Pyngjan

Sendu okkur skilaboð!Kæra Pyngjusamfélag! Allt tekur enda og þar er Pyngjan engin undantekning. Þetta hafa verið 3 ánægjuleg ár en nú, eftir 268 þætti, mætast þeir Addi og Iddi í hinsta sinn fyrir aftan míkrófóninn. Við viljum þakka ykkur öllum kærlega fyrir hlustunina í gegnum árin - heiðurinn er án nokkurs vafa okkar megin. Megi Pyngjur ykkar þyngjast á komandi tímum, fjárfestingar bera ávöxt og krónurnar vinna fyrir ykkur. Eitt er víst; Hin eina sanna Pyngja er nú tæmd. Guð blessi ykkur.

Sendu okkur skilaboð!Þá er komið að síðasta ársreikningaþætti Pyngjunnar og því þriggja ára vegferð að ljúka. Það kom því ekkert annað til greina en að taka fyrir House of SKEL en svo þurftum við auðvitað að leita í ræturnar og gefa út þátt í anda upphaflegrar Pyngju sem innihélt tvo ársreikninga. Því ákváð Iddi að taka fyrir Lifandi vísindi sem er ansi skemmtilegur rekstur. Við viljum þakka öllum kærlega fyrir hlustunina á ársreikningaþættina okkar s.l. þrjú ár - it's been one hell of a ride!Lifandi vísindi - 8:05SKEL - 45:15

Sendu okkur skilaboð!Kæru vinir Pyngjunnar. Þetta mun verða okkar næstsíðasta Föstudagskaffi og því er vel við hæfi að hafa það í lengri kanntinum. Þessi þáttur er gjörsamlega stappaður af viðskipti og vitleysu. Eigið yndislega helgi!

Sendu okkur skilaboð!Kæru hlustendur Pyngjunnar! Þá er komið að næstsíðasta ársreikningaþættinum okkar og það er enn eitt ríkisapparatið. Þó lítur út fyrir að vel sé haldið á spöðunum hjá Isavia, ólíkt mörgum öðrum eignum í eigu ríkisins. Saga er sjón ríkari!

Sendu okkur skilaboð!Já þið heyrðuð rétt, kæru vinir. Pyngjan er á leið í frí - langt frí! Við munum þó dæla í ykkur P-vítamíni út febrúar svo í guðanna bænum verið með okkur þangað til. Þáttur dagsins er einn af þessum klassísku, fréttir, tuð, umfjöllun og hagnýtur fróðleikur.

Sendu okkur skilaboð!Í dag tökum við fyrir sögu og rekstur Brims sem er eitt stærsta útgerðarfélag landsins. Iddi droppar alvöru value bombum hægri, vinstri, enda sérfræðingur í þessum efnum.

Sendu okkur skilaboð!Kæru hlustendur Pyngjunnar! Við óskum ykkur góðrar helgar og gleðilegs árs. Ef þú ert launþegi er ekkert nema launað frí í vændum svo ekki fara að stofna þinn eigin rekstur á þessu ári. Góðar stundir.

Sendu okkur skilaboð!Hið hreinasta hreinlæti er næst á dagskrá. Bjarni Ármanns virðist sjá í framtíðina og er ótvíræður keisari hreinlætis á Íslandi. Við förum yfir söguna, næyjasta ársreikning og fleira til í dag. Góða helgi.

Sendu okkur skilaboð!Það hlaut að koma að því! Geitin sjálf, Tóti Páls kíkti á okkur upp í Seðlabanka Kópavogs og settist á bakvið míkrófóninn. Í þættinum kynnumst við manninum og förum á hundavaði yfir sögu hlutabréfa á íslandi en sjálfur hefur Tóti séð tímanna tvenna í þeim efnum. Stórkostlegur þáttur sem, eins og svo oft áður, enginn ætti að láta fram hjá sér fara. Gleðilegt nýtt ár, kæru kúrekar!

Sendu okkur skilaboð!Við fengum til okkar fyrrum hlutabréfamiðlarann Helga Frímannsson sem hefur vakið mikla og verðskuldaða athygli fyrir greiningar á hlutabréfum á launþegaforritinu LinkedIn á árinu. Við fórum í manninn sem á langan feril að baki í heimi fjármála og auk þess gerðum upp árið 2024. Sannkölluð áramótasprengja fyrir ykkur, kæru kúrekar. Það verður bjart yfir 2025!

