Podcasts about cuntrasts

La gruppa Furbaz è fin ussa l'unica band rumantscha che ha cuntanschì il final da l'Eurovision Song Contest. Avant 36 onns han ils Furbaz represchentà la Svizra a Losanna cun la chanzun «Viver senza tei». Malgrà ch'igl ha bastà mo per il 13avel plaz, ha questa preschentaziun dà in stausch enorm a lur carriera. Ils «Cuntrasts» recapituleschan l'istorgia dal success dals Furbaz. Per questa retrospectiva filmica han ils «Cuntrasts» visità dus commembers dals Furbaz: Marie Louise Werth, la chantadura e pianista da la gruppa, sco er Ursin Defuns, in dals chantadurs da background ch'è stà da la partida a partir dal cumenzament. Tge fan els oz e s'interesseschan els anc per l'Eurovision Song Contest? A maun d'intervistas e da material d'archiv vegn recapitulà il viadi che ha manà quella gruppa da la Surselva ils onns 1980 e 1990 al success naziunal ed internaziunal. La part principala da questa documentaziun deriva dal film «Giu bambin? – Il recept per il success dals Furbaz» (2009) da l'autura Carin Camathias. -------------------------------------------------------------------------------------------- Die Gruppe Furbaz ist bislang die einzige rätoromanische Band, die es ins Finale des Eurovision Song Contest geschafft hat. Vor 36 Jahren vertraten sie die Schweiz in Lausanne mit dem Lied «Viver senza tei». Obwohl sie nur den 13. Platz belegten, gab dieser Auftritt ihrer Karriere einen enormen Schub. Ein Rückblick. Für diesen filmischen Rückblick hat «Cuntrasts» zwei langjährige Mitglieder der Furbaz besucht: Marie Louise Werth, die Sängerin und Pianistin, sowie Ursin Defuns, einer der Backgroundsänger, der von Anfang an dabei war. Was machen sie heute und interessieren sie sich noch für den «Eurovision Song Contest»? Anhand von Interviews und Archivmaterial wird der Weg nachgezeichnet, der diese Gruppe junger Menschen aus der Surselva in den 1980er- und 1990er-Jahren zu nationalem und internationalem Erfolg führte. Der Hauptteil dieser Dokumentation stammt aus dem Film «Giu bambin? – Il recept per il success dals Furbaz» (2009) der Autorin Carin Camathias.

Il Cussegl federal ha preschentà in nov deal concernent las relaziuns cun l'UE. Ussa vegnan elavurads ils detagls. Il cumbat politic ha però gia cumenzà. Tge vala la cunvegna or dal punct da vista da las parlamentarias e dals parlamentaris grischuns? Tge signifitgan las novaziuns per il Grischun? Anna Giacometti da la PLD, Magdalena Martullo-Blocher da la PPS e Stefan Engler da la partida Il Center èn giasts en il «Controvers» da Berna. ---------------------------------------------------------------------------------------- Der Bundesrat hat ein neues Abkommen betreffend Beziehungen zur EU präsentiert. Nun werden die Details ausgearbeitet. Der politische Kampf hat aber bereits begonnen. Was bedeutet das Abkommen aus Sicht der Bündner Parlamentarierinnen und Parlamentarier? Was bedeuten die Neuerungen für Graubünden? Mitte-Ständerat Stefan Engler, SVP-Nationalrätin Magdalena Martullo-Blocher und FDP-Nationalrätin Anna Giacometti diskutieren darüber in der Sendung «Controvers» aus Bern.

In sguard pers en las stailas? Per la fin da l'onn emplenescha l'emissiun da satira «RTR – la show» puspè la fanestra dals «Cuntrasts». Questa giada cun in sguard critic, schebain betg propi serius, sin l'astrologia. En questa show vai per l'astrologia. I vegnan scleridas las dumondas, pertge che l'astrologia è or dal punct da vista da la scienza ina pseudoscienza, pertge che oroscops constattan tuttina adina e pertge ch'ils discurs da cussegliaziun sin fundament da l'astrologia han tuttina lur giustificaziun. E lura datti anc insatge cun in Fridolin. ------------------------------------------------------------------------------------------- Ein verlorener Blick in die Sterne? Zum Jahresende befüllt die Satiresendung «RTR – La show» wieder das «Cuntrasts»-Fenster. Dieses Mal mit einem kritischen, wenn auch nicht ganz ernst gemeinten Blick auf die Astrologie. In der Satiresendung geht es um das Thema Astrologie. Geklärt werden die Fragen, warum Astrologie aus wissenschaftlicher Sicht eine Pseudowissenschaft ist, weshalb Horoskope trotzdem immer stimmen und warum Beratungsgespräche anhand von Sterndeutung doch ihre Berechtigung haben. Zudem werden neue Sternzeichen vorgestellt.

