Vestlandsbonden, ein NLR Vest-podkast

Våren er godt i gang, og før me veit ordet av det, så er det plutselig slått att! Det har dei siste åra vore auka fokus på fôrkvalitet, og skilnad på god og dårleg fôrkvalitet. Kva er det som påverkar korleis kvaliteten av grovfôret vert , og kva verktøy har bonden for å ta dei rette avgjerdslene for å få den kvaliteten han eller ho treng til akkurat si gardsdrift? I denne podkasten snakkar me med Petter Klette som er rådgivar i Tine, og Håvard Steinshamn som er forskar i Nibio. Hosted on Acast. See acast.com/privacy for more information.

Nok grovfôr av rett kvalitet er avgjerande for å lukkast i mjølkeproduksjon. På Fureneset testar dei no ut om tidlegare gjødsling og tidlegare slått kan vera med å bidra til meir grovfôr med høg fôrkvalitet. I denne episoda snakkar vi med Håvard Steinshavn og Åsmund Mikalsen Kvifte, som begge er forskarar i Nibio. Hosted on Acast. See acast.com/privacy for more information.

Vi brukar den til alt, og vi finn restar av den overalt. I sjøen, i fjæra, langs vegen, oppe i trea og langt til skogs. Plast! Materialet som nesten alt er pakka inn i, og som har ei bortimot uendeleg nedbrytingstid. Ei forbanning på avvegar og ei velsigning i bruk. Visste du at landbruket er knallgode på attvinning av plast? Heile 86% av innsamla landbruksplast vert nytta om att. Kanskje er den neste bereposen du tek på Rema tidlegare rundballeplast! Høyr meir om utfordringar og moglegheiter for landbruksplasten når vi snakkar med Kari Sigrun Lysne i podkasten Vestlandsbonden. Hosted on Acast. See acast.com/privacy for more information.

I denne episoden har me tatt ein prat med Bart Van Gool. Han var rådgjevar i NLR i mange år, stasjonert i Kvinnherad. Her får me eit tilbakeblikk om kva som har vore viktig å formidle som rådgjevar oppover tida, innan presisjon og anna god agronomi. Det blir også eit intervju med vår rådgjevar i maskinteknikk Gunstein Dyrdal om kva som er nytt og kva som kjem framover. Hosted on Acast. See acast.com/privacy for more information.

Mentorordninga i landbruket er eit tiltak for at unge, eller nystarta bønder skal få lære direkte av erfarne bønder. Gjennom møter og samtaler gjennom eit heilt år byr mentor på sine erfaringar, og er ein god sparring og diskusjonspart for den den oppstartande bonden. Ordninga kan nyttast i tradisjonell næring, men og i nyare næringar som «Inn på tunet», eller foredling og sal av varer frå garden. I denne episoda fortel rådgjevar i Norsk Landbruksrådgiving Vest om det formelle rundt ordninga. I tillegg får vi høyre Torgeir Lavik og hans mentor Eivind Myrdal snakke om sine erfaringar og deler raust ut med gode råd. Hosted on Acast. See acast.com/privacy for more information.

I denne podkasten tar me ein prat med Frøydis Haugen, tidlegare mjølkebonde og klimakoordinator i Vestland. Her får me eit innblikk i kva jobben hennar har vore, og kva som er grunnen til at ho engasjerer seg i klimautfordringane i landbruket. Les meir om dette på nettsida: www.klimavest.no.Me har også tatt ein prat om klimarådgjeving med vår kollega Åsmund Seljeset. Hosted on Acast. See acast.com/privacy for more information.

I denne episoden har me tatt med oss mikrofonen ut på eitt av forsøksfelta til NLR Vest. Her har me tatt ein prat med Torleif Bakke Haavik og Leif Trygve Berge som har ansvar for forsøket. Me får høyre kvifor slike felt er så viktige og kva forsøksfeltet i Omvikdalen i Kvinnherad kan fortelja oss. Kjersti Hjelmeland som er forsøksverten, fortel oss om korleis det er å ha eit forsøksfelt. Me har også treft Bart Van Gool som tidlegare var rådgjevar i dette området og har hausta forsøksfelt sia 80-talet. Our GDPR privacy policy was updated on August 8, 2022. Visit acast.com/privacy for more information.

