Minisguard

Tge èn ministrants e ministrantas? – La via fin ch'ins po daventar papa – Conclave: co vegn il papa propi elegì?

Senza dubi has ti er gia giugà cun ils tscheps da plastic da tuttas colurs. Ils Legos èn baingea in dals termagls ils pli enconuschents. Ma danunder vegnan quests termagls? E tgi ha inventà els? Il «Minisguard» s'occupa durant in'entira emissiun cun ils Legos. Uschia era la scola da Zernez che ha quest'emna gì l'emna da project cun il tema MINT. Tranter auter ha la 5 e 6avla classa experimentà e programmà cun LEGO Spike. Legos cun motors, e computerins integrads. __________________________________________________ Sicherlich habt ihr auch schon mit den bunten Plastiksteinen gespielt. Lego ist eines der bekanntesten Kinderspielzeuge weltweit. Aber woher stammen diese Spielzeuge und wer hat sie erfunden? Die Sendung «Minisguard» widmet sich in einer ganzen Episode den Legosteinen. Auch die Schule von Zernez hat sich in ihrer Projektwoche dem Thema MINT gewidmet. Dabei haben die Schülerinnen und Schüler der 5. und 6. Klasse mit Lego Spike experimentiert und programmiert. Diese speziellen Legosteine sind mit Motoren und Computern ausgestattet und ermöglichen spannende technische Projekte.

Chattar ossa d'animals Quirin e ses amis da Schlans en Surselva fan gugent termagls en il guaud. Cun raiver enturn, far gieus da pigliar u ir en taunas chattan els adina puspè ossa dad animals. Sch'in plascha ad els, lura piglian els cun l'oss e mettan el tar lur pitschna collecziun. Ma adatg, simplamain ir a rimnar ossa na dastgan ins betg – i dat in pèr reglas, pertge che tut tenor èsi scumandà u po perfin esser privlus per la sanadad. Chattar corna Savevas che tschiervs u chavriels bittan giu mintg'onn tranter favrer ed avrigl lur corna? E fin il fanadur è la nova corna gia creschida suenter – savens anc pli gronda che l'onn avant. Ma pertge insumma? Els pudessan gea er simplamain laschar crescher adina vinavant la corna sco p. ex. las vatgas u ils capricorns. Il «Minisguard» declera co che quai cun la corna funcziuna. --------------------------------------------------------------------------------------------------------- Quirin und seine Freunde aus Schlans in der Surselva streifen gerne durch den Wald und finden dabei oft Tierknochen, die sie in ihre Sammlung aufnehmen. Allerdings gibt es Regeln, die das Sammeln von Knochen einschränken, da es je nach Art der Knochen verboten oder gesundheitsschädlich sein kann. Hirsche und Rehe werfen jedes Jahr zwischen Februar und April ihre Hörner ab; diese wachsen bis Juli wieder nach? Auch diese Geweihe findet man im Frühling mit etwas Glück im Wald. Die Sendung «Minisguard» erklärt, warum diese Tiere ihre Hörner abwerfen und wie der Prozess funktioniert.

Tgi che va cun skis sto dar in'egliada sin il privel da lavinas. E per pudair valitar lez sto l'Institut per la perscrutaziun da naiv e lavinas (SLF) far differentas mesiraziuns e quai di per di. Il «Minisguard» ha accumpagnà Chasper Buchli dal SLF sin l'areal da perscrutaziun en las muntognas da Tavau. Ed il cool – i na va betg be per guardar quanta naiv ch'igl ha dà e sche quella è loma u bletscha, mabain anc per in'entira massa autras chaussas. La circulaziun da l'aua Sin noss mund datti radund 1,4 trilliardas liters aua, la gronda part en furma d'aua da sal en las mars. Tut quest'aua fa part da la circulaziun d'aua. Grazia a la chalira dal sulegl è ella permanentamain en moviment e sa mida adina puspè da la furma liquida en vapur ed enavos. Ma tge capita precis?

