Benetan zabiz?

Txutxu-mutxu eta saio saltseroak aldarrikatzeko, Alex Padilla kazetaria gonbidatu dute Malenek eta Aitziberrek “Benetan zabiz?” podcastera. Horretan aditua da eta farandulako artista zein famatu asko ezagutzen ditu. Bai eta “pop kultura”ko erreferentzia guztiak ere!Arrosaliren tartean famatuak protagonista diren jokoan aritu dira eta “Salvame” saioko pertsonaia guztien inguruko informazio pribatua ezagutu dute.Euskal Herritarrei kotilleo saio bat gustatuko litzaiekeela uste dute? Euskal famatuak haien inguruko istorio pribatuak publiko bihurtzeko beldur lirateke edo prest leudeke? Haien inguruko edukia egon, badago? Malen izango da EHko Marta Riesco? Nor ezkonduko da datorren urtean? Aitortu dizkien ezusteko guztiak ezagutzeko prest? Ba, entzun atala.

Azkeneko urtean aldaketa asko bizi izan dituela aitortu du atal honetako gonbidatuak, Josune Arakistain Itziartarrak.Suneren azken lanak dioen bezala, “Amaineman”, alegia, amain ematen ikasten ari da eta horretaz aritu dira Josune, Aitziber eta Malen solasean.Nolakoa da Josune eta nolakoa Sune? Nola izan ohi da, gogorik edo indarrik ez dagoenean, publikoaren espektatibak bete behar izatea? Nola eramaten da ikusleen ilusioaren arduraduna izatea?Musikariak, kontzertu bira hasi berria du eta kirol berezi bateko munduko lehiaketan sailkatu da. Egia ote da? Zer da haientzat “amain ematea”? Terminoa erromantizatu egin ohi da?

Iker Vicentek beste bi domina irabazi ditu aizkoran 2025eko apirilean, Australiako Munduko Txapelketan, abiadura modalitatean. Munduko aizkolari onenetakoak, txapeldunordeak, txikitatik ezagutzen du aizkora.Ikerrek txapelketa asko eta asko irabazi ditu eta onenen artean egoteak sortzen duen presioa nola kudeatzen duen galdetu diote Aitziber eta Malenek. Orohar, kirol ibilbideaz aritu dira gonbidatuarekin. Zer moduz Australian? Zer pentsatzen dute bertako aizkolariek euskaldunei buruz? Nondik datorkio aizkorarekiko grina? Ze gauza sakrifikatu behar izan ditu. Nolakoa izan zen “La Resistencia” saioko esperientzia? Diru asko irabazten da aizkolari moduan? Zer moduzkoa da Otsagabiko bizitza?Maria Blanco, urrezko kolaboratzaileak, gainera gai interesgarria ekarri die beste behin: bikoteen artean egiten diren opariez aritu da, alegia.

Txiki txikia zenetik artista izan nahi zuela bazekien; hori eta gauza gehiago deskubritu dituzte atal honetan Aitziber Grados eta Malen Altunak.Ane Rot arrasatearra ezagutu dute: ETB-1eko “Kantugiro” saioan irabazten hasi, gero “Bagoaz” musika saiotik igaro, kriminologia gradua ikasten hasi, Madrilera abentura berriak probatzera joan eta 4 hilabetera “Mickey Mouse Squad” saioa aurkezten hasi zen. Geroztik, hainbat film eta “Elite” telesaileko 8. denboraldian ikusi dugu.Anek “Benetan Zabiz?”en atal honetan aitortu du Emiliaren pertsonaia interpretatu eta gero, haren izaera dela eta, jendeak gorrotatuko zuela. Nola bizi zuen "Elite"ko arrakasta? Zerikusia du Anek bere pertsonaiarekin? Hori aprobetxatuz, “mendekuaz” aritu dira. Zein izan da neskek hartu duten mendekurik handiena?Arrosaliren tartean joko batera jolastu dira: Anek, bere mugikorreko sekretuak erakutsiko dizkigu?

Aitziber eta Malenek podcastera gonbidatzen duten laugarren Markina-Xemeindarra da. Aitor Nieto polimaitasunaz hitz egitera gonbidatu dute.Zer da polimaitasuna? Nola bizi du Nietok? Zer desberdintasun dago polimaitasuna eta harreman irekien artean? Zer iritzi du harreman monogamoen inguruan? Zer uste du polimaitasuna ligatzeko erabiltzen dutenez? Zer da “polifake”?Polimaitasun harremanetako akordioez eta komunikazioaren garrantziaz aritu dira, besteak beste.

Telecinco telebista kateko “Los vecinos de la casa de al lado” realityko aurkezlea delako pozez txoratzen dago eta orain arte egindako ibilbideaz, harro. Iban Garcia influencerra horretarako jaio da, bai eta kotilleoa eta salseorako!Zenbat egi aitortuko dizkie Malen eta Aitziberri? Zein realitytan proposatu diote parte hartzea? “Supervivientes” saioan adibidez? Jende askok gelditzen ote du kalean? Kale-inkestak egiten dituenean poliziari ikuskizun-baimena eskatu behar dio? Zer pentsatzen du Ibanek, Aitziberrek eta Malenek influencer zenbaiten inguruan dituzten aurreiritziez?Atal honetan, gai hauetan sakondu dute: Madrileko egunerokotasuna, ekitaldietako FOMO-a (Fear of missing out), “Operacion Triunfo” saioko kotilleoak eta alfonbra gorrietan pasatzen diren salseoak.Poligrafo zaharra eskuratu dute eta “egiaren testa” egin diote! Harreman ona du Twin Melodyrekin? Publizitatea egiteagatik 15.000 euro kobratzera heldu da? Harreman ona du “En todas las salsas” saioko kolaboratzaileekin?

FlakoFonkik, Chill Mafia taldeak “azken” kontzertua eskaini eta gero zer egingo duen kontatu die “Benetan zabiz?”eko neskei. Lanik gabe geratu da? Nola eramango du orain ogia etxera? Aurretik ere, ze lan arraro gauzatu ditu? Amerikan marihuana moztu? Irristaketa irakaslea?Orain burutuko dituen lanen artean, ETB1eko “Linbo” late night saioko Community Managerra izango da eta bertan kolaboratzen ikusiko dugu. Txirula jo dute eta “lotsaz” aritu dira…Zeintzuk dira bere erreferente musikalak? Zein da bere “guilty pleasure” musikala? Ligatzen duenean, eta ligatzen badu, zein da bere teknika? Nola uste du ikusten duela jendeak kanpotik? Zergatik dago irakasleen kontra?

