Podcasts about dapi

Dapi 100 onns charreschan autos tras il Grischun

Dapi 20 onns porscha ina fundaziun vacanzas en chasas istoricas. – A Lumbrein han trais indigens renovà ina chasa veglia. – A Bravuogn èn fans da viafiers da model sa scuntrads.

Quest onn è l'equipa da RTR s'installada a Meierhof/Sursaissa per porscher registraziuns a chors, musicas e chapellas. Dapi il 2023 porscha RTR a chors, musicas instrumentalas e chapellas da musica populara dal Grischun la pussaivladad da far registraziuns da tun e maletg. Suenter Flem e Zernez (2023), Savognin (2024) è il team da RTR s'installà il cumenzament da matg en la halla polivalenta a Meierhof/Sursaissa. Nus avain fatg videos da tuttas furmaziuns e registrà lur tocs e chanzuns.

Or da trais mais èn daventads passa 10 onns. La Sursilvana pendulescha regularmain tranter la Svizra e la Tansania. Per il mument è ses focus sin sia fatschenta sco planisadra da viadis individuals a Tansania ed a Sansibar. In discurs sur da las sfidas e dal curaschi da suandar l'atgna intuiziun. L'Africa cun tut sias colurs ha fascinà Romina Casutt oriunda da Falera gia da pitschen ensi. Suenter il studi d'architectura d'interiurs a Lucerna ha ella pachetà sia cofra ed è ida en l'Africa dal Sid per emprender englais. Planisads eran trais mais en la Citad dal Cap. Cura ch'igl è puspè stà temp da turnar a chasa, ha ella decis da restar pli ditg. Quest nov sentiment da vita african ha immediat attratg la giuvna ch'aveva da quel temp 25 onns – ina nova aventura ha uschia entschet. Per pudair finanziar sia vita en il sid è ella adina puspè turnada per intgins mais en Svizra. Suenter tschintg onns Citad dal Cap, bleras differentas plazzas da lavur, ina relaziun ch'è ida dapart ed in viadi da trais mais tras set pajais africans è Romina Casutt turnada l'onn 2018 enavos en Svizra per puspè fitgar pe sco architecta d'interiurs. Fisicamain era ella en Svizra, il cor è dentant restà en l'Africa. Uss è stà dumandà curaschi. Curaschi da suandar l'atgna intuiziun senza savair nua che la via va. Midar clamada, midar continent. Uschia ha la via manà ella a Daressalam. Dapi set onns viva ella uss en la pli gronda citad da Tansania. Actualmain para ella dad avair chattà ses cletg: planisadra da viadis individuals, cunzunt per giasts da l'Europa. Ina lavur che pussibilitescha da cumbinar omadus munds da Romina Casutt – il svizzer e l'african. L'aventura po damai cuntinuar.

La notg dals sis sin ils set da settember 1999 è il mulin a Cuas/Cumpadials brischà dal tuttafatg. Dapi lura è era il cussadent Toni Berther, numnà il Toni da Cuas, sparì. Nus tschertgain respostas. Entras documents da la procura publica va la «Marella» a la tschertga da respostas. Toni Berther n'aveva betg grond contact cun ses convischins ed el viveva ina vita solitaria a l'ur dal vitg. Daco è el sparì e daco è sia chasa brischada quella notg? A pled vegnan il cumandant dals pumpiers da quella giada, Sigis Schmed, l'avugà incumbensà da la cumissiun tutelara, Leo Cathomas, e Marcus Duff ch'ha giu ina colliaziun tras l'agricultura cun Toni Berther.

Sco «palaz da l'aria» è el vegni titulà: il nov jet dal Cussegl federal. Dapi quest onn fa el kilometers en l'aria. 103 milliuns francs ha el custà, e damai procurà per intginas lingias grossas. En il mintgadi è il jet in instrument impurtant da lavur per la regenza Svizra. RTR è sgulà il favrer ensemen cun il minister da l'exteriur Ignazio Cassis en Rumenia, quai a chaschun da l'Emna rumantscha. En questa «Marella» prendain nus quest viadi sco exempel per in da blers ch'in commember u ina commembra dal Cussegl federal fa en uffizi. Nus sclerin las dumondas: Tge signifitgi d'inscuntrar autras culturas? Tge reglas valan a l'exteriur ? Co ir enturn cun pajais ch'han tut autras ideas? Tge èn las sfidas e tge portan tals viadis a la politica Svizra? Nus discurrin dentant era cun il pilot sur da sia lavur e sur da las sfidas da sgular cun cussegliers u cusseglieras federalas d'in lieu a l'auter.

Suenter ses studi d'economia da manaschi a Cuira è Fabian Collenberg vegnì elegì sco chanzlist communal a Sumvitg, quai cun be 23 onns. Uss, 10 onns pli tard, è el sa decidì per ina nova via, ina nova sfida. La stad mida el tar l'interpresa Curia sco cussegliader da vischnancas. Dasperas fa Fabian Collenberg anc politica e fa part da la partida Il Center. Dapi il 2022 è el era deputà en il Cussegl grond a Cuira. «Cun 23 onns n'aveva jau anc betg gronda experientscha e sco nov chanzlist è quai stà ina pulita sfida. Jau hai però gì grond sustegn, uschia che quai è ì detg pulit.» Cumenzà a s'interessar per la politica ha Fabian Collenberg gia baud. Il 2014, suenter ses studi, è el lura daventà suppleant tar la partida Il Center, da lezzas uras la PCD Cadi. Pli tard ha Collenberg era presidià durant sis onns la partida giuvna. Il 2022 suonda il pass en il Cussegl grond. In'influenza d'entrar en quest mund politic haja gì era Martin Candinas, di Fabian Collenberg. Mo el n'haja atgnamain nagins siemis politics, i fissi dentant bel d'anc vegnir elegì l'onn proxim per in'ulteriura perioda en il Cussegl grond. Ina gronda muntada en la vita da Fabian Collenberg ha er il Club da ballape Trun/Rabius. Dasper esser giugader da la segunda equipa ha el anc surpiglià il post da cassier da l'uniun. Fabian Collenberg appreziescha cunzunt era la collegialitad cun ils congiugaders ed ils fans. Esser ina part da quest club saja insatge fitg bel. «Il sport dat a mai l'equiliber en la vita», uschia Fabian Collenberg.

El è actualmain il chau dal Maraton da skis engiadinais. Dapi prest nov onns lavura Menduri Kasper en pensum cumplain sco CEO da la cursa da passlung populara. Avant che Menduri Kasper è daventà CEO dal Maraton da skis engiadinais ha el lavurà sco responsabel per il turissem a Silvaplauna, quai suenter avair frequentà la scola spezialisada superiura per turissem e management a l'Academia Engiadina a Samedan. A Menduri Kasper è il sport da passlung quasi vegnì mess en tgina. Il bab Curdin è numnadamain stà ils onns 1980 trenader naziunal dals passlunghists svizzers. Oz maina el ina scola da passlung a Schlarigna. Il temp liber deditgescha Menduri Kasper cunzunt a la famiglia. Lunsch davent dal Maraton da skis engiadinais è Menduri Kasper durant il mais da settember. Quel saja reservà per la chatscha, ina da sias grondas passiuns.

