Sentir Asturies

Aprovechamos el domingu pa seguir per tierres de los yerbatos y conocer más iniciatives del conceyu de Bimenes. Arrancamos, como siempre, col nuesu particular filandón cola actualidá menos actual que güei dedicamos a recordar la carrera de l'actriz Verónica Forqué de la manu d'Alma Hidalgo. Falamos (y cantamos) con Alicia Villanueva, yerbata y una de les voces más moces de la tonada asturiana. Otra selmana más tenemos cursu de feminismu pa dummies con Jennifer Berrocal que güei mos fala de qué ye eso del amor romántico y de les noticies más ablucantes pala igualdá d'esta selmana. Visítanos l'escritor Nicolás Bardio pa presentanos la so torna a l'asturianu de "El xenial Don Raposu" de Roald Dahl. Y tando en Bimenes nun podemos marchar ensín falar con Orfe Suárez, del grupu folclóricu "Lus Yerbatus" que tanto trabayen por caltener y difundir la cultura y tradiciones del conceyu. Vámonos un poquiñín más p'allá, pa La Collá, en Siero, dende onde Manuel Blanco mos fala de senderismu. Y pesllamos colos datos random de Marcos SL pa romper el xelu que güei dedica a impostores nel doblaxe.

Esta fin de selmana seguimos en ruta y aposentamos los micrófonos nel conceyu de Bimenes, tierra de yerbatos. Arrancamos, como siempre, col nuestru particular filandón nel que mos averamos un poco al conceyu y nel que tamién David Fernández mos falará de salú mental. Falamos, como nun podía ser menos, con Aitor García, alcalde de Bimenes, pa conocer tantes coses bones del conceyu y los retos pal futuru. Nun sabemos si ye futuru o ye presente, pero falamos con Sergio Ordóñez, conocíu como Dj Pepiox08 y l'encargáu d'amenizar tolos saraos yerbatos. Como cada selmana coneutamos colos nuesos corresponsales pel mundu y recibimos los reportes de Raúl Alonso dende Valladolid, Carlos Sobrín dende L.laciana, Silvia Fernández dende Andalucía y Xuan Nel Turiel dende Alemania. Asoma per equí tamién Vítor Suárez pa falanos de "Charlie y la fábrica de chocolate" de Roald Dahl y que t'acabante de tonar al asturianu. Tamién s'asoma Aitor Riera colos sos viescollacios pa falanos de lo importante de ser responsables coles mascotes nestes feches tan señalaes. Y pesllamos cola emprendedora yerbata María Menéndez, responsable de la marca de ropa "La Raposa".

Seguimos n'Uviéu, nun programa un poco más curtiu y paez que ya tamos casi tastiando'l turrón. Arrancamos, como siempre, col nuesu particular filandón nel que comentamos les noticies más absurdes del mundu. Tenemos les moderneces y presumicios de Llucía Miravalles, de Ringo Rango, que güei mos fala de Mariah Carey. Falamos con Sandra Rodríguez, comisaria de la exposición "Pirates, los lladrones de la mar" que va tar les prósimes selmanes nel Revillaxixéu de Xixón. Otra selmana más conocemos más viescollacios col nuesu espertu Aitor Riera que güei mos fala de pesca y piscifactoríes. Y pesllamos falando con Carlos García, l'estudiante de Llión reprendíu por tomar los sos apuntes de clase en llionés.

Esta fin de selmana ponémonos en ruta ya emitimos dende Uviéu, capital d'esti cachín del mundu. Arrancamos col nuesu particular filandón nel qu'aprovechamos pa falar de la recién agresión homófoba que tuvo llugar na capital y aprovechamos pa recordar la presencia de Lorca n'Asturies casi un sieglu dempués. Tenemos nueva lleición de feminismu pa dummies con Jennifer Berrocal que güei va falanos d'interseccionalidá y de diversidá LGTBI+. Aprovechamos la visita a Asturies de Matthew Stephen Stuckwisch y que foi nomáu embaxador de la llingua asturiana pola asociación Iniciativa pol Asturianu pa conocer les sos motivaciones p'averase a esta llingua y les sos perspectives pa col idioma. Coneutamos colos nuesos corresponsales pa recibir los reportes dende Alemania de Xuan Nel Turiel, dende Colombia d'Andrés Toro y dende Galicia d'Eva Cameán. Falamos col cineasta xixonés Pablo Vara, una de les cabeces tres de "Gora Automatikoa", la gran sorpresa nes nominaciones de los Goya a la meyor película d'animación. Y pesllamos con Claudia Lueje, la nuesa esperta en montaña, que mos vien a encamentar toles opciones pa disfrutar de la ñeve y la montaña agora que vien l'iviernu.