Usurbildarra “El conquistador del fin del mundo” ETB-2ko saioko kamera atzeko kontuez aritu zaie benetan-zabiztarrei. Bertan egiten duen aurkezle lanaz eta partaideekin duen harremanaz.Nola sentitzen da Lur astez-aste partaideak kaleratzen dituztenean? Nola suertatu zitzaion aurkezle izateko aukera? Realityan parte hartuko luke berak?Bestalde, kirolaz, sakrifizioaz eta Lurrek honekiko duen pasioaz ere aritu dira. Eskubaloia, harri-jasotzea… nola kudeatu ditu emozionalki sufritu izan dituen lesio ugariak? Sakrifizio asko egin behar izan ditu? Zein da egin duen handiena?Maria Blanco kolaboratzailea, ebakuntza estetikoez aritu da eta honek gaur egun gizartean sortzen duen presioaz.

Kriminologo baten egunerokoa eta lana ezagutzeko Leire Padilla gonbidatu dute "Benetan zabiz?"en atal honetara Malen eta Aitziberrek.Zein da bere lana? Zer da krimen bat? Nork gauzatzen ditu? Zer egiten da hilketa bat gertatzen denean? Aski ezagunak diren kasuez aritu dira: Jose Breton, Madeleine Mccan eta Gabriel haurrei buruz.Psikopaten inguruan ere hitz egin dute. Zer da psikopatia? Jaiotzatikoa da? Sentimenduak ala emozioak dituzte? Nola identifikatu ditzakegu?

Mirua taldeko Maitane Iruin eta Malentxo Zeberio tolosarrak betidanik ezagutzen dute elkar. Musikari ibilbidea lehendik hasia zuten Arrakalak proiektuarekin batera. Taldeko hirugarren M-ak, Mattinek, Malentxoren anaiak, musika elektronikoa sortzen zuen eta etxe berean bakoitza bere musika enseatzen iharduten zutenean, elkarren etsai izan baino, proiektuak batzea erabaki zuten. Atalaren bigarren zatian, “erabakiak hartzeaz” aritu dira lau neskak.Erabakiak erraztasunez hartzen dituzte? Zergatik da “salda badago” eta ez “dago”? Nolatan eman dituzte lau urte sortu duten albumean lanean? Zergatik utzi zituzten biek gradu ikasketak? Zerk ematen die hozkirri handia?“Ezebezka” edo “Zuria” jokuan jolastu dira gainera.

“Benetan zabiz?”en Andrea Arrizabalaga kazetaria izan dute gonbidatua! Kazetaria, albistegietako aurkezlea, antiespezista, eduki sortzailea… mundu begano baten alde ari da. Animalietatik eratorritako elikagai edo osagairik gabe bizi da eta horren aldeko apustua egiten du. Andrearen haurtzaroaz, kazetari lanaz, informazioaren arduraz, beganismoaz eta antiespezismoaz aritu dira hiru neskak solasean.Andreak, txikitatik izan nahi zuen kazetaria? Nola kudeatzen ditu emozionalki albiste txarrak? Zer da kontzientzia-klausula? Zergatik dio garrantzitsua dela informatuta egotea? Noiz eta zergatik erabaki zuen begano izatea? Nola eragiten dio gaiak? Zer pentsatzen du abeltzaintzaz?Maria Blanco kolaboratzaileak ere parte hartu du atal honetan eta “Sexo en Nueva York” telesaileko hainbat jarrera kritikatu ditu.

La Txama taldeko Martin (Tuli Elbachatuli) eta Aitor Valcarlos gonbidatu dituzte Aitziber eta Malen-ek "Benetan zabiz?"era!Taldearen anekdotez, parrandetako istorioez, EHko beste talde batzuekin duten harremanaz, artista batzuen “soldata” eskasaz, “guilty pleasure” musikalez… aritu dira bi neskekin, beste gauza batzuen artean.Beste gai sakon bati ere heldu diote: obrak eta artistak desberdindu behar dira? Noiz banatzen ditugu? Noiz ez? Ze adibide ditugu gurean?Marte Lasarte taldeko Pello Armendariz deitu dute, broma telefonikoa egiteko… testuingururik gabeko hitzak erabiliz!

Bigaren aldiz gonbidatu dute Ana Goitia “Benetan zabiz?” podcastera!Sentimentala dela aitortu die Aitziber eta Maleni, eta tarteka; baldarra ere bai. Bere baldarkeriari lotutako hainbat anekdota barregarri kontatu ditu eta aitortu du gaur egungo gazteengan konfiantza handia duela. “Katana” bakarrizketa show berriaz aritu da ere eta sekretu asko kontatu ditu atalean zehar.Bestetik, “eskalatzaile maltzurrak” izan dituzte hizpide; “trepak”, alegia. “Trepa” asko daude telebistari lotutako lanbidean? Ana, halakoa izan al da noizbait? Zer egin “trepak” topatzen ditugunean?

Eszenatokien magaletik begirada botatzen dio orain pailasogintzari, 26 urtez ofizio izan duenari. Aiora Zulaikak denbora batez Pirritxen ileorde larrosa kendu badu ere gogo handiz aritzen da berean.Euskal-Irriko haur asko bezala, Malen eta Aitziber “Pirritx, Porrotx eta Marimotots”ekin hazi eta hezi dira eta gonbidatuak joko handia eman du: Nor izan zen lehenengo Pirritx? Eta nola hartu zuen lekukoa Aiorak? Antzekotasuna dute Pirritxek eta biok? Zer uste du inozentziari buruz? Helduaroan xalotasuna galtzea ohikoa da? Lehenengo begi-kolpeko maitasunean sinesten al du? Positibotzat du bere burua?Maria Blanco, urrezko kolaboratzaileak, lagunartean ikusten diren faltsukeria esperientziak ekarri ditu "Benetan zabiz?"en atal honetako mahai-gainera.

