Podcasts about hulle

21 Augustus 2026: Politieke moorde in Knysna in die Wes-Kaap is onder die vergrootglas, nadat nóg twee ANC-lede vermoor is. Action SA nader die hof oor die polisiediens se tugproses teen generaal-majoor Wally Rhoode, wat hom van wangedrag vrygespreek het. Die ANC lê strafregtelike klagte teen ‘n maatskappy, wat deur die DA-LP dr. Mark Burke gestig is. Al hoe meer mense steek hulle spaargeld onder die matras weg.

Build One SA sê die land se ekonomie berus op hulpbronontginning en is gebou om die verkoop van steenkool, platinum en ander minerale aan die res van die wêreld te fasiliteer. Suid-Afrika is een van die wêreld se grootste produsente van platinum, goud en chroom. Graham Charters van BOSA sê ekonomieë wat op hulpbronontginning berus het twee fundamentele uitdagings. Hulle vererger ongelykheid, en maak nie voorsiening vir langtermyn volhoubare groei nie. Hy sê die ekonomie kan nie vir ewig op myne staatmaak nie en moet daarom toenemend na konstruktief beweeg: Graham Charters Maandag

Hierdie week gaan ry Wiele2Wiele met die pragtige, splinternuwe Kia Seltos, wat met drie enjins aangebied word – onder andere 'n 1.5-liter-turbodiesel. Hulle vat jou dan saam op die pad in die Lexus RZ 550e F-Sport en die Land Cruiser FJ. Wiele2Wiele op Facebook · Wiele2Wiele op Maroela Media

Dr Leon Schreiber – minister van binnelandse sake Volg RSG Geldsake op Twitter

Jean-Louis gesels met Anette Rheeder oor Bio-Strath en die belangrike verband tussen voeding en gesondheid. Hulle bespreek die rol van voeding in algemene welstand en vertel meer oor Bio-Strath, wat in vloeistof- en tabletvorm by plaaslike apteke beskikbaar is. Vir meer inligting, e-pos info@sanatural.co.za of besoek www.livingnaturally.co.za.

Jean-Louis gesels met Anette Rheeder oor Bio-Strath en die belangrike verband tussen voeding en gesondheid. Hulle bespreek die rol van voeding in algemene welstand en vertel meer oor Bio-Strath, wat in vloeistof- en tabletvorm by plaaslike apteke beskikbaar is. Vir meer inligting, e-pos info@sanatural.co.za of besoek www.livingnaturally.co.za.

Send us Fan MailPsalm 25:14 Die Here neem dié wat Hom dien, in sy vertroue en maak sy verbond aan hulle bekend. Daar is iets vreeslik lekker en aanloklik aan 'n geheim, nè? Om te wag dat iemand jou genoeg vertrou om een te deel, voel kompleet of jy op die drumpel van iets groots staan. Sodra jy deel word van daardie "binnekring", verander alles sommer dadelik. Gedurende die Tweede Wêreldoorlog was net 'n handjievol mense by Bletchley Park in Engeland vertrou met die oorlog se grootste geheim – die ontsyfering van Duitsland se Enigma-kodemasjien. Hulle was 'n klein, eksklusiewe groepie wat in die geheim gewerk het en die loop van die geskiedenis verander het.Geheime – die goeies altans – is presies so. Hulle het enorme krag om dinge te verander, maar nie almal weet daarvan nie. As jy daaroor dink, is dit juis wat 'n geheim 'n geheim maak.Psalm 25:14 sê: Die Here neem dié wat Hom dien, in sy vertroue en maak sy verbond aan hulle bekend.As jy die Here eer, is jy sy vriend. Hy vertrou jou met sy geheime en leer jou presies waarop jy in sy beloftes kan staatmaak.En in Christus word daardie waarheid selfs nog groter. Jesus het vir sy dissipels in Johannes 15:15 gesê: Ek noem julle vriende, omdat Ek alles wat Ek van my Vader gehoor het, aan julle bekend gemaak het.Deur ons geloof in Hom is ek en jy nie meer buitestanders nie. Ons is binnekringmense –welkom in die raadsaal van God Self. Dink net daaraan! Dit laat 'n mens se kop sommer draai.Moet dus nie tevrede wees met 'n geloof wat net op die oppervlak lê nie. Gee vandag 'n tree nader. Leef met ontsag vir Hom en ontdek die vreugde daarvan om God se vriend te wees - sy vennoot wat in sy binneste sirkel welkom is.Dit is Sy Woord. Vars … vir jou … vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

8 Augustus 2026: Die DA stel sy verkiesingsmanifes vir die plaaslike regeringsverkiesing bekend, met groot beloftes van betroubare en goedkoper krag- en watervoorsiening. Al hoe meer vroue stres oor hulle geldsake. Die pasaangestelde Nasionale Raad vir Geslagsgebaseerde Geweld en Vrouemoord moet die regering se strategiese plan teen dié verskynsel oor die volgende drie jaar implementeer.

