Podcasts about hulle

Eugene van der Merwe – entrepreneur Volg RSG Geldsake op Twitter

Die polisie in Gauteng is op soek na agt onbekende gewapende mans ná 'n dodelike skietvoorval Saterdagaand by 'n sjebien in Wedela-Uitbreiding 3, in die Wes-Rand-distriksmunisipaliteit. Altesaam 17 mense is doodgeskiet en 15 gewond. Kliënte het binne en buite die sjebien gekuier toe die verdagtes opgedaag en op die mense buite losgebrand het. Hulle het daarna die sjebien binnegegaan en voortgegaan om op die kliënte te skiet. Die polisiewoordvoerder, Brenda Muridili, sê die verdagtes het na bewering sommige kliënte deursoek en hul selfone gesteel:

Send us Fan MailEfesiërs 5:14 En as iets bekend geword het, is dit in die lig. Daarom sê die lied:“Word wakker, jy wat slaap, en staan op uit die dood; en Christus sal jou lewe verlig.” Wat kruip in die skaduwees van jou lewe weg? Die dinge waaroor jy glad nie praat nie – die skuldgevoelens wat jy diep wegsteek, die bitterheid wat jy probeer regverdig, die geheime gewoontes wat jou stil-stil beheer. Miskien sien niemand anders hierdie dinge nie, maar jý weet van hulle. En hulle steel jou vrede.Het jy al ooit in 'n donker kamer ingestap nadat jy buite in die helder sonlig was? Vir 'n paar oomblikke kan jy absoluut niks sien nie. Jou oë sukkel om aan te pas, jy huiwer, en selfs bekende dinge lyk skielik vreemd. Maar die oomblik as jy die lig aanskakel, verander alles. Wat onsigbaar was, is dadelik weer sigbaar. Dit is presies hoe dit ook in ons binneste werk. Ons raak naderhand so gewoond daaraan om met klein stukkies duisternis saam te leef – soos die bitterheid wat ons nie wil laat gaan nie, die skaamte wat ons nie wil erken nie, of emosies wat ons diep wegbêre – totdat daardie skaduwees na 'n rukkie vir ons heeltemal normaal voel. Die apostel Paulus het destyds aan die Christene in Efese geskryf. Hulle was omring deur allerhande versoekings en dinge wat verkeerd was. Hy het hulle – en vir ons – uit daardie skaduwees uitgeroep om in die lig te gaan staan:Efesiërs 5:14 En as iets bekend geword het, is dit in die lig. Daarom sê die lied: “Word wakker, jy wat slaap, en staan op uit die dood; en Christus sal jou lewe verlig.” Hierdie boodskap is baie eenvoudig maar ook baie dringend: hou op om half aan die slaap deur die lewe te gaan. Hou op om te maak asof die duisternis nie skadelik is nie. Jesus het nie gesterf sodat jy lekker gemaklik in die skaduwees kan bly sit nie – Hy het opgestaan om jou heeltemal in sy helder lig in te bring.Daardie lig wys natuurlik dinge wat ons eintlik baie liewer sal wil wegsteek. Maar daardie selfde lig herstel dinge wat ons nooit op eie stoom sou kon regmaak nie. So, wat is daardie donker kamer in jou lewe – die ding wat jou tot nou toe gekeer het om vir God oop te maak? Skakel vandag die Lig aan. Laat Sy lig heeltemal inkom. Onthou ware vryheid kom nie as jy wegkruip nie … dit kom wanneer jy reguit in die lig instap.Dis God se Woord. Vars … vir jou … vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Hierdie week begin Wiele2Wiele op ‘n hartseer noot, met die vrouemoorde in Ekurhuleni en die tragiese sterftes van renjaers Robert Wolk en Marcel Angel. In reaksie op die vrouemoorde gesels hulle met die AA se uitvoerende hoof, Bobby Ramagwede, oor 'n spesiale 30-dae gratis gewapende reaksiediens vir vroue. Hulle vertel jou van Nampo Kaap saam met Jaguar Land Rover en hulle Defender-reeks op uitstalling. Mazda stel dan hulle splinternuwe CX-5 sportnuts bekend. Vir 2Wiele fokus hulle onder andere op Darryn Binder wat die MotoAmerica Supersport-kampioenskap beklink het. Wiele2Wiele op Facebook · Wiele2Wiele op Maroela Media

Elmero Strauss gesels met Megan Gevers, Miss Elite Face of Hope Namibia 2026, oor die Light of Hope-inisiatief. Hulle fokus op die uitreik na kwesbare kinders, ondersteuning aan mense sonder 'n tuiste en die belangrikheid van omgee en diens aan ander. 'n Inspirerende gesprek oor hoop en hoe selfs klein dade 'n groot verskil in iemand se lewe kan maak.