Ander Zumetak drogekiko pairatu zuen menpekotasunaren bizipenetatik abiatuta, drogen kontsumoak pertsonengan izan ditzaketen ondorioez aritu dira “Benetan zabiz?”en atalean.Nola eta zergatik hasi zen kontsumitzen? Nola bizi du uzteko prozesua? Zerk eraman zuen drogak kontsumitzeari uzteko erabakia hartzera? Non eskatu zuen laguntza? Nola jokatu beharko luke droga menpekoaren inguruneak? Ze fasetan dago orain Ander?“Ailaket, drogen kontsumo arduratsua” aldarrikatzen duen elkartearen inguruko iritziak mahaigaineratu dituzte.

Inoiz baino hobeto dagoela dio Lorea Intxaustik! Lanean pozik, “Bihar arte soilik” antzezlana oholtzan amaitu berri eta “Vaya Semanita” eta “Muertos SL” umore telesailetan dihardu egun. "Go!azen" telesailean aktore lanetan aritua, bertan parte hartzea “gutxietsi” egin ohi dela azpimarratu du. 2024an, lanbidea uztekotan egon zela aitortu die Aitziber eta Maleni."Benetan zabiz?"en atal honetako gai nagusia, adiskidetasuna izan da. Posible da heldutasunean lagun berriak egitea? Txikitako lagunak betiko izan behar dute? Nola kudeatu izan dute lagunak galtzea? Zer pentsatzen dute kuadrillismoaren inguruan?

44 urteko krisian dagoela aitortu die Zuhaitz Gurrutxagak benetan-zabiztarrei!Futbolari ohia kirolean bizi zuen presioaz aritu da eta egoerak bultzatutako ondorioez. Nola bizi izan zuen garai hura? Nola darama nahasmendu obsesibo-konpultsiboa egun? Zerk lagundu dio aurrera egiten? Zertan baldintzatzen du nahasmenduak?Gurrutxagak, umoretik, bere egunerokotasuneko hainbat gauza kontatu ditu, bai eta iraganeko hainbat anekdota kontatu ere. Zergatik erabaki zuen kalean gitarra jotzen hastea? Nola hasi zen bakarrizketak egiten? Itzuliko al da telebistara?

Aktore lanbidea ondo ezagutzen du Benetan zabizeko gonbidatuak, Sara Cozar Valbuena ordiziarrak! Gidoiak alde batera utzi eta bere bizitzako tramak, edo dramak, mahaigaineratu ditu atalean zehar. Cozarren ikasteko afizioa, gidoiak barneratzeko erabiltzen duen marrazketa metodoa, errutinaren nagia, pantailan eman zuen lehenengo muxua, Alex Gonzalez aktorearekin izandakoo fikziozko harremana, Goenkaleko garaiak, Aitziber Garmendiarekin Kubara egin zuen bidaia… Horiek denak eta guztiongan eragina duen gaia hartu dute: norberarengan sinesteko ahalmena. Bere burua ondo ezagutzen al du Sarak? Seguru sentitzeko metodorik badu? Zergatik esaten diote "La Txari"? Zergatik sentitzen du Kubarekiko lotura handia? Maria Blanco kolaboratzailearekin berriz, sekulako meloia zabaldu dute. Zer gertatzen da lehenengo aldiz gure gorputza eraso dutela sentitzean? Ez galdu atala! Benetan Zabiz? podcasta, OnTimek ekoizten du EITB Podkasterako.

Jon Fernandez kazetariak influencerren mundua ondo ezagutzen du eta benetan zabiztarrei zurrumurru ugari kontatu dizkie atal honetan. Eduki sortzaileen artean, faltsukeria handia dago? Edukiak elkarri plagiatzen dizkiote? Nor da OT 2024 denboraldiko bere faboritoa? Zer gertatzen da Benidorm Fest jaialdiaren kameraren atzean? Zein da inoiz izan duen zitarik lotsagarriena? Bestetik, eta Jonferren urteroko Rewind bideoak aitzaki, mainstream-az eta 2024ko meme faboritoen inguruan aritu dira. Iazko eduki biral eta ikusien errepasoa egin dute. Ez galdu atala! Benetan zabiz? podcasta, On Timek ekoizten du EITB podkasterako.

Benetan Zabizen 100.atalera haldu gara!!!! Zenbaki garrantzitsua ospatzeko eta honen omenez, podcasera etortzeko irrikaz egon den hurbileko esataria eta aurkezle mitikoa da ataleko gonbidatua: Julen Telleria Lopetegi!  Orainarte gonbidatu ez dutelako, apur bat haserre ote dago? Malenek, Aitziberrek eta Julenek 2022ko udaberrian ezagutu zuten elkar. Bata-besterekiko aurreiritziez, momentuko egoera emozional eta bitalaz, igaro izan dituzten bolada txarrez, traumez betetako motxilaz eta garaitezina sentitzeaz aritu dira solasean.  Nola dago Julen oraintxe? Asko konparatzen al dute Antton Telleria anarekin? Ezberdinak dira? Zer gertatzen da gertuko lagun bat erasotzailea denean? Zer egin beharko litzateke horrelakoetan? Zerk ematen du auzo-lotsa? Aukera balu, zer esaldi esango luke Julenek mundu osoaren aurrean? Ez galdu ehungarren atala! Benetan zabiz, ON Timek ekoiztendu EITB podkasterako.

Paula eta Aitana Etxeberria, Twin Melody atal honetako gonbidatuak!  Haien hasiera eta ibilbideaz, sare sozialetan biralak izateaz, ahizpen arteko kontuez, haien arteko lehiakortasunaz eta bakoitzaren izaeraz aritu dira, besteak beste. Noiz konturatu ziren oso famatu egin zirela? Nolakoa da haien egunerokotasuna? Lehiakorrak dira? Elkarren artean konparatzen dituzte? Zer agertzen da Tik-Token haien izena bilatzean? Polemikaren bat argituko dute? Ez al dira, bata besteaz aspertzen? Erantzunak jakiteko, ez galdu aste honetako atala! Benetan Zabiz? podcasta, On Timek ekoitzi du EITB Podkast

Nerea Muñoz gazte Nafarrari pandemia garaian sortu zitzaion Japoniarekiko jakin mina eta bera gonbidatu dugu atal honetara. Japoniera, bertako musika, animea…hori nahikoa izan zuen, lau urte geroago maleta hartu eta Japonian barrena bizitzeko! Hiroshima, Osaka, Kyoto… leku guztiotara bakarrik abiatu da eta esperientzia ugari kontatu ditu atalean zehar!Zergatik erabaki ote zuen Japoniara joatea? Zer moduz bizi da han? Nola ikasten du japonieraz? Biziraun likete? Non egiten du lan? Zer behar da hara joateko? Nola antolatzen ditu bidaiak? Bakarrik egoten da beti? Zeintzuk dira Japoniar kulturan mito ezagunenak, eta mitoak al dira benetan?Japoniako goxoki eta jakiz beteriko zakuarekin azaldu da Benetan Zabizera eta bertan probatu dituzte. Onak edo txarrak egongo dira?Ez galdu aste honetako atala! Benetan Zabiz podcasta, On Timek ekoitzen du EITB Podkasterako. 

