SBS Khmer - SBS ខ្មែរ

Learn a new phrase and make your English sound more natural and interesting. Words We Use is a bilingual series that helps you understand idioms like ‘Banger'. - រៀនឃ្លាថ្មីមួយ ហើយធ្វើឱ្យភាសាអង់គ្លេសរបស់អ្នកស្តាប់ទៅកាន់តែដូចធម្មជាតិ និងគួរឱ្យចាប់អារម្មណ៍។ Words We Use គឺជាស៊េរីផតខាស្តិ៍ពីរភាសាដែលជួយអ្នកឱ្យយល់អំពីសំនួនវោហារដូចជាពាក្យថា 'Banger'។

** ការចរចាសន្តិភាពរយៈពេល ៦០ ថ្ងៃ រវាងសហរដ្ឋអាមេរិក និងអ៊ីរ៉ង់ ចាប់ផ្តើម… ** ការអំពាវនាវរបស់លោកស្រី Pauline Hanson ឱ្យប្រទេសអូស្ត្រាលីមាន”ឯកវប្បធម៌” ត្រូវបានបដិសេធដោយមេដឹកនាំសហគមន៍... ** ការធ្វើអន្តោប្រវេសន៍សុទ្ធ បានធ្លាក់ចុះដល់កម្រិតទាបបំផុតក្នុងរយៈពេលប្រហែលបីឆ្នាំ។

ម៉ិកស៊ិកបានក្លាយជាក្រុមដំបូងគេដែលឡើងដល់វគ្គជម្រុះនៃព្រឹត្តិការណ៍ FIFA World Cup 2026™ បន្ទាប់ពីយកឈ្នះសាធារណរដ្ឋកូរ៉េនៅថ្ងៃទី 8 ខណៈដែលកាណាដាបានបង្កើតប្រវត្តិសាស្ត្រជាមួយនឹងជ័យជម្នះ 6-0 លើកាតា។ ស្វីសបានពង្រឹងជំហររបស់ពួកគេជាមួយនឹងជ័យជម្នះ 4-1 លើបូស្នៀ និងហឺហ្សេហ្គោវីណា។

មាតិកាព័ត៌មានសំខាន់ៗសម្រាប់ថ្ងៃនេះរួមមាន៖ ** ការជជែកដេញដោលនៅតែបន្ត ជុំវិញការកែប្រែពន្ធផលចំណេញមូលធន បន្ទាប់ពីរដ្ឋាភិបាលពង្រីកសម្បទានសម្រាប់អាជីវកម្ម... ** ប្រធានាធិបតីរងអាមេរិកព្រមានក្រុមអ្នករិះគន់របស់អ៊ីស្រាអែល កុំឱ្យវាយប្រហារកិច្ចព្រមព្រៀងសន្តិភាពអាមេរិក-អ៊ីរ៉ង់... ** ភាពយន្តគំនូរជីវចល Bluey ដ៏ពេញនិយមបំផុតរបស់ពិភពលោក នឹងបកប្រែជាភាសាជនជាតិដើមអូស្ត្រាលីជាលើកដំបូង។

កាលពីថ្ងៃទី១៨ ខែមិថុនា ម្ចាស់ឃ្លាំងទំនិញ L192 បានបង្ហោះតាមហ្វេសប៊ុក ស្នើឲ្យថ្នាក់ដឹកនាំកម្ពុជា ជួយរកយុត្តិធម៌ឲ្យខ្លួន បន្ទាប់ពីអភិបាលខណ្ឌព្រែកព្នៅ ក្នុងរាជធានីភ្នំពេញ និងសមត្ថកិច្ច បានចុះឆែកឆេរ រកបទល្មើសឆបោកអនឡាញ និងទំនិញថៃខុសច្បាប់ នៅក្នុងឃ្លាំងរបស់ខ្លួន កាលពីថ្ងៃ១១ មិថុនា ឆ្នាំ២០២៦។

ព្រឹត្តិការណ៍ FIFA World Cup 2026 កំពុងដំណើរការប្រកួត ហើយបាល់ទាត់បានក្លាយជាចំណុចកណ្តាលនៃចំណាប់អារម្មណ៍ម្តងទៀតនៅជុំវិញពិភពលោក។ ប៉ុន្តែនៅឆ្ងាយពីពន្លឺភ្លើងធំៗ និងចំណងជើងព័ត៌មានសារព័ត៌មានសកល ក៏មានមនុស្សដែលកំពុងប្រើប្រាស់បាល់ទាត់តាមរបៀបស្ងប់ស្ងាត់ និងមានឥទ្ធិពលជាងមុន ដើម្បីកសាងសហគមន៍ និងជំរុញភាពស្អិតរមួតក្នុងសង្គម។

**កុមារតូចៗពីរនាក់បានស្លាប់នៅក្នុងគ្រោះថ្នាក់ចរាចរណ៍ដ៏រន្ធត់មួយនៅ តំបន់កាប្រាម៉ាតា ភាគនិរតីនៃទីក្រុងស៊ីដនី។ ** រដ្ឋាភិបាលប្រកាសពីការផ្លាស់ប្តូរពន្ធលើប្រាក់ចំណេញមូលធនសម្រាប់អាជីវកម្មខ្នាតតូច។ ** គណបក្សសម្ព័ន្ធមានគម្រោងដាក់ញត្តិគ្មានទំនុកចិត្តលើអភិបាលរដ្ឋវិចថូរៀ និងរដ្ឋមន្ត្រីរបស់លោកស្រី។