Send us Fan MailHaggai 1:4 Is dit nou die tyd vir julle om in pragtige huise te woon terwyl my huis in puin lê?Jy ken daardie gevoel wanneer die lewe regtig besig raak – sperdatums, rekeninge, familie, projekte, en voor jy jou kon kry, het God van jou lys afgegly. Nou-ja, jy sê vir jouself dit is net tydelik … dat jy na Hom sal terugkeer sodra dinge bedaar. Maar op een of ander manier gebeur dit nooit nie.Dis presies wat in Israel gebeur het. Hulle het uit ballingskap in Babilon teruggekeer om Jerusalem en natuurlik die Tempel te herbou. Maar soos die jare verbygegaan het, het hulle vasgevang geraak in die bou van hul eie huise; hulle eie sakke gevul en besig geword met hul eie dinge. God het deur sy profeet met sy volk gepraat:Haggai 1:4 Is dit nou die tyd vir julle om in pragtige huise te woon terwyl my huis in puin lê?God het nie die feit dat hulle hul eie huise gebou het veroordeel nie; Hy het gewys hulle harte is op die verkeerde plek. Hulle wou God se seëninge hê sonder om plek te maak vir sy teenwoordigheid. Die droogtes en die teleurstellings wat daarna gekom het, was God se manier om te sê: Haai, julle het My vergeet.Ons bou dalk nie vandag tempels nie, maar die reël ​​tel steeds. Wanneer ons gerief belangriker as ons ​​roeping word, en wanneer ons planne geen plek vir God se wil het nie, droog ons  geestelik op.So, neem vandag ‘n bietjie voorraad op. Waaraan bestee jy jou energie, jou passie en jou tyd? Wat trek jou - bietjie vir bietjie - weg van God af? Diep binne is daar daardie ongemaklike gevoel, nè? Daar is net nie ware vrede nie, daar is net nie ware vreugde nie.Maar glo my, wanneer jy God eerste stel, val alles in plek. Soek Hom nóg voor jou volgende sperdatum, voor jou volgende afleiding. Kyk hoe herbou Hy dít wat werklik saak maak.Dis God se Woord. Vars ... vir jou ... vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailNahum 1:3 "Die Here is lankmoedig, maar Sy krag is groot, en Hy laat geen skuldige ongestraf nie. Hy kom in rukwind en storm, wolke is die stof onder sy voete. Dit is snaaks hoe graag ons reg en geregtigheid wil sien - maar net nie wanneer ons fouteer nie. Wanneer mense óns te na kom, wil ons hê God moet dadelik ingryp. Maar wanneer óns droogmaak, wil ons hê Hy moet wag. Hy moet verstaan. Hy moet ons 'n bietjie kans gee. Dit is nogal selfsugtig, nè?Hierdie spanning - genade vir my, maar straf vir hulle - is so oud soos die mensdom self. Dit is presies waaroor dit hier gaan in:Nahum 1:3: Die Here is lankmoedig, maar Sy krag is groot, en Hy laat geen skuldige ongestraf nie. Hy kom in rukwind en storm, wolke is die stof onder sy voete.Die profeet Nahum het hier gepraat oor die magtige Assiriese Ryk. Hulle was bekend vir hul verskriklike wreedheid en onderdrukking. God het hulle op vorige geleenthede gebruik om sy eie volk te dissiplineer, maar nou was dit tyd vir geregtigheid. God was nie van plan om hulle geweld vir altyd te ignoreer nie.En tog herinner Nahum ons daaraan dat God lankmoedig is. Hy hou geregtigheid en barmhartigheid in perfekte balans. Dit is iets waarmee óns sukkel. Kom ons wees eerlik: Ons veroordeel ander vinnig, maar verskoon onsself maklik. God werk nie so nie. Sy geregtigheid is heilig en sy barmhartigheid is geduldig.So, voor jy vandag geregtigheid van God eis vir dit wat aan jou gedoen is, stop net vir 'n oomblik. Dank Hom eerder vir sy barmhartigheid teenoor jóú. Want dieselfde Hand wat die kwaad oordeel, reik ook vandag uit om te vergewe.Dit is God se Woord. Vars… vir jou… vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Ter viering van Nasionale Mondgesondheidsweek gesels Laimi met Marceline Robyn oor die belangrikheid van goeie mondgesondheid. Hulle bespreek waarom gereelde tandheelkundige ondersoeke belangrik is, asook praktiese wenke oor hoe om jou tande en glimlag behoorlik te versorg. Goeie mondgesondheid is 'n belangrike deel van jou algemene gesondheid. 'n Bietjie ekstra aandag aan jou tande vandag kan 'n groot verskil aan jou gesondheid môre maak.

Krieket Namibië sê die onlangse krieket-reekse wat hier in Windhoek gespeel is, was baie suksesvol. Die FNB Eagles het as gasheer opgetree vir Suid-Afrika en Zimbabwe tydens die FNB T20-drielandereeks en 'n daaropvolgende bilaterale eendag-reeks in Windhoek. Die Proteas het in Namibië skoonskip gemaak toe hulle het die FNB T20-drielandereeks-trofee verower ná 'n strawwe eindstryd teen Zimbabwe. Hulle het daarna die Eagles geklop deur die reeks met 3-0 te wen. Hoewel die Namibiese Eagles in die wedstryde van 50 boulbeurte nie die paal kon haal nie, sê Rudie van Vuuren, president van Krieket Namibië, dat dit vir hulle 'n opwindende ervaring was.

Hierdie week vir Wiele2Wiele stel JMC sy Grand Avenue-bakkie bekend, terwyl Hyundai se Creta en Staria opgeknikker is. Hulle vertel jou van 'n monster – die Jeep Gladiator Maximus 6x6, wat behoorlik die koppe laat draai! Hulle deel ook die nuus dat Brad Binder vanaf 2027 in die Wêreld Supermotorfiets-kampioenskap (WorldsSBK) vir die ROKiT BMW Motorrad-span gaan deelneem. Wiele2Wiele op Facebook · Wiele2Wiele op Maroela Media

Steve Bannon, een van president Donald Trump se vroegste raadgewers, en onafhanklike senator Bernie Sanders het albei Dinsdag by 'n byeenkoms aangedring op veiligheidsbeperkings vir kunsmatige intelligensie. Hulle het saam met 'n tweeparty-groep Kongreslede by die "Pro-Human Assembly" in Washington, DC verskyn. Hulle vra vir 'n mensgesentreerde benadering tot die ontwikkeling van KI-tegnologie, en is skepties oor die maatskappye wat die bedryf lei. Sanders het na die tyd met CBS News gepraat:

Jean-Louis gesels met Estie Schreiber oor OXIPROVIN en hoe dit gebruik word as deel van 'n gesonde leefstyl. Hulle bespreek die produk, waarvoor dit gebruik word en waarom dit belangrik is om enige gesondheidsproduk korrek te gebruik. Luister na die volledige gesprek vir meer inligting en praktiese raad.

