IERLIK!?

Sorry, sorry, sorry! Wae doon auk mer get en zien erg druk gewaest mit de vastelaovend, vasten, groupies, cadeautjes, unne neije transportfiets mit dreij versnellingen en truuktraprem en en en... Zoe en ut ligt stiekem allemaol auk un bietje aan uchzelf...abonneer dich efkes op Spotify. Nou...Doot mer...goed zo! Dan nog get angers...Binnekort waere wae nog beroemder want de Limburger haet os gevonge! Ennn nog get angers, want wae hebben un meet en greet gehad mit ozze trouwe luusteraar Frans. Ut waas bej Marlon Kicken.

Jaaaaaaaaa dao zien wae wir...wat un jaor, tot volgend jaor...Wae zien bijna altied ierlik gewaest dit jaor, behalve die kiere det wae det neet koste zien. Ut waas un biezonger jaor veur os allebei, mer wae hebben os der mier dan prima daorhaen geslagen als zegge wae det zelf. Wilt gae ozze biste veurnemens huur veur 2024? Luuster dan veural dees podcast. Wilt gae ut neet huure, val dan kapodcast...

Jaaaaaaaaa, daor zien wae wir!!! In dees podcast euver keuzestress waare wae zoe gestresst det wae de keuze hebben gemakt um ut neet euver keuzestress te hebben. Dus gae hebt twiee opties, luustere of neet luustere. Wae maken os vandaag druk um ut zeekehoes, Chaats domein de zorg, verkiezinge, vrouwlie die topless zonne zonger zich in te smeren, beer drinken mit unne goije raeje, graas aete umdet ut vult, vrouwlie die zich neet sjeere, kerst zonger baum en nog veul mier. En der is nog veul mier zonger det wae ut der euver hebben. Dus maak uch borst(en) mer naat, want wae hebben ut wel euver dingen die angere allein veur zichzelf haoje. Dus... Kusje van de menkes... #podcast #ierlik #dialect

Jaaaaaaaaaaaaaaaa hik, oepsie, hik, bierrrrr. Op ut verjeudaagscadeautje van Chaat (een fantastische aovend trouwens) hebben wae naeve ut vieren van zien verjaoring en de vriendsjap auk unne podcast opgenomen mit spesjaal biertjes...Sterkte der mit lieve luusteraar, want alcohol makt mier kapot dan uch lief is...Wae staon neet in veur kwaliteit, auk neet of alles wel ierlik is, eigenlijk hebben we dees podcast de ether opgeslingerd en weite wae zelf neet mier wat wae hebben gezagd... Luuster mer ins wat alcohol mit dich duit...sorry...sorry...sorry!

Jaaaaaaaaaaaaaaa hej zien wae wir, uche twiee manne mit de plopkap van Røde! Witse wat neet werkt? Dingen die neet werken. En nae wae hebben ut neet euver jongens die ronkrieje in Kepèl mit unne auto det neet van hunzelf kin zien. Nae wae hebben ut euver wereldproblemen, euver zaken die echt neet werken!! Wae gaon neet vertellen waor wae ut euver hebben, want dan mot gae mer luustere want dit werkt wel. Kusje! Wat werkt volgens uch neet? Goij ut op de socials...hoije wae van!

JJJJJJJAAAAAAAAA daor zien wae wir en sterker dan oeits! Mit Roel in os hert gaon wae vandaag ut laeve wir ins recht in de moel aankieke. Un ierlik verhaol mit get sjaele wazel. EN DET IS NEET ALLES!!! Dit waas nummerke 50, wat zien wae trots op oszelf en Røde en natuurlijk auk op uch! Lof joe all, mer nog veul belangrieker van os kinse missjien auk nog get liere, haal der mer get oeht en vertel ut angere. Vandaag geit ut euver dingen die angere taege dich zeggen en desse dinks: doot ut lekker zelf! Of jao aoje pik, zal wel...Mer clichés en laeveswiesheden liggen die dicht bejein? Un vrouw die de bein neet heet gesjaore heet waorsjienlijk euveral haore, dit zien raakklappers. Die zien gewoen waor, klopt, niks mier aan doon! Mer is det auk zoe veur al die angere dingen. Chaat en Ronnie nemen uch mit in un good verhaol, abonneer uch op Spotify en zeg wat gae der van vong! Wie blieve trouwens greuije door uch!! JOEHOOOOEEE!! Vul auk efkes de enquete in ongeraan in Spotify, kriege wae vet veul geld veur. Kinne wae wir get drinke kaupe in de supermert.

