SBS Samoan - SBS Samoan

Australia's petrol and diesel prices remain under pressure. The RBA's decision to hike the cash rate this month is adding to the financial strain facing many households. We look at some free and independent support services that are available to help people manage financial stress. - Ua matauina le faigata o le faasoaina o seleni a nisi aiga i le taugata o le penisini ma le tiso talu mai le amataga o le taua a Amerika ma Iran. Tusia i le Igilisi e Sahil Makkar ae tapenaina e Jerry Uesele.

O le ta'amilosaga o le Nations Championships e amata ia Iulai e tau ia Novema, ma o le grand final e faia i Lonetona.

Na saunoa le minisita lagolago o le matagaluega o sitiseni ma Multicultural Affairs, Julian Hill, i le polokalame le SBS Gujarati, e iai nisi o loo tala'i i latou o migration agents ma o loo ofoina fautuga lē moni ma fa'asesēina ai nisi ma gau ai a latou tupe.

O mata'upu na ave iai lana fa'amuamua - o fale, femalaga'iga ma lafoga. Na ia saunoa i se lumana'i manuia e taugofie ma tele ai le sapalai o le suau'u ma le malosi'aga, ola pisinisi ma manuia faato'aga.

O le tala i le tupe lona 5 lenei ua tapenina ma laulauina mai e le teutupe Jim Chalmers ma na ia ta'ua o se tala i le tupe o loo lauina mai i taimi o lē mautonu ma fesoua'ina le lalolagi i le taua i Iran ma lu'itau i le atina'e o le tamao'aiga e afua mai ai.

O le asō, Aso Tofi 14 Me, o loo fa'amoemoe e feiloa'i ai le peresitene o Amerika, Donald Trump, ma le peresitene o Saina, Xi Jinping, i le laumua o Saina i Beijing. O nisi o mata'upu o le a talanoaina ai, e aofia ai le toe tatalaina o le Vāinu'u o Hormuz, ma le vā o Saina ma Iran.

Indo-Fijians reflect on the journey of their ancestors from India to the sugarcane plantations of Fiji. More than 60,000 of their descendants now call Australia home. But the echoes of that trauma filled era persist as many grapple with their identity. - Ua toe tō manatunatu tagata Initia-Fiti i le malaga na asā e o latou tua'ā mai Initia e galulue i togātolo i Fiti. E ‘ova i le 60,000 tagata e tupuga mai ia i latou nei ua aumau nei i Ausetalia. Peita'i, o loo feagai pea le to'atele o nisi o i latou ma ātugaluga poo ai i latou.

Na auai i le malae va'alele i Melbourne nisi o aiga, leoleo ma le ‘autusitala ina ua taunu'u mai i latou, ma e to'a 2 fafine na saisaia e leoleo i le taimi na taunu'u mai ai ma molia i le auai i se fa'alapotopotoga terorisi ma isi soligatulafono.

Ae o sauni atu le malo tele i le laulauina mai o lana tala i le tupe i le po a taeao, ua fa'aalia e le teutupe Jim Chalmers, o le tala i le tupe lenei ua fa'amaopoopoina ma le fa'auauta ma le fa'amoemoe e sefe mai ai tupe mo le malo tele ma le atunu'u.

O le fa'alapotopotoga le Saltwater Alliance na fa'avae e ni tama'ita'i Pasefika ma tagata muamua i Ausetalia e tuleia ai le malamalama i a'afiaga o tagata i fesuia'iga o le tau ma fesoasoani ai i le fa'alauiloaina o tū ma aganu'u.

Talu ona fa'avaeina le nofoa o Farrer i le 1949, na o vaega 'upufai a le Nationals ma le Liberals na umia le nofoa. O le sui mulimuli nei, o Sussan Ley, lea na 25 tausaga o se'ei i le nofoa, ae na fa'amavae i le tausaga nei ina ua lē toe palotaina o ia e le fa'afaletui e ta'ita'ia le Liberal Party ma le itū-agai.

