Podcasts about cussegl

Sco «palaz da l'aria» è el vegni titulà: il nov jet dal Cussegl federal. Dapi quest onn fa el kilometers en l'aria. 103 milliuns francs ha el custà, e damai procurà per intginas lingias grossas. En il mintgadi è il jet in instrument impurtant da lavur per la regenza Svizra. RTR è sgulà il favrer ensemen cun il minister da l'exteriur Ignazio Cassis en Rumenia, quai a chaschun da l'Emna rumantscha. En questa «Marella» prendain nus quest viadi sco exempel per in da blers ch'in commember u ina commembra dal Cussegl federal fa en uffizi. Nus sclerin las dumondas: Tge signifitgi d'inscuntrar autras culturas? Tge reglas valan a l'exteriur ? Co ir enturn cun pajais ch'han tut autras ideas? Tge èn las sfidas e tge portan tals viadis a la politica Svizra? Nus discurrin dentant era cun il pilot sur da sia lavur e sur da las sfidas da sgular cun cussegliers u cusseglieras federalas d'in lieu a l'auter.

Suenter ses studi d'economia da manaschi a Cuira è Fabian Collenberg vegnì elegì sco chanzlist communal a Sumvitg, quai cun be 23 onns. Uss, 10 onns pli tard, è el sa decidì per ina nova via, ina nova sfida. La stad mida el tar l'interpresa Curia sco cussegliader da vischnancas. Dasperas fa Fabian Collenberg anc politica e fa part da la partida Il Center. Dapi il 2022 è el era deputà en il Cussegl grond a Cuira. «Cun 23 onns n'aveva jau anc betg gronda experientscha e sco nov chanzlist è quai stà ina pulita sfida. Jau hai però gì grond sustegn, uschia che quai è ì detg pulit.» Cumenzà a s'interessar per la politica ha Fabian Collenberg gia baud. Il 2014, suenter ses studi, è el lura daventà suppleant tar la partida Il Center, da lezzas uras la PCD Cadi. Pli tard ha Collenberg era presidià durant sis onns la partida giuvna. Il 2022 suonda il pass en il Cussegl grond. In'influenza d'entrar en quest mund politic haja gì era Martin Candinas, di Fabian Collenberg. Mo el n'haja atgnamain nagins siemis politics, i fissi dentant bel d'anc vegnir elegì l'onn proxim per in'ulteriura perioda en il Cussegl grond. Ina gronda muntada en la vita da Fabian Collenberg ha er il Club da ballape Trun/Rabius. Dasper esser giugader da la segunda equipa ha el anc surpiglià il post da cassier da l'uniun. Fabian Collenberg appreziescha cunzunt era la collegialitad cun ils congiugaders ed ils fans. Esser ina part da quest club saja insatge fitg bel. «Il sport dat a mai l'equiliber en la vita», uschia Fabian Collenberg.

Marcus Caduff ponderescha da candidar per il Cussegl federal – Il territori da skis Hochwang gira puspè – Noe Näff ha rimnà ils emprims puncs da cuppa mundiala da passlung.

Archeologs han chattà a Casti in champ roman ch'è pli che 2'000 onns vegl – Silvia Hofmann è vegnida elegida sco presidenta dal Cussegl grond – La familia Caduff maina dapi 60 onns la chamona Punteglias

Il 1980 ha HR Giger gudagnà in Oscar per ils megliers effects visuals. – Las differenzas da temperatura spossa ils avieuls. Nus avain visità l'apicultur Patrick Müller e dumandà co ch'i va cun ils avieuls e sche la racolta da mel è en privel. – Tina Deplazes è vegnida elegida sco co-presidenta da l'Allianza dal center dal chantun Turitg. La Turitgaisa è era rumantscha e politisescha cun ses 27 onns era en il Cussegl chantunal. Nus avain visità la politicra versada a Turitg.