Jaaaaaaaaaaa dao zien wae wir en in gans Limburg te ontvangen. Nog dreij daag wies Circus Chaat op EGOpop gans Peel en Maas amuseert. Komt dat zien! Heet Essent dich gebeld of die fieze gierige van Rattenfall um die variabel contract te wijzigen in get wasse neet vast wils hebben? Det veult un bietje as altiedh vlaai aete van de supermert, ut liekt baeterkaup mer dich wits auk det der veule baetere vlaai is. Ut veult un bietje as unne litste bitterbal op zonne partysjaol, iets wasse neet perse wils mer ut dan toch mer nims. Kriesse der allemaol gin energie van? MOOI, want heij zien wae: de mannen van IERLIK!? Wae hakken de waek doormidden en zorgen derveur det dien hemelvaart baeter is dan dae van Christus. Wae hebben ut euver goije energie en wat det mit dich duit. Wae bespraeke ut gewoen mit os vleugje zijdezacht begrip veur alle minderheden in os maatsjappij, wae deinze neet truuk veur unne ierlikke meining te gaeve. Asse wils weite wie desse energie mos tanken en morgen wie unne ADHDer daor ut laeve geis, luuster dan nou de podcast:

Jaaaaaahahahahaaaaaa dao zien wae wir! Uch favoriet zinloos uurtje dinke angere, mer wat wirse toch wiés van ozze podcast hè? Nou kinse dien partner ins vertellen wasse echt veuls, dinks en duis. Nou witse waorum dingen wel werken, kriesse eindelik antwoorden op echte laevensvraoge en durfse thoes auk unne kier 'NEA' te zeggen. Dink ins good aan zichzelf! Uhhhm huren dich dinke: "aan michzelf dinke, wat is det?"... Nou de mannen van IERLIK?! vertille euver wat det veur hunzelf beteikent, good veur dichzelf zorgen. Zorgen wae good veur os zelf. En as eemes det tegen dich zeet, heet det zin? En un stuk vlaai aete is det good veur dichzelf zorgen? En auk leggen wae elkaar onmogelijke dilemma's veur...Wat vingse daor zelf van? En dan nog dit: wat is dien 13? Zet ut in de commentaars, wig mit Katja S. op naor get angers. #Podcast #ierlik #limburg #dialect

Gezellig, det bepalen wae zelf wel! Wat is det gezelligheid? Makt Chaat picdicks of toch neet of is dae wel ierlik? en is det gezellig dan? En dae Ronnie is dae wel gezellig of is ut mit hum huule mit dreij petten op? Zien vrouwen angers asse gezellig zien en kinne die det wel echt? Mit unne high tieë roddelen euver wieveul raumsoeze angere in de gaevel douwe is det dan gezellig? En wie det kin det die kilo's bej hun neet in de vot geit zitten? Mannen zoeie dan zeggen det die waorsjienlik unne stoelgang heet van unne olifant en angere mannen lachen dan. Is det gezellig? Wae kieke naor wat gezelligheid nou eigenlijk is. Ennnnn Joyce is wig (veur efkes)...

Jaaaaaaahhhh, daor zien wae wir en wae zien huulemaol os zelf! Of toch neet?! Hooj uch vast want dit is unne deepe podcast allein veur minse die durven get wiejer te kieke dan Kunningslus of d'n Bookend. Dit is unne zwaore, net wie de zwaore sjek onder de erm van de vrouw vreuger bej de snoepjeswinkel die dich oeht ut bovenste rek unne zoore mat te pakken. Net zoe zwaor as unne kilo zoorvleis euver dien kingerfrietje mayo. Wie kieke ut laeve aan, recht aan, wae stelle de vraoge in ut laeve ter discussie die der toe doon, verdiepend, verhelderend en veural filosofisch! Lier, ervaar, wir rieker en veural rieper in dien laeve.

Jaaaaaaaaaa euver un paar daag is ut stiekeme verliefdheisdaag (Valentijn) en dich bis noeits te aod um dien liefde de waorheid te vertellen. Dus hebben wae un kaertje gemakt, samen mit Ruud van Vlaaibaar, kost 1 piek en ligt bej de Primera in Kepèl. Steur dien stiekeme vlam dit kaertje en ut wirt zeker seks of un aetentje of gewoen niks...mer det heesse al, dus gauw halen want wat kriesse nog veur unne euro...?! Dit is auch ut ezelsbruggetje naor ozze neije podcast Aojer waere en nurges spiët van kriege. Wae hebben ut euver ozze angsten, vroulie die aojer waere, waorum ut tof is um man te zien, wae nog neet doëd gaon, wat wae mit de wiësheid van nou angers gedaon zoeie hebben en nog veul mier zoëals hangtiete, gries haor, rimpels, raukvleis, bierviltjes of ja wae weite auk neet mier echt waor wae ut euver hebben gehad. Ein dink weite wae wel, ut waas unne goije en wae sjriewe wel of toch neet? Luuster mer gauw.