Send us Fan MailJohannes 6:28-29 Hulle vra Hom toe: “Wat moet ons doen om te doen wat God van ons verlang?”En Jesus antwoord hulle: “Wat God van julle verlang, is dat julle moet glo in Hom wat Hy gestuur het.” Jy dink dalk dis 'n vreemde ding vir my om te sê, maar ek gaan dit in elk geval sê: godsdiens sal jou uitput. Jy sal jouself stokflou maak as jy reëls en rituele wil volg en dit sal boonop net skuldgevoelens veroorsaak. En wat is die waarheid? 'n Geloof wat op werke gebaseer is, is soos om op 'n trapmeul te hardloop – dit maak nie saak hoe hard jy werk nie, jy kom nêrens nie.Stel jou dit voor. Jy draf jouself poegaai by die gym, die sweet tap jou af, jou bene brand, jou hart jaag. En wanneer jy uiteindelik die "stop"-knoppie druk ... is jy nog presies op dieselfde plek. Nouja, dis presies hoe godsdiens sonder genade voel. Al die moeite, maar geen vordering nie.Luister nou na hierdie gesprek tussen Jesus en sy dissipels:Johannes 6:28-29: Hulle vra Hom toe: “Wat moet ons doen om te doen wat God van ons verlang?”En Jesus antwoord hulle: “Wat God van julle verlang, is dat julle moet glo in Hom wat Hy gestuur het.”Sien jy die kontras? Hulle wou 'n geestelike oefenprogram hê! Doen dít, moenie dát nie, tik die lysie af, betaal jou ledegeld. Maar Jesus trek ‘n streep daardeur en sê bloot: Dit gaan nie oor wat jy doen nie, maar dat jy in My glo.Geloof wat op genade berus, verskil radikaal van godsdiens wat op werke gebaseer is. Dit beteken jy klim van die trapmeul af en besef die grond onder jou voete is reeds stewig, omdat Christus die swaar werk aan die kruis gedoen het.Jesus het, net voordat Hy vir jou aan die kruis gesterf het gesê: Dit is volbring. Dit beteken dat jy nooit eers moet probeer om God se goedkeuring te verdien nie. Jesus het reeds die prys vir jou sonde betaal. Wanneer jy in Hom glo, is jy heeltemal vergewe. So, hier is die keuse: hou aan om jouself moeg te hardloop en nêrens te kom nie ... of stap in genade en loop saam met Jesus - vry, vergewe en geliefd.Dis God se Woord. Vars … vir jou … vandag. Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Hierdie week is dit bussie-bonaza op Wiele2Wiele. Hulle gesels oor die Volkswagen Caravelle eHybrid en die Renault Trafic Passenger. Hulle gaan ry ook met die Honda Elevate, gee raad oor tekens wat jou kar vir jou gee dat daar fout is en waarsku jou waarna jy moet kyk as jy 'n motorfiets wil koop wat 'n spesiale uitgawe in sy tyd was. Wiele2Wiele op Facebook · Wiele2Wiele op Maroela Media