លោកស្រី Pauline Hanson បានប្រកាសថា ប្រទេសអូស្ត្រាលីគួរតែជាប្រទេសដែលមានវប្បធម៌តែមួយ នៅក្នុងសុន្ទរកថាដ៏ទូលំទូលាយមួយនៅឯវេទិកានយោបាយដ៏ធំបំផុតមួយរបស់ប្រទេស គឺក្លឹបសារព័ត៌មានជាតិ។ លោកស្រីក៏បានរិះគន់ប្រព័ន្ធផ្សព្វផ្សាយសាធារណៈ និងបានបញ្ជាក់ពីគោលនយោបាយរបស់គណបក្សOne Nation របស់លោកស្រី ក្នុងការលុបចោលការផ្តល់មូលនិធិដល់ SBSផងដែរ។

កំណត់ត្រាត្រូវបានបំបែក ហើយតារាល្បីៗជាច្រើនបានបង្ហាញសមត្ថភាពនៅថ្ងៃទី 6 នៃព្រឹត្តិការណ៍ FIFA World Cup។ Lionel Messi បានក្លាយជាកីឡាករដំបូងគេ ដែលបានបង្ហាញខ្លួនក្នុងព្រឹត្តិការណ៍ FIFA World Cup ចំនួនប្រាំមួយលើក និងបានអបអរសាទរជាមួយនឹងការស៊ុតបញ្ចូលទីបានបីគ្រាប់ ខណៈដែល Kylian Mbappé និង Erling Haaland សុទ្ធតែរកបានពីរគ្រាប់ក្នុងជ័យជម្នះដ៏គួរឱ្យចាប់អារម្មណ៍។

មាតិកាព័ត៌មានសំខាន់ៗសម្រាប់ថ្ងៃនេះរួមមាន៖ ** ជនជាតិអូស្ត្រាលីស្លាប់ដោយសារការប្រើថ្នាំញៀនលើសកម្រិត មានចំនួនច្រើនជាងគ្រោះថ្នាក់ចរាចរណ៍ទៅទៀត។ **មនុស្សពេញវ័យដែលកែនកុមារឱ្យទៅប្រព្រឹត្តបទឧក្រិដ្ឋធ្ងន់ធ្ងរនៅក្នុងរដ្ឋវិចថូរៀ អាចប្រឈមមុខនឹងការជាប់ពន្ធនាគារអស់មួយជីវិត។ ** DFAT បន្ធូរបន្ថយការព្រមានអំពីការធ្វើដំណើរសម្រាប់ប្រទេសមួយចំនួននៅមជ្ឈិមបូព៌ា។

កាលពីថ្ងៃទី១៥ ខែមិថុនា តុលាការកំពូល បានបើកសវនាការ លើបណ្តឹងសារទុក្ខរបស់លោក រ៉ុង ឈុន ទីប្រឹក្សាគណបក្សកម្លាំងជាតិ។ លទ្ធផលនៃសវនាការលើអ្នកនយោបាយបក្សប្រឆាំងនេះ នឹងត្រូវតុលាការកំពូល ប្រកាសនៅថ្ងៃទី១៩ ខែមិថុនា។ លោក រ៉ុង ឈុន ជាអ្នកនយោបាយបក្សប្រឆាំង បានប្តឹងជំទាស់នឹងសាលក្រមរបស់តុលាការ ដែលបានផ្តន្ទាទោសលោក ដាក់ពន្ធនាគាររយៈពេល ៤ឆ្នាំ និងដកសិទ្ធិនយោបាយរបស់លោករ៉ុងឈុន អស់មួយជីវិត។ ពោលគឺលោករ៉ុងឈុន មិនអាចបោះឆ្នោត និងមិនអាចឈរឈ្មោះឱ្យគេបោះឆ្នោតបានឡើយ។

**ធនាគារកណ្តាលរក្សាអត្រាការប្រាក់ឱ្យនៅដដែល សម្រាប់ពេលនេះ។ ** នាយករដ្ឋមន្ត្រីអូស្ត្រាលីស្វាគមន៍កិច្ចព្រមព្រៀងសន្តិភាពមជ្ឈិមបូព៌ា។ **ចក្រភពអង់គ្លេសធ្វើតាមប្រទេសអូស្ត្រាលីក្នុងការហាមឃាត់ប្រព័ន្ធផ្សព្វផ្សាយសង្គមលើកុមារដែលមានអាយុក្រោម 16 ឆ្នាំ។

អូស្រ្តាលីតែងតែយកចិត្តទុកដាក់ចំពោះជនភៀសខ្លួននិងជនអន្តោប្រវេសន៍ ជាឧទាហរណ៍ គឺការបង្កើតឡើងនូវមជ្ឈមណ្ឌលធនធានជនភៀសខ្លួននិងជនអន្តោប្រវេសន៍ ដែលហៅកាត់ថា SMRC។ មជ្ឈមណ្ឌលនេះ មានតួនាទីក្នុងការគាំទ្រនិងគាំពារជនភៀសខ្លួននិងជនអន្តោប្រវេសន៍ តាមរយៈការផ្តល់សេវាកម្មនិងកម្មវិធីជាច្រើន។ កាលពីពេលថ្មីៗ SMRC បានប្រារព្ធទិវាជនភៀសខ្លួន ដែលជាកម្មវិធីប្រចាំឆ្នាំថ្មីរបស់ខ្លួន។ សូមស្តាប់បទសម្ភាសន៍ជាមួយលោក លឹម សួរ ប្រធានក្រុមប្រឹក្សាភិបាលនៃមជ្ឈមណ្ឌលធនធានជនភៀសខ្លួននិងជនអន្តោប្រវេសន៍ SMRC។