I denne episoden får me høyre korleis det går med karbonfangstprosjektet. Til å fortelje meir om dette har me teke oss ein prat med Gunnlaug Røthe. Ho har teke ut jordprøver frå 6 teigar på økologisk drive areal og frå 6 teigar på konvensjonelt drivne bruk, i podkasten får du blant anna informasjon om kva prøvene syner. Our GDPR privacy policy was updated on August 8, 2022. Visit acast.com/privacy for more information.

Alle er einige om at Inn på tunet er bra. Mange kan ha bruk for eit opphald på gard med meiningsfulle aktivitetar knytta til matproduksjon og dyrehald. Men kva er eigentleg Inn på tunet, og er det noko som alle bønder kan drive med? Kva krevst for å kome i gang, og korleis skal ein finne behov og kundar? I denne podkasten frå NLR Vest snakkar programleiar Kolbjørn Taklo med seniorrådgjevar Ragna Flotve hjå Statsforvaltaren i Vestland om Inn på tunet. Lytt og finn ut om det er noko for deg. See acast.com/privacy for privacy and opt-out information.

Dei fleste av oss møter bier i løpet av sommaren. Nokon vil helst unngå dei, medan fruktbønder kan betala for å få titalls tusen av dei inn i hagane sine.Kva nyttar me biene til? Kva gjer ein birøktar og korleis får ho biene til å spele på lag? Veit du kva biene gjer om vinteren? Dette og meir får de svar på i denne episoden av Vestlandsbonden som er tileigna dei fabelaktige honningbiene.Me pratar med Heidi Eiken som har 12 års erfaring som birøktar, og me høyrer frå Jan Ove Nes som er fruktbonde og siderprodusent i Hardanger. See acast.com/privacy for privacy and opt-out information.

I denne episoden har me tatt ein prat med vore gode kollegar Dag Arne Eide og Åsmund Seljeset. Her får me gode råd om korleis ein kan nytta husdyrgjødsla godt og me prata litt om gjødslingsplan. See acast.com/privacy for privacy and opt-out information.

Korleis redusere klimagassutslepp frå ein driftsbygning, både ved bygging og i levetida til bygget? Får vi ein renessanse for tømmer frå eigen skog? Kva er eigentleg eit klimasmart landbruksbygg?Tenk langsiktig når du skal bygge, vel løysingar og plassering som reduserer klimagassutslepp, både i bygg og drift, bruk dei gamle bygga dersom du kan. Dette er nokre av råda frå forskar Matthias Koesling ved NIBIO som du kan høyre i vår siste podkast om klimasmarte driftsbygningar i landbruket. I tillegg snakkar vi med byggrådgjevar i NLR Vest Olve Flo Sunde. Han meiner at det kan vere mykje spart både for klima og lommebok å bygge av eigen skog. men at det kan bli meir krevjande for bonden som skal bygge. See acast.com/privacy for privacy and opt-out information.

Treng du råd om grøfting av eng? I denne episoden kjem Trygve Torsteinsen med mykje nyttig informasjon rundt grøfting. Viste du at drenering eller grøfting kan redusert klimagassutslipp, og er dermed eit viktig klimatiltak. Og lure du på kva det koster å grøfte her på Vestlandet? See acast.com/privacy for privacy and opt-out information.

Ei lita jolahelsing frå oss i NLR Vest. See acast.com/privacy for privacy and opt-out information.

Kva er marknadshage? Dette spør me rådgjevar Gunnlaug Røthe frå NLR Vest og Anders Flatlandsmo. Anders fortel også om korleis han driv marknadshage på heimgarden i Voss Herad. See acast.com/privacy for privacy and opt-out information.

Norsk frukt frå liene ved fjordane våre, må no vere noko av det beste vi har!I denne podkasten ser vi litt nærare på fruktdyrkinga, og korleis fruktnæringa taklar dette uføreseielege med skiftande vêr og føre. Og vi ser litt tilbake på to sesongar prega av covid, med særleg tanke på arbeidskrafttilgang. Kva utfordringar har det vore, og korleis har det gått?Til å fortelje om fruktdyrkinga, har vi fått med oss ein av dei mest erfarne rådgjevarane i NLR Vest, Rune Vereide. See acast.com/privacy for privacy and opt-out information.