Urteko azken atala! 2024.urteak gauza askorako eman du eta Malen eta aitziberrek heuren urtearen errepasoa egin nahi izan dute. Bizi dituzten gertaera ikonikoak, emozioak, lan ibilbidean aukera berriak, herrira itzultzea...guztiak, kontatu dituzte, 2024an bere norabidea finkatu duen podcastean!  Urtetik urtera gainera, Malenek eta Aitziberrek haien laguntasuna uztartu dute, eta behin konfiantza errotuta: "Entzun, baina epaitu gabe" Tik-tokeko trend famatua konfiantza osoz egin dute. Zenbat "trapu zikin" atera dizkiote elkarri? Eta nola ez! Urte bukaerarekin... Berria dator! 2025 urteari ongi etorria emateko, Maria Blanco urrezko kolaboratzailea gonbidatu dute kanpaikadak elkarrekin  ospatzera.Umoretik, urte berriko aurreikuspenak eta gertaera posibleak zerrendatu dituzte...beteko al dira? Ez galdu urteko azken atala eta ospatu urte zaharra benetan zabizen! Urte berri on! Txispun! Benetan Zabiz?, ON Timek ekoizten du EITB Podkasterako 

"Invierno a la vista" dagoela esan dezakegu, edo zuzenean, negu gorrian sartu garela. "Cerodenero" oraindik heldu ez bada ere, Gabonak iristear eta horregatik MallabiaCarey gonbidatu dute Benetan Zabizen sutondora! Bai, asmatu duzue, Izaro Andres Zelaieta da atal honetako gonbidatua! Eta Eguberriak ez ezik, musika munduko hasierez, limoiek ekarritako buruhausteez, Belodromoaz eta horrek eragindako tentsioaz, edota arrakastaz hitz egiten dute!  "Oh Happy Day" saiotik hasi, eta horrek ekarritako zurrunbilo guztia izan dute hizpide. Asko aldatu al da Izaro hasi zenetik hona? Zein uste dela kanpotik ematen duen irudia? Zeintzuk dira bereganako aurreiritziak? Zer da arrakasta? Zer esango lioke hasi berri zen Izarori? Gainera, "Izaro Gabonetan" diskoa argitaratu berri, gabonei buruz ere jardun dute Izaro, MAles eta Aiztiberrek. Gabonak gustatzen zaizkie? Nola bizi dute urteko azken hilabetea? Zergatik bururatu zaio gabonetako abestien diskoa ateratzea? Gozatu  dirdiraz eta polboroiez beteriko atalaz.   Din dan don din dan don, eguberrion! Benetan Zabiz, ON TIMEk ekoizten du EITB podkasterako. 

Onintza Enbeita Maguregi da atal honetako gonbidatua! Bertsolaria, kazetaria, Euskal Herriko aurpegi ezaguna… Onintza, Malen eta Aitziber, modu desberdinetan jendaurreko esposizioak eragin dizkien albokalteen inguruan aritu dira. Hortaz eta,  emakumeok segurutzat sentitzen ditugun espazioen garrantziaz, gaia bertsolaritzara ekarrita, batez ere. Haurdunaldia ere mintzagai izan dute eta horren inguruko tabuak, erromantizazioa eta haurdunaldiaren errealitate askotan gordina normalizatzeko beharraz. Maria Blanco,  munduko kolaboratzaile onena ere hurbildu da solasaldira! Gaztetako konplexu fisikoek utzitako arrastoaz eta intseguritateez aritu da oraingoan. "En mi coño y en mi moño" Enbeitak diputatu zela Espainiako Congresuan behin esan zuen esaldiaren harira, emakumeok horren debekatua dugun oldarkeriaren inguruan hitz egin dute: Zergatik dago gizartean gaizki ikusia emakumeak oldartu eta borrokan hastea ? Pairatzen duten indarkeria fisiko edo berbalaren aurrean, biolentzia gehiagorekin erantzungo balute, zer? Zergatik ukatzen zaie "aiurri txarreko" neskei haserrearen emozioa? Ez galdu atala!

Atal honetan, Beñat Rodrigo, Kiliki frexko! Aitziberrek eta Malenek, Chill Mafia musika talde disfuntzionalaz hitz egin dute Arrotxapeako gaztearekin. Ez hori bakarrik; taldearen amaiera, haien azken lana "Agur Eta Ohore X Allá Va La Despedida", taldeak egingo duen nazioarteko biraz, euskal talde mainstreamei buruz, norberekiko maitasuna, almendrekiko obsesioa…gai horiek eta taldekide batek izan duen gaixotasunaz aritu dira. Zergatik amaituko da Chill Mafia? Nola antolatzen ziren horrenbete pertsona lanak sortzeko garaian? Euskal artistak eroso bizi direla uste du? Zer gertatu zen Kai Nakairekin? Nork bere burua ez badu maite, besteak maitatzea posible dela uste du Kilikik? Zeren esklabu gara? Porruak almendrengatik ordezkatu ditu? Zer gertatu zaio Ben Yart-i? Ez galdu aste honetako atala! Benetan Zabiz, On Timek ekoitzi du EITB Podkasterako

