Podcasts about hulle

Luister hier na die klankopname of op die potgooi-platform van jou keuse of lees die blog-inskrywing hier onder. . . Naleef-gedagte: …in-wording (onder konstruksie) Deon se gesels oor die Hebreeuse woord, die kern van Israel se geloof, die Shema (Deut 6) ,en die postuur van luister, het my laat dink aan die luisteryke “Heilige familie kerk” (La Sagrada Familia) in Barcelona. Die bouwerk aan hierdie indrukwekkende Katedraal, ontwerp deur die Spaanse Argitek Antoni Gaudí, het in 1882 begin. Hulle beplan om na 144 jaar in Junie 2026 die bouwerk klaar te maak — 100 jaar na Gaudi se dood! Met Gaudi se dood in 1926 was die bouwerk maar ongeveer 20% ver. N.a.v kritiek oor die lang bouproses het hy blykbaar opgemerk “My client is not in a hurry.” Na sy dood was daar 'n Spaanse burgeroolog in 1936 en Gaudi se oorspronklike planne en modelle is vernietig en 'n hele paar argitekte ná hom moes namens Gaudi die planne en modelle rekonstrueer. Hoewel die bouery al vir jare voortduur ,en nog nie klaar is nie, is die Katedraal al lankal in gebruik. Die Pous het die gebou geheilig en as 'n UNESCO erfenisgebied verklaar. Selfs al word daar beplan om in Junie vanjaar die buitekant van die argitek-wonder te voltooi, word daar beweer dat die die afronding met standbeelde, lig en kuns eers in 2034 voltooi sal wees. Hierdie bou-proses, wat na 'n ewigheid voel, en die postuur van luister – 'n openheid om te hoor en te leer ge-hoor-saam leef – het my laat wonder: Kinders raak soms goed kwyt of vang onbesonne dinge aan…en ons glimlag en dink “Siestog, hulle is nog net kinders, hulle leer nog, hulle is nog in wording.” Ons maak spasie vir hierdie wording se vrae, wonder en foute. Ons moedig dit selfs aan. Maar is groot-mense regtig afgehandel, wanneer ons so vol kritiek, ‘n foutlose perfektheid van mekaar verwag? Of, veroorsaak die plooilose kunsmatige intillegensie dat ons só min genade met onsself het: “Ek moes van beter geweet het! Hoe kon ek so dom wees? Teen die tyd behoort ek mos te weet, in beheer te wees…Die wêreld, die kerk, my werk en my mense verwag dit immers van my!” Dan bestaan daar natuurlik ook die afgehandeldes: Klaar gedink, klaar besluit – selfversekerde ék-weet-mense. Dalk steek hierdie afgehandeldheid maar kop uit by elkeen van ons. Dalk hét ons nie ruimte vir leer, groei, verander…of selfs die moontlikheid dat ek nog altyd verkeerd was oor 'n saak, 'n persoon of gebeure nie. Afgehandeldes verwag natuurlik ook afgehandeldheid by ander! Dit maak nogal die lewe, 'n beroep en 'n verhouding spanningsvol as jy moet voorgee dat jy perfek, afgerond, kant-en-klaar is. Veral as jy voor jou siel weet “Ek weet nie. Ek is nie in beheer nie. Ek sukkel met dit, daai en die ander…” Ek en jy is, wanneer ons eerlik kan wees met onsself, soos Gaudi se meesterwerk: onafgehandeld – vir ewig in-wording. Hoe anders sal jou lewensbenadering en verhoudings lyk wanneer jy hierdie “in-wording” genade ook dáár kan uitleef: Jy vra dalk meer vrae as wat jy stellings maak; Jy haal die juk van perfektheid se angs van jou skouers af en word oral bekend as 'n ewige student; In plaas van kritiek en verwerp, sien jy “Siestog, hy leer nog, hy groei nog, hy ontdek nog…” en dan nie op 'n beterweterige manier nie, maar op ‘n ek-is-ook-nog-in-wording manier. Wat help kla en skel en self-marteling oor onafgehandeldheid? Dit is soos om na 100 jaar die meesterlike katedraal af te breek omdat dit nou nog nie klaar is nie. Dis tog absurd! Om 'n onafgehandelde verder af te breek, maak tog geen sin nie. ‘n Beter benadering is dalk eerder “Hoe word ek deel van die in-wording storie van God met jou? In-wording beteken nie, in onbruik nie. In-wording beteken nie, minder heilig of indrukwekkend nie. In-wording beteken nie, laat staan maar soos dit is nie. Paulus skryf vir die gemeente in Korinte, ‘n gemeente wat nog duidelik in-wording is. Hy sluit 'n lang gesprek oor die sluier-van-ons-gebrokenheid af met die mooi woorde in 2 Kor 3:18 “Ons almal weerspieël die heerlikheid van die Here, want die sluier is van ons gesig af weggeneem. Ons word al meer verander om aan die beeld van Christus gelyk te word. Die heerlikheid wat van ons uitstraal, neem steeds toe. Dit doen die Here wat die Gees is.” Die woorde “Ons word al meer verander” se tydsgleuf is tot in die oneindigheid…m.a.w dit beteken letterlik “vir-ewig-in-wording” en so ook die woorde “die heerlikheid van ons uitstraal neem steeds toe”. Ek is nog nie klaar nie, jy is nog nie klaar nie, die kerk is nog nie klaar nie…ons is vir ewig nog in wording en die argitek-bouer is die Here, wat die Gees is en die manier hoe die Gees primêr in die Bybel werk is deur mense. Mag ons al meer met die genade leef van “My client is not in a hurry.” omdat ons vertrou dat 'n meesterstuk soms langer as 'n ewigheid neem. Na-leef teks: “Ons almal weerspieël die heerlikheid van die Here, want die sluier is van ons gesig af weggeneem. Ons word al meer verander om aan die beeld van Christus gelyk te word. Die heerlikheid wat van ons uitstraal, neem steeds toe. Dit doen die Here wat die Gees is.” 2 Korintiërs 3:18 Na-leef vrae Waar in jou lewe is jy nog in wording? Wat gaan jou help om jou kind-wees, jou openheid vir wording, te onthou? Wat gaan jou help om ruimte te maak vir ander se ewige wording?

JP Nel gesels met Kurt Darren oor sy gewilde musiek en sy opwindende optrede by die KosMOS Fees 2026. Hulle praat oor wat aanhangers kan verwag, die energie van die verhoog en wat hierdie fees so besonders maak. Moenie hierdie onderhoud misloop nie.