Learn a new phrase and make your English sound more natural and interesting. Words We Use is a bilingual series that helps you understand idioms like 'On the back foot'. - រៀនឃ្លាថ្មីមួយ ហើយធ្វើឱ្យភាសាអង់គ្លេសរបស់អ្នកស្តាប់ទៅកាន់តែដូចធម្មជាតិ និងគួរឱ្យចាប់អារម្មណ៍។ Words We Use គឺជាស៊េរីផតខាស្តិ៍ពីរភាសាដែលជួយអ្នកឱ្យយល់អំពីសំនួនវោហារដូចជាឃ្លាថា 'On the back foot'។

** រដ្ឋមន្ត្រីការពារជាតិអង់គ្លេស បានលាលែងពីតំណែង មុនពេលធ្វើសន្និសីទសារព័ត៌មានជាមួយសហភាគីអូស្ត្រាលី។ ** ហិរញ្ញិកសហព័ន្ធថា រដ្ឋាភិបាលនឹងរកដំណោះស្រាយ សម្រាប់ក្រុមហ៊ុនបង្កើតថ្មី startup ដែល បារម្ភអំពីការផ្លាស់ប្តូរពន្ធCGT។ **រដ្ឋមន្ត្រីថ្នាក់រដ្ឋ និងដែនដីនិយាយថា ការផ្លាស់ប្តូរ NDIS ដែលបានគ្រោងទុក របស់រដ្ឋាភិបាលសហព័ន្ធ មានហានិភ័យធ្វើឱ្យជនពិការជាប់គាំង។

ក្រុមម៉ិកស៊ិក និងសាធារណរដ្ឋកូរ៉េ បានបើកយុទ្ធនាការ FIFA World Cup 2026 របស់ពួកគេ ជាមួយនឹងជ័យជម្នះ ខណៈដែលក្រុម Socceroos បន្តត្រៀមរៀបចំសម្រាប់ការបើកឆាកពូល D របស់ពួកគេ ទល់នឹងក្រុមទួរគី នៅថ្ងៃអាទិត្យ។

មាតិកាព័ត៌មានសំខាន់ៗសម្រាប់ថ្ងៃនេះរួមមាន៖ *** អ៊ីរ៉ង់និយាយថា គ្មានសេចក្តីសម្រេចចុងក្រោយលើកិច្ចព្រមព្រៀងសន្តិភាពជាមួយសហរដ្ឋអាមេរិកទេ។ *** គណបក្សលីបឺរលនិយាយថា វាលឿនពេកក្នុងការពិចារណាលើកិច្ចព្រមព្រៀងដៃគូអនុគ្រោះ ជាមួយគណបក្ស One Nation។ *** ប៉ូលីសនិយាយថា ពួកគេបានរកឃើញសាកសពស្ត្រីម្នាក់ដែលបានបាត់ខ្លួនក្នុងឆ្នាំ ២០១៨។

ក្នុងពេលពិនិត្យរោងចក្រផលិតឯកសណ្ឋានយោធា នៅក្នុងខេត្តបាត់ដំបង ជាប់ព្រំដែនប្រទេសថៃ កាលពីរសៀលថ្ងៃទី១១ ខែមិថុនា ឆ្នាំ២០២៦ លោក ហ៊ុន សែន ប្រធានគណបក្សប្រជាជនកម្ពុជា ដែលកំពុងកាន់អំណាច បានប្រកាសថា ការកសាងសមត្ថភាពកងទ័ព មិនមែនធ្វើឡើង ក្នុងគោលបំណង ទៅឈ្លានពានប្រទេសណាមួយទេ តែជាផ្នែកមួយ ក្នុងការពង្រឹងវិស័យការពារជាតិ។

ការស្រាវជ្រាវថ្មីបង្ហាញថា សមាមាត្ររវាងក្មេងស្រី និងក្មេងប្រុសដែលមានជំងឺអូទីសឹមគឺប្រកៀកប្រកិតគ្នាជាងអ្វីដែលធ្លាប់គិតទៅទៀត។ គេយល់ថា សមាមាត្របច្ចុប្បន្ននៃបុរស និងស្ត្រីដែលមានជំងឺអូទីសឹមគឺ ប្រុស៤ និងស្រី១ តែទោះជាយ៉ាងណាក៏ដោយ ការសិក្សាថ្មីៗបានបង្ហាញថា គម្លាតអាចទាបដល់ទៅ ប្រុស២ និងស្រី១។ ខណៈពេលដែលគម្លាតនេះកំពុងបិទបន្តិចម្តងៗ ស្ត្រីដែលមានអាយុលើសពីសែសិបឆ្នាំកំពុងក្លាយជាក្រុមដ៏សំខាន់មួយ ដើម្បីស្វែងរកការធ្វើរោគវិនិច្ឆ័យ។

*** សហរដ្ឋអាមេរិកមានគម្រោងបើកការវាយប្រហារជាថ្មីមកលើប្រទេសអ៊ីរ៉ង់។ *** នាយករដ្ឋមន្ត្រីអូស្រ្តាលីមិនបានច្រានចោលការពន្យារពេលអនុគ្រោះពន្ធលើប្រេងឥន្ធនៈបន្តទៀតនោះទេ។ *** ការងាររហូតដល់ 300 កន្លែងនឹងត្រូវកាត់បន្ថយនៅ Southern Cross Media Group ដែលជាក្រុមហ៊ុននៅពីក្រោយ Seven Network, The West Australian និង Triple M។