Temas da quest'emissun: - Co vai vinavant cun Brinzauls sch'il vitg vegn dischloccà? - Cuntrasts van per las vias en Val Medel – sco gia avant 30 onns - «Stubete Gäng» cun chanzun rumantscha - Meteo

Il 2024 è sa mussà in svilup interessant: il pievel svizzer na decida en pliras dumondas betg pli en il senn da la maioritad a Berna. Nus faschain bilantscha e dain in sguard sin l'onn che vegn. Quai faschain nus cun las cusseglieras ed ils cussegliers naziunals dal Grischun. Redacziun e moderaziun: Andri Franziscus. ---------------------------------------------------------------------------------------- Im ablaufenden Jahr gab es für Bundesrat und Parlament empfindliche Niederlagen an der Urne. Warum? War das politische 2024 ein verlorenes Jahr? Darüber diskutieren die Bündner Nationalrät:innen mit Andri Franziscus in der Sendung «Controvers». Und sie sagen, was sie im nächsten Jahr erreichen möchten.

Rituals da cumià han lur ragischs profundas en nossa cultura. Quant ferm ch'els san gidar tar il dir a dieu, realisar la mort ed ir enturn cun il led as bada savens pir cur ch'ins è pertutgà sezza. Quests rituals tradiziunals èn dentant per svanir. Da diesch sepulturas vegnan fatgas nov cun urna è mo anc ina cun bara. La fin da la vita vegn pli e pli privata. In process, che occupa er a la schurnalista Petra Rothmund. Per ils «Cuntrasts» da RTR è ella sa decidida da prender en maun la camera, documentar ils usits, ch'i dat anc ed observar tge che quels na san betg be effectuar per la singula u il singul, ma er per la cuminanza. En la Marella dad Isabelle Jaeger raquinta l'autura da ses inscunters e sias experientschas per realisar il film «Cumià e cuminanza».

Il 1. da settember 1824 gartegia als dus chatschaders da chamutschs Augustin Biscuolm da Mustér e Placi Curschellas da Trun la primascensiun dal Tödi. Pader Placi a Spescha – il pionier da l'alpinissem – mussa ad els ina ruta pussaivla per ir sin il Tödi. Per il pader da 72 onns è l'aventura sin ses culm tant bramà memia fadiusa. Cun ses telescop persequitescha el il success da ses dus cumpogns davent da la Val Russein. A quella conquista legendara deditgeschan ils CUNTRASTS dus films. Il segund film documentescha in'ascensiun dal Tödi dad oz. Alpinists grischuns e glarunais ascendan communablamain lur culm preferì. ------------------------------------------------------------------------------------------- Am 1. September 1824 gelang den beiden Gemsjägern Augustin Biscuolm aus Disentis und Placi Curschellas aus Trun die Erstbesteigung des Tödi. Der Benediktinerpater Placi a Spescha, ein Pionier des Alpinismus, wies ihnen die erfolgversprechende Aufstiegsroute. Für den 72-jährigen Pater war die Tour auf seinen innigst ersehnten Berg zu beschwerlich. Mit einem Fernrohr beobachtete er von der Val Russein aus, den Erfolg seiner beiden Bergkameraden. Dreizehn Jahre später eroberten auch die Glarner den Tödi von ihrer Seite aus. Der zweite Teil dokumentiert eine heutige Besteigung des Tödi. Im Gedenken an die Erstbesteigung machen sich Glarner und Bündner gemeinsam auf den Weg zum Gipfel.

Il 1. da settember 1824 gartegia als dus chatschaders da chamutschs Augustin Biscuolm da Mustér e Placi Curschellas da Trun la primascensiun dal Tödi. Pader Placi a Spescha – il pionier da l'alpinissem – mussa ad els ina ruta pussaivla per ir sin il Tödi. Per il pader da 72 onns è l'aventura sin ses culm tant bramà memia fadiusa. Cun ses telescop persequitescha el il success da ses dus cumpogns davent da la Val Russein. A quella conquista legendara deditgeschan ils «Cuntrasts» dus films. L'emprim film raquinta l'istorgia da la primascensiun, undrescha ses eroxs ed ils merits dal pader alpinist. Ils aventuriers eran equipads cun in fist da viandar enferrà, chalzers auts bain adattads als pes e cun in toc taila per proteger la fatscha dad arsas dal sulegl – era quai mussa il film. ------------------------------------------------------------------------------------------- Am 1. September 1824 gelang den beiden Gemsjägern Augustin Biscuolm aus Disentis und Placi Curschellas aus Trun die Erstbesteigung des Tödi. Der Benediktinerpater Placi a Spescha, ein Pionier des Alpinismus, wies ihnen die erfolgversprechende Aufstiegsroute. Für den 72-jährigen Pater war die Tour auf seinen innigst ersehnten Berg zu beschwerlich. Mit einem Fernrohr beobachtete er von der Val Russein aus, den Erfolg seiner beiden Bergkameraden. Dreizehn Jahre später eroberten auch die Glarner den Tödi von ihrer Seite aus. Der erste Teil des Films erzählt die Geschichte dieser Erstbesteigung, würdigt ihre Helden und die Verdienste des Frühalpinisten Pater Placi. Ausgerüstet waren die Abenteurer mit einem beschlagenen Wanderstock, hohen und gutsitzenden Schuhen und einem Stück Stoff, um das Gesicht vor Sonnenbrand zu schützen – auch das zeigt der Film.