I le atunu'u o Kenya i Aferika, e tāua tele le fa'aalia o le agaga fa'avauvau ma le nutimomoia e auala i le tagi auē i le taimi ua tu'ua ai e se tagata le lalolagi nei i le vala'au a le maliu.

E foliga mai ua malepelepe le maliega o le ceasefire i le va o Amerika ma Iran ina ua osofa'ia e Iran nisi o va'a i le Vainuu le Strait of Hormuz.

Na atoa i le vaiaso talu ai, le Aso 28 Aperila le 30 tausaga o le osofa'iga i Port Arthur, Tasmania. E to'a 35 i latou na maliliu ai ma le to'atele na manunu'a.

Ua fa'ailoa i se ripoti a le Komisi o Aiā Tatau a Tagata, le Human Rights Commission, a'afiaga ogaoga o loo feagai ma nisi o tagata i le atunu'u mai faiga ma manatu fa'ailoga lanu.

I le talanoaga lenei ma le Susuga a Gabriel Satiu, na ia ta'ua ai le taumafaiga e fa'aolaola le gagana, siva, ma fagogo a Samoa i le fanau i pitonu'u i Sisifo o Sini.

Ua fa'aalia e Jarome Luai o le a ia tu'ua le kalapu a West Tigers e ta'alo mo le kalapu fou, le Chiefs i Papua New Guinea, o loo fa'amoemoe e ulufale i le tauvaga o le NRL i le 2028.

Ua vala'au atunu'u o le Pasefika mo se feagaiga e taofia ona toe fa'aaogāina le suau'u ma le kasa i le gaosiga o le malosi'aga. O le feagaiga, le Fossil Fuel Treaty, na fa'ai'ugāfonoina i le fonotaga na faia i le vaiaso nei i le ‘a'ai o Tassiriki i Vanuatu.

O savali tete'e na faia e fa'asaga i le malo Isalama i Iran i le amataga o le tausaga nei, na tuleia ai le mau mo sa'olotoga ma aiā tatau a tagata, ae miase le tulaga o loo solipalaina ai aiā a le itupa o tinā ma tama'ita'i i Iran. Peita'i ua avea lea ma mafua'aga o le sauāina ai e le malo Isalama o nisi o tagatanu'u o Iran e lē o ni Moselemi. O se tasi o tapua'iga o loo aupito sauāina ai o le Fa'atuatuaga Baha'i.

Ua vala'au le failautusi aoao o malo ‘aufa'atasi, Antonio Guterres, i le sa'ilia o se filemū i le taua i Sasa'e i Totonu e auala i feutaga'iga ae lē o osofa'iga. Na ia saunoa e leai se tali fa'amilitari o le fa'afitauli lenei.

Na o ni itulā na vā ai le fa'aaliga o le maliega i le vā o Iran ma Amerika e taofia le taua mo se 2 vaiaso ae tatala ai le Vainu'u i Hormuz, e foliga mai ua toe fo'i i le fetaua'i ina ua fa'aauau ona osofa'ia e Isara'elu le atunu'u o Lepanona.

Forgotten ANZACs from the Pacific Island of Niue. Descendants recall the tragedy filled journey of 150 volunteers, from an isolated tropical atoll, who were thrust into the cauldron of World War I. - Fitafita na galo o le ANZACs mai motu o Niue i le Pasefika. Toe fa'amanatu e suli o fitafita e to'a 150 mai Niue le tautua na ofoina e o latou tua'a i le Taua Muamua o le Lalolagi.

Na mafuli fe'au o le Eseta o lenei tausaga i le vala'au i atunu'u o loo faia taua ma osofa'iga ina ia tu'uina i lalo a latou a'upega ae aga'i e feutaga'i se filemū.