Send a textHandelinge 2:41-42 Dié wat sy woorde aangeneem het, is gedoop, en omtrent drie duisend mense is op daardie dag by die getal van die gelowiges gevoeg. Hulle het hulle heelhartig toegelê op die leer van die apostels en die onderlinge verbondenheid, die gemeenskaplike maaltyd en die gebede. Wie is die mense met wie jy assosieer; jou vriendekring; diegene wat ‘n invloed het op hoe jy leef, hoe jy dink en wat jy glo? Wie is hulle en watter impak het hulle op jou lewe?In die 5de eeu v.C. was daar ‘n aantreklike, begaafde, goeie en invloedryke man, Alcibiades, wat onder die bekende Sokrates gestudeer het. Hy het geweldige potensiaal gehad en in ‘n briljante staatsman en generaal ontwikkel. Ja, hy het alles in sy guns gehad om 'n suksesvolle lewe te lei. Maar hy het in die politieke kringe met ambisieuse, roekelose mense te doen gekry. Hy wou mag hê en die belangrike mense se goedkeuring wegdra. Dit het hom tot verraad gelei. Alhoewel hy eens bewonder is, het hy kompromieë met twyfelagtige bondgenote aangegaan en dit het uiteindelik tot sy ondergang gelei en hom sy reputasie gekos. Die verkeerde geselskap het die wysheid wat Sokrates hom probeer leer het, uitgewis.En dis 'n scenario wat ons al so dikwels in die geskiedenis gesien het. Goeie mense word deur slegte geselskap vernietig. Maar die teenoorgestelde is ook waar. Ons lees van die vroeë kerk uit die 1ste eeu n.C. in:Handelinge 2:41-42 Dié wat sy woorde aangeneem het, is gedoop, en omtrent drie duisend mense is op daardie dag by die getal van die gelowiges gevoeg. Hulle het hulle heelhartig toegelê op die leer van die apostels en die onderlinge verbondenheid, die gemeenskaplike maaltyd en die gebede.Hierdie geesvervulde groep se radikale liefde het daagliks mense aangetrek. God het hul karakter deur hul gemeenskap gevorm, en hulle het die wêreld verander. Die waarheid is dat jou vriendekring jou gesindheid teenoor die lewe positief of negatief beïnvloed. Die mense met wie jy omgaan, is uiteindelik wie jy sal word. Kuier dus saam met die regte mense.Dis God se Woord. Vars ... vir jou ... vandag. Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Die naweek het met 'n knal begin vir die Copps 94.1-span in Windhoek, met lede wat deur 'n aggressiewe vrou aangerand is voordat sy vir haar familie se veiligheid deur die polisie weggeneem is. Dit was ook nie die enigste drama nie, en Kosmos 94.1 se Francois Lottering doen verslag:

President Donald Trump van Amerika sê sy Vredesraad gaan in die toekoms baie nou saam met die Verenigde Nasies werk. Minstens 20 lande wat deur hul staatshoofde of ministers van Buitelandse Sake en afgesante verteenwoordig is, het die eerste Vredesberaad onder Trump se voorsitterskap in Washington bygewoon. Talle bondgenote, insluitend die Vatikaan, het nie die raadsbyeenkoms bygewoon nie omdat dit die VN se mag kan oorneem. Trump sê dis eenvoudig: Hulle soek vrede:

Wiele2Wiele het die jaarlikse Stand van die Motorbedryf-aanbieding (Somi) deur Toyota Suid-Afrika bygewoon vir die jongste nuus uit die bedryf, asook watter nuwe Toyota-modelle op pad is. Hulle gaan ook ry met Leapmotor se C10 REEV, wat staan vir Range Extended Electric Vehicle. Wiele2Wiele op Facebook · Wiele2Wiele op Maroela Media

Send a textLukas 24:32 Hulle sê toe vir mekaar: “Het ons hart nie warm geword toe Hy op die pad met ons gepraat en vir ons die Skrif uitgelê het nie?” Het jy al ooit iemand wat jy ken op 'n onverwagte plek of in ‘n vreemde konteks raakgeloop? Jy herken hulle op ‘n manier, maar jy kan hulle nie heeltemal plaas nie. Soms herken jy hulle glad nie eers nie. Daardie onverwagte konteks verwar jou.Dis wat met die twee dissipels op pad na Emmaus gebeur het. Hulle het geloop en gesels oor die ontstellende gebeure van Jesus se kruisiging tydens die Pasgafees. Hulle was getraumatiseer toe hulle besef dat Jesus dood is, want hulle het nog gehoop dat Hy hulle van die Romeine sal red. Terwyl hulle oor die gebeure van die afgelope paar dae gepraat het, het 'n ander man langs hulle begin stap. Hulle het natuurlik nooit verwag dat daardie persoon Jesus kon wees nie, want Hy  was immers die man aan die kruis. Hy was immers dood. Maar terwyl Hy gepraat het, het 'n vreemde, bonatuurlike gevoel oor hulle gekom.Toe Jesus weg is, het hulle tot hul ontsteltenis ontdek dat hulle Hom nie herken het nie …Lukas 24:32 Hulle sê toe vir mekaar: “Het ons hart nie warm geword toe Hy op die pad met ons gepraat en vir ons die Skrif uitgelê het nie?”Soms is goeie terapie om saam met 'n vriend te stap. En weet jy, die beste terapie, die beste genesing om die trauma diep binne-in te oorkom, is om saam met Jesus te stap.Dieselfde opgestane Jesus, die een wat vir jou gesterf en weer opgestaan het, leef en is gesond … en gereed om saam met jou te stap en te praat. Hy kan, en Hy sal jou siel diep binne-in jou genees. Hy het immers opgestaan om vir jou 'n nuwe lewe te gee.Mag dieselfde vuur in jou brand.Dis God se Woord. Vars … vir jou … vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Elmero Strauss gesels met Christo Snyman oor Die Broers se splinternuwe treffer, “Pak Jou Tas”. Hulle delf dieper in die betekenis van die lied, wat agter die woorde skuil en waar die oorspronklike idee ontstaan het.

