Die nuutste video preke vanaf SA Gemeente Londen
Dalk gaan ons baie gemaklik (te maklik) om met Jesus se kruis, of in ander woorde het ons moontlik al so gewoond geraak daaraan dat die geweld en gruwel en pyn en God-verlatenheid daarvan ons nie meer so raak nie. Jesus is doodgemaak aan die kruis.
“Daar is ‘n ander manier waarop jy kan leef wat in jou en die mense rondom jou en die wêreld waarin jy leef ‘n baie groter en dieper verskil gaan maak... maar dit gaan van jou vra om heeltemal te verander.”
“Daar is ‘n ander manier waarop jy kan leef wat in jou en die mense rondom jou en die wêreld waarin jy leef ‘n baie groter en dieper verskil gaan maak... maar dit gaan van jou vra om heeltemal te verander.”
“Daar is ‘n ander manier waarop jy kan leef wat in jou en die mense rondom jou en die wêreld waarin jy leef ‘n baie groter en dieper verskil gaan maak... maar dit gaan van jou vra om heeltemal te verander.”
“Daar is ‘n ander manier waarop jy kan leef wat in jou en die mense rondom jou en die wêreld waarin jy leef ‘n baie groter en dieper verskil gaan maak... maar dit gaan van jou vra om heeltemal te verander.”
Kersfees bly spesiaal en ons het dwarsdeur Desember julle uitgedaag om erns te maak met julle voorbereiding vir hierdie groot dag. Vanoggend se boodskap sluit hierby aan. Jesus bring lig, Hy is die lig vir ‘n donker wêreld. Mag hierdie laaste paar dae voor Kersfees ‘n ideale geleentheid wees om Hom te vra om ook lig in die donker in jou lewe te bring.
Mag met hierdie Kersfees die belofte van die engele (Lukas 2:10 en 14) waar word: “Vandag is daar vir julle… die Verlosser gebore. Eer aan God in die hoogste hemel en vrede op aarde vir die mense in wie Hy ‘n welbehae het.”
Om die gaping oor te steek tussen ons en God, tussen wie ons is en wie ons kan wees gaan van ons vra om meer committed te wees. Romeine 12:1-3 verstaan commitment as “…gee julleself aan God as lewende en heilige offers wat vir Hom aanneemlik is.” Ons word uitgedaag om nuut te gaan dink oor wat die beteken om ge-offer te word.
Gebed is die fixed point, die vaste punt waar jy gevorm word en van waar jy jou mense en die wêreld om jou vorm. Wie ons besig is om te word, word bepaal deur die roetines wat ons elke dag volg en die geestelike praktyke waarvoor ons elke dag in ons lewens plek maak.
Dit is ons konneksie met ander mense wat ons in staat stel om dieper te groei. Op ons eie volg mense baie makliker die pad van minder weerstand, maar dit is net as jy ge-challenge word, dat jy kan diep word. God gaan ons aanhou bly uitdaag hieroor en aanhou om ons te soek: Waar is jy en Waar is jou broer?
Sonder God se Woord is ons niks, het ons niks. Die Bybel staan in die kern van ons geloof en die mate waarin ek gaan toelaat dat die Bybel my denke, en gedrag en keuses gaan vorm is die mate waarin ek dieper in my verhouding met die Here gaan groei.
Psalm 84 In ons lewens en in die wêreld het iets geskuif wat maak dat God en sy Woord al hoe ‘n kleiner rol speel. Psalm 84 begin met die woorde: “Hoe lief het ek u woning, Heer!” Niks was vir ‘n Jood belangriker as om by die tempel uit te kom nie. Dit was ‘n refleksie van sy toewyding aan God, die hoogtepunt van sy verhouding met God en daarom wou hy daar wees. Omdat God vir hom belangrik is, wou hy daar wees. Die uitdaging is om weer eerlik te wees oor hoe belangrik God vir ons is.
Psalms week 1 - Psalm 139 God ken al ons geheime, alles wat ons dink en oor droom, alles wat ons vrees en oor bekommerd is, alles. Ons kan vir God niks wegsteek nie. Hierdie ontdekking is nie bedoel om ons in ‘n blik te druk nie, maar eerder om ons te help om te ontdek dat geloof beteken ons het ‘n God wat die heeltyd nader aan ons beweeg, my lewe is oop voor Hom en Hy gee werklik om.