Mit der 13. AHV-Rente, mit der neuen Sicherheitslage und mit der demografischen Entwicklung ist eines klar: Der Bund braucht Geld. Woher nehmen? Steuererhöhung oder rigoroses Sparprogramm? SP-Nationalrat Jon Pult, Mitte-Nationalrat Martin Candinas, SVP-Nationalrat Roman Hug und FDP-Nationalrätin Anna Giacometti diskutieren darüber in der Sendung «Controvers» aus Bern.

Visita sin il Pass dal Bernina suenter in enviern cun blera naiv. – Jessica Zuan survegn il Premi grischun da litteratura. – Felice Zenoni ha tschertgà per ils Cuntrasts documents filmics dal Grischun.

Ina scolina bilinga damain a Cuira – Flurina Hürlimann ha in studio da tattoo – Cuntrasts cun il percussiunist Carlo Caduff

Giuliana Werro da Zernez ha fatg il meglier resultat da sia carriera a la Tour de Ski a Tavau. Ed: 30 onns impuls. Dapi trais decennis datti mintga di in impuls sin RTR. L'emissiun Cuntrasts deditgescha in film als texts curts.

Das Duell zwischen dem Bündner SP-Nationalrat Jon Pult und dem Basler SP-Regierungsrat Beat Jans verspricht eine der spannendsten Bundesratswahlen der jüngeren Geschiche. Wer macht in den Tagen vor der Wahl mehr Punkte? Wie positionieren sich die Parteien? SP-Nationalrat Jon Pult im Interview. Mitte Nationalrat Martin Candinas, SVP Nationalrat Roman Hug und FDP Nationalrätin Anna Giacometti diskutieren darüber in der Sendung «Controvers» aus Bern.

Essas oz gia stads cun il satg da rument? Savais Vus nua che quel va a finir ed a tge ch'el serva anc? Nus avain gì mirveglias e perquai ha ina squadra dals Cuntrasts passentà in di en la merda. La reportascha da 24 uras mussa in tipic di da stad en l'ardera da rument da la Gevag a Trimmis. Nus inscuntrain ina grifla che tschiffa whirlpools e giaccas da polizia, ina pigna da 1'000 grads e surtut dunnas ed umens che procuran che las passa 100'000 tonnas rument che las Grischunas ed ils Grischuns produceschan mintg'onn vegnian nizzegiadas uschè bain sco pussaivel. Cun dismetter il rument grischun vegnan producids 3,5% da l'electricitad grischuna – ed er Voss satg da rument na va betg be simplamain si ed or da chamin.

In der Schweiz können bis Ende Jahr rund 200'000 Stellen nicht besetzt werden. Der Arbeitskräftemangel betrifft in der Zwischenzeit fast alle Branchen und wird gerade in den Randregionen zum Riesenproblem. Wie kann die Politik gegensteuern? Bringt eine Finanzierungshilfe des Bundes bei den Krippen die Mütter zurück in den Beruf? In der Sendung «Controvers» diskutieren die Nationalrätin SP Sandra Locher-Benguerel, der Ständerat Mitte Stefan Engler und der Ständerat FDP Martin Schmid.

En Svizra mancan enfin la fin da quest onn 200'000 forzas da lavur. Tge po la politica far per schliar quest grond problem? In'idea è: Sustegnair famiglias finanzialmain, sch'ellas dattan lur uffant en canorta, per ch'ils geniturs possian lavurar dapli. Ma funcziuna quai? Martin Schmid da la PLD, Sandra Locher-Benguerel da la PS e Stefan Engler da l'AdC èn giasts en il «Controvers» da Berna. Redacziun e moderaziun: Andri Franziscus

Co cuntanscher las finamiras da la Cunvegna da Paris davart il clima? Betg uschè sco ch'igl è previs en la nova lescha davart la protecziun dal clima, di la PPS. Da realisar quella lescha saja bler memia char e fetschia vegnir malsegir il provediment d'energia. Nus discutain cun: Anna Giacometti da la PLD, Magdalena Martullo-Blocher da la PPS e Jon Pult da la PS èn giasts en il «Controvers» da Berna. Redacziun e moderaziun: Andri Franziscus

Trais onns suenter l'entschatta da la pandemia è corona per ils blers da nus lunsch davent, prest emblidà èn ils certificats, las mascrinas e las quarantinas. Quai na vala dentant betg per tuts, per insaquants ha corona nagina fin. Els han pers lur anteriura vita, els han long-Covid. La passiunada coiffeusa Myriam Egli-Cavelti da Sagogn è ina dad els. Dapi sia infecziun da corona il 2020 n'è ella betg capavla da lavurar. Las forzas limitadas ed ils divers mals sforzan ella da restar a chasa, ma er en chasa lubescha la malsogna paucas lavurs. Cuschinar per la famiglia va mintgatant, dentant be cun agid dals uffants u ses partenari. Gnanc ir a spass cun ils chauns è adina pussaivel. Per mitigiar in pau ses orribel mal il chau lascha ella durmentar regularmain in nuf da gnerva. En ils «Cuntrasts» dat Myriam Egli-Cavelti invista a ses mintgadi bullà cumplainamain da la malsogna long-Covid.

