Rauð síld

Rauð síld hefur nú söðlað um, breytt um nafn og vettvang. Hér eftir kallast þátturinn Stjörnubíó og verður á dagskrá X977 á sunnudögum kl 12:00. Einnig mun þátturinn verða aðgengilegur á Vísi.is. http://www.visir.is/utvarp/s/252

Heiðar Sumarliðason og Kristján Kristjánsson ræða um Alita: Battle Angel (og sitthvað fleiri). Inniheldur einhverja spilla (ekki að það skipti máli í þessu tilfelli).

Heiðar Sumarliðason og Bryndís Ósk Ingvarsdóttir ræða Sex Education þættina af Netflix og ýmislegt þeim tengt.

Heiðar og Bryndís ræða You, Wanderlust og Derry Girls by Heidar Sumarlidason

Inniheldur væga spilla.

Heiðar fékk umdeildasta varaþingmann Íslands, Píratann Snæbjörn Brynjarsson, til að ræða um BlackKklansman, sem einhverra hluta vegna hefur ekki ratað í bíó hérlendis. Skammarlegt, enda myndin löngu komin út allsstaðar í siðmenntuðum löndum. Við fundum hana því bara á stað sem má ekki nefna á nafn. Inniheldur spilla.

Heiðar og Bryndís Ósk tala um Heathers, hötuðustu/umdeildustu þætti seinna tíma (eða síðan Insatiable, skammt stórra högga á milli). Krassandi stöff.

Heiðar fékk til sín sviðslistamanninn Hlyn Pál Pálsson til að ræða The SIsters Brothers með Jóhannesi Hauki Jóhannessyni í aukahlutverki og The Ballad of Buster Scruggs eftir Coen bræður. 40 mínútur, stutt og laggott aldrei þessu vant.

Heiðar og Hafnkell ræða Spiderman og Mortal Engines kapphlaupið þessa helgina í USA. Einnig taka þeir fyrir Eight Grade, Amerian Animals og Ralph Wrecks the Internet. Engir spoilerar.

Heiðar Sumarliðason fær Jóhannes Hauk Jóhannesson í heimsókn. Strákarnir horfðu á The Kominsky Method af Netflix og ræða hann, einnig spjalla þeir um The Sisters Brothers og Origin sem Jóhannes leikur í, ásamt ýmsu öðru tengdu því sem er að gerast í „bransanum.“

Heiðar og Tommi tala um bandarískar ekkjur.

Heiðar Sumarliðason og Hrafnkell Stefánsson fara yfir hvað er væntanlegt í kvikmyndahús á næstu vikum og leggja mat sitt á Bohemian Rhapsody og Den Skyldige. Umfjöllunin um myndirnar inniheldur spilla.

Það lá við handalögmálum þegar Heiðar og Kiddi K tókust á um A Star is Born, mengun, pólitík og vefkökur.

Það væri hægt að kalla Jóhannes Hauk Jóhannesson Hollywood leikara, ef ekki væri fyrir að hann leikur sín hlutverk yfirleitt í Suður-Afríku eða Noregi, en close enough. Heiðar og Jói hittust og tók létt spjall um hans nýjustu verkefni, sem og daginn og veginn.

Heiðar Sumarliðason og Tómas Valgeirsson fóru á Lof mér að falla eftir Baldvin Zophaníasson og skemmst er frá því að segja að þeir voru mjög sáttir. Þeir ætla samt að reyna að eftir fremsta megni að finna eitthvað...bara eitthvað, sem hægt er að setja spurningarmerki við varðandi þessa frábæru mynd.

Heiðar Sumarliðason og Bryndís Ósk Ingvarsdóttir koma nýja Netflix þættinum Insatiable til varnar, setja sig svo á háan hest og láta góða-, vonda- og wokefólkið heyra það. Svo finna þau upp nýjan þjóðfélagsflokk, skuggafólkið. Inniheldur spilla.

Heiðar Sumarliðason og Hrafnkell Stefánsson ræða kvikmyndir ágústmánuðar. En oft er hann einskonar ruslakista fyrir lélegar kvikmyndir (Mile 22, Happytime Murders, The Meg, Slender Man, A-X-L) eða myndir sem þykja erfiðar í markaðssetningu(Alpha, Crazy Rich Asians, Christopher Robin). Einnig, fjögurra ára barn dæmir The Meg. Inniheldur spilla um The Meg (ekki að það skipti máli).

Verið velkomin í þriðja þátt Rauðrar síldar, hlaðvarps um kvikmyndir og sjónvarpsþætti. Stjórnandi þáttarins er Heiðar Sumarliðason, leikskáld og handritshöfundur, gestur hans í dag er handritshöfundurinn Hrafnkell Stefánsson. Þeir byrja á almennri umræðu um það helsta sem er að gerast í kvikmyndunum (00:00-42:00), færa sig svo yfir í Ethan "I´ll figure it out" Hunt og IMF gengið hans, sem í sjötta skiptið setur á sig grímur, keyrir hratt, drepur vonda karla, hangir utan á fljúgandi farartækjum, kyssir konur af handahófi o.s.fv. í nýjustu Mission Impossible myndinni Fallout.

Annað varp Rauðrar síldar. Heiðar fékk til sín norðlensku goðsögnina Kristján Kristjánsson og ræddu þeir um tvo glænýja sjónvarpsþætti: Who is America (Sjónvarp Símans), sem er brakandi ferskur grínþáttur úr smiðju Sascha Baron Cohen og Sharp Objects (Stöð 2), sem er nýjasta nýtt í hægelduðu amerísku krimma sjonrunni. Ekki gleyma að nú er hægt að fá ferskt varp beint í snjallsímann frá iTunes, með því að gerast áskrifandi.

Hér er hægt að hlýða á fyrsta þátt kvikmynda- og sjónvarpshlaðvarps sem hefur fengið nafnið Rauð síld (hafði ekki fengið nafn þegar þátturinn var tekinn upp). Stjórnandi er Heiðar Sumarliðason, leikskáld og handritshöfundur. Gestur þáttarins er Bjartmar Þórðarson, leikari. Við munum í fyrsta þætti fjalla um kvikmyndina Hereditary, sem frumsýnd var í Sambíóunum 18. júlí síðastliðinn.