Die voormalige ambassadeur Kingsley Makhubela sê vier Suid-Afrikaanse mans wat van Rusland teruggekeer het, moet hulle volle samewerking vir die polisie gee oor hul werwing en beweerde betrokkenheid by die konflik tussen Rusland en Oekraïne. Hulle het gister teruggekeer. Makhubela het aan SABC News gesê owerhede moet enige betalings opspoor wat gemaak is, aangesien geld 'n papierspoor laat. Hy waarsku dat buitelandse militêre opleiding ernstige nasionale veiligheidsgevare inhou:

Send a textSpreuke 27:17 Yster slyp yster, vriende vorm mekaar. Ons weet almal hoe die uitvinding van die motorkar ‘n totale omwenteling in die wêreld teweeggebring het. Sedert die eerste motor in 1886 gebou is, het dit gegroei tot meer as 1.5 miljard voertuie op die pad vandag. Maar dit was eers in 1913, toe Ford met massaproduksie begin het, dat dinge regtig vlamgevat het.In die vroeë dae het Henry Ford gedink hy is die slimste ou en hy kan op sy eie regkom. Sy eerste pogings het nie regtig geslaag nie. Dit was te duur, en te stadig. Maar toe het hy slim geword. En toe het die groot uitbreiding gekom. Ford het 'n span ingenieurs, werktuigkundiges en sakelui bymekaargemaak en hulle het almal bygedra om die aanvanklike konsep te verbeter. Hulle het saamgewerk en ‘n bewegende produksiebaan ontwikkel en die produksietyd vir 'n Model T aansienlik verminder. Henry Ford kon op sy eie één motor bou, maar met 'n span, het hy 'n bedryf gebou en die wêreld “wiele gegee”.Ons wil al te dikwels dinge alleen doen en onsself verbeel dat ons dit deur ons eie vindingrykheid en energie kan laat gebeur. Dit is immers harde werk om spanne nukkerige individue wat soms in verskillende rigtings wil afdwaal, te lei, maar die waarheid is …Spreuke 27:17 Yster slyp yster, vriende vorm mekaar.Vonke vlieg wanneer yster yster slyp, maar as daar een ding is wat ek oor byna vyftig jaar in die arbeidsmag geleer het, is dit: alhoewel ek op my eie baie vinniger kan werk; kan ek nie so baie en sulke goeie werk gedaan kry nie.Ja, die verskillende vaardighede, perspektiewe en idees rondom die tafel kán vonke laat spat. Maar saam behaal hulle ook die beste resultate. Moet daarom nie bang wees vir die vonke nie, want net soos yster yster slyp, so dra een persoon by tot die volgende persoon se briljante idees. Dis God se Woord. Vars … vir jou … vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Luister hier na die klankopname of op die potgooi-platform van jou keuse of lees die blog-inskrywing hier onder. . . Na-leef gedagte: As-Woensdag — 'n off-beat ritueel deur Pieter Roeloffse “Jesus is an alternative to the dominant ways of the world,  not a supplement to them.”  Eugene Peterson Elke jaar doen die kerk iets vreemd. Ons neem die oorblyfsels van verlede jaar se Palmsondag — die takke waarmee ons “Hosanna!” gesing het — en ons verbrand dit. Die takke wat eens tekens van oorwinning en hoop was, word as. En met daardie as begin ons Lydenstyd. Dit is nie toevallig nie. Dit is teologies briljant. Die ironie van die skare Op Palmsondag stap Jesus Jerusalem binne. Die skare waai palmtakke. Hulle roep “Hosanna! “Prys die Seun van Dawid! Loof Hom wat in die Naam van die Here kom!” (Matt 21:1-11, Mark. 11:1-11; Luk. 19:28-38; Joh. 12:12-19) Hulle verwag 'n Messias wat hul vyande sal oorwin, die regte mag sal herstel, die regte koninkryk sal vestig. 'n Paar dae later is daar weer 'n skare. En hulle roep: “Kruisig Hom! Kruisig Hom.” (Matt 27:15-26, Mark. 15:6-15; Luk. 23:13-25; Joh. 18:39 – 19:16)  Dieselfde stad. Dieselfde fees. Waarskynlik meeste van dieselfde mense. Wat het verander? Jesus het nie by hulle script ingepas nie. Hy het nie mag oorgeneem soos hulle verwag het nie. Hy het nie Rome omver gewerp soos hulle verwag het nie. Hy het nie die soort oorwinning gebring wat hulle wou hê nie. En toe Hy nie inpas by hul verwagtinge nie, draai die skare. Ons is nader aan die skare as wat ons dink. As-Woensdag begin met “Onthou jy is stof” en 'n as-kruis merk op jou voorkop of pols. Hoekom? Omdat ons ook palmtakke dra — ons eie verwagtinge het van hoe God moet werk; hoe verlossing moet lyk. Ons eie planne van die mooi en goeie lewe het. Ons juig maklik vir 'n Jesus wat óns drome bevestig. Maar 'n Jesus wat selfopoffering vra? 'n Koning wat op 'n donkie ry? 'n God wat alle mense liefhet? 'n Messias wat leer en leef “sterf van jou ekkigheid dan kom daar nuwe lewe”? Dis net té anders, té vreemd, té ongemaklik. Die as van Palmsondag-takke herinner ons: selfs ons aanbidding kan soms besoedel wees (vgl. Miga 6:6-8; Amos 5:21-24). 'n Heilige onderbreking Wanneer die palmtakke verbrand word, word triomf in stof verander. Dit nooi ons: Moenie hoop op jou eie namaaksel van God en jou eie weergawe van oorwinning nie. As-Woensdag help ons om eerlik te word oor iets diep in ons harte — ons wil graag hê God moet ons idees, oortuigings en storie versterk — nie dit herskryf nie. Maar Jesus kom nie om ons storie te verbeter nie. Hy kom om 'n ander een te gee: 'n Storie waar die eerste laaste is. Waar mag lyk soos diens. Waar oorwinning deur selfopoffering kom. Waar lewe deur die dood breek. Wanneer die as op ons voorkop in die vorm van 'n kruis geteken word, hou dit Palmsondag en Goeie Vrydag saam. Dit sê: Moenie te vinnig juig nie. Moenie te vinnig veroordeel nie. Moenie dink jy staan buite die skare nie. Dit nooi ons om ons afhanklikheid te erken. Te erken dat God en Sy manier anders is as wat ons graag sou verkies. Te onthou dat God en Sy anderster manier verlossing, vryheid, lewe gee — vir alles en almal! As-Woensdag vra nie: Is jy opgewonde oor Jesus? nie. Dit vra: Sal jy Hom volg wanneer Hy nie in jou verwagtinge pas nie? Sal jy Hom vertrou wanneer Hy nie jou vyande veroordeel nie? Sal jy leer om 'n ander soort oorwinning lief te hê? Van palmtak tot as — van triomf tot waarheid — van skare tot dissipel Mag hierdie As-Woensdag en Lydenstyd ons help om nie net mense te wees wat “Hosanna!” roep wanneer dit maklik is nie, maar mense wat gevorm word deur die kruis. Na-leef teks: “22Die Jode vra wondertekens en die Grieke soek wysheid, 23maar ons verkondig Christus wat gekruisig is. Vir die Jode is dit ‘n aanstoot en vir die ander is dit onsin,  24maar vir dié wat deur God geroep is, Jode sowel as Grieke, is Christus die krag van God en die wysheid van God. 25Wat vir die wêreld die onsin van God is, is groter wysheid as die wysheid van mense, en wat vir die wêreld die swakheid van God is, is groter krag as die krag van mense.” 1 Korintiërs 1:22-25 Na-leef vrae Kan jy dit in jouself raaksien hoe jy soms Jesus en Sy weg, soos die skare, wil verander om by jou agenda en idees in te pas? Watter deel van Jesus se “Neem jou kruis op en volg my.” Is vir jou moeilik? Hoe sal jy dit eerlik in 'n kaalvoet-gebed verwoord?