Esser scolastA è bain ina professiun impurtanta e bella? Tuttina ston ils manaders / las manadras da scola ir en schanuglias per pudair occupar las plazzas libras a moda cuntentaivla. Pertge è quai uschia? È questa professiun daventada uschè nunattractiva? Il team dals «Cuntrasts» ha visità manadras e manaders da scolas en differentas regiuns dal chantun per vegnir a savair co ch'i va per il mument cun lur incumbensa e cun tge sentiments ch'els guardan en il futur. En fitg bleras scolas èsi ina sfida d'occupar plazzas libras cun persunas d'instrucziun che han la scolaziun pedagogica necessaria. E questa situaziun daventa onn per onn pli acuta. Interessantamain n'han betg tut las scolas ils medems problems d'occupar plazzas ch'èn vegnidas libras. I dat lieus attractivs e main attractivs. Tge giavischs e tge resalvas ch'ils magisters e las magistras futuras han e tge pretaisas areguard lur lieu d'instrucziun preferì, avain nus dumandà studentas e students da la scola auta da pedagogia dal Grischun. A la scola primara da S-chanf avain nus vulì savair, sche la professiun da scolastA è daventada uschia nunattractiva? Na, è la clera resposta stada tar tut las magistras presentas. Anzi, esser scolastA è, respectivamain sa esser ina professiun da bellezza. Tge ch'è il recept da success a S-chanf, mussan ils «Cuntrasts» da dumengia proxima.

Per Emanuel Nay èn ses mauns ses instruments da lavur ils pli impurtants: «Cun mes mauns intermediesch jau savida ed jau sun fitg, fitg motivà da far quai», di il magister senza udida ch'instruescha a Turitg scolaras e scolars senz'udida. Tanja Zentriegen da Cuira ha in mintgadi tut different. Ella è avisada dapi 18 onns sin la sutga cun rodas. Grazia al sustegn da ses chaun d'assistenza «Bond» sa ella dentant tuttina viver da moda autonoma. En ils «Cuntrasts» dattan Tanja Zentriegen ed Emanuel Nay invista – en lur vita, lur mintgadi e co ch'igl è a viver cun in impediment. Ils ulteriurs trais purtrets da la seria «Mia vita, mes mintgadi – viver cun impediment», quels da Cilgia Nuotclà, Pascal Leinenbach e Matteo De Pedrini chattais Vus sin www.rtr.ch.

Ils 10 da schaner è stà in di sco tut ils auters en l'ARGO a Cuira. En il lavuratori ha Pieder pachetà spaletschaders en stgatlas da chartun. Gabriel ha emprendì en la scola per emprender d'abitar e far il co lavar il palantschieu e Theresina ha zambregià en l'atelier dals pensiunads ina mascarada. Da la damaun baud enfin la saira tard han ils «Cuntrasts» documentà quest mintgadi.

Cun 16 onns ha Corsin Tuor dastgà diriger l'emprima gia in marsch tar la Societad da musica Trun. Suenter in pèr tacts perda el la survista. Questa emprima emprova na tementa betg il giuven Corsin. Pauc pli tard fundescha el il Quartet instrumental da Trun ed in pèr onns pli tard il Cerchel musical da la Surselva. Oz è Corsin Tuor in dirigent renconuschì en la scena da brass naziunala ed internaziunala. El è schef-dirigent da la Bayerische Brass Band Akademie ch'è dapi onns campiun da la Germania. Medemamain è el dirigent dad ina da las pli excellentas bands austriacas e dapi 11 onns dirigia el la Brass Band Berner Oberland (BBO), ina da las pli capablas brass bands da la Svizra tudestga. Il film da «Cuntrasts» raquinta da la passiun da Corsin Tuor ed accumpogna el e la BBO a lur ultima concurrenza svizra da brass communabla a Montreux, nua che lur speranzas na sa cumpleneschan betg dal tut. In film da Bertilla Giossi

«Na sun jau betg tut spalada?», dumonda Johanna Petschen-Cathomas avant mintga filmada. Esser rugalada bain, sco ella di, saja impurtant – era uss cun 102 onns. Per il film da «Cuntrasts» ha Paula Nay accumpagnà sia tatta durant plirs mais cun la camera. «Jau sun cuntenta cun mia vita e na poss betg chapir, ch'jau sun vegnida uschè veglia». In recept per la cuntentientscha n'ha Johanna betg, dentant: Ella ha realisà quai ch'ella ha vulì – sulet maridar na vuleva ella mai. «Jau n'hai betg gì be rosas en mia vita, sun dentant adina stada persvadida che suenter mintga plievgia vegn il sulegl».

Il president dal Cussegl naziunal Martin Candinas è sin visita tar l'emissiun «Controvers». Co vul el furmar ses onn da presidi? Co vegn el a sias decisiuns? E tge vegn suenter?