Send us Fan MailJakobus 4:6 Maar die genade wat Hy gee, is nog groter. Daarom sê Hy: “God weerstaan hoogmoediges, maar aan nederiges gee Hy genade.” Trots is 'n skelm ding – dit bekruip jou ongemerk. Dis juis gevaarlik wanneer dinge goed gaan; wanneer mense vir jou hande klap, of wanneer jy daardie gevoel kry dat jy uiteindelik jou lewe uitgesorteer het. Maar hier is die ding: trots lieg vir jou. Sonder God se genade kan nie een van ons eers asemhaal nie.Charles Spurgeon het eenkeer gesê: Hoe meer genade ons ontvang, hoe minder sal ons van onsself dink, want genade – net soos lig – wys ons onreinheid. Dis ‘n kolskoot!As jy in 'n donker kamer instap, lyk alles dalk piekfyn. Maar sodra jy die lig aansit, sien jy skielik die stof, die krake en die gemors. Genade werk net so. Dit vlek ons foute oop... maar net sodat ons na dié Een toe kan hardloop wat ons kan skoonwas. Jakobus 4:6 sê: Maar die genade wat hy gee, is nog groter. Daarom sê hy: “God weerstaan hoogmoediges, maar aan nederiges gee hy genade.”Mense wat trots is, baklei teen die lig. Hulle bly eerder in die donker en maak asof alles reg is. Maar nederige mense laat toe dat God se genade hulle harte ondersoek. Hulle steek nie hulle swakhede weg nie. En wanneer jy nederig is, veroordeel God jou nie – hy oorlaai jou juis met sy goedheid.Wanneer ons ons eie ego en ons "ek-kan-self"-houding opsy skuif, maak ons plek vir sy genade om oor te neem.So, moenie bang wees vir die Lig nie. Laat sy genade vir jou wys hoe nodig jy Hom het. Want die God wat jou nederig maak, is ook die God wat jou heelmaak... en in Christus gee Hy vir jou baie meer genade as wat jy ooit kan dink of voor kan vra.Dis God se Woord. Vars … vir jou … vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Nieu-Seeland se plaasvervanger-kaptein, Codie Taylor, sê hulle het geen illusies oor die uitdaging om die Springbokke as wêreldkampioene op 'n tuisveld aan te pak nie. Hy sal die span lei tot die gereelde kaptein, Ardie Savea, by die span aansluit voor die eerste toets op 22 Augustus teen die Springbokke op Ellis Park. Die All Blacks se toer van agt wedstryde skop Vrydag amptelik af teen die Stormers in Kaapstad. Taylor sê hulle weet dit gaan 'n moeilike toer wees, maar hulle is gereed:

Verlede week het jy gehoor wat Carl en Jeanette dink maar hierdie week op Wiele2Wiele, is dit Nicol en Mike se beurt om oor die Kia Tasman-bakkie te gesels. Hulle klim ook agter die stuur van die sewesitplek Kia Carens en deel hulle indrukke van die Suzuki Across. Dit is dan tyd vir die stof, spoed en avontuur van die GR Stella 1000-marathon-veldtydren, waar Toyota Gazoo Racing Suid-Afrika se Guy Botterill en sy nuwe navigator, Henry Köhne, koning gekraai het. Wiele2Wiele op Facebook · Wiele2Wiele op Maroela Media

'n Vermeende sleutelfiguur verbind met 'n multimiljoen Suid-Afrikaanse rand voertuig-rybewysbedrogsindikaat is in Parys in die Vrystaat in hegtenis geneem. Die inhegtenisneming volg op 'n gesamentlike operasie tussen die Padverkeersbestuurskorporasie, die Valke en die Suid-Afrikaanse Polisiediens. Die woordvoerder Simon Zwane sê ondersoekbeamptes het die verdagte se huis deursoek en bevind hy het na bewering onregmatig toegang verkry tot die Nasionale Verkeersinligtingstelsel en was in besit van bedrieglike rybewys-dokumente. Hulle het ook rekenaartoerusting gekonfiskeer. Zwane sê verdere inhegtenisnemings sal volg:

Send us Fan MailHebreërs 10:35-36 Moenie hierdie vertroue in God deur julle vingers laat glip nie. Dit hou vir julle 'n groot beloning in. Wat julle nodig het, is om te volhard sodat julle kan voortgaan om God se wil te gehoorsaam. Dan sal julle ontvang wat God beloof het. (NLV) Een van die moeilikste dinge om te doen, is om deur te druk wanneer jy so gedaan gesukkel is, dat jy voel jy moet handdoek ingooi. Dink mooi, wanneer was die laaste keer wat jy in die versoeking was om moed op te gee? In 1968, tydens die Olimpiese Spele in Mexikostad, het John Stephen Akhwari, 'n marathon atleet van Tanzanië, tydens deelname aan die spele, ‘n slegte val gehad en sy been beseer. Almal het verwag dat hy uit die wedloop sal wegstap, maar ure nadat die wenner verby die wenstreep was, het Akhwari strompelend die stadion binnegestap. Hy was bebloed en uitgeput, maar vasbeslote om die wedloop te voltooi. Toe hy gevra is waarom hy nie gestop het nie, het hy gesê: "My land het my nie 10 000 myl gestuur om die wedren te begin nie. Hulle het my 10 000 myl gestuur om dit klaar te maak."Dit is die krag van deursettingsvermoë. En dit is presies waarvan God hier praat:Hebreërs 10:35-36 Moenie hierdie vertroue in God deur julle vingers laat glip nie. Dit hou vir julle 'n groot beloning in. Wat julle nodig het, is om te volhard sodat julle kan voortgaan om God se wil te gehoorsaam. Dan sal julle ontvang wat God beloof het. (NLV)Keer op keer word ons deur terugslae getref. Ons geloof word deeglik getoets. En tog vra God ons nie net om ‘n taak te begin nie, maar om dit met moed, met geduld en met vertroue te voltooi.Dit gaan nie daaroor om op jou tande te kners en in jou eie krag deur te druk nie. Dit gaan daaroor om vas te hou aan Christus, wat reeds die wedloop vir ons vooruit gehardloop het. Hy het die kruis verduur. Hy het die skande en die pyn verduur. En nou regeer Hy in glorie.En dieselfde krag - dieselfde opstandingskrag - wat Hom uit die dood opgewek het, is vir jou beskikbaar, hier en nou, om jou tot die einde staande te hou. Moet dus nie moed opgee nie. Jou geloof in Jesus sal beloon word. Nie omdat jy sterk genoeg is nie, maar omdat Hy getrou genoeg is. In Hom is die wenstreep verseker, en die prys is ewig.Dit is God se Woord. Vars ... Vir jou... Vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Jean-Louis gesels met John Ekongo, Korporatiewe Sakebestuurder van MTC, oor hoe mobiele datagebruik werk en waarom data soms vinniger opraak as wat gebruikers verwag. Hulle bespreek ook praktiese wenke om jou dataverbruik beter te verstaan en te bestuur, sodat jy die meeste uit jou databundel kan kry.