Vandag op Gemeenskap Kalender gesels Elmero Strauss met Christelle en Sima oor Walk for Sight, 'n besonderse bewusmakings- en fondsinsamelingsstap wat op 10 Oktober plaasvind. Hulle vertel meer oor waarom hierdie inisiatief so belangrik is, hoe dit 'n verskil maak en hoe die gemeenskap kan saamstap vir 'n goeie doel.

Send us Fan Mail1 Samuel 12:24 Wees net gehoorsaam aan die Here en dien Hom opreg en met julle hele hart. Let op die groot dinge wat Hy vir julle gedoen het.Voel jy soms asof dinge net nie wil uitwerk nie? Daardie tye toe jy gebid het, gehoorsaam was… en niks verander het nie. Wanneer 'n kompromie makliker lyk, stilte veiliger voel, en om moed op te gee aanloklik klink. Jou hart fluister: Waarom moet ek nog aanhou?In 1555 is Hugh Latimer, die voormalige biskop van Worcester in Engeland, in die tronk gegooi omdat hy tydens Engeland se vervolging van die Protestante die Evangelie verkondig het.Terwyl hy saam met sy medegelowige, Nicholas Ridley, op die brandstapel gestaan het, kon hy sy geloof versaak en so sy lewe behou het.Maar, in plaas daarvan het hy terwyl hy besig is om te sterf, uitgeroep: Wees vol moed, meneer Ridley, en staan jou man; ons sal vandag, deur God se genade, 'n kers in Engeland aansteek wat nooit uitgedoof sal word nie. Hulle standvastige geloof het 'n nuwe vlaag van hoop geïnspireer onder Engelse gelowiges wat geweier het om bes te gee. Hierdie vasberadenheid het 'n vuur aangesteek wat vandag nog brand.1 Samuel 12:24: Wees net gehoorsaam aan die Here en dien Hom opreg en met julle hele hart. Let op die groot dinge wat Hy vir julle gedoen het.Dit is die woorde van die profeet Samuel aan Israel toe hulle weggedraai het van God om op 'n koning te vertrou. Samuel het vir hulle gesê: die krag om aan te hou, kom nie uit vrees of uit ‘n mens se eie wilskrag nie. Dit word gebore wanneer jy onthou hoe getrou God nog altyd was.Dit is die kern van die saak — dink aan die groot dinge wat Hy vir jou gedoen het. Wanneer gehoorsaamheid te swaar voel, kyk terug. Onthou sy barmhartigheid, sy geduld, sy kruis. Dankbaarheid laat die moed weer opvlam.So, as dit vandag onmoontlik voel om God te eer, as dit vandag voel asof jy nie kan asem kry nie, hou op spartel en begin onthou. Want dieselfde God wat jou tot hier gedra het … sal jou die res van die pad dra.Onthou die wonderlike dinge wat Hy vir jou gedoen het.Dit is God se Woord. Vars … vir jou … vandag. Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Emile Ferreira – medestigter, Verascient Volg RSG Geldsake op Twitter

In hierdie week se episode van Wiele2Wiele stel Tata sy nuwe Osprey bekend, hulle bring tyd met Toyota se RAV4 GR-Sport model deur en die #SaferCarsforAfrica Global NCAP-botstoetsresultate word bekendgemaak. Hulle gesels ook oor die internasionale EICMA-motorfietsskou wat in November plaasvind. Wiele2Wiele op Facebook · Wiele2Wiele op Maroela Media

Send us Fan MailJesaja 30:15 So het die Here my God, die Heilige van Israel, gesê: As julle julle bekeer en tot rus kom, sal julle gered word. Julle krag lê in stil wees en vertroue hê.” Ons leef in 'n wêreld wat heeltyd skree dat ons meer moet doen, harder moet probeer en dinge nóú moet uitsorteer. En ons val elke keer in daardie strik! Wanneer dinge skeefloop, wil ons dadelik oorgaan tot aksie. Ons begin e-posse stuur, oproepe maak en planne beraam. Maar het jy al agtergekom dat hoe meer jy rondskarrel, hoe vinniger waai jou vrede by die venster uit. Dink net aan jou selfoon wat vries. Wat doen jy? Jy begin wild op die skerm tik, swiep en uit frustrasie knoppies druk. Maar dit maak die ding net erger! Totdat jy onthou: wag so bietjie, los hom uit, en gee hom kans om self reg te kom.Soms maak stilte dinge reg wat harde werk nie kan nie. Dit is presies wat God vir sy mense deur die profeet Jesaja wou leer.Jesaja 30:15: So het die Here my God, die Heilige van Israel, gesê: As julle julle bekeer en tot rus kom, sal julle gered word. Julle krag lê in stil wees en vertroue hê.”Die mense van Juda was destyds in groot gevaar. Maar in plaas daarvan dat hulle na God toe hardloop, het hulle vinnig met die leër van Egipte probeer vriende maak. Hulle het hul eie slim planne meer vertrou as vir God. Hulle wou eerder besig lyk as om stil te raak.Maar God se aanbod was baie duidelik: Kom terug na My toe. Rus. Vertrou. Dít is waar ware krag lê. Nie in paniek en beheer nie, maar in die rustige wete dat God reeds besig is om agter die skerms te werk.So, in watter situasie probeer jy vandag woes planne maak en dinge forseer? Miskien is dit tyd om op te hou veg en net bietjie te rus. Want soms is die kragtigste ding wat jy kan doen... om stil te wees voor God wat reeds vir jóú veg.Onthou hierdie woorde van die Here vandag: Julle krag lê in stil wees en vertroue hê.”Dis God se Woord. Vars ... vir jou ... vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Franceska Groenewald, voorsitter van die ATKV-tak Overberg, gesels op 12 September op Kopskuif. Skakel in en kom luister hoe hierdie ATKV-tak 'n verskil in hulle gemeenskap maak.