Ina chara persuna svanescha e resta nunchattabla. Ina situaziun inimaginabla! E tuttina, persunas svaneschan e na turnan mai pli. Avant 8 onns è Luzia Lutz svanida. Suenter far cumissiuns en in center da cumpras cun ses um, è ella ida sin tualetta e mai pli turnada. Tuttas retschertgas da la famiglia e da la polizia n'han purtà nagut. Fin oz resta la famiglia enavos cun las regurdientschas vi da lur mamma e dunna. La preistorgia da Luzia Lutz raquinta d'in destin tragic, d'in lung cumbat cunter problems psichics. Er sche tut ils indizis da las differentas retschertgas inditgeschan e lain sminar che la dunna da 58 onns ha pli probabel fatg suicidi ils 04 d'october 2014, resta fin oz l'intschertezza. Tge è propi capità? Il film dals «Cuntrasts» mussa l'istorgia da la spariziun da Luzia Lutz da l'impussanza da la famiglia che resta enavos.

Rita Christen è in'excepziun. Ella è ina da las paucas dunnas guidas da muntogna. En Svizra èn quai mo gist 40, mo 2.5% dals guids svizzers èn dunnas. E lura quai: Avant dus onns elegia la Federaziun svizra dals guids da muntogna ina dunna sco lur presidenta, Rita Christen da Mustér. Sia elecziun ha procurà per massa reacziuns en las medias, tuttas unanimamain positivas. Il film dals «Cuntrasts» dat in'invista en sia lavur da presidenta, el mussa dentant era la guida Rita Christen en ses ravugl famigliar e durant sia disciplina preferida, il raiver. Nus emprendain ad enconuscher ina dunna plain vita, cun ina gronda passiun per ils culms, cun ina energia nunstanclentaivla e nus accumpagnain ella sin la ruta da raiver «Schildkrötengrat».

Vers la fin da l'enviern pudess in blackout daventar realitad. Perquai datti gia uss appels da spargnar energia. Ma tge far, sche quai na tanscha betg? Tgi survegniss anc forza, tgi betg? E tge mesiras dovri ussa a lunga vista?

Die Diskussion um eine mögliche Stromknappheit in der Schweiz erhitzt die Gemüter. Alle schieben sich schon jetzt den schwarzen Peter zu, falls es zum Blackout kommt. Was für kurzfristige Massnahmen braucht es? Welcher Strom-Mix ist in Zukunft gefragt? SP-Nationalrat Jon Pult, SVP Nationalrätin Magdalena Martullo-Blocher und FDP-Ständerat Martin Schmid diskutieren darüber in der Sendung «Controvers» aus Bern. Moderation und Redaktion: Andri Franziscus

Trais mais guerra ed adina dapli discussiuns, tge che quai signifitga per l'avegnir. Insatge para numnadamain cler: Sco avant na vegni betg pli ad esser. Tge vul quai dir per la neutralitad da la Svizra, per l'armada ed er per il Cussegl federal? Stefan Engler (AdC) e Sandra Locher-Benguerel (PS) èn giasts en il «Controvers» da Berna. Redacziun e moderaziun: Andri Franziscus

Per ses giubileum da 150 onns avra il Museum retic las portas da ses deposit per ils «Cuntrasts», in deposit cun radund 90'000 objects. I dat da scuvrir rauba antica, dentant er ina frestgera ed in tschitschapulvra dals onns 60. I dat d'intervegnir, daco ch'ina tretscha po esser in privel per la restauratura. I dat da vesair l'unic Sennentunschi enconuschent en l'intschess alpin. I dat d'admirar cun il martgadant d'antiquitads la pli gronda collecziun da truccas grischunas. Il deposit dal Museum retic, in mund plain istorgia ed istorgias.

Ils 8 da zercladur 1872 avra il Museum retic, l'emprim museum dal Grischun, sias portas. Da lez temp vegniva exponì sulettamain en ina stanza. Cun ils onns è la collecziun creschida ad in crescher ed oz posseda il museum radund 100'000 objects. Da tutta sorts iseglia purila, l'entira paletta da guaffens da mintga mastergn, x-variantas dal tegnairchasa, munaida tut a dubel, monduras vegliandras e gist anc purtadas, emprims apparats electronics ... la glista na prenda nagina fin. La pitschna part dals objects è exponida en ils locals dal museum, la gronda massa è deponida en il deposit. Per ses giubileum da 150 onns avra il Museum retic las portas da ses deposit e lascha scuvrir ils «Cuntrasts» in mund plain istorgia ed istorgias, in mund fullanà cun objects prezius, custaivels, bizars, scurrils, spectaculars ed era da quels tut banals.

Ils 8 da zercladur 1872 avra il Museum retic, l'emprim museum dal Grischun, sias portas. Da lez temp vegniva exponì sulettamain en ina stanza. Cun ils onns è la collecziun creschida ad in crescher ed oz posseda il museum radund 100'000 objects. Da tutta sorts iseglia purila, l'entira paletta da guaffens da mintga mastergn, x-variantas dal tegnairchasa, munaida tut a dubel, monduras vegliandras e gist anc purtadas, emprims apparats electronics ... la glista na prenda nagina fin. La pitschna part dals objects è exponida en ils locals dal museum, la gronda massa è deponida en il deposit. Per ses giubileum da 150 onns avra il Museum retic las portas da ses deposit e lascha scuvrir ils «Cuntrasts» in mund plain istorgia ed istorgias, in mund fullanà cun objects prezius, custaivels, bizars, scurrils, spectaculars ed era da quels tut banals.

