Radio Stryn med Sport und Spaß

Mannsterk sending der vi har besøk av Nils Petter Hauge, Terje Walaker, John Rasmus Sæbø og Hallvard Skrede. Ein kameratgjeng som møtes til turar kvar onsdag - og litt til. Vi får også innside-informasjon om "skjeggestuntet på Stryn stadion" av hovudpersonen sjølv, Frank Hool.

Kåre Rake (90) og Egil Solheim (81) gir eit lite innblikk i krigsåra i indre Nordfjord. Rake var sjølv 5 år då krigen braut ut, og far til Solheim, Magnus Solheim, var fenrik og deltok i krigshandlingar i Valdres. I samtalen fortel dei om historier han delte; bombingar i Valdres, fangenskap og rollebytet då freden kom.

Eivind Skjerven er i studio og demonstrerer Bemer-matte. Klemet Bø er med på telefon frå VM i skiskyting i Lenzerheide og Sigbjørn Kirkeeide har det travelt med å både førebu NC på Ullsheim og følge med på dottera Maren i VM.

NRK og TV2 kommentator Ole Kristian Stoltenberg er hovudgjest. Utanrikskorrespondent Inge Brynestad er med frå Anterselva og "Thor Gotaas" svingar innom.

Silje Åsnes Skarstein skulle aldri bli bonde. I dag er ho ikkje berre bonde på fulltid, ho har også blitt bønder sitt talerøyr med engasjerande innlegg i sosiale media og i aviser. Bli betre kjent med den frittalande kvinna frå Fjaler som no er busett i Olden.

Kveldens gjest er sjølvaste 71 grader Nord-vinnaren, Espen R. Nakstad! Norges tøffaste kjendis fortel om turen gjennom Stryn og Hornindal, forholdet til dei andre deltakarane og det å halde deltakinga skjult for kollegaer og vener. Han blir også utfordra på ei dialektoppgåve. I sendinga ringer vi også opp Månadens lyttar og det blir spalten "Ka i alje dage"?

Jan Fjellkårstad (45) frå Blakset er økonomidirektør i måløyverksemda Coast Seafood. Dei omset fisk og sjømat for milliardar og har store deler av verda som marknad.

I den 7. episoden kan du bli betre kjent med Marius Solbakken. Austlendingen som kunne tenkt seg å bli snikkar, men som enda opp som kommuneoverlege i Stryn.

Petter Arnt Løvdahl har alltid hatt mange jern i elden, og har sjeldan nøya seg med berre ein jobb om gongen. Vaktmeister, lærar, PPT-konsulent, bussjåfør og fjellførar er berre noko av det den allsidige 74-åringen har sysla med.

Stortingspolitikar og storspringar Alfred Bjørlo og skiskyttar Simon Hjelmeset Kirkeeide er gjester i dagens sending. Og vi ringer opp "Månadens abonnent", Andre Flo.

Oline Horten er ei ung oslokvinne som enda opp som prosjektleiar for Stryn kommune sin samfunnsplan. Høyr korleis året i Stryn har vore og kva tankar ho gjer seg om livet i ein liten vestlandskommune.

Mariann Rosa, eller Thomassen som døypenamnet er, hadde stor suksess som vokalist og frontfigur i bandet Surferosa i perioden 2000-2009. I dag lev ho også av musikk, som DJ og med eige bookingbyrå for kvinnelege DJ-ar. I denne episoden kan du høyre korleis det er å ha scena som arbeidsplass.

Sending nummer 60! Med oss i studio er energibomba Siri Linn Opsahl. Ho er treningsinstruktør, formann i idrettslaget, gründer og fritidskoordinator. Jon Terje Tjellaug gir siste status om Stryn fotball før dei to siste og avgjerande kampane i Kretsligaen, og vi får høyre om Randabygda sin nye landslagsspelar - i rugby!

Tom Øyvind Solheim er supersjef i Nordfjordkompaniet, som blant anna jobbar med rekruttering, lærlingar og bulyst i Nordfjord.

Høyr kva den erfarne bedriftsleiaren, styreleiaren og investoren tenkjer kring bedriftsutvikling og organisasjonsbygging.

Jabbing om jobb er ein ny serie på Radio Stryn der vi møter personar frå ulike bransjar og kategoriar, og med ulike roller, i arbeidslivet. I den første episoden kan du bli betre kjent med gründer Elisabeth Flo (30) som driv Seniortrim.

