Iniciativa nes Ondes: Mensual

Iniciativa nes Ondes: Mensual

Follow Iniciativa nes Ondes: Mensual
Share on
Copy link to clipboard

TOLES MESES INICIATIVA TA NES ONDES Sienti’l programa radio de l’Asociación “Iniciativa pol Asturianu” áu falaremos tolos meses na nuesa llingua y de la nuesa llingua asturiana. El programa radio d'Iniciativa pol Asturianu, dirixíu por Samuel Gradín, ufre a los oyentes de les emisores que collabor…

Iniciativa pol Asturianu


    • Dec 14, 2019 LATEST EPISODE
    • infrequent NEW EPISODES
    • 48m AVG DURATION
    • 20 EPISODES


    Search for episodes from Iniciativa nes Ondes: Mensual with a specific topic:

    Latest episodes from Iniciativa nes Ondes: Mensual

    Caberu programa d'@IniciativaxAst dempués de 7 años nes ondes

    Play Episode Listen Later Dec 14, 2019 16:22


    Facemos la dispidía d'esti programa radio dempués de 7 años nes ondes. Por mor de la xera que tamos faciendo na nuesa plataforma dixital "Alderiques d'Asturies", pesllamos equí la collaboración cola asociación Iniciativa pol Asturianu y, pa ello, contautamos col so Presidente Iván Llera col que facemos un balance a lo más de cien programes emitíos toos estos años. Gracies a toes y a toos por tar ehí. Vémonos y sentímonos na rede. www.alderiquesdasturies.com

    Falamos con @BertuOrdiales de @SabenciaAst y col nuesu Presidente @ivanllera_ @IniciativaxAst nes Ondes -Payares 2019-

    Play Episode Listen Later Nov 4, 2019 56:53


    Nesti nuevu programa de Payares, vamos falar col biólogu Bertu Ordiales col qu'afondaremos nel proyeutu que tien el nome de Sabencia. Amás fadremos un repás a les noticies más destacaes de les feches pasaes col nuesu Presidente, Iván Llera. www.alderiquesdasturies.com

    Tesis n'asturianu del biólogu Xurde Menéndez, repás de noticies con Iván Llera y #DeprendiLAsturianu -Setiembre 2019-

    Play Episode Listen Later Sep 15, 2019 58:08


    Nel programa d'esti mes de Setiembre entamamos falando col biólogu Xurde Menéndez que cola so tesis al rodiu los RNA algamó sobresaliente cum laude amás de facer usu de trés llingües nel so trabayu: l'inglés, el castellán y l'asturianu. Darréu contautamos col nuesu Presidente Iván Llera col que facemos un repás a les noticies más importantes rellacionaes col idioma nes pasaes feches. Pa rematar ufiertámosvos la sección de la nuesa mayestra Ana María Suárez áu deprendemos custiones de la propia llingua asturiana. www.alderiquesdasturies.com

    @IniciativaxAst na #FIMDA con @XuanPandiella -Agostu 2019-

    Play Episode Listen Later Aug 17, 2019 31:13


    N'esti programa d'agostu averámonos a la Feria Internacional de Muestres d'Asturies pa charrar fonderamente con Xuan Pandiella, ún de los encargaos de llevar alantre l'estand d'Iniciativa pol Asturianu n'esta cita percélebre del branu. Con él conocemos qué empreses s'incorporen esti añu al so espaciu amás de dar la bona anuncia de tener disponible'l doble sitiu pa esparder el llabor de la nuesa organización. www.alderiquesdasturies.com

    Afondamos nos planes del nuevu Presidente d'@IniciativaxAst Iván Llera @teleadictoyque -Xunetu 2019-

    Play Episode Listen Later Jul 31, 2019 51:49


    Nel programa d'esti mes de xunetu, entamamos charrando con Inaciu Galán que dexa la presidencia de la nuesa organización por mor de los estatutos de la mesma anque garra la responsabilidá de rellaciones institucionales. Facemos un balance de los sos años al frente d'Iniciativa pol Asturianu. Darréu, falamos fonderamente col nuevu Presidente Iván Llera que mos cunta cómo foi'l procesu de la so eleición y los planes que tien pal futuru. www.alderiquesdasturies.com