En il format nov da Cuntrasts cun il titel «CRASS» As envidain ad in gir tras ils precipizis dal sistem mobing. Victimas laschan reviver lur regurdanzas dolurusas a las schicanas permanentas e sistematicas. Persunas spezialisadas dattan scleriment davart ils mecanissems da mobing e tgi che daventa victima e tgi iniziant dal mobing, e nus As faschain entrar en il mund anonim e brutal dal cybermobing. Mobing capita mintga di, dapertut. Mintgina e mintgin po esser pertutgada, tuttina èsi anc adina in tema da tabu. Temp ed ura da vesair las realitads.

Partids eran els en trais per conquistar in sez en la regenza grischuna: Il Mister Corona Martin Bühler, la presidenta communala ed unica dunna Carmelia Maissen ed il president communal da Trimmis, Roman Hug dal PPS sco sfidader. La dumengia passada ha il suveran grischun dentant decidì da vulair laschar finir mo a dus dad els la cursa cun success. Fertant che Martin Bühler ha defendì il sez da la PLD cun in resultat da pumpa e che Carmelia Maissen da l'AdC ha fatg flucs cun la bastiun masculina en la regenza grischuna, n'han las Grischunas ed ils Grischuns betg sa laschà persvader d'ina regenza cun il PPS e ses candidat Roman Hug. Ils resultats èn clers. La via tar quels è stada lunga ed intensiva – cunzunt per ils dus novizs e la noviza. Per ils «Cuntrasts» han els trais laschà dar ad Isabelle Jaeger in cuc sur lur spatlas, en il mund dal cumbat electoral.

Sch'el n'avess betg interess vi dal relasch da Heinrich Schmid? Ina Whatsapp cun quella dumonda ha sveglià la mirveglia da l'autur Casper Nicca. Heinrich Schmid (1921-1999) era il professer da Turitg che ha creà la basa per il rumantsch grischun, quasi il bab dal rumantsch grischun. El è pia quel uman che ha influenzà la Rumantschia ils davos 40 onns sco paucs auters. Ma tgi era quel Heinrich Schmid? Partent dal relasch da Heinrich Schmid va Casper Nicca en il film per ils «Cuntrasts» a la tschertga dals fastizs dal professer prest emblidà. El discurra cun ils protagonists da lezzas uras, cun studentas ed enconuschents da Heinrich Schmid dal temp, cura ch'il rumantsch grischun è vegnì stgaffì. Ed el senta: il professer da la Bassa, ch'era in scheni da linguas, malgrà ch'el udiva mal, n'è betg emblidà ed el sveglia anc oz las emoziuns da quels che enconuschevan el.

Ils 19 da favrer 2022 ha la Viafier retica transportà 4'225 vehichels tras il tunnel dal Vereina – in di da record. Per che tut funcziunia, han procurà quel di il schef dal transport d'autos al Vereina, Simon Rohner, cun 9 chargiaders da tren, 6 cassieras, 6 persunas da la Securitas e 7 cadettas e cadets da traffic, e quai als dus portals a Selfranga sper Claustra ed a Sagliains sper Lavin en l'Engiadina Bassa. E cunquai che tut è collià in cun l'auter, èn er anc ina dunsaina da maschinists e la centrala da gestiun a Landquart da la partida. Da l'emprim tren d'autos a las 05:05 fin a l'ultim la notg a las 00:40 han ils «Cuntrasts» documentà quest di da nar – tranter frains a maun stinads, management da colonnas, da quels cun e senza pazienza ed ina squadra ch'è campiunessa da «far il tischlen» --- «far il tischlen»? Guardai ils «Cuntrasts», «come on, come on!».

Suenter ch'il pachet per las medias ha fatg naufragi, vegn lavurà vi dad alternativas. Tge vul quai dir per las chasas da medias en il Grischun? E tge per las medias rumantschas? Martin Schmid dal PLD e Jon Pult dal PS èn giasts en il «Controvers» da Berna.

Nach dem Nein zum Medienpaket bleibt die Frage nach dem Plan B. Welches könnten die Lösungen für kleinere Verlage in Graubünden sein? Und wie sieht es bei den rätoromanischen Angeboten aus? Ohne staatliche Hilfeleistungen werden diese wohl über längere Zeit nicht überleben. SP-Nationalrat Jon Pult und FDP-Ständerat Martin Schmid diskutieren darüber in der Sendung Controvers aus Bern. Moderation: Andri Franziscus.

En ina seria purtreteschan ils «Cuntrasts» quest onn duos artistics. L'entschatta fan Madalena e Nik Steven. Dapi 40 onns fa il pèr e duo artistic tras communablamain ils auts e bass da la vita. Ina vita che sa nutrescha da l'art. Lur gronds projects communabels: sanar chasas veglias. Tschintg han els gia fatg. La pli giuvna, ed en il medem mument pli gronda ovra communabla, è il Convento de San Lorenzo. Ina claustra en la Spagna or dals onns 1'400, ch'els han cumprà e sanà durant ils ultims set onns. Sanar e vender chasas veglias – quai che tuna sco in plan – è stà per il pèr d'impurtanza d'insumma savair surviver. Petra Rothmund ha visità Madalena e Nik Steven en la Catalugna.