Sendu okkur skilaboð!Heildsöluundrið Innnes (með þremur N-um) er eitt þessara fyrirtækja sem lætur hökur falla í gólfið. Allt í eigu eins manns og hefur vöxturinn verið slíkur að maður á vart til aukatekið orð. Verði ykkur að góðu, kæru hlustendur!

Sendu okkur skilaboð!Dömur mínar og herrar! Þáttur dagsins er tileinkaður öllum iðnaðarmönnum þarna úti. Feykilega skemmtilegt fyrirtæki sem hefur barist með kjafti og klóm fyrir skynsamri verðlagningu í áranna rás.

Sendu okkur skilaboð!Já kæru vinir Pyngjunnar - loksins eru Addi og Iddi mættir saman á ný og eru með drekkhlaðinn þátt fyrir ykkur í dag. Allt um only fans, fréttir vikunnar og fleira til. 

Sendu okkur skilaboð!Pyngjan kynnir stórmerkilegan þátt, þar sem stutt en ótrlúleg saga Sky Lagoon, er reifuð. Lónið birtist skyndilega á Kársnesinu og engu líkara en að það hafi verið reist yfir nótt en framkvæmdin átti sér þó nokkurra ára aðdraganda. Fyrirtækið er sannkölluð prentvél af bestu gerð og ætti þátturinn að ná að næra peningaheilastöðvar netbankakúrekans og rúmlega það.

Sendu okkur skilaboð!Þegar kemur að efnahagsstefnum stjórnmálaflokkanna eru fáir fróðari en Gunnar Úlfarsson hagfræðingur Viðskiptaráðs sem kom og kjaftaði við okkur í heilar 100 mínútur - minna mátti það ekki vera. Gunnar og kollegar hans hjá Viðskiptaráði héldu nýverið kosningafund með fulltrúum frá flestum flokkum þar sem kynntur var til leiks nýr kosningaáttaviti sem mælir annars vegar afstöðu til efnahagslegs frelsis og hins vegar skýrleika stefnu framboðanna í þessum efnum. Niðurstöður fundarins eru hér reifaðar á mannamáli og þú ættir alls ekki að láta það fram hjá þér fara, kæri hlustandi! Góða helgi og ekki kjósa til vinstri

Sendu okkur skilaboð!Kæur Pyngjuhálsar, í dag er það fjarskipta- og fjölmiðlarisinn SÝN sem verður tekinn fyrir. 

Sendu okkur skilaboð!Hann Jón Kári Eldon er svo sannarlega ekki við eina fjölina felldur, en hann kíkti til okkar í kaffi og ræddi störf sín fyrir Apparatus, Dr.football, listamanninn Jón Kára og fleira til. Þetta er þáttur sem við hreinlega bönnum Pyngjuliðum að missa af.

Sendu okkur skilaboð!Við hittum þau Möggu framkvæmdastjóra og Lalla fjármálastjóra hjá Nova og fórum yfir þriðja ársfjórðung hjá þeim.

Sendu okkur skilaboð!Skólamatur ehf. hefur verið í deiglunni undanfarið og sér í lagi vegna niðurgreiðslu ríkisins á skólamat fyrir grunnskóla. Við gerum sögunni og rekstrinum skil í þessu stykki sem þú, hlustandi góður, ættir ekki að láta framhjá þér fara.

Sendu okkur skilaboð!Hér fáiði einn rjúkandi volgan bolla í kuldanum, beint úr smiðju Adda & Idda. Megi helgin verða ykkur gæfusöm.

Sendu okkur skilaboð!Já þeir strokka skyrið sem eiga það! Ísey útflutningur hefur verið í vaxtafasa síðastliðin ár þrátt fyrir nokkrar misheppnaðar útrásir. Við gerum þessu öllu skil og fleira til í þætti dagsins!

Sendu okkur skilaboð!Stútfullur þáttur af viðskiptum og vitleysu fyrir ykkur, kæru netbankakúrekar og fagfjárfestar. Megi helgin verða ykkar!

Sendu okkur skilaboð!Hluthafar Eikar liggja undir yfirtökuárás Langasjós fyrir 11 kr. á hlutinn. Hvað gerist? Við munum ekki svara því í dag, en við munum hrútskýra margt er kemur að sögu og rekstri fyrirtækisins.

Sendu okkur skilaboð!Þáttur dagsins er af dýrari gerðinni og það er gullið líka. Allt þetta helsta - fréttir fróðleikur, fágæti og fíflalæti. Góða helgi, kæru launþegar!