Guest preacher Johnny Hodges from Birmingham speaks further on the topic of following Jesus, the next sermon in our #Jesus series.
'n Spesiale boodskap vanuit die pastorie op Goeie Vrydag. Rian kom vestig opnuut weer ons fokus op die Kruis. Op dit wat Jesus se einddoel was op Aarde - om in ons plek te kom sterf en ons vry te maak van sonde, sodat ons in oorwinning kan leef.
Wie is Jesus? “Hy is die Lig vir die wêreld. Wie Hom volg sal nooit in duisternis lewe nie, maar sal die lig hê wat lewe gee.” Joh 8:12. Hoekom glo jy Jesus en hoekom volg jy Jesus? Niks is belangriker as jou antwoord op hierdie vraag nie. Jesus se belofte is om ons uit duisternis uit te lei en lig te bring in ons lewens. Dit gee lewe. En ons volg Jesus om hiervan te getuig!
As Johannes die Doper vir Jesus sien, dan sê hy in Johannes 1:29 “Daar is die Lam van God wat die sonde van die wêreld wegneem.” Wie was Jesus? Die Lam wat geslag moes word, sodat ons vry kan word. Hy sterf om ons sonde weg te neem, om volledig daarvoor te betaal. Om Jesus te volg beteken dat jy glo dat Hy jou sonde wegneem. En sy uitnodiging is: “Kom saam, dan sal julle sien!” – of in ander woorde: “Volg My!” - Joh 1:39
Soek jy beter verhoudings? Spreuke 18:21 daag ons uit om ons woorde versigtig op te weeg, omdat dit die potensiaal het om lewe of dood in onsself en in ander tot gevolg te hê. Matteus 12:33-37 wil ons waarsku dat ons woorde maar net ‘n uitvloeisel is van dit wat in jou hart leef.
Op een of ander manier moet ons die siklus van negatief praat met onsself en dink oor onsself breek. Ongelukkig breek ons onsself baie keer eerder af met ons eie woorde en gedagtes. Met die tweede preek in die reeks word ons uitgedaag om hierdie siklus te breek deur God op sy Woord en Beloftes te vat – ons moet begin om na ‘n ander stem oor ons te luister. Ek moet God se alternatief (sy ander woorde) leer ken, deur dit meer te lees, daaroor na te dink en die waarheid daarin te begin glo oor my lewe
Our first conversation before we open our mouths must be a silent one with God. Ons woorde het groot krag. Elke keer as ek praat verraai ek hoe ek vaar in 4 ander gesprekke– met God, myself, die vyand en ander. Ons moet nuut die waarde ontdek om eers met God te praat voordat ons in enige gesprek met ander (en onsself) betrokke raak. Ons mag glo dat God nog steeds met ons wil praat omdat hierdie verhouding vir Hom belangrik is, en die uitdaging is om weer te leer om nuut in te skakel om na God te luister.
Josua is aan die einde van sy lewe en na ‘n lang pad saam met die Here het hy net een boodskap: Kies die Here! Daar is groot waarde daaraan om ons verhouding met die Here nuut te bevestig, veral omdat ons soms vergeet wie en hoe Hy is, omdat ons soms ontnugter en eenvoudig verveeld raak – terwyl God die heeltyd committed bly aan ons!
Sonde vernietig mense se lewens en ons moet die impak daarvan nooit onderskat nie. In Josua 7 verslaan Ai se mense die magtige Israeliete omdat Akan gesondig het. Ons sien dat God bae ernstig is oor sonde, maar daar is ‘n pad terug. God wil vergewe en die plek om te begin is om soos Josua op jou knieë voor die Here te staan. Dit is ons konneksie met God wat ons red!
Jericho was ‘n sterk vestingstad en dit sou nie maklik gewees het om in te neem nie, tog vertel Josua 6 hoe dit gebeur. Israel moes ontdek dat God klaar ‘n plan van oorwinning het, dat hulle Hom (weer) moes vertrou en (weer) gehoorsaam, al klink sy plan vreemd. Hulle ontdek ook dat God Hom nie altyd aan mensgemaakte voorskrifte en taboes steur nie – Hy gebruik ‘n prostituut en doen alles op die Sabbat!