La situaziun actuala en Germania saja difficila, el speria che la futura regenza laschia ora cups. Dapi il 1988 viva André Gerth en Germania. Il studi da teologia ha manà il giuven maturand da sias uras sco emprim a Fulda e silsuenter a Minca, nua ch'el è s'occupà intensivamain cun la teologia fundamentala. Sia spezialitad saja il dialog tranter las differentas religiuns, di l'um da 56 onns che s'interessescha per il mund internaziunal e global. Quest interess ha manà el era gia differentas giadas en l'Africa e sia savida sin quest sectur vegn era da bun ad el en sia plazza actuala en il uvestgì a Cologna. Dapi 10 onns maina el il post da furmaziun e scolaziun nua ch'el è era confruntà cun il tema dals fugitivis e da las fugitivas en Germania. Da questa lavur, da las elecziuns en Germania e da sia via en la teologia nua ch'el sa senta era magari sco punk, raquinta il bab da 3 uffants en il Profil.

Dapi passa 30 onns datti en l'Engiadina ina gruppa da models che cumpiglia spots da speed, autos da cursa, camiuns, helicopters ed er aviuns da model. Damai tut quai che sto vegnir manevrà cun in telecumond. La gruppa da model po tranter auter era sgular sin la plazza aviatica a Samedan, nua ch'ils aviuns per propi sa tschentan. Er il president da la gruppa Guido Manzoni sgola là. L'um da 63 onns è creschì si a Samedan ed è suenter paucs onns giu la Bassa puspè turnà e restà a Samedan. El tgira ultra dal sgular cun models anc intgins auters hobis sco rampignar, sautar e chantar. Guido Manzoni lavura sco scrinari e senta là la mancanza da forzas da lavur qualifitgadas. En general va el cun ina tenuta positiva tras la vita ed el na bandunass en nagin cas pli l'Engiadina.

Suenter in temp intensiv, ha la Samedrina decis da trair il frain e demissiunar ses job tar PlusSport. Uss è ella averta per insatge nov en sia vita professiunala. Suenter in temp intensiv ha la Samedrina decis da trair il frain e demissiunar ses job tar PlusSport. Uss è ella averta per insatge nov. Sia abitaziun a Lucerna ha gì ils ultims onns bunamain be la funcziun da basa per midar valischs. Olivia Stoffel è numnadamain stada adina en viadi, dad in'occurrenza sportiva a l'autra. Ses ultim engaschament professiunal tar l'organisaziun PlusSport (sportistas e sportists cun in impediment) ha la Samedrina demissiunà per la fin da l'onn passà. Quai suenter esser stada tranter auter engaschada sco scheffa da sport e suppleanta dal schef da missiun als paralimpics a Paris. Quels han gì lieu suenter ils gieus olimpics e la delegaziun svizra è turnada cun 21 medaglias da la Frantscha. Nov onn, nova vita Entant ha Olivia Stoffel er midà sia dimora da Lucerna a Samedan en Engiadina. La dunna da 43 onns vul uss sa laschar temp e giudair in pèr mais senza obligaziuns. Tuttina s'engascha ella er quest enviern en differents lieus en il rom d'occurrenzas sportivas. Durant la lavu da la Cuppa mundiala da skis a San Murezzan il 2015, è Olivia Stoffel er vegnida en lavina. «Quel mument che la lavina vegn, n'has ti nagina schanza da far insumma insatge.» La dunna sportiva è vegnida salvada suenter 12 minutas or da las massas da naiv da bun trais meters autezza. Per gronda fortuna senza blessuras. Anc oz sa regorda Olivia Stoffel vi da la situaziun sco sch'ella fiss be gist stada. Dapi lura haja ella er fadia cun la stgiraglia e la quietezza. Carriera sportiva Gia fitg baud è la vita dad Olivia Stoffel sa sviluppada en la direcziun dal sport. Sco talent da golf ha ella cumenzà la scola sportiva a Tavau. Causa feridas ha ella dentant stuì capitular e finir il gimnasi en Engiadina. Empè dad ir a studegiar suenter ha la figlia d'hoteliers dalunga cumenzà a lavurar per occurrenzas sportivas sper sia lavur professiunala en banca e tar assicuranzas. Averta per novas vias Suenter vacanzas en l'Asia ed in viadi cun ses bus en Scandinavia per vesair il final dals champiunadis da hockey a Stockholm n'ha Olivia Stoffel anc nagins plans concrets. Ella possia dentant s'imaginar bain da lavurar durant ina stad sin ina chamona.

En il vitg mundan da San Murezzan datti tuttas duas varts: quella da las indigenas e dals indigens che sa cruscha cun quella da la glieud ritga e bella. San Murezzan – in dals lieus da vacanzas ils pli luxurius en las Alps – cun ina cuntrada che fascinescha, cun sias muntognas autas, bler sulegl ed in'aria fina. Durant la stagiun auta – surtut sur las Festas – sa mida quest maletg cumplettamain. Il vitg muntagnard cun 5'000 abitantas ed abitants indigens sa transmida en ina pitschna citad da 20'000 persunas. La Marella illuminescha il temp curt avant ch'il grond travasch da Nadal cumenza e fa ina spassegiada durant ina saira tras il vitg. Ils inscunters èn multifars. Dal magister da skis, sur la vendidra da cudeschs fin a l'hotelier che giauda anc ils dis avant las Festas en la bar cun in ami. Durant ils dis da festa vegnan per regla era servidas mangiativas pli spezialas a San Murezzan. Entant che nus giudain magari in filet en pasta u il Fondue Chinoise tradiziunal, datti en ils hotels da quatter e tschintg stailas caviar, peschs custaivels, giomber da mar, conchiglias u era salmun. Enconuschent per vivondas exclusivas è l'interpresa Geronimi Comestibles a San Murezzan ch'i dat entant gia 97 onns. Dapi il 2021 maina l'affar Fabio Tempini. Ina da lur spezialitads è il salmun fimentà. Curt avant il grond travasch da Nadal sto vegnir preparà tut per quels dis intensivs. Per exempel era cun installar l'illuminaziun da Nadal per lung las vias da San Murezzan. En tut vegnan installads 320 sulegls che traglischan la saira en lur furma pompusa. Nus avain però era passentà in di a San Murezzan cun Vera Dillier, la lady da jetset. La Turitgaisa abita dapi 40 onns a San Murezzan ed ha era là ses palpiris. Ella sa senta sco muntagnarda ed ama tuts dus munds. La quietezza durant il temp tranter las stagiuns, però er ils dis ch'ils ritgs e bels sa scuntran a San Murezzan per grondas partis.

Sper celebrar quest giubileum datti er anc in concert da l'ensemble vocal incantanti ed il Chor mischedau Surrein. L'onn 1994 ha Hansruedi Kämpfen inizià e fundà il Schweizer Jugendchor, il Chor da giuvenils svizzer ed è stà fin il 2018 il manader artistic da la furmaziun. Dapi l'onn da fundaziun entusiasmeschan las giuvnas chantaduras ed ils giuvens chantadurs tranter 16 e 26 onns il publicum en ed ordaifer la Svizra. Il chor che dumbra radund 50 chantaduras e chantadur fa punts tranter las regiuns linguisticas svizras e chanta uschia chanzuns en tuttas quatter linguas naziunalas. Sper il chor da giuvenils svizzer datti d'udir en l'emissiun er dus furmaziuns grischunas. Il Chor mischedau Surrein e l'ensemble vocal incantanti han dà in concert communabel a Surrein.