O le mata'upu lenei i le ta'ita'iga o le HRPP na lalaga i luga i le vaiaso nei ina ua fa'ailoa e nisi o sui na lotolotoi i le fa'afaletui a le HRPP le lē toe fia ‘auai i lea vaega 'upufai ma ua aga'i i le itū a le malo le Fa'atuatua i le Atua Samoa ua Tasi (FAST).

O le Aso To'ona'i nei (11 Aperila ) o le a faia ai se fa'aaliga o tū ma aganu'u a tagata Pasefika i le fale māta'aga le National Gallery o Vitoria (NGV).

Ua lē taunu'u le folafolaga a le peresitene o Amerika Donald Trump i le pomuina o nofoaga o loo sili ona mana'omia e tagata sivili i Iran pe a lē tatalaina le vainu'u o Hormuz.

O Ben Roberts-Smith ua 47 tausaga lona matua, o se fitafita na tau'a'aoina iai le fa'ailoga taualoa le Victoria Cross, ma e 5 moliaga o loo molia ai, o moliaga o soligātulafono o taua poo war crimes.

O lo'o faitioina malosi e isi atunu'u ma fa'alapotopotoga o loo puipuia aiā tatau a tagata le fa'ai'uga a le palemene o Isaraelu, le Knesset, e fa'asalaina ai i le oti e auala i le sisiina (se'i tulou) o tagata Palesitina e faia ni osofa'iga ma fasiotia ai tagata Iutaia i le West Bank.

Na fanaina i le oti e leoleo i Vitoria le tagata lea ua 7 masina o sola ma lafi talu ona ia fasiotia ni leoleo se to'alua i le pitonu'u o Porepunkah i Vitoria. O le Aso Gafua talu ai na maua ai ma fanaina e leoleo i le oti le ali'i o Dezi Freeman i le pitonu'u o Thologolong, e lata i Walwa.

O le saunoaga a le palemia e na o le 3 minute le 'umi, ma na mafuli i le vala'au mo tagata uma i le atunu'u e felagolagoma'i i le taumafaiga e sefe le suau'u ma le penisini.

O se vaega lenei o le talanoaga ma le peresitene o le fa'alapotopotoga le Aosinasina Samoa i Sini, Seiuli Talalelei Leota, ma le failautusi Seumanu To'ailoa.

Mo le ‘aufaifa'ato'aga i Ausetalia nei, e lē na o le maualuga o le tau o le suāu'u ua avea nei ma 'avega mamafa i le utuina o masini i faato'aga, le tau o le la'uina o fua o faatoa'aga ma manu i le maketi, ae ua fafa atu iai ma le si'itaga maualuga i le tau o le fa'alelei ‘ele'ele, le fertiliser.

Ua fa'alēaogāina e le fa'amasinoga o faigapalota i Samoa le tofi o le faipule o Falealili Numera 1, Toelupe Poumulinuku Anesemo, ina ua fa'amaonia tu'ua'iga o lona faia o ni faiga fa'aālatua ma solitulafono o le fa'atōsina i le campaign mo palota i le tausaga na te'a nei.

Na fa'aalia e le tina o Iman Nayef, ua fia taliu mai i Ausetalia ma o aso uma e feagai ai lana fanau ma le fefefe i le lē utuvā ona fa'alogoina pomu ma molimauina tagata manunu'a ma maliliu mai le taua.

https://www.seek.com.au/job/90861352

O se talanoaga lenei ma se tasi o sui o le Pacific Islands Climate Action Network, le tama'ita'i Samoa o Jacynta Fa'amau, i le tāua o le fonotaga o soso'o nei a le COP 31 mo se tali i fa'afitauli ogaoga o suiga i le tau mo atumotu o le Pasefika.

A school in Vanuatu lay in ruins for years after a cyclone. The story's not rare for the Pacific Islands, which bear the brunt of extreme weather events. - Le falea'oga o se a'oga i Vanuatu ua tele tausaga talu ona fa'aleagaina e se afā e le'i toe fa'aleleia. O se va'aiga ta'atele i atumotu o le Pasefika o loo feagai ma fa'afitauli ogaoga o fesuia'iga o le tau.