Send us Fan MailSpreuke 1:8-9 My seun, luister na wat jou pa jou leer. Moenie wat jou ma vir jou sê in die wind slaan nie. Wat jy by hulle leer, sal jou lewe met goedheid kroon en 'n versiering wees om jou nek. (NLV) Het jy opgemerk hoe die kleinste stukkies raad van jou ouers jou vir die res van die lewe bybly? Dit is ongelooflik hoe jy, wanneer iets dekades later gebeur, hulle amper kan hoor, asof hulle hier langs jou staan. 'n Dosent het op ‘n keer 'n groep top leiers gevra wat die grootste invloed op hulle gehad het: Was dit boeke, mentors, of opleiding? Byna almal het dieselfde gesê: "My ouers se stem in my kop." Hulle ouers se wysheid, was dikwels maar net eenvoudig; dikwels gewone stellings, wat hierdie uitstaande leiers gevorm het.Dit is presies waaroor die Boek van Spreuke in die Bybel gaan. Goddelike wysheid wat deur alledaagse stemme oorgedra is: Spreuke 1:8-9 My seun, luister na wat jou pa jou leer. Moenie wat jou ma vir jou sê in die wind slaan nie. Wat jy by hulle leer, sal jou lewe met goedheid kroon en 'n versiering wees om jou nek. (NLV)Sien jy, wysheid is nie abstrak nie. Dit kom na ons toe deur die gewone mense wat God in ons lewens plaas. Ouers. Vriende. Mentors. En uiteindelik kom dit perfek na ons toe deur Jesus, wat die wysheid van God in menslike vorm is.Salomo verwys hier na 'n kroon en 'n versiering - simbole van eer en prestasie. God se wysheid druk jou nie af nie. Dit lig jou op. Dit versier jou. Dit gee jou waardigheid. Dit laat jou skitter in 'n donker wêreld.Moet dus nie die stemme van wysheid rondom jou verag nie. Moenie teregwysing versmaai nie. Moenie die mense wat God gebruik om jou te vorm, ignoreer nie. En belangrikste van alles: luister na wat Jesus sê - want ín Hom is wysheid, nie net raad nie. Dis die lewe.Wanneer jy met sy wysheid optree, sien die wêreld iets anders in jou: God se heerlikheid wat deur jou in die alledaagse weerspieël word.Dit is God se Woord. Vars ... Vir jou... Vandag.Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Jean-Louis gesels met Estie Schreiber oor ysteraanvullings en waarom dit vir baie mense moeilik is om te absorbeer. Hulle bespreek waarom sekere ysteraanvullings ongemak kan veroorsaak, watter simptome met ystertekort gepaardgaan en hoe Bio-Strath Iron 'n alternatief kan bied. Bio-Strath Iron is sonder voorskrif by apteke beskikbaar. Vir meer inligting besoek www.bio-strath.co.za of stuur 'n e-pos na info@livingnaturally.co.za.

Die AR-studentebevel het die regering se besluit gekritiseer om nie leerders wat by die Namibia College of Open Learning, Namcol, of ander instellings inskryf, te subsidieer om hul graad 11- en 12-uitslae te verbeter nie. Hulle voer aan dat dit die grondwetlike reg op onderwys ondermyn. Die interimhoof van die AR-studentebevel se sekretariaat, Intelligent Katire, het aan Kosmos 94.1 Nuus gesê dat die gratis onderwysbeleid alle leerders moet bevoordeel, insluitend diegene wat hul eksamenuitslae wil verbeter.

