Secunda Mensa

Hoc in episodio, garrimus et tempore fruimur cum amicissimo nostro, Iohannes Iuvenalis.

Marito Catherinae ingeniosissimo hortanti, de personis in spectaculis televisicis et cibis eorundem praedilectis nugamur. Timotheus, haud compulsus, nonnulla carmina prave cantat.

Hoc in episodio, garrimus et de oleo recenti et de oleo putrefacto. Legimus etiam nonnullos versus quos Iuvenalis scripsit de feralissima cena. Fruamini, o auscultatores, et vitate oleum quod olet lanternam!

Hoc in acroamate, de dentibus loquimur. Fruamini, o auscultatores!

Seneca scripsit se quosdam cibos luxuriosos renuntiavisse, scilicet ostrea boletosque et in hoc episodio legimus exceptum ex epistula centesima octava.

Hoc in episodio, scaenam ridiculam scriptam a muliere nomine Hrotsvitha legimus. Fruamini, o auscultatores!

Hoc in episodio, de sciuris qui in area postica domi Timothei garrimus. Loquimur etiam de turmis harpasti americani. Si forte nescitis, o auscultatores carissimi, nomina turmarum nonnullarum sunt avium. Baltimorae, corvis favemus; Philadelphiae, aquilae. Ite aves!

Non solum de sciurris Timothei nugamur sed etiam adagium Erasmi legimus et enodamus: "ventre pleno melius consultatio"

Timotheus et filiola duo spectacula nova apud situm interetiale in Tutubo ediderunt: De Scriblita Socolata et Quomodo Ananas Secari Potest. Catherina Timotheum benigne de spectaculis et cibis interrogat. Nugatores vestri quoque de nive et ianuis Lycei claudendis garriunt.

Hoc in colloquio, de urbe nomine Philadelphia loquimur, ubi conventum "ACTFL" modo habebatur.

Hoc in episodio, de altera parte epistulae Senecae XVIII garrimus. Fruamini, o auscultatores!

Ut patebit auscultatoribus, nonnullas septimanas abhinc hoc acroama impressimus taeniola electronica. Hoc acroama ad Saturnalias spectat, etiamsi nunc (tandem!) in lucem editum est mense Ianuarii. Nonne deus Ianus et ad futurum prospicit et ad praeteritum (id est, ad Saturnaliam) respicit?

Ad finem epistulae Plinii de cena vitata ab amico Septicio denique legimus. Veneres Cupidinesque: auscultate auribus arrectis! Pueri puellaeque autem, vobis fortasse non decet de cibis alterius cenae audire.

Epistlulam Plinii Minoris 1.15 legere incipimus in qua Plinius noster de amico suo Septimio queritur quia ille, ad cenam apparatissimam invitatus, immo numquam advenit. Septicius ipse erat quondam praefectus praetorii imperatoris Hadriani sed dimissus erat quia nimis familiariter res cum uxore imperatoris tractabat.

Hoc in acroamate, de Martha Stewartensi philosophamur. Si nondum pelliculam (anglie editum) de illa apud Netflix vidisti, i visum! Est pellicula digna quae spectetur.

Hoc in episodio, loquimur de quadam archimagira clarissima. Garrimus etiam de certamine inter iuscula capsicorum et Colorati et Novi Mexici. Catherina ambo genera capiscorum laudare non desinit; apud Timotheum, autem, res aliter se habent! Fruamini acroasi, o auscultatores carissimi!

Annica ipsa Timotheum visitat in Colorato et illi nugatores locum quod Olaus Magnus de piscibus salsis et conservatis legunt.

Hoc in episodio, de mense Octobris garrimus. Fruamini, o auscultatores!