Seguimos dende'l monasteriude la Merced, en Raíces, percorriendo'l conceyu de Castrillón. Arrancamos colnueso particular filandón cola actualidá menos actual. Tenemos nueva lleiciónde feminismu pa dummies con Jennifer Berrocal que mos va falar de la"brecha orgásmica". Con Marcos Sl seguimos deprendiendo cómoromper el xelu nun ascensor y güei propónnos un percorríu pelos memes másfamosos de la historia d'internet y qué foi de los sos protagonistes.Aprovechamos que s'acerca la Navidá pa falar con Juan Carlos Molins, deCastricom, l'asociación de comerciantes y hosteleros de Castrillón que mos vapresentar la campaña pa estes fiestes y la feria del regalu. Seguimosconociendo iniciatives del conceyu y por eso falamos con Mario Díaz,vicepresidente de la Banda de Gaites de Castrillón que mos cuenta la sohestoria y los proyeutos pal añu qu'entra. Pesllamos con Aitor Riera ylos sos viescollacios que güei mos fala d'especies invasores.

Aprovechamos la ponte y garramos camín hasta'l monasteriu de la Merced, en Raíces, dende onde emitimos esta fin de selmana dedicada'l conceyu Castrillón. Arrancamos col nueso particular filandón nel que güei falaremos de dellos castrillonenses ilustres. Tendremos les últimes novedaes de les moderneces y presumicios de Llucía Miravalles, de Ringo Rango. Col nueso profesor d'historia, Faustino Zapico, seguimos desarmando la historia y vamos ver qué ye verdá neso de que Guillotín inventó la guillotina. Coneutamos colos nuesos corresponsales y recibimos reporte de Raúl Alonso dende Valladolid, Carlos Sobrín dende L.laciana y Xuan Nel Turiel dende Alemania. Aprovechando que tamos en Raíces, falamos con Alejandro García Álvarez-Busto, director de les escavaciones del Castiellu de Gauzón y con Noelia Fernández Calderón, restauradora. Y falamos tamién con Andrea Joglar, pero esta vez non solo como música, sinon como técnica de normalización llingüística del conceyu pa ponenos al día de les actividaes que tan desendolcando.

Llegamos al últimu domingu de payares y ya pensamos más nel nataliegu qu'otra cosa. Arrancamos col nuesu filandón nel que güei Alma Hidalgo mos trae un fenómenu viral que mecigaya en rellatos eróticos a diferentes políticos d'ámbitu estatal. Tenemos otra lleición de feminismu pa dummies con Jennifer Berrocal na que güei mos fala de los movimientos "Red de aborto seguro" y de "Denuncia tu bar". Recibimos los reportes de Xuan Nel Turiel dende Alemania, Andrés Toro dende Colombia y Carlos Sobrín dende L.laciana. Seguimos resolviendo los silencios incómodos d'ascensor colos datos random pa romper el xelu de Marcos SL que güei dedica a curiosidaes Disney. Tamién tenemos tiempu pala música porque falamos col músicu Héctor Braga col que vamos conocer un poco más de l'asturianada. Y pesllamos colos nuesos viescollacios de los que cada selmana conocemos más gracies a Aitor Riera que güei mos fala d'arañes.

Enfocamos la fin de payares o paez que'l tiempu emburria pa ello. Arrancamos col nuesu particular filandón nel que recordamos el fenómenu de les Spice Girls más de dos décades dempués. Vamos preparándonos pales fiestes porque nes moderneces y presumicios de Llucía Miravalles, de Ringo Rango, tenemos les meyores propuestes pala Navidá. Onde de xuru foi difícil cellebrar muncho foi en Salem onde se diz que quemaben bruxes, eso si nun ye otru falsu mitu hestóricu de los que mos desarma Faustino Zapico. Coneutamos con Raúl Alonso dende Valladolid y Eva Cameán dende Galicia pa recibir los sos reportes como corresponsales pel mundu. Falamos con Fernando Argüelles, conocíu como Banskyastur, pa que mos presente la so iniciativa solidaria en forma calendariu qu'esti añu ta encamentada a la salú mental. Y falamos tamién col cantante Carlos Rubiera que mos va falar del so caberu trabayu, el llibru-discu "30 asturianaes"

Domingu y seguimos en Turón, nel conceyu Mieres, onde ya tan poniendo les potes a calentar pala fiesta'l pote. Arrancamos col nueso filandón nel que percorremos l'actualidá menos actual con David Fernández. Nun podemos pensar del pote ensín falar de les manes que ponen en valir la nuestra gastronomía y por eso falamos col cocineru Pedro Martino que tuvo'l martes faciendo un showcooking basáu nesti platu. Nel feminismu pa dummies de Jennifer Berrocal, como mierense que ye, aprovechamos pa conocer les actividaes ya iniciatives entamaes nel conceyu con motivu del 25 payares, día internacional contra la violencia de xéneru. Coneutamos con Xuan Nel Turiel dende Alemania, Andrés Toro dende Colombia y Carlos Sobrín dende L.laciana pa recibir los sos reportes. Visitaránnos, una selmana más, los viescollacios d'Aitor Riera que güei mos fala de protectores d'animales. Y, pa finar, falamos col periodista especializáu en gastronomía David Fernández-Prada que mos averará a delles iniciatives entamaes alrodiu la cultura y el bon comer nel conceyu Mieres.

Esta fin de selmana garramos el macutu y marchamos pal valle de Turón, nel conceyu Mieres. Arrancamos, como ye vezu, col nuestro filandón de l'actualidá menos actual onde David Fernández falarános del casu del falsu coma de Manel Monteagudo. Aprovechando que tamos nel conceyu Mieres, que ya ye cita obligada n'axenda cultural asturiana, falamos con Juan Ponte, conceyal de cultura. Y como tamos equí cola escusa de qu'esti añu ye'l XXX aniversariu de la fiesta'l pote, falamos con Violeta Pérez, vicepresidenta de la Sociedá Turonesa de Festexos (SOTUFE), alma mater d'esta y otres munches actividaes. Y ensín salir del conceyu falamos con otru mierense, l'historiador Faustino Zapico, que mos sigue desarmando la historia y tumbando los falsos mitos históricos como lo de que Napoleón yera tan piquiñín. Y pa baxar el pote nun hai nada meyor qu'echar a correr y por eso Claudia Lueje, la nuesa esperta en deporte y montaña, fálanos de les cites obligaes pala xente aficionao a les carreres nel conceyu Mieres. Y de Turón al cielu, facemos conexón colos nuesos corresponsales pa recibir el reporte d'Eva Cameán dende Galicia y de Raúl Alonso dende Valladolid.

Domingu de fútbol pero nos somos más de comer pipes que de xugalu. Arrancamos el programa col nuesu filandón cola actualidá menos actual na que güei David Fernández nos actualiza datos del casu del obispu de Solsona, fálanos de la secta de los miguelianos y de que la fía de la Pantoja quier ser notaria, él sabrá cómo lo fila. Falamos con Lino Gómez Feito, una referencia del karate asturianu y estatal y actual seleccionador d'Asturies. Como non too va ser deporte, visítanos Sergio Buelga pa presentanos los sos talleres d'escritura de microteatru que se van facer esti mes en Xixón. Como ayeri nun mos cabíen tolos reportes de los nuesos corresponsales, coneutamos con Carlos Sobrín dende L.laciana, Andrés Toro dende Colombia y Silvia Fernández dende Andalucía. Otra fin de selmana qu'aprovechamos p'asomanos a la natura con Aitor Riera y los sos viescollacios, que güei mos fala de los ratos. Y finamos col historiador Ramón Sordo que mos fala de "La Montera", el primer periódicu n'asturianu.

Entamamos una fin de selmana más, con cutu y borrina, la cuenta pa Sentir Asturies en toles sos acepciones. Arrancamos col nueso particular filandón nel qu'abordamos l'actualidá menos actual y nel que güei Alma Hidalgo mos fala de les polémiques alrodiu l'actriz Verónica Forqué y David Fernández mos fala de "Juan Pilila", la polémica serie infantil danesa que ta acabante de llegar al nueso país. Tenemos les moderneces y presumicios de Llucía Miravalles, de Ringo Rango, que güei mos fala de conseyos "beauty". Aprovechamos pa tomar un cafetín con Marian Lobo, vocera del proyeutu "Afayaivos conversando" nel que trabayen pol averamientu cultural ente persones en movimientu. Coneutamos colos nuesos corresponsales pel mundu y recibimos el reporte de Xuan Nel Turiel dende Alemania, Eva Cameán dende Galicia y Raúl Alonso dende Valladolid. Falamos col perconocíu músicu folk Rigu Suárez, la metá del dúu Baxel, que mos presenta'l discu de debut "El cantar del Simpatías". Y seguimos con música porque mos visita Toli Morilla pa presentar el so nuevu trabayu "Canciones transgénicas para el mundo mascota".

Domingu de fútbol y equí, como una lloncha de quesu nun sandwich presu seguimos con un programa más curtiu pero non menos intensu. Arrancamos col nuesu filandón nel que güei Marcos SL mos fala de cantares que parecen guapos pero llueu al tornalos nun lo son. Falamos col axitador cultural y embaxador d'esta Asturies nuestra Rodrigo Cuevas que mos presenta'l proyeutu que tan entamando en L'Infiestu pa recuperar La Benéfica. Y otra selmana más tenemos cursu de feminismu pa dummies con Jennifer Berrocal que güei mos fala del movimientu "me too" y de les últimes noticies alrodiu la situación de la muyer.

Pasamos ya la nueche d'ánimes y entramos dafechu en payares, tiempu de castañes y de fueya suelto. Y pa sueltu ta'l nuesu filandón cola actualidá menos actual nel que falamos, ente otres coses, de la polémica alrodiu la única actividá n'asturianu del Botánicu. Como cada selmana tenemos les moderneces y presumicios de Llucía Miravalles, de Ringo Rango, que güei mos fala de Balenciaga. Seguimos desarmando la historia con Faustino Zapico que vien a cuntanos qué hai de verdá alrodiu'l mitu héstoricu de la famosa frase a la muerte de Xulio César. Aprovechamos pa dar una vuelta pela natura con Aitor Riera y los sos viescollacios, qu'esta vez mos fala de los furones. Recibimos los reportes de Xuan Nel Turiel dende Alemania, Andrés Toro dende Colombia, Raúl Alonso dende Valladolid y Silvia Fernández dende Andalucía. Y seguimos de viaxe porque cruzamos el cordal pa falar con Ricardo Chao del so llibru "Los reis de Llión" que ta acabante d'espublizar. Y, anque'l tiempu nun acompañe muncho, vien la nuesa montañera de referencia Claudia Lueje pa proponenos una ruta pal Roblón de la viesca de Cuestafría.

Llegó Samaín y como güei hai fútbol acabamos un poco antes la cuenta pa dir antroxanos. Arrancamos col nueso filandón cola actualidá menos actual y que güei aprovechamos pa falar de teoríes conspiranoiques alloriaes. Otra selmana más tenemos cursu de feminismu pa dummies con Jennifer Berrocal que mos va falar de qué ye eso de la interseccionalidá. Asomámonos a la pantallina con Iván Llera pa falar de los estrenos de televisión que tan por venir. Otra selmana más tenemos una esbilla de coses random coles que romper el xelu nun ascensor con Marcos SL. Y como ye ponte, qué meyor qu'averase a la natura y por eso vien Aitor Riera colos sos viecollacios a falanos de culiebres n'Asturies.

Viéspora de Samaín y nos, que nun se mos ve, antroxaes d'ánimes del purgatoriu. Arrancamos col nueso filandón cola actualidá menos actual y una esbilla de datos curiosos p'arrancar bien el sábadu. Lleguen les moderneces y presumicios de Llucía Miravalles, de Ringo Rango, que güei mos fala de moda norcoreana. Vien el nueso historiador de cabecera, Faustino Zapico, que sigue desarmando la Historia y güei mos fala de qué hai de ciertu y non alrodiu los Tercios. Recibimos los reportes de Xuan Nel Turiel dende Alemania, Eva Cameán dende Galiza, Carlos Sobrín dende L.laciana, Raúl Alonso dende Valladolid y güei incorporamos a Silvia Fernández como corresponsal dende Andalucía. Falamos con Aránzazu Sánchez y Javier Moreno, de l'Asociación Cultural "La Serena" de Xixón que mos presenten les actividaes qu'entamen pa esti Samaín. Salimos de ruta cola nuesa esperta en montaña Claudia Lueje que mos desplica delles aplicaciones móviles amañoses ya interesantes pa dir de monte. Y finamos el programa col nuesu consultoriu respondiendo a les duldes de les nueses y nuesos oyentes.

Nun mos dieron nengún premiu ayeri pero bastante tenemos con averanos a vosotres peles ondes. Güei arrancamos col nueso particular filandón nel que, agora que se cumplen diez años de la fin d'ETA, recordamos el casu más absurdu d'aquella dómina como foi el falsu secuestru de Bartolín. Nes moderneces y presumicios de Llucía Miravalles, de Ringo Rango, analizamos los outfits que más-y prestaron de la manifestación pola oficialidá de la fin de selmana pasada. Seguimos desarmando la Historia con Faustino Zapico que güei mos cuenta qué hai de verdá cuando se fala de canibalismu n'América precolombina. Visítanos Pilar Sánchez Vicente, pero esta vez ye pa falar de la so nueva novela, "La hija de las mareas, que ta acabantes d'espublizase. Y lo que tamién va poco qu'asoleyó foi el comic "Milicias Vascas Antifascistas" del que mos vien falar el illustraor llangreanu Guillermo Menéndez Quirós. Llega la fin de selmana y si lo permite'l tiempu tenemos otra propuesta pa percorrer los montes d'Asturies con Claudia Lueje que güei mos fala del picu Gorfolí. Y pesllamos con consultoriu nel que damos voz a tolo que mos manden los nuesos oyentes.

Cola resaca d'un día perimportante pala llingua asturiana volvemos a les ondes. Arrancamos col nueso particular filandón nel que güei falamos de canciones de resaca, de la polémica de C. Tangana y Nathy Peluso na catedral de Toledo y del vidiu de Samantha Hudson. Sentámonos delantre de la pantallina con Iván Llera que mos fala de "El juego del calamar", el fenómenu televisivu del que tol mundu fala. Y de daqué que ya nun fala tanta xente ye del volcán de La Palma y pa eso tenemos al xeólogu Iyán González que mos fala de la so evolución. Col güeyu puestu ya no que paez l'entamu del fin de l'andanciu falamos col actor Pablo Mare que mos cuenta cómo foron estos dos años y les perspectives pal sector del teatru profesional. Y seguimos con artistes porque falamos cola actriz María Cotiello, presentadora del concursu "La reválida" qu'emite TPA. Vuelve otra selmana más Aitor Riera, el nueso espertu n'animales que mos fala de la llacra de l'abandonu animal. Y finamos, como cada domingu, col consultoriu con delles de les duldes y suxerencies de los nuesos oyentes.

Día perimportante pal futuru de l'asturianu al que tenemos el gustu de poner voz nes ondes. Arrancamos col nueso particular filandón nel que falamos, ente otres coses, de les nueves revelaciones sobre la separación de The Beatles. Seguimos coles moderneces y presumicios de Llucía Miravalles, de Ringo Rango, que güei mos avera a la moda rural. Vuelve Faustino Zapico, el nueso historiador de referencia, que mos sigue desarmando la historia y güei mos cuenta qué hai de mitu y de verdá alrodiu de l'afirmación de qu'España ye'l segundu país del mundu con más fuexes comunes. Coneutamos con Xuan Nel Turiel, Barbara Biaglioli, Andrés Toro y Eva Cameán, los nuesos corresponsales pel mundu, que güei mos falen de cómo s'averaron a la nuesa llingua y qué significa pa ellos. Y como tamos na fin de selmana tenemos a Vítor Suárez sentáu delantre la pantallona pa cuntanos les estrenes nos cines y siga nel so ranking de películes aburríes. Y finamos falando col músicu Maxi Areñes que mos presenta l´últimu discu del grupu piloñés Fontoria.

Domingu de resaca de derbi del fútbol asturianu y de prebes de certificación d'asturianu y nosotros entamámoslu col filandón de l'actualidá menos actual na que güei mos centramos na cayía de Whatsapp, Facebook ya Instagram y les alternatives pa echar el tiempu pala prósima. Falamos con Claudia Elena Menéndez, doctora en filoloxía pola Universidá d'Uviéu que ta participando na Université de Lorraine nel diccionariu etimolóxicu DÉRom. Vuelve "La pantallina" d'Iván Llera que güei mos fala de los refritos braniegos de les televisiones. Y onde sí que nun hai refritos ye en Mieres onde va entamar la nueva edición del festival FIASCO del que mos fala'l so promotor, Carlos Barral. Otra selmana más Marcos SL mos esbilla les sos propuestes de coses random pa romper el xelu nun ascensor que güei tan dedicaes a deportistes tramposos. Y rematamos cola nueva seición de "Viescollacios" na qu'Aitor Riera mos fala d'animales exóticos.

Día de derbi nel fútbol asturianu y nos, pa nun metenos en xardinos, vamos callar como afogaos. Lo que sí que trayemos ye'l nueso filandón d'actualidá menos actual nel que falamos de lo políticamente correuto. Otra selmana más vuelve Llucía Miravalles, de Ringo Rango, pa desplicanos qué ye eso del "fendace". Falamos con Xosé Miguel Fernández "Tapia" que mos presenta'l so llibu "Como augua de torbón" acabante d'espublizar y que recueye la represión franquista nel noroccidente d'Asturies. Coneutamos con Barbara Biaglioli dende Italia, Xuan Nel Turiel dende Alemania, Andrés Toro dende Colombia y Eva Cameán dende Galicia pa recibir los sos reportes. Y ya qu'emitimos de fin de selmana, vuelve Vítor Suárez con "La pantallona" pa comentanos los estrenos de la fin de selmana y falanos d'eses películes que siempre tan nes llistes d'aburríes. Y si la selmana pasada falábamos cola nuesa montañera Claudia Lueje de la figura d'El Cainejo, esta sentámonos al pie del Urriellu pa conocer por qué se llama

Domingu de fútbol y domingu tamién nel qu'emitimos el nuesu programa númberu 69 y tenemos l'ambiente un poco cargáu nel estudiu. Arrancamos col nueso filandón nel que güei falamos de les noticies más absurdes de les influencers. Vuelven les lleiciones del cursu de "Feminismu pa dummies" de Jennifer Berrocal que güei va tar dedicáu al drechu al albuertu y los avances y retrocesos nel mundu. Estrenamos la seición de "Fecho en China" naque David Fernández mos trae les meyores propuestes d'oxetos que nun necesitamos o nun sabemos bien pa qué sirven pero queremos. Otra selmana más MarcosSL mos ayuda con coses random pa romper el xelu nun ascensor y güei ye de toes eses pallabres que pensamos que decimos bien n'inglés... but not. Seguimos col güeyu puestu nel Festival de l'ablana de L'Infiestu y falamos col cocineru Rafa Raigoso que va participar nun taller de cocina con ablanes qu'entama l'asociación Les Ablanes. Y como lo prometíu ye delda, tenemos consultoriu de los nuesos oyentes qu'esta vez va dedicáu a toos esos sitios feos de los nuestros conceyos, la feografía.

Arrancamos una fin de selmana enllena d'actividaes patolos gustos. Arrancamos el nueso particular filandón nel que s'incorpora AlmaHidalgo y escueye l'ímpetu empresarial de Belén Esteban pa estrenase,ella sabrá. Vuelven les moderneces y presumicios de Llucía Miravalles,de Ringo Rango, que güei mos fai resumen del día la indumentaria que secellebró la fin de selmana pasada en Grau. Coneutamos con Xuan NelTuriel dende Alemania, Barbara Biaglioli dende Italia, AndrésToro dende Colombia y, la nueva incorporación, Eva Cameán, dendeGalicia que mos unvíen los sos reportes como corresponsales pel mundu. Falamoscon David Guardado que mos cuenta qué actividaes tienen nel VIII Día dela Reciella que se ta cellebrando esti día nel Muséu del Pueblu d'Asturies. Ynesti día tamién se cellebra'l 50º Festival de l'ablana en L'Infiestu y porello falamos con Iván Allende, alcalde de Piloña, que mos cuenta lesactividaes. Y p'acompañar eses ablanes tamién falamos con Llucía Fernándezy David Martín que mos falen del Salón Internacional de Sidres de Galaque se ta cellebrando en Xixón.