Send a textJesaja  43:18-21 Maar moenie net aan die vroeëre dinge dink en by die verlede stilstaan nie. Kyk, Ek gaan iets nuuts doen, dit staan op die punt om te gebeur, julle kan dit al sien kom; Ek maak in die woestyn 'n pad, Ek laat in die droë wêreld riviere ontspring. Die wilde diere sal My vereer, die jakkalse en die volstruise, omdat Ek water gee in die woestyn, riviere in die droë wêreld om my volk, my uitverkore volk, se dors te les. Dit is die volk wat Ek vir My geskep het, en wat my lof sal verkondig. Dis so hartseer om te sien hoe mense met soveel potensiaal, teruggehou word deur boeie; boeie van spyt en boeie van hul verlede. Hulle moet oppas dat hulle nie hulle verlede toelaat om hul lewens te vernietig nie. As jy om jou kyk, sien jy dat baie mense in daardie strik trap.Watter nare stories uit jou verlede gee jy die duiwel toestemming om oor en oor in jou oor te fluister? Vir party mense het die lewe hulle geleer om dié leuen te glo dat hulle eenvoudig nie goedgenoeg is nie. Vir ander mense spook vorige mislukkings by hulle.Dis selfs pynlik om te erken dat die verlede so deel van ons lewens is, dat ons nie 'n toekoms daarsonder kan voorstel nie.As enige van hierdie dinge oor die verlede jou laat nadink, het ek vandag wonderlike goeie nuus vir jou. Dit kom van God self, waar Hy met sy volk, Israel, praat, toe hulle wanhopig en moedeloos was:Jesaja 43:18-21 Maar moenie net aan die vroeëre dinge dink en by die verlede stilstaan nie. Kyk, Ek gaan iets nuuts doen, dit staan op die punt om te gebeur, julle kan dit al sien kom; Ek maak in die woestyn 'n pad, Ek laat in die droë wêreld riviere ontspring. Die wilde diere sal My vereer, die jakkalse en die volstruise, omdat Ek water gee in die woestyn, riviere in die droë wêreld om my volk, my uitverkore volk, se dors te les. Dit is die volk wat Ek vir My geskep het, en wat my lof sal verkondig.Ja, ons weet almal jy kan die verlede nie verander nie. Maar God wil jou toekoms verander! Hy roep jou om nie in gister se mislukkings te leef nie, maar om vorentoe te beweeg in dít wat Hy op die punt staan om te doen.Moet dus nie die hele tyd terugdink aan wat in die verlede verkeerd geloop het nie, want Hy sê: Ek gaan iets nuuts doen, dit staan op die punt om te gebeur!Dis God se Woord. Vars ... vir jou ... vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Reform UK het 'n beduidende oorwinning teen die Arbeidersparty gehad. Die regering het laat in 2025 aangekondig dat 30 plaaslike owerheidsverkiesings uitgstel en Reform het toe ‘n hof-aansoek van stapel gestuur. Op 16 Februarie het die regering die planne amptelik geskrap. Hulle het bevestig dat alle verkiesings soos beplan op 7 Mei sou voortgaan. Reform se leier Nigel Farage.

Dr. Theuns Laubscher gesels met Marcel Theron oor wat om te doen wanneer 'n dier moontlik vergiftig is. Hulle bespreek die algemene oorsake van vergiftiging, waarskuwingstekens waarna eienaars moet oplet, en watter onmiddellike stappe geneem moet word om 'n dier se lewe te red. Hierdie gesprek bied noodsaaklike inligting vir elke troeteldier-eienaar in Namibië wat voorbereid wil wees vir 'n noodgeval. Skakel in op Kosmos 94.1 om 16:45 en bly ingelig.

Soms voel dit met goeie rede of daar 'n grootskaalse erosie op die landskap van die lewe gebeur. Asof daar 'n meesleurende stroom, onkeerbaar deur ons uitsigte vloei. Ons is nie uniek nie, dis 'n eeu-oue patroon. In elke selfvernietigende era was daar individue en groepe wat keerwal kontoere geleef het en die storme help opdam het tot plantasies. Hulle was anders, “heilig” is die Bybelse woord. In Eks 33 pleit Moses dat die Here saam met hulle deur die woestyn moet gaan en hulle nie moet los nie. Hy sê in :16 “Dit is juis deurdat U met ons saamgaan dat ons, ek en u volk, anders is as al die ander volke op die aarde.” Kom onthou Sondag langs die kontoerlyn van die Nagmaaltafel dat God en Sy lewegewende weg anders is en kom laat toe dat die Gees jou tot hierdie anders-wees beweeg. Luister hier na die klankopname of op die potgooi-platform van jou keuse. . . Of kyk hier saam:

Send a textFilippense 3:13-14 Nee, broers en susters, ek reken self nie dat ek al is wat ek moet wees nie, maar een ding is seker: ek vergeet dit wat agter my lê, en strek my uit na dit wat voorlê. Ek jaag wenpaal toe, na die hemelse prys wat God deur Christus Jesus aan my gee. (NLV) Ongelukkig wil baie mense nie terugdink aan die ongeneesde wonde uit hulle verlede nie; hulle wil die seerkry van afknouery op die skoolterrein, afbrekende woorde van 'n ouer of onderwyser, 'n gebroke verhouding, of 'n onopgeloste skuldgevoel ignoreer, asof dit nooit gebeur het nie. Maar, om vry te kom van die seer van die verlede, moet ons tog daaraan dink en dit hanteer.Laat my toe om jou van my seerkry te vertel. My eerste vrou het my vir een van my beste vriende verlaat. Ek was nie 'n slegte mens nie, maar 'n gedrewe, Tipe-A-presteerder, en ek verstaan dit nou, dekades later, eers heeltemal. Maar, weet jy, daardie verwerping het 'n diep wond gelaat.Die onvermydelike rouproses het 'n paar jaar geneem, maar ek moes die besluit neem om met die seerkry te breek. Op die ou end moet ons elkeen 'n besluit neem. Ons kan óf kies om die wond te versorg, wat onvermydelike verandering gaan behels, óf ons kan aanhou om die roof af te krap, wat gaan lei tot bloeding en infeksie.Ongelukkig kies baie mense laasgenoemde. Hulle kom nooit oor die seer van die verlede nie en neem nie verantwoordelikheid vir die veranderinge wat hulle moet maak nie.Filippense 3:13-14 Nee, broers en susters, ek reken self nie dat ek al is wat ek moet wees nie, maar een ding is seker: ek vergeet dit wat agter my lê, en strek my uit na dit wat voorlê. Ek jaag wenpaal toe, na die hemelse prys wat God deur Christus Jesus aan my gee. (NLV)Die apostel Paulus, wat hierdie brief aan die mense in Filippi geskryf het, moes sy pynlike verlede van vervolging van Christene hanteer. Tog het hy gekies om nie toe te laat dat dit hom definieer nie. In plaas daarvan het hy doelgerig vorentoe gegaan, gefokus op God se roeping, eerder as die selfverwyt oor sy verlede.Moenie antwoord wanneer die verlede roep nie.Dis God se Woord. Vars ... vir jou ... vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

In hierdie week se episode van Wiele2Wiele vertel hulle jou wat nuus is by Volkswagen SA na afloop van die jaarlikse VW Indaba. Hulle gaan ry ook met die Tata Tiago, met 'n beginprys van R185 000. Wiele2Wiele op Facebook · Wiele2Wiele op Maroela Media

Henri en Tina vier hulle 65ste huweliksherdenking.

Namibië se krieketspan kom môre teen die magtige Indië in die T20-Wêreldbekertoernooi te staan ná die Eagles Dinsdag ‘n nederlaag teen Nederland gely het. Tydens ‘n mediakonferensie ná die wedstryd het die Eagles se kaptein, Gerhard Erasmus, gesê ‘n kragmeting teen Indië is ‘n reuse-oomblik:

Die polisie in KwaZulu-Natal het Dinsdagaand vier voortvlugtige verdagtes in die Amatikwe-plakkerskamp in Inanda in 'n skietgeveg doodgeskiet. Hulle is gesoek vir misdade soos moord, poging tot moord en gewapende roof. Die polisiewoordvoerder, Robert Netshiunda, sê lede van die SAPD se Inanda-taakspan en provinsiale opsporingspan het inligting opgevolg dat die verdagtes in hul wegkruipplek in ʼn plakkershut in Amatikwe opgemerk is:

Jean-Louis Knouwds gesels met Anette Rheeder oor die gewilde Irma Rescue-reeks en hoe hierdie natuurlike produkte ondersteuning kan bied tydens uitdagende tye. Hulle deel waardevolle insigte oor persoonlike ervarings én terugvoer ná die gebruik van Irma Rescue Burnout en Irma Rescue Stress, asook hoe die volledige reeks kan help met emosionele welstand. Die Irma Rescue-reeks bestaan uit 6 produkte: • Burnout • Stress • Panic • Blues • Heartbreak • Shock Elke produk is beskikbaar in aparte pakkies van 20 – vra gerus by jou plaaslike apteek.

Die Bank van Namibië het dr. John Steytler en Helvi Fillipus in sy Monetêre Beleidskomitee wat die rentekoerse bepaal aangestel. Steytler, 'n vooraanstaande ekonoom, is die eerste onafhanklike lid van die komitee, terwyl Fillipus, 'n ekonomiese adviseur by die sentrale bank, die jongste lid is. Hulle sal vir drie jaar dien. Naufiku Hamunime, die bank se adjunkdirekteur vir korporatiewe kommunikasie, is aan die woord.

Lees: Gen 11:1-9 en Joh 17:11,20-23.Fokus: Gen 11:6,7 (AFR53).Eenheid: Vereiste vir God se bonatuurlike werking deur ons.• Vir die mense van Babel sal niks meer onmoontlik wees nie want (1) hulle was eensgesind, (2)hulle het ‘n gesamentlike doel gehad, (3) hulle het goeie kommunikasie tussen mekaar gehad (Gen11:6).• Daar het nog egter een saak vir hulle kortgekom om suksesvol te wees: God se wil. Hulle eenheiden gesamentlike doel was teen God se wil.• God gryp in en ontwrig een van die vereistes om as groep suksesvol te wees: Hy ontwrig hullekommunikasiesisteem (Gen 11:7).• God se wil loop uit op die nageslag van Sem uit wie later Jesus Christus gebore word, want dit isGod se wil dat ons in Jesus Christus ons eenheid sal vind (Joh 17:23).Vir nadenke en gesprek by selgroepe en huisgodsdiens:• Wat ontbreek dalk in ons gemeente, jou selgroep, jou gesin, jou huwelik, om suksesvol te kanfunksioneer? (Gen 11:6)• Noem voorbeelde hoe die duiwel kommunikasie ontwrig tussen gelowiges.• Hoe is ware eenheid moontlik?

JP Nel gesels met dr. Theuns Laubscher oor bek- en klouseer en die impak daarvan op vee. Hulle bespreek wat die siekte is, hoe dit versprei, watter tekens om voor uit te kyk, en wat boere kan doen om hul vee te beskerm. 'n Insiggewende gesprek vir enigeen in die landboubedryf.

