Düt un dat op Platt

Frank Jakobs stellt Ihnen eine Grünkohltradition aus Japan vor und es geht um Walking Football. Eine Sportart, bei der Fußball gespielt wird, aber nicht gerannt werden darf.

Düt mol liernt Ji dat Book "Momsen, Tiere, Sensationen" kennen, dat ward spannend! Wi kiekt na Lindern, wo dat mit eens en groot Iesfeld geven de, un kiekt bi de Bickbeernschweizer Speeldeel in Rosengoorn vörbi.

Vertell doch mal löppt - dat vertellt wi noch mal. Keno Bergholz, en ne'e Moderator vun us, kann Platt proten! Howard Carpendale hett in de sösstiger Johren in Metas Musikschuppen speelt un dat Nettwark Platt in Buxthuu hett en Bellmann-Johr organiseert.

Us Plattbotschaftersche Annie Heger makt Lust op "Vertell doch mal", us Geschichtenwettstriet. Wi kiekt na't Ohnsorg-Theater un dat Stück "Wi sünd de Ne'en" un ok na de Döser Speeldeel in Cuxhaben. Un wi stellt dat Tonarchiv "Plato" vör.

Düt mol geiht dat üm Vörhaben för dat niege Johr, üm Glücksbringer, de Last mit dat Wesseln bi Strom, Water un annerswat un üm 50 Johr Ollenborger Landschaft.

En poor Kinnergedichte, en Wiehnachtsbratwost, man ok de Afscheed vun Gerd Spiekermann vun de Bühn un dat Wark vun de Seemannsmission to Wiehnachten - dat hört Ji hier.

Dreiht sik dütmol üm Adventskalenner, üm en Truerrednersche, de dat ok op Platt maken deiht un üm en fein Idee: Schenk ole Lüüd in't Ollenheim Tiet un lees jüm wat för - op Platt.

Wi hebbt Ostfreesen bi't Boßeln besöcht - in Berlin! Wi stellt den iersten Platz vun Plattsounds vör - de Band "Rice of Jesus", kiekt op dat Wark vun Rudolf Kinau, den sienen föfftigsten Doodsdag nu weer un gratuleert Marina Bohlen to den "Keerlke"-Pries.

Jan Wulf weer op de plattdüütsche Bökermess, Frank Jakobs hett sik mit künstlich Intelligenz bi en Plattöversetter befaat, Janina Possel weer in de ole Seefohrerschaul in't Ole Land un wi gratuleert den Muskanten Lars Luis Linek to'n 70. Geboortsdag.

Dütmol stellt wi ut de Reeg "Mit Drift" en engagierte Rettungssanitäterin vör, wi schnackt öber der plattdüütsche Bökermess un öber "Lüttjepütt - dat Hörspeel" na den Roman vun Johann D. Bellmann.

De Quickborn-Verlag hett en groten Pries kregen, wi gratuleert. Denn stellt wi dat niege Book vun de Hallig-Pastorsche Gertrude von Holt vör un kiekt bi den Plattkring vun'n Bundesdag vörbi.

In düsse Utsennen geiht dat üm en Chor ut Wilhelmshaben, de in Grönland en Kunzert gifft. Wi graleert Susanne Bliemel to en Literaturpries, hebbt en Stellungnahm vun'n Bundesrat för Nedderdüütsch to en Ännerungsvörschlag för't Grundgesetz un mehr.

"Erntedankfest" gifft dat vun Frank Jakobs in de Rubrik "Ostfriesland in echt" to hören, denn stellt wi en altfriesisch Wöördenbook vör un kiekt us dat Musical "Rock op Platt" in Bremerhaben an. Un dat geiht üm Platt in aller Welt - in Bad Bämsen.

In Bad Bämsen geev dat en Pries för den Musiker Bert Hadders - wi hebbt en Utsnitt vun de Loffreed vun Otto Groote. Denn weeren wi bi't Theaterfestival in Cuxhaben dorbi un bi Annie Heger un Yared Dibaba heet dat "Op de Fründschop".