Sia via politica ha manà Hansjörg Hassler da la suprastanza communala fin en la Chasa federala. Sco cusseglier naziunal è el era stà il 2007 tranter las fronts da las partidas cura che Eveline Widmer-Schlumpf è vegnida elegida en il Cussegl federal. Il pur da Donat ha gì da bandunar la PPS ed è stà l'entschatta schef da fracziun da la PBD. Uss è el commember da l'Allianza dal Center e damai in da paucs ch'enconuscha fitg bain trais partidas. La politica observa el mo pli a distanza. Ses cor è dentant restà tar il puresser: è el anc oz uschè savens sco pussaivel en stalla e gida ses figl.

Critica or dal Cussegl grond envers ils plans da la Viafier retica – Golf sin il Lai da San Murezzan schelà

Il departament d'educaziun, cultura e protecziun da l'ambient ha stuì bandunar ils biros pervi d'asbest – il chor viril da baselgia Savognin festivescha 175 onns – «Pultischem», in sguard davos las culissas da l'elecziun en il Cussegl federal

L'onn culminant en la carriera dal politicher Martin Candinas è a fin: suenter in onn sco president dal Cussegl naziunal èsi temp da pachetar las chistas e da dar giu il biro. Martin Candinas raquinta da las sfidas e dals privilegis d'in tal uffizi. Per exempel co ch'el è vegnì en gasetta en Vietnam, co ch'igl è stà da dar il maun al Papa e pertge ch'Emmanuel Macron nè betg stà sez il highlight da sia visita a Berna. Uss è Martin Candinas puspè in cusseglier naziunal sco tut tschels, ma il schlantsch e las ideas na mancan betg. Il politicher tradescha, pertge ch'el ha adina energia sco ina lieur da Duracell, pertge ch'el ha insumma cumenzà a s'interessar per la politica, quant navidas ch'el gieva a scola e pertge ch'el dat vinavant cunzunt in motto a ses uffants: sche ti vuls cuntanscher insatge, stos simplamain dar gas!

Entant che tuts spetgan plain mirveglias sin ils emprims resultats da las elecziuns dal Cussegl naziunal e Cussegl dals chantuns, porscha la Marella in prolog cun istorgias, fatgs e cifras da l'elecziun actuala ed ils cumbats dal passà. Dapi 175 onns pudain nus, l'entschatta mintga trais pli tard mintga quatter onns, eleger in nov parlament naziunal. En october dal 1848 han ins elegì en Grischun en districts electorals separads ils emprims quatter cussegliers naziunals. Dapi alura han 84 umens e sis dunnas represchentà il Grischun en la chombra gronda a Berna. Ils cussegliers dals chantuns vegnivan ils emprims decennis elegids dal Cussegl grond. Tgi ha gì ils davos 175 onns e tgi ha oz las meglras cartas per ir a Berna? Co vesevi or cun la participaziun a las votaziuns pli baud e tge quota ans spetga questa dumengia. Valentin Schmed e Guadench Dazzi sa fatschentan cun la campagna electorala actuala, scrutinis dal passà e dattan in sguard sin il di d'elecziuns.

Sandra Baltermia-Guetg è mamma da trais mattas. Ella maina cun ses um a Salouf in bain puril. Cun vegnir en vischnanca sco chanzlista ha ella er chattà l'amur en il lieu. Avant in onn ha la dunna oriunda da Savognin candidà per il Cussegl grond – per sulettamain 11 vuschs n'ha la via betg manà la Surmirana en il parlament chantunal. L'interess e l'engaschi politic è restà, l'interess per dumondas da famiglia e da las dunnas er. Perquai è ella daventada la stad passada presidenta da las dunnas da l'Allianza dal Center Grischun. Ella s'engascha en la politica cun l'optica da las dunnas, ed uschia saja ella ina feminista. En il Profil raquinta ella dentant er da ses viadis, e pertge che New York plascha atgnamain meglier ad ella ch'esser ad acla.

Cussegl federal Co davent'ins cussegliera federala? Gronda tensiun en la Chasa federala. Quest'emna èn Elisabeth Baume-Schneider ed Albert Rösti vegnids elegids en il Cussegl federal. Il Minisguard mussa la via per daventar cussegliera e cusseglier federal e declera tge funcziun che els han lura. Scienziads e perscrutadras Il Minisguard ha visità Armin Duff, il manader da l'exposiziun dal Technorama a Winterthur. En furma d'in quiz, cun tschintg experiments, ha Armin declerà, tge qualitads ch'ina scienziada u in perscrutader sto avair.

