الماضية أفضل. إنت مانك عرفان تستخدم خاصية جديدة معينة ببرنامج من أدوبي ما تروح تحط الحق على مؤسسي الشركة بردحة معتبرة عالانترنت وبالأخير تطلع انت الي مش فهمان و تخسر مصداقيتك أمام جمهورك بس لأنك ضد نظام الدفع و الاشتراكات تبع برامج الشركة. ما تخلط. بكل المطارح إشراك المتابع للمحتوى معك في الفكرة المطروحة دائمًا مرحب فيه. و هناك من سيغرد أو سينبح بفكرة تخالف ما قدمته و ستقبلها بصدر رحب أو تعلمو عمتو سماهر بلوك. بينك و بين جمهورك. سمعت مثل بالزمنات بيقول: الحقيقة الوحيدة الي اتفق عليها البشر هي الموت. شو رأيكم؟ ركز على البناء مع جمهورك. مش تكون صح دايماً قدام جمهورك. تمام؟ و لليوم سلام. --- Send in a voice message: https://anchor.fm/hassanalsheikh/message

إنتاج المحتوى - لغة السوشيال الملخص. الناس بدها "انت" الحقيقي بلغتك الحقيقية. ولكوو ملينا من الكذب الاعلامي الاعلاني المتصنع. بلغة عربية فصيحة قبيلة. كيف الحال؟ اسعد الله اوقاتكم اعزائي المشاهدين. و مع زقزقة العصافير و اشراقة يوم جديد… بس خلص يطيك العافية اختنقت. و للتنين ثلاثة الي ما سكروا المقطع احييكم و وصلت الفكرة اعتقد. لغة التلفزيون و الاذاعة لا تتناسب مع لغة السوشيال ميديا و شكرًا. خلصت. واضحة و صريحة و مباشرة لازم تعرف ان سيكولوجيا التواصل الاجتماعي غير. هو تواصل "اجتماعي" يعني بشري يعني كيف تكون قاعد انت و صحابك و فاتحين مواضيع و عم تحكوا عن انشطار الذرة أو مباراة أو آخر كتاب قرأته. أكيد عمر مارح بقلك ماهي الحالة الشعورية التي كان مارق فيها الكاتب و علل و أعرب ما تحته خط. خلص طلعنا من هالجو. كل ما كنت قريب من متابعينك باللغة الي بيفهموها كل ما كنت صديق إلكتروني صدوق و بيحبوك عالفيسبوك و بيسمعوك أكثر و بتصير مؤثر أكثر. فاختيار المصطلحات المستخدمة في محتويات التواصل الاجتماعي جدًا مهمة. حسان انا دكتورة و لغتنا جافة جدًا. بقلك تمام. لو جمهورك دكاترة احكو بالجينوم لبكرا الصبح. بس لو جمهورك عامة الناس خلينا نحكي عن مجموعة الجينات المكونة للانسان. وكمان مش رح تروحي النار اذا قلتي انسان بدل هوموسيبيان و محدا رح يعاتبك و الله. بسط ترحب بكم. و اذا لزم الامر لاستخدام مصطلحات معقدة و مافي مفر. عطيني مرادف او تنين حتى تقرب الفكرة او الكلمة أكثر. البرامج المتخصصة و المحتوى المتخصص مش معمول لكافة الناس. أنا مافيني افتح كتاب طب سنة ثالثة و اقول هالكاتب معقد و متفلسف كتير. شو هالحكي انا مش فاهم و الحق على الي كتب. لا يا حبيب عمتك سماهر. لازم تدرس سنة اولى عشان توصل للغة سنة ثالثة و هكذا. عنا في العالم العربي بنوقع في دوامة اللهجات كثير. المصري في الغالب مفهوم أكثر و أوسع بسبب ريادة مصر في انتاج المحتوى منذ عشرات السنين. الاغاني و الافلام و المسلسلات و الكتب و الاذاعة و التلفزيون. كلها ساهمت في نقل اللغة و الثقافة المصرية لبقية متحدثي اللغة العربية. بس اقلك الحتة بتاعتي بتعرف شو يعني. بس لما اذكر الحومة بيسخن راسك. بلاد الشام لحقت مصر إنتاجيًا و ثقافيًا. و بقية البلاد العربية زاد الاهتمام فيها لانتاج المحتوى. و صار المتابع يستوعب مجموعة اوسع من اللهجات. بس بتضل اللهجة البيضة هي سيدة اللهجات عربيا لبساطتها و قربها من الجميع. اذا محتواك مش وطني فالنصيحة انك تحكي بلغة بيضة محايدة يسهل فهمها للكل. تمام ؟ و لليوم سلام. --- Send in a voice message: https://anchor.fm/hassanalsheikh/message

إنتاج المحتوى - كيف مقطعك ينَّجِم الملخص. كذاب ابن كذاب الي بيضمن لك تنجيم شهرة انتشار مقطع من مقاطعك (چوينچ ڤايرال يعني). قبيلة. كيف الحال؟ بتعرفي صاحبتك الي بتسأليها عن أحسن حلاق و بتروح بتدلك على حلاقها الي بتربطها فيه علاقة عاطفية كلامية غزلية حبية و القصة مافيها ولا حبة شغل او مضمون و سوسن بدها بس تجيب شغل لسمير الي متجوز و عنه دزينة أولاد و هو أصلًا ما بيعرف مين سوسن. هي هيك العلاقة مع المحتوى. اذا ضيعتي خليني اشرح. المناسب إِلي قد لايكون مناسب لك. و ما اريده من الحلاق المحل المطبخ المطعم المحتوى الكتاب الفيديو الاغنية قد يختلف عن تذوقكك و ما تريدين. أنا بتحمس على كتاب محتواه بيحكي عن الالعاب النفسية الي البشر بيلعبوها بين بعض و يشارك هذا الكتاب مع كل اصدقائي الحلوين. و قبيلتي الحلوين. و عيلتي الحلوين. برأيك المحلل المالي حسام رح يتفاعل مع محتوى الكتاب متلي ؟ ممكن. طيب سعاد الي غرامها بالحياة السفر؟ آهااااا هيك وصلنا لتنجيم و شهرة المحتوى. جميل. شو هو المحتوى الي بيناسب الكل و الكل بيحبه و رح يجيب المشاهدات و الملايين و هدول الشغلات. الجواب هو ولا شي بيناسب الكل و بيوصل للكل و الكل رح يشوفه أو يحكي عنه. و أيضًا الجواب هو كل شي ممكن يناسب الكل و يوصل للكل و الكل رح يشوفه و يحكي عنه. العملات الرقمية لما حكينا عنها بال ٢٠١٥ كانوا العالم يفكروك مجنون. هلا ستك بتتصل فيك و بتقلك شو أخبار البتكوين و الايثيريوم و السولانا. موضة الاهتمامات دائمة التغير و الي بيلاحق الموضة بيتعب. بيتعب جدًا. فلاحق الي انت بتحبه و اخلص العمل فيه. اخلص الانتاج فيه. كون أفضل واحد في مجالك و اترك الباقي للزمن. اليوم محتوى عن قطة بتأكل ايسكريم و بترقص مع صاحبها ممكن يصير حديث الساعة. و بعد خمس دقائق ممكن ينتشر فيديو لعلماء نفس عم يحكو عن الوسواس القهري. ما رح تكون الي عم تترقص قبل دقيقتين و بعدين تطلع انت العالم تبع النظريات النفسية العميقة الي بتزلزل فقاعة فرويد. فركز. هلا هناك بعض الخطوط العريضة جدًا جدًا جدًا و القواسم المشركة لتنجيم و شهرة المحتوى أهمها بساطة المنتج النهائي حتى لو كان معقد التفاصيل. يعني محتوى طبي يتحدث عن السرطان و الدكتور الي عم يشرح لعامة الشعب مستخدم صور و چرافيكس توضيحية و فيديوهات و غيرها و غيراتها من المواد الداعمة لتوصيل فكرة ليش التدخين مربوط بسرطان الرئة. أو ليش أكل الخضراوات الورقية الخضراء الغامقة أكثر فائدة من الخس مثلًا. من الخطوط العريضة كمان خفة الدم. مش ضروري التنكيت و الضحك من الدان للدان. وهاي كمان بتفرق بين سوسن و سعاد. ممكن تشوفو خفيف دم و شربات والتانية بتشوفو ديزل. عندك تأثير شهرة المقطع على الناس الي بتخاف تقول رأيها. جماعة مقطع جاب مشاهدات و ارقام يعني خلص لازم يكون منيح و كويس و ابن حلال و مستحيل يكون الملايين غلط. و انا ذوقي المضروب. و المسكين سمير ما بيعرف ان ثلاثة ارباع الفنانين بيشتروا مشاهدات بالكيلو عشان العالم تقول هو مُشاهد إذًا هو مشهور هو منيح هو كبير و رأيك مش مهم. جماعة المشاهدات بتجيب مشاهدات. الخروج عن المألوف و مخالفة الرأي العام و كره الناس الك كمان ممكن يجذب العيون عليك. حدا متل "بن شابيرو" نجمت معو لانو ذكي و شاطر و سريع البديهة و نكتجي و مخالف لنظرية ان للانسان حق الاختيار انو يكون ذكر او انثى. و كل شي منحرف تاني المنحرفين عم يطبلوا فيه. بتتذكرو لما قلنا المشاهدات بتجيب مشاهدات. و المشاهدات بتنشرا بالدولارات و كذلك الامر رأيك رح يلحق انو مو معقولة كل هدول غلط وانا صح. خليني اسبح مع التيار و امشي مع القطيع. ايه قام شابيرو قلك وين رايحين يا أحفاد فرويد. و كمان عندك جوردان بيترسون حبيب النسويات من الذكور و الاناث و الي بين بين. الزلمة صارلو الف سنة بيحكي بنفس موضوع ان الرجل رجل و المرأة مرأة و هناك اختلاف. عادي لغاية ما نكبس رز من مكان ما وصار مش عادي ان الرجل رجل و المرأة إمرأة و هدول بيحبوا هدول و هدول ضد هدول و يلاااااا. اكيد في عوامل اخرى. بس الجماعة مخلصين لمحتواهام و بالاخير رأيك هو الصح و أنا غلط. ما تسعى ورا التنجيم. اسعى ورا الفايدة و الرزق رح يجيك بالوقت الصح. تمام ؟ و لليوم سلام. --- Send in a voice message: https://anchor.fm/hassanalsheikh/message