Benetan Zabizen atal honetan, Aitor Bengoetxea "Bengo" dugu gonbidatua! Oiartzungo artista gazteak "Belharra" albuma kaleratu du eta benetan zabiztarrek lan berria ezagutu nahi izan dute. Hori, eta batez ere, abeslaria oholtzatik kanpo ezagutzeko gonbidatu dute! Norbere pertzepzioaz, bakardadeaz, "seriotasuna" autodefentsa gisa erabiltzeaz, Break Dance dantza estiloaz, artisten arteko lehiakortasunaz, Rap eta Hip-hopaz…aritu dira, besteak beste. Nolakoa da Bengo? Zer da "bakarrik sentitzea"? Zergatik sentitzen da bakardadea? Zergatik eta nola hasi zen Break Dance dantzaten? Zer gertatu zitzaion Gaztea Sarietan saritu zutenean? Zer ez zaio batere gustatzen pertsonak ezagutzeko garaian? Musikarien artean lehiakortasun handia dago? Zer gertatu zitzaion artista ezagun batekin? Egoera triste bat igarotzen ari direnean, aurpegi ona jartzeko gai dira? Esklusiba potoloa ere eman die gainera Aitziber eta Maleni: artista ezagun batek kaleratu gabeko kantu bateko esaldiak lapurtu zizkiola kontatu du! Benetan zabiz atala galduko duzula? Benetan Zabiz podcasta, On Timek ekoizten du EITB Podkasterako 

Maria Redondo Mugica atal honetan! Legazpiarrak Matilde pertsonaia gorpuzten du itsasoak zeharkatu dituen "Valle Salvaje" telesail ezagunean. Filmazio prozesuen nondik norakoez, kastingetako zailtasunez, gidoiak ikasteaz, pertsonai desberdinak gorpuztu behar izateaz, eta horrek eragiten duen ibilbide emozional aldakorraz aritu dira. Horiek, eta Matilde pertsonaiak hezurmamitzen dituen emakumeen otzantasuna, adeitasuna eta errua aipatu dituzte. Aktore gaztea "Goazen!" telesaiean eta "Kutxidazu bidea Ixabel" antzerki obra bezalako lanengatik da ezaguna, baina argi fokuen atzean ezagutu dute Benetan Zabizen.  Egunerokoan zeri ez dio garrantzia ematen? Zein da bidali duen azken mezua? Konplazienteegiak gara? Nola ikasten ditu Mariak gidoiak? Gure lanpostuetan, lankideak zaintzeko moduak eraldatu beharko lirateke? Galdera hauen erantzuna jakiteko, ez galdu atala!   Benetan Zabiz podcasta, On Timek ekoizten du EITB Podkasterako.

Suhiltzaile bat, Ibon Abad atal honetako gonbidatua! Malen eta Aitziberrek suhiltzaileen eginbeharrak, erronkak eta zailtasunak hartu dituzte mintzagai arabarrarekin. Lanbidearen zein suteen inguruko estigmeninguruan aritu dira ere. Etxeko suteei aurre egiteko hainbat aholku eman dizkie eta Euskadiko suhiltzaileen argazkiekin egindako egutegi mitikoen inguurko iritzia eman dute gainera! Zer egin behar da etxean sua piztuko balitz? Zein izan da Ibonek bizi izan duen suterik larriena? Zer egiten da suhiltzaile parkean txirrina entzuten denean? Zer behar da suhiltzaile izateko? Probak gogorregiak dira? Zergatik egin zuten suhiltzaileek greba Araban? Galdera hauen erantzuna jakiteko, ez galdu atala!

Atel honetan, Fermin Muguruza Ugarte! Ferminek, 2024ko abenduan abiatuko du berrogehigarren urteurreneko bira, "4 hamarkadaz zentsurari aurre egiten" leloarekin eta helburu horren alde. Datozen hilabeteetan emango dituzten kontzertuen sentsazioaz, bere ibilibideaz, gaur egungo mainstream musikaz eta artistez, zentsuraz…eta beste hainbat gairen inguruan aritu dira Malen eta Aitziber Muguruzarekin. Zer pentsatzen du gaur egungo artista gazteen inguruan? Autotunearen erabileraz? Nola sentitzen da berrogei urteren ostean oholtza gainera igotzean? Zergatik ez daongi etorria hainbat herrialdeetan? Nola bizi izan ditu zentsura egoerak? Rosaliaren laguna da? Zein da telefono agendan daukan famatuetan famatuena? Zer pertsona historiko gonbidatuko luke afari batera? Galdera guztien erantzuna jakiteko, ez galdu atala! Benetan Zabiz? podcasta, ON Timek ekoizten du EITB Padkasterako.  

Atal honetan Iratxe Aguilera, Kai Nakai! Gasteiztarrak album berria kaleratu du eta honen izenak joko handia eman die. "Gaupasa"z eta gaueko ordu txikietan kebapa jateaz, proiektu zein kantu berriak sortzeko prozesuaz, gaur egungo musika eszenaren egoeraz eta beste euskal artista batzuekin kolaborazioak egiteko arazoez aritu dira hiru neskak, besteakbeste. Sonny Angel-en unboxinga egin dute gainera! Nola sentitzen da Kai beste artista batzuei kolaborazioa egitea proposatzen dienean? Zergatik sentitzen da, edo sentiarazten dute "txiki"? Euskal musika eszenan ere misoginia dago? Zer gertatzen da artisten diskriminazio eta kantzelazioarekin? Zeintzuk dira haien "red flag" edo bandera gorriak? Aukera eta horretarako boterea izango balute, ze lege absurdu sortuko lukete? Aner Euzkitzek Berria Egunkarian argitaratutako "Kantzelazioa: zatoz, mese" iritzi artikulu polemikoaren harira hausnartu dute eta gizonen musika taldeen inguruan haien iritzia eman ere bai.  Benetan zabiz?  Galdu egingo duzula?

Atal honetako gonbidatua… Izaskun Moyano! Bermeoko kazetaria azken urteetako "urrezko erreportari" izendatu dute eta lanbideaz aritu dira. Euskal Herriko txokoak kartografo batek baino hobeto ezagutzen ditu Izaskunek eta ETBko "Biba Zuek" saioaren zuzenekoak egiteak anekdota ugari eman dizkio. Zein da kalean galderak egiteko herririk okerrena? Zer gertatu zitzaion berrehun usorekin? Zein da kamera aurrean bizitako erasorik salagarriena? Zer egiten da halakoetan? Zertan egingo luke lan kazetaria ez balitz? Moyanoren "Kolonbofobiaz", erreportari lanetan pairatutako erasoez, antsietate zein zorabioen beldurraz…Gai horiek, eta gehiago ere hizpide izan dituzte.Maria Blanco kolaboratzailearekin Pole Dance dantza diziplinaz aritu dira! Zer pentsatzen dute dantza estilo horren sexualizazioaz?Ez galdu atala! Benetaz Zabiz, On Time-k ekoitzi du EITB Podkasterako.

