mER KENNT IHN

Wie chömmer ois selber beherrsche? Liits in ois oder mümmer ois viellicht beherrsche lah? Mer seged nöd nur nei zu de Lüüge vom Tüüfel und siine Verfüehrige, sondern mer bekämpfeds au mit de Weisheit und Wahrheit vo Gott und siim Wort.

Was mache wenns grad stressig isch? Lüüt mal Jesus aa. En honest Talk über wie mir mit Stress umgönd und wo mir oisi Hilf sueched.

Wie dünd mir oisi Beziehig mit Gott pfläge? Mir gäbed dir praktischi Tipps wo ois i oisem Alltag hälfed, tüüfer und wiiter mit Jesus zgah.

Im Markus 11 verfluecht Jesus en Fiigebaum will er kei Frücht produziert hett, obwohls nödemal Ziit vo de Frücht gsi isch. Why?! Mir lueged genauer aa, wiso das passiert isch, wie miers uf oises Läbe chönd neh und was Beruefig demit ztue hett.

Was heissts sanftmüetig sii? Mer lueged aa wie Jesus sanftmüetig isch und dasses so wichtig isch, zwüsse, dass es nöd Schwächi heisst, sondern erst rächt Stärchi zeigt. Los ine und find use, wie du stärcher in sanftmuet chasch sii wennd mitem Geist vo Gott laufsch.

Definition: Treue ist sozusagen nicht auf Anerkennung und Gegenliebe angewiesen, sondern ist ein Wert an sich, eine persönliche Entscheidung, die auf lange Dauer und Konstanz angelegt ist. Gott isch treu und er isch guet. Wie mir treu derfed sii dur de Heilig Geist lueged mir a.

Bisch du guet? Isch Gott guet? Was heisst Güte? Mir redet drüber warum mir guet sind au wenn mir schlächti Sache gmacht hend und was Gott über ois denkt.

Finde use warum Fründlichkeit nöd immer agnehm isch. Mir fröged ois was de Unterschiid vo de weltliche Fründlichkeit vs. biblische Fründlichkeit isch. Wie chönnd mir als Christe die Fründlichkeit wo Jesus ois zeigt hett au uuslebe?

Geduld: ruhiges und beherrschtes Ertragen von etwas, was unangenehm ist oder sehr lange dauert. Mir redet über wie mer die Geistesfrucht vo de Geduld chönd erlebe mit ois selber, mit Verspreche wo Gott für ois hett und mit anderne Mensche.

I dere Episode luegemer Friede als Geistesfrucht gnauer ah. Was isch Friede? Wie chani ihn empfange? Und was unterscheidet de Friede vo Gott zu dere vo de Welt?

Mir redet über dKraft vo de Wort und wie mer mit oisne Wort söttet umgah. Mir sind beruefe zum Liebe, Ermuetige und Ufbaue mit oisne Wort, und mengisch fallts ois schwer, oder vilicht merkemer gar nöd was mer seit. Darum wemmer dich ermuetige zum dir züberlegge, was eigentlich us diim Muul usechunnt. "Kein böses Wort darf über eure Lippen kommen. Vielmehr soll das, was ihr sagt, gut, angemessen und hilfreich sein; dann werden eure Worte denen, an die sie gerichtet sind, wohl tun." Epheser 4:29

Was isch Froid und wie chasch du wahri Froid ha? Mir gäbed dir 3 praktischi Tipps zum Froid i diim Läbe und Herze zha, au wenns mal nöd nach diine Plään oder Vorstellige lauft. 

Wie bechömemer die Geistesfrucht vo de Liebi? Mir bruuched tüüfi und festi Wurzle wo ois helfed, die Frücht chönne wachse zlah mitem richtige Same und de richtige Nahrig. "Wichtiger als alles andere ist die Liebe. Wenn ihr sie habt, wird euch nichts fehlen. Sie ist das Band, das euch verbindet." (Kolosser 3:14)

Mir startet ine noii mini Serie "Fruits of the Spirit: Die sogennante Geistesfrücht". I dere Episode luegemer dBasics vo de Geistesfrücht aa und wie mer die überhaupt becho chan. Es werdet dich wiiteri mini Episode dere Serie erwarte.

Wie fescht liebsch du Gott? Mir redet über Prioritäte wo mir i oisem Läbe setzed und wie mir praktisch Gott uf erster Stell i oisem Herze plaziered. Lass dich inspiriere vom Heilige Geist zum dir namal zeige ob du dini eigene Prioritäte setzisch, oder ob du Gottes Prioritäte wettsch ha i diim Läbe.

Ihr frööged, mir antwortet! Mir beantwortet Fraage vo oisne Zuehörer zu de Theme vom Podcastname, Singlesii, Aliens und na meh. Wenn du e Fraag a ois hesch, wo nanig beantwortet worde isch, schriib ois doch uf Instagram unter "merkenntihn" und du wirsch i de nächste Q&A Episode en Antwort becho :)

Wie erkenn ich Stolz in mir? Was seit dBible über Stolz? Welli Actionsteps chömmer mache, zum Stolz bekämpfe? Mir redet über Stolz, wie mir mit dem umgönd, was ois hilft de Stolz abzlegge und wie mir Demüetiger werdet.

Wie erläbed mir Intimität und Beziehig mit Gott? Langeds, dass mir eifach nur en "öffentliche" Glaube i de Chile läbed und privat nüt investiered i die Beziehig mit Gott? Mir wännd oisi Beziehig mit ihm stärche zum meh so zwerde wie Jesus und verzelled, wie mir das genau mached.

Wie gönd mir mit schwierige Situatione um? Wie chönd mir durch Problem und Niederlage amene Gott, wo ja treu isch, festhebe? Mir redet über was es heisst, im Füür zsii. Mir sind offe für Feedbacks und redet au gern über Theme, wo dich intressiered - schriib ois eifach.

Willkomme zu de erste Episode vo mER KENNT IHN! Mir sind dNoa und dMadlaina und stelled oi vor, wie mir oise Glaube gsehnd mit es paar spannende und au usefordernde Fraage. Enjoy!