Dapi passa 70 onns accumpognan nus en noss mintgadi pitschens gidanters chemics che guardan che tut restia pli cumadaivel e simpel per nus. Er uss durant il temp d'advent. U n'è quai betg bel, sch'ils brunslis e milanais na tatgan betg vi da la lastra e sa glischnan en in hui dal palpiri da furnel sin il taglier? E n'è quai betg bel da baiver in punsch chaud or d'in simpel cup da chartun a la fiera da Nadal e d'avair pes chauds e sitgs, malgrà ch'igl è fraid e bletsch? Quels schenis universals invisibels cun il num PFAS han dentant er ina vart stgira che fa a nus pli e pli gronds problems. Quests pitschens gidanters che nus avain creà na van numnadamain betg pli davent. Els èn prest immortals e sa derasan adina pli fitg, er en lieus che nus na vulain betg avair els – sco per exempel en noss'aua, en nossa vivonda ed er en nus. E là tissienta questa substanza chemica adina pli fitg noss corp a moda cronica. Ils PFAS n'influenzeschan betg mo noss ormons, nossa fertilitad e nossas genitalias. Els fan era donn als gnirunchels ed al gnirom, fan che nossa beglia s'inflammescha, augmentan il colesterin e pon la fin finala schizunt era far che nus avain cancer. Quant gravanta che la situaziun è propi, era qua tar nus en il Grischun, e tge che nus pudain far encunter, pudais vus tadlar en la «Marella».

L' Artg musical porta in concert da gala d'in dals megliers orchester d'instruments a flad da la Svizra. La Civica Filarmonica di Lugano è vegnida fundada l'onn 1830 sin iniziativa da var ventg musicists amaturs da Lugano. In'uniun ch'è oz la pli veglia da la citad da Lugano. L'istorgia musicala da la band è caracterisada d'ina stenta permanenta da daventar adina meglra, Dapi decennis tutga la Civica tar ils megliers orchesters d'instruments a flad da la Svizra. Quai cumprovan er ils set titels ch'ella ha gudagnà a festas federalas da musica.

Marian Gort da Flem è ipnotisadra e trenadra mentala. Ella ha fatg bler en sia vita: educatura d'uffants pitschens, teleoperatrice e scolasta primara fin ch'ella ha chattà sia clamada. Dapi sis onns ha Marian Gort si'atgna pratica a Flem cun il num rumantsch «Temps per tei». Tar ella vegnan persunas cun problems: cun temas, conflicts da relaziuns, da quels che vulan chalar da fimar ni prender giu. Ed er persunas che sa sentan betg segirs da sasez ni ch'han traumas. En la ipnosa va la ipnotisadra en il subconscient, en las emoziuns. Il trenament mental ston in trenar, quel dovra pli ditg, di Marian Gort en il profil. Cun quai ch'ella fa uss, saja ella pli datiers da sasezza. Sco trenadra mentala ed ipnotisadra survegnia ella fitg bler da la glieud, malgrà che lez vegnan tar ella cun problems.

Il motto «Tänze und Verklärung» dal concert dal «Jugendsinfonieorchester» ha persvadì il public. Dapi bunamain 30 onns fa il JUSI (Jugendsinfonieorchester Graubünden) mintg'onn in champ da musica. Durant in'emna il mais d'october unfreschan ils giuvenils in'emna da lur vacanzas d'atun per sunar communablamain ed exercitar in program da concert. Il JUSI 2024 è stada ina furmaziun exclusivamain d'instruments a corda.

La cuschina – quai è ses mund. Suenter ses emprendissadi da cuschinier a Flem ha Martin Sialm lavurà durant pliras stagiuns en differents lieus da Lai fin a Crans-Montana.  Durant quest temp è el dentant er adina puspè turnà a Mustér per sa gidar en lHotel Alpsu chel ha lura surpiglià, ensemen cun sia dunna, dals geniturs la fin dal 1995, e quai en quarta generaziun. Dapi indesch onns è el schefcuschinier en lARGO a Glion, la fundaziun grischuna per lavuratoris e dimoras per persunas cun impediments. En la cuschina da lARGO a Glion survegn Martin Sialm sustegn din segund cuschinier sco er da tschintg persunas cun impediments. Di per di cuschinan els en media 150 fin 180 gentars, quai betg mo per las cussadentas ed ils cussadents, mabain er per persunas externas sco er per diversas scolas da la regiun. Sper il cuschinar tutga tar la lavur da Martin Sialm er dorganisar, planisar e controllar. Cun strusch 30 onns ha Martin Sialm surpiglià lHotel Alpsu a Mustér dals geniturs che han manà lhotel passa 20 onns. El enconuscheva bain quest manaschi, uschia che quai na saja stà nagin problem. Ensemen cun sia dunna ha el manà lHotel Alpsu fin il 2010, avant che vender tut a la sora Annalisa chha manà 20 onns la Pizzeria Surselva gist da lautra vart da la via. Martin e sia dunna, in team chha collavurà fitg bain. Martin en cuschina, Stephanie en il restaurant ed en il biro. Durant quest temp èn els er vegnids «campiuns mundials da capuns». Cun la tratga da capuns han cumenzà gia ils geniturs e gia da lezzas uras han ils capuns cuntanschì in status da cult en lHotel Alpsu. Sper la lavur en cuschina giauda Martin Sialm cunzunt ses hobis en la natira. Dasper il dar golf chel fa gia dapi prest 30 onns ha el cumenzà avant dus onns dad ir a pestga. E gia dapi ses emprendissadi va el cun velo. Er il viadi a la lavur da Panaduz a Glion fa Martin Sialm, sche laura lubescha, adina cun il velo. Prest milli giadas ha el gia fatg quest viadi tras la Ruinaulta.

La directura da las agenturas da la Banca chantunala en Engiadina Bassa, Val Müstair e Samignun di chella dovria raubas concretas e calculablas en sia vita. La vita professiunala ha Cilgia Rest passentà per gronda part tar la medema patruna da lavur. Dapi 24 onns lavura la dunna oriunda da Susch tar la Banca Chantunala Grischuna, dapi tschintg onns en la funcziun da directura da las agenturas en Engiadina Bassa, Val Müstair e Samignun. Il contact direct cun la clientella la stettia anc adina ferm a cor. Era schi dettia mintgatant situaziuns betg agreablas, per exempel sche la banca sto dar ina resposta negativa ad ina dumonda per in credit. «Dir na nè mai bel, ma fa mintgatant da basegn». Tschintg onns ha Cilgia Rest fatg ina pausa dal mund da banca. In da quels ha ella nizzegià per far in viadi enturn il mund. Cura che la dunna da 49 onns è turnada en Engiadina, ha ella manà durant dus onns in hotel a Zernez. Ella è però vegnida a la conclusiun chil mund da finanzas saja tuttina sia gronda passiun, uschia chella è puspè turnada sin banca. Recreaziun chatta Cilgia Rest lenviern faschond sport da naiv e la stad en ses iert.

