Laawol ganndal e needi

 Kamerun, no leyɗe goɗɗe ni hitaande kala, ujunnaaje ujunnaaje sukaaɓe ina njiilo nonjawtiri to jaŋde toownde. Ngal daawal ko heɓde bakkaa rokkirta ɗum. Kono folondiro bakkaayawtunngo ngoo woni ɓurngo jaastude no feewi, e nder duuɓi 20. Wonande hitaande 2025,kanndidaaɓe bakkaa puɗɗiima kawgel maɓɓe gila ɗii ina altine 26 lewru nduu ɗoo. Tedduɓeheɗiiɓe Rfi fulfulde mi salminimoon, on paamii wonde toɓɓere yeewtere men Laawol Ganndale Needi ina yowiitii e njuɓɓudi jahde to kameroun haa teeŋtinii e njuɓɓudi seedantaagu bac.Eɗen ngonndi e Hamadou Bachirou jannginoowo to Kameroun. Bismillah mon !

Tedduɓe heɗiiɓe Rfi fulfulde daaɗe duniyaaru, on calminaama. Bisimillah e taskaraam men"Laawol Ganndal e Needi". Laawol ganndal e needi e ndee aljumaare hannde 23 lewru 5ɓuru 2025 toɓɓere men feewti ko e Njillu Humpito sukaaɓe janngooɓe. Ko Mariama Tahirou NDONGO jannginoowo to Nuwadibu (Mauritanie) woni koɗo men e ndee yeewtere. Bismillah mon !

Tedduɓee heɗiiɓe taskaram Laawol Ganndal e Needi on calminaama toɓɓere men hanndeina yowitii e keblagol suukaaɓe janngooɓe egsameeji walla ɓeto. Hoɓɓe men e ndeeyeewtere ko Adama SOW tawaaɗo e dental jinnaaɓe janngooɓe to Gine wondude e SaidouAlassane BA jannginoowo, gardiɗoo ekol to Mauritanie. Bismillah mon! Olel Tall

Ñalawma winndereyaŋkeejo teddiniraaɗo defte ko ñalawma mawningol defte, winndooɓe e taro. Ko UNESCO darni oo ñalawma gila e hitaande 1995. O osaa ko ngam ƴellitde jaŋnde/taro, binndol e reende jeyi hakkille rewrude e hakkeeji winndooɓe. Ko ɗum fartaŋŋe keeriiɗo ngam teeŋtinde nafoore defte e nder nguurndam men.Gaagaa mawningol ngol, ñalawma oo ina jogii faandaare tiiɗnde : defte ko kuutorɗe moƴƴe, eɗe mballita jaŋde. Tedduɓee heɗiiɓe  taskaram Laawol Ganndal e Needi on calminaama, on paami toɓɓere men hannde yowitii e jaŋnde/taro defte.

Tedduɓee heɗiiɓe taskaram Laawol Ganndal e Needi on calminaama, e ndee yontere yawtunde en njeewtii e jannde taro e njakkat hannde kaalen e holno giggol jannde awirte e hakkille sukaaɓe. koɗo yeewtere e ndee toɓɓere ko Mamadou Aguibou SOW jannginoowo, binndowo, jeyaaɗo e kawtital Guinée fii ɓantal binndol e jannde e ngenndiyanku. Bismillah mon

Ñalngu winndereewu defte ko ñalngu mawningol defte, winndooɓe e jaŋde. Ko UNESCO yuɓɓini ɗum e hitaande 1995, ñalngu nguu sosaa ko ngam ƴellitde jaŋde, binndol e reende jeyi hakkille rewrude e hakkeeji winndooɓe. Ko ɗum fartaŋŋe keeriiɗo ngam teeŋtinde nafoore defte e nder nguurndam men. Gaagaa mawningol ngol, ñalawma oo ina jogii faandaare tiiɗnde : defte ko kuutorɗe moƴƴe e ɗee mballita jaŋde. Tedduɓee heɗiiɓe taskaram Laawol Ganndal e Needi on calminaama, on paami toɓɓere men hannde ina yowitii e jannde taro.