Send us Fan MailPsalm 50:21 “Moet Ek stilbly as jy sulke dinge doen? Dan sal jy dink Ek het soos jy geword! Nee, Ek eis rekenskap van jou, Ek kla jou aan! Waarom is ons sulke ‘experts' as dit kom by verskonings om ons eie slegte gedrag te regverdig? Ons verloor ons humeur – wel, ‘dis hulle skuld.' Ons skinder – wel, net omdat ons ‘besorg' is. Ons ignoreer iemand se hulpkreet – net omdat ons ‘te besig' is. Dis verstommend hoe maklik ons dinge, wat ons in ons harte weet verkeerd is, kan probeer regverdig.Dis 'n bietjie soos in 'n huwelik, wanneer een maat aanhou verskonings maak. “Ek wou nie my humeur verloor nie.” “Jy is te sensitief.” Met verloop van tyd bou daardie klein verskilletjies en irritasies op. En dit veroorsaak bitterheid. Uiteindelik breek die waarheid deur – en dit maak seer. Want verskonings genees nie verhoudings nie. Eerlikheid wel.Dis presies wat gebeur het toe God sy volk gekonfronteer het. Uiterlik was hulle godsdienstig – hulle het offerandes gebring, samekomste bygewoon – maar hulle lewens het 'n ander storie vertel. En op ‘n dag sê Hy die volgende vir hulle: Psalm 50:21 “Moet Ek stilbly as jy sulke dinge doen? Dan sal jy dink Ek het soos jy geword! Nee, Ek eis rekenskap van jou, Ek kla jou aan!Hulle het gedink God se geduld beteken dat Hy tevrede is met hulle gedrag. Hulle het gedink sy stilte beteken dat Hy saamstem met hulle lewenswyse. Maar Hy was gereed om rekenskap van hulle te vra. Ja, God het baie geduld. Ja, Hy gee vir ons tyd en kans om self na Hom toe terug te draai. Maar op die ou end, juis as gevolg van sy groot liefde, kom daar 'n einde aan sy geduld. Hierdie genadetyd is nie onbeperk nie.En God gee ons altyd eers die kans om dít wat ons in ons hart ronddra, self te erken en reg te maak.So, is daar dalk iets wat jy altyd as verskoning gebruik? 'n Gesindheid, gewoonte of reaksie wat jy vir jouself wil regverdig? Doen jouself 'n guns. Moenie wag totdat God rekenskap vra nie. Neem dit nóú na Hom toe. Want sy goedheid en liefde sal altyd daar wees wanneer jy eerlik is.Dis God se Woord. Vars ... vir jou ... vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Jean-Louis gesels met Patrick de Goede, 'n voorstander van geestelike welstand, oor September as Selfmoordvoorkomingsmaand. Hulle bespreek die waarskuwingstekens waarna ons moet oplet, hoe om 'n gesprek met iemand te begin wanneer ons bekommerd is, en waar mense hulp en ondersteuning kan kry.

Elmero Strauss gesels weer met Werner van Zyl op Maak Spore. Hulle vang op ná hul vorige gesprek en kyk na hoe Werner se Bly in Jou Baan-boodskap oor tyd gegroei het. Werner deel wat die afgelope tyd vir hom uitgestaan het, die lesse wat hy geleer het en waarna ons in die jaar wat voorlê kan uitsien.

5 September 2026: Hoekom bly vroue in verhoudings waarin hulle mishandel word? Ons praat met 'n kenner. 'n Doktorsgraad-gegradueerde van Atlantis deel haar storie. 'n Voorskou van die groot stryd tussen die Bokke en All Blacks vanmiddag.