Ils resultats da tschertas votaziuns mussan in foss tranter las regiuns da muntogna e las citads grondas. La PPS va perfin uschè lunsch e descriva las abitantas ed ils abitants da las citads sco «parasits». Co èsi vegnì uschè lunsch e co pudess ins schliar questa situaziun? Quai è il tema en il proxim «Controvers». Magdalena Martullo-Blocher, cussegliera naziunala PPS, Jon Pult, cusseglier naziunal PS e Stefan Engler, cusseglier dals chantuns AdC discutan en il «Controvers». Redacziun e moderaziun: Andri Franziscus

«Arjago» è tar il dentist, «Ivory» vegn operà d'in tumor e da «Muffin» èsi da prender cumià – il mintgadi usità en ina clinica. En quest cas èn ils pazients e las pazientas dentant animals: «Arjago» è in chaval, «Ivory» ina chogna cocker-spaniel e «Muffin» in giat. Lur tractament è il mintgadi dals profis da la Clinica Alpina a Scuol. 365 dis ad onn èn els ed ellas en servetsch per il bainstar dals animals engiadinais. Durant in da quels dis, durant 24 uras, ha in team dals «Cuntrasts» accumpagnà il schef da la clinica Beni Biner, la veterinaria Francesca Zala-Tannò e ses collega Men Bischoff e l'assistenta veterinara Marisa Tscholl. Ina reportascha da lur mintgadi tranter mort e vita.

La nova exposiziun da Mirko Baselgia Il cuirass d'ina tartaruga che consista da millis retagls da gasettas. Il bist d'in pign maltractà dal bau scorsa culà en latex. In maletg da cuntrada creà cun squamas da lain en in spazi radund. Quai èn mo trais da las ovras che l'artist Mirko Baselgia mussa en sia nova exposiziun en il Kunst(Zeug)Haus a Rapperswil-Jona. Tut sias ovras èn vegnidas realisadas sut grond squitsch da temp durant ils davos mais en las localitads da l'anteriura scola d'Alvaschagn. Igl ha duvrà buna gnerva e l'agid da blers gidanters e gidantras per terminar las ovras ad uras. L'emissiun «Cuntrasts» accumpogna la producziun da las lavurs enormamain pretensiusas e mussa tge impurtanza ch'il tema «pel» ha per Mirko Baselgia.

Dad A sco Arnold fin Z sco Zumthor – las fatschas dal Muschkito En il Muschkito sa scuntrava ils onns 90 la crème de la crème da la Rumantschia – il trio dals Muschkitiers, Beat Manetsch, Claudia Knapp e Gieri Venzin, è vegnì cumplettà dals moderaturs sco Arnold Rauch, Bruno Cathomas u René Schnoz e da las vuschs da Maria Cadruvi ed Ernst Denoth, secundà dad experts sco Alexi Decurtins, Men Jon Schmid, Felix Giger, Chasper Pult e Peter Zumthor, inspirà da prominenza sco l'uvestg Wolfgang Haas, il vicari general Vitus Huonder u il chantadur Vico Torriani, sustegnì da persunalitads sco Flurin Spescha, Clo Duri Bezzola, Göri Klainguti, Beni Vigne, Hades, CCR, Corin Curschellas, Cla Mosca, Iso Camartin, Peider Ratti e Mariano «Dolores» Tschuor. En la quarta ed ultima part da la seria da stad dals «Cuntrasts» dain nus anc ina giada in cuc sin il «Muschkito e sias fatschas». Dapli da lur istorgias, regurdanzas e risadas ed insumma tut la seria da stad chattais Vus en la rait: www.rtr.ch – e là chattais Vus er tut las piztgadas dal «Muschkito» dals onns 90, da quel animal che deva da discutar quella giada tant sco oz luf ed urs ensemen.

Dad A sco Arnold fin Z sco Zumthor – las fatschas dal Muschkito En il Muschkito sa scuntrava ils onns 90 la crème de la crème da la Rumantschia – il trio dals Muschkitiers, Beat Manetsch, Claudia Knapp e Gieri Venzin, è vegnì cumplettà dals moderaturs sco Arnold Rauch, Bruno Cathomas u René Schnoz e da las vuschs da Maria Cadruvi ed Ernst Denoth, secundà dad experts sco Alexi Decurtins, Men Jon Schmid, Felix Giger, Chasper Pult e Peter Zumthor, inspirà da prominenza sco l'uvestg Wolfgang Haas, il vicari general Vitus Huonder u il chantadur Vico Torriani, sustegnì da persunalitads sco Flurin Spescha, Clo Duri Bezzola, Göri Klainguti, Beni Vigne, Hades, CCR, Corin Curschellas, Cla Mosca, Iso Camartin, Peider Ratti e Mariano «Dolores» Tschuor. En la quarta ed ultima part da la seria da stad dals «Cuntrasts» dain nus anc ina giada in cuc sin il «Muschkito e sias fatschas». Dapli da lur istorgias, regurdanzas e risadas ed insumma tut la seria da stad chattais Vus en la rait: www.rtr.ch – e là chattais Vus er tut las piztgadas dal «Muschkito» dals onns 90, da quel animal che deva da discutar quella giada tant sco oz luf ed urs ensemen.