Civisme ko ngonka walla darnde ɓiyleydi e renndo ngo o wuuri, kam e teddinde kuule mum e sariyaaji mum. Soɗe ɗe binndaaɗe walla binndaaka, ine toɗɗi yuɓɓinde e weeɓtinde nguurndam e nder renndo teeŋti e nguurndam janngooɓe nder duɗe. Tedduɓe heɗotooɓe RFI Fulfulde, on njettaama e heɗaade taskaram men Laawol Ganndal e Needi,Toɓɓere menhannde, ina yowitii e Ngonka ka sukaaɓe nder renndo. Koɗo men e ndee yeewtere ko Fatimata BA DIALLO jannginoowo to CEM Bambey Serere. Bismilla mon ! Olel TALL

Ñalnde 11 lewru 3 ɓuru 2025  to suudu janngirdu Sainte-Marie, komin Nonngo, Konakiri Laamorgo Gine, suka janngoowo gooto felli nanndooɓe (yerondiraaɓe) makko ɗiɗo kure. Ɗum ko yeru tan e ko ka sukaaɓe janngoɓe mbarminta wala mbara hono maɓɓe nder duɗe. Hol no oo janngoowo heɓiri heɓirta fetel , laaɓi walla jaasi? holno ɗee kaɓorɗe natirta nder duɗe janngirɗe? Holko woni heen darnde jannginooɓe walla jinnaaɓe? Ɗee ɗoo ko yoga e naamne ɗe hoɓɓe men Aamadou Julde Balde gardiiɗo ekol e Ibrahiima Taanu BAH jinnaaɗo njaabotoo. Bismillah mon.

Toɓɓere men hannde no yewta ko faati e diplomejii fenaandeeji e nder duɗe jannginirɗe (lekkolji) ɗee, ko holno nde ɗii diploomji fenaandeeji woni e heɓoraade e ko haa honto oo bone jaalii e baŋŋe jannde?  Ko holko wonata battane mum e needi sukaaɓe hannde? Hoɓɓe men e ndee yeewtere ko Alfa Aamadu Bano BARI renndoyenke, jagoorɗo kiɗɗo  baŋŋe jannde e needi to Gine e Alfa BA jannginoowo to duɗal mawngal "Assane SECK" Zigenshor worgo Senegaal.

Toɓɓere men hannde ko fembagol, moragol e bornogol coomci gooti e nder duude janngiirɗe (lekkolji)  holno ngal pellital jaɓboraa e nder duuɗe ɗee. Hoɓɓe men e ndee yeewtere ko Mammadu Yaya Daaf nehoowo sukkaaɓe gollowo e duɗal "Blaise Diagne" laamorgo Senegaal , e Habiba Sanuwa tawaaɗo e fedde jinnaaɓe janngooɓe mo Kamerun.

Caggal nde njeewtuɗen e yontere faltiinde nde e toɓɓere laaɓal ñameeje walla ñaamanteeji jeeyeteeɗe e lekolaaji ɗi, "Laawol ganndal e needi" e ndee aljumaare hannde 21 lewru 3ɓuru 2025, en njokkat e ndiin mbaadi, kono keertoorto ɗen ko ŋakkeende laaɓal e nder lekolaaji ɗi. Ko ɗuum jeyi sabaabu yaadu men to duɗal "Liise Plan Jahay" ɗoo e Dakaar. O lekol ina maantaa sabu tuundi, diƴƴe tuɗooje, kuɗooli ekn. Kaa ngonka ina jaali toon gila jooni duuɓi keewɗi. Jangooɓe kam e janginooɓe e oo Liise Plan Jahay kolli mette mum'en e kaa ngonka. Maa en ndokku konngol kadi serwisaaji laaɓal, hono "service d'hygiéne" so en kaali fransinkoore, ɓe kaalana en e kuuɓtidinndi holno ɓe mballirta lekolaaji ɗi haa laaɓal ina tabita e majji.Tedduɓe, ko nih woni mbaadi yeewtere men hannde, bisimillah mon !