Electric vehicles are becoming more common on Australian roads as fuel prices remain unstable and more drivers look for cheaper ways to travel. Here's what you need to know if you are thinking about making the switch. - រថយន្តអគ្គិសនី ឬហៅកាត់ថាEVs កំពុងមានប្រជាប្រិយភាពកាន់តែខ្លាំងឡើងៗនៅក្នុងប្រទេសអូស្រ្តាលី ខណៈដែលតម្លៃប្រេងឥន្ធនៈនៅតែមិនប្រាកដប្រជា ហើយអ្នកបើកបរកាន់តែច្រើនសម្លឹករកវិធីសាស្រ្តធ្វើដំណើរដែលចំណាយអស់តិចជាងមុន។ នេះគឺជាអ្វីដែលអ្នកត្រូវដឹង ប្រសិនបើអ្នកគិតចង់ផ្លាស់ប្តូរទៅប្រើរថយន្តអគ្គិសនី។

មាតិកាព័ត៌មានសំខាន់ៗសម្រាប់ថ្ងៃនេះរួមមាន៖ **មេដឹកនាំបក្សលីបឺរលនៃរដ្ឋវិចថូរៀ លោកស្រី Jess Wilson មានទំនុកចិត្តថា អាចឈ្នះការបោះឆ្នោតរដ្ឋ ដោយមិនចាំបាច់មានការគាំទ្រពីគណបក្ស One Nation។ ** រដ្ឋមន្ត្រីក្រសួងសុខាភិបាល មានទំនុកចិត្តថា កម្មវិធី Thriving Kids ដែលជំនួស NDIS នឹងរួចរាល់មុនពេលផ្លាស់ប្តូរដែលបានគ្រោងទុក។ **មានការសង្ស័យអំពីទស្សនវិស័យនៃកិច្ចព្រមព្រៀងសន្តិភាពមជ្ឈិមបូព៌ា បន្ទាប់ពីលោកត្រាំ ចោទ អ៊ីរ៉ង់បាញ់ទម្លាក់ឧទ្ធម្ភាគចក្រអាមេរិក។

នៅក្នុងវេទិកាអនាគតអាស៊ាន លើកទី៣ នៅប្រទេសវៀតណាម នាថ្ងៃទី៩ ខែមិថុនា កម្ពុជា តាមរយៈលោកនាយករដ្ឋមន្ត្រី ហ៊ុន ម៉ាណែត បានលើកឡើងពីក្តីបារម្ភ ចំពោះការធ្វើសកម្មភាពនានា នៅលើដីជាក់ស្តែង របស់យោធាថៃ នៅក្នុងតំបន់កាន់កាប់ ដែលស្ថិតនៅជ្រៅ ក្នុងទឹកដីកម្ពុជា ចាប់តាំងពីមានបទឈប់បាញ់ កាលពីថ្ងៃទី២៧ ខែធ្នូ ឆ្នាំ២០២៥។

លោក ហ៊ុន សែន ប្រធានគណបក្សប្រជាជនកម្ពុជា និងជាឪពុករបស់លោកនាយករដ្ឋមន្ត្រី ហ៊ុន ម៉ាណែត បានប្រកាសនៅចំពោះមុខបងប្អូនជនភៀសសឹក នៅក្នុងខេត្តបន្ទាយមានជ័យ ជាប់ព្រំដែនថៃ កាលពីព្រឹកថ្ងៃទី៩ ខែមិថុនា ឆ្នាំ២០២៦ ទទួលស្គាល់ថា កម្ពុជាមិនបានត្រៀមខ្លួន ដើម្បីវាយប្រយុទ្ធជាមួយថៃឡើយ។ ការប្រកាសដូច្នេះ ក៏ព្រោះតែមហាជនមួយចំនួន ខឹងសម្បានឹងសកម្មភាព ឈ្លានពានរបស់យោធាថៃ ខណៈរដ្ឋាភិបាលកម្ពុជា ដែលដឹកនាំដោយកូនប្រុសរបស់លោក បានត្រឹមចេញតវ៉ា តាមផ្នែកការទូត។

រដ្ឋាភិបាលសហព័ន្ធ គណបក្សហ្រ្គីន និងគណបក្សសម្ព័ន្ធ កំពុងជាប់គាំងលើវិធានការក្រោយកញ្ចប់ថវិកាលើបញ្ហាពន្ធដារ និង NDIS - ដោយនៅសល់តែកិច្ចប្រជុំពីរសប្តាហ៍ម្តងតែមួយលើកទៀតប៉ុណ្ណោះ មុនពេលសភាសម្រាកសម្រាប់រដូវរងារយៈពេលប្រាំសប្តាហ៍។ ខណៈពេលដែលការចរចានៅតែបន្ត អ្នកចូលរួមក្នុងគម្រោងNDIS កំពុងប្រឈមមុខនឹងការរង់ចាំដ៏អន្ទះសារ ដោយគម្រោងនេះត្រូវបានកំណត់សម្រាប់ការផ្លាស់ប្តូរដ៏សំខាន់មួយ រួមទាំងការកាត់បន្ថយយ៉ាងសម្បើម។