Gerd Spiekermann is op den Hund kamen, de "Niederdeutsche Bühne Brookmerland" hört nu to den Nedderdüütsch Bühnenbund to un freiht sik! Op de Landwirtschaftsutstellen NORLA geev dat veel to seihn, un de Theatergrupp Lohbrügge hett en nieget Stück.

Wi sünd bi en Notfallmanöver op en traditionell Ewer in de Veerlannen dorbi ween, kiekt op de Aktion "Platter Freedag", stellt en Plattgottesdeenst in't Eichsfeld vör un hebbt ok wedder Hör mal 'n beten to dorbi!

To den Freudenthal-Pries freiht sik Birgit Lemmermann, de jungen Lüüd vun't Theater in Gannersee proovt dat ierste Stück un in Ostfreesland is wedder de Plattdüütschmaand an'n Start mit veele Veranstalten. Dat un mehr hett Ilka Brüggemann tosamenstellt.

Wat weer de Emslandplan, denn dat vör 75 Johren geven hett? Wo schmeckt Koken op Platt? Wat gifft dat nieges an Musik vun Ina Müller un Otto Groote? Dat un mehr ward Ji in düsse Utsennen gewohr!

In düsse Utgaav kiekt wi bi't Reinemaken an'n Strand vun Neeharlingersiel to, wi liernt dat Freilichtmuseum an'n Kiekebarg mit veele Aktionen kennen un sünd bi't Plattfestival Elmshorn ween.

Wi kiekt mal op Platt in Südneddersassen, denn stellt wi en nieget Projekt för Saterfreesisch vör un hört en wunnerbor Bidrag vun en Poetry Slam op Platt.

Üm en Vagelstimmenimitator dreiht sik dat dütmol, denn kiekt wi, wat an de Universitäten in Saken Platt so löppt un vertellt wat to den Musikwettstriet "Plattbeats".

Wi stellt en inklusive Swimmgrupp vör, in de sik all veele Fründschaften begründt hebbt. Wi kiekt na Hesel - dor schallt veele Anwohners bannig hoge Gebühren för en niege Straat betahlen. Un wi gaht op Verbrekerjagd in'n Süden vun Hamborg.

Wi stellt de Arbeid vun de Grupp "Häkelhektar" in Lümborg vör, kiekt torüch un vörrut op den Schrievwettstriet Vertell doch mal un makt en Utfloog na en Weekenmarkt.

Düt mol: En Roboter-Trecker op'n Acker - is dat de Tokunft? En plattdüütschen Comedian as "Begleitarzt" vun't Butenministerium? Henning Kothe is dat! Un denn geiht dat noch üm Strandbeleevnisse un Seggwiesen.

In düsse Utsennen geiht dat üm een Töörn mit en Elv-Fischer, wi kiekt op dat Thema Grillen un Pingsten un makt en Utfloog mit de Museumsbahn in Geesthacht.

Dat Museumsfüerschipp "Elbe 1" is nu in Cuxhoben anleggt, dor kiekt wi hen. Un wi weern op Besöök bi den Knobelstammdisch Marienhaaf bi Auerk - den gifft dat tomindst siet 75 Johr.

Düt mal geiht dat üm den "Oll Mai", üm dat Mehrgenerationenkunzept in Vrees un üm 220 Johr Singverein Emden.