Send us Fan MailPsalm 19:2 Die hemelruim verkondig die eer van God en die hemelkoepel maak die werk van sy hande bekend.(AFR20) Dit is glad nie ongewoon om te hoor hoe mense die wetenskap en geloof teen mekaar afspeel nie - asof jy tussen die twee moet kies. Maar sê nou dit is 'n vals keuse? Sê nou die waarheid in die skepping en die waarheid van Christus is deel van dieselfde storie?Louis Pasteur was 'n bekende wetenskaplike uit die 1800's. Hy het die mediese wêreld verander met sy werk oor kieme, entstowwe en pasteurisasie. Sy ontdekkings het miljoene lewens gered. Ten spyte van al sy kennis, was wetenskap vir hom nooit ‘n vyand van geloof nie.Hy het eenkeer gesê: 'n Bietjie wetenskap neem jou weg van God af, maar baie wetenskap bring jou nader aan Hom. Hoe meer hy studeer het, hoe meer het hy die wonder van ontwerp, orde en wysheid raakgesien - tekens wat hy terugverwys het na die Skepper. Vir Pasteur het die wetenskap nie sy geloof afgebreek nie; dit het dit verdiep. Die psalmdigter skryf in:Psalm 19:2 Die hemelruim verkondig die eer van God en die hemelkoepel maak die werk van sy hande bekend. (AFR20)Die skepping self is die bewys. Om dit te verken beteken nie om weg te stap van God af nie, maar om Hom nog meer intiem te ontdek. Die wetenskap probeer die “wat” en die “hoe” vrae beantwoord, terwyl geloof die “wie” en die “waarom” duidelik maak.Saam vervul hulle ons met die wonder van ‘n God wat alles gemaak het en dit vandag nog versorg. Moenie glo jy moet kies tussen die Bybel en die wetenskap nie. Dieselfde God wat die sterre gemaak het, het deur Jesus mens geword om ons te red. Alle waarheid behoort aan Hom.So, die volgende keer as jy jouself verwonder aan 'n wetenskaplike deurbraak of opkyk na die naghemel, onthou dit: alles wys terug na dieselfde Skrywer. Die wetenskap en geloof is nie vyande nie. Hulle is hoofstukke in een groot storie - sý storie.Dit is God se Woord. Vars … vir jou … vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Hierdie week gesels Jean-Louis met Estie Schreiber oor Bio-Strath, een van haar mees geliefde produkte. Hulle gesels oor die produk, die unieke samestelling daarvan en waarom dit volgens Estie 'n belangrike deel van 'n mens se gesondheid en welstand kan wees. Bio-Strath is beskikbaar by apteke in stroop- en tabletvorm en is geskik vir die hele gesin. Vir meer inligting besoek www.bio-strath.co.za of stuur 'n e-pos aan info@livingnaturally.co.za.

Elmero Strauss gesels met Elmine McCarthy van Die Voortrekkers Namibië oor 'n besondere mylpaaljaar – 95 jaar van Die Voortrekkers in Namibië. Hulle gesels oor die 2026-jaartema, “Voortrekkers as Ligdraers in die Wêreld”, en die nuwe feesjaarlied, “Rotsvas” deur Adam Tas. 'n Gesprek oor tradisie, waardes, leierskap en die rol van Die Voortrekkers in Namibië.

Vandag op Maak Spore gesels Elmero Strauss met Desiree Eises, 'n rekeninge-konsultant in Windhoek, aspirerende sangeres en 'n vrou wat haar stem gebruik om ander vroue te bemoedig. Hulle gesels oor haar persoonlike reis, die uitdagings en geleenthede wat haar gevorm het, asook die rol van geloof, groei en moed in haar lewe. 'n Eerlike gesprek oor waar sy vandaan kom, waar sy vandag staan en die spore wat sy op pad vorentoe wil maak.

Send us Fan MailJakobus 1:2-3 My broers, julle moet baie bly wees wanneer allerlei beproewings oor julle kom, want, soos julle weet, as julle geloof die toets deurstaan het, stel dit julle in staat om te volhard. Het jy al ooit voor 'n uitdaging te staan gekom wat so groot was dat dit gevoel het of dit jou gaan platvee? 'n Siekte. 'n Verlies. 'n Mislukking. Verraad. 'n Finansiële krisis. 'n Verhouding wat skipbreuk gely het. Dit voel asof ‘n gevaarlike reus reg voor jou staan; jou pad versper en alles binne-in jou wil net weghardloop. Maar soms is dit daardie reuse vir wie ons so bang is, wat God wil gebruik om ons voor te berei vir dít wat voorlê.Hudson Taylor, 'n negentiende-eeuse sendeling in China, het sy eie reuse gehad wat hy in die oë moes kyk. Hy moes teen siekte baklei; hy moes die dood van sy vrou en kinders verwerk. En hierby moes hy nog die mense wat met hom gespot het omdat hy Chinese klere en gewoontes aangeneem het, hanteer. Sy sendingwerk was meer as een keer op die randjie van ineenstorting.Maar deur daardie beproewings was God besig om hom te vorm. Uit sy swaarkry is die China Inland Mission - 'n organisasie wat duisende sendelinge uitgestuur het en miljoene mense met die Evangelie bereik het - gebore. Die reuse in sy lewe het hom voorberei vir die doel wat God vir hom beplan het.Jakobus 1:2-3 My broers, julle moet baie bly wees wanneer allerlei beproewings oor julle kom, want, soos julle weet, as julle geloof die toets deurstaan het, stel dit julle in staat om te volhard.En dit is waaroor dit gaan. Hierdie reuse uitdagings is nie straf nie. Hulle is voorbereiding. Hulle vorm ons, hulle maak ons sterk en kry ons gereed vir die roeping wat God op ons lewens geplaas het. Toe God vir Dawid koning wou maak, het Hy nie vir hom 'n kroon gegee nie. Hy het vir hom ‘n Goliat gestuur. So kom ek vra jou - watter reus staan vandag voor jou? In plaas daarvan om op moedverloor se vlakte te gaan sit; oorweeg die moontlikheid dat God besig is om dit te gebruik. Want in sý hande is jou grootste uitdaging dalk net die ding wat jou gaan vorm.Dit is God se Woord. Vars … vir jou … vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Ons kan die Bybel lees, ken en selfs daaruit aanhaal, maar luister ons werklik wanneer God se Woord ons uitdaag? Jesus sê sy skape hoor nie net sy stem nie. Hulle luister, en hulle volg Hom.