Sendu okkur skilaboð!Kæru hlustendur, þið lásuð rétt! Ársreikningarnir hafa litið dagsins ljós á ný hjá okkur Pyngjumönnum og er þessi þáttur sá fyrsti í 12 þátta seríu þar sem ársreikningaþættir verða gefnir út annanhvern föstudag. Við byrjum á stórveldinu af Grjóthálsi - sjálf Ölgerð Egils Skallagrímssonar. Gjörið svo vel.

Sendu okkur skilaboð!Þáttur dagsins er vægast sagt stútfullur. 1 klst og 8 mín. af gæðatuði og fleiru til að gera hlustendur klára inn í helgina. Veðmál, hrun Evrópu, regluverk, upprunarvottorð, fjármálamýtur og margt fleira til. Takk fyrir að hlusta á okkur.

Sendu okkur skilaboð!Gleðilega helgi kæru launþegar! Hér fáiði ylvolgan þátt til að hlýja ykkur í umferðinni á leið til vinnu. Við erum til staðar fyrir ykkur og við viljum að þú vitir að þú skiptir máli. 

Sendu okkur skilaboð!Kæra Pynjusamfélag! Hér færum við ykkur þátt dagsins á silfurfati. Ekki gera þau mistök að láta hann sem vind um eyru þjóta því umfjöllunarefnin eru stórbrotin eins og alltaf hjá þeim Adda og Idda. Góða helgi, kæru launþegar!

Sendu okkur skilaboð!Kæru hlustendur! Þáttur dagsins er gott sem tímalaus svo það skiptir nákvæmlega engu máli hvenær þú hlustar á hann. Misheppnaðar markaðsherferðir, dvínandi markaðshlutdeil Nike og Fórnir risar eru dæmi um liði sem verður farið yfir svo þú, kæri hlustandi, vilt ekki missa af þessu. Gangið hratt um gleðinnar dyr um helgina!

Sendu okkur skilaboð!Gleðilegan föstudag kæru Pyngjuhálsar. Þáttur dagsins er ekki eingöngu helgaður ólífuolíu þó titillinn gefi annað til greina. Að sjálfsögðu eru fréttir vikunnar á sínum stað og svo reifar Addi nýútgefinn ríkisreikning. Góðar stundir og góða helgi!

Sendu okkur skilaboð!Kæru vinir Pyngjunnar! Þeir eru mættir aftur saman tveir á bakvið hljóðnemana þeir Addi og Iddi með sjóðheitar fréttir og laglegar umfjallanir. Alls ekki missa af þessum, hann er rosalegur!

Sendu okkur skilaboð!Í dag mætti til okkar afar sjaldgæfur blendingur launþega og frumkvöðuls. Svokallaður launkvöðull eða frumþegi - þið ráðið. Arnór starfar sem söluráðgjafi Business central hjá Origo á daginn en á kvöldin og um helgar sinnir hann sölu víns og kaffivéla. Stórskemmtilegur þáttur þó við segjum sjálfir frá og hellingur af fróðleiksmolum um business central fyrir ykkur braskarana.

Sendu okkur skilaboð!Í þessum stórskemmtilega þætti förum við yfir kampavínsmarkaðinn með Stefáni Einari en hann er ekki einungis fremsti blaðamaður landsins um þessar mundir heldur einnig sérfræðingur í kampavíni og líklega fremstur á landinu í þeim efnum einnig. Það var því vel við hæfi að fá hann til að skóla okkur til í þessum fræðum. Missið ekki af þessum!

Sendu okkur skilaboð!Sigurð Sævar þarf vart að kynna fyrir landsmönnum, en hann er einn okkar allra efnilegasti myndlistamaður ef hann er þá ekki hreinlega kominn í flokk þeirra allra bestu. Við fórum yfir ferilinn og myndlistamarkaðinn ásamt fleiru í þessum stórskemmtilega þætti sem þú ættir ekki að missa af.

Sendu okkur skilaboð!Brútal business þáttur fyrir ykkur þennan föstudaginn gott fólk. Vignir kíró er mikill hugsjónamaður og hefur náð stórbrotnum árangri á skömmum tíma sem eigandi Líf Kíró. Þáttur sem enginn með frumkvöðlablóð má láta fram hjá sér fara. 

Sendu okkur skilaboð!Gleðilegan föstudag kæru Pyngjuhálsar! Þáttur dagsins er stappaður af viðskiptum og vitleysu sem fyrr. Fréttir, fróðleikur og frábær tónlist, þetta er Pyngjaaaan! Góða helgi kæru launþegar.