Ina savur ferma en il nas la primavaira – quai n'èn betg mo las pradas che flureschan, mabain era la puschina e la grascha ch'ins dovra per engraschar las pradas. Era sche la savur n'è betg adina empernaivla, è quai impurtant per il pastg e per las flurs. Il «Minisguard» ha visità la famiglia Winzap a Falera per guardar tge ch'è la differenza tranter la grascha e la puschina e co ch'ins las reparta sin il prà. Pertge dovra il prà puschina e grascha e cura metter ella? Per ch'il prà possia crescher, dovra el differentas chaussas: sulegl, aua e gas or da l'aria. Ma per ch'il pastg e las flurs creschian anc pli fitg, dovran els nutriment supplementar. E quel datti en la puschina ed en la grascha. Quest nutriment survegn il prà la primavaira e l'atun. Ma uschè simpel n'èsi betg declerà. Cura exact ch'il prà survegn tge nutriment è in'istorgia per sasezza – che ti vegns a savair cun guardar il «Minisguard».

Mintgatant èsi impurtant da savair, sch'i dat sulegl ils proxims dis u sch'igl è da pachetar en ina giacca da plievgia. Quai savain nus savens grazia a las prognosas da l'aura en l'internet, al radio u en la televisiun. Il «Minisguard» è stà sin il tetg probablamain il pli enconuschent da la Svizra per guardar co ch'ils meteorologs da SRF vegnan da guardar en l'avegnir. Entaifer pacas uras han Braida e Flavia chantà e registrà 14 chanzuns d'uffants rumantschas. Ruedi ha accumpagnà ellas sin il clavazin. Per che tut tunia a la fin endretg e bain, ha dentant era Gioni, il tecnicist dal tun betg dastgà mancar.

Liv e Lia emprendan da sautar in saut da l'India - E tge è rassissem?

Èlin va oz a spendrar vitas – e quai cun dar sang. Nus accumpagnain ella e guardain tge viadi ch'il sang dad Èlin fa, fin ch'el è pront per ina persuna che dovra ina donaziun da sang, per exempel suenter in grev accident. Cun INA donaziun po Èlin numnadamain spendrar TRAIS vitas! Ensemen cun las laborantas dal Center da donaziun da sang a Cuira chattain nus plinavant ora la gruppa da sang dad Èlin ed elavurain il sang, fin ch'ins vesa sias trais parts. Gruppas da sang Lura guardain nus tge gruppas da sang ch'i dat e co ch'ellas sa differenzieschan ina da l'autra. Has ti savì che betg tut las persunas pon survegnir sang da tut las persunas? La gruppa da sang gioga ina gronda rolla, i po uschiglio daventar fitg privlus. En il «Minisguard» scuvrin nus pertge che quai è uschia.

Trenar sin il glatsch da hockey cun ils profis. Quai han uffants pudì far in suentermezdi a Samedan. Sin differents posts e cun tips e trics da las HCD Ladies han els pudì perfecziunar lur moviments sin il glatsch, ma er lur tirs sin il gol. In grond highlight hai era dà dasper il glatsch: ina sentupada cun il trenader naziunal Patrick Fischer. Co producesch'ins in glatsch artifizial? Glatsch na datti betg mo en la natira, ins al po era producir artifizialmain. Cler, ils quadrins da glatsch per la limonada vegnan or da la schelentera. Ma co vegn propi fatg il glatsch per in'entira patinera? Il «Minisguard» ha dà in'egliada davos las culissas e scuvrì il misteri dal glatsch per dar hockey, curling e far piruettas.

Far acrobatica sin il chaval Ir a chaval è per bleras persunas in grond hobi, ma er far gimnastica e figuras d'acrobatica. La cumbinaziun da quests dus sports è voltischar. Ma far figuras acrobaticas sin in chaval che sa mova n'è betg uschè simpel. Quai pretenda blera concentraziun, tensiun dal corp, in bun equiliber e natiralmain er curaschi. Nus avain visità l'uniun «Voltige Allegra» durant in exercizi a Tumein. La domesticaziun da chavals Chavals èn schon dapi massada onns noss cumpogns fidads. Mo co èsi daventà ord quai animal selvadi, che viveva ina giada en tutta libertad, in animal che fa uschè per cumond a nus. Cura e co ha quella amicizia cumenzà? Quai guardainsa en il Minisguard.