Sco buob vuleva el be giugar ballape. Oz è il Sursilvan da 42 onns CEO dad in'assicuranza en Spagna. Sia vita è marcada da midadas, sfidas, aventuras e bler'ambiziun. Sco mecanist d'autos è el sa lavurà si enfin tar il CEO. El ha studegià a las pli differentas universitads, da Stanford enfin a la HSG a Son Gagl. Tut il mund da l'economia na fiss dentant nagut senza il sustegn da sia dunna e famiglia. «Jau sun in tip da famiglia, per mai èn emoziuns essenzialas», di el. Dapi passa sis onns viva el cun sia dunna e las trais figlias a Sevilla e taidla là Radio RTR.

Dapi passa 30 onns organisescha il JBOG – Jugend Blasorchester Graubünden (l'Orchester dinstruments a flad da giuvenils Grischun) – in'emna da musica per giuvnas e giuvens cun emprovas intensivas, per preparar dus concerts finals. Dapi il 2023 è il giuven musicist Florian Schneider il manader. Ensemen cun Isabella Kraft, han els dus organisà dirigent, manaders da register, localitads etc. per porscher a las giuvnas musicantas ed als giuvens musicants in'emna da musica.

Dapi in mez onn maina il giuven istoricher d'art la chasa da cultura ed exposiziun da la Val Lumnezia. «Jau sun fitg incantà da la plazza e ma sent propi en il dretg lieu». Cun 29 onns haja el gia ina plazza da siemi, di il giuven da Mustér ch'ha chattà a Lumbrein ina plazza che cuvra giu blers da ses interess. Qua possia el esser creativ, s'occupar cun art, dentant era far lavurs manualas ed administrativas e sviluppar la Casa d'Angel vinavant. Dapli dal giuven da Mustér ch'ha – sper ses flair per l'art – era benzin en il sang udis en il Profil.

«Jau n'hai betg gì in plan da vita» – di l'anteriura schurnalista da RTR e SRF che po festivar l'onn proxim ses 70avel anniversari. Dapi bun in onn viva l'Engiadinaisa a Genua, quai suenter avair cultivà e producì durant 10 onns ieli d'ulivas en la Liguria, Italia. Per ella saja il far e crear adina stà la part interessanta en sias differentas professiuns – saja sco schurnalista, hoteliera, curatura, gallarista ed era sco pura d'ieli d'ulivas. En il «Profil» maina l'ospitanta passiunada sco guida tras Genua e raquinta da la citad, dentant era da sia vita.

La «Marella» contextualisescha il cas da las Senioras per il clima e da lur plant cunter la Confederaziun.  Dapi il cumenzament d'avrigl rapportan medias da l'entir mund da las Senioras per il clima ch'èn idas davant il Tribunal europeic dals dretgs umans a Strasbourg, argumentond che la Svizra na fetschia betg avunda cunter la crisa climatica. Ed il tribunal ha dà raschun a las senioras! Tenor la chombra gronda (l'instanza la pli auta dal tribunal), è la Svizra en retard cun sias mesiras per cumbatter la midada dal clima, e quai haja consequenzas negativas per la vita da sia populaziun. La Svizra cuntrafetschia uschia a la convenziun dals dretgs umans suttascritta il 1974. Ch'il pli aut tribunal europeic sentenziescha la Svizra e pretenda dad ella d'agir pli svelt e pli rigurusamain en favur dal clima, quai è in cas da precedenza: igl è l'emprima giada che la protecziun dal clima vegn declarada sco dretg uman.

Dapi il 2019 viva l'Engiadinaisa cun ina protesa sut il schanugl sanester. Ella lavura sco tessunza tar Movimento, l'instituziun per persunas cun impediments a Samedan. Dapi sia naschientscha haja il pe da Ladina Cadonau fatg difficultads. Suenter numerusas operaziuns durant 10 onns è ella sa decidida da laschar amputar il 2019 la part sut da sia chomma. «Avant aveva jau adina dolurs. Era cun far sport u giugar cun mes uffants. Mal, mal, da bunura fin saira e quai durant decennis.» Grazia a sia tenuta positiva e ferma voluntad, ha Ladina Cadonau puspè cumenzà a lavurar suenter il temp da rehabilitaziun, entant cun ina protesa. Il star en pe tuttadi è però daventà cun il temp memia pesant, uschia che la dunna da 58 onns lavura uss il terz onn tar Movimento a Samedan sco tessunza. En l'instituziun per persunas cun impediments sa senta ella fitg bain. «Per mai èn ils collavuraturs e las clientas da Movimento simplamain sco ina gronda famiglia, tut è uschè cordial. Insatge ch'ins po ir a tschertgar ditg en auters lieus da lavur.» Durant sia vita haja ella passentà bels muments, sco per exempel las naschientschas da ses dus figls. Dentant hai era dà temps fitg difficils e pesants, nua che Ladina Cadonau ha era consumà excessivamain alcohol, per supprimer ils problems. Oz abita la dunna ch'ha passentà sia uffanza a San Murezzan ensemen cun dus giats en ina pitschna abitaziun a Madulain. Il viadi a la lavur daventia adina pli pretensius, causa sia protesa, ma era pervi dals numerus plazzals da construcziun ch'impedeschian adina puspè sia via.

Il chor è vegnì fundà il 2004 cun l'idea d'unir en in chor giuvenils (tranter 16 e 27 onns) da l'entir chantun Grischun che chantan gugent. Dapi la fundaziun diregia Martin Zimmermann.  Per festivar il giubileum ha el mess ensemen concerts tut spezials. El ha envidà anteriuras chantaduras ed anteriurs chantadurs per furmar in chor dals anteriurs. Quel dat concert ensemen cul chor actual. 

Ina da las pli veglias uniuns dal chant viril sacral dal Grischun dastga guardar enavos sin 175 onns plain splendur, ma era cun intginas crisas. L'istorgia dal Chor viril baselgia Savognin è in chapitel impressiunant da la tradiziun dal chant viril dal Grischun. Cumenzà ha tut avant 175 onns – cun ina dunna. Sabina Escher de Latour, ina musicista emancipada e bain scolada da Breil, ha fundà il chor l'onn 1849 ed ha manà quel durant insaquants onns. Enconuschent surregiunalmain è il chor vegnì a partir da l'onn 1870. L'emprim sut la direcziun dal scolast indigen Stefan Wasescha. E suenter cun Georgius Schmid de Grüneck, ch'era pli tard daventà uvestg da Cuira, aveva surpiglià la batgetta. Il chor è sa preschentà cun success a differentas festas da chant ed è schizunt vegnì engaschà da chasas renumadas sco il «Maloja Palace Hotel». Mess accents han ils dirigents Peder Spinatsch e Rudi Netzer. Malgrà las sfidas sco il segund concil vatican ed il turissem ch'era prosperadas en moda rasanta, eri reussì a Rudi Netzer da mantegnair il chor e cun el la tradiziun dal chant ecclesiastic. Ultra da quai era il repertori er adina vegnì engrondì cun chanzuns profanas e popularas. Dapi l'onn 2010 stat il chor sut la direcziun dal giuven dirigent Gianign Arpagaus. En l'emissiun Marella partan tschintg persunas cun funcziuns-clav istorgias commoventas e divertentas dals 175 onns Chor viril baselgia Savognin. Co il chor ha surventschì las sfidas, co el ha dumagnà il spagat tranter tradiziun e moderna e co ch'el ha adina pudì engaschar novs chantadurs giuvens, da quai raquinta la Marella. Ulteriurs temas: - Schäfers Sonntagslied - Mesanotg - Abba bab ord la Passio Nova - Sancta Maria - Jesus mora ved la crousch ord La Veia dalla Crousch - La Patria