Send us Fan MailLukas 5:10-11 Jakobus en Johannes, Sebedeus se seuns wat saam met Simon gewerk het, was net so verbaas. Jesus het egter vir Simon gesê: “Moenie bang wees nie. Van nou af sal jy mense vang.” Nadat hulle die bote op die strand getrek het, het hulle alles gelos en Hom gevolg. (AFR20) Het jy al agtergekom hoe ander mense se opinies geneig is om jou terug te hou? Wanneer hulle jou ignoreer, jou talente minderwaardig laat klink, of glad nie raaksien wat jou bydrae is nie… is dit so maklik om in jou dop te kruip. Om te wag. Om vir jouself te sê: Wel, ek sal my deel doen wanneer iemand my uiteindelik raaksien.Scott Clary, wat talle wêreldberoemde boeke oor besigheid geskryf het, het nou die dag gesê... Wees jy die een wat uitreik. Stuur eerste daardie WhatsApp. Bel eerste. Beplan eerste. Neem die inisiatief. Vriendskap kos moeite. Liefde vra aksie… Inisiatief is aantreklik.Goed, ek besef hy praat van hoe jou houding in die sake-wêreld moet wees. Maar laat ek jou vertel, Jesus het presies dieselfde van sy dissipels verwag.Lukas 5:10-11: Jakobus en Johannes, Sebedeus se seuns wat saam met Simon gewerk het, was net so verbaas. Jesus het egter vir Simon gesê: “Moenie bang wees nie. Van nou af sal jy mense vang.” Nadat hulle die bote op die strand getrek het, het hulle alles gelos en Hom gevolg. (AFR20)In die Koninkryk van God is dit natuurlik Jesus wat ons roep. Maar dis steeds so maklik om terug te deins, om heeltemal deur die wêreld se kritiek verlam te word. Jesus het daardie vissermanne geroep om uit hulle gemaksone te klim, hulle nette agter te laat en Hom te volg. Hulle kon met allerhande verskonings vorendag gekom het oor hoekom hulle eerder moes bly waar hulle is. Maar hulle het die inisiatief geneem en Hom gevolg. En dit is vandag ook die roeping vir ons. Nie om sy gesag oor te neem nie, maar om een van die eerstes te wees om sy leiding te volg. Eerste om op te tree. Eerste om lief te hê. Eerste om te lei. Want om ander te lei terwyl jy Jesus volg, is nie hoogmoed nie. Dis gehoorsaamheid.  Dit is God se Woord. Vars… vir jou… vandag. Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us Fan MailJakobus 1:5 As een van julle wysheid kortkom, moet hy dit van God bid, en Hy sal dit aan hom gee, want God gee aan almal sonder voorbehoud en sonder verwyt. Wanneer jy bietjie stilstaan en dink, besef jy dat die meeste van ons probleme nie sommer net uit die bloute kom nie. Dit begin amper altyd by 'n besluit. ‘n Besluit wat ons geneem het, ‘n besluit wat ons probeer ontduik, of 'n grens wat ons net nie wil stel nie. Al is dit dalk 'n bitter pil om te sluk, moet ons erken dat dit die reine waarheid is.Almal het geweet wat dat dit die Antarktiese ontdekkingsreisiger, Robert Scott se doel was om die eerste persoon te wees om die Suidpool te bereik. Maar ons weet almal ambisie alleen waarborg nie sukses nie. Scott het goeie raad geïgnoreer, beter maniere van vervoer van die hand gewys, sy sleë oorlaai en sy manne harder laat werk as wat slim was. Hulle het wel uiteindelik by die Suidpool aangekom, net om uit te vind dat ‘n geselskap uit Noorweë hulle reeds voorgespring het. En op pad terug het elkeen van hierdie manne in die ongenadige sneeu en koue gesterf. Verkeerde besluite; geen grense; hardkoppigheid en geen verantwoordelike beplanning nie, het gelei tot die uiteindelike prys wat hulle betaal het: hulle lewens.Dit klink dalk baie dramaties, maar dit is 'n leersame les oor sommige van die verkeerde besluite wat ek en jy ook al langs die pad geneem het.Jakobus 1:5 sê: As een van julle wysheid kortkom, moet hy dit van God bid, en Hy sal dit aan hom gee, want God gee aan almal sonder voorbehoud en sonder verwyt.Die feit van die saak is: jou besluite máák saak, jou grense máák saak, en die keuses wat jy probeer ontduik – maak die heel meeste saak. Maar die goeie nuus is dat jy nie aan jouself oorgelaat is nie. God staan nie op 'n afstand en skud net sy kop nie. In plaas daarvan leun Hy juis nader en gee vir jou die nodige wysheid, krag en moed om anders te kies.  So vandag vra ek jou: wat is die een besluit wat jy al die hele tyd uitstel, of die een grens wat jy te bang is om te stel? Neem dit vandag na God toe. Want met sý wysheid hoef jou toekoms glad nie soos jou verlede te lyk nie.  As een van julle wysheid kortkom, moet hy dit net van God bid.  Want dit is Sy Woord. Vars … vir jou … vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

In die gees van My Octopus Teacher kyk ons na hoeons bewussyn ontwikkel het. Ons begin by eensellige organismes en kyk na seekatte, visse en sponse vir leidrade - met die hulp van 'n Australiese duiker en filosoof.Nog Mind episodes: "Mind" - playlist by Magalies PotgooiHoofstukke: 00:00; Seekatte en Peter Godfrey-Smith11:38; Ensellig17:36; Subjektiewiteit en agenskap, hoë agentskap21:51; Cambrian explosion, Self30:43; Meersellig, Sponse38:40; Senuweestelsels, Bilateraal, Gewerwelde diere47:12; "Offline" beplanning, Pyn in insekte56:41; Storm in 'n sel