Sporar er ein plagsom gjest i mjølka, og kan fort føre til store negative følger for mjølkeprisen. Men kva er sporar ? Er nokre ensileringsmiddel betre mot sporar enn andre ? Og kva med maskiner og teknikk i slåtten ? I denne episoden av Vestlandsbonden, har vi gått litt utradisjonelt til verks i podcastmekkinga. Du vil no få høyre ein fagleg diskusjon om reelle sporeproblem hjå ein bonde på Vestlandet, med fire av våre rådgjevar, Lise Austrheim, Gunnstein Dyrdal, Leif Trygve Berge og Dag-Arne Eide.Velkomen til Vestlandsbonden, ein podkast produsert av NLR Vest, med prosjektmidlar frå Vestland fylke. See acast.com/privacy for privacy and opt-out information.

Det kan så lett gå bra! Eller er det eigentleg så lett? Bonde Anders Hopland mista tommelen i eit arbeidsuhell. I denne episoda fortel han om fleire års tapt arbeidsevne og varige mein, og han gir sine vurderingar av kva som skjedde. Vi har også snakka med Arthur Salte i Norges Bondelag om kva som må til for å få færre ulukker i landbruket. Handlar det om flaks og uflaks, er det berre bonden sitt ansvar, eller er der faktorar som vi kan påverke og gjere noko med? See acast.com/privacy for privacy and opt-out information.

I denne episoden snakker me sau! Me får gode tips om sluttfôring frå vår kollega Ove Sørestrand og Fagsjef i småfe Nortura, Finn Avdem. Jakta på det perfekte livdyr og lammeslakt. Kva må til får å oppnå slakteklasse E, og korleis velge ut og fôre fram til fine påsettlam? See acast.com/privacy for privacy and opt-out information.

Å behalde arbeidshelsa og unngå skader og uhell, er kanskje det aller, aller viktigaste for ein bonde. Det meste på garden er avhengig av deg, og at du fungerer. Aktive HMS-tiltak er viktig og nødvendig for at det skal gå bra. Statistikken for landbruk syner at det dessverre går gale litt for mange gonger i løpet av eit år. I denne podkasten kan du høyre korleis du kan få hjelp til HMS-arbeidet frå NLR Vest og våre samarbeidande bedriftshelsetenester. Kanskje får du eit og anna konkret tips som kan vere nyttig for deg? See acast.com/privacy for privacy and opt-out information.

Intervju med Magnus Haugaland, NLR Rogaland See acast.com/privacy for privacy and opt-out information.

I denne episoden har me tatt ein prat med forsøksansvarlege i NLR Vest, Gunnlaug Røthe og Olav Martin Synnes. Her får me vita meir om nokre av dei forsøka og utprøvingane som dei jobbar med i år, blant anna forsøk på strandsvingel og registrering av avlingstap grunna hjort. See acast.com/privacy for privacy and opt-out information.

I forrige del av "Hjelp - vi har fått oss gard" snakka vi om bygningsrådgjeving på garden og støtte til finansiering av landbruksbygg. Viss du skal bygge må du sjølvsagt vite kva du skal bygge, utifrå kva produksjon det er naturleg og fornuftig å satse på når det gjeld din gard. Og ikkje minst lønsemda og må ein vite noko om.Då må vi snakke om økonomi og planlegging, og det er tema for dagens podkast.Me har tatt ein prat med Arve Arstein, økonomirådgjevar i NLR Vest og utarbeider kvart år mange driftsplanar for bønder i Vestland. Og Per Inge Indrebø som driv gard med kjøtproduksjon på storfe i Sandalen i Jølster. Han har bygt ny ammekufjøs i tilknyting til eldre båsfjøs på garden. See acast.com/privacy for privacy and opt-out information.

I denne episoden har me tatt ein prat med kollegane våre Dag Arne, Lise og Mari, om våronna. See acast.com/privacy for privacy and opt-out information.