Tedduɓe heɗiiɓe Rfi fulfulde daaɗe duniyaaru, on calminaama. Bisimillah e taskaraam men"Laawol Ganndal e Needi". Laawol ganndal e needi e ndee aljumaare hannde 14 lewru 3ɓuru2025 toɓɓere men feewti ko e laaɓal ñameeje walla ñaamanteeji jeeyeteeɗe e lekolaaji ɗi.Teskaama e nder ɗiin lekolaaji walla e takko majji, ina heewi addooɓe toon ñameeje inanjeeyaɗe sukaaɓe jangooɓe ɓe. Kono nde tawno reedu alaa pittirɗe saka so tunwii laɓɓinee,haani toon naatneede tan koko laaɓi, selli, seni. Ɗum woni sabaabu e ndee yeewtere men,maa en njeewtidu e joomen fannu o e kala ɓe ɗum nawori. Gila e direkteeruuji lekolaaji,sukaaɓe jangooɓe ɓe, yeeyooɓe haa serwisaaji laaɓal, hono "service d'hygiéne" so en kaalifransinkoore. Tedduɓe, ko nih woni mbaadi yeewtere men hannde, bisimillah mon !  

Tedduɓee heɗiiɓe  taskaram Laawol Ganndal e Needi on calminaama. Toɓɓere men hannde ko holno jinnaaɓe ɓee mballirta ɓiɓɓe maɓɓe no njanngiri e nder galleeji ɗii. Hoɓɓe men e ndee yeewtere ko Aadama SOH, gardiiɗo fedde jinnaaɓe janngooɓe to Gine ina wonndi e Tijjaani Aamadu YATASAYE, jinnaanɗo suka janngoowo to Mali. On njaaraama

Kisal laabi ɗii e nder duɗe janngirɗe ɗee ko huunde tiiɗnde ! Ndeke, duɗe keewɗe ɗo sukaaɓe ɓee njanngata, ngoni ko e sara laabi otooji, welooji, motooji, saretaaji e ko nanndi heen. Ɓamde peeje ngam reende ɓe sukaaɓe e dow laabi ɗii, ko huunde haande heñoreede. Tedduɓe heɗiiɓe RFI Fulfulde heɗotooɓe taskaram men laawol ganndal e needi, on paami toɓɓere men hannde ko e kisal sukaaɓe janngooɓe ɓee e dow laabi yowitii. Eɗen ngonndi e Abdurahmaan ÑAN,  kertoriiɗo kisal e ndeenka laabi  Senegaal e Aamadu Wuuri Korbe Jallo, jannginoowo to FranceBisimila mon

Hitaande kala, ñannde 21 lewru 2ɓuru, salndu dental adunaaru halfinaandu jaŋnde e pinal woni UNESCO, ina mawnina ñalawma teddiniraaɗo ɗemɗe e wertaango aduna oo fof. E bi'ol UNESCO, oo ñalawma,  ko  ngam jeertinde e nafoore keewal ɗemɗe e pine ɗee. Nduu salndu hollii wonnde so sukaaɓe ɓee njanngii e ɗemɗe mum en neeniije,  ko ndeen faamamuya maɓɓe oo ɓurata yaaawde, kadi hakkilaaji maɓɓe ɓurata feɗɗitaade. Kono sukaaɓe 40 e nder 100  kala  ngalaa oo fartaŋŋe. Hannde, ɗemɗe keewɗe majjii. Nguurɗe ɗee kadi, ko lofiiɗe.Holɗe peeje kaanɗe daɗɗeede ngam safrude ɗee caɗeele ?Koɗo yeewtere men, hannde, ko Mahmuudu JALLO, eeltoowo jannginooɓe ɗemɗe ngenndiijeBismillah mon !

Heɗotooɓe RFI Fulfulde, on njettaama e heɗaade taskaram men Laawol Ganndal e Needi,Toɓɓere men hannde, ina yowitii e battane ŋakkere kaayitaaji (kaydi) jibinannde suukaaɓe. Eɗen ngonndi e ndee yeewtere Assane Dieng, kalfinaaɗo jokkondire to Institut francais mo Saint-Louis woni suudu Faransi halfinaandu Pinal wonndu to Saint-Louis, rewo Senegaal, ina wonndi Ousmane Aliou SALL, hooreejo goomu heertoriingu kaayitaaji jibinannde e hirnaange AfrikKo kamɓe ɓee ɗiɗo, njaabotoo naamnde men hannde.Bisimilla mon

Toɓɓere taskaram Laawol Ganndal e Needi hannde ina yowitii e bonugol walla ŋakkugol kelɗere jannde e nder duɗe laamu e nder Afrik hirnaange. Hoɓɓe men e ndee yeewtere ko Kaaliidu Jallo jaargorɗo kiɗɗo kalifinaaɗo needi e jannde nder Senegaal e Aadama Soh gardiiɗo fedde jinnaaɓe janngooɓe to Gine kañum e Siiley Gorbal Sih tawaaɗo sendika jannginooɓe Senegaal. Bismilla mon!

Toɓɓere men hannde no haala ko holno jinnaaɓe (mawɓe)  mballirta ɓiɓɓe maɓɓe ɓe njannga e nder galleeji ɗii. Hoɓɓe men e ndee yeewtere ko Aadama SOW gardiiɗo fedde jinnaaɓe janngooɓe to Gine wondude e Tijjaani  Aamadu YATASSAYE jinnanɗo janngoowo to Mali. On njaaraama.

Musiɓɓe heɗiiɓe rfi fulfulde on njettaama sabu heɗaade yeewtere men Laawol Ganndal e Needi. Toɓɓere men hannde no yewta ko yowitii e battane woppere golle nder duɗe.Woppere golle ko huunde nde jannginooɓe e janngooɓe mbaɗata ngam reenude hakkeeji maɓɓe kono ɗum ina adda caɗeele e baŋŋe jannde Afrik . E nder duunde ndee, jannginooɓe e janngooɓe ŋakkiraaka fartaŋŋe waɗde woppere golle.Hitaande kala, duɗe Afrik ina ŋakkira ko ina tolnoo e yamɗe hitaande baŋŋe jannde sabu woppere golle , tawa kadi haala jawdi mbasateendi heen haalaka. Holko addata woppere golle ? holko ɗum battinta ? holno ɗum nawndorto ? Ko Sileye Gorbal SIH hooreejo Kawtal ngenndiwal ngam newinande  jannde wonnande neɗɗo kala  jaabotooɗe ɗee naamne. Bismilla mon!                                                    

Musiɓɓe heɗiiɓe rfi fulfulde on njettaama sabu  heɗaade yeewtere men Laawol Ganndal e Needi. Toɓɓere men hannde no yewta ko woni nafoore hakkille tafaaɗe. Koɗo yeewtere men hannde ko Aamadu Sidi BA gardiiɗo suudu toppitiindu jannde e dow internet Senegaal no wi ‘ee PROMET.  On Njaaraama.

 E aljuma jawtuɗo oo en yeewtii ko woni nafoore coftal ɓanndu e nder duɗe janngirɗe. Hannde en njokkat e ndee toɓɓere kono hannde ko nafoore walla  battane coftal ɓalli e needi? Namnoto ɗeen.Ngam heɓde ko laaɓi e yeewtere men ndee Ko Abuubakri BA kertorɗo coftal ɓalli  e Aye Bobo SAANE fijanoowo balon teekodal As Bolonta Gine ngoni hoɓɓe yeewteremen hannde.

Musiɓɓe heɗiiɓe rfi fulfulde on njettaama e heɗaade yeewtere men Laawol Ganndal e Needi. Toɓɓere men hannde no yewta ko woni nafoore coftal ɓanndu e nder duɗe janngirɗe ? Ko Mammadu Lamiin JIGO gardiiɗo lekkol e nder diiwan Podor baŋŋe rewo Senegaal woni koɗo men e ndee yeewtere. Bismillah mon!

Toɓɓere men hannde no yowitii e alhaali njangu e dow sukkaɓe rewɓe nder duɗe janngirɗe.Gine gila duuɓi, sukaaɓe rewɓe (curbaaɓe) no doolee  e tee haa hannde ɗum no jokki  tampinde renndo Gine. E ndee hitaande hikka, 221 jannguuji e dow sukaaɓe rewɓe ɓe hellifaaka.E bi'ol  fedde toppitiinde ko faati e hakkeeji neɗɗo.Ngam haɓude ɗee bone, pelle ɗe ngonaa-laamuyankooje ( ONG) daraniiɗe caɗeele rewɓe e gollooɓe e sosiyete siwil ina ngoytoo ɗum fotde duuɓi ɗuuɗuɗi, kono ko meere ɓe kocci heen. Hoɓɓe men e ndee yeewtere ko Aysata JALLO SIISE jannginoowo Burkina Faso e Ummul Khayri JALLO tawaaɗo e fedde sukaaɓe rewɓe Gine.