Discurrer rumantsch – crescher si a Winterthur Ils blers da nus Rumantschas e Rumantschs discurran rumantsch en il mintgadi, cler, ma en in territori cumplainamain tudestg sa chapescha quai betg da sasez. Nus avain accumpagnà 3 famiglias durant ina s'entupada cun lur uniun “Allegra Winti” a Winterthur. Uffants e geniturs giaudan d'avair la pussibilitad da pudair discurrer, promover e viver il rumantsch. Esser Rumantscha u Rumantsch en la bassa, saja ina sfida ma era in grond sentiment da patria. L'istorgia dal rumantsch Cura ch'ils Romans èn arrivads en nossas valladas, han ils schuldads influenzà la lingua ch'il pievel discurriva lura qua tar nus. La maschaida tranter il latin e la lingua che vegniva discurrì en il Grischun ha dà rumantsch. Ma cura e co precis che quai e capità e pertge ch'i dat uschè grondas differenzas tranter ils idioms, guardain nus en il Minisguard.

L'istorgia dal pli aut eroport da l'Europa – in di sin la plazza aviatica a Samedan – Co funcziuna in helicopter?

Il Minisguard ha accumpagnà la gruppa d'uffants «Singvögel» a sia preschentaziun en l'emissiun «Samschtig-Jass» cun lur chanzun rumantscha «Boomshakalaka».

Preparativas da la gatta Jolie per l'exposiziun – Co datti allergias? – Ed ina visita tar in'exposiziun da giats e giattas a Karlsruhe

Co funcziuna il sport da biatlon? – Il project «Biathlon 4 you» va en las scolas Grischunas per preschentar il sport. – Co tiran ins flad?

Temas da quest'emissun: - Lénnie e Tiamé treneschan per in di daventar profis da snowboard - La funcziun dals egliers da sulegl

Lénnie e Tiamé treneschan per in di daventar profis da snowboard. Minisguard ha accumpagnà ils fragliuns da Trin che traneschan pliras giadas ad emna sin l'aissa ed en la halla per in di tutgar tar l'elita da freestyle d'aissa. Els han perfin survegnì tips d'in profi.

Pedels e pedellas – ils lavurus en il zuppà. Ellas ed els èn las persunas che lavuran cunzunt davos las culissas da tia scola: la pedella u il pedel. Senza quellas persunas na fissi betg schuber, la naiv na vegniss betg rumida, tes banc na vegniss betg reparà ed anc bler auter na funcziunass betg en scola. Il «Minisguard» ha vulì savair, tge lavurs ch'in pedel fa tut ed ha perquai accumpagnà Andri Schmidt da la scola da Zernez. El mussa a nus ses mintgadi e raquinta tge che plascha ad el il meglier vi da sia lavur. Co funcziuna atgnamain ina clav? En ina scola hai ina massa ischs ed uschia er ina massa differentas clavs. Quellas datti en tut las furmas e grondezzas, ed i dat era differents tips da clavs: per exempel la clav da barba, la clav da crennas u la clav da fossets. Mintga clav funcziuna in zichel auter, ma la fin finala fan tuttas il medem, ellas avran ischs.

L'onn è anc frestg, tut è pussaivel. Per il Minisguard avain nus dumandà ils uffants sin tge ch'els sa legran, tge ch'els giavischan e sch'els han in u l'auter propiest per il 2025. Tgi vul far urden pli regular en chombra? Tgi less dar gas en scola? E tgi è cuntainta sco igl è e na less far nagut auter che fin uss?

Die Nachrichtensendung für Kinder und Jugendliche. Warum ist der Himmel blau? Was sind Menschenrechte? Was macht die Digitalisierung und was bewegt die Welt? «Minisguard» präsentiert aktuelle Themen verständlich und kinderleicht.