Kva skal vi drive med på garden? Skal den vere buplass med nogo attåt, eller arbeidsplass og hovudinntektskjelde. Skal vi halde fram produksjon som dei før oss, eller tenke nytt? Kva kan vi produsere på vår gard, og kva spør marknaden etter? Kva skal vi prioritere, bustadhus eller driftsbygning? Maskiner? Reiskap? Mange spørsmål – vi skal prøve å finne svar på nokre av dei. I denne episoden av podkasten Vestlandsbonden snakkar vi med bygningsplanleggar i NLR Vest, Hans Emil Dale om viktige vurderingar omkring bygningsmassen på garden, og kva rådgjeving NLR har for dette. Vi snakkar og med og finansieringsrådgjevar May Britt Otterlei i Innovasjon Norge om ulike stønadsordningar til landbruket, særleg knytt til ein oppstartsfase. Og sjølvsagt må Kolbjørn snakke litt HMS….. See acast.com/privacy for privacy and opt-out information.

Det er det stor usikkerheit om klimagassutsleppa frå dyrka myr og ein finn lite datagrunnlag frå Norge. Idag bruker ein standardtall frå IPCC (FN`s klimapanel) i klimagassregnskapet. Me har tatt ein prat med Synnøve Rivedal frå Norsk institutt for bioøkonomi (NIBIO) om vestlandsmyra. See acast.com/privacy for privacy and opt-out information.

I denne episoden tar me for oss biogass. Kva er biogass? Og vil det bidra til å nå landbrukets klimamål for 2030? Med oss har me Tord Araldsen som har vore prosjektleiar i forprosjektet Voss biogass og Mari Aker som har arbeidd mykje med biogjødsel i NLR Vest. See acast.com/privacy for privacy and opt-out information.

Kretsløptolken er eit verktøy som syner utnyttingsgraden av fosfor, nitrogen og klimagassutsleppa på garden frå jord til mjølk. Programmet er henta frå Nederland, der det i dag blir nytta av mjølkebønder. I Noreg vart det fyrst teke i bruk av Bart van Gool i tidlegare NLR Hordaland.Programledar er Helena Elvatun. See acast.com/privacy for privacy and opt-out information.

Det er aukande interesse for jord og jordhelse med omsyn til klimapåverknad og karbonlagring. Ulike undersøkingar er sett i gang, for mellom anna å finna tiltak som er bra for jorda og jordhelse under norske tilhøve. Innhaldet av organisk materiale og karbon er ein viktig faktor for god jordhelse. I jorda på Vestlandet er dette jamt over høgt på grunn av mykje eng. Kompost er positivt for jordlivet, og kompostering av vrakfôr tilsett lauvtreflis, litt fast møk og gjerne litt friskt gras er både god utnytting av ressursane på garden og viktig for krinslaupet av næringsstoff. Kompost tilfører sopp og organisk materiale til jorda og dette er god mat for mikroorganismane. See acast.com/privacy for privacy and opt-out information.

Landbruket har som einaste næring til no, inngått ein frivilleg avtale med regjeringa om kutt i utslepp av klimagassar. Avtalt kutt er på 5 millionar CO2-ekvivalentar innan 2030. Bruken av maskiner som nyttar fossilt drivstoff er stor i landbruket, og maskinparken er dermed sentral i arbeidet for å nå kuttet i utslepp av klimagassar. Viktige spørsmål framover vert korleis bruk og utvikling av landbruksmaskiner kan bidra til kutt i utslepp av klimagassar frå landbruket. See acast.com/privacy for privacy and opt-out information.

Klimakalkulatoren skal lanserast 15.oktober. Dette er eit digitalt verktøy som er spesielt utvikla for landbruksnæringa og den norske bonden. Han gjev oversikt over utslepp, og viser korleis ein kan redusere utslepp og binde karbon på gardsnivå. Målet er at flest mogeleg bønder tar dette verktøyet i bruk. Kalkulatoren vert i fyrste omgang tilgjengeleg for mjølk, korn og gris. Me har besøk av Svein Skøien, prosjektleiar i Klimasmart Landbruk, og me snakkar med han om korleis klimakalkulatoren kan brukast av vestlandsbonden. See acast.com/privacy for privacy and opt-out information.

Dette er ein introduksjon til Vestlandsbonden, ein NLR Vest-podkast. Først ute no i haust er ein serie med klima som hovudtema. Sidan kan det bli både enkeltpodkastar og andre fagseriar. Me håpar at du som lyttar vil setja pris på dette, kom gjerne med tilbakemeldingar og ynskje om tema. See acast.com/privacy for privacy and opt-out information.