Il president dal Cussegl naziunal Martin Candinas è sin visita tar l'emissiun «Controvers». Co vul el furmar ses onn da presidi? Co vegn el a sias decisiuns? E tge vegn suenter?

Temas da quest'emissun: - Nova surveglianza da raits da protecziun - Novitads - Festa per il nov president dal Cussegl naziunal Martin Candinas - Meteo

Temas da quest'emissun: - Martin Candinas è elegì sco president dal Cussegl naziunal - Il Telesguard ha accumpagnà Martin Candinas durant il di - Martin Candinas en l'intervista: Las emoziuns da quest di - Intginas perlas d'archiv or da la carriera da Martin Candinas - Martin Candinas en l'intervista: Las sfidas da l'uffizi e sias finamiras politicas - Collegas dal Cussegl naziunal fan cumpliments a Candinas

Temas da quest'emissun: - Abunaments per politicras e politichers gratuit - Las novitads - Cussegl europeic pretenda da promover Rumantsch - Dus grischuns al Ironman Hawaii - La Meteo

Fabio Luzio è electroinschigner ed uschia ha el da raquintar ina massa davart quel tema che procura il mument per quitads e discussiuns. Il mument è el manader da project per lingias d'auta tensiun. Il Surmiran passenta bler da ses temp liber en las muntognas ed il settember è per el temp da chatscha. Il temp liber vegn dentant adina pli stgars. Fabio Luzio è la primavaira vegnì elegì en il Cussegl grond e l'entschatta dal mais ha el fatg er questa experientscha e uss ha el gia in sez en ina cumissiun permanenta – in'excepziun en la politica chantunala. Er quai vegn ad esser tema dal Profil.

Temas da quest'emissun: - Midar la professiun: exempel hotelleria - novitads - Festivitads per il president dal Cussegl grond Tarzisius Caviezel - Tunnel da Vereina: Novs vehichels per cas d'urgenza - La Meteo

Temas da quest'emissun: - Tar la chatscha che cumenza, vai en il Partenz era per sajettar in luf - Co duas novizas en il Cussegl grond passentan lur premiera - L'uniun da teater Domat fa festa, cun preschentar il toc «Anno Onna» - La Meteo

Temas da quest'emissun: - Gea tar la lescha da persunal en il Cussegl grond - Novitads - «Das Gelbe des Eis» da Donat Caduff - La Meteo

Temas da quest'emissun: - In luf ch'ha attatgà nursas duai vegnir sajettà - Novitads - L'ospizi da l'Alvra è inaugurà - Luana Bergamin, noviza en il Cussegl grond - Meteo

Trais mais guerra ed adina dapli discussiuns, tge che quai signifitga per l'avegnir. Insatge para numnadamain cler: Sco avant na vegni betg pli ad esser. Tge vul quai dir per la neutralitad da la Svizra, per l'armada ed er per il Cussegl federal? Stefan Engler (AdC) e Sandra Locher-Benguerel (PS) èn giasts en il «Controvers» da Berna. Redacziun e moderaziun: Andri Franziscus

Temas da quest'emissun: - Tge dian giuvens e giuvnas dal dretg da vuschar cun 16? - La davosa sessiun en il Cussegl grond – tgi vul e tgi sto chalar - Novitads - Suenter dus onns pausa puspè in Sontgilcrest quasi sco usità a Domat - Meteo

Entant che tuts spetgan cun mirveglias ils emprims resultats da las elecziuns per la regenza ed il Cussegl grond, porscha la Marella in prolog cun istorgias, fatgs e cifras da l'elecziun actuala e dals cumbats dal passà. Dapi il 1894 datti il sistem chè anc oz en vigur cun 5 cussegliers guvernativs e 5 departaments. Dapi lura han 75 umens e 2 dunnas guvernà il Grischun. Co statti cun las schanzas che questa dumengia vegn elegida ina terza dunna en la regenza? Tgeninas minoritads èn stadas adina puspè surrepreschentadas en la Chasa Grischa ed n'è insumma ina giada in cusseglier guvernativ en uffizi betg pli vegnì reelegì? Il Cussegl grond sa raduna dapi il 1804 a Cuira e dapi lura han ins elegì ils deputads e las deputadas cun il sistem da maiorz. Enfin oz, per l'emprima giada elegiain nus quest gremi tenor il proporz e quai gist cun in proporz dubel. Tge vul quai dir per il biros electorals communals e quel chantunal? Tge consequenzas pudess quai avair sin la nova cumposiziun dal Cussegl grond?