Dapi bun in'emna è il nov center da distribuziun da la posta a Trun en funcziun. Da là vegn sortì e repartì l'entira posta per il circul da Mustér. – La biodiversitad è sut squitsch, er en il Grischun. Il chantun ha elavurà ina strategia per far frunt a quest problem. – En Val Lumnezia pon ins prest bouldrar en ina halla. Dus indigens han prendì l'iniziativa, fundà in'uniun e mess sin las chommas la pitschna halla da bouldrar che vegn prest averta.

Actualmain è sia fatscha da vesair sin in placat en in center da cumpra a Londra. Che quai vegniss in di uschè lunsch n'avess Vanessa Fay Duque mai pensà. Tuttina ha sia via manà ella en quella direcziun. Dapi in onn e mez è ella model professiunal – e fa quai cun passiun. Gia da pitschna buoba hajan persunas fatg attent ch'ella avessia potenzial da daventar model. Quai saja restà enfin il di dad oz e perquai haja ella lura insacura era gì interess da star davant la camera. Anc durant ses emprendissadi mercantil en ina garascha d'autos ha Vanessa Fay Duque fatg ses emprim shooting che ha sveglià sia passiun per la lavur da model. Ussa, dus onns pli tard è ella gia stada avant la camera per diversas marcas da resti, davent da resti da sport enfin dessous e resti da bogn, cosmetica ed auters artitgels da reclama. La giuvna sursilvana cun ragischs dal Portugal n'è pia betg in model da «high fashion». Ella na preschenta betg las novas collecziuns da resti sin la passarella, mabain davant la camera. En quella categoria sajan auters attributs impurtants. Numnadamain in bel carisma, ina fatscha simmetrica ed autras atgnadads unicas din model.

Actualmain è sia fatscha da vesair sin in placat en in center da cumpra a Londra. Che quai vegniss in di uschè lunsch n'avess Vanessa Fay Duque mai pensà. Tuttina ha sia via manà ella en quella direcziun. Dapi in onn e mez è ella model professiunal – e fa quai cun passiun. Gia da pitschna buoba hajan persunas fatg attent ch'ella avessia potenzial da daventar model. Quai saja restà enfin il di dad oz e perquai haja ella lura insacura era gì interess da star davant la camera. Anc durant ses emprendissadi mercantil en ina garascha d'autos ha Vanessa Fay Duque fatg ses emprim shooting che ha sveglià sia passiun per la lavur da model. Ussa, dus onns pli tard è ella gia stada avant la camera per diversas marcas da resti, davent da resti da sport enfin dessous e resti da bogn, cosmetica ed auters artitgels da reclama. La giuvna sursilvana cun ragischs dal Portugal n'è pia betg in model da «high fashion». Ella na preschenta betg las novas collecziuns da resti sin la passarella, mabain davant la camera. En quella categoria sajan auters attributs impurtants. Numnadamain in bel carisma, ina fatscha simmetrica ed autras atgnadads unicas din model.

Causa mancanza da plazza da lavur ha la via dal medi da 68 onns manà el en autras regiuns e pajais. Il chirurg engiadinais Gian Arard Melcher viva actualmain cun sia dunna a Greifensee ed alternantamain en sia chasa paterna a Zuoz. Dapi il 2015 è l'um da 68 onns en il cussegl administrativ da la Fundaziun Provediment da sanadad EngiadinOta (SGO), nua ch'el ha surpiglià il presidi l'onn passà. Quitads fan actualmain surtut las cifras da l'ospital regiunal a Samedan ch'ha scrit cifras cotschnas cun in minus da 5 milliuns francs l'onn passà. «Jau crai che l'ospital regiunal a Samedan vegn a restar. La dumonda è dentant en tge furma e quant che la populaziun è pronta da pajar». Suenter ch'il bab da dus uffants creschids ha gì finì sia carriera professiunala da chirurg a l'ospital ad Uster – avant la vegliadetgna da pensiun – ha Gian Arard Melcher fundà avant set onns in'interpresa da cussegliaziun per ospitals e partiziuns medicinalas. En ses temp liber giauda el la natira, la chamona da famiglia en la Val Varusch ed era temp prezius cun ses trais biadis. Creschì si è Gian Arard Melcher cun sia mamma a Zuoz, sco bengiamin, cun duas soras pli veglias. Ch'el seguiss professiunalmain ils fastizs da ses bab n'è betg adina stà cler per el. Finalmain è Gian Arard Melcher sa decidì cunter in studi d'istorgia rumantscha e per la medischina.

En trais locals da concurrenza a Cuira èn ils chors sa preschentads avant la giuria. Bun 1'900 chantaduras e chantadurs da 66 chors han vulì mussar lur meglier chant. In da quels locals è stà la Baselgia Son Gliezi. Dals 2 fin ils 4 da favrer ha gì lieu a Cuira la concurrenza svizra dals chors. Igl è stà la 11avla ediziun dapi l'onn 1988 cura che la concurrenza ha per l'emprima giada gì lieu a Schaffusa. Dapi l'ultima giada han amaturas ed amaturs da chors gì da spetgar pulitamain ditg – l'ultima giada è numnadamain stada 2017 ad Aarau. En la Baselgia Son Gliezi èn la sonda e dumengia sa preschentads 26 chors da l'entira Svizra en las categorias ensembles vocals, chors d'elita e chors maschadads pitschens. L'emissiun dad oz preschenta ina selecziun da las registraziuns che RTR ha fatg durant quels dis. En questa emissiun datti la segunda part da las registraziuns da la Baselgia Son Gliezi. Cun chors da la categoria Chors maschadads, insaquants schatgs dal uschenumnà Mottokonzert cun il tema «Klangliches» e la fin mintgamai ina chanzun dals victurs e las victuras da las trais categorias.

Sia lavur va sut la pel, en il vair senn dal pled. Dapi il 2019 lavura Jessica Spescha sco tatuadra a Val. Sper sia lavur da furar motivs sin la pel creescha ella t-shirts en la Remisa d'art. Sper motivs da la natira sa chattan sin quels adina in pèr pleds rumantschs. Sin l'idea da vegnir tatuadra è Jessica Spescha vegnida fitg tard, di ella en il Profil. Schon sco matta malegiava ella. Cura ch'ella ha laschà furar ses tattoo a Val ch'ella aveva sezza malegià, haja il possessur dal studio da tatuar a Val fatg vegnir Jessica sin quella idea.

