TIME OUT PODCAST by MYLN

Манай подкастын энэ удаагийн дугаарт Станфорд их сургуулийн Бизнес Удирдлагын програмд (MBA)-д 2 дахь жилдээ сурч байгаа Т. Уянга оролцлоо. Уянга дэлхийн шилдэг их сургуулиудын нэг болох Принстонд (Princeton) хими болон биологийн инженер чиглэлээр бакалаврын мэргэжлээ эзэмшээд эрүүл мэндийн зөвлөгөө өгдөг ZS Associates болон технологийн салбарын Linkedin компанид ажиллаж байсан туршлагатай. Өнөөдрийн бидний ярилцлагаас сонсогч та бүхэн Уянгаагийн - Принстоны их сургуульд хэрхэн элсэж орсон тухай - Шинжлэх ухаан, инженерийн мэргэжлээс сурч авсан асуудал шийдвэрлэх, багаар ажиллах чадваруудаа ашиглан хэрхэн бизнес удирдлага чиглэл рүү орсон - Stanford их сургуулийн MBA програмын тухай болон - Сайн дураараа зохион байгуулдаг Монголчууддаа зориулсан "Олуулаа" менторшип програмын тухай олж мэдэх боломжтой. "Олуулаа" менторшип програм нь цахиурын хөндийд ажилладаг Монгол залуучуудыг оюутнуудтай холбож ажил мэргэжлийн зөвлөгөө өгдөг бөгөөд дэлгэрэнгүй мэдээллийг www.oluulaa.io вэб хуудсаас олж аваарай. Манай холбооны 2019-2020 оны төслүүдийг дэмжсэн спонсорууд, CU дэлгүүр - Premium Group, Practical Даатгал, Сант Сургууль, Sendly-даа баярлалаа. Хөтлөгч: Цаца & Дөлгөөн Манай хуудсыг дагахаа битгий мартаарай! Facebook: Mongolian Young Leaders Network Instagram: MYLN_Mongolia #MongolianYoungLeadersNetwork #timeoutpodcast

Манай TIME OUT подкастын дараагийн дугаарт Тана уригдлаа. Түүний маш сонирхолтой яриаг сонсож: - Харвардын Их Сургуульд анхны бакалаврын хөтөлбөрийн монгол оюутан болж элссэн замнал - Global Shapers x Oxford MBA тэтгэлэгт хэрхэн амжилттай тэнцсэн - McKinsey & Company-г сонгож ажилласан түүх - MYLN сүлжээнээс урган гарсан шинэ хөтөлбөрүүд - Хувь хүний зохион байгуулалт, төлөвлөлтийн арга барил гэх мэт өгөөжтэй мэдээлэл болон туршлагыг сонсоорой. Манай пэйж хуудсыг дагахаа битгий мартаарай! FB page: Mongolian Young Leaders Network Instagram: MYLN_Mongolia #MongolianYoungLeadersNetwork #TimeOutPodcast

Манай TIME OUT подкастын анхны дугаарт Мөнх-Эрдэнэ уригдлаа. Түүний маш сонирхолтой яриаг сонсож: - Монголын Залуу Манлайлагчдын Сүлжээ хэрхэн 2009 онд үүсэн өдий болтол амжилттай хөгжсөн - Fulbright тэтгэлэгт хэрхэн амжилттай тэнцсэн - Яагаад Columbia University - School of International and Public Affairs хөтөлбөрийг сонгосон - McKinsey & Company-н өндөр давааг хэрхэн давж орсон - Consulting буюу Бизнесийн Зөвлөх гэдэг нь яг юу хийдэг ажил, яагаад одоогийн дэлхийн залуучууд энэхүү ажлыг горилох болсон, ямар их хурдацтай сурч боловсорч байгаа гэх мэт өгөөжтэй мэдээлэл болон туршлагыг сонсоорой. Манай пэйж хуудсыг дагахаа битгий мартаарай! FB page: Mongolian Young Leaders Network Instagram: MYLN_Mongolia #MongolianYoungLeadersNetwork #TimeOutPodcast

Mongolian Young Leaders Network буюу Монголын Залуу Манлайлагчдын Сүлжээнээс нэгэн шинэхэн, сонирхолтой подкастыг та бүхэндээ хүргэх гэж байна! 2009 онд байгуулагдсанаасаа хойш Монголын Залуу Манлайлагчдын Сүлжээ нь дэлхийн томоохон хотуудад нийтдээ 12 Залуу Манлайлагч Хөтөлбөр буюу MYLPыг зохион байгуулж, 150 гаруй шилдэг манлайлагч залуусыг сүлжээндээ элсүүлж чаджээ. Гишүүд маань Америк, Европ, Азийн шилдэг их сургуулийн боловсролтой, дэлхийд болон Монголдоо нэр хүндтэй байгууллагад ажиллаж, өөрийн салбартаа тэргүүлж явдаг чадварлаг боловсон хүчин байдаг юм. Энэ подкастаараа дамжуулж, дэлхийн өнцөг булан бүрт манлайлж буй эдгээр Монгол залуусаа урьж сонирхолтой яриа өрнүүлэх болно. Та бүхэн хэдхэн хором TIME OUT авч Harvard, Oxford, McKinsey, Apple, Google гэх мэт таны сонирхсон газруудад сурч ажилладаг залуусынхаа яриаг сонсоорой. TIME OUT podcast тун удахгүй! Манай анхны дугаарт Б.Мөнх-Эрдэнэ.