Gjester i studio er Jørgen Trøsken frå Stryn sitt herrelag i fotball, som pratar om kampen for tilværet i Kretsligaen, og handballtrenar Roy Veamyhr som er klar for nok ein sesong med handballdamene. I tillegg har vi med rekord-paret frå Skarsteinsetra Opp, Trond Håkon Trondsen og Synnøve Torp.

Sommaravslutning! Vi snakkar med Torbjørn Hatledal om den nye 18 hols frisbeegolfbana på Ullsheim. Vi tek også ein prat med tidlegare norgesmeister i frisbeegolf, Jostein Håland. Og ikkje minst; truleg norges beste på å imitere sportsprofilar, Vidar Higraff, byr på både seg sjølv og ei rekkje imitasjonar. God sommar frå oss i SS!

20.-22. mai 2004 var vesle Stryn arrangør av den store Landsfestivalen for kor. Arrangementet samla 1.500 songarar frå nærare 50 kor frå heile landet. Margaret Venøy Flo og Tanja Selbervik Hage var med i arrangementskomiteen og deler minner frå tre dagar med fire årstider.

Vi har besøk av Trio Triathlon; Are Njøten, Anders Maurset og Jon Gudbrand Kveen Øvre-Flo.

I april 2004 såg guteklubben Stryn Ping Pong Club dagens lys. Ganske tilfeldig og utan vidare plan for kva dette skulle utvikle seg til å bli. Kåre Tonning, Arve Aaning, Åge Rustøen og Christer Lunde Solberg er på plass i radiostudio for å mimre om 20 år med galskap og kameratskap. I tillegg bidreg Kim Rune Flo, Torstein Breivik, Jan Egil Flo og Robin Vonheim i sendinga.

Vi snakkar med produsenten av serie-suksessen Alt for Årdal, Torstein M. Haug. Stryningen Kjell August Ytre-Eide har 20-årsjubileum som dommar og Hans Petter Galtung gir oss Oldestafettens ABC!

Jan Erik Sandbakk er gjest og fortel meir om Loen-Vikane sin gledelege retur til seriefotballen. Den nye utvisingsregelen blir også grundig omtala i spalta Ka i allje daga!

Gjest i studio er Svein Ørjasæter, utegåande reporter i VM skiskyting Nove Mesto er Inge Brynestad.

Vi tek ein prat med VM-kongen Petter Tande og han som var det lokale håpet, Ronny Hafsås. Gjester i studio er Ola Ødegård, rennleiar hopp i 2004, Olav Rune Seljeset, rennleiar kombinert, og Torstein Tvinnereim som var utegåande speaker på Ullsheim under junior-VM.

Frode Bakken, Berit Hisdal Lunde, Sigrid Moldestad, Helge Sunde og Hans Holmøyvik er gjester i del to av mimreserien om junior-VM i Stryn 2004.

Gjester: Stolt og fersk EM-vinnar-pappa, Sigbjørn Kirkeeide, fysioterapeut og gründer Kristian Brynestad og junior-VM-klare Torje Seljeset.

I denne første sendinga ser vi tilbake på korleis det heile starta og korleis vesle Stryn rigga seg for gigantarrangementet i 2004. Gjester i studio er Oddvin Vonheim og Inge Fænn.

GJESTER: Holko & Hauge, Linda Gytri, Anders Victor Kvile, Arne P. Sunde, Anne Merete Erdal og Marit Almenning.

Gjester er Simon Hjelmeset Kirkeeide og Stig Roger Eide.

Reklame for ny sending av Sport Und Spaß 13. desember by Radio Stryn Podcast

Sesong 7! Frank Hool, Thomas Thaule og Roy Aron B. Myklebust er tilbake etter to års pause. Gjester er Stryn fotball sin toppscorar Emma Dorthea Lødemel og tidlegare VG-TV journalist Jamel Rake. Sistnemnde fortel om sin nye jobb og kjem dessutan med snacks-tips. I sendinga høyrer du også nye spaltar; "Ka i allje daga"? og "Jan Kveens Treningstips".

Gjester i studio, helsingar og masse god julemusikk! Sendt 22. desember på Radio Stryn. Programvertar er Ove Andre Aarskog og Roy Aron Brenvik Myklebust.

Kvar dag fram til jul trekk Frank Hool, Thomas Thaule og Roy Aron B. Myklebust ut eit nytt lydklipp med ein tidlegare gjest, og utfordrar deg til å vere med og gjette kven personen er. Nokre hint på vegen vankar det også. Ei ny lyd-luke vert sendt på Radio Stryn kvar dag fram til julaftan. Den vert også lagt ut på Fjordingen si nettside, slik at du kan høyre den når det høver deg best. Vinnarar og svar blir også offentleggjort på nettsida.