Na saunoa le minisitā o puna'oa i le mālō tele, Madeleine King, o loo lava le sapalai i Ausetalia nei, e aofia ai le suau'u ma le penisini mo nu'u maotua.

O ni motu 'amu e 27 o le atumotu o Cocos Islands — e 2 motu 'ainā o Cocos Islands, masalo pe fa'atusa i le telē o Manono se tasi o ia motu o loo aumau ma nonofo ai tagata e 400 ma ona tupu. O le tapua'iga o loo mulimuli iai tagata uma o Cocos Islands, o le tapua'iga Isalama.

Na molimauina le tumutumu o tagata i ofisa o itumalo ma matagaluega o le malo Samoa i le vaiaso nei i le taliaina o le ta'i $150 o le fesoasoani mai le malo Samoa, o se fesoasoani fa'amāmā'avega mo le toe fo'i o fanau i a'oga.

I le kuata i le 3 i le aoauli o le Aso 11 o Mati 2011, na to ai se mafui'e na fuaina i le 9 le malosi i le fua mafui'e i le gataifale i Matu i Sasa'e o le motu o Honshu i Iapani.

Na fa'amanatuina i le Aso ua tuana'i (Aso 8 o Mati) le Aso Fa'avāomālō o Tinā ma Tamaita'i, le International Womens Day.

O loo faia se su'esu'ega a le matagaluega o le puipuiga i Amerika i tu'ua'iga o le osofa'ia e pomu mai a latou osofa'iga, o se a'oga i Iran.

E to'a 5 sui o le 'au soka a Iran, le Lionesses, na talosaga ma ua ofoina iai visa puipuia e le mālō tele analeilā, ma o loo tausia nei ma puipuia e leoleo a le Australian Federal Police.

O loo lava le sapalai fa'aleoleo o le suāu'u ma le penisini i Ausetalia nei, ma o le mafua'aga lea e lē tatau ai ona popole ma so'ona lolofi tagata i pamu penisini.

E ui i lana folafolaga na faia i le campaign na te lē amataina se taua i le lalolagi, o le faai'uga o le vaiaso na molimauina ai le matuā malepelepe o nisi o vaega o le taulaga o Tehran ina ua osofa'ia e pomu a le militari a Amerika ma Isara'elu.

O loo ‘ese'ese finagalo fa'aalia o tagata e āfua mai Iran o loo aumau i Ausetalia nei i le osofa'iga tu'u fa'atasi a Amerika ma Isara'elu o Iran, ma le fasiotia ai o le ta'ita'i o le setete Isalama, Supreme Leader Ayatollah Ali Khamenei.

Ua manumālō le vaega 'upufai a le Fa'atuatua i le Atua Samoa ua Tasi (FAST) i palota lāiti na toe faia mo itūmālō palota o Vaisigano Numera 2 ma Safata Numera, e pei ona sa toe tāloina i le mae'a ai o palota mo le palemene o Samoa i le tausaga na te'a nei.

O le fa'alapotopotoga lakapi mo fanau laiti a Samoa i New South Wales, e le gata i le ta'aloga lakapi iuni, ae a'oa'oina ai fo'i le gagana ma nisi o vaega o le aganu'u i fanau a le atunu'u o loo ola a'e i le setete o New South Wales i Ausetalia.

Ua 15 nei tausaga talu ona tō le mafui'e tele i Christchurch i Niu Sila lea na maliliu ai tagata e to'a 185.

O loo fuafuaina e le faigāmalo i Peretania se auala e tafi 'ese ai le igoa o Andrew Mountbatten-Windsor mai le laina o le fa'agasologa o tagata i le nofoa'iga tupu o Peretania ma Ao o isi atunu'u e pei o Ausetalia, Kanata ma Aotearoa Niu Sila.