Send us Fan MailMatteus 5:14-16 “Julle is die lig vir die wêreld. 'n Stad wat op 'n berg lê, kan nie weggesteek word nie; ook steek 'n mens nie 'n lamp op en sit dit onder 'n emmer nie maar op 'n lampstaander, en dit gee lig vir almal in die huis. Laat julle lig so voor die mense skyn, dat hulle julle goeie werke kan sien en julle Vader wat in die hemel is, verheerlik.” Het jy al agtergekom hoe vinnig ons wil argumenteer; iemand van ons standpunt wil oortuig of die debat wil wen? Wanneer dit by geloof kom, wil ons so maklik vir Jesus baklei, in plaas daarvan om Hom net vir mense te wys.Beau Stringer, die Amerikaanse skrywer en spreker, het onlangs gesê: Die kerk is behep daarmee om 'n lig in die duisternis te wees. Maar lig argumenteer nie met die duisternis nie. Lig skyn net. Net so het Jesus nooit mense se harte met argumente probeer wen nie. Hy het eerder wonde genees, hongeres versorg, mense vrygespreek en deur sy eie trane heen 'n pad na hulle toe gevind. Miskien gaan sogenaamde ‘evangelisasie' minder daaroor om enigiemand te oortuig, en meer daaroor om 'n lig te dra na plekke waar godsdiens weier om te gaan.Is dit miskien wat Jesus bedoel het toe Hy dít gesê het in:Matteus 5:14-16 Julle is die lig vir die wêreld. 'n Stad wat op 'n berg lê, kan nie weggesteek word nie. 'n Mens steek ook nie 'n lamp op en sit dit onder 'n emmer nie, maar op 'n lampstaander, en dit gee lig vir almal in die huis. Laat julle lig so voor die mense skyn, dat hulle julle goeie werke kan sien en julle Vader wat in die hemel is, verheerlik.Lig verdryf die duisternis bloot deur sy teenwoordigheid. Toe Jesus op die aarde geloop het, het Hy gepreek, maar Hy het siele hoofsaaklik gewen deur mense lief te hê – prakties, tasbaar en opreg. Hy het melaatses aangeraak, saam met sondaars geëet en skuldiges vergewe.So, probeer jy mense vir die Koninkryk te wen deur te argumenteer, of dra jy 'n lig in hulle duisternis in? Gaan jy na mense op plekke wat die ‘beleefde' godsdiens vermy? Nee my vriend, mense het nie nog debatte en preke nodig nie. Hulle het liefde nodig wat dáár is vir hulle.En dit is ons opdrag: om so te leef dat Jesus se lig die donker plekke verlig.Want dit is God se Woord. Vars … vir jou … vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Build One SA sê die land se ekonomie berus op hulpbronontginning en is gebou om die verkoop van steenkool, platinum en ander minerale aan die res van die wêreld te fasiliteer. Suid-Afrika is een van die wêreld se grootste produsente van platinum, goud en chroom. Graham Charters van BOSA sê ekonomieë wat op hulpbronontginning berus het twee fundamentele uitdagings. Hulle vererger ongelykheid, en maak nie voorsiening vir langtermyn volhoubare groei nie. Hy sê die ekonomie kan nie vir ewig op myne staatmaak nie en moet daarom toenemend na konstruktief beweeg: Graham Charters Maandag

Dr Leon Schreiber – minister van binnelandse sake Volg RSG Geldsake op Twitter

Nieu-Seeland se plaasvervanger-kaptein, Codie Taylor, sê hulle het geen illusies oor die uitdaging om die Springbokke as wêreldkampioene op 'n tuisveld aan te pak nie. Hy sal die span lei tot die gereelde kaptein, Ardie Savea, by die span aansluit voor die eerste toets op 22 Augustus teen die Springbokke op Ellis Park. Die All Blacks se toer van agt wedstryde skop Vrydag amptelik af teen die Stormers in Kaapstad. Taylor sê hulle weet dit gaan 'n moeilike toer wees, maar hulle is gereed:

'n Vermeende sleutelfiguur verbind met 'n multimiljoen Suid-Afrikaanse rand voertuig-rybewysbedrogsindikaat is in Parys in die Vrystaat in hegtenis geneem. Die inhegtenisneming volg op 'n gesamentlike operasie tussen die Padverkeersbestuurskorporasie, die Valke en die Suid-Afrikaanse Polisiediens. Die woordvoerder Simon Zwane sê ondersoekbeamptes het die verdagte se huis deursoek en bevind hy het na bewering onregmatig toegang verkry tot die Nasionale Verkeersinligtingstelsel en was in besit van bedrieglike rybewys-dokumente. Hulle het ook rekenaartoerusting gekonfiskeer. Zwane sê verdere inhegtenisnemings sal volg:

Die AR-studentebevel het die regering se besluit gekritiseer om nie leerders wat by die Namibia College of Open Learning, Namcol, of ander instellings inskryf, te subsidieer om hul graad 11- en 12-uitslae te verbeter nie. Hulle voer aan dat dit die grondwetlike reg op onderwys ondermyn. Die interimhoof van die AR-studentebevel se sekretariaat, Intelligent Katire, het aan Kosmos 94.1 Nuus gesê dat die gratis onderwysbeleid alle leerders moet bevoordeel, insluitend diegene wat hul eksamenuitslae wil verbeter.