Irati Apraiz Barcena atal honetako gonbidatua! Tolosarrak Tarot Ebolutiboaz ondo daki, eta eskulanak egitea, dantza zein Astrologia oso gogoko ditu. Benetan maite duena eta bere ofizio bilakatu dena: interesa dutenei kartak botatzea. Zer da Tarota? Zertan oinarritzen da? Zenbateko egiazkotasuna du? Zer behar da tarotista izateko? Kartak edonork bota ditzake? Nolakoak dira kartak? Zer esan nahidute? Zer dira Arkano handiak? Zein da pertsona bati kartak bota aurretiko prozesua? Iratik karta bana atera die Malen eta Aitziberri, zer esan nahi ote dute atera dizkien kartek? Erantzuna jakiteko eta Tarotaren mundua gehiago ezagutzeko, ez galdu atala! Benetan Zabiz, On Timek ekoizten du EITB Podkasterako. 

Benetan Zabiz-ez atal honetako gonbidatua Urdax Magunazelaia Agirre! Abadiñoarra 106 kiloko harria jasotzen hasi zen 11 urterekin eta 15 urte betetzerako 215 kilokoa altxatzeko gai zen. Errekorrez beteriko harri-jasotzailea da eta bere ibilbide profesionalaz aritu da Malen eta Aitziberrekin. Profesioak nabarmen baldintzatu dion bide pertsonalaz ere; eta horrek eragindako albokalteez eta gorabeherez. Boxeoan aritu da eta diskoteketako atezain izandakoa da ere bada. Bertan bizitako gertakari latzak azaldu ditu.  Bizkaitarra "prodijio haurra" izan zen? Nola bizi izan zuen berak aro hura? Nola sentitu zen bere "doping" kasua argitara atera zenean? Nolakoa zen gaztetan. eta nola eragin zion horrenbeste laudatzen duen aitaren heriotzak? Zer du mantra? Eta zer da erridikulua egitea beretzat?Atalean zehar, Maria Blanco kolaboratzailea ere batu zaie eta gai potoloa mahaigaineratu die: txortalagunak. Ez galdu atala! Benetan Zabiz, On Timek ekoizten du EITB Podkasterako.

Denboraldiko aurreneko gonbidatua... Miren Nogales Sagartzazu! Uda frenetikaren ostean hiru neskak aurrez aurre eseri dira eta haien barrenak hustu dituzte. Zermoduz dago Miren? Nola itxi ohi ditu bizitzako etapak? Nolakoa da familiarekin duen harremana? Eta bikote ohiekin, ex-ekin? Mirenekin aldi berean, zer beste pertsonak egin zuten "Herri Txiki Infernu Handi" saiorako kastina? Kastina egin eta zergatik eman zuen gero astebete negarrez?  Arrosalik, astero legez, sare sozialetan topatutako mintzagaia ekarri du Benetan Zabizen atalera: emakume helduek pairatzen duten edadismoa. Hauek eta beste hainbat hizketagai izan dituzte neskek: Zortea eta astroen lerratzea, zuhaitzak besarkatzea, etxeko izozkailuan jendea izoztuta izatea eta sorkinkeriak, oro har. Ez galdu atala, eta jakin Mireni zer iragartzen dion bere konfidantzazko sorginak! Benetaz zabiz podcasta, On Timek ekoizten du EITB Podkasterako.

Denboraldi berriari hasiera emateko… argiak, Kamera, Akzioa! eta luxuzko bi gonbidatu!Malen Altunak eta Aitziber Grados indartsu lurreratu dira eta Benetan Zabiztarrak beldurrik ez biluzteko: Haien txikitako bertsioari mezua bidali diote eta striptease emozionalarekin batera…tariro tariro!Nola daude une honetan? Zein izan dute bizitzako unerik bajuena? Zer uste dute eskaintzen diotela heuren gertukoei? Nola ikusten dute beren aspaldiko bertsio txikia?Zer esango liokete? Erreparorik gabe, iraganeko mamuei ere mezu zuzen eta argia bota diote! Ku-ka-ra-txo! Benetan Zabiz,

Heldu da azken atala eta ezetz asmatu: Aitzi eta Malen dira gonbidatuak, beti bezala! Baina lanurteko azken atalean ez dira bakarrik txutxumutxuez eta bizitzaz arituko, denboraldiari agur berezia eman nahi diotelako. Podcasteko momenturik gogoangarrienak izan dituzte hizpide, eta baita beraien urte honetako emozio eta sentsazioak ere. Gainera, botilako azken mezuak irakurri dituzte! Aurrerapena: euskal artista eta famatuen kritikak nagusitu dira gonbidatuen iritzien artean. Maria Blancok, bestalde, gizonen autoestimu faltaren gaia atera du mahai gainera. Zergatik izan behar dute neskok baino altuagoak? Amaieran Oihane batu da atalera, eta Malenek mezutxo berezi bana irakurri die Aitziber eta biei. Zer suposatzen dute Benetan Zabizkideek gaur egun elkarren bizitzan? Negarrez amaituko al dute? Ezin duzue galdu inoizko atalik erreal eta hunkigarriena ...eta momentuz, azkena! Benetan Zabiz, OnTimek ekoitzen du EITB podkasterako.  

Aste honetako atalean… Mikel Perez Artola! Oiartzuarra pantailatik kanpora ezagutu dute Aitziberrek eta Malenek eta bere bizitzako gauza asko azaldu dizkie: Non bizi da? Zergatik da arraroa bere etxeko dekorazioa? Zerio dio beldur? Nola egin aurre iluntasunari? ETBko "Bikote Bionikoa" saioan eta "El Conquistador del Fin del Mundo" realityan ikusi genuen eta telebistaren harira pairatu behar izan zuena kontatu du. Zergatik sentitzen zuen presioa? Ze aurreiritzi ditu jendeak bere inguruan? Zein da bizi izan duen erronkarik nagusiena? Estatu Batuetan barrena egin duen bidaian zehar ezagutu dituen bi snack ekarri ditu zuzen-zuzenean probatzeko. Onak izango ote dira? Ez galdu! Benetan Zabiz, On Timek ekoizten du EITB Podkasterako. 