Temas da quest'emissun: - Cussegl grond cun debatta animada da las mesiras cunter Covid - Las novitads - Silvano Beltrametti, e co sia vita ha cuntinuà suenter l'accident

Temas da quest'emissun: - Carmelia Maissen candidescha per il Cussegl grond - Nov bajetg per la FHGR - Novitads - Big Air a Cuira – in grond success - Meteo

Temas da quest'emissun: - Cussegl federal schlucca pli fitg che spetgà - Regenza grischuna è cuntenta cun schluccadas - Clinica Gut va a San Murezzan Bogn - «Left Lovers»: Er quai che resta gusta - Meteo

Temas da quest'emissun: - Cussegl federal schlucca pli fitg che spetgà - Regenza grischuna è cuntenta cun schluccadas - Clinica Gut va a San Murezzan Bogn - «Left Lovers»: Er quai che resta gusta - Meteo

Temas da quest'emissun: - I vegn pli luc d'organisar champs en il Grischun - Novitads - Ina davosa giada rapports dal Cussegl grond - La naziunala svizra da ballape frunta sin l'Italia - Meteo

Temas da quest'emissun: - I vegn pli luc d'organisar champs en il Grischun - Novitads - Ina davosa giada rapports dal Cussegl grond - La naziunala svizra da ballape frunta sin l'Italia - Meteo

Temas da quest’emissun: - Cussegl federal decida novas schluccadas - Novitads - Lavurs vid la senda da tschimas - Nov studio da radio - Meteo

Temas da quest’emissun: - Cussegl federal preschenta be ina suletta schluccada - La regenza grischuna prenda posiziun areguard la decisiun dal Cussegl federal - En il Grischun restan las cifras da corona stabilas - PNS fa recurs cunter disposiziun chantunala - Novitads - Joseph Maria Bonnemain vegn consecrà sco nov uvestg da Cuira - Meteo

Temas da quest’emissun: - Cussegl federal preschenta be ina suletta schluccada - La regenza grischuna prenda posiziun areguard la decisiun dal Cussegl federal - En il Grischun restan las cifras da corona stabilas - PNS fa recurs cunter disposiziun chantunala - Novitads - Joseph Maria Bonnemain vegn consecrà sco nov uvestg da Cuira - Meteo

Temas da quest’emissun: - Joseph Bonnemain è il nov uvestg da Cuira - Dal maiorz al proporz: Las consequenzas per Avras cun exempel proporz - A Tavau è il Cussegl grond sa scuntrà - Nov implant da biatlon a Valsot - Meteo

Temas da quest’emissun: - Joseph Bonnemain è il nov uvestg da Cuira - Dal maiorz al proporz: Las consequenzas per Avras cun exempel proporz - A Tavau è il Cussegl grond sa scuntrà - Nov implant da biatlon a Valsot - Meteo

Themen dieser Sendung: - Testar, testar testar – di il Cussegl federal - Sche dus hotels da luxus a San Murezzan serran durant la stagiun auta - Emanuel Nay patescha in zic dapli ch’auters da la mascrina - Meteo

Themen dieser Sendung: - Testar, testar testar – di il Cussegl federal - Sche dus hotels da luxus a San Murezzan serran durant la stagiun auta - Emanuel Nay patescha in zic dapli ch’auters da la mascrina - Meteo

Themen dieser Sendung: - Ina decisiun ed ina proposta dal Cussegl federal - Il Maraton da skis engiadinais è stritgà per la segunda giada - Novitads - Sin il 50avel da Franco Cavegn - Meteo