En trais locals da concurrenza a Cuira èn ils chors sa preschentads avant la giuria. Bun 1'900 chantaduras e chantadurs da 66 chors han vulì mussar lur meglier chant. In da quels locals è stà la Baselgia Son Gliezi. Dals 2 fin ils 4 da favrer ha gì lieu a Cuira la concurrenza svizra dals chors. Igl è stà la 11avla ediziun dapi l'onn 1988 cura che la concurrenza ha per l'emprima giada gì lieu a Schaffusa. Dapi l'ultima giada han amaturas ed amaturs da chors gì da spetgar pulitamain ditg – l'ultima giada è numnadamain stada 2017 ad Aarau. En la Baselgia Son Gliezi èn la sonda e dumengia sa preschentads 26 chors da l'entira Svizra en las categorias ensembles vocals, chors d'elita e chors maschadads pitschens. L'emissiun dad oz preschenta ina selecziun da las registraziuns che RTR ha fatg durant quels dis. La baselgia Son Gliezi ch'è vegnida bajegiada enturn l'onn 730 è sin la glista dals bains culturals cun muntada naziunala en il chantun Grischun. Dapi lura è la baselgia vi da la veglia via dal Scanvetgvegnida renovada ed engrondida pliras giadas. L'onn 1811 è la baselgia ed il clutger sur il chor brischads. Suenter che la baselgia Son Gliezi è vegnida bajegiada da nov è ella vegnida renovada in'ultima giada ils onns 50.

En trais locals da concurrenza èn ils chors sa preschentads avant la giuria. Bun 1'900 chantaduras e chantadurs da 66 chors han vulì mussar lur meglier chant. In da quels locals è stà il Teater Cuira. Dals 2 fin ils 4 da favrer ha gì lieu a Cuira la concurrenza svizra dals chors. Igl è stà la 11avla ediziun dapi l'onn 1988, cura che la concurrenza ha per l'emprima giada gì lieu a Schaffusa. Dapi l'ultima giada han amaturas ed amaturs da chors gì da spetgar in zic pli ditg – l'ultima giada è numnadamain stada 2017 ad Aarau. En il teater a Cuira èn la sonda e dumengia sa preschentads 20 chors da l'entira Svizra en la categoria «Popchöre» ed en differentas categorias da chors d'uffants e giuvenils. L'emissiun dad oz preschenta ina selecziun da las registraziuns che RTR ha fatg durant quels dis. La dumengia suentermezdi ha medemamain il final e la rangaziun gì lieu en il teater – quai pudais vus guardar qua anc ina giada . Il teater ha gia ina lunga tradiziun a Cuira. Emprims teaters hai gia dà enturn 1517. Da far regularmain teater saja pussaivel dapi 1876 e dapi 1959 è il teater en quai lieu nua ch'era ils concerts da quella fin d'emna han gì lieu. In u l'auter chor han forsa era perquai fatg in zic teater durant lur bun 15 minutas preschentaziun ed uschia divertì il vast public betg be chantic.

En trais locals da concurrenza èn ils chors sa preschentads davant la giuria. Bun 1'900 chantaduras e chantadurs da 66 onns chors han vulì mussar lur meglier chant. In da quels locals era la Baselgia Son Martin. Tranter ils 2 ed ils 4 da favrer ha gì lieu a Cuira la concurrenza svizra dals chors . Igl è stà la 11avla ediziun dapi l'onn 1988 cura che la concurrenza ha per l'emprima giada gì lieu a Schaffusa. Dapi l'ultima giada han amaturas ed amaturs da chors gì da spetgar in zic pli ditg – l'ultima giada è numnadamain stada 2017 ad Aarau. En la pli veglia baselgia da Cuira èn la sonda en tut 20 chors sa preschentads. Quai en las categorias «chors da dunnas», «chors virils pitschens», «chors maschadads» e «chors virils». En l'emissiun dad oz pudain tadlar ina selecziun da las registraziuns che RTR ha fatg durant quai di. Istoricamain è il Martinsplatz davant la baselgia tranter Obertor ed Untertor stà il punct central dal transit. Era la sonda durant la concurrenza svizra dals chors hai dà bler traffic en ed enturn la baselgia. Sin tribuna eran chors da l'entira Svizra ch'han preschentà in program variant.

Dapi 10 onns èn ils territoris da skis d'Arosa e da Lai colliads – Exposiziun da cameras en il Museum Alpin a Puntraschigna – Ils pli bels #muments tar RTR.

Timea Luana Panier, oriunda da Sagogn, viva a Basilea, è designra da moda ed illustratura. Dapi bun in onn ha ella in agen label da moda da resti da bogn e da mintgadi per dunnas. Ella viva per la moda e per las colurs ed è permanentamain a la tschertga da novs looks. Inspirà Timea Luana Panier ha sia tatta – cun lezza ha ella emprendì da far chaltschiel e da cuser. Era dissegns, tagls e maletgs ha ella fatg gugent en sia uffanza. Uschia èsi stà cler baud che Timea Luana Panier ha inavaina artistica e creativa. Era durant il temp da scola è la dunna che ha oz 29 onns dada en egl cun sias cumbinaziuns da resti coluradas ed extravagantas. Insumma saja ella ina persuna che dettia gugent en egl e che procuria per inqual tachel da colur en la vita. Da la cusunza a lagen start-up da moda Ch'ella veglia ir en direcziun da la moda è stà cler baud. Uschia ha Timea Luana Panier fatg in emprendissadi da cusunza a Cuira. Quest temp saja bain stà bel, ma memia structurà per la dunna cun bleras ideas en il chau. Suenter far viadis e lavurar en la gastronomia ha Timea Panier cuntinuà sia via da moda cun studegiar design da moda a Basilea. Avant passa in onn ha la Sursilvana accumplì in da ses gronds siemis e fundà l'agen label da moda cun duas amias dal studi. Sper il label lavura la dunna oriunda da Sagogn anc sco vendidra en ina butia da tastgas a Basilea per pudair finanziar sia vita, enfin chil start-up sa paja. La gronda finamira e ses siemi è dentant da pudair viver in di da l'atgna fatschenta che producescha moda da bogn e da mintgadi per dunnas. Sper la moda che emplaina la gronda part da la vita da Timea Luana Panier fa ella gugent yoga, spassegiadas en la natira e s'inscuntra cun amias ed amis.

La primavaira avant dus onns avain nus visità per l'emprima giada la duas soras Anya e Varya ch'èn fugidas da la guerra en l'Ucraina. Dapi bun in onn vivan ellas cun lur mamma a Cuira. La vita a Cuira, ina vita en in nov dachasa – ed il cor en dus lieus. – Igl è puspè vegnì pli fraid, ina stoda fradaglia malempernaivla! Mo per l'ambient, per ils animals ed er per ils carstgauns n'èn bunas betg mo temperaturas chaudas, era la fradaglia ha sia funcziun. Las temperaturas bassas tegnan ensemen nossas muntognas grazia a la schelira permanenta, procuran per naiv che protegia l'enviern nossas pradas ed èn era bunas per nossa circulaziun dal sang. – Questa emna datti purtrets spectaculars da las vias en Germania. Las puras ed ils purs n'èn betg cuntents cun il program da spargn da la regenza. L'emna da chauma blocheschan els vias, cruschadas, punts, vitgs e citads cun lur grondas maschinas.