Send us a textRomeine 12:15 Wees bly saam met dié wat bly is en treur saam met dié wat treur. Die sterkste band wat ons met iemand kan bou, is die een wat "empatie" genoem word. Wat behels empatie? Dit beteken dat ons met aandag na hulle luister; dat ons voel wat hulle voel; of hulle nou reg of verkeerd is. Maar die belangrikste is seker dat húlle voel dat hulle gesien word; voel dat hulle gehoor word; en voel dat hulle verstaan word. Dis soos om suurstof in ‘n bedompige kamer in te pomp. Hulle kan uiteindelik asemhaal.Václav Havel was 'n Tsjeggiese dramaturg, andersdenkende en staatsman wat 'n simbool van vreedsame weerstand teen kommunistiese onderdrukking geword het. As president het hy eenkeer 'n tronk, waar sy politieke vyande, waarvan sommige van hulle vir jare lank in die tronk aangehou is, besoek.In plaas daarvan om wraak te neem, het hy na hulle geluister. Hy het empatie gehad. Hy het op 'n vreedsame oorgang van mag aangedring. Hy het selfs met sy voormalige teenstanders dialoog gevoer. Een van die tronkbewaarders het later gesê: "Hy het ons soos mense behandel toe niemand anders dit sou doen nie."Romeine 12:15 Wees bly saam met dié wat bly is en treur saam met dié wat treur.Maak ons onsself nie dikwels, te midde van ons besige lewe, skuldig daaraan om die suksesse en prestasies van diegene rondom ons te misken nie? 'n Woord van bemoediging vir goeie werk kos niks. 'n Glimlag en 'n vonkel in jou oë wanneer hulle 'n oorwinning behaal het, is suiwer goud.Dit is selfs makliker om iemand wat in lyding verkeer, te verwaarloos; want dit is rou, dit is moeilik, dit is ongerieflik. Tog sal die trane in jou oë wanneer jy hulle pyn voel, 'n band bou wat waarskynlik nooit gebreek sal word nie.Wie in jou lewe het jou empatie nodig? Aan wie kan jy nader kom deur te voel wat hulle voel?Empatie skree nie. Dit maak bloot die deur oop en transformeer enigiets van 'n nasie, soos Havel gedoen het, tot 'n enkele siel in die proses.Lag en vier fees saam met elkeen wat bly is. Huil saam met elkeen wat hartseer is.Dis God se Woord. Vars ... vir jou ... vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us a textRomeine 12:13 As medegelowiges in nood verkeer, wees jy die een om 'n helpende hand na hulle toe uit te steek. Maak 'n gewoonte daarvan om gasvry te wees – maak nie saak of dit oor kos of slaapplek gaan nie. (NLV) Nouja, vandag is een van daardie dae wat ek jou met 'n moeilike vraag gaan konfronteer. Hier is dit: Hoe behandel jy vreemdelinge? As jy iemand sien wat jy nie ken nie en wat in nood verkeer, is jy die soort persoon wat opstaan en help, of stap jy oor na die ander kant van die pad om hulle te vermy?Om vriendelikheid of gasvryheid aan 'n vriend te betoon is wonderlik. En ek is seker dat wanneer jy dit doen, hulle geseënd voel. Hulle sê dalk nie altyd dankie nie. Hulle lyk dalk nie altyd dankbaar nie, maar dit laat hulle gewaardeerd voel.Maar wat gebeur wanneer 'n vreemdeling moeite doen om iemand te help? Wat gebeur wanneer jy 'n maaltyd kook of selfs jou huis oopstel vir iemand wat jy skaars ken? So ‘n onverwagte daad van vrygewigheid en gasvryheid van 'n vreemdeling vermenigvuldig die seën in die ontvanger se hart, nie waar nie?Romeine 12:13 As medegelowiges in nood verkeer, wees jy die een om 'n helpende hand na hulle toe uit te steek. Maak 'n gewoonte daarvan om gasvry te wees – maak nie saak of dit oor kos of slaapplek gaan nie. (NLV)Die oorspronklike Griekse woord wat hier as "gasvry" vertaal word, beteken letterlik "om vreemdelinge lief te hê". In die Bybelse tyd was daar geen hotelle nie. Herberge was baie skaars, om nie te praat van hul slegte reputasie van onveiligheid of immoraliteit nie. Dit verduidelik dus dat reisende Christene, sendelinge of ontwortelde gelowiges baie afhanklik was van die gasvryheid van mede-Christene.Medegelowiges word aangemoedig om gasvryheid gretig na te jaag, selfs om dit agterna te sit. Deur sy Woord stel God dus nie bloot voor dat ons gasvry moet wees nie. Hy sê vir ons om dit met ywer na te streef; om uit ons pad te gaan om ander te verwelkom; selfs diegene wat ons nie persoonlik ken nie.Betoon gasvryheid aan vreemdelinge.Dis God se Woord. Vars ... vir jou ... vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Die Monetêre Beleidskomitee het gister die repokoers onveranderd gelaat. Die verklaring oortuig mens nieheeltemal van die noodsaak van inkrimpende beleid nie. Hulle sê die risikos wat inflasie kan verlaag of verhoog is in balans.

Hierdie week vir Wiele2Wiele ervaar hulle die nuwe JMC Vigus enkel- en dubbelkajuitbakkie, beskikbaar vanaf R299 900. Hulle bring ook tyd met die Ford Everest Sport SIP deur en vertel jou van die enjinveranderinge wat in 2026 op pad is. Verder deel hulle 'n tegniese wenk oor hibriede voertuie en spekuleer oor wat 2026 vir MotoGP en WorldSBK kan inhou. Wiele2Wiele op Facebook · Wiele2Wiele op Maroela Media

Martin Kingston, voorsitter van Business for South Africa (B4SA), verduidelik hoe die private sektor gehelp het om Suid-Afrika se staatsondernemings te verbeter. Volg RSG Geldsake op Twitter