الملخص… الصوت اهم من الصورة و تنيناتهم مهمين. ما تخلي ٥ - ١٠ ثواني تمرق من غير تغيير بصرياً ما تخلي حدث ينفك من غير ما تعقد و تشوق لحدث ثاني كتابياً و صوتياً قبيلة… كيف الحال؟ هلا ما رح نحكي ان المحتوى يكون اله قيمة و يحترم عقل المتابع و يقدم فائدة و هالشغلات الجميلة الي صار إلنا مدة عم نحكي عنها في هذه السلسلة. هون القصة هي عناصر الجذب و استمرارية المتابعة من بعد ما دخل المتابع على محتواك… يعني فات الزبون على المحل. في حالة تسجيل الفيديو، و الي هو في زمنا الوسط رقم واحد لتوصيل المعلومة، عليك بالاهتمام بجودة الصوت قبل جودة الصورة… ها … كيف يعني… يعني المشاهد ممكن يطلع من الفيديو. او يعملك بلوك اذا كانت جودة الصوت زي ماضي أبو لهب حتى اذا كانت الصورة 4k. إذا كان الموضوع مهم كلاميا. في بعض الحالات الصوت مش مهم اذا كانت القصة صورية أو مشهد صامت. و هكذا. خلي المشهد حلو بصريا و ضلك حفز الدماغ بالنقلات الصورية. شوية كتس كتس كتس كتس بالمونتاج. بس بدون ازعاج و ما تزودها. زوم ان. تغيير زوايا التصوير. تغيير عدسات. دوللي. و هكذا. كلوس اب شوت : كنت عم اقرأ مدري وين انو لتحفيز المتابعة البصرية بدون اجهاد للمخ غير المشهد بحوالي ال ٥-٦ ثواني. جماعة السينما و التلفزيون ممكن تأكدولنا هالمعلومة بصندوق التعليقات؟ نورمال شوت: ايه مش ضروري تشتري سنتين كاميرا. كل الي شايفه معمول بكاميرا موبايل واحد. مصور 4K و حاطتها على كانفس FHD. اعمل بحث عن الموضوع. القصة جدا ممتعة. استخدم البي رول. و الي هو اللقطات التجميلية و التي تدعم ما تقول. مش تكون عم تحكي عن صيانة الأفران و حاطط صور الحمام الي طاير في الصباح المشرق بجروب امهات الواتساب. ما قدرت تصور لقطات تجميلية او لقطات داعمة. استخدم ستوك فوتيج او محتويات مصورينها اشخاص تانيين و سامحين للمبدعين و صانعي و منتجي المحتوى انهم يستخدموها بدون حقوق ملكية فكرية. او مع ذكر اسم منتج اللقطة أدبيًا و هكذا. بعضها مجاني و بعضها مدفوع بأسعار رمزية. فيك تستخدم الجرافيك الداعم كمان كمحفز بصري. كل وحدة من هدول عالم لحاله. هون عم نحكي رؤوس أقلام. أفكار لانك تبلش تبحث وتبحبش لتتعمق أكثر. و اذا ما لقيت فهاي فكرة لصناع المحتوى انو ننتج شي لهذا المجال. بعرف بالانجليزي في عدد لا متناهي من الفيديوهات التعليمية في كل مجال قلته و اكثر. منها المدفوع و منها المجاني. بس بالعربي. همممممم. فرصة لشباب و صبايا الاخراج و السنيما و الجرافيك ديزاين و التصوير انا نزيد المحتوى حبتين. ولا شو تمام؟ و لليوم سلام. --- Send in a voice message: https://anchor.fm/hassanalsheikh/message