Send us Fan MailJeremia 29:11 Ek weet wat Ek vir julle beplan, sê die Here: voorspoed en nie teenspoed nie; Ek wil vir julle 'n toekoms gee, 'n verwagting! Soms verloop die lewe nie soos jy wil hê dit moet nie. Jy beplan alles - jou loopbaan, jou gesin, jou aftree-droom - en dan, uit die bloute, gooi iets jou van koers af. Voor hy die gloeilamp uitgevind het, het Thomas Edison duisende mislukte eksperimente gehad. Joernaliste het hom gespot, Hoekom gaan  jy na soveel katastrofes aan om te probeer om die onmoontlike te doen? Sy antwoord was: Ek het nie gefaal nie. Ek het pas 10 000 maniere gevind wat nie gaan werk nie. Wat mense as mislukking beskou het ... het hy as deel van die plan gesien.Die Israeliete moes in die tyd van die Profeet Jeremia, ook moedeloos gevoel het. Hulle was ontwortel; hulle was uit hulle eie land verban; hulle het in Babilon, ver van die huis, ver van die tempel en ver van alles wat hulle voorheen sekuriteit gegee het, gewoon. Maar te midde van hulle pyn bemoedig God hulle:Jeremia 29:11Ek weet wat Ek vir julle beplan, sê die Here: voorspoed en nie teenspoed nie; Ek wil vir julle 'n toekoms gee, 'n verwagting!Dit was nie as 'n opwindende ‘Instagram-meme aan Israel geskryf nie. Dit is aan 'n gebroke, vervreemde volk geskryf. Ja, en ons weet dat Israel uiteindelik na die Beloofde Land terug is en dat God se belofte waar geword het. Hy het belowe dat sy goeie planne eendag vervul sou word - planne wat in Jesus tot vervulling gekom het.Weet jy dat jy ín Hom reeds die toekoms wat God belowe het, besit? Die Ewige Lewe. Vergifnis. Hoop wat nie van jou weggeneem kan word nie. So... Moenie paniekerig wees wanneer jou eie planne misluk nie. God se plan in Christus is steeds op koers. En sy plan is altyd goed.Dis sy Woord. Vars ... Vir jou... Vandag. Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Hierdie week vir Wiele2Wiele vat hulle die langpad met die Mercedes-Benz GLC 300d en bring kwaliteittyd deur met die nuwe Kia Tasman-bakkie. Hulle vat jou ook op ‘n toetsrit met die Renault Captur. Wiele2Wiele op Facebook · Wiele2Wiele op Maroela Media

Jean-Louis gesels met Dewald van Niekerk, Suid-Afrika se nommer 1 muurbalspeler, tweemalige Namibiese Ope-kampioen, agtvoudige Suid-Afrikaanse kampioen en tans nommer 68 op die PSA Wêreldranglys. Hulle praat oor sy merkwaardige loopbaan, sy tyd in Namibië, en die afrigtingsessies en uitdagings wat hy dié week aanbied om plaaslike spelers te inspireer en hul vaardighede verder te ontwikkel.

23 Julie 2026: Sommige parlementslede van die afsettingskomitee wil hê president Cyril Ramaphosa moet in persoon getuig. Nóg 'n repokoersverhoging blyk onafwendbaar te wees, nadat inflasie die hoogte in skiet. Finansiële stres onder jong mense is aan die toeneem.

Jean-Louis gesels met Henrico, Besturende Direkteur van Tiger Wheel & Tyre, oor die opwindende Tiger Wheel & Tyre & Kosmos 94.1 Padel Liga. Hulle bespreek wat deelnemers en ondersteuners kan verwag, waarom die liga so 'n besonderse geleentheid is, en hoe hierdie vennootskap sportliefhebbers bymekaar bring. Luister saam vir al die besonderhede oor hierdie opwindende padel-inisiatief.

Jean-Louis gesels met Anette Rheeder oor die unieke A.Vogel Multiforce Alkaliese Poeier en waarom hierdie produk 'n gewilde keuse is vir mense wat hul gesonde leefstyl wil ondersteun. Hulle bespreek wat hierdie produk besonders maak, die verskillende geure en groottes waarin dit beskikbaar is, asook hoe dit deel van 'n daaglikse roetine kan wees. A.Vogel Multiforce Alkaliese Poeier is beskikbaar in 105g en 225g houers, met geure soos suurlemoen en mango. Luisteraars kan hul vrae stuur na info@sanatural.co.za of besoek die Living Naturally Health Hub vir meer inligting.