Send us a textRomeine 12:11 Moenie sleepvoet wees in julle toewyding nie; wees entoesiasties; wees werklik diensbaar vir die Here. (NLV) Kom ons gesels ‘n bietjie oor jou werk. Daar is twee ewe vernietigende uiterstes. Aan die eenkant kan jy die werkslaaf, wees wat bereid is om jou gesondheid en jou familie op die altaar van sukses te plaas. Aan die anderkant kan jy die luiaard wees wat die minste moontlik sal doen.Twee samurais, Motoharu en Takakage, was broers wat tydens die 16de-eeu in Japan 'n plaaslike heer gedien het. Motoharu het daagliks hard geoefen om sy vaardigheid in die gevegskuns te verbeter: hy het met onvermoeide dissipline ‘n fyn strategie bestudeer; maar Takakage, hoewel hy net so begaafd was, het ontspanning verkies; hy het uitgestel om bevele te gehoorsaam en sy pligte verwaarloos.Toe hulle die dag in ‘n geveg te staan gekom het, was Motoharu gedissiplineerd en suksesvol - Takakage het klaaglik misluk. Die kontras was duidelik: een het die vrug van sy volgehoue moeite gepluk, die ander moes die skande van luiheid verduur.Dis 'n kontras wat jy gereeld sien afspeel. Ek het dit selfs in die bediening gesien. Sommige mense het na ons organisasie gekom en verwag dat die werk maklik sal wees. Dit is immers 'n Christelike organisasie. Hulle idee was dat dit alles oor liefde gaan en dat hulle met baie min moeite heerlik kan terugsit en die Here sal voorsien.Wat van jou? Hoe benader jy jou werk? Terwyl jy daaroor nadink; hier God se standpunt:Romeine 12:11 Moenie sleepvoet wees in julle toewyding nie; wees entoesiasties; wees werklik diensbaar vir die Here. (NLV)Luiheid is beslis nie ‘n goddelike eienskap nie, nee, beslis nie. Ek stem saam dat ons ook moet rus; maar om werksverslaafd te lewe, is netso goddeloos. Luiheid is 'n kanker wat te veel mense beroof van die diep bevrediging wat kom wanneer jy jou unieke gawes en vermoëns gebruik om ander te bevoordeel. As hierdie boodskap vandag vir jou is: word dan wakker. Werk hard terwyl jy die Here dien, en moenie lui wees nie.Dis Sy Woord. Vars ... vir jou ... vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Send us a textSpreuke 18:15,17 'n Mens met insig kry steeds meer kennis. Wyse mense hou altyd hulle ore oop. Hy wat eerste praat in 'n regsaak, lyk altyd onskuldig. Eers by kruisondervraging kom die waarheid uit. (NLV) Glo jy alles wat jy op sosiale media lees? Natuurlik nie! Maar hoekom is dit dan dat soveel mense in die wurmtonnels van samesweringsteorieë vasgevang word? Bloot omdat hulle op iets afgekom het wat so lekker by hul eie verkeerde idees inpas!Hoe gereeld word iemand nie deur die publiek en die media “verhoor en skuldig bevind” nie? En, wanneer die feite uiteindelik aan die lig kom, is die persoon heeltemal onskuldig. Kom nou, hoe dikwels het jy nie ook al iemand onskuldig veroordeel nie?Alfred Dreyfus, 'n Joodse offisier in die Franse leër, is in 1894 valslik van verraad beskuldig. Die bewyse teen hom was baie flou, maar die leër, die publiek en die media het hom summier veroordeel. Hulle het nie die ware feite ondersoek nie; hulle het eenvoudig aanvaar wat vir hulle vertel is.Intussen het die regte verraaier skotvry gekom. Dit het jare se deursettingsvermoë, noukeurige ondersoek en dapper getuies geneem om die waarheid te ontbloot en Dreyfus vry te spreek. Maar teen daardie tyd het die Franse samelewing reeds hul respek vir die regstelsel verloor.Spreuke 18:15-17 'n Mens met insig kry steeds meer kennis. Wyse mense hou altyd hulle ore oop. Hy wat eerste praat in 'n regsaak, lyk altyd onskuldig. Eers by kruisondervraging kom die waarheid uit. (NLV)Ons is soms in die versoeking om te haastig te oordeel; om menings as feite te aanvaar; om ons selfbeeld te versterk deur iets as waarheid te aanvaar, bloot omdat dit pas by dít wat ons nog altyd vermoed het.Maar wyse mense wil altyd meer leer, daarom luister hulle aandagtig om meer te leer. Die eerste persoon wat praat, lyk altyd reg, totdat iemand anders kom en die regte vrae vra.Wees 'n leerder. Wees 'n luisteraar. Vra die regte vrae.Dis God se Woord. Vars … vir jou … vandag. Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Die oud-Pakistanse premier Imran Khan se seuns het groot kommer oor sy welstand terwyl hy tronkstraf in sy geboorteland dien. Luidens die hofbevel moet sy familie elke Dinsdag toegang tot hom kry maar, dit gebeur nie. Die voormalige leier is tronk toe gestuur nadat hy skuldig bevind is in 'n rits sake wat volgens hom polities gedrewe was na sy uitsetting in 'n parlementêre stemming in 2022. Kasim Khan het met Sky News gepraat.

Royale Wealth Management het met die uitvoerende hoof van Olthaver en List, Sven Thieme gepraat oor Namibië se opkomende olie- en gasvooruitsigte en die verantwoordelikheid wat daarmee gepaardgaan. Hulle bespreek die risiko om fokus te verloor op wat werklik saak maak vir langtermynbeleggings. Thieme gee 'n duidelike beeld van wat dit sal verg om die geleenthede te ontsluit.

Kontrakteurs wat aan die Eneas Peter Nanyemba-padprojek by Havana Fourway in Katutura werk, sê hulle staar uitdagings in die gesig wat hul werk vertraag. 'n Terreinagent vir Welwitschia Construction CC, Sam Angula, sê dat verkopers aanhou werk in die projekarea wat skoongemaak word. Hulle moet ook elke dag vullis verwyder wat deur die verkopers gelos word, en informele werktuigkundiges het teruggekeer na die terrein. Die verkopers sê egter hulle is 'n nuwe oop mark belowe wat nog nie gebou is nie, en hulle het nêrens anders om handel te dryf nie. Angula het met die NBC gepraat.

Meer inligting is bekend in verband met die dood van Hollywood-regisseur Rob Reiner en sy vrou, Michele. Hulle seun Nick is agter tralies vir hulle moord en sal teen Woensdag formeel aangekla word. Die misdaad- en ondersoekende skrywer by die LA Times, Richard Winton, het met Britse media oor die besonderhede gepraat.

Daar is 'n nuwe slenter wat kop uitsteek, waar skelms na wat berig word hulle voordoen as polisiebeamptes of sekuriteitswagte en niksvermoedende Namibiërs om die bos lei of vaslik beboet op straat. Kosmos 94.1 Nuus het gepraat met die Windhoek Stadspolisie se skakelbeampte, assistent-superintindent Katrina Nomboga, wat verduidelik.

Die Katutura Residents and Ratepayers Association het 'n afvaardigingsversoek aan die Stad Windhoek gestuur. Dit is 'n wetlike bepaling in terme waarvan hulle gevra het om in Februarie aangehoor te word tydens die tweede sitting van die nuwe raad. Hulle redes is dat hulle wil hê die nuwe raad uitstaande kwessies moet prioritiseer. Kosmos 94.1 Nuus het met die woordvoerder van die groep, Shaun Gariseb gepraat, wat verduidelik.