إنتاج المحتوى - طول المحتوى الملخص - الطول بيعتمد على الموضوع. القصة كلها بطول فترة المشاهدة حتى لو كان الفيديو طوله ثلاثه ايام. قبيلة… كيف الحال؟ شوفو هالشوفة. مغلب حالي و عامل فيديو طويل عريض ٥ دقائق و واحد و عشرين ثانية و تعبان على المحتوى و حوالي ال ٦٥٪ من المشاهدين عم يحضروا أقل من ٣٠ ثانية من الفيديو… خير ان شاء الله ليش… و كمان المعدل الوسطي للمشاهدة على هذا الفيديو بالتحديد دقيقة و ٤٣ ثانية من أصل خمس دقائق و ٢١ ثانية محتوى. حط في بالك انو هاد المنتج النهائي… يعني اعداد و تحضير، بحث و كتابة، مراجعة و تنكيت و تصوير و مونتاج بالساعات… ليطلع بالاخير ٦٥٪ من المشاهدين عم يحظروا ٣٠ ثانية و اقل… ما رح فوت بسايكولوجيا استهلاك المحتوى… ما رح فوت بسيكولوجيا دعم التطبيل… جماعة حسون محتواك ممتاز … بجنن و ياي.. و حبيبنا ما غلب حالوا حتى يكمل الفيديو. ايه ايه.. كلو بيبين… و هالشي ممتاز. ليش ممتاز؟ لأن بيخليك تشد براغي قد مافيك و تطور من حالك لآخر ثانية من المحتوى… هدول المنصات جداً جادين في هذا البزنس … و اذا انت مش جاد ما تضيع وقتنا… فطول المحتوى مهم جداً ولكن قديش المتابع عم يحظر من هذا المحتوى الأهم… و رح نيجي لاستراتيجيات التعليق و كيف تخلي المتابع الصح يتابع للأخير. طول المحتوى بيجي من انك عم تقدم الزبدة بدون شط و مط… يعني كل ما كنت فاهم الموضوع أكثر بيجي كلامك منظم أكثر و عدد أمثلته مدروسة أكثر… مواضيع العملات الرقمية العملات المشفرة تتشرحة للمتابع الصح الي واضح بالنسبة لك بدك مثال مثالين بالكتير و المفروض تكون وصلت الفكرة… ما عرفت توصلها … معناتها يا انت مش عرفان الموضوع صح و عايش بحالة وهم انك القصة كلها و صدقت حالك او المتابع الغلط وصل للمقطع الي ما فهمه و عبر عن شعوره بطريقة ان شاء الله راقية. بعض المواضيع بحاجة للطول… و غيرها بتيجي تحت مظله خير الكلام ما قل و دل. المشاهد، المستمع، القارئ في غنى عن الرغي… عشان هيك تويتر هي المنصة الاخبارية الانجح. تمام؟ و لليوم سلام. --- Send in a voice message: https://anchor.fm/hassanalsheikh/message

إنتاج المحتوى - الأفكار الملخص. كل ما حبيت الشغلة أكتر كل ما لقيت عدد لا متناهي من الافكار للحديث عنها. قبيلة. كيف الحال؟ نحن هون لانتاج أو صناعة المحتوى الي بيمثلك و مش عم تعمل الشغلة عشان الشهره إلي إتفقنا إنو رح تاخد شوية وقت لتيجي و مانها الهدف الأساسي… الشهرة تابع… المهم إذا أنت عم تعمل الشغلة… شغلة إنتاج المحتوى عن حب فصدقاً كل شيء في هذا الكوكب رح يحكي لغة المحتوى تبعك…. بتحب كرة القدم… حبة العلكة ممكن تعمل مباراة… بتحب تربية الأطفال… المشوار بالمول ممكن يشغل في عقلك عشرات الأفكار الرائعة لمواضيع ممكن نطرحها. التواجد على السوشيال ميديا و استهلاك المحتوى الي بيناسب اهتماماتي رح يعطيني افكار لا نهائية… القصة كلها انك اول ما تيجيك فكرة الموضوع اكتب اكتب اكتب…. جماعة خلص بتذكر بعدين بس اوصل بس قوم بس فيق بس خلص بس تبس عدوك الأول إن شاء الله… و الي هو الذاكرة…. ذاكرة الإنسان من أفضل الشغلات التي لا يعتمد عليها…. فاكتب… مش ضروري تكتب الموضوع كله في التو و اللحظة … إلا إذا زارتك إلهام… ولكن العنوان… بعض النقاط الرئيسية أو شو بدك توصل…. و بعدين استرسل… مش ضروري الموضوع يكون الموضوع الذهبي الي من خلاله رح تجيب مليار مشاهدة و تشد فيه كوكب الارض… لا… فيه الموضوع يكون جداً متخصص و هيك مواضيع بتشد الناس المتخصصة فقط…. و حلاوة هدول الناس انهم مخلصين للموضوع و متابعين بشغف اكثر من الناس الي عشوائياً عم بتدور على محتوى حتى ولو كان مفيد. مش ضروري يكون الموضوع الكل عم يحكوا عنه عشان نلحق و نركب الموجة و لو انو مش غلط ابدا… أصدقائي في شركات السوشيال ميديا بيخبروني أسبوعيا بالتريتندات (المواضيع) الي رح تنجم و يفتحوا عليها حنفية المشاهدات الاسبوع الجاي… عشان انا كصانع محتوى حاول انتج شيء يتناسب مع ما يريدون التركيز عليه في الفترة القادمة كمنصة. شوبك متفاجئ… اه فكرت انه الموضوع هيك لله في لله … و يا سبحان الله كيف ضرب الفيديو الفلاني او الشخص الفلاني ..؟ اه ايه… ان شاء الله… بس تَتُوصَل لهناك في مليون طريق لتعرف شو الي بيهم الناس حالياً في المجال الي انت بتحبه… ولو قلت لي ما بعرف او قلت لي ان الكل بده بس فيديوهات الترقص... بحب قلك انك ما بتحب المجال الي انت فيه اصلاً… مش ضروري ملايين المشاهدات و الكل مش جمهوري… كابيش؟ عند متابعة مستجدات التكنولوجيا مثلاً بعرف ان حالياً الناس الي في المجال او الي بتحب المجال والي حتى لو ماكانو كتار….. مهتمين بشو رح ابل تنزل بال wwdc و وان بلاس عم يقوى اكثر في الاعلام … و الميافيرس … ايثيريوم لل٥٠٠٠ و الاتحاد الاوروبي ناوي يخنق كل شركات التكنولوجيا الامريكية… ايلون ماسك… تسلا … تويتر… ايلون ماسك و تويتر… هدول هيك بسم الله… بعرف انك ممكن كتير ما تكون مهتم بالي حكيته هلا لانك داخل على فيديو من سلسلة كيف تبدإ رحلة إنتاج المحتوى… أو متل ما بيحب السوق يسميها صناعة المحتوى… ولكن المثال كان لانو في اخبار و مواضيع تحكي فيها رأيك عن كل شي… في دائماً مواضيع ممكن تضيف إلها … إذا مهتم طبعاً….. بدي ياك تتذكر شغلة مهمة جداً أنو إذا كان محتواك لا يخضع لعامل الزمن… يعني صالح لكل زمان و مكان فأنت عم تلعب لعبة الاستمرارية … لان اذا قرأت كتاب عن فوائد الماي كتب من ٤٠٠ سنة قديش برأيك بيكونوا المعلومات اختلفوا…. إذا قناتي كانت في حب اللغة العربية… هل برأيك إعراب الخبر رح يجيه تعديل بعد سنة ولا عشرة؟ اما محتوى عن شي دارج هلا… فممكن كمان شوي يا يصير درس تاريخ … او ينساه التاريخ… مستجدات التكنولوجيا اليوم ما الها ستين لازمة كمان اسبوع… محتوى عن الفنانين … عن حالة الطقس… عمرك شفت حالة الطقس الاسبوع الماضي؟ أو شو لبست فلانه من شهر؟ تربية الاطفال و التعامل مع المراهقين اليوم قد تختلف كمان سنة او عشرة بس بيضل القواعد واحدة لغاية ما يفرجها ربنا و هيك. حدد محتواك… حدد مشاهدك… حدد النقاط الي بدك توصلها و ما تتوقف عن الانتاج… الاستمرارية اهم من شو عم تقدك لغاية اليوم… الذكاء الاصطناعي بيشوفك كشخص ملتزم بيحبك فبيبعتلك مشاهدين و دورك تخليهم يضلوا يحضروا… الذكاء الاصطناعي بيشوفك شخص مزاجي يوم بينزل محتوى و عشرا لأ بيقلك خلي ولي … هاد مو تبع شغل.. تمام؟ و لليوم سلام. --- Send in a voice message: https://anchor.fm/hassanalsheikh/message