Die Here berei Israel in die woestyn voor vir die Beloofde Land, maar vir hulle om die land in te trek en in te neem moes hulle die lesse wat hulle in die woestyn geleer het – lesse van gehoorsaamheid, vertroue, afhanklikheid van God – toepas. Ons moet rpesies dieselfde paadjie in ons lewens stap.
Redding is uit genade uit… dit is ‘n gawe (geskenk) van God. Niemand van ons het enige iets waarop ons kan trots wees of roem nie. (Efesiërs 2:8, 9) Dit beteken eintlik dat ons nie deur enige goeie werk of voorbeeldige lewe onsself kan red nie. Omdat God vir ons lief is, stuur Hy vir Jesus wat vir ons sondes sterf! (John 3:16). Hierdie ou waarheid beklemtoon opnuut dat dit net God se liefde vir ons is wat geloof en kerkwees moontlik maak.
Terwyl Rian op vakansie is, staan gasprediker Rodney Woods van City Temple vir hom in vandag.
Andre Harmzen se preekopname van Sondag, 30 Julie 2017
Ongelowige Romeinse soldate staan voor die kruis en sien Jesus se lyding en hoe Hy alleen sonder God sterf (“My God, my God, waarom het U my verlaat?” – v 46) en juis dit oortuig hulle dat Jesus werklik die Seun van God is (v 54)! Jesus se lyding maak toegang tot God ‘n nuwe opwindende moontlikheid…
Die Lukas evangelie begin die lydensverhaal van Jesus by die mislukking van die dissipels. Judas verraai Jesus, die dissipels stry oor wie die belangrikste is, die dissipels kan nie wakker bly om te bid nie en Petrus verloën Jesus. En tog stap Jesus steeds die volle lydensweg, en sterf Hy vir ons tsv al ons mislukkings!
Die boek Openbaring maak klaar by ‘n feesmaal (19:5-9) en by ‘n bruilofsfees (21:1-7). Katastrofe en chaos is nie die laaste woord in die Bybel nie – en nooit die laaste woord vir ‘n gelowige of ‘n kerk by ‘n kruispad nie. God se plan met die wêreld en met elke mense is redding en verlossing. Hy stuur sy Seun aarde toe om vir ons sondes te sterf, maar op die laaste bladsye van die Bybel sê Jesus 3 maal: “Kyk, Ek kom gou!” Jesus is oppad terug om ons as sy bruid te neem!
Openbaring wil ons leer dat God finaal die satan gaan verslaan. Jesus het aan die kruis die duiwel en die dood oorwin, en die finale oorwinning is gewaarborg. Tog weet ons dat die duiwel aktief besig is om ons te versoek en lewens te vernietig. Jesus leer ons bid in die Onse Vader: "Verlos ons van die bose...". Hy is self deur die duiwel versoek. Maar, ons weet dat die duiwel klaar verslaan is, en dat God die finale oorwinning gaan behaal - Openbaring 17:14. God sit klaar op die troon!
Is jy gereed vir die oordeelsdag? Is jy opgewonde daaroor of bang daarvoor? Kan dit maar vandag wees? 'n Groot deel van die boek Openbaring gaan oor God se finale oordeel en of ons daarvan hou of nie, daaroor wil praat of nie, gemaklik is daarmee of nie - dit gaan definitief kom. God gaan die wêreld en vir elkeen van ons oordeel en ons staan by daardie kruispad.
Openbaring 6 en 7 vertel van die oopmaak van die 7 seëls. Die punt van die hele gedeelte is dat eers as die 7 seëls oopgemaak is, sal ons werklik weet wat die toekoms inhou. Seëls 2-6 wil vertel van allerhande soorte swaarkry en verdrukking,en net as mens wil opgee of moedeloos word, sien Johannes 144000 gelowiges wat bly staan in hulle gloof tsv al die swaar. Die eerste seël sê sommer in die begin dat Jesus klaar die oorwinnaarskroon dra, maak nie saak wat nog moet kom nie! Die laaste seël sê dat God ons
© 2020-2025 Ivy Podcast Discovery LLC