**យ៉ាងហោចណាស់មនុស្ស ៣៥ នាក់បានស្លាប់ ១៤៤ នាក់រងរបួស ១២ នាក់បាត់ខ្លួន នៅក្នុងគ្រោះរញ្ជួយដីនៅប្រទេសហ្វីលីពីន។ ** អភិបាលរដ្ឋវិចថូរៀ បដិសេធការស្មានទុកជាមុនអំពីការបែកធ្លាយនៃភាពជាអ្នកដឹកនាំ។ ** អាជីវកម្មកំពុងរៀបចំសម្រាប់ការផ្លាស់ប្តូរសំខាន់ៗចំពោះការទូទាត់ប្រាក់សោធននិវត្តន៍ចាប់ពីខែក្រោយទៅ។

Learn a new phrase and make your English sound more natural and interesting. Words We Use is a bilingual series that helps you understand idioms like 'Man On!'. - រៀនឃ្លាថ្មីមួយ ហើយធ្វើឱ្យភាសាអង់គ្លេសរបស់អ្នកស្តាប់ទៅកាន់តែដូចធម្មជាតិ និងគួរឱ្យចាប់អារម្មណ៍។ Words We Use គឺជាស៊េរីផតខាស្តិ៍ពីរភាសាដែលជួយអ្នកឱ្យយល់អំពីសំនួនវោហារដូចជាពាក្យថា 'Man On!'។

**តួលេខថ្មីបង្ហាញថា ភាពគ្មានផ្ទះសម្បែងរស់នៅ ក្នុងរដ្ឋញូសៅវែល កំពុងកើនឡើងយ៉ាងខ្លាំង ជាពិសេសនៅតំបន់ជនបទ។ ** ការផ្លាស់ប្តូរពន្ធដ៏ចម្រូងចម្រាសនៅក្នុងកញ្ចប់ថវិការបស់រដ្ឋាភិបាលបក្សលេប័រ បានឆ្លងសភាជាន់ទាប។ **ក្រុមហេសបូឡា បដិសេធបទឈប់បាញ់រវាងអ៊ីស្រាអែល និងលីបង់។

Learn English useful for describing plumbing problems at home. Practise everyday phrases for explaining issues, asking about cost, and arranging repairs. - រៀនភាសាអង់គ្លេសដែលមានប្រយោជន៍សម្រាប់ការនិយាយអំពីបញ្ហាបំពង់ទឹកនៅផ្ទះ។ អនុវត្តឃ្លាឃ្លោងប្រចាំថ្ងៃសម្រាប់ពន្យល់ពីបញ្ហា សាកសួរអំពីថ្លៃចំណាយ និងចាត់ចែងការជួសជុល។

មាតិកាព័ត៌មានសំខាន់ៗសម្រាប់ថ្ងៃនេះរួមមាន៖ ** គណបក្សលេប័រវាយបកទៅលើក្រុមប្រឆាំងលើជំនួយលំនៅដ្ឋានសម្រាប់អ្នកមានសិទ្ធិរស់នៅអចិន្ត្រៃយ៍ ** មានការរំពឹងទុកថា គណបក្សសម្ព័ន្ធ អាចសហការជាមួយគណបក្សហ្រ្គីន នៅក្នុងព្រឹទ្ធសភា ដើម្បីបញ្ឈប់ការផ្លាស់ប្តូរពន្ធដ៏ចម្រូងចម្រាស។ **លោក ដូណាល់ ត្រាំ និយាយថា លោកមានកិត្តិយសបើបានជួបជាមួយមេដឹកនាំកំពូលអ៊ីរ៉ង់ ចំពេលមានសម្ពាធដើម្បីបញ្ចប់សង្គ្រាម។

ថៃ តាមរយៈរដ្ឋមន្ត្រីការបរទេស លោក Sihasak Phuangketkeow បានប្រកាសត្រៀមខ្លួនយ៉ាងពេញលេញ ដើម្បីចូលរួម ក្នុងយន្តការផ្សះផ្សាដោយបង្ខំ ក្រោមអនុសញ្ញាអង្គការសហប្រជាជាតិ ស្តីពី នីតិសមុទ្រ (UNCLOS)។ សេចក្តីរាយការណ៍ដូច្នេះ បានធ្វើឡើង បន្ទាប់ពីកម្ពុជា បានសម្រេច ប្រើប្រាស់យន្តការអន្តរជាតិនេះ ដើម្បីដោះស្រាយវិវាទដែនសមុទ្ររវាងប្រទេសទាំងពីរ ក្រោយពីប្រទេសថៃ សម្រេចលុបចោល MOU ឆ្នាំ២០០១។

គេរំពឹងថា និយោជិតអូស្ត្រាលីរាប់លាននាក់ នឹងទទួលបានការដំឡើងប្រាក់ឈ្នួល ៤,៧៥ ភាគរយនៅក្នុងខែកក្កដា បន្ទាប់ពីគណៈកម្មការការងារយុត្តិធម៌បានចេញការត្រួតពិនិត្យប្រាក់ឈ្នួលប្រចាំឆ្នាំរបស់ខ្លួន។ ក្រុមសហជីពបានស្វាគមន៍តួលេខនេះ ប៉ុន្តែ ក្រុមអាជីវកម្មនិយាយថា ការផ្លាស់ប្តូរនេះនឹងធ្វើឱ្យអតិផរណាកាន់តែអាក្រក់ទៅៗ និងដាក់សម្ពាធខ្លាំងជ្រុលមកលើអាជីវកម្ម។