إنتاج المحتوى - القيمة الملخص. عطيني شي قيمته عالية رح خبر كل أصدقائي عنو. و عنك. و عنِك. و عنكن. قبيلة. كيف الحال. بتعرف لما تلاقي شي كتييييييير ممتاز بأي جانب من جوانب الحياة بيصير بدك كل الي بتحبهم يجربوه. غنية صاروخ. مقطع بيخليك تضحك من الدان للدان. طريقة تصليح غطا الفرن بثلاث خطوات. كيف تكسب فلوس من أغراض البيت القديمة. محل بيبيع كنافة طيبة. شو ما كان. إذا الموضوع كان جدًا واو. و خلاك تحس انك شخص أفضل بعد ما "إكتشفته" فسبعتلاف بالمية التصرف الطيبي انك تخبر أحبابك أو الأشخاص الي بحياتك بيعزو عليك و بإعتقادك انهم عم بيواجهوا مشكله و الحل لقيته في هذا المقطع فبيصير انو بدك تساعد و تنشر من غير ماحدا يقلك. اهااااا. هلا صار دورك كمنتج محتوى تحل المشاكل الحياتية بإضافة قيمة. ما تخلي ولا فيديو يطلع من عندك إلا و الناس مستفادة. مش عم احكي بس فايدة يعني دكتوراه و علاج السرطان. لا. النكتة الحلوة مفيدة للمنكد. الاغنية مفيدة للي عبالهم يرقصوا و يغيروا جو. طريقة حساب الميزانية الشهرية مفيدة للي فايت بالحيط من ورا ايدو المبخوشة/ المخرومة و المصروف من غير رقيب. هههه هاي أنا. و تذكر الفيديو الي ما بيعجبك بيكون مش الك كمشاهد. و انت كمنتج او صانع محتوى مش المفروض تحكي لغة الكل. لن تستطيعش أبدًا حقًا. لازم تحدد مين مشاهدك و تنتج محتوى اله. بتتذكروا حكينا عن الموضوع. بس التذكير كويس… المفروض. و بعمرك ما تضحك على الناس. او تستغبيها. أو تستصغرها. ثمبنيل (صورة غلاف) صاروخية بعنوان بعالج الفالج و بس يفوت لعندك المشاهد يلاقيك عم تسلق بطاطا و ما كنت صادق معه و كذبت عشان بس يتفضل عالمحل فانا كذاب و محتواك كذاب و المصداقية صارت صفر مكعب و شو رأيك انت الكذاب وين بروح؟ ايه ايه على المول. المهم. كون صادق. عطيني قيمة و ما تزودها أطلع مطبوخ من الفيديو. شغلة شغلتين بكل فيديو بيكون كتير منيح بشكل عام. و أكيد بتفرق على حسب نوع المحتوى. تمام؟ و لليوم سلام. --- Send in a voice message: https://anchor.fm/hassanalsheikh/message

قصة اليوم.....علبة القبلات.. عاقب أب إبنته التي لم تتجاوز من العمر 3 سنوات لإتلافها أوراق تغليف الهدايا ، حيث كانت حالته المادية ليست بجيدة ، و لذلك غضب حين رأى طفلته تحاول أن تزين علبه بين يديها .و في الصباح أحضرت الطفلة تلك العلبة الصغيرة لأبيها و هي تقول : هذه هديتك يا أبي.. تلعثم ،،، وعجز عن النطق ،،، توقفت ردة الفعل لديه ،،، و مع إلحاح البنت أخذ الهدية و قد أصابه الخجل ، لكنه عاد و إستشاط غضباً عندما فتح العلبة و أكتشف أن العلبة فارغة ،،، ثم صرخ : ألا تعلمين أنه حينما تهدين شخصاً هدية يفترض أن يكون بداخلها شئ ما ، ثم ما كان منه إلا أن رمى بالعلبة في سلة المهملات .. قالت البنت الصغيرة و عيناها تدمعان : يا أبي إنها ليست فارغة ، لقد وضعت الكثير من القبلات داخل العلبة وكلها لك يا أبي .. تحطم قلب الأب لدي سماع ذلك فشكر البنت كثيراً ، وعاد وأخذ العلبة وبدأ الأب يتظاهر بأخذ بعض القبلات من العلبة ، وإبنته تضحك و تصفق وهي في قمة الفرح ، و أصبح كل يوم يلعب معها و يقضيان وقتاً طيباً ،،، كبرت البنت و تزوجت و سافرت بعيداً عن أبيها و أصبح أبوها يشتاق لها كثيراً ، وكلما زاد شوقه لها أو تضايق من شئ أخرج علبة القبلات التي لا يزال يحتفظ بها وأخذ منها قبلات إبنته الحنونة فتكون كالبلسم على قلبه ..إن أحلى الهدايا لديكم هي وجود أحبتكم حولكم , فاستمتعوا بوجودهم معكم وتعاملوا معهم بأحسن الأخلاق .. و إياكم أن تفسدوا أيامكم بالتخاصم أو التباغض أو الهجران ،لأنه سيأتي يوماً سيرحلون عنكم ، أو سترحلون عنهم ، حينها ستندمون على أيامٍ مضت و لن تعود أبداً . ﺳَـﻨَﺮﺣـَﻞ ﻭَﻳـَﺒـْﻘﻰ الأَﺛـر انت غير وبنتي غير كانت تراقبه عن كثب، وهو يلاعب طفلته الصغيرة، ويداعبها حتى تضحك، وتقهقه ببراءة وعذوبة، كان مغرما بطفلته سعيدا بها، يحتضنها ويلاعبها، ويحملها ويغليها، وهي تراقب بهدوء ثم اقتربت منه وسألته: إلى أي حد تحبها..؟؟ فأجاب متحمسا وهو لا زال يلاعبها: إلى حد الجنون، إني أحبها بجنون، طفلتي غاليتي حبيبة قلبي، ماستي الثمينة. فاقتربت منه أكثر، وقالت له مازحة: غدا تكبر وتتزوج، ...... ترى ماذا ستفعل إن أساء زوجها معاملتها. فقال بحماس وجدية: سأقتله فنظرت للأسفل، وقالت: كنت طفلة في سنها ذات يوم، وكان أبي مغرما بي، سعيد بضحكتي وبراءة عمري، وكان حريصا على سعادتي، واجتهد في تربيتي، ومن المؤكد أنه تمنى لي الخير طوال حياتي، عندما جئت لخطبتي وافق عليك، لأنه اعتقد أنك الرجل الذي يستحق ثقته، والذي سيصون ابنته الحبيبة، ويسعدها، ..... أبي أيضا، كان ذات يوم أب مثلك، أحب ابنته التي هي أنا، وخاف علي وطواني في تلابيب قلبه، ليحميني من لفحات النسيم، اجتهد في تدليلي، وعز عليه رؤية الدمعة في عيني، وصارع الهوان ليطعمني، ويسقيني، ...... ثم بعد جهاده لأجلي ولرغبته في أن تكتمل سعادتي، زوجني بك، فالمرأة لا تكون سعيدة بلا زواج، ......... واختارك وحدك، أنت بالذات، لأنه وجد فيك الشهم الذي سيصون درته النادرة، وماسته الثمينة إلتفت نحوها، وقد بات يشعر بألم في رأس وتابعت الحديث بهدوء وود: ترى كيف ستشعر لو أن زوج ابنتك الذي أمنته عليها، يخونها، ويفطر قلبها، ويتركها وحيدة كل ليلة ..... وكيف تراك ستشعر لو أنك علمت أن زوج ابنتك يستولي على راتبها ليصرفه على رفاق السوء، وكيف ستفعل لو علمت أنه يحرمها حقها الشرعي، ويهينها، ولا يجالسها، وكيف ستفعل لو علمت أنه لأجل شجار صغير شق كل ملابسها، وكاد أن يمد يده عليها إن كنت تخشى على ابنتك من كل ذلك، فصن أمانة أبي، فإن الجزاء من جنس العمل....!!!! فسألها بعدوانية: إلى ماذا تلمحين....؟؟ أجابت بهدوء وانكسار: لست ألمح، لكني أذكرك وأسرد لك حكاية طفلة بريئة، وأب مطعون مغدور....!! ألست ستشعر بمرارة الغدر، حينما تجد الحارس الأمين، بات يغتال الأمانة، ألست ستشعر بسياط الذنب تقطعك لأنك لم تحسن الإختيار، إني أخاف على أبي، لأني متأكدة أنه لو علم ما أعانيه فسيموت حسرة وكمدا وإني لأخشى على ابنتي من انتقام المنتقم الجبار من أبيها الذي خان الأمانة، فأخشى أن يريه الله العبرة في ابنته فهل تحبها يا زوجي، هل تحب ابنتك، ....... ؟؟؟ نظر إليها غير مصدق وقال: أنت غير، وبنتي غير.......!!! قالت بهدوء وبرود: بل كلنا سواء، كما أنكم سواء، وغدا يجيء من يقول لابنتك، أنت غير وبنتي غير.......!!!! --- Send in a voice message: https://anchor.fm/hassanalsheikh/message