«Quai eran vacanzas fascinantas, ir sin viadi cun in asen», quai di Jon Domenic Parolini, il president da la regenza Grischuna dal 2024 en il Profil da RTR, davart in viadi en Frantscha. Ir en gir cun in asen, ch'ha ina creppa dira e sa tge ch'el vul e nua ch'el vul ir, dovra coordinaziun. Dapi 25 onns è Jon Domenic Parolini politicher da professiun. Sia lavur politica ha quasi cumenzà cun ses engaschament per il rumantsch. El ha gì l'idea per ina giuventetgna rumantscha, la GiuRu. E sco suprastant da la Lia Rumantscha ha Jon Domenic Parolini fatg part da la Pro Svizra Rumantscha, che vuleva realisar ina gasetta rumantscha dal di. «La Quotidiana» ha lura bain la Somedia realisà, ma almain ha el pudì gidar da fundar la ANR, l'Agentura da Novitads Rumantscha, ch'è vegnida transfurmada en la FMR, la Fundaziun Medias Rumantschas.

Giuliana Werro da Zernez ha fatg il meglier resultat da sia carriera a la Tour de Ski a Tavau. Ed: 30 onns impuls. Dapi trais decennis datti mintga di in impuls sin RTR. L'emissiun Cuntrasts deditgescha in film als texts curts.

Il 1998 ha il Cor da baselgia da Müstair festivà ses 25avel giubileum. Dapi la fundaziun ha Beat Grond dirigì il chor. A chaschun da quest giubileum ha il chor fatg in disc cumpact ensemen cun il Cerchel Musical dalla Surselva. In bel exempel per la collavuraziun surregiunala tranter la Val Müstair e la Surselva e be tuns armonics.

Dapi il 1923 stat ella ferma e franca sco in veder schember – en la litteratura ed er en l'istorgia da l'identitad rumantscha: la poesia «Tamangur». En ella conguala l'autur engiadinais Peider Lansel in guaud «aintasom S-charl ingiò sun rafüdats tuots oters gods» cun il destin dal rumantsch, «nos linguach prüvà» «chi dal vast territori d'üna jà in uschè strets cunfins uoss'es ardüt». Era cun questa poesia ha la Rumantschia cumbattì ils onns 20 e 30 dal tschientaner passà cun success per la renconuschientscha dal rumantsch. La Marella ha inscuntrà trais passiunads da la forza che Tamangur derasa anc adina – l'anteriur inschigner forestal Jon Domenic Parolini, il Lansolog Rico Valär ed il chantautur Linard Bardill.

Tom Gaebel e l'orchester dal radio dal WDR preschentan semperverds per il temp d'advent e Nadal. Nus faschain in viadi musical tras il temp d'advent e Nadal! Cun semperverds sco «White Christmas» u «Let it Snow» ans mainan l'orchester ed il chor dal radio dal WDR e l'incumparabel Tom Gaebel vers il meglier temp da l'onn. Tom Gaebel Dapi che Tom Gaebel (*1975) ha publitgà l'onn 2005 ses album da debut «Introducing Myself», è la scena da musica betg imaginabla senza l'um cun la vusch straordinaria. Nagin auter entertainer tudestg cumbinescha tuns passiunads da big band cun la ligerezza da ses chant. La part da sia vita ch'ins numna «carriera» ha cumenzà tut sut la duscha. Sco student al conservatori dad Amsterdam era el in veritabel chantadur en la bognera. Ses idols: Caruso ed anc dapli Sinatra. E ses conscolars l'han motivà ed encuraschà cun dir: «Hey Tom, quai tuna propi cool». Ed uschia è el sa sviluppà da l'instrumentalist fin tar il chantadur Tom Gaebel che ha finì ses studi da chant da jazz – cum laude. Suenter ses studis da musica cun trumbetta, battaria e sco chantadur da jazz ad Amsterdam, è el ì a Cologna ed ha fundà si'emprima gronda band. Dapi lura ha Tom Gaebel intgantà il public en l'entira Germania e dapertut nua ch'el sa preschenta sin tribuna ensemen cun ses orchester. «Dr. Swing», sco el vegn numnà d'amis, è dentant er in giast bainvesì en emissiuns da televisiun. E tut ses fans na pon betg spetgar fin che Tom concertescha puspè ensemen cun l'orchester da radio dal WDR.

A la fin da la stagiun 2021/2022 ha Eligius Tambornino tratg in stritg sut sia carriera sportiva ch'ha cumenzà cun il passlung e ch'è ida a fin cun il biatlon. Oz è Eligius Tambornino maridà, ha dus uffants, è scolast primar ed è puspè sa chasà en sia patria a Trun. Eligius Tambornino valeva avant bun 10 onns sco in dals megliers sprinters svizzers da passlung en la tecnica libra, il skating. En questa disciplina è el daventà campiun svizzer, è stà classà pliras giadas en ils top 10 da la cuppa mundiala ed ha dastgà sa participar a campiunadis mundials ed a gieus olimpics. Il 2014, suenter ils gieus olimpics a Sotschi ch'èn ids a fin cun ina gronda dischillusiun, è Tambornino sa decidì da lantschar ina nova carriera en il biatlon. Durant otg onns ha el lavurà cun corp ed olma per il success en il sport da biatlon. Propi fitgar pe en la cuppa mundiala n'ha il sportist da Trun però mai pudì, principalmain pervia dal sajettar sin pes. Oz na stat betg pli il sport, mabain la famiglia en il focus Enstagl da la loipa ed il stan da tir è oz la stanza da scola la plazza da lavur dad Eligius Tambornino. Dapi l'onn passà dat el scola primara a Danis. Anc durant la carriera sco biatlet ha el frequentà la scol'auta da pedagogia a Cuira. «Sco en il sport èsi era magari da morder sco scolast, ma jau emprov da far mes meglier pussibel sco quai chjau hai fatg tut ils onns sco passlunghist u biatlet.» Il temp liber passenta el il pli gugent cun sia famiglia. Ma er il moviment na dastga betg mancar. Uschia ha Eligius Tambornino cumenzà a far cursas da currer sur distanzas lungas, cursas da trailrunning. Per l'onn proxim è el gia s'annunzià per l'Eiger Ultra Trail, ina cursa sur ina distanza da 101 kilometers cun 6'700 meters differenza d'autezza. E betg mancar en la vita da l'anteriur profi da sport dastga la musica. Dapi passa 20 onns è Eligius Tambornino commember da la societad da musica Trun.