Igl è fraid, i savura bain da tschaira... Ma sch'ins spetga memia ditg, datti in frust. Il trair chandailas ha ina lunga tradiziun. Uschia er a Glion, nua ch'ils uffants han pudì trair chandailas quest'emna. Qua dentant chandailas tut spezialas e natiralas. A Glion tiran ils uffants numnadamain chandailas da tschaira d'avieuls. Chandailas tutgan tar il temp d'advent, sco il pignol tar Nadal. En bleras stivas grischunas arda probablamain era uss gist ina u l'autra chandaila. Ma co funcziuna quai insumma? Tge precis sto tut capitar, per ch'ina chandaila possia arder pliras uras senza pausa?

Daco datti insuma naiv? E co fan ins naiv artificiala?

Scola da Savognin realisescha fanestra traglischonta Durant il temp d'advent èsi dapertut festiv – era a Savognin! Il Minisguard ha visità la 6avla classa da la scola da Savognin ch'ha creà ina fanestra d'advent tut speziala. Cun blera fantasia, inschign da zambregiar e lavur da team han las scolaras ed ils scolars creà in highlight traglischant en chasa da scola. Il tschupè d'advent – in dals prims chalenders d'advent Ozendi enconuschain nus chalenders d'advent cunzunt cun portas nua ch'i sa zuppa davostiers di per di ina surpraisa sco p. ex. ina pitschna tschigulatta. Quest chalenders datti però pir in zic dapli che 100 onns. In dals pli vegls chalenders è il tschupè d'advent. Tge che quel ha da far cun uffants da Hamburg e cun ina veglia roda d'in char da chavals, mussa il Minisguard.

Tge fa ina statista en in film? La moderatura dal Minisguard ha dastgà esser part dal film L'ultim Rumantsch e mussa tge che statistas han da far sin il set da film. Il Minisguard mussa en pli tge ch'in reschissur, in um da camera, in'artista da make up, acturas ed acturs etc. fan sin in set da film sco quel da L'ultim Rumantsch.

Pitons da Bever A Bever han duas soras giuvnas in hobi tut spezial: ellas han duas pitons roialas sco animals da chasa. La contribuziun mussa co ch'ellas tgiran las duas serps fascinantas e tge ch'i signifitga da tegnair tals animals exotics. In'invista interessanta en in dachasa particular! In animal da chasa per Nadal? Il toc explicativ declara tge ch'i vul dir da cumprar in chaun. Responsabladad, custs, ma era sfidas en il mintgadi. L'istorgia fictiva declera, pertge ch'in animal da chasa n'è betg in bun regal da Nadal.

Il di dal futur tar RTR Era quest onn visitan bunamain 20 uffants RTR al di dal futur. Els tuttas e tuts gidan durant in di a far radio, televisiun e social media. Tgi beneventa ils giubilars e las giubilaras al microfon durant las Gratulaziuns, tgi accumpogna in reporter u ina reportra da radio e puspè auters filmeschan e taglian videos per il Telesguard u per Tiktok ed Instagram. Il Minisguard mussa tge che curra e passa tut durant quest di en chasa RTR. Il di dal futur – ma pertge atgnamain? Il di dal futur datti dapi var 20 onns. Al cumenzament aveva el però num «di da la figlia» ed era pensà propi be per las buobas. Daco che quai era uschia e daco ch'igl ha la finala dà londeror il di dal futur per buobas e buobs, declera il Minisguard.

Acrobatica total en il Minisguard. Nus avain accumpagnà Livio e Lidia als campiunadis d'acrobatica a Mustér. Davent dal far frisuras e sa stgaudar sur il grond mument da preschentar l'exercizi davant la schuria enfin la rangaziun. Vitiers avain nus era visità il davos trenament avant la gronda concurrenza da l'Uniun da gimnastica Cadi. Ina chaussa fitg impurtanta, per far acrobatica, è l'equiliber. Nus declerain co che quel funcziuna, e tge che quai ha da far cun las ureglias ed ils egls.

Sche nus guardain sin nossas tattas e noss tats, dat insatge en egl. Els han savens chavels grischs e probablamain ina u l'autra fauda enturn ils egls. Glieud pli veglia vesa pia ora in pau auter ch'ils uffants. Els han dentant era ina massa da raquintar. Ina u l'autra istorgia ch'è surprendenta u che fa rir. Il Minisguard ha fatg ina visita en il Center da sanadad Puntreis a Mustér, e deditgescha l'entira emissiun al tema vegliadetgna.