Las iniziativas cunter pesticids pretendan in’agricultura pli ecologica en Svizra. Oravant tut l’aua daventass cun quai pli netta. Dentant: Senza pesticids na va quai betg, pretendan da tschella vart blers purs. Jon Pult, cusseglier naziunal dal PS e Stefan Engler, cusseglier dals chantuns da l’Allianza dal Center discutan en il «Controvers». Redacziun e moderaziun: Andri Franziscus

Las iniziativas cunter pesticids pretendan in’agricultura pli ecologica en Svizra. Oravant tut l’aua daventass cun quai pli netta. Dentant: Senza pesticids na va quai betg, pretendan da tschella vart blers purs. Jon Pult, cusseglier naziunal dal PS e Stefan Engler, cusseglier dals chantuns da l’Allianza dal Center discutan en il «Controvers». Redacziun e moderaziun: Andri Franziscus

Da mattetta tgirava Petra Battaglia sias poppas, Anita Pedretti era gia en scolina en il chantun da l’ospital e Fabiana Sac gidava gia adina gugent als umans. Oz lavuran las trais dunnas en la tgira – en la Chasa d’attempads a Savognin, tar la Spitex en Engiadin’Ota e sin la staziun da pandemia da l’Ospital chantunal a Cuira. Ellas trais tutgan tar quellas persunas, senza las qualas i na va betg – las persunas che lavuran en la tgira. Corona ha accentuà lur valur. Tuttina regna anc savens l’idea che lavurar en la tgira saja metter si plasters, lavar pazients ed als dar medicaments. Il mintgadi, ch’ellas trais han laschà observar ad Isabelle Jaeger per ils «Cuntrasts», mussa bain spert ch’il mastergn da la tgirunza na pretenda betg be engaschi, ma ina passiun per la tgira.

Relevant per il sistem – co vai cun il persunal da tgira? In onn suenter il lockdown è RTR sa deditgà a questa dumonda en in «Controvers spezial». Expertas ed experts han discutà en duas pitschnas rundas davart las sfidas da la tgira. Il video da la discussiun suonda proximamain. _______________ Ein Jahr Corona heisst auch ein Jahr Pflege am Limit. Wie war dieses spezielle Jahr für die Alters- und Pflegeheime oder die Spitäler? Nach der Sendung «Cuntrasts», die sich auch mit diesen Fragen befasst, diskutieren Expertinnen und Experten im Studio. In einer ersten Runde stehen die kleinen Spitäler und die Alters- und Pflegeheime im Zentrum, in einer zweiten die politischen Fragen in Zusammenhang mit der Pflege. Andri Franziscus diskutiert mit: – Claudia Tomaschett, Heimleiterin Alters- und Pflegeheim Ilanz; – Urs Cadruvi, Direktor Spital Schiers; – Renate Rutishauser, Präsidentin Berufsverband der Pflegefachfrauen und Pflegefachmänner Sektion Graubünden; und – Martin Schmid, Ständerat (FDP) und Präsident des Verwaltungsrats Kantonsspital Graubünden.

Relevant per il sistem – co vai cun il persunal da tgira? In onn suenter il lockdown è RTR sa deditgà a questa dumonda en in «Controvers spezial». Expertas ed experts han discutà en duas pitschnas rundas davart las sfidas da la tgira. Il video da la discussiun suonda proximamain. _______________ Ein Jahr Corona heisst auch ein Jahr Pflege am Limit. Wie war dieses spezielle Jahr für die Alters- und Pflegeheime oder die Spitäler? Nach der Sendung «Cuntrasts», die sich auch mit diesen Fragen befasst, diskutieren Expertinnen und Experten im Studio. In einer ersten Runde stehen die kleinen Spitäler und die Alters- und Pflegeheime im Zentrum, in einer zweiten die politischen Fragen in Zusammenhang mit der Pflege. Andri Franziscus diskutiert mit: – Claudia Tomaschett, Heimleiterin Alters- und Pflegeheim Ilanz; – Urs Cadruvi, Direktor Spital Schiers; – Renate Rutishauser, Präsidentin Berufsverband der Pflegefachfrauen und Pflegefachmänner Sektion Graubünden; und – Martin Schmid, Ständerat (FDP) und Präsident des Verwaltungsrats Kantonsspital Graubünden.

Da mattetta tgirava Petra Battaglia sias poppas, Anita Pedretti era gia en scolina en il chantun da l’ospital e Fabiana Sac gidava gia adina gugent als umans. Oz lavuran las trais dunnas en la tgira – en la Chasa d’attempads a Savognin, tar la Spitex en Engiadin’Ota e sin la staziun da pandemia da l’Ospital chantunal a Cuira. Ellas trais tutgan tar quellas persunas, senza las qualas i na va betg – las persunas che lavuran en la tgira. Corona ha accentuà lur valur. Tuttina regna anc savens l’idea che lavurar en la tgira saja metter si plasters, lavar pazients ed als dar medicaments. Il mintgadi, ch’ellas trais han laschà observar ad Isabelle Jaeger per ils «Cuntrasts», mussa bain spert ch’il mastergn da la tgirunza na pretenda betg be engaschi, ma ina passiun per la tgira.