Themen dieser Sendung: - Ina decisiun ed ina proposta dal Cussegl federal - Il Maraton da skis engiadinais è stritgà per la segunda giada - Novitads - Sin il 50avel da Franco Cavegn - Meteo

Ch’i saja stà in start franà, lascha Roman Weishaupt betg valair, in pragmatic plitost, punctuescha il nov directur dal Teater Cuira. Ils «Cuntrasts» han accumpagnà el durant ses emprims trais mais tras muments da plaschair e magia, dentant er muments da stancladad, dubis e grittas. L’emprima visita a Roman Weishaupt avain nus fatg duas emnas avant l’avertura da sia emprima sessiun sco directur dal Teater Cuira. Per entschaiver avain nus giavischà in tur atras ses nov reginavel (davent da ses biro spartanic enfin si surchombras en in lieu cun vista magica), silsuenter avain nus accumpagnà el il di da sia emprima premiera (tenor la Südostschweiz «in’impertinenza u in statement sapientiv»), essan stads tar el sin acla (il paradis da sia uffanza), a Nairs (per vegnir en contact cun las regiuns) e nus eran cun el il mument ch’il Cussegl federal ha communitgà il lockdown. Nus avain discurrì cun Roman Weishaupt da magia, birocrazia, corona, da plaschairs e grittas, cumbats e visiuns. Trais mais essan nus stads als chaltgogns dal nov directur ed avain emprendì d’enconuscher in aventurier cun spiert avert e sensibel, cun schlantsch ed entusiassem ch’emprova da sviluppar in’atgna visiun per il teater da Cuira e per il Grischun, senza laschar starmentar da disas ed aspectativas presumablas.

Ch’i saja stà in start franà, lascha Roman Weishaupt betg valair, in pragmatic plitost, punctuescha il nov directur dal Teater Cuira. Ils «Cuntrasts» han accumpagnà el durant ses emprims trais mais tras muments da plaschair e magia, dentant er muments da stancladad, dubis e grittas. L’emprima visita a Roman Weishaupt avain nus fatg duas emnas avant l’avertura da sia emprima sessiun sco directur dal Teater Cuira. Per entschaiver avain nus giavischà in tur atras ses nov reginavel (davent da ses biro spartanic enfin si surchombras en in lieu cun vista magica), silsuenter avain nus accumpagnà el il di da sia emprima premiera (tenor la Südostschweiz «in’impertinenza u in statement sapientiv»), essan stads tar el sin acla (il paradis da sia uffanza), a Nairs (per vegnir en contact cun las regiuns) e nus eran cun el il mument ch’il Cussegl federal ha communitgà il lockdown. Nus avain discurrì cun Roman Weishaupt da magia, birocrazia, corona, da plaschairs e grittas, cumbats e visiuns. Trais mais essan nus stads als chaltgogns dal nov directur ed avain emprendì d’enconuscher in aventurier cun spiert avert e sensibel, cun schlantsch ed entusiassem ch’emprova da sviluppar in’atgna visiun per il teater da Cuira e per il Grischun, senza laschar starmentar da disas ed aspectativas presumablas.

Themen dieser Sendung: - Reacziun da la regenza Grischuna sin ils plans dal Cussegl federal - Ultim di da la sessiun dal Cussegl grond: Corona è tema principal - Novitads - Scuol sa prepara sin ils tests da massa - Seria «Metta da fein» – rumantsch al set - Meteo

Themen dieser Sendung: - Reacziun da la regenza Grischuna sin ils plans dal Cussegl federal - Ultim di da la sessiun dal Cussegl grond: Corona è tema principal - Novitads - Scuol sa prepara sin ils tests da massa - Seria «Metta da fein» – rumantsch al set - Meteo

2020 – l'onn da corona. Anc la primavaira devi bunischmas notas per il Cussegl federal. Tut auter quest atun: Blera critica per l’agir dal Cussegl federal e dals chantuns. Blers cas, blers morts ed ospitals per part al limit. Co ha quai pudì capitar? Discussiun en il «Controvers» cun Anna Giacometti, PLD, Magdalena Martullo-Blocher, PPS e Martin Candinas, PCD. Redacziun e moderaziun: Andri Franziscus.