    II Seminariu d'@IniciativaxAst - Entrevistes con @inaciugalan, @InaciuIglesias y Leopoldo Tolivar @LAurelioTh -Mayu 2019

    Play Episode Listen Later May 14, 2019 55:45


    Nesti programa de mayu facemos un monográficu al rodiu'l II Seminariu d'Iniciativa pol Asturianu: #oficialidá el camín constitucional de futuru pal #asturianu. Pa ello cuntamos con: -Inaciu Galán, Presidente d'Iniciativa pol Asturianu -Inaciu Iglesias, Conseyeru Delegáu de Cartonaxes Vir -Leopoldo Tolivar, Catedráticu de Drechu Alministrativu na Universidá d'Uviéu. www.alderiquesdasturies.com

    .@IniciativaxAst nes Ondes nel Colexu Públicu "Nuestra Señora de la Humildá" con @SilviaQuesada -Soutu Lluiña (Cuideiru)

    Play Episode Listen Later Apr 21, 2019 42:31


    Treslladámonos al Colexu Públicu "Nuestra Señora de la Humildá" en Souto Lluiña nel Conceyu Cuideiru, pa facer un programa perespecial coles/os escolines/os y la cantante Silvia Quesada. Les/os nenes/os fadrán una montonera entrugues a la propia Silvia amás de tener una sorpresa pa rematar esti programa. www.alderiquesdasturies.com

    .@IniciativaxAst nes Ondes -Abril 2019- con @VitorSuarez ya @inaciugalan

    Play Episode Listen Later Apr 19, 2019 53:07


    Esti mes visítanos Víctor Suárez Piñero nel nuesu estudiu, l'encargáu de la torna al asturianu de la obra percélebre de Leopoldo Alas Clarín "La Rexenta". Víctor ye amás ún de los más activos na igua de la wikipedia n'asturianu y una persona metida tamién en política. Darréu contautamos col nuesu Presidente, Inaciu Galán, pa facer un repás de les noticies más granibles de los pasaos trenta díes. www.alderiquesdasturies.com

    .@IniciativaxAst nes Ondes -Marzu 2019- con Álvaro Cueto de @MMelandru y Presentación de "Aire, fueu y deseu"

    Play Episode Listen Later Mar 9, 2019 48:58


    Nesti nuevu programa entamamos contautando col miembru del grupu musical asturianu "Melandru", Álvaro Cueto. Con él afondaremos nel estilu post-rock que faen amás de sentir un canciu del so trabayu discográficu. Tuvimos na sede de l'Academia de la Llingua Asturiana onde'l poeta Juan Carlos García Hoyuelos presentó'l so llibru "Agua, fueu y deseu". Pa rematar, la nuesa mayestra Ana María Suárez fálanos de los prefixos n'asturianu. www.alderiquesdasturies.com

    .@IniciativaxAst nes Ondes -Febreru 2019- con Ivan Prieto d'@EntainaRibeseya , @inaciugalan y #DeprendiAsturianu

    Play Episode Listen Later Feb 10, 2019 44:02


    Esti mes de febreru son trés los temes que vos ufiertamos: -Entamamos diendo al Conceyu Ribeseya pa falar con Ivan Prieto de l'asociación "Entaína Ribeseya" qu'organiza les Primeres Xornaes de la Sidre. -Col nuesu Presidente, Inaciu Galán, fadremos un repás a les noticies más granibles del pasáu mes. -Rematamos cola nuesa mayestra d'asturianu, Ana María Suárez, que mos fala de les ventayes del deprendizaxe de delles llingües al mesmu tiempu. www.alderiquesdasturies.com

    .@IniciativaxAst nes Ondes -Xineru 2019- Falamos del #Estremeñu con Carlos del Sol d'@OscecEstremaura