Messi is unne vervaelende Argentijnse teek. Unne zuuger...Chaat vingt van neet, Ronnie vingt van wel. Nederland, nae wae hebben verloren...Chaat veult zich Hollander, Ronnie neet...Chaat en Ronnie hebben auk unne mening euver Nederland in de Gouden eeuw en wae roope nog mier dinger euver ut land waorin wae woëne. Zien der euver 50 jaor nog wel Nederlanders? En huure wae as Limburgers wel bej Nederland? Wat is dan typisch Nederlands? Waor zien wae trots op? Wat is de meist invloedrieke Nederlander? Zien Nederlandse vrouwen knap en good in bed? Wae hebben de antwoorden, luuster gauw!

December is unne commerciële vraetmandj. Half november liggen de pepernoten en gevulde speculaas in de winkel en proppe wae ierst zoetjes de kinger al laegend lekker vol en as naogerecht sloete wae lekker efkes aaf mit unne gourmetsjottel ingesmeerd mit truffelmayonaise. En as wae net bejgekomen zien van de hemelse modder dae wae nog achter de varkenshaas aan mostte douwe, stikken wae nog net neet in unne oliebol mit Aod op Nej. Wat un heerlikke tradities hebben wae toch of neet? Wel of ginne baum? Unne echte of neet? Veul seks mit die daag? Ruzie? Zien wae christelijk? Zwarte Pieten? Dees mannen zien neet bang, wae bespraeke ut. Luuster gauw!

Jaaaaaaaa daor zien wae wir. Wae zien wir goot verbereid as vanaods. As unne olifant mit legerkisten stampen wae de emoties oeht ozze aafgetrainde commando body. Wae zien mannen van staol en laote uch ruuke aan wie ut laeve is zonger det iets dich kin raake. Net wie Rambo zien eigen erm dichtnejde en mit kroeht zien wonk dichtbrandde, det is wie wae auk dit ongerwerp wir tackelen. Wae maken emoties kapot, wae sjakelen ze oeht net wie de lampen op Panningen Noord. Os hert is duuster en maken van helloween nog mier horror, wae zien erger dan de gaasprieze, gruwelijker dan secondeliem en tomatensoep in un museum, wae zien best geveulig...eigenlijk...En wae willen un emotievrije daag, eigenlijk vief...Luuster gewoen en verman of vervrouw dich.

Echte mannen huule neet! Of wel? Wat zien det emoties? Wat kinne wae der mit, wat motte wae der mit en waor kumt ut vandaan? Is det lekker emotie? Wilke emoties zitten der in os en zien wae mannen van staal of allumillililium of wie hit det anger goodkaup grei? Wae zien euverigens nog neet klaor mit dit en hebben groeetse plannen. Dit deil mosse geluusterd hebben veurdetse deil zwei snaps. Bietje zoeget as knuffelen nao de .... of ja anger veurbeeld juuu euver de petatte.

Jao waor geit deze podcast neet euver? Vriendenweekend 2.0 en stikstofproblemen, de politiek, minse die laege, eigenlijk alles oehtgelagd in 61 minuten. Wae dinke nou auk det wae de wereldproblemen verder opgelost hebben, manjig blikken wae hej op truuk en kieke wae of un reflectiemomentje (nou veurbereid) op zien plaats is. Haije!

Zien wae oeht balans, is de waegsjaol kepot? Wat is det balans en hebben wae ozze zaakjes good op orde of rommelen wae mer get aan? Kinse in balans zien, zien ut verwachtingen of ja weite wae veul...Dees twiee filosofen hebben de antwoorden.

Jaaaaaaaaa! Doar zien wae wir, unne daag det Katja as sjoof de pook lut verdwiene. Snaps wel det wae automaat rieje. Wae hebben de kermis overlaefd, de kermis in de kop en ut laeve is eine groeete kermis. De attracties waere duurder, de prieze bej ut touwtje trikke zien nog slechter dan ut goijekaupste greij bej de Ac-tion en bliekbaar is de gebakken vis neet mier te vangen in de doeije zieë. Al mit al genog om os wir enorm druk te maken euver vanalles en nog get. Luuster mit os mit op unne daag waor desse naater onger de erm bis dan unne zieëhonk bej ut Dolfinarium.

Jaaaaaa woensdag gehaktdag, de ganse waek doormidden en neemus heet vandaag zin um te werken naor 12 oor. Dus om uch wir de daag door te laote komen unne lekkere rommelige podcast. Wae zien ut un bietje verlierd, unne roeije lieen te ontdekken en te volgen. As twieë simpele verticuteermachines die euver net gezeijd graas meije, zoë is dees podcast wir aangevlogen. Wae hoije de sjwung der hopelijk in de komende waeke en verwachten auk get feedback van uch oppe sociale media.

Vandaag zien we wer effe truuk. We kieken truuk op wat os bzeig heet gehaoje en we kieke un klein bietje veuroeht!

Wem zien die jongens? Wat doon die? Waor laeve die van en waor halen ze al die sjlumme praot vandaan? Wae zien wir truuk van wiggeweest en proberen uch wir, as alles ut toe lut, te veurzeen van luustervoor! Wat wae in de tussentiehd mit hebben gemakt en nog veul mier. Luuster wir snel en dit kier ginne Jumbo Panningen. Huul erg bedankt veur al uche leeve berichtjes, ut duit os allemaol goot. Fijn det gae der ziet!

Ut laeve is wat dich gebeurt terwiel se angere plannen maks……. Nao 2 waeke zien we der wer. Mesjien neet in de energie dae se van os gewind bis of dae se van os verwachts. Mer det kumt doordet d'r nogal get op os paad is gekomen. Chaat heet ut effe lastig mit zichzelf en Ronnie heet ganse angere zurg aan ziene kop. Dao geit ut vandaag over. Mesjien herkinse der get in. Mesjien rakt ut dich. Of mesjien kinse der effe hielemaol niks mit. En det is auch prima, dan kinse deze podcast vandaag baeter effe overslaon. Vanaaf minuut 25 deilt Ronnie un hiel ierlik verhaol….. Un verhaol wat hae eigenlik leever noeits heij vertild.

Dao zien we wer! Ut heet effe get langer gedeurt dan det de bedoeling waas, mer det kumt umdet Chaat zichzelf kwiet waas gewaore op de Malediven. Daorum waas ut de hoëgste tiehd um wer effe lekker te connecten samen. Det hebben we gedaon! Luuster mer nao wat wae van elkaar woije weite! Hebt gae nog vraoge die wae veur uch kinnen beantwoorden? Info@ierlik.nl | www.ierlik.nl

Vandaag hebben wae ut euver nep. Wat is nep en nep kin det auk sjoen zien? Is ut nep, laeve wae in unne nepwereld? Duit ut pien um dingen te ontdekken, kusje derop

Heit tussen ut zweit en hits tussen de bibs, det is ut in de zomer! Zand tussen de tiëne en diene handdook onger ut zand asse um net oehtgestald hees...Wat is unne ideale BBQ? Favo zomerdrankje en nog veul en veul mier. Wae gaon der waorsjienlik auk efkes tussenoeht, mer missjien auk neet. Dus missjien kumt der nog unne podcast, mer missjien auk neet. Fijne vakantie! Ut Hapje van de week van Jumbo Panningen is get mit spargel van Teboza. Luuster gauw wat Ilse os heet gebracht! info@ierlik.nl | ierlik.nl Muziekfragment: Baianá (Bakermat)

Jaaaaaaaa tutududu inspector Gadget! Nou vandaag hebben wae ut euver dingen diese gebroeks en neet nuddig hees, zoëas un sterrenhemellicht veur in de slaopkamer. Wat in ut nachtkesje ligt en nog veul mier dingen die euver de taofel vleege. Auk ut hapje van de week van de Jumbo Panningen vloog trouwens...Luuster mer gauw wat wae as testpanel vonge van de courgette (rauw). info@ierlik.nl | ierlik.nl Muziekfragment: Baianá (Bakermat)

Jaaaaaaaaaaa podcastvriedig en wir eine om dien vingers beij aaf te likken. Wae hebben ut euver #angsten of likse dien vingers noeits aaf nao ut verorberen van unne sparerib of unne druipende vegaburger? Un bietje Keessmetvrees duit det natuurlik neet, wat doon wae neet en waor zien wae bang veur? Ut hapje van de week is supervet! Dit kier waren ut slaatjes un kroketslaatje en un frikandel speciaal slaatje. Bedankt Jumbo Panningen! info@ierlik.nl | www.ierlik.nl Muziekfragment: Baianá (Bakermat)

Joehoe wae hebben ze gevonge, nou ja un bietje dan. Ze zit al vief jaor in Australië! Ut is Nina en wae kriege te huure wie ut mit heur geit en wat wae kinne liere van ut liefdesavontuur beij de Aussies. Wae hebben ut euver un druimhoes, fijnste ruumte in hoes en wat wae neet mogen doon in ut hoeshooije en nog veul mier. Ut hapje van de week van de Jumbo Panningen is dit kier Popworks! Check snel wat wae der van vonge. Info@ierlik.nl | www.ierlik.nl Muziekfragment: Baianá (Bakermat)

Werken det veult as neet werken en asse werks desse veuls det ut neet hooft. Neemes minder dan Big Benny (Raodslid Gemeente Roermond en ozze volkszanger en veural un erg fijn mins) praot mèt os mit en gaeft os un sjoene kiek op werken. Auk vandaag wir un hapje van de week van de JUMBO Panningen. Luuster gauw mit os mit naor de neijste podcast van de mannen van IERLIK!? Info@ierlik.nl www.ierlik.nl Muziekfragment: Baianá (Bakermat)

Ut blieft un taboe, praote euver de doëd mer wae proberen ierlik te zien en det te doorbraeke mit un ierlik gesprek naor oszelf en naor elkaar, mit natuurlijk un knipaug en get humor. De doëd luchtig maken det proberen wae. Wae hebben ut euver ozze eigen begrafenis en of wae al klaor zien om doëd te gaon. Dit kier hebben wae ies van de Jumbo Panningen. Wilt gae weite wat wae der van vonge luuster snel, want ut waren der twieë! info@ierlik.nl www.ierlik.nl Muziekfragment: Baianá (Bakermat)

Jaaaaaaaa alles euver ut EK, voetbal en ozze selectie. Natuurlijk dit kier auk wir un verrassing van de Jumbo en nou un drankje. Beneijd? Luuster gauw en laot os weite wat gae dinkt, vingt of dat duisse gewoen neet, auk goot! info@ierlik.nl www.ierlik.nl Muziekfragment: Baianá (Bakermat)

Triest neijs hebben wae...Wae veule os verdrietig...Mer auk huul blij want wae hebben unne podcast euver winkelen. Idderein herkent wel get van wae vertille en wae nemen uch mit in de wereld van verleiding, kaupe kaupe kaupe & hebbe hebbe hebbe. En ut hapje van de week van de Jumbo Panningen: Pannenkoek vla special. info@ierlik.nl www.ierlik.nl Muziekfragment: Baianá (Bakermat)

Wat aeten wae vanaovend? Wat is dien favoriete drankje en is aeten functioneel of kin ut auk un hobby zien? Dit en nog veul mier in de neije podcast en mit as hoeëgtepunt os sponsorcontract mit de Jumbo (Panningen - Harald en Ilse van Beek) ozze buren. Wie vet is det! E: info@ierlik.nl www.ierlik.nl  Muziekfragment: Baianá (Bakermat)

Nummerke 13 en un ongerwerp wat echt lastig is te vangen. Humor! Wat is det en wie wieët kinse gaon, zelfspot en flauwe grappen vanalles kumt veurbeij in dees podcast. Luuster um snel en laot os veural huure wasse der van vongs. info@ierlik.nl Alles stelt op www.ierlik.nl Muziekfragment: Baianá (Bakermat)

Der zien toch potdomme veul dingen geweest waor wae veul plezeer van hebben gehad. Sommige dingen zien gewoen neet mier van dees tiehd en daormit oeht, of ja hoofs ut der neet mit ins te zien. Det huure wae gaer! Auk as gae ut leuk vong moog gae det zeggen, alles prima! mail os: info@ierlik.nl www.ierlik.nl Muziekfragment: Baianá (Bakermat)

Lekker sporten dit weekend? Of mier unne bankzitter? Wae hebben ut euver sport en wat sport is volgens os en wilke momenten indruk heet gemakt. Luuster mit nao ozze podcast nummerke 11 en laot os weite wat gae der van vong. Mail: info@ierlik.nl Website: www.ierlik.nl Muziekfragment: Baianá (Bakermat)

Motte wae nou wel of neet op vakantie gaon Mark R.? Neemes wit ut, behalve ozze GODMOTHER of travel van Peel en Maas. Wae vraoge um advies en det kreege wae. Veur vraoge of opmerkingen kint gae os altied mailen: info@ierlik.nl Ozze aafleveringen kinse truuk luustere via ozze website: www.ierlik.nl Muziekfragment: Baianá (Bakermat)