Podcasts about mbruis

Beidh an Taoiseach Micheál Martin sa mBruiséil inniu chun freastal ar chruinnithe le ceannairí eile san Eoraip.

Tá Ceannasaí nua gaibhte i mbun oibre in Oifig Fheidhmeannas Thuaisceart Éireann sa mBruiséil maidin inniu.

Teachta Dála le Sinn Féin, Violet-Anne Wynne, éirithe as an bpáirtí. D'fhreastail an Taoiseach Micheál Martin ar chruinniú éigeandála mullaigh sa mBruiséal moch maidin inniu.

Beidh cruinniú inniu sa mBruiséal chun Prótacal Thuaisceart Éireann a phlé. Tagann sé sna sála ar eachtra inár bhailigh cúpla míle duine tráthnóna Dé hAoine chun agóidíocht a dhéanamh in aghaidh an Phrótacail.

Cuirfear tús le cruinniú mullaigh inniu sa mBruiséal idir an Aontas Eorpach agus Aontas na hAfraice. Beifear ag plé cúrsai na hÚcráine freisin.

Ar an gclár seo labhair Séamus Ó Neachtain linn faoi Chumann Carad na Gaeilge agus "An Gael - Irisleabhar Idirnáisiúnta na Gaeilge". Chomh maith leis sin bhí Eoin Ó Catháin linn le labhairt faoi agallamh an Phrionsa Harry agus Meghan Markle, faoi bhogadh ar ais go hÉirinn ón mBruiséil, faoin bpaindéim sa Bheilg agus faoina ról nua le Raidió na Gaeltachta.

Beidh an Taoiseach Mícheál Martin i measc cheannairí na hEorpa san mBruiséil inniu ag an dara lá de chruinniú Mullaigh an Aontais Eorpaigh. Seisiún ceistiúcháin do cheapúchán Mhairéad Mc Guinness mar Choimisinéir Eorpach.

Ar ár gcéad chlár de Fada is Fairsing taifeadta ón mbaile i rith géarchéim an choróin víris, labhair mé le m'iarchomhláithreoir ar an gclár Eoin Ó Catháin faoi chúrsaí thall i mBruiséil na Beilge agus le hEvin Ó Dúnaigh ó Chonradh na Gaeilge Glaschú faoi chúrsaí san Albain - ranganna Gaeilge an Chonartha ar líne agus eile!

Clár speisialta de Fada is Fairsing é seo beo ó Oireachtas na Samhna 2019 le haíonna rialta an chláir tagtha ó i bhfad go hÉirinn a bheith linn don fhéile! Bhí Karen Reshkin agus Mike O'Regan linn ó Ghaeil Chicago, Indiana na S.A.; Scott Oser linn ó Vancouver Ceanada, Eoin Ó Catháin abhaile ón mBruiséil agus James McDonald ó Chonradh na Gaeilge i Londain.

Ar an gclár seo bhí Máire Ní Mhaonaigh ó Ollscoil Cambridge ag labhairt linn faoin bhfoclóir eDIL agus an 500 focal nua Gaeilge ar tháinig sí agus a comhghleacaithe ansin agus in Ollscoil na Banríona Bhéal Feirste orthu- tuilleadh ag: bit.ly/2kkFcrr .Chomh maith leis sin bhí Eoin Ó Catháin ag labhairt linn ón mBruiséil faoin scéal is deireanaí maidir leis an mBreatimeacht.

Ar an gclár seo bhí an t-Ollamh Aoibheann Ní Dhonnchadha ó Institiúd Ard-léinn Bhaile Átha Cliath linn a d'oibrigh ar thaighde spéisiúil a tháinig chun cinn i gColáiste na hOllscoile Corcaigh faoi naisc idir dochtúirí meánaoiseacha in Éirinn agus Persia.https://www.irishexaminer.com/breakingnews/ireland/15th-century-manuscript-reveals-links-between-gaelic-ireland-and-muslim-world-908545.html Chomh maith leis sin bhí Eoin Ó Catháin beo linn ón mBruiséil le labhairt faoin scéal is deireanaí i leith na Breatimeachta de agus faoi Thoghcháin Pharlaimint na hEorpa.

Ar an gclár seo labhair Kilian Mac Donagh linn faoin ngrúpa na Gaeil i gCein i mBruiséil na Belige agus na himeachtaí éagsúla a bhíonn ar siúl acu. Chomh maith leis sin chualamar ó Aindriú Ó Ciardha faoina saol idir Ohio agus Connecticut na Stát Aontaithe agus na Gaeil iontacha i gCT agus ar deireadh labhraíomar leis an Dr Liam Ó hAisbéil ó choiste Comhdháil ar Litríocht agus ar Chultúr na Gaeilge 2018 faoi chainteoirí agus ábhair na comhdhála i mbliana ón 5-6 D.Fómhair.

Ar an gclár seo labhair Eoin Ó Catháin linn ón mBruiséil faoi chuairteanna an Taoisigh ar na Stáit Aontaithe an tseachtain seo caite agus ar an nGearmáin inniu, agus faoin a alt féin san Irish Times. Chomh maith leis sin d'éisteamar siar le hagallamh a rinne mé le Niamh Nic Leoid le deireanas faoi Chomhdháil na Mac Léinn Ceilteach a bhí ar siúl in Ollscoil Dhún Éideann www.irishtimes.com/news/education/…irish-1.3415719

Ar Chlár 100 den tsraith idirnáisiúnta faoi chainteoirí Gaeilge ar fud na cruinne, chualamar ó Róisín Nic Fhearghusa faoin obair atá á déanamh aici i Doha, Qatar. Chomh maith leis sin, d'fhill m'iarchomhláithreoir Eoin Ó Catháin ar an gclár beo ón mBruiséil le breathnú siar ar 100 clár de Fada is Fairsing agus ar chúpla scéal reatha ón mBruiséil agus na Stáit Aontaithe.

Ar an gclár seo labhair Robert Henneberg linn ón mBruiséil faoi chúrsaí sa chathair ansin agus faoin mbagairt sceimhlitheoireachta a fógraíodh i gCathair na Mánach sa Ghearmáin ar Oíche Cinn Bliana, chualamar ó Marie Ní Bhraonáin faoin bhfeachtas Habitat for Humanity a bhfuil sí féin agus daltaí na scoile Gonzaga i mBÁC ag obair air le tithe a thógáil i Zaimbia na hAfraice agus lá rásaíochta a dhéanfaidh siad chun airgead a thiomsú dó. Ar deireadh chualathas ó Pheadar de Brún as Swindon, Sasana a d'fhoghlaim an Ghaeilge dhá bhliain ó shin ag Oideas Gael i nGleann Cholm Cille.