Elmero Strauss gesels met Dusty Dixon oor sy splinternuwe enkelsnit, "Waar Jou Skape Wei". Hulle praat oor die storie agter die lied, waar die inspirasie vandaan gekom het en die boodskap wat hy deur die musiek wil oordra. Dusty deel ook wat hy hoop luisteraars sal ervaar wanneer hulle na dié nuwe vrystelling luister.

Elmero Strauss gesels met Koos van Zyl – musikant, besigheidseienaar en 'n trotse Namibiër. Hulle gesels oor sy lewensreis, die uitdagings wat hom gevorm het, die passie wat hom dryf en hoe hy deur sy musiek en werk 'n blywende bydrae tot Namibië maak. 'n Inspirerende gesprek oor deursettingsvermoë, doelgerigtheid en die mense en ervarings wat sy pad gevorm het.

Jean-Louis gesels met die Namibiese sokkerspeler, Paulo Coelho, oor die hoogtepunte van die 2026 Sokkerwêreldbeker. Hulle ontleed Engeland se opwindende oorwinning oor Frankryk in die bronsmedaljewedstryd, Spanje se geskiedkundige eindstrydsege teen Argentinië, Kylian Mbappé se Goue Skoen, Lionel Messi se moeilike eindstryd en die wedstryde en oomblikke wat hierdie toernooi onvergeetlik gemaak het.

Spoed was Vrydagaand vermoedelik die oorsaak van ‘n ernstige motorongeluk wat die aandag van die Copps 94.1-span in Windhoek geverg het. Hulle moes ook ingryp by ‘n voorval van gesinsgeweld waarin ‘n senior burger betrokke was. Kosmos 94.1 se Francois Lottering was op sy pos en doen verslag van die toneel:

Send us Fan MailHandelinge 4:31,33 Na hierdie gebed het die gebou waar hulle bymekaar was, geskud, en hulle is almal met die Heilige Gees vervul. En hulle het God se boodskap onverskrokke verkondig.… Die apostels het kragtige getuienis gegee oor die opstanding van die Here Jesus, en God het sy genade ryklik aan elkeen gegee. (NLV) Iets wat baie kerkmense pla, is die manier waarop die gemeentelede optree. Jy sien kerke skeur en die helfte van die mense loop uit; soms baklei hulle selfs in die hof oor hul verskille. Regtig? Is dit hoe dit veronderstel is om te wees?In die vroeë 1700's het 'n klein groepie gelowige vlugtelinge uit Morawië, wat ons as Tsjeggo-Slowakye ken, vir vervolging gevlug. Hulle het gaan wegkruip op die plaas van graaf Nikolaus von Zinzendorf. Aanvanklik was daar baie spanning in die groep, maar op 13 Augustus 1727 het iets besonders gebeur: tydens 'n nagmaaldiens het hulle beleef hoe God se genade oor hulle uitgestort word.Die bakleiery het opgehou, daar was skielik 'n atmosfeer van versoening en hulle was weer in volle akkoord. Van daardie oomblik af het alles verander. Binne 'n paar dekades het hierdie vlugtelinge, sendingwerkers na Afrika en Amerika gestuur en die Morawiese beweging het een van die grootste sendingaksies ooit geword.Kyk wat sê die boek Handelinge:Handelinge 4:31,33: Na hierdie gebed het die gebou waar hulle bymekaar was, geskud, en hulle is almal met die Heilige Gees vervul. En hulle het God se boodskap onverskrokke verkondig.… Die apostels het kragtige getuienis gegee oor die opstanding van die Here Jesus, en God het sy genade ryklik aan elkeen gegee. (NLV) Hier is die kruks van die probleem. Wanneer ons eie wil en begeertes ons lewens regeer, en ons net heeltyd reg wil wees ... gaan dit net op één manier eindig: in ‘n bakleiery en verdeeldheid.Maar wanneer ons toelaat dat God se Heilige Gees ons vul, net soos Hy met die apostels gedoen het, sal sy krag en sy genade ons heeltemal beheer. Dis mos die genade wat ons nodig het!Dit is Sy Woord. Vars ... vir jou ... vandag. Support the showEnjoying The Content?For the price of a cup of coffee each month, you can enable Christianityworks to reach 10,000+ people with a message about the love of Jesus!DONATE R50 MONTHLY

Na die viering van Wêreld Slangdag gaan bewaringsbewustes voort om bewustheid te skep oor die belangrikheid van die beskerming van die reptiele. Hulle beklemtoon dat, ten spyte van wydverspreide vrese, slegs ongeveer 10 tot 15 persent van die ongeveer 3 900 bekende slangspesies wêreldwyd giftig is. Kosmos 94.1 Nuus het met slangkenner Fracois Theart gesels, wat verduidelik dat slange natuurlike, kostelose plaagbestryders is. Slange help om knaagdier- en insekbevolkings te reguleer, en speel so 'n belangrike rol in die beskerming van gewasse.