Aste honetako gonbidatuak… Aitziber, Malen eta zorigaiztoko botila! Heldu da gehien esperotako momentua! Urte osoan zehar gonbidatuen iritziak eta txutxumutxuak botilan gordetzen joan ostean, botila zabaldu eta barruko sekretuak argitara atera dituzte! Nork aurkeztu ote ditu Elkar Sariak barruko arroparik gabe? Nori ez zaio Bulego taldea gustatzen? Eta nori gustatzen zaio Nogen-eko Markel? Nork esan ote du aste honetan bere bikote harremana eten egingo duela? Eta nor ez da fidatzen Iban Garciaz? Iritzi guztien gaineko adierazpenak egin dituzte Aitzik eta Malenek ere, eta beraien ondorioak atera dituzte. Jakingo ote dute nork esan duen zer? Eta areago, ados egongoote dira gonbidatuek modu anonimoan esandakoekin?Ez galdu atala! Benetan Zabiz? podcasta, OnTimek Ekoizten du EITB Podkasterako.

Atal honetan, Xsakara izan dute Benetan Zabizen! Bermeotik zuzen zuzenean etorri da mamarratxeora. Nolakoa da Xabi? Zer beste izen jarri behar zioten jaio zenean? Zer motatako ikaslea izan zen? Nolakoa da bere egunerokotasuna? Nola zaintzen du ile kizkur hori? Zer marrazki bizidunen bibrak ditu?  Musikaz ere aritu dira eta hurrengo galderei erantzun diete: zer da rap-a? Eta trap-a? Zeintzuk dira bere erreferenteak?  Zer harrera izan zuen eta dauka bere musikak Bermeon? Nondik dator bere izen artistikoa? Zergatik da ilargiaren semea? Galdu egingo duzu? Benetan zabiz?  On Time-k ekoizten du Benetan Zabiz EITB Podkasterako. 

Marcos Tedín Uriburu, argentinarra gonbidatu dute Benetan Zabizera! Argentinan jaioa eta hazia, Euskal Herriarekiko interesa izan zen Marcos hona erakarri zuena. Itsasoaren beste aldean hasi zen 2018.urtean bere kontura Euskara ikasten, eta konturatu denerako Berria egunkarian dihardu lanean. Euskal Herrian Master ikasketak egitetik, ETB-1eko kultura orokorreko lehiaketa batean parte hartzeraino, euskal giroan zeharo murgilduta dago. Zerk piztu zion Euskal Herria eta euskararekiko interesa? Nola ikasi zuen euskara? Nola konturatu zen bere abizenetako asko euskaldunak zirela? Zer daki bere abizenen jatorriaren inguruan? Nortzuk dira bere arbasoak? Marcos eta Aitziber urrutiko lehengusuak ote dira? Zeintzuk dira Argentina eta Euskal Herriaren arteko desberdintasunak? Nolakoak dira euskaldunak, bere ustez? Ez galdu aste honetako atala! Benetan Zabiz, On Timek ekoitzen du EITB Pokasterako.  

Atal honetan Igotz Hofe izan da podcastean! Artista gazteak, eta bi neskek hainbat gai izan dituzte mintzagai: maitasuna, harreman irekiak, polimaitasuna, abestiak sortzeko prozesua… Bide batez, aspaldian armairuan gordeta zuten gezur detektagailuari hautsa kendu diote Malenek eta Aitziberrek eta martxan jarri dute berriro! Hofek gezurrak esaten badaki? Adarrik jarri al du noizbait? Zer animalirekin topatu diote elkarri antzekotasuna? Norekin shippeatu ohi dute? Nolakoa ote da Igotz maitemintzen denean? Nortzuk dira Atarrabiako musikariak miresten dituen artistak? Igotz gehiago ezagutu nahi baduzu, ez galdu atala! Benetan Zabiz podcasta, On Timek ekoizten du EITB Podkasterako. 

Benetan Zabizen atal honetako gaia apego edo atxikimendu emozionala da. Horretarako, Maitane Gabiola psikologoak kontzeptua azaldu eta gaiari buruzko  galdera guztiak erantzun ditu.  Zer da apegoa? Nolako atxikimendu motak daude? Nondik datoz? Aldatu al daitezke? Nola eragin dezakete apego mota desberdinek bikote harremanetan? Nola jakin daiteke norberaren apego mota zein den? Horrez gain, harremanei buruz jardun dute: bikote harremanak, lagun artekoak, familiakoak, harreman toxikoak… Nolakoak dira Aitziber eta Malen, norbait ezagutzen duten momentuan? Nola identifikatu daiteke harreman toxikoa? Ba al dago modurik harreman osasuntsuagoak eraikitzeko? Ez galdu! Benetan Zabiz, OnTimek ekoizten du EITB Podkasterako. 

Libe Osa sexologoa atal honetan! Emaize elkarteko kideak bi urte daramatza sexu-hezkuntzan eta sexu-aholkularitzaren esperientzian. Sexu-heziketa, desira, orgasmoak, jostailu sexualak, termino berrien beharra sexuan, asexualitatea, squirting-a, amatoria… Sexuari dagokionean informazio anitza elkarbanatu digu eta hurrengoak bezalako galderak erantzun ditu. Gaur egungo heziketa sexuala egokia da? Noiz litzateke aproposa sexu-terapia egitea eta nora jo genezake horretarako? Sexu-harremanak genitaletan bakarrik zentratzen ditugu? Non topatu dezakegu "erotika"? Desira sentitzea beharrezkoa al da? Zer da multiorgasmia? Erekzioen kontuak presio handia sortzen digu? Podcasta sare sozialen  bidez jarraitzen dutenek egindako galderen kontsultategia ere luzatu diote, eta zalantza guztiak errepasatu dituzte. Benetan zabiz galduko duzula? Benetan zabiz, On Timek ekoizten du EITB Podkasterako.