    Play Episode Listen Later Jan 17, 2019 51:57


    Nesti primer programa del añu 2019, ta con nós nel nuesu estudiu Carlos del Sol que pertenez a Oscec Estremaúra, un "Coletivu pola defensa i el promovimientu del #Estremeñu". Con él afondaremos na conocencia d'esta llingua hermana que pertenez al tueru común del asturllionés y la so situación anguaño. www.alderiquesdasturies.com

    .@IniciativaxAst nes Ondes -Avientu 2018- Bolos con @CarlosSuari , Xornaes Estudiu @prosperomoran , #DeprendiAsturianu

    Play Episode Listen Later Dec 16, 2018 56:57


    -Nuevu programa mensual d'Iniciativa pol Asturianu nes Ondes- Nel programa d'esti mes entamamos falando fonderamente del deporte los bolos con tou un especialista nesta estaya, Carlos Suari. Darréu sentiremos l'estudiu fechu y presentáu nes Xornaes d'Estudiu de l'Academia de la Llingua al rodiu la introducción del asturianu nes escueles. La nuesa mayestra particular Ana María Suárez va enseñanos delles custiones al rodiu los verbos n'asturianu. Pa rematar, el nuesu Presidente Inaciu Galán quier felicitar estes fiestes vinientes a tolos que mos siguís. www.alderiquesdasturies.com

    .@IniciativaxAst nes Ondes nel Día La @Reciella -Payares 2018- con @inaciugalan, Iris Díaz, @davidguardado, etc

    Play Episode Listen Later Nov 6, 2018 42:15


    Nesti programa del mes de payares apurrímosvos l'especial que fiximos nel Muséu del Pueblu d'Asturies en Xixón por mor del VI Día de La Reciella. A lo llargu'l mesmu vamos afondar na importancia que tien la tresmisión xeneracional pal caltenimientu del idioma asturianu con dellos convidaos/es. www.alderiques.com

    .@IniciativaxAst nes Ondes na #Fidma2018 -Setiembre 2018- con @XuanPandiella , @dsolislletres , @CuatroGotes , ....

    Play Episode Listen Later Sep 29, 2018 45:17


    Nel programa d'esti mes de Setiembre de 2018 averámonos a la Feria Internacional de Muestres d'Asturies pa conocer fonderamente'l stand d'Iniciativa pol Asturianu. Pa ello, vamos charrar con dellos convidaos que van dir pasando a lo llargu'l nuesu espaciu radiofónicu. www.alderiquesdasturies.com

    .@IniciativaxAst nes Ondes na #UABRA18 -Agostu 2018- con Iglesias secretariu @uabra @ALLA_ast , @claudiaele_rsg , ......

    Play Episode Listen Later Aug 15, 2018 56:32


    Esti mes d'agostu desplazámonos a Cangas del Narcea pa facer un programa especial na UABRA 2018. Cuntaremos con Xosé Ramón Iglesias, Secretariu de la Universidá Asturiana de Branu; con Claudia Menéndez, mayestra nel cursu d'Asturianu Básicu; con Inaciu Galán, Presidente d'Iniciativa pol Asturianu y ún de los mayestros del cursu de Xestión Cultural y con Chuán que vien d'Aragón interesáu nel afondamientu del nuesu idioma. www.alderiquesdasturies.com

    .@IniciativaxAst nes Ondes -Xunetu 2018- con @inaciugalan repás de noticies y @DLobete d'@alcuentrucant

    Play Episode Listen Later Jul 15, 2018 53:32


    Esti mes de xunetu de 2018 facemos l'estrenu del nuesu nuevu estudiu radio na ciudá de Xixón y la meyor manera facelo ye cuntar col nuesu Presidente, Inaciu Galán, col qu'afondamos nes noticies y anuncies cimeres de les pasaes selmanes. Güei cruciamos les llendes d'Asturies pa dir a Cantabria y charrar con Daniel Lobete que ye ún de los miembros de l'asociación "Alcuentru". Dende ellí, tan trabayando perbien pola defensa y promoción del cántabru, llingua del nuesu tueru común asturllionés. www.alderiquesdasturies.com