23 Julie 2026: Sommige parlementslede van die afsettingskomitee wil hê president Cyril Ramaphosa moet in persoon getuig. Nóg 'n repokoersverhoging blyk onafwendbaar te wees, nadat inflasie die hoogte in skiet. Finansiële stres onder jong mense is aan die toeneem.

Spoed was Vrydagaand vermoedelik die oorsaak van ‘n ernstige motorongeluk wat die aandag van die Copps 94.1-span in Windhoek geverg het. Hulle moes ook ingryp by ‘n voorval van gesinsgeweld waarin ‘n senior burger betrokke was. Kosmos 94.1 se Francois Lottering was op sy pos en doen verslag van die toneel:

Na die viering van Wêreld Slangdag gaan bewaringsbewustes voort om bewustheid te skep oor die belangrikheid van die beskerming van die reptiele. Hulle beklemtoon dat, ten spyte van wydverspreide vrese, slegs ongeveer 10 tot 15 persent van die ongeveer 3 900 bekende slangspesies wêreldwyd giftig is. Kosmos 94.1 Nuus het met slangkenner Fracois Theart gesels, wat verduidelik dat slange natuurlike, kostelose plaagbestryders is. Slange help om knaagdier- en insekbevolkings te reguleer, en speel so 'n belangrike rol in die beskerming van gewasse.

Ester Ochse – hoof: geïntegreerde advies, FNB Volg RSG Geldsake op Twitter

Wanneer laas het iets presies reg gelyk – en toe nie die funksie verrig waarvoor dit vervaardig is nie?Dink aan 'n brandblusser wat, op die oomblik toe jy dit tydens 'n vuur moes gebruik, tot jou skok niks by die spuit uitkom nie.  Of die selfoon se ekstra battery wat jy gedink het nog vol gelaai is, maar wat morsdood is wanneer jy dit wil gebruik. Of die noodnommer wat teen die yskas geskryf staan, maar wat, toe jy dit tydens 'n krisis bel, nie meer bestaan nie.  Dit is teen hierdie agtergrond dat Jesus hierdie vreemde enkel sinnetjie aankondig.  Die sout is goed, maar as die sout laf geword het, waarmee sal dit smaaklik gemaak word? Dit is nie bruikbaar vir die grond of vir die ashoop nie. Hulle gooi dit buitekant weg. Wie ore het om te hoor, laat hom hoor. Lukas 14:34-35Preek Notas www.harvestercederberg.co.za/die-ware-betekenis-van-sout-wat-laf-geword-het/

Johan Gouws – hoof: welvaartadviesdienste, PPS Volg RSG Geldsake op Twitter

Die voormalige MK-partylede, Duduzile Zuma-Sambudla en Nhlamulo Ndlela, beplan regsoptrede teen hul skorsing uit die party. Hulle is verlede week geskors weens beweerde growwe wangedrag wat verband hou met hul optrede rondom die dood van ʼn mede-partylid, Muzi Ntshingila. Die party beskuldig die twee dat hulle ongemagtigde openbare verklarings gemaak het wat eenheid in die party ondermyn en interne reëls oortree. Ndlela, wat die party se woordvoerder was, sê geen tugstappe is teen hulle gedoen nie en geen bevindings is bekendgemaak voor hulle verwyder is nie:

Die Amerikaanse visepresident het nie teruggehou toe hy media by die Withuis toegespreek het oor die ooreenkoms met Iran nie. Dit het in Israel onder skoot gekom met verskeie ministers wat baie uitgesproke was daaroor, veral omdat Israel nie in die ooreenkoms geken is nie, en verder, die bepalings is nie in lyn met Israel se Iran-doelwitte nie. Vance sê hulle moet twee goed onthou.

Terwyl die Trump-administrasie die memorandum van verstandhouding wat met Iran onderteken is ophemel, is nie Israel en alle Amerikaners, veral Republikeine, asook ander kritici so opgewonde daaroor nie. Jeremy Bowen, Sky News se hoogs aangeskrewe internasionale redakteur en politieke kommentator, wonder wat die Amerikaans-Israeliese oorlog met Iran nou eintlik bereik het.

Kry die nuus soos dit breek.

Amerikaanse president Donald Trump het by die G7-spitsberaad in Frankryk gepraat en dring daarop aan dat die Straat van Hormuz "tolvry" sal oopmaak ingevolge die VSA se ooreenkoms met Iran om die oorlog te beëindig. Hy het ook gesê Iran sal "nooit 'n kernwapen hê nie" en het Israel oor sy aanvalle op Libanon gekritiseer. Trump sê al wat eintlik vir hom saakmaak is dat Iran nie 'n kernwapen sal maak of koop nie, anders sal die hel op hulle reën.

Die minister van Binnelandse Sake, Leon Schreiber, sê buitelandse burgers moet seker maak hulle het geldige visums of wettige magtiging om in Suid-Afrika te wees, aangesien immigrasiewette steeds streng toegepas word. Dit volg na die repatriasie van 586 Nigeriese burgers wat onwettig in die land was. Alle betrokke individue is as ongewens verklaar, wat tot 'n vyfjaarverbod op hertoelating gelei het. Schreiber doen 'n beroep op buitelandse burgers om hul status te wettig om soortgelyke optrede te vermy:

Slagoffers van Jeffrey Epstein staan president Donald Trump se nominasie van Todd Blanche as prokureur-generaal in die VSA teen. Hulle voer aan hy was deel van vergaderings in die Withuis oor hoe om die skade vir die Trump-administrasie rakende die Epstein-lêers, te beperk. Een so slagoffer, Liz Stein het met CNN gepraat.