إنتاج المحتوى - كيف تِعَلَّقْ المشاهد الملخص. القصة كلها بكيف تخلي أول شي الناس تكبس على المحتوى تبعك. و بعدين تضل عم تسمع. تقرأ. تشوف. لاطول فترة ممكنة. كيف يعني؟ يعني الصورة … صورة الغلاف. - الثمبنيل الي على الفيديو مهمة جدًا جدًا جدًا و من ثم العنوان. لو عندك محتوى بيطول العمر و بيخليك شباب على طول و بدون تجاعيد و شعر أبيض و كرش و دهون و محدا فات يسمع أو يشوف شو استفدت؟ عم احكي هون عن الناس الي ما بتعرفك ومش فانزاتك الي معك عالموت. عم احكي عن المشاهد الجديد الي رح يساهم في توسيع دائرة المستفيدين من محتواك. هدول الي بدنا ياهم. إختيار ثمبنيل (صورة غلاف) مغرية و جذابة للعين و عنوان يثير الفضول رح يسعاد مليار بالمية صورة إلي فرطان ضحك. أو دائمًا دموع أو متفاجئ. أي شي بمشاعر بتخلي الي عم يشوف الصورة من برا يحس بشي. بدك المشاهد "يحس". كمان مثلا. الطريقة غير الصحيحة للعنوان الجذاب هو عنوان حلقة المثالية. كتير بارد. "إنتاج المحتوى - المثالية". ايه أهلين خير ان شاء الله شو بها؟ شو القصة. مافي جذب. هاد العنوان بس قبيلتي الي بيعرفوني و بيعرفوا شو عم قدم رح يكبس عليه. و هو انا معتمد عليهم لنشر هالفيديو بين أصدقائهم أكتر من إعتمادي على الذكاء الاصطناعي تبع المنصات للتسويق للفيديو. لو حطيت عنوان مثل. عقدة المثالية و حلها؟ ممكن يكون أحسن حبتين. أو شي متل مثاليتي سبب لأمراض ما توقعتها. ساعدوني. واو. خير شو في. أنا مثالي و مش مريض. ليش هو مريض. خليني فوت و شوف شو القصة. طبعاً مع صورة غلاف أنا مريض فيها أو مصدومة بجد و مش بنطق. و دخلنا. عندك ثواني تتشد العالم. بيعني عطيني الي بدي ياه باسرع وقت و بعطيك وقتي كمشاهد. لان الوقت هو الفلوس في عالم صناعة المحتوى. مش وقت المعد لا لا. وقت المشاهد. وقت المعد استثمار و العائدات و الارباح تأني من وقت المشاهد. إذا استثماري صح و عرفان شو عم اعمل فالربح عالي. و إذا اي كلام فالمشاهدات رح تكون أي كلام و هكذا. تأكد ان الصدفة ممكن تلعب دور في تنجيم و شهرة واحد من المحتويات. ولكن صدقني مافي حدا استمر بالحظ. القصة بدها دراسة لما يجذب المشاهد الخاص بمحتوياتك و تعطيه القيمة الي هو جاي على شانها. و الي بياخذنا لموضوع الحلقة الجاي تمام؟ ولليوم سلام. --- Send in a voice message: https://anchor.fm/hassanalsheikh/message

إنتاج المحتوى - الهيترز الملخص. إجعل من يراك يدعو ‏لمن رباك. لاتوقف. إذا انت ماشي و عرفان وين رايح ما رح توقف تهش كل كلب نبح على الطريق. ‏قبيلة كيف الحال ‏في موضة مش كتير جديدة بس زايدة شوي حبتين اسمها الهيترز او الكارهون او التنمر الإلكتروني او الذباب الرقمي. للاسف التخفي وراء الشاشات باسماء مستعارة للمبتدئين و حتى باسماء حقيقية الي بايعين الدنيا تحت مسمى أنا حقيقي و جاي (أبخ سم) قصدي أخلص البشرية من المحتوى إلي مش عاجبني اليوم فبقوم بسب حواجب مقدم المحتوى أو طريقة كلامها أو خلقة ربنا و هكذا. هالنمل عن جد بيسببوا مشكلة كبيرة للي ناويين يفوتو في عالم انتاج المحتوى مع ان التصرف معهم سهل جداً الله يرحم الي اخترع البلوك…. و كمان شكراً للفريق الي عمل البلوك الخماسي في فيسبوك و انستاغرام يلي بيعمل بلوك للحساب المهاجم و كل الحسابات التانية الي على نفس التلفون…. يعني المرة الجاي الي بدها تطن الذبابة بدها تلفون جديد و حساب جديد…. تاداااااا حلو صح؟ بس لسا تنضيف الكومنتات / التعليقات على المنصات شوي حبتين ممل و بعد فترة يا بتبطل يا الذكاء الاصطناعي بيصير يفهم بردحنا المتخصص و بيشيل الكره الي في نفوس بعض الناس. المشكلة مش مشكلة منصة على قد ما انها مشكلة وعي و ثقافة و مخزون شو محطوط براس الي امامك… يعني انا لما كون بفعاليات عم قدم و ماسك مايكروفون و عم احكي مع الناس بصادف كتير حالات جميلة من هالنوع من زمان من قبل ايام التواصل الاجتماعي… مايك بوش اي حدا حتشوف شو في بمخ هالكائن عالسريع… لانه و الله في ناس بتطلع اصوات غربية اول ما يصير عندها فرصة انو صوتها يعلى و مافي اعلى من صوت المايك… هلا للامانة في ناس سكرة مرباها جميل… كانو موجودين لما بابا و ماما ربو و تعلمو شغلات حلوة بتعطيه مايك بيطلع درر.. بيسلم… بينشر الخير… هدول هم انتوا القبيلة حبيباتي…. بتتذكروا لما قلتلكم ان القصة كلها مايندست / طريقة تفكير… بعدني عند كلامي … بس تقتنع من كل هالقصص الي قلناها اليوم ان الهيترز و المتنمرين الالكترونيين مشكلتهم عقلية شخصية ذاتيه ما الها علاقة لا فيك ولا محتواك و بس تتمكن من البلوك بتلاقي حديقتك الرقمية مليانه بتعليقات بترد الروح من ناس بتحسسك ان الدنيا لسا بخير. ضلك نظف صندوق التعليقات من كل شي مابدك ياه… حرية التعبير على قنوات العالم الخاصة مش بقناتك الخاصة… بيتك الاكتروني بيمشي بقوانين انت تضعها لضيوف محتواك… و بعدين كم حدا بيتفرج أو بيسمع للمحتوى و بينط على صندوق التعليقات تيشوف شو قايلة الناس…. تيحس متلهم…. حسس الناس بالسعادة و شيل النمل لان النمل بيجيب نمل… ما تترك ولا نملة…. خلص دبقنا…. تمام؟ و لليوم سلام. --- Send in a voice message: https://anchor.fm/hassanalsheikh/message

إنتاج المحتوى - المثالية المثالية التي أعنيها لها تعريف جميل بالهارڤارد بزنيس ريڤيو و الي بتقول ان المثالية سمة شخصية يسعى صاحبها للكمال و الخلو من العيوب و القصور بوضع معايير عالية و مرات فلكية لا يسطيع الوصول لها. و لكن في عقله ممكنة و بسيطة بس لو في وقت و بس لو في فلوس و بس لو في فريق عمل و بس لو في الماك ستوديو الترا و بس لو في…. فمعظم المشاريع "البيرفكت" بتعيش في عالم البكرا. التسويف. في الغالب سعي المثالي في المقام الاول هو ليس لتحقيق النجاح و لكن لتجنب الفشل. و هذا التوجه سلبي جدا. و السلبية بتجر سلبية. و خودلك على دوامة ساحبة لتحت. و كمان في عندك وحدة قياس الانجاز. هون الموضوع بيشل المثالي. أنا ما أنتجت بشكل مثالي إذًا أنا ناقص أنا فاشل و كل شي بحبه قلبك من قاموس إبليس لجلد الذات. و هاتك تعرف تطلع. بيقلك في العديد من الاحيان تم ربط المثالية بالمشكلات الصحية. اضرابات اكل قلق اكتئاب صداع نصفي اضطرابات شخصية من الي بيحبه قلبك. آخر شي في عالم السلبية الساحقة تحت مسمى المثالية. في الغالب يستمد المثالي قيمته من منجزاته و شو بيقول الناس عني. و الحلو انو بيقلك لاااااا كلااااا انااااا نو ويييي ولوووو. طيب و الحل ؟ هلا إذا كانت عندك السعي وراء الكمال مرضي. فينا نروح على دكتور نفساني أو معالج نفسي سلوكي معرفي. يساعد المريض على تغيير أفكاره ومعتقداته وبالتالي سلوكه اما اذا عندك وهم المثالية و تعودت انك تسوق لحالك على انك هيك و كذبت الكذبة و صدقتها فبطل بطل و بلش شوي شوي. بلش بمشاريع صغيرة و في حالتنا. محتويات صغيرة. و ما بعمرك تقييم نفسك بكلام الناس والي بياخذنا لموضوع حلقة بكرا و الي هو ذباب الانترنت و الفيدباك و الهيترز و الامراض النفسية الي بتشوفها بصندوق التعليقات و الي هي سبب حقيقي لعدم بدأ العديد من الاشخاص في رحلة انتاج المحتوى. تمام؟ و لليوم سلام. --- Send in a voice message: https://anchor.fm/hassanalsheikh/message

إنتاج المحتوى - التحضير بالكتابة. يا بكتب كل شي بدي قوله بالفيديو أو البودكاست أو بكتب النقاط الاساسية اذا أنا جدًا متمكن من الموضوع إلي رح أحكي فيه. لا يوجد مذيع أو مقدم محتوى يتحدث على أي قناة تلفزيونية مش مكتوب كل حرف بيتنفسه على الهوا. و بيتم استخدام اجهزة خاصة اسمها تيليبرومبتر بتعكس الحكي امام الكاميرا و بيقرأ منها المقدم. مع الممارسة و التدريب بتصير تقرأ كأنك عم تحكي. و الي هو التلوين الي ذكرناه في السابق. هلا في حالة مقدمين البرامج على التلفزيون في عندك بدل المعد عشرة أو عشرات. و المقدم الشاطر بيشارك في الاعداد ولكن في كل الحالات… شاطرين أو لأ… لازم تحضير. مارح تطلع قدام كاميرا ببرنامج ناجح من غير تحضير. نقطة انتهى. في حالة الإعلام الحديث و الي نحنا عم نشتغل عليه. و الي هو بوجة نظري أهم بحبتين من الإعلام التقليدي. أنت كل شي. أنت الي رح تعد و تصور و تمنتج و تسوق وا وا وا. يعني حضر و التحضير بيجي بالكتابة و القراءة أنا شخصيًا بستخدم تطبيق النوتس على الايفون. أبسط برنامج كتابة في كوكب الارض. ما فيه إلا إلي لازمني. بكتب فكرة في أي زمان و أي مكان. و بحط نقاط على هذه الفكرة إذا عندي شي قوله. إذا لا. بكتب فكرة و بتركها لأعمل بحث. عشان أقرأ و يصير عندي فكرة. بحب أكتب كل كلمة بدي قولها قدام الكاميرا و حتى النكت. البايخة و المنيحة. ايه ايه. كله مكتوب. بتذكر أول ما اشتغلت في الاذاعة من شي كتير سنة و نص كنت عم دور على مدارس إذاعة و تقديم في المنطقة ولم أجد و توجهت اونلاين و كانت ايامها الاونلاين صورتين و ويب سايت. هاد الحكي قبل ما يولد مارك زكربيرج مؤسس الفيسبوك تقريبًا. قبل يوتيوب كمان. المهم. لقيت سكريبت للحلقة الاخيرة لتقاعد مذيع قناة بي بي سي الاذاعية الأقدم للبرنامج الصباحي. و لأن الحدث كان في غاية الأهمية نقلوه على التلفزيون. نعم. نقلوا الحلقة مباشر لايڤ كاملة على التلفزيون. الشباب حتى الهاهاهاها كاتبينها. تيجي تقلي ما رح أكتب و مشيت ورا إحساسي بحب قلك يعطيك العافية. ما جايبنا ورا غير عدم التحضير. طيب خليني كون لطيف حبتين. كل ما حضرت أكتر بتكون دايما مسيطر؟ كويسة؟ أكتب. و بعدين إقرأ كل شيء كتبته. و عدل. إذا في بداياتك سجل عالموبايل و تفرج بعين الناقد. انقد حالك بس ما تكسر حالك. اتفقنا ما رح تزبط من أول ألف فيديو. تمام؟ و لليوم سلام. --- Send in a voice message: https://anchor.fm/hassanalsheikh/message

الزبدة؟ ما بحياتك رح تكون جاهز! سهلة ؟ خلص الفيديو تمام؟ و للي بدو الزيادة. هيَّا الى التفاصيل. بالستينات درسوا شوية علماء قمامير كمية الاستفادة من العلم للمتعلم و لخصوا الموضوع بشي سموه هرم التعلم. طلع يا سيدات يا سادة ان العملية التعليمية المبنية على المحاضرات ممتازة جدًا في تضييع وقت و حياة و روح المتعلم. يعنى بمعدل وسطي الي قاعد عم يسمع من محاضر في المجمل بيستطيع الاحتفاظ ب و الرجوع الى خمسة في المية من المطروح فقط. ايه ايه. جد مش مزح. هالكلام مكتشفينه من الستينات. ولسى المحاضرات شغالة على أبو جنب في المدارس و لم يتم تطويرها من أيام خوفو. و أفضل طريقة للاحتفاظ ب و الرجوع الى ٩٠٪؜ من المعلومات تأتي بتدريسها و تعليمها للغير أو تطبيقها بشكل مباشر. يعنى المحاضر مستفاد أكثر من التلاميذ. خير ان شاء الله. و المحاضر هو منتج المحتوى الى عم يقدم شيء لجميع من هو مهتم في المجال المطروح. فجماعة عم جهز حالي. و بسمع محاضرات و ما عم ضيع ولا ثانية من وقتي. عم اسمع كتب و انا عم كنس البيت. عم اقرأ كل يوم قبل ما أنام. مسحت التيكتوك و الانستاغرام و استبدلتم بكورسات تيد يعطيكم ألف عافية. جميل الي عم تعملوه. خمسة في المية استفادة بتظلها احسن من صفر في المية. و لكن شو رايك ب ٩٠٪؜. بالله عليك مش أحسن شوي؟ شو يعني يا حسان. يعني تعلم و علم. ما تفتي. و شارك رحلتك مع الي انت سابقهم بخطوة. أو خطوات. كون الدافع لغيرك انو يستفاد من ما تعرفه. قد لا يكون الكثير بوجهة نظرك الي ما بعرف من وين جايبها بس بتضلها أكتر من غيرك. كتاب. فيديو تعليمي. مصلحة أو خبرة حياتية مهتم أنت فيهم. لخص أول تشابتر / فصل و علِّم حدا غيرك شو تعلمت. بحب. مش بتنمر و تعالي. مش إنك أحسن من غيرك. غرور المعرفة حقيقة الله يبعدها عنا يا رب. هاد بالنسبة لما يتم طرحه. جينا هلا لكيفية الطرح فيديو. صوت. صورة. كتابة. بما انك عم تحضر هالفيديو أو عم تسمع البودكاست فإنت جاهز. بإيدك الجهاز الي رح تنتج من خلاله محتواك. هالحلقة حضرتها و كتبتها على نفس الموبايل / الجوال الي صورتها عليه. و الموبايلات فيها تطبيقات للمونتاج و تعديل و انتاج المحتوى بين المجانية و المدفوعة. انت و استطاعتك المادية. ما تخلي شي يوقف بطريق تحقيقك لهدفك. كله موجود. لا مش لازمك الماك ستوديو الي عند فلان و فلان. لا مش لازمِك الاضاءة الفلانية الي كل الأنفالاوانسارز بيحكو عن الرنج لايت الفلاني و لازم أجيبو. شركات الاضاءة عم تقلد ضو الشمس و الشمس ببلاش لكل المخلوقات و لله الحمد. تعلم تستفيد من الموجود. تمام؟ و لليوم سلام. --- Send in a voice message: https://anchor.fm/hassanalsheikh/message

قبل ما بلش أي شي بدي خبركم أنو مبارح إيلون مسك عرض يشتري تويتر ب ٤٣ مليار دولار. لايمانه باهمية المحتوى الرقمي على منصة متل تويتر. لايمانه باهمية حرية و أهمية التعبير. لايمانه باهمية المحتوى. ٤٣ مليار ايه. و فهمكم كفاية. الناس بتحب القصص. بتحب الحكايات. بتحب البداية و الحبكة و النهاية. القِصص هي الطريقة المثلى لتعلم أي شخص و كيف بتقول هاي القصة. السرد. الإلقاء. الخطابة. هنن الطريق الي بتعطي للقصة حياة أو بتقتل أمتع القصص. في عدد لا متناهي من مدارس الإلقاء. و أساتذة هذا الفن. هناك نقاط تتقاطع بين كل هذه المدارس و إلي رح نذكر بعضهم. بوجهة نظري الخاصة أدوات الإلقاء تعتمد و ترتكز على الثقة في النفس و الي بتيجي من التمكن من ما تقدمه. --- Send in a voice message: https://anchor.fm/hassanalsheikh/message

قبل ما نبدأ في نقاط بدنا نتفق عليها: اذا انت من جماعة مستحيل تزبط معي. او مستحيل اكون منتج محتوى. او الظروف يا حسان او شكلي او صوتي او اهلي او الجن الازرق. انت صح. مش رح تزبط معك و انت بهيك عقلية. هادي السلسلة مش الك. اذا الهدف الاساسي الشهرة. ممكن لوسمحت... لأ شكرًا. هذا الفيديو مش الك. القصة بتاخد وقت. وقت لانتاج المحتوى و وقت للانتشار. جماعة ما زبطت معي من أول مقطع او من اول شهر او حتى سنة وتنين و ثلاثة. هذا الفيديو مش الكم. القصة بدها التزام. جماعة جاي عبالي و ما جاي عبالي. مزاجي اليوم و نفسيتي بكرا. جايتِك و جايتَك …. سعاد و سمير. الفيديو مش الكم. القصة بدها صبر. و بال طويل. بدها تمتع بالي عم تعمله من تعلم لشغلات كتير جديدة و شغلات ولا مرة عاملينها من قبل. بدها كسر لحاجز الخوف من حكم الناس. لانو ما رح تزبط معك ألف مرة. والعالم بياعة الحكي رح يعلى صوتهم ولكن بالاستمرار و النجاح رح يصيروا يحلفوا بالله انهم بيعرفوك. القصة كلها "مايند ست" يعني عقلية. طريقة تفكير. انك تعيش الي بدك تقدمه. انا بحب التكنولوجيا. و بتابع تكنولوجيا كهواية فإنتاجي للمحتوى التكنولوجي رح يكون أسهل من تقديمي لمحتوى كرة القدم إلي ما بعرف عنها شي مثلًا. ما تتوقع تتعلم كل شي من شخص واحد. بدك بودكاست تعلم خطابة و القاء و فن التعامل مع المايك أدوات التسجيل و تعديل و تحرير الصوت. بدك فيديو و مقاطع مصورة تعلم تصوير و إضاءة و تسجيل صوت و مونتاج. إيه إيه القصة جد. بهالزمن الي ما بيتعلم الله يرحمه. بس ما تفهم شي عليك بجوجل و اليوتيوب. كون أشطر واحد لانك تلاقي ألف مصدر لأي سؤال. ركزلي على تعدد المصادر الله يهديني. اتفقنا ؟ حبيباتي قلبي قبيلة. --- Send in a voice message: https://anchor.fm/hassanalsheikh/message

هل شاشة الستوديو ديسبلاي من ابل بتستاهل شوف إذا انت عم بتدور على شاشة: - ٢٧ انش - دقتها 5k - فيها كاميرا و سنتر ستيج - سماعاتها منها و فيها و صوتهم كتييييييير حلو. سبيشال أوديو. - مايكاتها الثلاثة واضحين كنك باستوديو - مابدك درجة سطوع اكتر من ٦٠٠ نتس - ما بدك اكتر من ٦٠ هيرتس ريفريش ريت - بورتات يو اس بي سي و كمان ثاندربولت ٤ - و كتير بتلبق مع طقم ابل الي حاطه على الطاولة إذًا هالشاشة الك بالمية مية. و صراحة. أكتر من ٩٠٪؜ من المستخدمين مش لازمهم أكتر من هيك أبدًا (احصائيات شركة من بيتنا للعد و التنظير) هاي مش شاشة جيمرز. الجيمرز الهم شاشاتهم و مفضلاتهم. هاي الشاشة مش للبروسومرز (المستهلك الاحترافي جدًا). البروسومرز الهم برو ديسبلاي اكس دي ار. هاي الشاشة لمنتج المحتوى المخرج الجرافيك ديزاينر للمبرمج للمصور للموسيقي و الديجي لمصمم الازياء للي عم تعمل بحث الجامعة و هون بنيجي لنقطة مهمة السعر هاد السعر مش محطوط لتسعير التكنولوجيا المستخدمة في هذه الشاشة لانو كل شي فيها تقريبا عمره خمس سنوات بالميته. هاد السعر محطوط عشان النفسية. نفسية المشتري. هاد السعر محطوط ل"صنع" احساس الفخامة. الفخامة النفسية. الشغلة ما إلها علاقة بالتكنولوجيا على قد مالها علاقة بالانتماء لجماعة ما. لطبقة من قدرة شرائية ما. لبراند ما. براندنچ نفسي بس بتضلها حلوة. --- Send in a voice message: https://anchor.fm/hassanalsheikh/message

هل الماك ستوديو الترا من ابل بيستاهل؟ الجواب المختصر أكيد جدًا نعم بالطبع حقًا ولكن وال"ولكن" هون بتعتمد على مين الي عم بيسوق. أعمال السكرتاريا و المحاسبة لا أعمال الابحاث و تصفح الانترنت كمان لا أنا بتفرج يوتيوب كتير. ايه هي متل الي قبلها. و الجواب كمان لا جيمز؟ إذا جيماتك من ابل فممكن ولكن الترا؟ عنجد الترا؟ طيب خليني غيرها ل"لأ لسى" الملخص إذا حياتي مافيها مصطلحات متل رندر. إكسبورت. فلتر. إيفكت. كومبايل. و إخواتهم و ولاد عمهم و بشكل يومي. فهذا الجهاز مش إلي. وهون "الترك" أو "التوكة" أو "كيف أضرب عصفورين بحجر مع عمو تيم كوك و فريق العمل" لانه الشباب رفعوا مش السقف. هنن رفعوا القاعدة الي رح يبلشوا فيها مرحلة جديدة و عاطين الكوكب الرقمي الوقت الي بدهم ياه عشان ينضموا للرحلة ايه لانو اذا هيك عم نبلش (نبدأ) فيا شباب و شابات التطوير و البرمجة شدوا همتكم لتطوير برامج بتعرف تستغل هالقوة و السرعة الجبارة المقدمة في بوكس صغير. و يا شركات العتاد / الهاردوير هِزُّولِي كتافكم و أنتجوا إكسسوارات و شغلات بتستفيد من السرعة المطروحة و ما بتخنقني و بتعيشني في عنق الزجاجة. الوضع الحالي في الغالب. كنك جاي تِفَضِّي البحر بمعلقة شاي. المهم نرجع لمطوري المحتوى. شوف مين المستفيد رقم واحد والي هالجهاز انعمل عشانه الي بيقدر الوقت و عنده شغل أو أشغاااال و بده يخلص و ما يقضي نص عمره ناطر الرندر أو الاكسبورت أو تطبيق الفلتر أو الإيفكت. الكومبايل. و أخواتها و بنات عمها. الي لازم ينتج كميات من المحتوى بشكل مستمر. و كبير. و كتير. يعني زيادة المخرجات و تقليل الوقت. تخيل مثلا غرفة أخبار بقناة تلفزيونية. كم فيديو لازم يطلعوا و قديش معهم وقت؟ الي عنده كلاينتس بيشلوا و بيطلب منك سبعتين نسخة من اللبروجكت مع تغييرات ما الها ستين داعي و دائمًا بياخد أول شي قدمتلوا ياه بعد مايكون مرق بمراحل تحول القمر كاملة لوصل القمر كيف كان أول الشهر و بعدين بقلك هاه. شفت. هيك أنا بدي. و بيضربك من نية إنو عم يعلمك شغلك و لولاه إنت لازم تفتح مطعم. إلى بيستخدم سوفتويرات عرفانة تستغل كل ترانزيستور من الابل سيليكون و الي الورك فلو (آليه أو نظام عمله) بيعتمد عليهم. و في الغالب اليد العليا هو لسوفتويرات ابل. لغاية الان اذا كانت المخرجات "ابلاوية" الفيدو كودك من و الى ابل مثلا. الكومبايل اكس كود الباونس لوجك و غيرها. هلا خلي في بالك نقطة جدًا مهمة. انو كمان غيرهم سريعين جدًا جدًا جدًا. بس بتضل الاولوية من و الى ابل. نقطة أخيرة و هي في غاية الأهمية للعديد من المبدعين و منتجي المحتوى. في ناس بتحب تشتغل عالبحر إلهام ما بتيجي الا هناك (او بالكافيه او بالترين) و مافي فيشة كهرباء. الموبيليتي و الي هي القابلية للعمل أثناء الحركة جزء مهم من طبيعة عملهم أو الورك فلو. فخلي بالك من هاي النقطة و ما تتحمس عالباور العالي و تنسى انت مين. جماعة حبيتو و حبيبي غير و بكرا بيتغير ما بتزبط هون. --- Send in a voice message: https://anchor.fm/hassanalsheikh/message

مرحبا ماك ستوديو الترا

أنا شايف شاشة أبل الجديدة غير أنا صراحة شايف أن مقارنة التفاحة (أبل) مع أي منتج آخر هي مقارنة غير منصفة (لأي طرف) لأن الشركة في رأيي المتواضع لا تسلك أي سلوك يدل على أنها في السوق للمنافسة أو لطرح منتجات فقط لأن عمرو و زيد عندهم نفس المنتج. هذه الشاشة هي من أبل لأبل و ليست للاستخدام مع الأجهزة الأخرى على الرغم من استطاعتك لذلك. الهدف الاول و الوحيد هو مستخدم أبل و تجربته في الاستخدام. الشاشة الجديدة من أبل ما عملوها للألعاب، ولاكن فيك تلعب معظم ألعاب أبل عليها بكل جمال. شاشة أبل الجديدة لا تحتوي على العديد من المواصفات التقنية الجبارة المتوفرة في شاشات أخرى ولكن السؤال الأدق هو: ما أهمية ذلك؟ لا يوجد منتج واحد يناسب أو يلبي متطلبات الجميع. وضوح صورة المستخدم المراد في و لكل المنتجات المطروحة مَيَّز هذه الشركة و هذا لايعني بالضرورة الكمال و الدوام ولكنه يعني “الجماعة عارفين شو عم يعملوا كتير منيح” محبتي دوت كوم --- Send in a voice message: https://anchor.fm/hassanalsheikh/message

قبيلة... كيف الحال؟ رحلة جديدة بنحكي فيها عن الأدوات الي لازمتنا للرحلة القادمة لمواجهة المتغيرات... مافي شغل؟ شهادة الجامعة بطَّلِت تكفي؟ طيب في شهادة و مافي شغل؟ وين المشكلة؟ من مين المشكلة؟ بوجهة نظري المتواضعة لازم نعمل أبديت لنظام بابا و ماما القديم... تبع شهادة وظيفة و تزوج و خلف و لووووب. هناك طرق لانهائية هالأيام لكسب العيش و كلها استجدت بسبب التكنولوجيا و التطور العلمي. فبدل ما تقضي وقتك عم تستهلك المحتوى الغير مفيد رح نتعلم نغيير عاداتنا و رح نتعلم نحب التكنولوجيا و العلوم و الفضاء و الإستثمار و بالأخير ننتج. --- Send in a voice message: https://anchor.fm/hassanalsheikh/message

make sure you support our future DR. Silouane on her social media accounts. Silouane LM

Positive lifestyle

a bit of tech talk and a few emails. --- Send in a voice message: https://anchor.fm/hassanalsheikh/message

when your own family are not supportive of your dreams. --- Send in a voice message: https://anchor.fm/hassanalsheikh/message

Jeje| جيجي

she's studying something that she doesn't like while spending more time daily doing what she loves?!!!! --- Send in a voice message: https://anchor.fm/hassanalsheikh/message

a bit of tech talk and a few emails. --- Send in a voice message: https://anchor.fm/hassanalsheikh/message

a bit of tech talk and a few emails. --- Send in a voice message: https://anchor.fm/hassanalsheikh/message

a bit of tech talk and a few emails. Bitwarden Password Manager: https://bitwarden.com/ Podcast Ana W Marti: https://open.spotify.com/show/3B3mdS4NTwgKR9bzD4yPtU --- Send in a voice message: https://anchor.fm/hassanalsheikh/message

a bit of tech talk and a few emails. --- Send in a voice message: https://anchor.fm/hassanalsheikh/message

a bit of tech talk and a few emails. --- Send in a voice message: https://anchor.fm/hassanalsheikh/message