Vandaag sünd wi up en Recyclinghoff to Besöök un bi en Beerbroer. Dat geiht üm dat Nedderdüütske Hörspill un üm den Moderdag. Die Welt snackt Platt - alles rund um das Thema Plattdeutsch: https://www.ndr.de/platt

De Appelbööm blöht wedder bannig freuh in't Olland, dorüm geiht dat ünner annerm. Denn ok noch üm Leevde in düssen "Wonnemaand". Vör allem gedenkt wi de Schauspelersche Edda Loges un den Plattaktivisten Karl-Heinz Groth. Beid sünd köttens versturven. Die Welt snackt Platt - alles rund um das Thema Plattdeutsch: https://www.ndr.de/platt

Klor dreiht sik dat dütmol en beten üm Ostern, man vör allem üm dat, wat to Ostern all bi veele op'n Disch kummt: Spargel. Dorto is Schrievers as Ina Müller, Günter Harte, Gerd Spiekermann un Ines Barber wat infullen. Mehrsttieds wat to'n Högen!

Düt mol geiht dat üm Romantik, dor weet Matthias Stührwoldt wat to vertellen. Denn kiekt wi bi`n Buern op't Spargelfeld, stellt de Priesdrägers vun den Willy-Beutz-Pries vör un Breefmarkensammlers.

Dütmal dreiht sik dat üm dat Ohnsorg-Theater, üm en Gastronomie-Idee in Cloppenburg un wi erinnert an den Schauspeler Horst Arenthold, de köttens sturven is.

In düsse Utsennen stellt Frank Jakobs de scheunste Koh vun Neddersassen vör, Ji liernt "Johnny Ubben" kennen, de makt Countrymusik op Platt, un wi weren bi en Koophuusparty in Rhauderfehn dorbi mit Claus Halstrup.

Wi gratuleert "Brösel" - Rötger Feldmann, den Erfinner vun de Kultcomicfigur "Werner" - to'n 75. Geboordsdag, we vertellt, wat bi de Vorjury vun "Vertell doch mal" los weer un gratuleert Schrieversche Grete Hoops to'n 90. Geboordsdag. Podcast "Düt un dat op Platt" https://www.ndr.de/ndr1niedersachsen/podcast4622.html

Wi hebbt dütmol Tipps för de Goorn, stellt en Stammdisch in de Lümborger Heid vör un dat Wark vun en ehrenamtlich Hölpersche bi'n DRK.

In düsse Utgaav truert wi üm Henk Scholte, den Musiker un Moderator ut Groningen, de ok in Ostfreesland heel bekannt weer. Wi kiekt op de Arbeit vun de DGzRS, stellt en Café-Idee mit "Sett di dorto"-Schiller vör un kiekt op Theater in'n Heidekreis.

Dat Verdeenskrüüz för den Musiker Gerd (Balou) Brandt vun Laway, en Broschüür mit Deernamen op Platt un en oole Töverer, de dat nich ween laten kann - dat sünd en poor vun de Themen in düsse Utsennen.

Dütmol stellt wi de neije Plattbotschafterin vun "Vertell doch mal" vör: Enie van de Meiklokjes. Un dat Motto düt Johr is: "Mit'nanner". Denn hett Timsen vun Santiano en Solo-Album makt - tosamen mit anner "Dialektsängers". Dat un mehr.

In düsse Utgaav stellt wi den emsländischen Plattpodcast vör, wie makt en Waldföhren för Schölers op Platt in de Südheid mit un stellt dat niege Album vun Lars Luis Linek vör.

Wi hebbt en plattdüütsch Schaul in Uplengen besöcht, befaat us mit goode Vörsätz, kiekt op "Glücksbringer" un stellt en Sülbstverteidigungskurs för öllere Minschen vör.

Wat is egens in en Goorncenter in de Vörwiehnachtstiet los? Worüm hett Dartsspeelen so en Opwind? Wenn gifft' dat "Tapfere Schneiderlein" op Platt in't NDR Fernsehen? Dat un mehr hett Ilka Brüggemann in düsse Utsennen för Ji tosamenstellt.

Plattdüütsch Musik vun künstliche Intelligenz? Stellt wi vör! Denn hebbt wi en "Krippenbaukurs" besöcht unu hebbt Tipps för Platt op den Gavendisch. Ilka Brüggemann stellt Bökers vör.