Tedduɓee heɗiiɓe taskaram Laawol Ganndal e Needi on calminaama. Hannde eɗe ni ɗoo edinngral Grand Theatre de Dakar ngam yuɓɓinde yeewtere men. Oɗon nganndi ndee yontereyawtundee toɓɓere men ina yowitinoo e alhaali saɗteende ɗe sukaaɓe janngooɓe ngondihannde ko faati e binndugol e janngugol. E jokkitaade ndeen toɓɓere en ngari tawtoreedetimal foolondiro Miss litteraire woni teddinde sukaaɓe reewɓe ɓurɓe battinde e nder wallifaakunder Senegaal.Eɗen ngonndi Raby Seydou DIALLO binndiyanke kono Ammbasader ndee ñalaande eAminata AW jinnaɗo garɗo tawtoreede ngam wallitde ndee ñalannde. Winndande Olel TALL

Tedduɓee heɗiiɓe  taskaram Laawol Ganndal e Needi on calminaama. Toɓɓere men hannde no yowitii e alhaali saɗteende ɗe sukaaɓe janngooɓe wonndi hannde ko faati e winngugol e janngol. Ko Fatimata JALLO BA jannginoowo kono kadi winndiyankeejo woni koɗo men. Ko adii en fuɗɗaade yeewtere men ndee,  keɗoɗen jantoore nde nultondiraaɗo Kamerunwaɗani en ko yowitii e  toɓɓere men ndee hannde.

Musiɓɓe heɗiiɓe rfi fulfulde on njettaama e heɗaade yeewtere men Laawol Ganndal e Needi. Toɓɓere men hannde ina yowitii e nafoore janngugol falsafa  « filosofi » e faransiire. Falsafa ko ganngal janngeteengal e e tono lise e iniweersite. Ngam faamde e ko ɓuri yaajude e nafa oo fannu ganndal en njaɓɓoto jannginooɓe ngal. Innde makko ko Jamal Hoseyni  Omaar SOW e Ismayel WOON

Tedduɓee heɗiiɓe Rfi fulfulde e rewindatooɓe taskarma Laawol Ganndal e Needi on calminaama. Toɓɓere men hannde yowitii e fitinaaji pawaaɗi e dow jannginooɓe e nder duɗe janngirɗe.Ngam yewtude e ndee toɓɓere, en jaɓɓoto Muusa KA  Pisikoloogjo jeyaaɗo Senegaal wondude e Maymuuna Demmba SUMANA jannginoowo to Benen Bismillah mon.

Tedduɓee heɗiiɓe Rfi fulfulde e rewindatoove taskarma Laawol Ganndal e Needi on calminaama. Toɓɓere men hannde yowitii ko e fitinaaji pawaaɗi e dow suukaɓe e nder duɗe janngirɗe ɗee. Ɗiin fitinaaji ina peccee e sifaaji keewɗi, ko gila e piggal haa e jennugol. Kadi eɗi ngadda tikkere, kulol, ekn…Holmo ɗii fitinaaji toɗɗii ? Holko sariya wi'ii e ɗii bonanndaaji pawateeɗi e dow sukaaɓe ɓee? Ngam yewtude e ndee toɓɓere, en naɓɓoto Ibrahiima JALLO, gardiiɗo ekkol Massara to baŋŋe worgo Senegaal wondude e Ramata Kan, sosiyolokjo to MauritanieBismillah Mon

Toɓɓere men hannde ina yowitii e caɗeele heɓde defte janngirɗe e duɗe hakindiiɗe (koleesi). Koɗo yeewtere ndee yontere ko Muhamedu Jallo wiɗtotooɗo jannde jeyaaɗo Moritani Bismilla mon.

Hannde toɓɓere men e dow  Laawol Ganndal e Needi ina yowitii e alhaali duɗe walla lekoljii keeriiɗe e nder hirnaange Afrik. Ko ɓuri ɗuuɗude e ɗee ko dañugol kaalisi hikkini yeeso e dow moƴƴingol walla keɗingol loowdi jannde majje.  Hoɓɓe yeewtere ko Kaalidu Jallo jaagorɗo kiɗɗo toppitinooɗo needi e jannde Senegaal e Mammadu Dibi Kelli ƴewndotooɗo jannde jeyaaɗo Moritani wondude e Sherif JAH hooreejo dental pelle moftunde mawɗe sukaaɓe janngooɓe Senegaal. Bismillah mon !

Toɓɓere taskaram Laawol Ganndal e Needi hannde ina yowitii e bonugol walla ŋakkugol kelɗere jannde e nder duɗelaamu e nder Afrik hirnaange. Hoɓɓe men e ndee yeewtere ko Kaaliidu Jallo jaargorɗo kiɗɗo kalifinaaɗo needi e jannde nder Senegaal e Aadama Soh gardiiɗo fedde jinnaaɓe janngooɓe to Gine kañum e Siiley Gorbal Sih tawaaɗo sendika jannginooɓe Senegaal. Bismilla mon!

E bi'ol UNESCO, salndu Dental Adunaaru halfinaandu Needi, Ganndal e Pinal, anndinii wonnde fodde jannginooɓe miliyonji  24 ina cokla e duɗe leyleeje e miliyonji  44 jannginooɓe e duɗe hakkundeeje ɗee. Ɗum ko ngam yottinde faandaare jannde winndereere ndee, ɗoo e hitaande 2030. E winndere ndee, ko e hirnaange Afrik  janngooɓe ɓee ɓuri sukkude e nder jangirɗe ɗee, ko toon kadi jannginooɓe ɓee ɓuri famɗude. Duɗe hakkundeeje 90 e nder teemedere kala, ina ngonndi e ŋakkeende jannginooɓe. Ngam heɓde ko laaɓi e toɓɓere men hannde ndee, eɗen njaɓɓo Kabine DIANE, ƴeewtotooɗo jaŋde nder Senegaal wondude e Maimouna Demba Soumanou, ko jannginoowo to Benin.

 Toɓɓere taskaram laawol ganndal e needi hannde ina yowitii e heɓde hitaande jannde moƴƴere. Ko Abaas Aac jannginoowo toduɗal hakkundeewal nder laamorgo Senegaal woni koɗo yeewtere men e ndee toɓɓere men. Bismilla mon!

Toɓɓere men hannde ina yowitii e alhaali laaɓal nder duɗe janngirɗe. Hoɓɓe men e ndee yeewtere ko Kummba Boli pediyaaterjo (ñawndoowo sukaaɓe) jeyaaɗo Burkina Faso wondude e Aamadu Ba cafroowo, keertoorɗe laaɓal. Bismilla mon !

Oɗon nganndi e ndee yontere yawtunde, en njeewtii e battane ilameeji (waameeji) e dow udditugol yoga e duɗejannginirɗe hirnaange Akrik.Hannde en njokkat yeewtere e dow ndee toɓɓere, njahen to Mali ɗo laamu fellitii dirtinde udditgol duɗejanngirɗe sabu ilameeji.Ko Saydou Alasaan BA gardiiɗo duɗal leyleuwal to Rooso e nder Moritani woni koɗo men e ootaskaram. Bismilla mon.

Heɗiiɓe rfi fulfulde on njettaama e heɗaade yeewtere men Laawol Ganndal e Needi. Toɓɓere men hannde ina yowitii e battane ilameeje to duɗe jannginirɗe e nder afrik baŋŋe hirnaange. Hoɓɓe men e ndee yeewtere ko Mustafa Hammadu jannginoowo  to rewo kameroun hono yagoua e nder diiwan mayo danay, wondude e Kola SIISE gollowo e waalde Pinal wallitoore sukaaɓe to Mali. Bismilla mon.

Tedduɓe heɗotooɓe men, Rfi fulfulde bismaama on e yewtere Laawol Ganndal e Needi . Toɓɓere taskaram men e ndee yontere ko alhaali haɓugol humanbinnaagu (anngal anndude winnda- jannga). Koɗo yeewtere men ko Aliiw FAAL gardiiɗo yiilirde halfinaande ɗemɗe ngenndiije e haɓugol humanbinnaagu e nder Senegaal.On njaaraama e heɗaade min. Olel TAAL

Toɓɓere yeewtere men ndee yontere ina yowitii e alhaali cuɓagol fannuuji jannde to duɓe toowɓe (iniwersite) caggal nde janngooɓe (lekkolɓe )  heɓi bakaloreya maɓɓe. Koɗo yeewetere ko Ibrahima BARI gardiiɗo fedde waloore janngooɓe suɓaade fannu jannde.