*** កំណើនសេដ្ឋកិច្ចអូស្រ្តាលីកើនឡើងយឺត។ *** រដ្ឋាភិបាលសហព័ន្ធនិយាយថា សំណើពន្ធថ្មីរបស់អាមេរិកលើប្រទេសចំនួន ៦០ រួមទាំងប្រទេសអូស្ត្រាលីផងនោះ គឺមិនសមហេតុផល។ *** ប្រទេសចិនបានដាក់ទណ្ឌកម្មលើសមាជិកសភានូវែលហ្សេឡង់ចំនួនបួនរូប បន្ទាប់ពីពួកគេបានទៅទស្សនកិច្ចនៅកោះតៃវ៉ាន់កាលពីខែមុន។

យោងតាមតួលេខចុងក្រោយបំផុតពីទីភ្នាក់ងារស្រាវជ្រាវ Cotality បានឱ្យដឹងថា ថ្លៃចំណាយដើម្បីទិញផ្ទះសម្បែងនៅក្នុងទីក្រុងធំៗចំនួនពីររបស់ប្រទេសអូស្ត្រាលីបានធ្លាក់ចុះ។ តម្លៃលំនៅដ្ឋានបានធ្លាក់ចុះ 0.9 ភាគរយនៅទីក្រុងស៊ីដនី និង 0.8 ភាគរយនៅទីក្រុងមែលប៊នក្នុងអំឡុងខែឧសភា។ ក៏មានការធ្លាក់ចុះនៅក្នុងដែនដីរដ្ឋធានីអូស្រ្តាលី ACT ផងដែរ គឺ 0.2 ភាគរយ។ ខណៈពេលដែលតម្លៃបានកើនឡើងនៅក្នុងរដ្ឋធានី និងដែនដីផ្សេងទៀត កំណើននេះខ្សោយជាងការមើលឃើញពីមុន។

មាតិកាព័ត៌មានសំខាន់ៗសម្រាប់ថ្ងៃនេះរួមមាន៖ *** អូស្រ្តាលីបញ្ជូនទាហានទៅប្រទេសប៉ូឡូញ ដើម្បីបណ្តុះបណ្តាលទាហានអ៊ុយក្រែន។ *** រដ្ឋមន្ត្រីការបរទេសអូស្រ្តាលី ការពារការផ្លាស់ប្តូរថ្មីៗ នៅក្នុងកិច្ចព្រមព្រៀងនាវាមុជទឹក AUKUS។ *** អតីតមេដឹកនាំបក្សលីបឺរលនៅខេនបេរា លាឈប់ពីបក្ស ដោយចោទថាជាវប្បធម៌បំពុល។

រាជរដ្ឋាភិបាលកម្ពុជា តាមរយៈលោកនាយករដ្ឋមន្ត្រី ហ៊ុន ម៉ាណែត នៅព្រឹកថ្ងៃអង្គារ ទី២ ខែមិថុនា ឆ្នាំ២០២៦ បានប្រកាសពីការសម្រេចចិត្ត ដាក់ពាក្យប្ដឹងជាផ្លូវការ ដើម្បីបើកយន្តការផ្សះផ្សា ដោយចាប់បង្ខំ ក្រោមអនុសញ្ញាអង្គការសហប្រជាជាតិស្តីពីច្បាប់សមុទ្រ (UNCLOS) លើតំបន់ដែនសមុទ្រទាមទារត្រួតស៊ីគ្នា ជាមួយថៃ។ ការសម្រេចរបស់កម្ពុជាដូច្នេះ បន្ទាប់ពីភាគីថៃ បានសម្រេចដើរចេញពីកិច្ចព្រមព្រៀង MOU ឆ្នាំ២០០១។

ក្នុងពេលទៅពិនិត្យមើលអគារទីស្នាក់ការកណ្តាល នៃអគ្គនាយកដ្ឋានពន្ធដារ នាព្រឹកថ្ងៃទី២ ខែមិថុនា ឆ្នាំ២០២៦ លោក ហ៊ុន សែន ប្រធានគណបក្សប្រជាជនកម្ពុជា និងជាមេដឹកនាំដ៏មានឥទ្ធិពលខ្លាំងជាងគេបំផុត នៅកម្ពុជា បានផ្ញើសារជាថ្មី ទៅកាន់ក្រុមប្រឆាំង ដែលបានរិះគន់រូបលោក ដែលបាននាំចៅៗ ទៅចូលរួមកម្មវិធីជួបជុំ នៅតាមបណ្តាខេត្តនានា ក្នុងពេលថ្មីៗនេះ ព្រមទាំងព្រមានបង្ក្រាបលើអ្នកប៉ុនប៉ងផ្តួលរំលំរដ្ឋាភិបាល ដែលសព្វថ្ងៃ ដឹកនាំដោយកូនប្រុសរបស់លោក គឺលោក ហ៊ុន ម៉ាណែត។

Drivers across Australia are paying more at the bowser as fuel prices remain unstable. So does it make sense to go for cheaper petrol options when filling up? The answer depends largely on your engine requirements, as not every fuel works for every vehicle. - អ្នកបើកបរនៅទូទាំងប្រទេសអូស្ត្រាលីកំពុងចំណាយប្រាក់កាន់តែច្រើនជាងមុន ដោយសារតែតម្លៃប្រេងឥន្ធនៈនៅតែមិនទាន់ឋិតថេរ។ ដូច្នេះ តើវាសមហេតុផលទេក្នុងការជ្រើសរើសជម្រើសប្រេងសាំងដែលមានតម្លៃថោកជាងនៅពេលចាក់បំពេញ? ចម្លើយគឺអាស្រ័យទៅលើតម្រូវការម៉ាស៊ីនរបស់អ្នក ព្រោះមិនមែនគ្រប់ប្រេងឥន្ធនៈទាំងអស់ សុទ្ធតែដំណើរការសម្រាប់យានយន្តទាំងអស់នោះទេ។