Nunc denique ad finem vere legimus excerptum Petri Danielis Huetii de prandio inedibili! Nobis apponit sedulus hospes salgama sparsa croco: Gothico haec sapit esca palato. Tum zytho atque ovis incoctas oggerit offas Et vino atque uvis, siccat quas clara Corinthus, Et crustis pilo tunsis et olentibus herbis; Incretum his piper acre et odorum caryophyllum, Et coriandra simul, tum zinziber atque sinapi, Sacchar, mella, oleum, marathrum flavumque butyrum. Non alias Hecaten atris sub sedibus Orci Crediderim libasse dapes; tristisque noverca Non alios miscet privigni in funera succos.  Ergo venenatas impransi liquimus escas.

Lectionem vel excerptum e carmine Patri Danielis Huetii recitamus et enodamus. Huetius iter circuì Mare Balticum anno 1652 fecit quo tute confecto, Saturam Horatii modo exaravit. Versus nonnullos recitamus et nempe explicare conamur sed non multum nisi nugas oramus.

Hoc in episodio, excerptum e quaedam epistula Plinii legimus. (Epistula prima in libro tertio est.) Haec epistula sane ad cenam dignam et bonam pertinet qua Plinius fructus est apud senem nomine Spurinna.

En- revenimus!

Hoc in episodio, Catherina Timotheusque loquimur cum Irene, Ilsa, Andreaque apud Argillamontem, post Rusticationem Salvianam. Hoc acroama est pars primae seriei triplicis; acroamate audito, i, o auscultator, sine mora ad acroama Saturae Lancis. Deinde eundumst ad partem tertiam et ultimam huius seriei, quae inveniri potest apud Latinitatem Animi Causa. Fruere!

Timotheus et Catherina nugantur de memoriis puerilibus et dulcibus sive bellariis quae nos delectaverant.

Hoc in episodio, Timotheus et Catherina flores vicinorum clam sumunt, et in animalia mutantur. Auscultate, si audetis- episodium valde ridiculum est!

Timotheus cum discipulis acetaria bene nota nomine "Caesaris" vel "Caesarea" in Lyceo paravit et hoc episodio elementa numerat et praecepta explicat. Catherina autem de foliis arboris maximis in quibus aqua ebullire potest narrat.

Hoc in episodio, Timotheus et Catherina de libis fartis mexicanis, seu de cuneis mexicanis, garriunt. Quid soletis addere ad cuneos mexicanos vestros? Mavultis carnem suillam an carnem gallopavonaceam? Auscultate et fruimini!

Hoc episodium incidimus media mensis Martis et de Vere appropinquanti et in Baltimoria et Colorato collocuti sumus. Timotheus quaeritur de herbis molestis removendis.

Hoc in episodio, de bellariis Paschae loquimur. Estne tibi, o auscultator carissime, bellarium praeoptatum huius temporis anni?

Hoc in episodio, epistulam Erasmi legimus, in qua moribus culinariis ipsissimi Thomae Mori describuntur.

Timotheus narrationem refert de lagoena ignota quam aperuit, horriblile olfactu. De lagoenis discipulorum relictis monemus.

Hoc in episodio, Catherina versatur apud Argillamontem cum nonnullis amicis et veterrimis et novis. Periocundum erat Biduum Virginianum celebrare et cum multis congerronibus lepidissimis tempus degere.

Hoc in episodio, Timotheus et Catherina fabulam nitidam missam ab amico nostro Fredericio legunt. Fabulam ad paxillos et ad collyras spectat. Dum nugamur de fabula, patefaciuntur animi nostri pravissimi! Fruamini, o auscultatores!

Est mos satis absurdus in Civitatibus Foederatis celebratus in civitate Pennsylvania, homines marmotam inspiciunt et si, umbra sua visa, reveniat in cuniculum, omen significet hiemem diutiorem. Nos de festiva absurda et variis cibis ad festam pertinentibus colloquimur.

Hoc in episodio, Timotheus et Catherina loquuntur de prandiis suis cotidianis apud lycea. Quid soletis vos prandere diebus scholasticis, o auscultatores?

Hoc tempore anni cum maxime friget, nonnumquam fit ut ludi, nivis causa, ianuas claudunt. Catherina Baltimoriae et Timotheus in Colorato ambo diebus sine opera fungenda fructi sunt. Quid egerunt totam diem domi manentes? Coxerunt, sane!