Ester Ochse – hoof: geïntegreerde advies, FNB Volg RSG Geldsake op Twitter

Johan Gouws – hoof: welvaartadviesdienste, PPS Volg RSG Geldsake op Twitter

Die voormalige MK-partylede, Duduzile Zuma-Sambudla en Nhlamulo Ndlela, beplan regsoptrede teen hul skorsing uit die party. Hulle is verlede week geskors weens beweerde growwe wangedrag wat verband hou met hul optrede rondom die dood van ʼn mede-partylid, Muzi Ntshingila. Die party beskuldig die twee dat hulle ongemagtigde openbare verklarings gemaak het wat eenheid in die party ondermyn en interne reëls oortree. Ndlela, wat die party se woordvoerder was, sê geen tugstappe is teen hulle gedoen nie en geen bevindings is bekendgemaak voor hulle verwyder is nie:

Die Amerikaanse visepresident het nie teruggehou toe hy media by die Withuis toegespreek het oor die ooreenkoms met Iran nie. Dit het in Israel onder skoot gekom met verskeie ministers wat baie uitgesproke was daaroor, veral omdat Israel nie in die ooreenkoms geken is nie, en verder, die bepalings is nie in lyn met Israel se Iran-doelwitte nie. Vance sê hulle moet twee goed onthou.

Terwyl die Trump-administrasie die memorandum van verstandhouding wat met Iran onderteken is ophemel, is nie Israel en alle Amerikaners, veral Republikeine, asook ander kritici so opgewonde daaroor nie. Jeremy Bowen, Sky News se hoogs aangeskrewe internasionale redakteur en politieke kommentator, wonder wat die Amerikaans-Israeliese oorlog met Iran nou eintlik bereik het.

Bernice en die broers van Droomsindroom het Vrydag, 19 Junie, op Breakfast with Martin Bester oor hul nuwe enkelsnit gesels. Hulle het ook vertel hoe hulle aan die liedjie saamgewerk het en hoeveel hulle eintlik in gemeen het.

Kry die nuus soos dit breek.

Amerikaanse president Donald Trump het by die G7-spitsberaad in Frankryk gepraat en dring daarop aan dat die Straat van Hormuz "tolvry" sal oopmaak ingevolge die VSA se ooreenkoms met Iran om die oorlog te beëindig. Hy het ook gesê Iran sal "nooit 'n kernwapen hê nie" en het Israel oor sy aanvalle op Libanon gekritiseer. Trump sê al wat eintlik vir hom saakmaak is dat Iran nie 'n kernwapen sal maak of koop nie, anders sal die hel op hulle reën.

#2 Konsentrasie en Fokus Jou Spesiale Gawe Van God 'n Studie het ondersoek hoe gereeld 'n gemiddelde Amerikaanse universiteitstudent werklik aandag gee aan enigiets. Die wetenskaplikes betrokke het dophousoftware op hul rekenaars geplaas en gemonitor wat hulle gedurende 'n tipiese dag doen. Hulle het ontdek dat 'n student gemiddeld elke vyf-en-sestig sekondes van take verwissel. Die mediaan tyd wat hulle op enige een ding gefokus het, was slegs negentien sekondes.Met meer mense wat al hoe meer tyd op skerms spandeer, raak ons behoefte vir ware KONNEKSIE meer akuut! Ware konneksie verg AANDAG GEE, 'n fyn aanvoeling vir mekaar ontwikkel, teenwoordig wees! Mag die Here ons help om in hierdie tegnologiese gerigte wêreld, relevant te bly sonder om ons siel te verkoop. Ons gesels vandag oor Bybelse maniere om jou AANDAG weer te leer fokus.

Die minister van Binnelandse Sake, Leon Schreiber, sê buitelandse burgers moet seker maak hulle het geldige visums of wettige magtiging om in Suid-Afrika te wees, aangesien immigrasiewette steeds streng toegepas word. Dit volg na die repatriasie van 586 Nigeriese burgers wat onwettig in die land was. Alle betrokke individue is as ongewens verklaar, wat tot 'n vyfjaarverbod op hertoelating gelei het. Schreiber doen 'n beroep op buitelandse burgers om hul status te wettig om soortgelyke optrede te vermy:

Slagoffers van Jeffrey Epstein staan president Donald Trump se nominasie van Todd Blanche as prokureur-generaal in die VSA teen. Hulle voer aan hy was deel van vergaderings in die Withuis oor hoe om die skade vir die Trump-administrasie rakende die Epstein-lêers, te beperk. Een so slagoffer, Liz Stein het met CNN gepraat.