Sendu okkur skilaboð!Það var stuð á þeim Adda og Idda þennan föstudaginn í stútfullum þætti af viðskiptum og vitleysu eins og svo oft áður. Allar kvartanir berist á pyngjan@pyngjan.is. Góðar stundir

Sendu okkur skilaboð!Já þið sjáið það hér svart á hvítu kæru hlustendur að tilgátan er leyst og það er ekki vegna eldgoss né of sterkrar krónu. Þeir Addi og Iddi fara yfir víðan völl í þætti dagsins og segja má að hér sé eitthvað fyrir alla. Gangið hægt inn í helgina en ekki of hægt.

Sendu okkur skilaboð!Föstudagur er genginn í garð og það þýðir aðeins eitt kæru hlustendur, það er Ylvolgur Kalli og business. Farið varlega inn í helgina.

Sendu okkur skilaboð!Já það er drekkhlaðinn þáttur úr smiðju Pyngjunnar þennan föstudagsmorguninn. Fréttir, fróðleikur og frábær hlaðvörpun í boði Adda og Idda. Eigið yndislega helgi, kæru launþegar.

Sendu okkur skilaboð!Gleðilegan föstudag, kæru launþegar! Þáttur dagsins er sá besti hingað til. Þú munt samt auðvitað ekki komast að því nema þú hlustir. Takk fyrir okkur.

Sendu okkur skilaboð!Það var uppi fótur og fit í Seðlabanka Kópavogs þegar þeir Addi og Iddu settust á bakvið hljóðnemana þennan föstudagsmorguninn. Austurlandablæti Idda heldur áfram en í dag fjallar hann um K-pop markaðinn, ásamt 8-pop sem Addi hefur mikla reynslu af. Auk þess eru fréttir vikunnar á sínum stað og svo slær Iddi botninn í þetta með umfjöllun sinni um rauða humarinn sem er gjaldþrota. Megi helgin verða ykkur góð og gæfusöm, kæru hlustendur.

Sendu okkur skilaboð!Gleðilegan föstudag kæru Pyngjuhálsar! Þáttur dagsins er drekkhlaðinn af fréttum og fróðleik sem endranær, enda nóg um að vera í vikunni. Við hvetjum því alla til að leggja við hlustir og sömuleiðis taka kvittun fyrir öllu sem þú kaupir.

Sendu okkur skilaboð!Í þætti dagsins erum við með nóg af fréttum og svo kemur Iddinn með tvær heimsklassa umfjallanir. Þetta er einn af þessum þáttum sem enginn má missa af. Góð helgi, kæru kúrekar og launþegar.

Þáttur dagsins er stappaður af gúmmelaði fyrir okkar ástkæru netbankakúreka. Fréttir vikunnar, Inn- og útflutningur á Ítalíu, milljarðamæringur vikunnar og að ógleymdum vinnustaðar topplistanum í boði Idda. Góða helgi kæru launþegar!

Þau komu til okkar María og Hannes sem saman reka fatamerkið M-Fitness. Saga þeirra er stórmerkileg en merkið hefur hlotið mikillar velgengni sem kom svo sannarlega ekki af sjálfri sér, en í þættinum rekja þau söguna aftur og gefa okkur smjörþef af því hvernig skal bera sig að í frumkvöðlastarfsemi. Þennan þátt skaltu ekki láta framhjá þér fara, kæri hlustandi!

Stútfullt föstudagskaffi að vanda - tvær umfjallanir frá Iddanum og fréttir vikunnar hjá Addanum. Góðar stundir

Í þætti dagsins má heyra yfirborðskennda en þó merkilega umfjöllun um Suður-Kóreskan markað og krónískan hlutabréfaafslátt þar í landi. Við kynnum einnig til leiks nýjan dagskrárlið og svo eru fréttir vikunnar á sínum stað. Gangið hratt inn um gleðinar dyr um helgina kæru kúrekar.

Já kæru hlustendur, við Pyngjumenn látum ekki deigan síga þennan föstudaginn frekar en þann fyrri , en þáttur dagsins er stútfullur af alls konar lostæti. Fréttir vikunnar, tuð og umfjöllun á heimsmælikvarða um fjárfestingar í Tequila. Gangið af hörku inn í helgina!

Föstudagskaffið er lengra en föstudagurinn langi þennan föstudaginn. Samsæriskenningar um landbúnaðarmálið, verðlagning skíðasvæða og Óopnir reikningar ríkisins teknir fyrir í lengsta þætti á lengsta degi ársins. 

Restina af þessum þætti finniði undir https://pardus.is/pyngjan. Athugið að þetta er síðasti áskriftarþátturinn en við munum halda galvaskir áfram með föstudagskaffið í opinni dagskrá!