Tge fa la KFOR insumma en il Cosovo? E daco sa participescha la Svizra? Daco van ins en il Cosovo tar la KFOR – dus Rumantschs raquintan.

Temas da quest'emissun: - Fynn Mika Cavelty: Cun 7 onns regularmain sin il töf - Co funcziunan ils pneus? - Co era l'emprima cursa da Fynn Mika Cavelty

Dus Sursilvans han pudì ir als campiunadis mundials da karate a Londra. Nus als avain visità durant il trenament per savair, co els dumognan da metter trenament e scola sut in chapè. E nus mussain era, co che quai ha vesì ora cura ch'igl è propi ì per la liongia. Per il festival da la chanzun Rumantscha, che ha lieu en in onn en Val Lumnezia, han las preparativas gia daditg cumenzà. E spezialmain per quai festival, scrivan ils scolars e las scolaras da trais scolas da la regiun Lumnezia e Glion novas chanzuns rumantschas. Nus vain accumpagnà l'emprim pass: Scriver ils texts.

Sch'il «Minisguard» è sin vista, lura han ils uffants da tscherner tematicas, far retschertgas, filmar, tagliar, simplamain far tut sezs. E questa giada vegn l'entir «Minisguard» producì dals uffants da la scola da Rueun. En contribuziuns d'amez il vitg da Rueun fin sin puressers si Siat mussan ils uffants co che la vita capita en lur vischnanca.

Tavau sco lieu da vacanzas per gidieus e gidieuas: La religiun gidieua ha cunzunt per quels e quellas ch'èn fitg religiusas bleras reglas e cumandaments. Pervi dad in da quels vegnan er fitg blers gidieus e gidieuas a Tavau en vacanzas. Daco gist Tavau e tge sfidas che quai munta da far vacanzas sche differentas culturas e religiuns vegnan ensemen – tant per ils gidieus e las gidieuas sco er per la glieud indigena – quai mussa il Minisguard. Las 5 religiuns mundialas: Il giudaissem è ina da las grondas religiuns mundialas sper il cristianissem, igl Islam il hinduissem ed il budissem. Ed en mintga religiun datti persunas che vivan pli stretg tenor las reglas da la religiun ed autras ch'èn bain religiusas ma piglian tut in pau pli luc. Il Minisguard declera tge che las religiuns han communabel e tge betg ed a maun dal giudaissem er tge ch'i munta da sa tegnair vi da prest tut las passa 600 reglas ch'i dat per gidieuas e gidieus.

Ils trics da l'atun Per las bleras persunas vala l'atun sco la pli bella stagiun. La raschun èn las bellezza colurs. Ma pertge traglischan la colurs l'atun uschè bel? Il Minisguard declera co ch'ellas sa mettan en scena. Riccarda e la flauta traversa La flauta traversa n'ha betg mo in tun misterius, ella para era dad esser in instrument magic che dovra bler inschign e temp per emprender da sunar. La scolasta da musica Riccarda Caflisch declera ses instrument preferì.

Uffants exponan en il museum d'art a Cuira Il Museum d'art dal Grischun mussa a partir da sonda in'exposiziun realisada ensemen cun uffants. Scolaras e scolars da la 4. classa da la scola Nikolai a Cuira han collavurà, planisà e perfin fatg sezs exponats per l'exposiziun «Schattenspiel». Il Minisguard ha fatg ina visita avant l'avertura. Undas da radio e societad en transfurmaziun A chasa, en cuschina ubain en l'auto. Tipics lieus per tadlar radio, per s'infurmar e giudair musica. Quai che sa chapescha ozendi da sasez ha midà nossa societad a l'entschatta dal temp da radio. Il radio e sia influenza sin la societad – declerà en il «Minisguard».