Aste honetako atalean Malen eta Aitziber! Aurreikusitako gonbidatuak azken orduan kalabazak eman zizkien eta…ze remedio! Biek bakarrik egin behar izan dute aurrera. Benetanzabiztarrentzat ez da arazoa hori,  hitz egiteko gai ugari baitzituzten: ZEID fest-eko kotilleoetatik hasita, zoriontasunaz, diru kontuez eta heuren  heriotzaz hitz egiteraino. Mikel Lizarralde famatuarekin grabatutako atalaren ostean, bete al da mediumak iragarritako etorkizuna? Nola sentitzen gara top-lessa egitean? Diruak zoriontasuna ematen du? Zer idatziko genuke gure oroitarrian? Atalaren bigarren zatian zorigaiztoko kutxako hiru iruzkin irakurri dituzte!!! Gonbidatu guztien artean, hiru gonbidaturen iritzi fuerteak irakurri eta komentatu dituzte. Ados al daude iritziekin? Zer dute esateko? Ez galdu atala!!!! Benetan Zabiz, On Timek ekoitzen du EITB Podkasterako. 

Aitziber Garmendia gonbidatu dute neskek Benetan Zabizera, bigarren aldiz. Bigarren aldia bai, baina podkastera etorri behar izateaz nazkatuta dagoenik ez du aipatu. Eskerrak, ze Malenek eta Aitziberrek asko maite dute Zaldibiarra. Gai ugariren inguruan aritu dira hiru neskak, batez ere, eta izenburuak adierazten duen moduan "alua zerbitzatzearekin" dute zerikusia horietako askok. Nolakoak izan ziren txikitan? Nola ligatzen du Aitziberrek? Zer egiten du antzezlan batean zuzenean esan beharreko testua ahazten zaionean? Zer gertatu zitzaion arropa denda bateko aldagelan? Horietan guztietan, "alua zerbitzatu" al du? Barre eta algara artean, hori eta gehiago kontatu digute hiru neskek. Benetan zabiz galduko duzula? Podcast hau,  OnTimek ekoitzi du EITB Podkasterako. 

Aste honetako atalean Aissa Intxausti bertsolaria gonbidatua! Lekeitiarra eta bi neskak bertsolaritzaz aritu dira eta zer esan handia eman die gaiak. Nola hasi zen bertsotan Aissa? Zer motako saioak dira bere gustukoenak? Lehiatzeko garaian emakumeei eta gizonezkoei berdin exigitzen zaie? Nola sentitzen da oholtzara igotzeko garaian? Errimak eta zutabeak ez ezik, beste hainbat hausnarketa plazaratu dituzte neskek: Bertsolari eta bertsolaritzaren ukiezintasuna, errespetua eta zaintza, mistizismoa… Bertsolariak mistikoak al dira? Gauza bera dira bertso afaria eta lehiaketa? Gai berdinen inguruan kantatzen dute beti? Txaloak ziurtatuta al daude? Ez galdu Benetan Zabizen atala! Podcast hau OnTimek ekoizten du EITB Podkasterako.

Aste honetako atalean Olatz Salvador izan da Benetan Zabizen! Pisokologoa, abeslaria eta kantautorea gai ugariren inguruan hitz egitera ausartu da: dantza egiteari beldurra gainditzea, famatu batekin duen konfidentzialitate kontratua, familiagatiko ustezko entxufismoa… Donostiarra aski ezaguna da sortzen dituen abestietako esanahiengatik; askotan sakonak. Erdipurdiko letrak, mediokreak, ere gustoko ditu; hala ere, sortzen dituen istorio sakonengatik galdetzen diote "ea uneoro ote dagoen bajoiarekin". Dekadentzia emozionalaz, maite dugun jendea "askatzeaz" eta jendearekin "konexioak" sortzeaz aritu dira, besteak beste, hiru neskak. Benetan Zabiz galduko duzula? Podcast hau OnTimek ekoizten du EITB podkasterako.

Benetan Zabizen aste honetako atalean, Paulo Azpiazu! Bergararrak fitnessa ondo ezagutzen du. Fitness coacha da gaur egun, online klaseen bitartez haren ikasleak aholkatzen ditu eta hauen aldaketa fisikoak zein garapenak Instagram eta YouTube bitartez partekatzen ditu. Behin bere komunitatea sortua zuela, Llados ezagunaren "sekta" izendatzen duenean inkonzienteki parte hartzen hasi zen, bere aurreko negozioa eta jarraitzaileak galduz. "Sekta"tik ateratzea lortu zuen, albokalte ugarirekin, noski. Nola bizi du prozesua? Zer dakigu Lladosen inguruan? Zein da afiliatuen profila? Zerk mantentzen du bizirik "sekta"? Zein da haien estrategia? Zenbat diru dago tartean? Ez galdu atala! Benetan Zabiz, OnTimek ekoitzen du, EITB Podkasterako.

Benetan Zabizen aste honetako atalean Miren Arrieta izan da protagonista. Aktore donostiarrak txikitatik zekien aktore izan nahi zuela. Garaiko Miren txikiak, beharbada ez zekiena da bidea ez zela erraza izango. Geroztik gaur egunera, ilusiorik ez du galdu. Hain zuzen bere aktore ibilbideaz, gaur egungo aktoreen prekarietateaz, "B" planak prest izateaz eta ezagunen unibertsoan existitzen den "ego"az aritu dira hiru neskak.Ez hori bakarrik…Miren ondo ezagutzeko beste hainbat galdera egindizkiote Malen eta Aitziberrek: Zein da bere crush-a? Zer proiektutan dabil orain? Zer moduz bizi da Madrilen? Go!azen telesailean parte hartu izanak beste pertsonaia batzuk lortzea zaildu dio? Ez galdu atala! Benetan zabiz podcasta, OnTimek ekoitzi du EITB Podkasterako.

Benetan Zabizen  atal honetan…Neomak taldea! Amets Ormaetxea eta Alaitz Eskudero gonbidatu dituzte Aitziber eta Malenek eta gipuzkoarrez osatutako taldearen inguruan aritu dira. Nola ezagutu zuten elkar? Nolakoa da Kepa Junkerarekin lan egitea? Euskal "Tanxugueiras"-ak dira? Haien burua sorgintzat dute? Garrantzitsua al da haientzat taldearen eta emanaldien estetika? Zer dago bizitzaren ostean? Zaila al da musikaren profesioa eta aparteko lana uztartzea? Proiektu berririk dute? Esklusiba harrigarri bat kontatu digute eta taldearen merchandising-arekin lotura zuzena du. Japonian biran egon zireneko anekdota eta pasadizo ugari kontatudizkigute gainera! Benetan zabiz galduko duzula? Entzun eta ai oi ai!   OnTimeren ekoizpena EITB Podkasterako