Heɗotooɓe rfi fulfulde tedduɓe on njaaraama. Sikke alaa tiitoonde yeewtere men ndee yontere no yowitii e nafoore keewal ɗemɗe nder jannde. On njettaama Bismilla mon e taskaram Laawol Ganndal e Needi. Hoɓɓe taskaram men ko Aminata SI jannginoowo ɗemngal puular eltoowo kadi jeyaaɗo rewo Senegaal wondude e Amninata Anne jannginoowo pulaar to Muritani

Tedduɓe heɗotooɓe men, Rfi fulfulde bismaama mon e yewtere Laawol Ganndal e Needi . Tiitoonde taskaram men ndee yontere ko golle ɗe sukaaɓe jannganooɓe mbaɗata e nder lebbi ɗi ɓe kaani foftaade woni gurte maɓɓe.On njaaraama e heɗaade min

Heɗiyannkooɓe Rfi Fulfulde on salminaama. En yewtay hannde fii battane digital ko ɗum woni huutoragol karalle kese e nder duɗe jannginirɗe. Fii ndee toɓɓere en yewtiday e Samba Gise goloowo ka jaagoral halfinaagal jannde fayɓe toppiiɓe fii karale kese Senegaal naɓaaɗo fowtere. En jonnay konngol woɓɓe e heɗiyannkooɓe men. Ka timminngol ndee yewtere hannde ka koɗɗo men jannginoowo hiɗen werni Mammadu Sellu JALLO, Ginenaajo ardiiɗo duɗal eltoowal jannginooɓe ka duɗe togoose, hakkundeeji e fii no boobooɓe dannkortee. Ummu BAH

Heɗiyannkooɓe Rfi Fulfulde on salminaama. En yewtay hannde fii naadugol diijital wonihuutoragol karalle kese ka nder duɗe. Fii yewtugol e dow ndee toɓɓere hiɗen jaɓɓii Malik BAHhooreejo suudu toppitiindu kala e ko jannetee e nder Gine. Fahin en yewtiday e AbdulayJAMAKAN jannginoowo ka uniwersite Sheek Hamidu KANE Senegaal jannginirooɓeinternet. En jonnay konngol woɓɓe e heɗiyannkooɓe men. Ka timminngol ndee yewterehannde ka koɗɗo men jannginoowo hiɗen jaɓɓii gooto mo yiɗaa yo innde mun feññinehooreejo duɗal wonungal Mali. En yewtiday e makko batte udugol lekol mo o ardii e duytugolsaa'iiji jannetee ɗi ɗin sabu ɗuuɗugol nguleendi ndin Bamako. Ummu BAH 

Hannde toɓɓere men fawii  ko e alhaali guurte (poofte) ɗe sukaaɓe janngooɓe keɓata e nduu lewru 4ɓuru. Ko foti balɗe 15, sukaaɓe janngaani e tee no e maɓɓe waɗooɓe  BFEM e Bakaloreya e ko nanndi ɗum. Ko holno ɓee sukaaɓe kaanaa joggoreede e ɗee guurte ngam ɓe mbawa heddaade e njuɓɓudi jannde maɓɓe.  Ko Burama Maane woni koɗo men, ko o senegalnaajo  jannginoowo, Mumaar Kah  jeyaaɗo Gammbiya e Maymuuna sow mo Barkatu e nder diiwal Matam, Senegaal.

Toɓɓere men hannde, no yewta e dow alhaali yeeyugol defte (polikopiji) ɗe  jannginooɓe ɓe mbaɗanta sukaaɓe janngooɓe ɓee gila e duuɗe tokoose ɗee haa e nder duɗe mawɗe ɗee. Teskaama wonnde yoga e janngooɓe no joggii caɗeele so tawii ɓe mbaawaani coodugol defte  ɗe jannginooɓe ɓen njeeyata. Ko Ayssata Ñang jannginoowo, e nder yewtere en keɗoto jantoore nde Mammadu Jonngasi Ba waɗani en Gine e dow alhaali.