2020 – l'onn da corona. Anc la primavaira devi bunischmas notas per il Cussegl federal. Tut auter quest atun: Blera critica per l’agir dal Cussegl federal e dals chantuns. Blers cas, blers morts ed ospitals per part al limit. Co ha quai pudì capitar? Discussiun en il «Controvers» cun Anna Giacometti, PLD, Magdalena Martullo-Blocher, PPS e Martin Candinas, PCD. Redacziun e moderaziun: Andri Franziscus.

Themen dieser Sendung: - Nagin rumantsch grischun pli en scolas surmiranas - Tge di il Cussegl grond tar il naufragi dal rumantsch grischun? - Novitads - Dad ella na mitscha nagin – la mort, qua en duas exposiziuns - Meteo

Themen dieser Sendung: - Nagin rumantsch grischun pli en scolas surmiranas - Tge di il Cussegl grond tar il naufragi dal rumantsch grischun? - Novitads - Dad ella na mitscha nagin – la mort, qua en duas exposiziuns - Meteo

Themen dieser Sendung: - Cussegl fedral decida ulteriuras schluccadas - La fusiun da la Muntogna da Schons - Analisa d'in'emna Cussegl grond - L'Engiadin'Ota vul daventar il Mecca per cursas d'orientaziun - Ultim element per la pli gronda ovra solara en Grischun

Themen dieser Sendung: - Cussegl fedral decida ulteriuras schluccadas - La fusiun da la Muntogna da Schons - Analisa d'in'emna Cussegl grond - L'Engiadin'Ota vul daventar il Mecca per cursas d'orientaziun - Ultim element per la pli gronda ovra solara en Grischun

Themen dieser Sendung: - Er en il Cussegl grond dat il luf da discutar - Novitads - Ils novs trens «Capricorn» da la Viafier retica - La relaziun cun in fragliun cun impediment - Meteo

Themen dieser Sendung: - Er en il Cussegl grond dat il luf da discutar - Novitads - Ils novs trens «Capricorn» da la Viafier retica - La relaziun cun in fragliun cun impediment - Meteo

Themen dieser Sendung: - 51'000 persunas cun lavur curta en Grischun - Novitads - Las valladas talianas èn stadas la pli pertutgadas dal coronavirus - Proxima emna cumenza la sessiun dal Cussegl grond - Meteo

Themen dieser Sendung: - 51'000 persunas cun lavur curta en Grischun - Novitads - Las valladas talianas èn stadas la pli pertutgadas dal coronavirus - Proxima emna cumenza la sessiun dal Cussegl grond - Meteo

Eric Beer (43) è adina suandà ses cor. L'emprim ha el bandunà Tavanasa per daventar scolast. Pli tard è el sa fatschentà cun il sistem da sanadad, ha perfin elavurà ina lescha per il Cussegl federal. Oz lavura el tar La Posta svizra, nua ch'el maina il project per il dossier electronic da pazients. En il Profil da RTR raquinta Eric Beer, pertge ch'il dossier nov è ina revoluziun per il sistem da sanadad svizzer, da sia relaziun cun il franzos e co ch'el ha chattà sia amur en las catacumbas da Paris.

La furmla magica per il Cussegl federal è en discussiun. I na gartegia betg pli d'integrar tut il spectrum politic. Tge midadas dovri? Fiss l'augment da set sin nov commembers ina buna soluziun? En il «Controvers» discutan las duas novas cusseglieras naziunalas Anna Giacometti PLD e Sandra Locher Benguerel PS cun il cusseglier naziunal reelegì, Martin Candinas PCD.

La furmla magica per il Cussegl federal è en discussiun. I na gartegia betg pli d'integrar tut il spectrum politic. Tge midadas dovri? Fiss l'augment da set sin nov commembers ina buna soluziun? En il «Controvers» discutan las duas novas cusseglieras naziunalas Anna Giacometti PLD e Sandra Locher Benguerel PS cun il cusseglier naziunal reelegì, Martin Candinas PCD.