Die kwessie van Angolese kinders wat op plaaslike strate houtkunsvlyt verkoop en bedel, bly in die nuus. Terwyl Stad Windhoek 'n mosie aanvaar het om die beste maniere te ondersoek om die situasie aan te spreek, glo Civic 264 dat die probleem benader moet word met die kinders se sosiale welstand en regte voorop. Kosmos 94.1 Nuus het met die organisasie se direkteur, Ethne Mudge gepraat.

Die Amerikaanse Nasionale Lugvaart- en Ruimte-administrasie, Nasa, het Artemis III se bemanning van vier aangekondig. Hulle sal landingstuie toets vir toekomstige sendings wat op die maan land. Die ruimtevaarders wat volgende jaar ʼn ruimtesending sal onderneem, is bevelvoerder Randy Bresnik, vlieënier Luca Parmitano, en die sending-spesialiste Andre Douglas en Frank Rubio. Dit volg twee maande na Artemis Twee se reis om die maan wat Apollo 13 se afstandsrekord verbeter het. Nasa-administrateur Jared Isaacman sê die bemanning sal ook bymekaarkom- en koppel-vermoëns toets:

ReconAfrica het saam met sy vennote Namcor en BW Energy produksietoetsbedrywighede by die Kavango West 1X-put in die hoogs belowende Damara-vougordel begin. Die toetsresultate sal na verwagting teen einde Julie bekendgemaak word. ReconAfrica sê verder dat permit- en terreinvoorbereidings aan die gang is vir die Kavango-Wes 2A evalueringsput. Hulle verwag om voor die einde van die derde kwartaal te begin boor, onderhewig aan finale regulatoriese goedkeurings. Uitvoerende hoof Brian Reinsborough het op 'n Proactive Investors-uitsending beklemtoon dat die toetsresultate 'n belangrike stap is om die kommersiële lewensvatbaarheid van die Kavango-ontdekking te bewys.

Jennifer Barkhuizen – bemarkingsbestuurder, Managed Integrity Evaluation Volg RSG Geldsake op Twitter

Die minister van Sport, Kuns en Kultuur, Gayton McKenzie, sê die Patriotic Alliance sal nie stem om president Cyril Ramaphosa in ʼn staat van beskuldiging te plaas nie. Die Parlement het ʼn ampsklagkomitee van 31 lede aangestel om te bepaal of hy sy ampseed oortree het. Dit hou verband met die inbraak in 2020 by sy plaas, Phala Phala, in Limpopo waar buitelandse valuta gesteel is. McKenzie sê Ramaphosa neem nie die Artikel 89-paneel se verslag op hersiening om die Parlement te vermy nie:

Huurbedrog, veral in Windhoek en Swakopmund, is aan die toeneem omdat bedrieërs die hoë vraag na bekostigbare behuising uitbuit. Hulle doen hulle dikwels voor as wettige verhuurders of eiendomsagente om slagoffers deur middel van verskeie sleuteltaktieke te bedrieg. Kenners meen dat wetgewing kort en die huurbeheer-wetgewing wat in die vorige parlementsjaar ter tafel gelê is, terug op die tafel moet wees. Kosmos 94.1 Nuus het met George Kambala, parlementslid van die AR-beweging gepraat.

Die minister van Justisie en Grondwetlike Ontwikkeling, Mmamoloko Kubayi, verwelkom die skorsing van ʼn aanklaer van Mpumalanga, Mkhuseli Ntaba, hangende tugoptrede. Hy het Maandag versuim om op te daag by die Kwaggafonteinse landdroshof, waarna die saak teen die taxi-magnaat, Joe ‘Ferrari' Sibanyoni en ander van die rol geskrap is. Hulle het tereggestaan op aanklagte van afpersing en geldwassery. Woordvoerder Palesa Rammitlwa sê ʼn lasbrief is uitgereik vir Ntaba se inhegtenisneming:

Die vakbond Solidariteit het 'n nuwe padkaart bekendgestel wat teen 2030 'n rasvrye Suid-Afrika bepleit. Hulle stel voor rasgebaseerde wetgewing moet geleidelik uitgefaseer word en vervang word met beleide wat fokus op armoede, jeugwerkloosheid, vaardigheidsontwikkeling en ekonomiese groei. Corne Mulder van Solidariteit sê die huidige rassewette kon nie werkloosheid en ongelykheid aanspreek nie. Mulder voer aan bemagtiging moet gegrond wees op sosio-ekonomiese behoefte eerder as op ras: