Fjórðungur - Hlaðvarp

Loksins komust strákarnir að hljóðnemunum og gerðu upp átta liða úrslitin, spáðu í spilin og rétt renndu yfir aðrar deildir. Við fáum nýjan Íslandsmeistara og möguleiki á Garðabæjar rimmu í úrslitum er möguleiki. Spennandi tímar.

Heiðar og Árni settust niður ræddu landsliðið og svo tóku vörutalningu á liðunum í Bónus deild karla. Hvað vitum við? Ekki neitt?

Loksins komumst við að hljóðnemum til að ræða körfubolta komandi vetrar og spáð í spilin. Hvar endar nýliðarnir og hverjir ættu að vera hærra í spánni eða neðar skv. Árna og Heiðari.

Árni og Heiðar settust niður og hylltu Íslandsmeistara Vals, ræddu úrslitaeinvígið og ræddu það sem vitað er nú þegar varðandi íslenskan körfubolta.Við þökkum kærlega fyrir veturinn. 

Við settumst niður og gerðum hreint fyrir okkar dyrum en við skulduðum þátt en allt í góðu. Við renndum örlítið yfir liðin sem hurfu af sviðinu eftir 8 liða úrslitin. Lof eða last þar. Tókum undanúrslitaeinvígin fyrir og þar var smá ef og hefði leikur en að endingu spáðum við í spilin fyrir úrslitaeinvígið. Einnig buðum KR og ÍR velkomin aftur og ræddum úrslitaeinvígið kvennamegin í smástund.

Strákarnir settust niður, kvöddu fjögur lið og einn þjálfara, gerðu upp tímabil liðanna sem komust í úrslitakeppni og rýndu í framtíð einvígjanna. Spennan er mikil á sumum vígstöðvum og hefur minnkað annarsstaðar. 

Árni og Heiðar settust niður og fóru yfir stöðuna nú þegar fjórar umferðir eru eftir af deildarkeppninni, rýndu í stöðuna og spáðu fyrir um það hvernig liðin raðist upp í fyrstu umferð úrslitakeppninnar. Valur - Höttur 1-8Grindavík - Álftanes 2-7Keflavík - UMFT 3-6Þór - Njarðvík 4-5Einnig var rætt um landslið karla og árangur þeirra, Subway deild kvenna, fyrstu deildirnar og önnur deild karla. Góðar stundir

Við tókum heildrænt uppgjör á því hvernig Subway deild karla 2023-2024 hefur gengið. Mikil spenna, þéttur pakki, vesen á leikmannahópum og engin leið til að sjá hvernir það eru sem verða deildarmeistarar og síður Íslandsmeistarar.

Heiðar og Árni settust niður og rýndu í landslagið fyrir komandi tímabil í Subway deild karla. Spáð var fyrir um röð liðanna í deildarkeppni og svo aðeins nefnt hverjir gætu verið Íslandsmeistarar þegar allt er afstaðið. Mun það koma á óvart hverja strákarnir telja vera sigurstranglegasta? Væntanlega ekki.

Tímabilinu er lokið. Við hylltum Íslandsmeistara Tindastóls og ræddum helstu leikendur. Þvílíkt einvígi og þvílíkur sigur Sauðkrækinga. Einnig ræddum við menningu og fórum yfir sviðið fyrir næsta tímabil. 

Nú er ekkert annað eftir en að útkljá það hverjir lyfta Íslandsmeistaratitlinum og það er endurtekið efni frá því í fyrra. Valur og Tindastóll munu berjast um titilinn. Við reyndum að rýna í þetta, kvöddum Loga, fórum yfir undanúrslita einvígin og tæptum á því sem við vitum fyrir næsta tímabil. 

Sumarið er komið, 8 líða úrslitum er lokið og alvaran og dramatíkina verður bara meiri héðan af. Við fórum yfir einvígin sem er lokið,  kvöddu  liðin sem duttu út og rýndum í undanúrslitum.

Útlendingar, úrslitakeppni og ekki útséð með hvernig deildin endar að fullu en Árni og Heiðar renndur yfir breitt svið ásamt hefðbundnu Fjórðungsuppgjöri. 1. deildin og kvennadeildin fengu einnig smá umfjöllun.

Heiðar og Árni settust niður og fóru vítt yfir sviðið. Landsliðið tekið fyrir, Subway deild karla gerð upp af gömlum vana og 1. deildin tekin fyrir.Gætu Stjarnan og Grindavík misst af úrslitakeppninni? Fá Héraðsbúar að finna úrslitakeppnistilfinninguna? Hverjir verða deildarmeistarar og sleppa við Þór Þ. í fyrstu umferð? Það virðast verða aðalverðlaunin.

Heiðar og Árni settust niður til að gera upp annan Fjórðung tímabilsins. Rætt var um dómarastéttina og svo rennt yfir liðin tólf í Subway-deild karla í körfuknattleik. Sum lið eru í vondum málum, sum lið eru bara skrýtin, önnur lið sigla lygnan sjó og svo eru lið sem eru mjög góð og þurfa ekki að hafa neinar áhyggjur.

Heiðar og Árni settust niður í aðdraganda landsleikjhlés til að gera upp fyrsta Fjórðung tímabilsins. Væri réttara að kalla deildina Borgarlínudeildina? Lið gætu allavega færst ansi hratt á milli efri byggðar og neðri byggðar með sigri eða tapi. Kemur á óvart hvar nokkur lið eru staðsett í dag og svo kemur minna á óvart hvar önnur lið eru staðsett. 

Upphitunin er í seinna lagi þetta tímabilið en henni er nú lokið. Við lofsungum Pavel Ermolinskij áður en við fórum yfir spána hjá Fjórðungi. Fer Höttur beint niður aftur og hverja taka þeir þá með sér? Eru Keflvíkingar bestir? Það eru stórar spurningar sem við fáum svör við í vetur.

Heiðar og Árni settust við fjarfundarbúnaðinn og ræddu um loka rimmuna um Íslandsmeistaratitilinn, Íslandsmeistara Vals, leikmennina sem skópu titilinn, Stólana og þeirra vegferð, stuðið á pöllunum áður en þeir renndu yfir sviðið fyrir næsta tímabil og landslið Íslands. Pavel Ermolinskij á drjúgan part. Þrjú korter af körfuboltaspjalli.

Það er komið að því! Tvö lið eftir með eitt markmið. Valur og Tindastól munu bítast um Íslandsmeistaratitilinn þetta tímabilið og eru þau vel að því komin. Við óskuðum Njarðvíkingum til hamingju með sinn titil fórum yfir undarnúrslitin og spáðum í spilin fyrir úrslitaeinvígið.

Farið yfir sviðið eins og það lítur út eftir átta liða úrslit Subway deildar karla og spáð í spilin fyrir undanúrslitin. Fáum við 2 oddaleiki í byrjun maí? Það væri heldur betur fengur fyrir körfuboltaaðdáandann. Einnig var drepið á úrslitaviðureign kvenna og neðri deildum.

Farið var yfir neðstu fjögur liðin, snert á undanúrslitum kvenna og farið yfir einvígin í 8-liða úrslitum karla. Þá var tímabilið gert upp, sett saman úrvalslið og menn valdir bestir og efnilegastir.

Farið yfir sviðið eftir skrýtinn Fjórðung af tímabilinu. Hvernig sjá strákarnir fyrir sér að efstu átta raðist? Hverjir missa af úrslitakeppninni? Landslið. Smá 1. deild og Subway deild kvenna.

Settumst niður og gerðum upp annan Fjórðung. Falldraugurinn lifir á landsbyggðinni. Höfðum áhyggjur og ekki af nokkrum liðum. Taflan lýgur sjaldan en Þór frá Þorlákshöfn er tilbúnasta liðið en Keflavík eru bestir.

Uppgjör á fyrsta Fjórðungi er komið og tímabært sýnist okkur. Hverjir eru á leiðinni upp og hverjir niður? Hvar standa liðin gagnvart spá okkar og hvað er langt á milli íþróttahúsa? 

Við erum mættir aftur og er það ekki seinna að vænna. Körfuboltatímabilið hefst núna á miðvikudaginn og við þurftum að setjast niður og kraftraða liðunum í Úrvalsdeild karla.Flestir átta sig á því hverjir eru neðstir og hverjir gætu mögulega verið efstir en hvar raðast hinir?

Löngu, skemmtilegu og eftirminnilegu tímabili er lokið. Þór Þorlákshöfn er Íslandsmeistari og þurfti að gera upp lokaeinvígið við Keflavík. Einnig var farið yfir viðurkenningar, mölbúahátt KKÍ, leikmannamál, mál Kristófers Acox, leikjadagskrá næsta tímabils og fleira.

Strákarnir ræddu leikmanna og þjálfara mál áður en undanúrslitin voru gerð upp. Geta KR og Stjarnan verið ánægð með tímabilið hjá sér? Svo var farið yfir hvað gæti gerst í úrslitaeinvíginu á milli Þórs frá Þorlákshöfn og Keflavíkur. Eiga Keflvíkingar titilinn vísann?

Strákarnir settust fyrir framan tölvurnar og áttu gott samtal um þjálfaramálin í Dominos deild karla, fóru yfir átta liða úrslitin og spáðu í spilin fyrir undanúrslitin. 

Okkur tókst að klára deildarkeppnina. Okkur mun takast að klára úrslitakeppnina. Heiðar og Árni fóru yfir liðin, mátu þau og spáðu síðan fyrir um átta liða úrslitin.

Tíðindi dagsins 13. apríl 2021 gerðu það að verkum að strákarnir settust við hljóðnema og fóru yfir stöðuna. Fyrst hvernig Dominos-deild karla verður kláruð og síðar var staðan tekin á hverju liði fyrir sig þegar einn Fjórðungur lifir af deildarkeppninni.

Árni og Heiðar settust við tölvurnar og fóru yfir breiðar strokur í íslenskum körfubolta. Útlendingamál, liðin þegar 10 umferðir eru búnar og örlítið um 1. deild kk, Dominos kvk og 1. deild kvk.

Í fyrsta sinn eftir Covid pásuna settumst við niður og fórum yfir liðin í Úrvalsdeild karla byggt á staðreyndum en ekki hvað gæti orðið. Vonbrigði, verðbólga, veggurinn og virkilega skemmtilegt að þetta sé komið af stað aftur.

Heiðar og Árni tylltu sér með rúmlega tvo metra á milli sín og ræddu þau gleðitíðindi að körfuboltinn fari af aftur af stað. Ástandið, form mótsins, liðin og önnur atriði tekin fyrir á rúmum klukkutíma.

Þjálfari ríkjandi deildar- og bikarmeistara Stjörnunnar Arnar Guðjónsson hitti okkur í stafrænu upptökuveri og ræddi við okkur um ástandið í íslenskum körfubolta.

Fjórðungur hlaðvarp fékk til sín góðan gest en Kristján Gauti Karlsson leit við og ræddi BA ritgerð sína í íslensku „Stökkskot og stoðsendingar: Orðmyndun í íslensku körfuboltamáli." Reynt var að finna orð á nokkra hluti sem hefur ekki verið náð að þýða svo vel sé gert ásamt því að rætt var örlítið um körfuboltann á Vesturlandi og hvenær körfuboltinn fer aftur af stað hér á landi.BA ritgerð Kristjáns er hægt að nálgast hér: https://skemman.is/handle/1946/35554

Yfirferð á liðin í Dominos deild karla og opinber spá Fjórðungs er opinberuð. Einnig rennt yfir 1. deild karla og Dominos deild og 1. deild kvenna. Nóg um að vera semsagt og stutt í mót.

Það er klukkutími í leik og menn eru mættir út á gólf að liðka sig til. Farið er yfir hvernig liðin líta út mánuði fyrir mót og gerð drög að spá Fjórðungs. Eru Þórsliðin of lágt í spánni? Er tími Tindastóls kominn loksins? Ætla Valsmenn að gera þetta af alvöru núna?

Strákarnir þurftu að kveðja tímabilið sem kláraðist aldrei. Þeir gera það með því að fara yfir sviðið í þjálfaramálum á Íslandi og þær sviptingar sem hafa orðið undanfarna daga. Þá var farið til baka um 14 ár og litið aftur á oddaleik Keflavíkur og Skallagríms í undanúrslitum Íslandsmótsins í körfuknattleik árið 2006. Bræður börðust og annar þáttastjórnandinn sat á bekk Skallagríms á meðan hinn sat líklega sveittur við að klára ritgerð í sagnfræði við Háskóla Íslands. Er þetta stærsta stund í sögu karlakörfunnar í Borgarnesi?Leikinn er hægt að nálgast hér: https://www.youtube.com/watch?v=6q5DpnUd5_U&t=181s

Aftur horfðum við á gamlan körfuboltaleik og í þetta sinn varð fyrir valinu leikur ÍRB og London Leopards í Korac bikarnum tímabilið 1999-2000. Líklega hefur aldrei svo rosalegt lið verið sett saman í íslenskum körfubolta. Hægt er að nálgast leikinn hérna á YouTube síðu Friðriks Inga Rúnarssonar: https://www.youtube.com/watch?v=n7ZlEz-xkGY Fyrst þó fórum við yfir sviðið í mannabreytingum á liðunum í Dominos deildunum en það er nóg um að vera á þessum fordæmalausu tímum.

Í tilefni af því að strákarnir hafa horft á ÍRB á móti London Leopards í Korac bikarnum frá árinu 1999 endurflytjum við sögumola um ÍRB frá 2. janúar 2019.

Við ákváðum að líta til baka á leik KR og ÍA í undanúrslitum árið 1998. Afrek ÍA í 8-liða úrslitum verður líklega ekki endurtekið. Damon Johnson var rosalega góður og kannski sá besti. 2X20 mínútur. Ermolinskij staran. Skegg! Kærar þakkir til þeirra sem eru að hlaða upp gömlum leikjum á YouTube.Leikinn má nálgast hér: https://youtu.be/LY0SGNlOzxo

Tímabilið fékk heldur snubbóttann endi og eru menn fúlir en við sættum okkur við þetta því rétt ákvörðun var tekin með almannahagsmuni í huga. Við ræðum ákvörðunina áður en við ræðum körfubolta. Stjarnan eru deildarmeistarar en KR verða Íslandsmeistarar sjöunda árið í röð. Kveðjum Fjölni og bjóðum Hött velkomna í Dominosdeildina. Við ræðum einnig hvernig úrslitakeppnin hefði hugsanlega verið.

Við erum mættir aftur. Nú verður þriðji Fjórðungur Dominos deildar karla gerður upp. Er Valur á leiðinni niður? Ætlar Grindavík að missa af úrslitakeppninni í fyrsta sinn síðan 1992? Er Stjarnan orðin deildarmeistari og hvað þýðir það fyrir úrslitakeppnina?

Heiðar og Árni tylltu sér fyrir framan hljóðnemana til að gera upp áratuginn sem senn er á enda í Úrvalsdeild karla í körfuknattleik. Uppgjörinu var skipt upp í sjö flokka og farið um víðan völl.

Staðan tekin á liðunum í úrvalsdeild karla. Hver toppar feigðar kraftröðunina t.d. og hverjir eru með hækkandi hlutabréf? Viljum við ekki fara að fá nýtt nafn á Íslandsmeistarabikarinn?Örlítið drepið á Úrvalsdeild kvenna og litið á neðri deildirnar.

Það hefur mikið gengið á í Dominosdeild karla í körfuknattleik og geta sum lið verið mjög ánægð með gengi sitt, einhver geta ekki verið annað en svekkt og önnur eru bara nákvæmlega á þeim stað sem þau eiga að vera. Heiðar og Árni settust fyrir framan hljóðnemana og framkvæmdu Fjórðungs uppgjör

Það er stutt í mót og við þurftum að uppfæra spána okkar, tala um Dominosdeild kvenna, 1. deildina og tala um uppáhalds erlenda leikmanninn sem spilaði ekki fyrir liðin okkar.

Heiðar og Árni kláruðu yfirferð sína á liðin í Dominos deild karla og röðuðu liðum niður í sæti 6 og upp í það fyrsta. Seinni hluti var tekinn upp daginn eftir.

Heiðar og Árni mættu í stúdíóið og fóru yfir liðin sem þeir halda að lendi í sætum 7-12 í Dominos deild karla í körfuknattleik tímabilið 2019-2020.

Heiðar og Árni settust niður í Kompunni og fóru yfir lokaeinvígið þar sem KR tryggði sér Íslandsmeistaratitilinn í körfuknattleik karla. ÍR-ingum og fleirum þakkað fyrir góðan vetur sem verður væntanlega lengi í minnum hafður.

Strákarnir mæta saddir eftir páskana en það er spurning hvor liðin sem leika til úrslita um Íslandsmeistaratitilinn séu orðin södd. Fjórðungur fékk til sín góðan gest en Hörður Unnsteinsson settist niður með okkur og fór yfir undanúrslitin og rýndi í úrslitaviðureign KR og ÍR.