La lescha da CO2 ha fatg naufragi. Ma dapi ch’il Cussegl naziunal ha ditg na, è capità bler. Blers giuvens demonstreschan per il clima, las partidas burgaisas sa movan. Tge dovri ussa? En il «Controvers» discutan il cusseglier naziunal dal la PPS Heinz Brand e la cussegliera naziunala Silva Semadeni da la PS. Redacziun e moderaziun: Andri Franziscus

La lescha da CO2 ha fatg naufragi. Ma dapi ch’il Cussegl naziunal ha ditg na, è capità bler. Blers giuvens demonstreschan per il clima, las partidas burgaisas sa movan. Tge dovri ussa? En il «Controvers» discutan il cusseglier naziunal dal la PPS Heinz Brand e la cussegliera naziunala Silva Semadeni da la PS. Redacziun e moderaziun: Andri Franziscus

Quatter candidatas per dus sezs. L’emna proxima vegnan elegids las successuras u ils successurs da Doris Leuthard e Johann Schneider-Ammann. In'elecziun para decisa, ina empermetta tensiun. E dovri suenter l'elecziun la roschada gronda en il Cussegl federal? En il «Controvers» discutan il cusseglier dals chantuns Stefan Engler PCD ed ils cussegliers naziunals Heinz Brand PPS e Duri Campell PBD. Moderaziun: Andri Franziscus.

Quatter candidatas per dus sezs. L’emna proxima vegnan elegids las successuras u ils successurs da Doris Leuthard e Johann Schneider-Ammann. In'elecziun para decisa, ina empermetta tensiun. E dovri suenter l'elecziun la roschada gronda en il Cussegl federal? En il «Controvers» discutan il cusseglier dals chantuns Stefan Engler PCD ed ils cussegliers naziunals Heinz Brand PPS e Duri Campell PBD. Moderaziun: Andri Franziscus.

La mesadad da la legislatura per il parlament a Berna. Suenter las elecziuns avant dus onns hai gì num che surtut il Cussegl naziunal vegnia a far ina politica pli burgaisa. Ma è quai propi capità? Tge allianzas funcziunan en il parlament e tge èn ils projects per ils proxims dus onns? En il Controvers discutan la cussegliera naziunala Magdalena Martullo-Blocher da la PPS, la cussegliera naziunala da la PS, Silva Semadeni, ed il cusseglier dals chantuns, Stefan Engler dal PCD. Moderaziuns e redacziun Andri Franziscus.

La mesadad da la legislatura per il parlament a Berna. Suenter las elecziuns avant dus onns hai gì num che surtut il Cussegl naziunal vegnia a far ina politica pli burgaisa. Ma è quai propi capità? Tge allianzas funcziunan en il parlament e tge èn ils projects per ils proxims dus onns? En il Controvers discutan la cussegliera naziunala Magdalena Martullo-Blocher da la PPS, la cussegliera naziunala da la PS, Silva Semadeni, ed il cusseglier dals chantuns, Stefan Engler dal PCD. Moderaziuns e redacziun Andri Franziscus.

«No Billag»: Catastrofa u schanza per insatge tut nov? L’iniziativa «No Billag» ha la finamira da stritgar las taxas da radio e televisiun. Quellas taxas che finanzieschan oz per gronda part la SRG SSR, ma era radios e televisiuns localas ordaifer ils centers gronds. Il Cussegl dals chantuns ha refusà l’iniziativa, la cumissiun dal Cussegl naziunal lascha però examinar variantas. Nus discutain cun ils cussegliers naziunals Martin Candinas (PCD) e Heinz Brand (PPS) sur da las consequenzas da l’iniziativa «No Billag» e sur da las differentas variantas.

«No Billag»: Catastrofa u schanza per insatge tut nov? L’iniziativa «No Billag» ha la finamira da stritgar las taxas da radio e televisiun. Quellas taxas che finanzieschan oz per gronda part la SRG SSR, ma era radios e televisiuns localas ordaifer ils centers gronds. Il Cussegl dals chantuns ha refusà l’iniziativa, la cumissiun dal Cussegl naziunal lascha però examinar variantas. Nus discutain cun ils cussegliers naziunals Martin Candinas (PCD) e Heinz Brand (PPS) sur da las consequenzas da l’iniziativa «No Billag» e sur da las differentas variantas.