Tedduuɓe heɗiiɓe RFI Fulfulde on calminama. Bisimilla mon e kaa taskaram Laawol Ganndal e Needi. Hannde hiɗen e nder duɗal janngirgal ngonungal Sikap Mbawo. Toɓɓere men ndee no yowitii  e alhaali haala muumɗuɓe ( haala juuɗe/ muggoore). Yalli kaa haala no haanaa janngineede  sukaaɓe ɓee ngam ɓe ɓurta paamondirde e ɓee muumɗuɓe (mbobooɓe)? So tawii ɗum gasan ko holno ndii njuɓɓudi haanaa tawnireede e  jannde lekkolɓe ɓen? Koɗoɗen Jeynaba JAH jannginoowo muumɗuuɓe motawɗen e nokku ɗo o jannginnta.

Heɗiyannkooɓe RFI Fulfulde on salminaama. En yewtay hannde fii jannde fayɓe egginaaɓe Koddiwaar caggal nde lekolji maɓɓe lancaa. Kono ado en yewtude e dow ndee toɓɓere en heɗoto taho janntoore mawnde nde Abdul Aziz JALLO waɗani en e dow ɓee lekkolɓe egginaaɓe e no alhaali maɓɓe fewndori. En yewtiday e Ibrahima BAH jannginoowo e duɗe hakkundeeje Kodiwaar ko yowitii e ndee toɓɓere. En jonnay kadi konngol woɓɓe e heɗiyannkoɓe men. Ka joofinngol ndee yewtere men hannde ka rogere koɗo men jannginoowo hiɗen jaɓɓii Hajiratu JALLO jannginoowo e duɗal laamuyannkowal wonungal ka diiwal Wahiguya e nder Burkina Faso. En yewtiday e makko fii ndee ñalaande adunayannkoore hetinanaande hakkeeji rewɓe. Ɗum koñannde 8 lewru 3ɓuru hitaande kala. Ummu BAH.

Heɗiiɓe RFI Fulfulde on njettaama e heɗaade taskaram men Laawol Ganndal e Needi. Toɓɓere yeewtere men hannde ko holno janngoowo immitortoo caggal nde o ronki  heɓude egsamen makko? Ko Umaar Yaya BA njiiloowo lisee ngonɗo Ceelaaw diiwan Fuuta Toro woni koɗo yeewtere men e ndee yontere. Bismilla mon !

Tedduɓe heɗiiɓe rfi fulfulde on njaɓɓaama e yeewtere men laawol Ganndal e Needi. Toɓɓere men hannde ina yowitii e nafoore peeje kaɓotooɗe nguyka e nder duɗe janngirɗe haa teŋti e saha ndartinooje walla egsamenji.  Koɗo men e kaa taskaram ko Fatimata Finda LENO, jeyaaɗo e fedde janngooɓe Gine haɓotoonde nguyka e nder duɗe jannginirɗe. On njaaraama.

Toɓɓere men hannde ina yowitii e nguurndam janngooɓe wonduɓe e ñaɓɓuuli ronaaɗi. Ko holno ɓe mballirtee haa jannde maɓɓe tabita? Hoɓɓe yeewtere men hannde ko Ahmad Tijjaan BA hooreejo lekkol Garaya 2 wonɗo Gine . Faatimata BA jannginoowo to baŋŋe rewo Senegal.

Tedduuɓe heɗɗiiɓe RFI Fulfulde  bismilla mon e taskaram Lawool Ganndal e Needi. Toɓɓere men hannde ina yowitii e artirgol e jannde sukaaɓe accuɓe lekkol sabu ŋakkere kisal e nder Sahel. Ko Kola SIISE gollowo e waalde Pinal jeyaande Mali woni koɗo yeewtere men ndee. Ko o wallitotooɗo sukaaɓe doguɓe hare e nder Mali e baŋŋe jannde.

Heɗiiɓe RFI Fulfulde on njettaama e heɗaade taskaram men Laawol Ganndal e Needi. Toɓɓere men nden hannde ina yowitii e alhaali nafoore kaayite (kaydi) jibinnande .Ko Aliw Usmaan Sall hooreejo guɓal heertiyankooɓe kaayit jibinaande hirnaange Afrik woni koɗo yeewtere men. Bismilla mon.