Kristin Hatledal har lagt bak seg 10 år som biblioteksjef i Stryn. 39-åringen har ei lang akademisk utdanning bak seg, har gitt ut bok om motstandskvinner under krigen og kan også skilte med ei brukbar langrennskarriere som junior og ung senior. Ho trakterer dessutan hjullaster og gravemaskin!

Simon Hjelmeset Kirkeeide er ein av våre unge, lokale skiskyttarar som skal ta opp arven etter Bø-brørne. Grunnlaget legg 22-åringen på Lillehammer, der han bur saman med andre hardtsatsande utøvarar frå Markane og Hardbagg.

For Johann Sigurdsson har ein stor del av livet handla om fotball, både som spelar, trenar og gjennom jobb. No er derimot strynedrakta og fotballen bytt ut med strikkegenser og troll, når han skal ta familiebedrifta i souvenir-bransjen vidare.

Heidi Holmlund er ernæringsfysiolog som har samarbeidd tett med nokre av verdas beste langrennskvinner, der iblant Marit Bjørgen og Therese Johaug. Etter 16 år i Olympiatoppen har kvinna frå Narvik no innleia eit tett samarbeid med eigen mann, Svein Ørjasæter, i utviklinga av Stryn Aktivitetslodge.

Bli betre kjent med musikaren frå Nordkapp som enda opp som kulturskulerektor i Stryn. Ketil Rasmussen har vore solist i SKRUK, opptredd på TV og turnert i utlandet.

I denne sendinga set vi fokus på Stryn fotball som fyller 100 år, og har invitert Per Sætre, Harald Vartdal og Evy M. Rossetvik til studio. Dei sit i arbeidsgruppa for jubileet. Jostein Flo er med på telefon.

Ole Bergesen er fitjarbuen som tok revynorge med storm i 1995, då han entra scena på Høylandet med Ferjedirigenten. Eit nummer som representerte noko heilt nytt, og som gjekk rett heim hos publikum. Sidan då har han hatt eit innhaldsrikt sceneliv og vore primus motor for sommarrevyen på Fitjar i 22 år. Bli betre kjent med humoristen og "strynevenen" frå Fitjar!

Denne veka blir vi litt betre kjende med folkemusikaren Arne M. Sølvberg frå Fjelli. Han har gjennom eit langt musikarliv lagt ned ein stor innsats for folkemusikk og folkedans, og har også motteke ei rekkje prisar og utmerkingar for sine prestasjonar. Like fullt har det aldri vore tema å legge vekk bondeyrket til fordel for musikkarrieren.

Siv-Carina Vikestad (38)driv gravferdsbyrået Fjordferd. Bli betre kjent med den unge kvinna frå Sør-Helgeland, og høyr om den noko utypiske jobben, livet som vestlending når ein er nordlending og om lidskapen for hestar.

Bli betre kjent med den tidlegare ordføraren og stortingsrepresentanten frå Hornindal. 22. september er det 10 år sidan opninga av Kvivsvegen, ei hending Lødemel skildrar som eit høgdepunkt i den politiske karrieren.

Kim Rune Flo er ein rappkjefta Floar og Oktoberfest-kardinal. Men han er også ein reflektert pappa og bestefar.

Bli betre kjent med ho som leiar Visit Nordfjord. For Marita Lindvik er det eit poeng at reisemålsutvikling også skal skape bulyst. Ho tykkjer dessutan at resultatkrav triggar meir enn det stressar.

Tidlegare ordførar Sven Flo om nedtrapping i lokalpolitikken, draumen om bondeyrket, tida i Forsvaret og planar framover. Vi beklagar tidvis noko dårleg lyd!

Sonja Øvre-Flo; Ordførarkandidat og nybakt bestemor. Bli betre kjent med servitøren frå Sunnmøre som har sikta seg inn på ordførarjobben i Stryn.

Jørn Sønsterudbråten er gjennom Fagre Stryn Aktivitetsselskap ansvarleg for organiseringa av Stryn sine to største arrangement; Motorfestivalen og Strynemessa. Bli betre kjent med den tidlegare tømraren og handballspelaren frå Oppsal.

I denne sendinga har Roy Aron B. Myklebust teke turen ut av studio og besøkt Marit Fjell. Ho fylte nyleg 100 år, og i dette intervjuet fortel ho om eit liv ikkje fritt for dramatikk.

Utvikar og NRK korrespondent, Roger Sevrin Bruland, er gjest i Vekas utvalde. Høyr han fortelje om rustekuse, vegen til korrespondentjobben og korleis det er å rapportere frå eit krigsområde.