    .@IniciativaxAst nes Ondes -Xunu 2018- con @inaciugalan repás de noticies y #deprendilasturianu

    Play Episode Listen Later Jun 24, 2018 26:24


    Un nuevu programa d'Iniciativa pol Asturianu nes Ondes un pocu más curtiu de lo que ye vezu. Nel mesmu contautamos col nuesu Presidente, Inaciu Galán, col que facemos un repás a les anuncies y noticies de les últimes selmanes. Nel nuesu requexu de deprender la nuesa llingua, Ana María Suárez cúntanos delles custiones al rodiu l'apostrofación. www.alderiquesdasturies.com

    .@IniciativaxAst nes Ondes -Mayu 2018- René Durán @renexdu de @ElXarabatu , @inaciugalan y #deprendilasturianu

    Play Episode Listen Later May 13, 2018 59:14


    Nel programa d'esti mes de mayu entamamos diendo pal Conceyu Llaviana onde se cellebra'l 3er Requexu Lliterariu "El Xarabatu". El so alma mater ye René Durán. Como ye vezu nel nuesu espaciu radiofónicu, facemos un repás a les noticies más granibles al rodiu la nuesa llingua col Presidente de la nuesa asociación, Inaciu Galán. Pa rematar, la nuesa mayestra Ana María Suárez pónnos a un guah.e del so colexu Asturamérica de Cuideiru que mos cunta un rellatu "El Festival Hortícola" www.alderiquesdasturies.com

    .@IniciativaxAst nes Ondes -Abril 2018- Miguel Monteavaro SNL Grau/Candamu - @Naves_pater Pte. Hostelcur @gijonhc -.....

    Play Episode Listen Later Apr 8, 2018 57:05


    Nel programa d'esti mes d'abril entamamos diendo pal occidente del país pa falar con Miguel Rodríguez Monteavaro, responsable del Serviciu de Normalización Llinguística de Grau y Candamu. Faremos un repás a les noticies más importantes al rodiu la nuesa llingua nesti mes andáu cola voz de los protagonistes. L'Hostelcur Xixón proclamóse por quinta vegada Campeón d'Europa de h.oquei sobre patinos. Xuan Ramón Naves ye'l so Presidente que mos cuntará esti hestóricu fechu del deporte asturianu. Pa rematar deprenderemos asturianu cola nuesa mayestra Ana María Suárez. www.alderiquesdasturies.com

    .@IniciativaxAst nes Ondes -Marzu 2018- Homenaxe Quini: C. A. Barcelona/#OficialidáEnCamín @inaciugalan/@AcademiaCineAst

    Play Episode Listen Later Mar 11, 2018 63:06


    -Nuevu programa mensual d'Iniciativa pol Asturianu nes Ondes- Entamamos el programa d'esti mes de marzu diendo pa Barcelona pa falar con Enrique Delgado, Presidente del Centru Asturianu de Barcelona, que foi l'encargáu de la torna del himnu del F.C. Barcelona al asturianu nun homenaxe que-y dió la emisora privada RAC1 al futbolista fináu nes pasaes feches, Enrique Castro "Quini". La nuesa asociación -Iniciativa pol Asturianu- organizó un Seminariu col títulu de "Oficialidá: el camín constitucional pal futuru del asturianu". De tou ello, charramos con Inaciu Galán. Fai unes selmanes ñacía L'Academia del Cine Asturiano. Un miembru de la so Xunta Directiva ye'l realizador audiovisual asturianu, Pablo Quiroga Prendes col qu'afondamos nesta guapa anuncia. Pa rematar, cola nuesa mayestra Ana María Suárez deprendemos delles cosuques de los ecosistemes de costa. Música: Trasmerana del Discu Lliendes (2006) del grupu asturianu Xera TOLES MESES INICIATIVA TA NES ONDES www.alderiquesdasturies.com

    Claim Iniciativa nes Ondes: Mensual

    In order to claim this podcast we'll send an email to with a verification link. Simply click the link and you will be able to edit tags, request a refresh, and other features to take control of your podcast page!

    Claim Cancel