Experientscha e teoria Per emprender insatge nov e per betg pli emblidar quai gidi da sustegnair la teoria cun experientscha. Quest motto persequitescha era la scola libra da Favugn. Durant in di en las muntognas da Tavellas tschertgan ils 11 uffants cristals. L'instrucziun en scola che suonda è lura colliada cun quest di aventurus. Co funcziuna noss tscharvè? Noss tscharvè è in vair supercomputer. Dasper esser in magazin plain memorias coordinescha il tscharvè tut ils moviments, las impressiuns e tut las emoziuns. Il tscharvè è però era bun d'emprender. Ma tge capita en noss chau, cura che nus emprendain?

Sch'ins guarda ils videos dals dus frars Luca e Jona Berther pon ins avair il sentiment ch'els dus sappian far tut. Ma davos lur hobi da crear videos da sport spectaculars stat bler trenament, intginas blauas, ma er in bun sentiment per il corp. Da dis da chaliras e durant sport è il suaditsch magari seccant. Ins è tut bletsch ed ha il sentiment da tuffar. Il suaditsch è dentant bler meglier che ses renum. Il suaditsch è noss superpower che gida da tegnair cool ils organs, uschia ch'els pon lavurar endretg.

In viadi a scola forsa lung, ma er in bel Ils fragliuns Leonie e Dario han da far in lung viadi per vegnir en scola. Els èn da Giuf sisum la Val d'Avras e van mintga di passa in'ura giu Ziràn en scola. Che quai n'è betg be stentus e pertge che quel viadi ha era ses avantatgs raquintan la scolara ed il scolar dal stgalim superiur. L'ascensiun dal Tödi avant 200 onns Il Tödi na tutga betg tar ils pli auts culms da la Svizra, ma il Tödi ha in'istorgia fascinanta. Avant 200 onns è il pli aut piz da la Surselva e dal chantun da Glaruna vegnì ascendì da dus chatschadurs da chamutschs. Cun agid dal piunier pader Placi a Spescha èn els stads ils emprims sin il Piz Russein.

Viadis – oz tut auter che avant 500 onns Nua vas ti sin viadi? Cler, quella dumonda ha da far cun vacanzas. Avant 500 onns avevan viadis tut in'autra muntada. Co ch'il svilup da la societad e da la tecnica ha midà ed influenzà noss viadis, da vesair en il «Minisguard». Tras l'aua al campiunadi svizzer Las pli bleras persunas sa legran ussa dad ir en vacanzas e forsa da dar in sigl en l'aua e da giudair. Per Gianna Cavegn da Cuira munta l'aua il mument dentant trenament e speranza. Ella è sa qualifitgada per il campiunadi svizzer da nudar. Tge ch'i dovra per vegnir uschè lunsch mussa la giuvna nudadra en il proxim «Minisguard».

Tge ha fatg «RIPS1» al Street Art Festival a Cuira? Pertge è il pli lung di da l'onn da mesastad? E tge chanzuns da far bogn enconuschas?

Die Nachrichtensendung für Kinder und Jugendliche. Warum ist der Himmel blau? Was sind Menschenrechte? Was macht die Digitalisierung und was bewegt die Welt? «Minisguard» präsentiert aktuelle Themen verständlich und kinderleicht.

Sin ils trails cun ils uffants da la «Bike Uniun Crap» Nus avain accumpagnà ina da las gruppas da la «Bike Uniun Crap» durant lur trenament emnil. Cun buna cumpagnia, plaschair vid ir cun bike e cun in u l'auter gieu treneschan els la tecnica da siglir la cundiziun e co charrar endretg ils trails da la regiun da Flem. Il svilup dal mountainbike Il mountainbike sco nus l'enconuschain ozendi, datti anc gnanc usche daditg. Avant radund 50 onns, ha in giuven cumenzà da remplazzar in toc suenter l'auter vida ses velo. Grazia ad el e numerusas autras persunas – savain nus ozendi ir cun mountainbikes er atras il guaud. Ed si e giu da las muntognas. Zeccas En nossas regiuns hai per fortuna nagins animals propi privlus. Auter che forsa in. La zecca. Il animalet be pitschen sa chaschunar gronds donns. Nus dain quatter tips, che gidan da evitar il mender.