Vandag is Internasionale Teenkorrupsie-dag. Die tema vanjaar is “Saam met die jeug teen korrupsie: Vorm die integriteit van môre”. Volgens die VN verteenwoordig 1,9 miljard jongmense wêreldwyd byna 'n kwart van die bevolking. Hulle word onregverdig geraak deur korrupsie; met onderbefondsde skole, beperkte werksgeleenthede en beperkte toegang tot gesondheidsorg en openbare dienste. Tog is hulle ook uniek geposisioneer om verandering te lei. Kosmos 94.1 Nuus het met die direkteur van die Instituut vir Openbarebeleidsnavorsing, Graham Hopwood, gepraat.

Die senior SA fm-omroeper, Nonkululeko Mantula, en vier mans is in aanhouding oor hul beweerde betrokkenheid by 'n geheime werwingskema van huursoldate vir Rusland. Hulle het in die Landdroshof in Kemptonpark verskyn en staan tereg op aanklagte ingevolge die Wet op die Regulering van Buitelandse Militêre Bystand. Die Valke se woordvoerder Katlego Mogale sê die saak is deel van 'n breër ondersoek na Suid-Afrikaners wat gewerf word vir buitelandse gewapende konflikte en is tot 8 Desember uitgestel vir 'n formele borgtogaansoek:

Vier verdagtes verskyn môre in die Kemptonpark-landdroshof nadat hulle in hegtenis geneem is vir vermoedelike oortreding van die Wet op die Regulering van Buitelandse Militêre Bystand. Hulle is by OR Tambo Internasionale Lughawe onderskep terwyl hulle op pad na Rusland was. Die woordvoerder van die Valke, Katlego Mogale sê 'n Suid-Afrikaanse vrou het na bewering hul werwing vir die Russiese weermag fasiliteer. Mogale het aan SABC News gesê elektroniese toestelle is gekonfiskeer en owerhede ondersoek moontlike wyer veiligheidsbedreigings:

Die eerste minister dr. Elijah Ngurare het sy stem by Akademia in die hoofstad uitgebring. Hy sê aan Kosmos 94.1d se Donald Matthys dat wanneer stemgeregtiges nie hulle demokratiese reg beoefen nie, ontneem hulle die toekoms van die jongmense.

Kry die nuus soos dit breek.

President Netumbo Nandi-Ndaitwah het haar stem uitgebring in Hochlandpark. Sy het met Francois Lottering van Kosmos 94.1 Nuus gepraat en kiesers aangemoedig om te stem.

Namibië se Capricorn Eagles het teruggebons en hul tweede wedstryd by die IKR Vroue Ontluikende Nasies Trofee-toernooi in Bangkok, Thailand gewen. Die Eagles het Uganda met 12 lopies geklop nadat hulle eerste gekolf en 83 vir 8 in hul 20 kolfbeurte aangeteken het. Hulle het daarna Uganda beperk tot 71 vir 7 in 20 boulbeurte. Namibië se bouler Leigh-Marie Visser is as die speler van die wedstryd aangewys na sy drie paaltjies laat kantel het vir net 10 lopies in 4 boulbeurte. Die Eagles se volgende wedstryd is Saterdag teen Thailand.

Brittanje se binnelandse intelligensie-agentskap, MI5, het ʼn waarskuwing uitgereik dat twee mense wat met die Chinese intelligensiediens verbind word, besig is om parlementslede te werf. Hulle teikens sluit in parlementêre personeel, ekonome, werkers van dinkskrums, geopolitieke raadgewers en mense wat saam met die regering werk. Brittanje se minister van Sekuriteit, Dan Jarvis, sê die regering sal nie geheime en berekende pogings om by die land se soewereine sake in te meng, duld nie:

Die saak deur die Stadspolisie teen Windhoekse aktiviste Shaun Gariseb en Armando Pieters is na twee-uur vanmiddag verskuif. Hulle staar klagtes van aanhitsing tot openbare geweld, obstruksie en openbare onsedelikheid in die gesig. Dit kom nadat hulle en gemeenskapslede van die Katutura Sentrale Kiesafdeling, rioolafval by die Katutura Munisipale kantoor verlede maand gestort het. Gariseb spreek frustrasie uit dat die saak eers om nege-uur van die verkeershof na die landdroshof in Katutura uitgestel is. Hy sê die staat is nie voorbereid nie.

Selfmoord bly 'n ernstige bron van kommer in Namibië. Oor die naweek is drie gevalle aangemeld, 'n 21-jarige man in Ruacana, 'n 30-jarige man in Tsumeb en 'n 27-jarige vrou in Windhoek. Kosmos 94.1 Nuus het met die bekende aktivis Zack Itodo gepraat, wat die belangrikheid beklemtoon het om vroeë waarskuwingstekens van selfmoordgedagtes te herken. Hy spoor familielede en vriende aan om ondersteuning te bied en in te gryp voordat dit te laat is.

Die Grensbestuursowerheid sê die 153 Palestyne wat as asielsoekers na Suid-Afrika gereis het, kan 'n 90-dae visum kry om in die land te reis. Die vlugtelinge was gister 12-uur lank op OR Tambo Internasionale Lughawe gestrand nadat hulle aanvanklik toegang geweier is omdat hulle nie die nodige vertrekstempels in hul paspoorte gehad het nie. Hulle het die vliegtuig verlaat nadat Gift of the Givers onderneem het om die reisigers te huisves. Mmemme Mogotsi van die owerheid sê 23 van die 153 passasiers het die land reeds verlaat:

NamPost doen 'n beroep op pensioenbegunstigdes om by hul geskeduleerde betaaldatums te hou na die tragiese dood van 'n 72-jarige pensioenaris wat ineengestort het nadat sy etlike ure in 'n tou by die Rundu-poskantoor deurgebring het. In 'n onderhoud met Kosmos 94.1 Nuus het NamPost-woordvoerder Joseph Teofelus gesê dat oorbevolking vermy sal word deur die betalingsskedules in die takke te volg en takke slegs op hul aangewese betaaldae te besoek.

Namibië word by COP30 verteenwoordig deur omgewingminister Indileni Daniel, saam met die Omgewingsbeleggingsfonds se uitvoerende hoof, Benedict Libanda. Hulle het die land se deelname aan drie hoëvlak-gesprekke gelei. Die sessies het gefokus op klimaatsfinansiering, gemeenskapsweerbaarheid en klimaatsgedrewe mobiliteit. Kosmos 94.1 Nuus het met die fonds se woordvoerder, Romeo Muyunda gesels wat meer inligting gee.