**ប្រាក់ឈ្នួលអប្បបរមារបស់ប្រទេសអូស្ត្រាលីនឹងត្រូវដំឡើង ៤,៧៥%ចាប់ពីខែកក្កដាតទៅ។ ** ចំនួនប្រជាជនប្រទេសអូស្រ្តាលីឡើងដល់ ២៨លាននាក់កាលពីព្រឹកមិញនេះ។ ** បក្សប្រឆាំងរិះគន់សេចក្តីព្រាងច្បាប់កំណែទម្រង់ពន្ធដាររបស់រដ្ឋាភិបាល ដែលផ្តល់អំណាចដល់ហិរញ្ញិកសម្រេចលើទ្រព្យសកម្មណាដែលអាចរក្សាការបញ្ចុះតម្លៃពន្ធលើផលចំណេញមូលធន។

Learn a new phrase and make your English sound more natural and interesting. Words We Use is a bilingual series that helps you understand idioms like 'Keep your eye on the ball'. - រៀនឃ្លាថ្មីមួយ ហើយធ្វើឱ្យភាសាអង់គ្លេសរបស់អ្នកស្តាប់ទៅកាន់តែដូចធម្មជាតិ និងគួរឱ្យចាប់អារម្មណ៍។ Words We Use គឺជាស៊េរីផតខាស្តិ៍ពីរភាសាដែលជួយអ្នកឱ្យយល់អំពីសំនួនវោហារដូចជាឃ្លាថា៖ 'Keep your eye on the ball'។

At school, work, council offices or sporting events, you might see a red, black and yellow flag flying beside the Australian national flag. This is the Aboriginal flag, representing the Aboriginal people of Australia and their connection to land, community and stories. - នៅសាលារៀន កន្លែងធ្វើការ ការិយាល័យក្រុមប្រឹក្សាសង្កាត់ ឬព្រឹត្តិការណ៍កីឡានានា អ្នកប្រហែលជាឃើញទង់ជាតិពណ៌ក្រហម ខ្មៅ និងលឿង បង្ហោះនៅក្បែរទង់ជាតិអូស្ត្រាលី។ នេះគឺជាទង់ជាតិជនជាតិដើមអូស្ត្រាលី Aboriginal ដែលតំណាងឱ្យប្រជាជនជនជាតិដើម Aboriginal និងទំនាក់ទំនងរបស់ពួកគេទៅនឹងដីធ្លី សហគមន៍ និងរឿងរ៉ាវជាច្រើន។

រដ្ឋាភិបាលសហព័ន្ធអូស្រ្តាលីបានដាក់ជូនសេចក្តីឆ្លើយតបជាផ្លូវការរបស់ខ្លួន ចំពោះការស៊ើបអង្កេតល្បែងស៊ីសង ដែលដឹកនាំដោយសមាជិកសភាដែលបានចែកឋានទៅ លោកស្រី Peta Murphy។ ប៉ុន្តែការឆ្លើយតបរបស់ពួកគេ បានទាក់ទាញការរិះគន់យ៉ាងខ្លាំង ពីសំណាក់អ្នកតស៊ូមតិ ដែលនិយាយថា វាត្រូវបានបង្ហាញនៅថ្ងៃចេញកញ្ចប់ថវិកាសហព័ន្ធ - ហើយថាវាមិនបានទៅឆ្ងាយគ្រប់គ្រាន់ទេ។

មាតិកាព័ត៌មានសំខាន់ៗសម្រាប់ថ្ងៃនេះរួមមាន៖ ** ការផ្លាស់ប្តូរសំខាន់ៗត្រូវបានប្រកាសចំពោះសេវាកម្មការងារសម្រាប់ជនជាតិអូស្ត្រាលី។ ** បក្សប្រឆាំងថារដ្ឋាភិបាលគ្មានក្តីក្លាហានធ្វើរឿងដែលត្រឹមត្រូវ ចំពោះការវិលត្រឡប់មកវិញរបស់ជនជាតិអូស្រ្តាលីដែលមានទំនាក់ទំនងនឹងក្រុមIS។ ** ការចាប់ខ្លួនលោក Ben Roberts-Smith បានបញ្ជូនទៅគណៈកម្មការជាតិប្រឆាំងអំពើពុករលួយ។

លោក កឹម សុខា អតីតប្រធានគណបក្សប្រឆាំង នៅកម្ពុជា បានទទួលនូវការលើកលែងទោស ដាក់ពន្ធនាគារ រយៈពេល ២៧ឆ្នាំ ក្នុងសំណុំរឿងក្បត់ជាតិ កាលពីជាង ១០ឆ្នាំមុន។ ប៉ុន្តែលោក កឹម សុខា ត្រូវបានដកសិទ្ធិបោះឆ្នោត សិទ្ធិឈរឈ្មោះឱ្យគេបោះឆ្នោត និងសិទ្ធិធ្វើសកម្មភាពនយោបាយជាស្ថាពរ។ លោក ក៏ត្រូវហាម មិនឱ្យចាកចេញពីប្រទេសកម្ពុជា ក្នុងរយៈពេល ៥ឆ្នាំ គិតចាប់ពីថ្ងៃទី២៥ ខែឧសភា ឆ្នាំ២០២៦។ ព្រះរាជក្រឹត្យ លើកលែងទោសដល់លោក កឹម សុខា ដែលមានអាយុ ៧៣ឆ្នាំ ត្រូវបានលោក ហ៊ុន សែន ក្នុងនាមជាប្រមុខរដ្ឋស្តីទី ចុះហត្ថលេខា កាលពីថ្ងៃទី២៥ ខែឧសភា ឆ្នាំ២០២៦។