Gastronoma, birolista, model, actura – la vita da Manuela Orlik è multifara. Cun 55 onns ha ella gia vis bler e pudì realisar baininqual siemi. Gugent giauda ella dentant er il ruaus en la natira, saja quai cun far passlung u viandar, il pli gugent suletta.  Er a cor stattan ad ella ils Stadis Unids, in pajas ch'ella ha gia visità pliras giadas. Dapi sis onns maina Manuela Orlik l'ustaria Miraval sur Sumvitg en la vischinanza da Sogn Benedetg, quai cun l'agid da ses um e da l'entira famiglia. Cuschinar e preschentar differents menus sin il taglier per ses giasts è daventà per ella ina gronda passiun, e quai senza avair emprendì da gastronoma u da cuschiniera. Dasperas è Manuela Orlik er anc furnitura da té e lavura parzialmain tar il center da la plaiv refurmada Aua Viva a Mustér.

Paul DeLucia from research in Dash Core Group comes on the Dash Podcast to talk the intricacies of Dash Evolution and all its components: DAPI, Dash Drive, GroveDB, TenderDash, and much more. A technical deep dive! Buy subscriber NFTs! https://descentr.net/nft/ Start living on crypto: https://descentr.net/crypto Crypto services directory: https://descentr.net/crypto-services Music from https://www.zapsplat.com --- Send in a voice message: https://podcasters.spotify.com/pod/show/digitalcashnetwork/message Support this podcast: https://podcasters.spotify.com/pod/show/digitalcashnetwork/support

En este episodio charlamos con Damasia Moreno Crotto, o Dapi, como le dicen su familia y sus amigos. En un testimonio de fe impactante, Dapi hoy nos cuenta de su enfermedad y de distintas experiencias de dolor que experimentó en su vida; sobre todo, acerca de cómo es vivir el sufrimiento de la mano de Dios y desde la Fe. Dapi está casada con Nicolás Thibaud y tiene 44 años. Hace 15 años, fue diagnosticada de EMTC (Enfermedad mixta del tejido conectivo), un conjunto de enfermedades autoinmunes (Artritis Reumatoidea, Lupus, Raynoud, Vasculitis, entre otras), en que se van atrofiando los músculos del cuerpo y que se caracteriza por mucho dolor físico. En mayo de este año, tuvo un infarto y le diagnosticaron también HLH (Linfohistiocitosis Hemofagocítica), un trastorno de inmunodeficiencia que hizo que su cuerpo colapsara y que la dejó al borde de la muerte. Dapi es muy devota del Cura Brochero, al que conoció en el año 1995, desde que empezó a misionar en Córdoba con un grupo misionero. Trabajó en una productora de Cine, Patagonik Film Group, y en las revistas CINEMANIA y El Planeta Urbano. Hoy está abocada a su enfermedad y también a coordinar actividades de la Familia Cristiana del Polo, un movimiento que organiza retiros, peregrinaciones, charlas y encuentros para crecer en la Fe. “No tengo plata ni oro, pero te doy lo que tengo”: un espacio donde encontrarnos con el que verdaderamente nos llena, para que nos tome de la mano, nos levante y nos ponga en camino nuevamente. Somos Sol, Colo y Tere, con el apoyo del Pbro. Gastón Lorenzo, Parroquia Católica Nuestra Señora del Pilar, Buenos Aires, Argentina. Entrevistamos a personas que nos comparten su vida y nos ayudan a profundizar nuestra fe. Contactate: - Con nosotros: podcastdelpilar@gmail.com - Con la Familia Cristiana del polo: https://www.instagram.com/familiacristianadelpolo/ Música: - Cortina musical: "Tan pobre y tan rico"· Jóvenes Catedral de San Isidro. Álbum: “Hazte canto”. - Canción final: "Venid conmigo". Compuesta e interpretada por: Ain Karem. Letra inspirada en Mc 6,30-34. Álbum: Busca mi rostro, 2013. Este podcast está realizado a beneficio de la Fundación Nuestra Señora del Pilar, que acompaña a niños, adolescentes y mujeres en estado de vulnerabilidad en Buenos Aires, Argentina. Te invitamos a colaborar con esta obra. Hacé click acá para donar, o entrá a la página de la Fundación para conocer más acerca de la fundación y otras formas de ayudar. Muchas gracias.

Today on the Fortune Teller podcast, we are talking with Mason Burkhalter, Head of Operations at API3. API3 allows for the creation of trustless applications that interact with Web APIs. Instead of using legacy third-party oracle networks, API3 is moving towards first-party oracle options to provide more security, efficiency, regulatory compliance, and simplicity. The API3 data feeds are governed by an open DAO of stakeholders, industry experts and project partners. This lets dAPIs to be operated with maximal transparency, minimal trust in centralized operators, and without centralized attack surfaces. API token holders take a direct part in governing the project by staking API3 tokens into the API3 insurance staking contract, granting voting power in the API3 DAO. Third party oracles are both insecure and expensive. API3 data feeds are not exposed to data tampering and denial of service attacks by middlemen, as API3 does not have third-party node operators. Thus, API3 data feeds reach higher cost-efficiency, with fewer attack surfaces. Source-level decentralization of dAPIs is enabled by Airnode, a fully serverless oracle node to be deployed by any API provider for free, and with little day-to-day management. API3 provides dAPI users with an on-chain insurance, powered by the API3 token and Kleros' decentralized courts. API3's insurance gives dAPI users a quantifiable safety net in the event of a malfunction, and holds the API3 DAO directly responsible for the dAPIs' security, while it incentivizes a security-first governance approach for dAPIs, along with the API3 project as a whole. Furthermore, dAPIs can be bridged to any blockchain, being a multi-layer, cross-platform data solution. This allows for smart contracts on various platforms with more accurate access to premium real-world data. This multi-layer, cross-platform approach lets any smart contract platform leverage API3's ecosystem of dAPIs and data-integration tools by creating a bridge between API3 and the network. API3 allows for API providers to easily run their own oracle nodes. With this, API providers can provide their data on-chain, without an intermediary, to any decentralized app (dApp) interested in their services. Using a single first-party oracle creates centralization at the API level, and requires the API provider to be trusted. An oracle network makes the request to multiple independent oracles, reducing their responses to a single answer via predetermined consensus rules implemented as a smart contract. With these, individual malicious oracles cannot manipulate the outcome, creating a level of decentralization and trustlessness. In addition, the oracle network must be governed decentrally as well. Otherwise, a central entity can switch the oracles or APIs used, or replace the aggregator to manipulate the oracle network output. To learn more about API3, visit: https://api3.org/ https://www.linkedin.com/company/api3/ https://www.youtube.com/c/API3DAO/featured https://twitter.com/API3DAO -- The Fortune Teller podcast is a discussion between industry leaders in blockchain and financial technologies. The podcast focuses on the development of blockchain-based financial services and outlines the current state of the industry and future predictions for the adoption of decentralized finance. Go to www.teller.finance/

Douglas Kendyson is a software engineer with a lot of experience in the fintech & payments space. He has worked for the top YCombinator backed payment startups in Africa (Flutterwave & Paystack), as well as a Robo-advisory firm in the UAE (Sarwa) and Dapi, building the payment infrastructure for the Middle East. Douglas is also the Founder and CEO of Selar, an eCommerce tool creatives & entrepreneurs use to sell their content, products and services across borders without any hassle. Selar has over 15,000 registered users today. --- Send in a voice message: https://podcasters.spotify.com/pod/show/founders-connect/message