Hoc in episodio, legimus colloquium erasmiano de vino. Fruamini!

Catherina Timotheusque de cibis consumendis in initio anni novi colloquuntur.

Hoc in episodio, et de benificiis et de incommodis culinarum alienarum loquimur. Hoc etiam notandum est: beati sumus (et auscultatores beati sunt) quia amicus noster carissimus Iason nos comitatur in hoc episodio! Auscultate et fruimini!

Nunc nos ambo adsumus! Ignoscite, O lepidissimi auscultores, quia Timotheus inepte prius acroama imposuit. Hoc episodio, colloquimur de atramento ex animali maritimo, nomine sepia. Et Romani antiqui et ars photographica prae-moderna quoque usi sunt huius animalis atramento.

Hoc in episodio, fabulam nitidam una legimus de mure ebrio et de fele esurienti. Beati sumus Catherina Timotheusque, quia Iason noster nos comitatur in garriendo, nugando, legendo, scaenam ridulam agendo (et bibendo!)

Hoc in episodio, garrimus cum amico nostro carissimo veterrimo, Iason Slanga, de cerevisia. Scitote- haec pars prima est; etiam pars altera in lucem mox emittetur, septimana proxima. (Bis beati eramus!)

Hoc in episodio, legimus plus de moribus cenandi propinandique in Iaponia. Fruamini!

Lectionem brevem (brevissimam immo!) ab Iohanni Pietro Maffeo scriptam legimus qui erat Jesuita sacerdos et inter primos Europeanos qui locos Asiaticos descripsit. Haec lectio est prima pars et de paxillis (baculis brevibus culinariis) et more hospitium cenacula excalceatorum intrantium.

Paulo breviter quam solemus hac septimana collocuti sumus et sane nihil novi didicimus nisi quod culinam Timothei diluvium passam esse. Audite, igitur, si audetis, de clade culinae maxima.

Catherina et Timotheus pergant ad umbillicum cuiusdam lectionis de Fungis. Legimus locum ex "De Re Cibaria Libri XXII" cui auctor est Iohannis Breyerinsus. Scripsit hoc: Nihil magis homines ab esu fungorum deterrere debet, quam quod ab omnibus clarissimis scriptoribus inter venena collocantur, atque etiam quod docti quidam viri a funere agendo dictos existimant. Quare non possum non demirari nostrorum temporum gulam adeo esse furiosam, ut modum adhibere non velit iis, quae potius sunt vitae pestes, quam cibi. Quid enim nobis commune esse potest cum pituita illa arborum, & terrae vitiis: inter quae maximum fungorum scelus?  Hi enim immensis exemplis & fere quotidianis in crimen adducuntur. Familias enim interemere, & tota convivia. Galenus caeterique doctissimi medici alimentum eorum pituitosum gelidumque atque succi iniqui affirmarunt, praesertim si sine modo vorentur, ut nunc fieri a plerisque scio. Dignos sane existimamus fungina vita eos, qui pituitam illam & excrementa ciborum in deliciis habent.

Hoc in episodio, Catherina et Timotheus garriunt de fungis et de periculis huius cibi silvestris.

Hoc in episodio optimo, cum Irene Regini, conditrix clarissima acroamatis nomine "Satura Lanx", laetissimi loquimur! Auscultate et fruamini!

Hoc in episodio, Timotheus et Catherina lectionem mirabilem de pullis sacris maritimis legunt- auscultate et fruimini!

Hoc in episodio, Timotheus et Catherina de cultellis loquuntur. Suntne cultri vestri acuti an hebetes? Quotiens soletis cultros acuminare? Auscultate et fruimini!

Edimus in lucem hoc episodium, in quo elegantissime loquimur de epitoniis et de epistomiis. Si nescitis forsan quid sibi velint haec vocabula, auscultate et fruamini- omnia explicabuntur!