កម្ពុជា តាមរយៈអគ្គនាយកដ្ឋានអន្ដោប្រវេសន៍ នៅថ្ងៃទី២៦ ខែឧសភា ឆ្នាំ២០២៦ បានប្រកាស ច្រានចោលនូវព័ត៌មានប្រឌិត រឿងបិទច្រកជើងហោះហើរចូលកម្ពុជា និងរឹតត្បិតទិដ្ឋាការ សម្រាប់ជនបរទេស។

** ភាពធូរស្រាលសម្រាប់ក្រុមគ្រួសារដែលតម្លៃថាមពលនឹងធ្លាក់ចុះ។ ** ស្ត្រីដែលមានទំនាក់ទំនងជាមួយក្រុម IS រំពឹងថានឹងប្រឈមមុខនឹងបទចោទប្រកាន់នៅពេលមកដល់អូស្ត្រាលីវិញល្ងាចនេះ។ ** លោកដូណាល់ត្រាំ អំពាវនាវឱ្យប្រទេសឈូងសមុទ្រមានទំនាក់ទំនងធម្មតាវិញជាមួយអ៊ីស្រាអែល ខណៈដែលកំពុងចរចាកិច្ចព្រមព្រៀងជាមួយអ៊ីរ៉ង់។

Learn English useful for talking about trying on, buying, and finding shoes that fit well. Practise everyday phrases for describing how shoes feel, asking for a different size, and explaining what you are looking for in a comfortable pair. - រៀនភាសាអង់គ្លេសដែលមានប្រយោជន៍សម្រាប់ការនិយាយអំពី ការល ការទិញ និងការស្វែងរកស្បែកជើងដែលសាកសម។ អនុវត្តឃ្លាឃ្លោងប្រចាំថ្ងៃសម្រាប់ពិពណ៌នាអំពីអារម្មណ៍នៃការពាក់ស្បែកជើង និងពន្យល់ពីអ្វីដែលអ្នកកំពុងស្វែងរក នៅក្នុងស្បែកជើងមួយគូរដែលពាក់ទៅមានផាសុកភាព។

Learn a new phrase and make your English sound more natural and interesting. Words We Use is a bilingual series that helps you understand idioms like 'GOAT'. - រៀនឃ្លាថ្មីមួយ ហើយធ្វើឱ្យភាសាអង់គ្លេសរបស់អ្នកស្តាប់ទៅកាន់តែដូចធម្មជាតិ និងគួរឱ្យចាប់អារម្មណ៍។ Words We Use គឺជាស៊េរីផតខាស្តិ៍ពីរភាសា ដែលជួយអ្នកឱ្យយល់អំពីសំនួនវោហារដូចជាពាក្យថា 'GOAT'។

** គិលានុបដ្ឋាយិកាត្រូវពង្រាយទៅកាន់តំបន់ភាគខាងជើង ដើម្បីឆ្លើយតបទៅនឹងការផ្ទុះឡើងនៃជំងឺខាន់ស្លាក់។ ** ធនាគារវិនិយោគមួយព្យាករណ៍ពីការធ្លាក់ចុះនៃតម្លៃផ្ទះនៅប្រទេសអូស្ត្រាលីចន្លោះពីប្រាំទៅដប់ភាគរយ។ ** មជ្ឈមណ្ឌលពលករចំណាកស្រុកដំបូងគេរបស់រដ្ឋញូសៅវែល បានបើកសម្ពោធជាផ្លូវការ។

ក្នុងសប្តាហ៍ជនស្ម័គ្រចិត្ត ឬ National Volunteer Week នេះ SBS ខ្មែរ សូមនាំលោកអ្នកមកជួបជាមួយនឹងអ្នកធ្វើការងារស្ម័គ្រចិត្តមួយចំនួន ដែលនឹងជម្រាបជូនពីតួនាទី និងអត្ថប្រយោជន៍នៃការងារស្ម័គ្រចិត្តដែលពួកគេបានចូលរួមកន្លងមក។

មាតិកាព័ត៌មានសំខាន់ៗសម្រាប់ថ្ងៃនេះរួមមាន៖ ** សកម្មជនអូស្ត្រាលីដែលត្រូវបានដោះលែងពីការឃុំឃាំងរបស់អ៊ីស្រាអែល រៀបរាប់ពីបទពិសោធន៍របស់ពួកគេ។ ** មានសេចក្តីរាយការណ៍ថា ជនជាតិអូស្ត្រាលីមួយក្រុមទៀតដែលមានទំនាក់ទំនងជាមួយក្រុម IS បានចាកចេញពីជំរំជនភៀសខ្លួនក្នុងប្រទេសស៊ីរី ដើម្បីវិលត្រឡប់មកមាតុប្រទេសវិញ។ ** សមាជិកនៃក្រុម Stolen Generations បានប្រមូលផ្តុំគ្នានៅរដ្ឋគ្វីនស្លេន ដើម្បីប្រារព្ធខួប។